روايه من يخون مرة يخون كل مرة الفصل الاول بقلم رادين حصريه وجديده على مدونة النجم المتوهج للروايات والمعلومات
 |
_ بسمة بخضة : رادين !
رادين و بتحضنها : عامله اي وحشاني اووووي
بسمة: و أنتي كمان اوي ....ايه ده ايه ال في إيدك ده؟!
رادين و هي بتبصلها بنظرات فرح : ايه مالي؟
بسمة بخضة مليانة فرح: رادين انتي خلفتي؟ اعع ده ماما و طنط هنا و رشا هيفرحو اوووي ،ده أنا هطلع اتخانق مع طنط جميلة
ال ساكتة كل ده و مخبية علينا أنها بقت جدة
رداين بنكش : كبرتها صح؟و كبرت نفسي معاها
بسمة و هي بتأخد الطفلة منها و بتقول: من ناحيه انك كبرتي ف اه كبرتي و مليتي كمان ، لكن جوجو حبيتي مهما كبرت هتفضل مزّة زي ماهي و قمر.
رادين: بقا كده ! طب هاتي بنتي و يلا امشي من هنا (و بتزقها)
بسمة خدت البنوتة و طلعت فوق لماماتها و مامة رادين و صحابهم ال قاعدين في النادي سوا
_فوق_
بسمة دخلة عليهم ببطيء و حركات سسبنس
و اول لما شافوها بصلها بإستغراب من ال هي مسكاه في إيدها
بسمة بحماس مختلط بفرح: تطتطاااااا أحب اقدملكم الفرد الجديد في شلتنا من إنتاج و تقديم ( و لفت ضهرها لتظهر رداين من وراها بإبتسام)
الكل بص ليها و اتخض بما فيهم مامتها
و قعدوا مدة من الوقت لترحيب و سلامات و مباركه علي مولودة الجديدة
(و بعد مدة من الوقت)
طنط هنا : مقولتيش يا رادين سميتي البنت ايه ؟
رادين و بصت بتوتر ناحيه مامتها و ردت بتلعثم : ه...هم...همس ..سميتها همس يطنط
جميلة مامة رادين بصت ناحيتها بصدمه و عيونها بتسأل رادين السؤال ال فضلت تتهرب بعنيها من مواجهة عين امها لتفضحها بحقيقه ال فدماغ امها لسبب تسمية الاسم ده !
رادين و بتوه في الكلام : أومال فين يزد و هند مش شايفاهم
بسمة: عيالي يستي راحو يلعبو في المراجيح و زمانهم طالعين ..و اعملي حسابك يزد تجزيله همس ماشي؟
رادين بضحك: انا مش هجوز بنتي يحبيتي لأبنك هو انا ناقصه اخلص منك عشان تبقي حماة بنتي
بسمة:
والله! طب خليها قاعدة جمبك و ف الاخر هتعرفي اني احلي حماة و مش هتلاقي زي
رادين: طب هشش يلا اسكتي
و في نفس الوقت كانت هند جت و اول ما شافت رادين و همس فرحت برادين اوي و فرحت اكتر لما عرفت ان رادين خلفت
هند بحماس طفولي: انا هنزل انادي يزد بسرعههه و بتلف عشان تجري ليه خبطت ف راجل و وقعت علي الارض
قامت بسمه و رادين ادت همس ل هنا و بسرعه راحو يشوفها
بسمة : انتي كويسه يا هند
و ف نفس الوقت رد الراجل ال خبطها عشان يطمئن عليها : انتي كويسة ؟
هند بصدمة و فرحة طفوليه : اي ده عمو أنس
رادين بصدمه وشها جاب الوان و في سرها: أنس!
انس: هند عامله اي يحبتيي ؟
و بيرفع رأسه لاقي بسمه و رادين واقفين
اول ما شاف رادين اتصدم و قام اتعدل في وقفته
و فضلو ساكتين لكن عيونهم بتحكي حواديت من العتاب و ال لوم و الشوق و الغدر
كسر حاجز الصمت صوت بسمة و هي بتكلم انس و ترحب بيه
و رادين لسه ساكته زي ماهي و من جوها خايفه ل هند أو بسمة تغدر بيها و تقول علي بنتها همس
و قررت من جواها أنها تنزل هند عشان متفضحهاش
رادين: هند رجلك كويسة الحمد لله محصلش حاجه انزلي ل يزد يلا
هند بحماس طفولي و افتكرت هي كانت راحه فين : اه صح انا هنزل بسرعه عشان اقوله ...بس خلي بالك هنيجي نلعب مع همس
رادين قلبها بيخفق من الخوف و هند بتكمل و هي بتبص ل أنس : انت عارف ي عمو أنس همس دي تبقي....
قطعتها مامتها بسرعه
بسمة: يزد هناك اهو بسرعه اندهي يا هند ..هناك هناك
انتبهت هند لوجود اخوها فعلا و جريت عليه بحماس
و قامت وراها بسمه ال بصت لرادين و هي بطمئنها أنها فهمت هي عايزة ايه
رادين بعد ما هديت من أثر الخضة: عن اذنك ..
أنس مسكها من ايدها عشان يمنعها تروح و بنظرات عتاب: انتي بتهربي مني ليه؟
رادين و هي بتبعد ايده عنها : انا مش بهرب و مافيش حاجه اهرب منها و لا عشانها.
أنس: و لا حتي عشاني!
رادين: انت مدي الامور أكبر من حجمها و مدي لنفسك حجم أكبر من حجمك
و بتسيبه و بتمشي لكنه بيشدها من ايدها و بيحوطها بأيده : انتي لسه مراتي علي فكرة و لا انتي نسيتي؟!
رادين و هي بتبعد ايده عنها بعنف و بتبصله بغضب: مراتك علي ورق.. و الطلاق جاي جاي
أنس و بيبصلها بنظرات بتحدي : بس انا مش هطلق و لو علي جثتي
رادين: مش بمزاجك احنا كده كده في حكم المطلقين يعني مفرقتش
أنس بتحدي: مسير الشمل يتلم ي قطة و بيمسح علي وشها بأيده
رادين: ده ببعدك لو حصل و بتشاور بسببتها قدام وشه بتحدي و بتلف تسيبه و تمشي.
لكنها بتتفأجا بيه بيسبقها و رايح ناحيه التربيزة و قلبها عمال يخفق من الخوف و راحت وراها و وقفت قدامه كحاجز بينه و بين التربيزة بتاعتهم
رادين: انت عايز ايه تاني!
أنس و هو بيضحك و بيبعدها: وسعي كده انا جاي اسلم علي حماتي
و راح يمد ايده لجميلة عشان يسلم عليها
جميلة قامت بصدمة لما شافته و لكن سلمت عليه: ازيك يا أنس عامل ايه؟
أنس: ازاي حضرتك ي طنط عاملة ايه و رمي السلام علي القاعدين و بعينه لمح همس ال في ايد هنا ال حس ناحيتها بإحساس غريب و لطيف
رادين و هي واقفه قدامه بغضب: مش خلاص سلمت اتفضل امشي بقا
أنس بضحكة سمجة عشان يستفزها: لا انا لسه قاعد شويه ....أأأ و بيطلع لسانه ليها عشان ينكشها
رادين بغيظ: بقولك امشي و بتزقه
أنس بضحك: طب خلاص متزقيش ...ماشي ...و بضحك : سلام يا طنطتي هجيلك تاني
_ فييييين همس يااااا همس
اعع يا طنط رادين ....يا رودي ....اععع
كان صوت هند و يزد و هما جاين من بعيد علي رادين بسرعه و بيتخانقو قدامها علي مين يشيل همس الاول
رادين بصدمة و صمت و باصه ل أنس ال نزل علي ركبته و شد هند و يزد ناحيته
و ب حيرة: همس مين؟
يزد و هند ف نفس واحد: همس بنت طنط رادين و شاور عليها
أنس بص لرادين ال بصت ليه بصدمة و :.....
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق