رواية من الوحده للحب بقلم نوران أحمد حصريه وجديده وكامله جميع الفصول علي مدونة النجم المتوهج للروايات والمعلومات
 |
يلا نبدا اول حلقتنا بالصلاه على النبي
🔴🔴🔴🔴🔴🔴🔴🔴🔴🔴🔵
انا كارمن حظي دايما وحش مثلا اهلي ماتو وانا صغيره وانتقلت لدار ايتام والدار ولعت بعد ما دخلتها بشهر ودائما كل حاجه بتمناها بيحصلي العكس دخلت كليه مبحبهاش ومحدش كان بيحبني ولا مره ارتبط عايشه في ايجار ومديونه واخيرا اشتغلت في شركه كويسه جدا بس انا بشتغل لكل الموظفين شغلهم وبتهزق دايما من المدير وطالع عيني طول عمري ساعات كتير بتمني الموت بس ده حرام مهما كانت الحياه صعبه اكيد انا قدها وان شاء الله الدنيا هتحلو هو اه أنا شخصيتي ضعيفه جدا وبخاف بس اكيد هلاقي العوض لكل حاجه حصلت في حياتي
ده المقال اللي كتبته علي الفيسبوك قبل الساعه 12 وبعدها بدأت سنه جديده من حياتي قررت فيها انسي كل اللي فات وهحاول احارب نفسي للوصول للشخصيه اللي عايزاها
نزلت بحماس ولقيت شاب اشقر ماسك ايد بنت قولت بس هي دي فرصتي عشان اثبت لنفسي اني اتغيرت
كارمن : ا ا ا انت يا استاذ يا وحش يا قليل الادب عيب تمسك ايد بنت مامتك مش علمتك الكلام ده
مرام : علي فكره ده ابن خالي
حاسيت أن جسمي كله سخن وداريت وشي وجريت بسرعه من قدامهم
ضحك مراد كتير
مرام : أنت اهبل يلا بتضحك علي اي
مراد وهو لسه بيضحك : مش متخيل شاب يعاكس البنت دي وتقوله انت وحش مسخره مش مصدق أن في بنات لسه من العصور الوسطى زيها بس مزه
مرام بضيق : تصدق انك تافهه
مراد : اصبري بس ارجعي البيت معايا وانا هسمع كلامك يا ستي اخلص
مرام بفرحه :احلف هتنزل شغل يا مراد بجد هتبطل سرمحه وري الحريم ياض انت
مراد : ده لو ليا اخ مكنش قال الألفاظ دي يا شيخه ابو شكلك
مرام : انت وعدت هتنزل الشركه الجديده تشتغل زيك زي اي موظف وتشيل مسؤوليه شويه مفيش سهر يا زفت
مراد : هفكر
★★★★★★★★★★★★★★★★★★★
فضلت طول ما انا ماشيه افتكر الموقف الغبي اللي عملته كسفه كبيره اوي روحت الشركه لقيت تغييرات كتيره فيها كنت مستغربه بس عرفت أن في مدير جديد للشركه حمدت ربنا أني مش هشوف البومه ده تاني
فضلت علي مكتبي بشتغل لحد ما لقيت نفس الشاب اللي اتكسفت قدامه الصبح موجود قلقت واستخبيت تحت المكتب كأني بدور علي قلم
مراد بابتسامه راح ناحيتها ورزع بأيده علي المكتب جامد ف قامت بسرعه وخبطت دماغها
كارمن بالم : اااه
مراد : بتستخبي ليه
كارمن بضيق : ملكش دعوه
ابتسم مراد علي لطافتها قد اي هي طفله بريئه اوي سمع صوت رن
مراد بضيق : مش ملاحظه انك بقيتي رغايه اوي
مرام : روحت الشركه ولا لا يا مراد
مراد بضيق : والله فيها طمني خالك
مرام : طب بيني وبينك انت مش هتلتزم حرام ابوك
ابتسم مراد وهو بيبص لمنه وقال : لا طبعا هلتزم جدا في الشغل هو في احلي من الشغل
مرام : مش مرتحالك ياض انت
مراد : مرام احب اقولك اني قفلت السكه في وشك
مرام : مراد متستهبلش مراد ........
فضل مراد طول اليوم متنح بابتسامه علي وشه لكارمن مستغرب في حد طيب وبرئ وجميل اوي كدا
اول ما خلصت وبدأت تمشي فضل طول الطريق ماشي معاها ولما ركبت ركب جنبها وهي ده كله مش واخده بالها ومركزه في حاجات تانيه خالص لحد ما نامت علي كتفه فضل باصص عليها طول الوقت لحد ما فتحت عينها ووقفت الاوتوبيس ونزلت جري فضل يبص عليها من بعيد والابتسامه مفرقتهوش
★★★★★★★★★★★★★★★★★★★
في مكان تاني
نزلت الطياره علي أرض مصر ورجع اخيرا فارس وهو من كبار رجال الأعمال رغم سنه الصغير قاسي جدا وعصبي وبارد بيحب شغله صفي كل أعماله في امريكا وقرر الاستقرار في مصر وبدأ بشركه صغيره
وفي يوم جديد دخل فارس الشركه
وكانت كارمن ماشيه بورق كتير في ايديها وكانت هتقع مسكها وكل حاجه وقعت علي الارض
سرح في عيونها الرماديه الجميله وافتكر بنت كان يعرفها زمان
اتكسفت كارمن وحست أن شكله مش غريب عليها فاقت علي صوت
تامر : انتي غبيه ومبتشوفيش اتفضلي اخلصي لمي الورق وانزلي جيبيلي فطار
كارمن بحزن : حاضر
وطت تلم الورق مسك ايديها فارس ووقفها جنبه
تامر : وحضرتك تطلع مين بقا أن شاء الله
فارس : الشغل اللي علي الارض ده بتاع مين
تامر : بتاعي
فارس : ومين اللي خلصه
تامر : حاجه متخصكش
فارس ببرود : لا تخصني اوي لما أبقا المدير ضروري اعرف كل حاجه عن موظفيني
تامر بتوتر : حضرتك المدير انا اسف جدا يا فندم
فارس ببرود : انزل لم الورق وانتي هاتيلي القهوه علي مكتبي
راحت كارمن عملت القهوه وخبطت تستأذن الدخول وسمح ليها
كارمن بصوت رقيق : القهوه يا فندم
فارس : انتي بتشتغلي اي هنا
كارمن بتوتر : انا تصميمات اداريه
فارس : حلو يعني مش مسؤوله عن تصوير ولا فطار ولا حتي عمل القهوه
اتكسفت كارمن : اه
فارس : وطالما اه بتعملي حاجه مش شغلك ليه
كارمن : بحاول اساعد حضرتك
فارس : انا شافهم بيعاملوكي مجرد خدامه مش زميله بتساعد
كارمن بدموع : انا اسفه مش قاصدي
اتصدم فارس نفس الجمله وشبه كبير ونفس الشعر بصلها فتره طويله وقال : انتي كرمله
احمرت خجلا وقالت : عرفت الاسم ده منين محدش يعرفه غير شخص واحد بس ده معناه
ابتسم فارس ابتسامه ساحره وبصلها بثقه
كارمن بفرحه : انت تعرف الحجر صاحبي
بصلها بضيق فارس : لسه غبيه زي ما انتي متغيرتيش
كارمن بابتسامه : ليه
فارس بغضب : اطلعي بره
طلعت كارمن وهي متضايقه جدا من تصرفه اي الشخص الرخم ده
ساره : بت يا كارمن المدير الجديد عامل اجتماع يلا
دخلت كارمن وهي مكسوفه ومتضايقه منه
فارس بحده : احب اعرفكم بنفسي فارس نصراوي مدير الشركه الجديد انا مبحبش الدلع ولا التغير حتي الطلبيات واي حاجه خاصه بالشغل تكون كامله في الوقت المحدد في وقت فاضي ربع ساعه تقدرو تجيبو اللي عايزينه وتاكلو غير كدا مرفوض ولو لقيت شخص بيعمل اي شغل مش من تخصصه هياخد جزي اسبوع أما صاحب الشغل فهو مطرود ومعنديش نقاش في الكلام ده انت جاي هنا تشتغل مش تلعب وتأمر اللي حواليك ياريت كلامي يكون مفهوم ونقدر نشتغل مع بعض بشكل كويس
اللي ماسك الحسابات يفضل وكلكم اتفضلو
ساره : يا باي رخم رخامه بس مز بشكل مش طبيعي
قعدت كارمن علي مكتبها متضايقه : اي ده بجد ده فارس اللي اعرفه
مراد بابتسامه : اي اللي مزعل القمر بس
بصتله بضيق وقالت : علي فكره عيب
كان بيبصلها من بعيد بضيق وهو بيفتكر
فلاش باك
كنت ماشي كئيب حزين ومش واخد بالي من العربيه اللي جايه اتجاهي وقفت مكاني مصدوم لحد ما لقيت بنت زقتني بسرعه بعيد وتجرحت
البنت : انت كويس
فارس : شكرا
البنت بابتسامه : خلي بالك وانت ماشي
فارس : مش هتفرق كتير في كل الاحوال النهار ده اوحش يوم في حياتي
البنت : ليه
فارس بسخريه : لانه عيد ميلادي
البنت بابتسامه : بجد كل سنه وانت طيب خدي الهديه دي ميداليه انا اللي عملتها بايدي علي فكره هتلاقي ايامك كلها اتغيرت و
قربت منه وقالت الميداليه دي هتمتص كل الحظ الوحش منك اضحك بقا
ضحك فارس لاول مره علي برائه البنت دي
البنت : انا كارمن وانت
فارس بابتسامه : فارس
كارمن : مبسوطه اوي تعرف انت اول صديق ليا يييي اتاخرت سلام
بعد ما خلص المدرسه شاف حد بيعيط بعيد راح هناك لقاها كارمن
فارس بضيق : بتعيطي ليه
كارمن بدموع : الولاد اللي في المدرسه ضربوني
فارس : عملتي اي
كارمن بدموع : اسفه والله مش قصدي بس ممكن فهموني غلط لاني طلبت العب معاهم
حط أيده علي وشه بيأس ومسك ايديها : وريني العيال دي فين
مشيت كارمن معاه وشاورت علي العيال اللي اول ما شافوها ضحكو وقربو منها ف استخبت وري فارس بخوف
بص فارس وراه وبص للعيال : انت ضربتوها
الولد : انت الفتوه بتاعها يعني
ضربه فارس لدرجه انه نزل دم خافو العيال وجريو فرحت كارمن وفضلت تتنطط بفرحه وجريت عليه حضنته وبسته بوسه علي خده
فارس بصدمه : اي اللي انتي عملتيه ده
كارمن : انت قوي وساعدتني والشخص الكويس لازم نشكره كدا
ابتسم فارس علي برائتها واتضايق وقال بغضب وهو ماسك ايديها : ممنوع تعملي كدا مع أي ولد انتي فاهمه
كارمن بدموع : انا اسفه مش قصدي انت انت فارس وحش
وجريت
باك
فاق علي صوت الباب
فارس : ادخل
دخل المسؤول عن الحسابات وبدأ يخلص معاه الشغل
★★★★★★★★★★★★★★★★★★
مراد : متضايقه ليه
كارمن بضيق : في شغل كتير مطلوب مني مش هلحق اخلصه وعايزه حد يعلمني علي البرنامج الجديد ده ومفيش حد موافق
مراد : طب لو ساعدتك
كارمن : بجد يا ريت
مراد : بس بشرط
كارمن بابتسامه : موافقه
مراد : هتتغدي معايا في فندق كاشكر
كارمن : مش المفروض مطعم
مراد : اه بس عشان محدش يشوفك ويضايقك ولا حاجه وبعدين انتي وافقتي خلاص
افتكرت كارمن
فلاش باك
روحت الدار ولقيت المس بتاعتي واقفه بعصايه وجنبها مريم
كارمن بخوف : هو في اي
المس بغضب : انتي حضنتي ولد في الشارع وبوستيه
كارمن كانت بتفرك ايديها بخوف وقالت : لا
مريم : كذابه يا مس انا شوفتها بعيني
المس : وكمان بتكدبي
سحبتها المس في اوضه فاضيه ونزلت فيها ضرب
كارمن بصراخ ودموع : انا اسفه انا اسفه مش قصدي اعمل حاجه غلط والله مش هعمل كدا تاني مش هعمل ابدا كدا تاني
فضلت كارمن تضرب طول الليل لدرجه مكنتش بتقدر تقوم تقف لمده يومين
باك
كارمن بسرحان : انت صح
فضل مراد جنبها لحد ما اتعلمت كل حاجه كانت فرحانه جدا مشي مراد وهي كملت شغل
فارس : كفايه كدا يلا اروحك
كارمن : لا شكرا هروح لوحدي
فارس بحده : كارمن
كارمن بخوف : متزعقش لسه زي ما انت وحش
فارس : وانتي غبيه
كارمن بضيق : اهو انت
فارس : قدامي يا كارمن
ركبت جنبه العربيه وهي متضايقه
فارس : ممكن افهم متضايقه ليه
كارمن : وعدتني انك مش هتسيبني وتمشي زيهم بس انت اول واحد عمل كدا
فارس : مكنش بايدي
فضلت باصه الناحيه التانيه بضيق
كارمن : ايوه هنا شكرا
نزلت ولقت جارتها واقفه ليها علي باب البيت
كارمن بابتسامه : ازي حضرتك يا طنط اتفضلي
الست : لا يا نور عيني انا جايه اقولك يا ضنايا الراجل المفتري صاحب البيت اجر البيت لواحد تاني وساب شنطه هدومك عندي
كارمن : شكرا يا طنط تعبتك معايا
طلعت علي اول الطريق تفكر هتعمل اي
فارس : مدخلتيش ليه
كارمن بتوتر : مستنيه واحده صاحبتي اديها حاجه
فارس : الشنطه دي
كارمن بتوتر اكبر : اه
راحت ناحيتها جارتها
الست : بقولك يا بنتي تعالي باتي عندي النهار ده والصباح رباح ابقي روحي اي مكان انتي عايزاه بدل الواقفه دي هتلاقي مكان فين تنامي فيه دلوقتي
اتكسفت كارمن وخافت اول ما اتكلم فارس
فارس : ليه يا حجه ما بيتها موجود
الست : يا ابني صاحب البيت منه لله طردها من غير ما تعرف يا حبه عيني
بصلها فارس بعيون غاضبه
خافت كارمن اكتر
فارس : شكرا يا حجه هي عندها بيت هتروح عليه يلا يا كارمن
كارمن بخوف : مش عايزه
فارس بغضب : كارمن
بدأت تترعش وركبت معاه للعربيه طول الطريق كانت خايفه وبتترعش اول ما وصلو ودخلت البيت
قفل الباب وبص ناحيتها بغضب فارس : بتكدبي عليا
كارمن بدموع : انا اسفه انا اسفه مش هعمل كدا تاني
بدأ يهدي لما شاف حالتها مش طبيعيه
فارس : مالك يا كارمن
كارمن بدموع : متضربنيش مش هعمل كدا تاني
فارس : انا عمري ضربتك
هزت راسها بلا
قرب منها ومسح دموعها بهدوء وقال : انتي عارفه كويس اوي اني من زمان بخاف عليكي وعمري ما اقدر ااذيكي بس ثقتي فيكي اتهزت لما كذبتي عليا مفيش اصلا حاجه تستاهل انك تكدبي وافرضي كنت صدقتك ومشيت كنتي هتنامي فين طب مش كان ممكن يقرب منك اي حد يضايقك أو تتأذي صح ولالا
كارمن وهي حاسه بالأمان والراحه بقربه : صح
فارس : اوعديني متكدبيش عليا تاني
كارمن : وعد
فارس : طيب الشقه اللي فوق خدي مفتاحها وادخلي واقفلي علي نفسك
هزت راسها بالموافقه ومشيت
فارس : لسه طيبه وطفله بريئه زي ما سبتك
دخلت كارمن الاوضه وقالت : اوعي ترجعي تحبيه يا كارمن هيسيبك لوحدك تاني زي ما عمل زمان
وافتكرت مراد وبابتسمت لانه طيب ودائما بيساعدها
في صباح يوم جديد صحيت كارمن وعملت فطار وكلو
كارمن : انا ماشيه بقا
فارس : استني هوصلك
كارمن : لالا شكرا انا هروح لوحدي عشان محدش من الموظفين يشوفنا وقبل ما يتكلم جريت علي بره سلام
وفي الشركه
مراد : علي معادنا النهار ده خلي بالك هزعل جدا لو عرفت انك مش قد كلامك
كارمن بابتسامه : متقلقش انا قد كلامي علي فكره
شافها فارس في الوقت ده وغضبه سيطر عليه ودخل المكتب بسرعه وكان بيكلم كل اللي حواليه بعصبية
وكلف كارمن بشغل زياده عن شغلها
كارمن : انسان مفتري ده كله ازاي هخلصه النهار ده
مراد : هساعدك فيهم
كارمن : لا علشان مش يزعق هكمله أنا
مراد وهو خارج : تمام بس هستناكي
كارمن بابتسامه : اوكي
خلصت الشغل اخيرا بس كان الوقت اتاخر وهو ده اللي كان عايزه فارس
فارس : الوقت اتاخر يلا علشان اروحك
كارمن : اخر حاجه هعملها وبعدين اروح اقدر تمشي انت اصلا مش رايحه البيت دلوقتي
فارس : ليه أن شاء الله الوقت اتاخر
كارمن : علي فكره انا مش مضطره خالص اني اقولك خط سيري
فارس : كا مدير ممكن لاكن كاصاحبك لازم تقولي
كارمن بضيق : طيب مراد عزمتي علي الغدا ف هروح
فارس : اي مطعم
كارمن : معرفش هو قال في فندق معين هيبعتلي رساله بالعنوان
فارس بضيق : ما شاء الله معاه رقمك
كارمن : اه احنا صحاب
فارس : قدامي علي البيت يا كارمن
كارمن : عندي ميعاد اسفه
مسكها فارس من دراعها جامد
كارمن : اه يا فارس ايدي انت ملكش اي حق تمسكني كدا ولا ليك اي حق تقولي اعمل اي ومعملش اي لو سمحت خلي في حدود بينا اكتر من كدا ولو علي بيتك انا بدور علي بيت وهمشي منه في اسرع وقت
قرب فارس منها اكتر وقال بعصبيه : انتي عارفه يعني اي تروحي لشاب فندق يا غبيه
اتوترت كارمن جدا من قربه ودق قلبها بعنف وقالت : ا انا واثقه فيه ملكش دعوه
الحلقة 2
.
.
رواية / من الوحده للحب
بقلمي / نوران احمد
علقوا هنا ب 10 ملصقات + رايك
يلا نبدا اول حلقتنا بالصلاه على النبي
🔴🔴🔴🔴🔴🔴🔴🔴🔴🔴🔵
حاول يهدي نفسه وقال : تمام فرصه حلوه تعرفيه علي اول صديق ليكي صح يلا عشان منتاخرش عليه
جت رساله ليها بالمكان خد فارس الفون وقال : يلا
وصلو للفندق واول ما شافها مراد ابتسم بإعجاب ولسه بيقرب منها لقا اللي وقف قدامه
فارس : اهلا يا حبيبي
مراد بغيظ : مين ده
فارس ببرود : مديرك
كارمن بابتسامه : ده صديق طفولتي حبيت اعرفكم علي بعض
بصله مراد بضيق
وفارس بيبصله بقرف
مراد : اهلا وبص لكارمن بابتسامه اي رايك نروح نأكل في اي مطعم بره
فارس ببرود : واي اللي اتغير معلش
مراد بضيق : شايف أن الجو جميل نتمشي ونأكل ولا اي رايك
كارمن : اوكي
وصلو المطعم وقعد مراد قدام فارس وكانت في عيونهم التحدي والغيظ خلع فارس الجاكت لتظهر عضلاته البارزه من القميص اتضايق مراد ورفع اكمامه عشان تظهر عروق ايده رفع فارس اكمامه لتظهر عروق يده اكتر اتعصب مراد وكان بيجز علي اسنانه بغضب وهما بيبصو لبعض
كارمن بابتسامه : هو في حاجه
بصلها الاتنين وفي وقت واحد قالو : لا
اتخضت كارمن وابتسمت بتوتر وفضلت ساكته
اتحط الاكل
مراد : دوقي كدا الحته دي من ايدي هتعجبك اوي
قرب فارس وأكلها بسرعه
بصله مراد بغضب
فارس ببرود : مبتحبش النوع ده من الاكل ومد أيده بحاجه هي بتحبها وأكلها
كانت كارمن حاسه انها مش مرتاحه ابدا وعايزه تروح باي طريقه
مراد : تعرفي يا كارمن اني واخد شهادات كتير في الرياضه لأنها لعبتي وانتي
فارس : بما انك شاطر كدا متورينا
مراد : تقصد اي
فارس : قدامي علي النادي نشوف الشهادات والجمدان بتاعك
أصر فارس وراحو كلهم مراد كان متوتر وقابلو هناك مرام واتعرفو عليها أكتر
بدات الماتشات بين مراد وفارس وكان دائما فارس بيغلبه
اتعصب مراد ورزع الكوره جامد علي الارض
فارس ببرود : شهادات اه نحن رجال أفعال لا اقول يا برنس تتعوض سلام يلا يا كارمن
كارمن : عادي يا مراد
مكملتش كلامها وسحبها فارس من ايديها ومشي بيها
كارمن : دقيقه بس بتكلم طب طب سلام يا مراد
مرام وهي بتضحك : الواد كسحك علم عليك يا برنس وبقا شكلك وحششش
مراد بضيق : اتلمي يا بت انتي .... صح بتعملي اي هنا
مرام : كنت بقابل حد كدا
مراد بغضب : حد كدا ااااه طب قدامي
مرام : وطي صوتك شويه كنت اتشطر عليه بدل ما خلي شكلك شبه الاسفلت قدام المزه
مراد : بزمه اهلك انتي ما دكر
مرام برقه : ولد انا الرقه والأنوثة كلها
مراد : طب امشي قدامي يا اختي
★★★★★★★★★★★★★★★★★★★★★★
كارمن : يا فارس كان المفروض نسلم عليه عشان مشيين ممكن يزعل كدا
فارس : ما يولع بقولك اي مش عايز اشوفك قريبه من الواد ده تاني انتي فاهمه
كارمن : بس ده صاحبي
ضرب فارس أيده بعصبيه وقوه في الحيط
اتخضت كارمن
فارس بعصبيه : متقوليش الكلمه دي تاني
كارمن بخوف : ع علي فكره مينفعش الكلام بالاسلوب ده
حاول يهدي نفسه واتكلم بهدوء : ابعدي عن البني ادم ده
كارمن : لا لاني مقدرش اتخلي عن اصحابي وابعد فجاه ومن غير سبب انا مش انت
تحولت ملامحه بشكل غريب وقال : تمام يا كارمن اعملي اللي يريحك ..... بعيد عني
وطلع بره البيت ورزع الباب جامد وراه
وقعت علي الارض تعيط
الحلقة 3 والاخيره
.
.
رواية / من الوحده للحب
بقلمي / نوران احمد
علقوا هنا ب 10 ملصقات + رايك
يلا نبدا اول حلقتنا بالصلاه على النبي
🔴🔴🔴🔴🔴🔴🔴🔴🔴🔴🔵
كنت بعيط وانا حاسه بقلبي بيتقطع لا فوق يا قلبي مش هعلقك بحاجه بعيده ولما تروح تتوجع مش هسمح بكدا ابدا
★★★★★★★★★★★★★★★★★★
مرام : مراد بابا جايبلي عريس ومش عارفه اعمل اي
مراد : اتجوزيه
مرام : انا جيالك عشان تقولي كدا
مراد : وانا اعملك اي يعني
مرام : متستهبلش انت عارف اني بحبك من زمان اوي
مراد : وانا مبحبكيش يا مرام افهمي انتي صحبتي اختي بس اه كان بينا شويه مشاعر بس راحو لحالهم وخلاص كنا صغيرين
مرام بحزن : طيب اقنع بابا انك بتحبني بس علشان متجوزش البني ادم ده
مراد : انا مليش دعوه مش هشيل شيله مش شيلتي وقرفت وزهقت من لزقتك فيا في اي مكان ليه مش قادره تفهمي أنه خلاص مبحبكيش ابعدي
نظرت له وعينيها مليئه بالدموع وذهب
مراد : انا ليه قلبي وجعني لما شوفت دموعها
★★★★★★★★★★★★★★★★★★
كارمن : الو
مرام وهي منهاره : انا بكره نفسي وبكره حياتي
كارمن بخوف وامتلات عينيها بالدموع علي حالها : مالك يا مرام
مرام : مكسوره وموجوعه اوي
كارمن : طيب انتي فين انا جايه
مرام : انا في كافيه ###
كارمن : انا جايه
وصلت كارمن للمكان ولاقته مكان شبه الكباريه كانت خايفه لحد ما وصلت لمرام الي مش في وعيها
مرام وهي بتعيط وتبص لكارمن : كل ذنبي أنه لقاني قلبي مخلص مش اناني في زمان الحب فيه كلمتين كذب في اغاني عارفه مش هندم أنه باعني ولا يوم هقول خدعني هسيبه يعيش نصيبه وكفايه عليه خسرني
كارمن بدموع علي حالها وخدتها بره المكان : هو مين ده
مرام بدموع : سبت نفسي قلب باعني ظلمني خني محبنيش بعت كل الكون عشانه لكن خساره محبنيش كنت بعيش فرحته وبموت من دمعته بدل اخلاصي ليه وحناني بقسوته يا خساره مفهمنيش يا خساره محسنيش اديته عمري كله وحبيته ومحبنيش غروره كان مليه ضيعني انا من ايديه خسران والله بعدي لكن هعمله اي
ضمتها كارمن وفضلت تعيط
كارمن بحزن : مين ده
مرام بانهيار : مراد بس انا اللي غلطانه من البدايه ظلمت قلبي لما سلمته لحبايبي غضب اني لقيتني رايحه اللي كان بيحب تعبي اتفاجات بغدره بيا بس كان صعبان عليا بكرا يعرف مين حبيبه والسنين اهي بينا جايه
كارمن بحزن : ده حيوان وهيندم متعمليش كدا في نفسك
مرام بانهيار ودموع : كل ما افتكر أنه باعني كل ما اعرف قد اي كنت موهومه في كل يوم عشته ليه معرفش ليه كدبه وصدقتها واهي عاشت وقتها وخلاص انا بوعده اللي ما بينا انتهي
كارمن بدموع : حاسه بيكي وجع القلب صعب اوي واصعب حاجه الفراق
مرام بابتسامه ودموعها نازله : مبسوطه اني طلعت اللي جوايا ليه وليكي
كارمن : ليه ازاي
مسكت الفون ولقيتها متصله بيه وكل ده كان بيسمع قفلت السكه بسرعه وقالت ليها
كارمن : ليه عملتي كدا
مرام : عشان انتم
كارمن : ازاي
مرام : هو بيحبك انتي هيتأذي لما يعرف انك عرفتي باللي عمله في اللي منه
كارمن : انتي غلطانه هو مش بيحبني
مرام بدموع وصراخ : لا بيحبك ماشي وراكي في كل حاجه وقبل يروح الشغل علشان انتي فيه كل اللي بيعمله بس بيحاول يقرب ليكي
كارمن بدموع : بس انا مش بحبه
مرام : بس طول الماتش بين فارس ومراد كنتي مركزه اوي
كارمن بدموع : لاني بحب فارس بس خايفه منه
قربت منها مرام باهتمام : خايفه منه ليه
لسه كارمن هتتكلم لقت اللي مسك ايديها وضغط عليها بقوه
كارمن بالم : اااه
بصت لقته فارس عيونه وشكله بيخوفو فضلت تفضل ساكته
وصل مراد وشال مرام بسرعه ومشي
ركبت العربيه جنبه وهي عارفه أن اللي حصل ده مش هيعدي
وصلو البيت وهي ماشيه وراه حاطه راسها في الأرض
دخل البيت وقفل الباب وبصلها وهو مربع أيده حوالين صدره بعصبيه فارس : ممكن افهم انتي ازاي تخرجي في الوقت ده من غير ما تعرفيني
كانت متوتره وبتفرك في ايديها بخوف وهي بتفكر أقوله وانت مالك بس ده مش وقته
كارمن : هو ده الاعتراض بس
قرب فارس منها اكتر وقال بغضب : لا والمكان الزباله اللي كنتي فيه افرضي اتعرضلك حد وانتي لوحدك هناك
كارمن : انا روحت لمرام كانت حالتها وحشه واصلا مش المفروض اعرفك انا هخرج ولا لا انت مش جوزي ولا حبيبي مثلا
فارس بغضب : تمام ابقي كرري ده تاني وشوفي انا هعمل دي ده مجرد تحذير بس علي اوضتك حالا
قال اخر كلامه وهو بيصرخ
اتفزعت وجريت بسرعه لاوضتها
في اليوم التالي
صحيت كارمن وطلعت تدور علي فارس ملقتهوش بصت في الساعه وصوتت وجريت بسرعه لبست وجريت علي الشغل
تامر : روحي يا اختي المدير عايزك
دخلت كارمن
فارس : اتفضلي اطلعي بره وخبطي استاذني الدخول ولما أوفق تدخلي
نفذت كارمن زي ما قال وهي متضايقه
فارس : حضرتك متاخره علي الشغل مخصوملك يومين واتفضلي علي شغلك
طلعت كارمن وهي حزينه من أسلوبه رنت عليها مرام
مرام : اي يا قلبي فينك
كارمن بضيق : في الزفت الشركه بتسال عن مراد
مرام : لا طبعا دي مجرد صفحه وقفلتها خلاص عايزه اقابلك نتكلم
كارمن : تمام يا قلبي اخلص شغل واجيلك
مرام : هتخلصي امتي اجي اخدك
كارمن : 3 كويس
تامر بشماته : كلمي المدير
خبطت ودخلت
كارمن : حضرتك عايزني
فارس : الشغل ده يخلص النهار ده
كارمن : بس ده كتير اوي يا فارس مش هلحق
فارس : استاذ فارس لو سمحتي وبعدين كل ده شغل متأخر عليكي مش ذنبي خلصي شغلك يا انسه الساعه 12 كل حاجه تكون علي مكتبي
كارمن : مش هلحق يا فندم ده انا حتي مفطرتش اخد وقتي بس وان شاء الله هيكونو عندك الساعه 2
فارس : والله انا مش حبيبك ولا جوزك عشان اهتم فطرتي ولالا الشغل يخلص يا انسه اتفضلي
خرجت كارمن بضيق وحزن واضح اوي أنه بيردهالي حسبي الله
بدات تشتغل لحد ما جه مراد
مراد : هو ماله عمال يزعق شادد حيله علينا ليه ده
كارمن : معرفش عن اذنك عايزه اخلص شغلي
مراد : متغيره معايا ليه
كارمن : اسفه انا مش فاضيه
خلصت اخيرا روحت اجيب حاجه اشربها بس اتفاجات بمراد مسك ايدي سحبني وهو بيجري ناحيه الاسانسير
كارمن : انت بتعمل اي
مراد : تعالي بس هفهمك حاجه
كان فارس معدي وشاف مراد ماسك ايد كارمن ودخل الاسانسير بغضب ومسك ايد مراد ولواها وري ضهره بغضب
مراد : ايدي يا عم في اي
فارس بغضب : انتي ازاي تسمحيله يمسك ايدك
وسحبها ودخل المكتب
كارمن : انا انا خلصت ال ال الشغل اللي ورايا كله
فارس بعصبية : تمام حلو وبقيه شغلك هتخلصيه هنا
كارمن : حاضر
عدت ساعات وجه وقت الروحه
كارمن : عن اذنك
فارس : استني هروحك
كارمن : لا ما انا عندي معاد عن اذنك جريت بسرعه وهو فضل يبص عليها وبص لاقاها راكبه عربيه مع حد اتعصب اكتر ومشي وراها واطمن لما لاقاها مرام
مرام : احكيلي بقا خايفه من فارس ليه
كارمن : هحكيلك
فلاش باك
فارس : فضلت مستنيكي كتير امبارح كنتي فين بص علي رجليها وشاف جروح اتعصب واتضايق
فارس : انتي كنتي تعبانه
كارمن بدموع : في بنت قالت للمس اني حضنتك وضربتني واتحبست يومين
فارس : انا اسف طيب هجيبلك هديه حلوه اوي
كارمن : ولا مره حد جاب ليا هديه
فارس : تعالي بكرا قدام البيت عندي وهفسحك وهجيبلك احلي هديه وهتكلم مع المس بتاعتك متخافيش
فرحت كارمن جدا : انا بحبك اوي اوي اوي يا فارس
فارس : وانا كمان
كارمن بحزن : بس كل حاجه بحبها بتبعد عني اوعدني متبعدش
فارس : وعد عمري ما هسيبك
وفي اليوم التالي راحت كارمن بحماس وفرحه علي بيته وهي جايبه هديه ليه وشافت عربيات كتير وشنط بتتحط فسألت الحارس
كارمن : هو في اي
الحارس : فارس بيه مسافر علي امريكا
بصت ولقت العربيات بتمشي فضلت تجري وراها وهي بتعيط وبتنادي علي فارس طول الطريق لحد ما وقعت علي الارض وفضلت تجري وري العربيه تانيه وهي بتعيط وبتنادي عليه وبعد ما وقعت واتجرحت فضلت تعيط وتنادي باعلي صوت ولكنه مشي ومبصش وراه
باك
كارمن : كان بالنسبه ليا الاخ والاب والحبيب عمري ما بطلت احبه بس بقيت اخاف من كل حاجه حواليا لأنها لازم تروح
مرام : ليه بتقولي كدا اكيد عنده سبب
كارمن : يبقا ليه موقفش العربيه وكلمني كبري دماغك وعرفيني عملتي اي مع مراد
مرام : بتجاهله تماما من وقتها ومبقتش الهبله اللي بتخلص كل شغله والبيت وتهتم بكل حاجه شيلته الليله كل واحد يشيل ليلته بقا
كارمن : علي فكره هو مش هيقدر يستغني عنك وفي الحقيقه جواه هو بيحبك انتي بس مش عارف
مرام : مبقاش مهم اتعرفت علي الشاب اللي جاي يخطبني زياد لذيذ اوي مش وحش زي ما كنت فاكره
كارمن : حلو اوي بس حاسه انو لسه
مرام : طبيعي لسه بحبه وحده وحده هيطلع من قلبي
زياد : ازيكم يا بنات
مرام : اهلا تعالا اعرفك دي صاحبتي كارمن
زياد : اهلا بيكي
كارمن : طيب هقوم انا بقا عايزين حاجه
مرام : خليكي
كارمن : لا يا اختي حبيبي بيغير
مرام بابتسامه : يا ولا حبيبي وبعدين هيعرف منين
كارمن : علي فكره هو جنبنا في الطربيزه اللي هناك دي شوفته وهو ماشي ورانا من الشركه هتكلم معاه النهار ده سلام
زياد بابتسامه : بالتوفيق
اتصل فارس بمراد : انت ياض يا خرو يلا تعرف أن قريبتك مع شاب دلوقتي
مراد بعصبيه : شاب مين ده
فارس بابتسامه : مش هقولك سلام
وفضل يضحك أنه ضايقه
كارمن : مش هتطلب حاجه
فارس : اي ده
كارمن بابتسامه : انا عارفه
ابتسم بخجل وقال : بغير عليكي اعمل اي
كارمن : قولي ليه بعدت عني بالشكل ده مصعبتش عليك
فارس : كنت بطمن عليكي كل دقيقه
كارمن : ليه اتخليت عني
فارس : غصب عني بعد ما روحت عرفت أن ابويا عمل حادثه وبيموت البيت كله كان مصدوم وحزين كنا بندور ازاي نحجز اقرب طياره انتي متخيله كم الوجع اللي حسيته وكمان طفل المفروض يشيل مسؤوليه شركات وأمه حياتي كلها كانت صعبه بس قدرت اكمل ورجعت علشانك مكنتش اعرف ان قلبك اسود كدا
كارمن بابتسامه : كنت خايفه منك
فارس : ليه
كارمن : تبعد تاني
فارس : انتي وجعتي قلبي معاكي الفتره اللي فاتت دي ومع ذالك مش هسيبك ابدا
ابتسمت بحب
دخل مراد فاجأه بسرعه ناحيه مرام
مراد بعصبيه : انتي بتعملي اي هنا
مرام بغضب : وانت مالك انت
مراد بغضب : مين ده
مرام : خطيبي ولو سمحت متدخلش مش عشان قريبي يبقا خلاص انا اسفه يا زياد يلا نمشي من المكان ده
كارمن لفارس : هو اي اللي حصل ده
فارس بابتسامه : لعبه جديده حلو اوي
كارمن : لعبه اي انا هروح اشوفها
ذهب فارس اتجاه مراد اللي كان بيطلع نار من الغضب
فارس : بقولك اي يا خرو معكش رقم مرام عايزها في موضوع
مراد بعصبيه : بقولك اي مش ناقصك
فارس : خلاص هجيبه بطريقتي
مسكه مراد من ياقه قميصه
مراد : هضربك يلا متحاولش
فارس ببرود : ولد انا مديرك
مراد وهو بيكسر في كل حاجه : يلعن ابو كدا
وخرج
فضل فارس يضحك عليه
كارمن : بتضحك ليه عملت فيه اي خليته يطلع كدا
فارس بابتسامه : ولسه هيشوف
كارمن : حاسه انك شرير في روايه احدهم مش عارفه ليه
فارس : سيبك تعالي نروح السينما
كارمن بفرحه : احلي حاجه قولتها هروح الحمام وجايه
فارس : تمام رن الفون ورد ايوه يا مرام
مرام : حرفيا مش عارفه اقولك اي ولا اشكرك ازاي انت وصاحبك ده كنت مبسوطه اوي وانا برد كرامتي النهار ده
فارس : ولسه بس اصبري أما خليته ييجي يعترف بحبه ويعتذر مبقاش انا بقولك اي عايزك في حوار تاني كدا
مرام : قول
فارس : بصي بعدين بس ابدئي بالخطه ب دلوقتي
مرام بابتسامه : تمام يا كبير سلام
اتصل فارس بمراد
مراد : عايز اي اخلص
فارس : كنت عايز اقولك مكان مرام بس خلاص
مراد : قول هي فين
فارس : شكلك مش مهتم وانا مضايقك انا عارف انك مبتحبنيش
مراد بعصبيه : يا سيدي بحبك اخلص
فارس : مش من قلبك لا
مراد بعصبيه : بحبك بحبك بحبك يا عم ما تخلص
فارس : طيب صدقتك هي في فندق المجد معاه أصله صاحب اكبر فنادق ..
قفل السكه في وشي هههههههههههه
كارمن : مالك
فارس : لا ولا حاجه يلا نروح
★★★★★★★★★★★★★★★★★★
مرام : انا قلقانه اوي
زياد : يا ستي متقلقيش
مرام : بص اعصابي بتترعش ازاي
مسك ايديها وقال : ممكن تهدي شويه
في اللحظه دي دخل مراد اول ما شاف المنظر ده جري مسك زياد من رقبته ورفعه لفوق
مرام مسكت ايديه : مراد مراد ابعد انت بتعمل اي
زقها وقعت علي الارض
ضربه زياد وقع مراد علي الارض فضلو يضربو بعض لحد ما وقفت مرام في النص وهي بتزعق : كفايه بس
شدها مراد بعنف ونزل بيها دخلها العربيه بعنف وقفل الباب بقوه وساق علي اعلي سرعه وهي بتعيط
مرام : مراد ونبي يا مراد اهدي هدي السرعه
مراد : اخرسي
مرام : طيب بس هدي السرعه
مراد : اي اللي يوديكي مكان زي ده ما تنطقي
مرام : انا انا كنت بشوف بس الفنادق بتاعته علشان لو في فوج جه ارشح الفندق اصلا انت مالك انت مجرد قريبي وانا كبيره كفايه اقدر احمي نفسي وده خطيبي انت اي دخلك
زود مراد السرعه ووصل علي بيت أهلها
دخل بسرعه المكان
مراد : انا عايز اطلب ايد مرام
بابا مرام : يا حبيبي احنا نتشرف بيك طبعا
مرام : انا مش موافقه يا بابا
مراد : عمي سيبنا نتكلم شويه
قرب منها جدا لحد ما لزقت في الحيط وحاوطها بين دراعه
مراد : كنتي بتقولي اي
مرام : يا بابا
باسها علي خدها بسرعه اتصدمت وفضلت باصه قدامها
مراد : اهدي واسمعيني محستش بقيمتك الا لما بعدتي مش قادر اعيش يوم من غيرك صدقيني اتفاجات اني بحبك وبغير وبتضايق لما بتقربي من اي حد انا بحبك
دخل فارس وولع صواريخ فرقعت بصوت عالي وعملت صوت صرخت مرام واترعب مراد
كانت كارمن بتضحك علي شكلهم
مراد : يا شيخ حسبي الله قطعتلي الخلف
فارس : لا بقولك اي اجمد عايزينك ترفع راسنا انت خلاص علي وشك تتجوز
مرام شدت فارس علي جنب : كنت عايز اي
فارس بكرا عند الملاهي الساعه 8 هاتي كارمن وتعالي
كانت كارمن شايفاهم ومتضايقه
مراد : اي اللي مضايق الجميل
فارس : ابعد بس كدا عنها
مراد : مش ملاحظ انك مكوش علي كل حاجه
فارس : حبيبي انا كاريزما
سهرو يضحكوا مع العيله لحد ما روح فارس كارمن ووصلو البيت ونامت وفي اليوم التاني صحيت علي رن الفون
لبست وراحت شغلها خلصت والغريب أن طول اليوم مشافتش فارس كانت متضايقه وزعلانه جدا
اول ما وصلت عند مرام
مرام : مالك
كارمن : فارس متغير ومتضايقه جدا طول اليوم مشوفتوش
مرام : متزعليش تعالي نروق ونروح نتغدا وبعدين نتفسح في الملاهي
عملو كل ده وطول الطريق كارمن مبتسمتش خالص لحد ما وصلت الملاهي ولقت المكان فاضي وكله ظلمه دورت علي مرام ملقتهاش
لقت سهم نور باللون الازرق فضلت ماشيه اتجاه اللون لحد ما وصلت لمكان فجاه نور كله باللون البمبي وشافت قلب كبير علي الارض بالورد ولقت دبدوب كبير جاي ناحيتها وفضل يعمل حركات وهي بتضحك عليه وطلع ورق مكتوب فيه انا بحبك تقبلي تتجوزيني
ونزل الدبدوب علي الارض وطلع خاتم
ظهرت البلالين المنوره في كل مكان ورود بيتحدف علينا من فوق قربت منه وشالت راس الدبدوب لقته فارس
حضنته وشالها ولف بيها ظهرت مرام ومراد وكل العيله والصحاب وهما بيسقفو ومبسوطين ليهم
وخدو صوره لليوم ده
بقلمي نوران احمد
تمت
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق