رواية اختارت نفسي بقلم نشوه عادل الفصل الخامس والسادس حصريه وجديده على مدونة النجم المتوهج
 |
-رغد جيبها تعيش هنا ف الشقة دى احسن من الايجار والبهدلة وهات العفش بتاعها عشان متتحججش انها مش هتقعد ع عفش درتها او اللى كانت درتها
أنس ببرود: ان شاء الله عن اذنك بقى عشان اغير واروح ليها
غير انس ونزل من البيت ع اقرب مكان للتحاليل وميعاد استلام النتيجة تانى يوم وبعدها راح لرغد اللى كانت واقفة حاطة ايدها ف وسطها واتكلمت بغضب وصوت عالى
رغد: البيه كان فين من امبارح قولتلى نص ساعة وهرجع نمت الليل كله هناك ف حضن الهانم وسايبنى هنا لوحدى اغنى ظلموه
أنس: هانم مين اللى بتتكلمى عليها؟!
رغد: مراتك الاولى هيكون مين غيرها يعنى
أنس: قصدك اللى كانت مراتى
رغد بلهفة: يعنى ايه؟!
أنس: يعنى أمنية اطلقت خلاص مبقتش ع ذمتى اظن انتى دلوقتى مبسوطة مش كده!
اقتربت منه رغد بفرحة وقالت: ده اسعد خبر سمعته بحياتى بجد واخيرا بقيت ملكى لوحدى ومحدش هيشاركنى فيك بس طالما طلقتها ليه كنت بايت هناك؟
أنس: روحت تعبان ومش شايف ادامى عشان كده نمت ومحسيتش بنفسى
رغد: مش مهم ي روحى المهم انك بقيت ليا انا وبس وقريب اوى يبقى فيه نونو يملى علينا المكان
أنس: ان شاء الله
رغد: طب ايه انت مش وعدتنى انك هتخرجنى وتشتريلى حاجات كتير ولا نسيت!
أنس: لا منستش روحى غيرى هدومك انا عن نفسى جاهز
رغد : هوى
تانى يوم الصبح فاقت شام من النوم بدرى ولقت نفسها نايمة بالصالة مسكت الفون وبصت ع الساعة وبصدمة: معقول انا فيقت بكير كأنه بحلم انا !
خرجت أمنية وابتسمت لما شافتها: صباح الخير ي قمر
شام: صباح النور خيتى معناتها انا مو بحلم
أمنية باستغراب: مش فاهمة قصدك ايه؟!
شام: اطلعت بالساعة لقيتها ٧ الصبح وانا مو بالعادة افيق بكير حاسة حالى بنحسد
أمنية بضحك: طبيعى تصحى بدرى وقبل كده كمان انتى نايمة من امبارح المغرب
شام بصدمة: شو ...كيف يعنى انا نمت كل هاد ليش عم نافس الكسلان ولا الكوالا؟!
ضحكت أمنية وقالت: نوم الهنا المهم انتى كويسة حاسة نفسك احسن؟
شام وقد فهمتها: اى انا كتير منيحة ويمكن هيدا اكتر يوم حس حالى فيه انى بخير
أمنية ؛ يارب دايما يلا بقى قومى خدى شاور ع اما اجهز الفطار عشان نروح ع الميعاد بدل ابو العضلات ما يروقك
شام : ي الله منك ليش عم تذكرينى بهالمخلوق ع الصبح الله يوفقك احكى عن شى منيح نصطبح فيه
أمنية بضحك: انا مش فاهمة طالما كارهاه اوى كده مكملة ف الشغل ليه؟!
شام: متل ما بتقولوا بمصر اللى رماك ع المر واكل العيش وما ادرى شو تانى
أمنية: ده ع اساس ان مفيش شغل زيه؟
شام: بلا فيه كتير بس الشهادة لله هيدا اكتر شركة بتقدر الموظفين فيها وبتعطيهم حقهم كامل وكمان بتوفر كتير اشيا متل تأمينات صحة وغيره
أمنية: طيب يعنى الراجل ليه حق بقى
شام: الصراحة اى بس كتير صارم انا ولا مرة شوفته بيبتسم مع انه وسيم وبعضلات بس ما بيضحك ابنوب كأنه حدا اكل ورته
أمنية بضحك عالى: امشى خدى شاور هتجننينى خلينا نوصل ف الميعاد
بالفعل لبسوا واكلوا ووصلوا الشركة ف الميعاد بالظبط وصادف وصول حمزة
شام: صباح الخير استاذ
حمزة: صباح النور اول مرة توصلى بميعادك
شام: ان شاء الله راح التزم دائما وبتشوف
حمزة: اتمنى
أمنية: صباح الخير ي فندم
حمزة بجدية: صباح النور عن اذنكم
فضلت أمنية سرحانة وعقلها بيحاول يفتكر شافته فين؟! وفاقت ع صوت شام: ي بنتى شو فى كل ما تشوفى ابو العضلات تسرحى معقول وقعتى بحبه؟!
أمنية: حب! حب ايه انتى كمان انا بس متأكدة انى شوفته وبحاول افتكر بس
شام: لو كنتى شوفتيه متل ما عم تحكى اكيد هو كمان بيتذكرك وكان لمحلك
أمنية: ممكن يلا ندخل
تانى يوم صحى أنس ولقى رغد لسه غرقانة بالنوم مسك فونه ولقى رسالة من المعمل ان النتائج بتاعته جاهزة ويروح يستلمها بسرعة قام غير هدومه ونزل ع طول وهناك قابل الدكتور
أنس بلهفة: خير طمنى النتائج فيها ايه؟!
الدكتور بحزن: للاسف ي أستاذ أنس فيه مشكلة كبيرة تمنعك من الخلفة
أنس بصدمة: انت بتقول ايه اكيد التحاليل دى فيها حاجة انا متأكد يمكن حصل تبديل عيانات بينى وبين حد تانى ولا حد دفع ليكم عشان تقولوا كده!
الدكتور: وطى صوتك ي استاذ انت ف معمل محترم وله اسمه والناس كلها بتتعامل معانا وعمر ما طلعوا لينا غلطة واحدة وانت نفسك اتعاملت معانا قبل كده ووالدتك وزوجتك
أنس: عشان اتعاملت قبل كده وعشان متأكد من اللى بقوله عارف ان فيه حاجة غلط
الدكتور: لو حضرتك مش مصدق روح اعمل التحليل ف مكان تانى واعرضه ع دكتور متخصص وانت تعرف
أنس: ما انا هعمل كده فعلا
شد أنس من ايده النتيجة بغضب وراح ع كذا معمل وطلب تحليل مستعجل وكانت النتايج كلها واحدة اخدها وطلع ع دكتور النسا والتوليد وامراض الذكورة اللى كان متابع معاه هو وأمنية واسمه أسامة
أنس بغضب للممرضة: عايز اقابل دكتور أسامة
الممرضة: اتفضل حضرتك احجز واستنى دورك فيه كشوفات قبلك
أنس بصوت عالى: بقولك عاوز ادخله حالا الامر مستعجل دى مسألة حياة او موت بالنسبة ليا
الممرضة: ي فندم مينفعش كل دول حالات مستعجلة ومع ذلك مستنيين دورهم
أنس: بقولك ايه دخلينى وانا عيونى ليكى
الممرضة: احم طب استنى ثوانى اما الكشف اللى جوة يدخل وانا هنده اسمك
أنس : اسمى أنس عبدالله
خرج الكشف وندهت الممرضة اسم أنس اللى عطى لبها حق الكشف وطبعا فلوس ليها ودخل ع طول
أسامة بترحاب: اهلا استاذ أنس عاش من شافك
أنس : من غير كلام كتير انا عاوز اعرف ايه الهبل ف نتائج التحاليل دى
أسامة بتفحص : مالها التحاليل مش فاهم؟!
أنس: انت هتستعبط التحاليل دى فيها حاجة غلط
أسامة: لا التحاليل سليمة
أنس بنفاذ صبر: هو ايه اللى سليمة انت هتجننى انا مش كنت متابع معاك وكنت سليم وأمنية المعيوبة ازاى ده حصل!
أسامة باستسلام: الحقيقة ي استاذ أنس ان من البداية حضرتك اللى فيك العيب مش المدام وووووووو....
السادس
-الحقيقة ي استاذ أنس ان من البداية حضرتك اللى فيك العيب مش المدام عشان كده انا بقولك ان التحاليل سليمة
أنس بصدمة: ازاى! يعنى ايه؟! اومال ليه قولتلى ان أمنية هى اللى فيها العيب!
أسامة: لان دى كانت رغبة المدام وهى اللى طلبت منى معرفكش الحقيقة وافهمك ان العيب فيها هى مع انى مكنتش موافق بس هى صممت
أنس بدموع: عشان كده كل مرة كانت بتيجى للعلاج تجبرنى اجى معاها وتفهمونى ان العلاج لازم يكون مشترك!
أسامة: ايوة هى دى الحقيقة مكنش فيه حل نخليك تخضع بيه للعلاج الا اننا نفهمك انك لازم تشارك معاها هى مكنتش بتعمل علاج ولا اى حاجة لانها سليمة كلياً ومفيش اى عائق ليها انها تكون ام بس من زوج تانى مش منك
أنس وهو بيقعد من صدمته وبدموع: ياريتك صارحتنى ومخبتش عنى ياريتك قولتلى الحقيقة من بدرى بسبب كذبتك اتخرب بيتى
أسامة: مش فاهم !
أنس: يعنى لانى كنت مفكر ان العيب فيها مش فيا روحت اتجوزت ع أمنية قال ايه عشان اكون اب عشان من حقى يكون ليا وريث يحمل اسمى زى اصحابى وخسرت البنى ادمة اللى ضحت بكل حاجة عشانى ومكنتش بتفكر ف نفسها وانانية زيى كانت بنت اصول فعلا وكل واحد بيتعامل بأصله
أسامة: الحقيقة مش عارف اقولك ايه لكن متحطش الحق عليا تعرف لو العيب ف مراتك فعلا وانت اتجوزت معتقدش انها كانت هتمنعك بالعكس كانت هى اللى هتشجعك بس وجعها انها استحملت الفترة دى كلها ع انها المعيوبة وبالاخير انت تروح تتجوز هو ده كان اقوى سبب لبعدها وطلاقها
أنس: عندك حق غبائى وتهورى هما السبب ف خراب بيتى طب هو ..هو مفيش أمل ولو بنسبة ضعيفة انى اتعالج!
أسامة: اكدب عليك لو قولتلك اه لكن مفيش حاجة مستحيل او صعبة ع ربنا ويمكن تلاقى حل وعلاج بس مش هنا ف مصر لكن برة
أنس: تمام شكرا ي دكتور واسف ع انفعالى
أسامة: تحت امرك ف اى وقت
خرج أنس وهو حرفياً تايه مكنش ينفع يرجع عند رغد وهو كده وهل هيقدر يعرفها بالحقيقة مليون سؤال ف رأسه ملقاش ليها اجابات فضل يلف بالعربية وقرر يروح ع شقته هو وأمنية وكالعادة لقى امه واقفة ع الباب
وفاء: ايه ي أنس مجيبتش مراتك معاك ليه؟
أنس: لسه مقولتلهاش ع الموضوع
وفاء باستغراب: مالك ف ايه شكلك مهموم!
أنس: أمنية وحشتنى اوى بعدها كسرنى ومعرفتش قيمتها الا دلوقتى نفسى اقابلها مش هطلب منها ترجعلى بس ع القليل تسامحنى
وفاء بتهكم: انت عبيط يولا وحشتك ايه وزفت ايه دى واحدة عقيم لا منها نفع ولا ضر واحسن انها غارت بعيد عننا
أنس بضحكة وجع: اه عقيم عندك حق
وفاء: هتقول لمراتك امتى وترجعوا هنا؟!
أنس: بليل لما ارجع بليل ان شاء الله عن اذنك عاوز ارتاح شويه
عدى الوقت فى الشركة عند أمنية وشام وطلب فؤاد ملف شغل مع أمنية
فؤاد بعد ما شافه: ما شاء الله ي باش مهندسة الملف بلا اخطاء
أمنية بابتسامة: شكرا ي فندم ودايما اكون عند حسن ظنك
فؤاد: انما كان عندى فضول اسألك ع حاجة مهمة
أمنية: اكيد طبعا اتفضل
فؤاد: ازاى اقنعتى أنس انك ترجعى الشغل وكمان تسافرى برة مصر ولوحدك!
أمنية بقوة: ملهوش حكم ولا اى حق عليا عشان يمنعنى من السفر
فؤاد: يعنى ايه؟!
أمنية: يعنى خلاص انا بقيت حرة نفسى واطلقت
فؤاد: انا اسف حقك عليا
أمنية: لا ابدا حضرتك بتعتذر ليه ...اى اوامر تانية!
فؤاد: لا اتفضلى ارجعى ع شغلك
خرجت امنية ولما تأكد فؤاد انها راحت ع مكتبها خبط ع باب الحمام وخرج حمزة
فؤاد: اكيد سمعت
حمزة بفرحة: ايوة ي وش السعد
فؤاد باستغراب: انت مبسوط عشان اطلقت ايه الشر ده؟!
حمزة: انت مش فاهم اى حاجة ي فؤاد
فؤاد: معليش ي عم انا فهمى ع ادى فهمنى انت ي ابو العريف
حمزة بوجع: فاكر لما سألتني انا متجوزتش ليه لحد دلوقتى ووقتها قولتلك انى عايش ع ذكرى حب بنت كانت زميلتى بالجامعة!
فؤاد: ايوة وفاكر كمان انى قولتلك انك معيش نفسك ف وهم لانه مكنش حب متبادل ولا حتى كان فيه صداقة وكمان هى اتجوزت يعنى الامل اتقطع من جميع الجوانب
حمزة: واديها اطلقت ويمكن دى فرصة تانية ليا اعمل اللى معرفتش اعمله ايام الكلية
فؤاد وقد اتسعت عيونه: تقصد ان البنت اللى كنت بتحكيلى عنها هى أمنية؟!
حمزة بابتسامة: حمدالله ع السلامة أخيرا فهمت
فؤاد وهو بيضربه سلام ع الكف: احلف ي ابن الذين عشان كده لما وريتك السى فى وافقت ع طول
حمزة: بس هى شاطرة وتستاهل ووافقت لسبب تانى لو كانت لسه متجوزة كنت هخليها ادامى عشان اثبت لنفسى ان مفيش اى مشاعر ليها وانه كانت مشاعر هابطة وراحت لحالها انما دلوقتى بقى فيه فرصة تانية ليا معاها
فؤاد: طب وناوى تعمل ايه؟
حمزة بغمزة: مش هضيعها منى تانى
عند أنس اللى راح ع الشقة عند رغد كانت صاحية ومستنياه
رغد بضيق: انت فين من الصبح ي أنس ومبتردش ليه؟!
أنس: كان عندى كذا مشوار كده وكنت مع واحد صاحبى كان عنده مشكلة ومينفعش اسيبه لوحده
رغد: ومالك مضايق كده ليه؟!
أنس: اصل مشكلته صعبة ومعقدة وخسر فيها ناس غاليين
رغد: واحنا مالنا هو احنا ف الهم مدعيين وف الفرح منسيين فكك منه وروق ي حبيبى
أنس: طيب قومى حضرى الشنط
رغد بحماس: لا اوعى تقول اننا هنروح نقضى شهر عسل ف مكان فيه بحر
أنس: هو انا ناوى اعمل كده بس مش دلوقتى
رغد باستغراب: الله اومال عاوزنى احضر الشنط ليه؟!
أنس: هنروح نقعد ف الشقة اللى ف البيت خلاص اللى كانت منعاكى تروحى مبقيتش موجودة
رغد بطريقة شعبية: نعم نعم يادلعدى عاوزنى اروح اقعد ع عفش درتى ليه ده انا هبقى ام الواد
أنس بتهكم: خلاص متزعليش نفسك ننزل انا وانتى بكرة ونقيلك احسن عفش
رغد: انا مش هروح اعيش هناك خالص
أنس: ليه يعنى مش حجتك العفش هغيره خلاص
رغد: مش العفش بس الشقة كلها ع بعضها مينفعش اعيش فيها
أنس: ليه تانى؟!
فكرت رغد ف كلامها قبل ما تقوله وتصنعت الحزن: عشان كل ركن ف الشقة ليك ذكريات مع اللى اسمها أمنية دى فيها ووووو....
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق