expr:class='data:blog.languageDirection' expr:data-id='data:blog.blogId'>

سابني يوم الفرح عشان قولتله نكته البارت الاول بقلم الكاتبه رحاب القاضي حصريه وجديده

 سابني يوم الفرح عشان قولتله نكته البارت الاول بقلم الكاتبه رحاب القاضي حصريه وجديده 

سابني يوم الفرح عشان قولتله نكته البارت الاول بقلم الكاتبه رحاب القاضي حصريه وجديده 


انجي بعصبيه ـ

بقي انا ي اصفر تسيبني يوم فرحي وتهرب وتخلي شكلي وحش قدام الناس... 


حسن بتوتر ـ

طيب اهدي ي حبيبتي نتفاهم، انا كنت مجبر اعمل كده.. 


زعقت انجي فيه ـ

اييي هتعملي فيها امينه خليل وعايشلي دور اللي قادره ع التحدي وع المواجه  وتسيبني يوم الفرح وفاكرني هعيط واسكت لاااا... 


حسن بخوف ـ

هتعملي اي ي مجنونه انا جوزك لسه اهو احنا كاتبين الكتاب... 


انجي بحقد ـ

اقسم بالله لـ مهخلي الدكتور يعرف يخيط فيك حته... 


ــــــــــــــــــــــــــــــــــــــــ 


ـ وقبل ما نبدأ حكايتنا نتعرف ع ابطالنا... 


انجي ـ

عندها 26 سنه وحيدة باباها ومامتها ومدلعينها جدا، ومخطوبه وفرحها بعد ايام... 


حسن ـ

عنده 30 سنه من عيله كبيره وبيحب انجي من الكفوله بس ديما مش بتعجبه تصرفاتها وانها مش شايله المسؤليه... 


عمار ـ

صاحب حسن واخو انجي الكبير، عاقل جدا ومش بيحب الهزار ولا الضحك وديما بيحب يقعد في الشغل.. 


رندا ـ

صاحبة انجي وانيل منها نفس التفاهه، بس طيبه جدا وبتحب عمار اخو انجي اووي... 


ــــــــــــــــــــــــــــــــــــــــ 


«قبل فرح انجي وحسن بيومين»..


ـ كانت انجي قاعده مع عيلتها وبيتناقشو في هيعنلو اي في الفرح... 


عمار بعصبيه ـ

هو اي اللي هتجيبي حمو بيكا، اسمعي ي بت انتي مفيش اغاني اصلا في الفرح... 


انجي بغيظ ـ

لا والله اومال هرقص ع اي، ع صوت زعيقك.. 


عمار بحده ـ

نعم ي اختي انتي كمان عايزه ترقصي... 


انجي ـ

ي جماعه والنبي حد يفهمه ان بعد بكره فرحي مش جنازتي تقريبا الحج عمار فاهم الموضوع غلط... 


ابو انجي ـ

خلاص ي عمار سيبها تعمل فرحها زي ما هي عايزه.. 


عمار ـ

من الاخر الفرح مش هتشتغل فيه اغاني هي موسيقي هاديه واجواء هاديه.. 


انجي بغيظ ـ

بزمتك في موسيقي هاديه بيترقص عليها... 


عمار بحده ـ

هو لازم رقص ي انجي يعني، وبعدين قوليلي هو حسن عارف موضوع الرقص ده؟... 


انجي بمرح ـ

اومال ده انا وهو متدربين ع رقصه هنعملها سواا... 


ام انجي بحماس ـ

رقصة اي دي ي انجي؟.. 


ردت عليها انجي ـ

الرقصه اللي بتترقص ع عقباوي دمي حامي... 


الام بفرحه ـ

الله هرقصها معاكم والنبي... 


عمار بحده ـ

في ايييي ي ماما، عقباوي اي اللي عايزه ترقصي عليها... 


الاب بمرح ـ

متسيبها تعقب ي واد ي عمار، يمكن تجدد الطاقه جوايا واجيبلكم اخ صغنن.. 


ام عمار بكسوف ـ

بس بقي ي فتحي العيال قاعدين.. 


انجي ـ

لا اعتبرونا مش موجودين وخدو راحتكم... 


عمار بغيظ وهو قايم رايح لاوضته ـ

اي العيله الهلاسه دي ياربي، انا طالع انام ولو الفرح اشتغلت فيه اغاني هقطم وسطك ي بت ي انجي... 


انجي بحده ـ

نكدو عليك بدري ي بعيد، وبقولك اي خليك فاوضتك واتنحنح وانت طالع عشان رندا جايه هتبات عندي لـ يوم الفرح... 


عمار بهدوء ـ

طيب كويس.... 


انجي بخبث ـ

هو اي اللي كويس... 


عمار بحده ـ

بقول كويس وخلاص، وبعدين قوليلها هي متطلعش من اوضتك انا محدش هيقولي اعمل اي ومعملش اي في بيتنا فاهمه ي انجي زفت انتي... 


انجي بغيظ ـ

والله العظيم ي عمار لو اتكلمت من غير متعلي صوتك هسمعك، مش لازم تشغل الميكروفنات اللي فـ حنجرتك دي... 


الام ـ

انا بقيت بشفق ع احباله الصوتيه... 


ــــــــــــــــــــــــــــــــــــــــ 


ـ بعد شويه كانت رندا قاعده معاها في الاوصه وبتضحك اووي وانجي بتحكيلها ع اللي عمله عمار... 


رندا ـ

طيب والله دمه خفيف... 


انجي بسخريه ـ

مين ده اللي دمه خفيف، عمار اخويا لاااا انتي بتهزري والله... 


رندا بهدوء ـ

لو الكل شايفه دمه تقيل ةرخم وعندي ونكدي انا لا، انا بالنسبالي عمار مفيش منه... 


انجي ـ

هو مش تخويا بس انا بقولك بلااااش عمار، لو اتجوزتو هتقضو شهر العسل في مستشفي المجانين.. 


رندا ـ

لو معاه موافقه ومعنديش ماانع... 


ـ اتغاظت انجي وكانت لسه هترد عليها، بس موبيلها رن وكان حسن خطيبها... 


ردت عليه بعد ما راحت ووقفت في البلكونه وقالت.. 


انجي ـ

الووو ي اي ابو الصحاب... 


حسن ـ

بقي في بنت تقول لخطيبها ابو الصحاب.. 


انجي بمرح ـ

مش انا قولت يبقي في... 


رد عليها حسن ـ

المهم كنت بكلمك عشان اقولك ان الاتيليه خلصو الفستان بتاعك ونقدر نروح نشوفه بكره... 


انجي بحده ـ

ويقلولك انت لي، ومحدش فيهم لي كلمني انا وقالي... 


حسن بضيق ـ

عادي ي انجي انا وانتي واحد... 


انجي ـ

لا مش عادي طبعا البت اللي شغاله في الاتليه هي اللي كلمتك صح، هي كان عينها منك... 


حسن ـ

ي حبيبتي مش مشكله هي ولا مش هي، احنا لينا اي عندها غير الفستان وبعد الفرح ولا نعرفها ولا نعرف اللي جابها... 


انجي ـ

لا مليش دعوه انا مش هجيب الفستان من عندهم، نشوف حد تاني.. 


حسن بعصبيه ـ

هو في اي ي انجي بقي، بطلي تمسكي في مواضيع تافهه وبعدين لو اختارتي فستان تاني وعبال ما يجهز الفرح هيتاجل وانا هخسر كتير وانتي عارفه اني داخل في مشروع وفلوسي محدوده شويه.. 


انجي ـ

بصراحه كده انا عايزه اجل الفرح عيد ميلادي الاسبوع الجاي، فلو اجلنا شويه هيبقي يوم فرحي جاي يوم عيد ميلادي بليييز وافق... 


حسن ـ

لا مش هينفع قولتلك هخسر كتير حجز القاعه اللي هيتلغي وانا هحجز غيره ده و... 


انجي ـ

فكر فيها كويس هيبقي حاجه بريفكت لو عيد ميلادي وفرحي كانو في يوم واحد... 


حسن ـ

وانا عشان تفصيله تافهه اخسر عليها اد كده، انجي انا بحبك وعايز افرحك باي حاجه بس اتمني تعقلي وتكبري وتبصي للامور من ناحيه تانيه انتي هتبقي ست متجوزه و... 


انجي بحده ـ

ولاااا مترغيش كتير مش انت مش هتاجل الفرح اسكت بقي ومتتكلمش معايا، بس افتكر انك وجعتني وجرح المشاعر اكبر من جرح الخيانه.. 


ضحك غصب عنه وقالها ـ

معلش انا غلطان، قوليلي بقي بتعملي اي؟... 


انجي بهدوء ـ

قاعده دع رندا هنشوف هنعمل اي بكره بما انه اخر يوم ليا وانا سنجوله... 


حسن ـ

لا انتي مش سنجل اصلا، احنا من لما كتبنا الكتاب وانتي بقيتي حرم حسن الخولي يعني مفيش سنجله... 


انجي ـ

لا سنجل لسه ومتقولش كده قدام حد لحسن اابارتي بتاعت بكره تتلغي وانا اهم حاجه عندي البارتي بكره، تخيل مصممة الديكور عايزه تحط بلونات موف  مع اخضر شوفت الكارثه... 


حسن بضيق ـ

اقغلي ي انجي انا رايح انام.. 


انجي بحزن ـ

روح اتخمد انت اصلا من امتي بتهتم بـ مشاكلي... 


حسن ـ

ي شيخه اللهم ربع مشاكلك في حياتي والله مش هشتكي من حاجه وقتها... 


ـ قفل حسن معاها وبعدين فضل يفكر ازاي هتكون حياته معاها بعد ما يتجوزو، هي مش هتكون شايله اي مسؤليه، بس اقنع نفسه انها هتتغير بعد الجواز... 


ــــــــــــــــــــــــــــــــــــــــ 


ـ تاني يوم الصبح، كان حسن رايح شغله وشاف وحده جارتهم اللي كانت بتحبه زمان بس هو رفض حبها عشان بيحب انجي، قربت منه وسلمت عليه وقالت.. 


البنت ـ

هاي ي حسن عامل اي... 


حسن بهدوء ـ

الحمد لله ي عزه انتي عامله اي؟.. 


عزه ـ

كويسه الحمد لله، الف مبروك عرفت من مامي ان فرحك بكره.. 


حسن ـ

الله يبارك فيكي، انتي عامله اي وجايه مصر من امتي انا افتكرت انك هتقعدي مع جوزك في دبي ع طول... 


ردت عليه عزه ـ

طبعا هقعد معاه ع طول، بس انا فاتحه بيوتي سنتر كوافير هنا في مصر ومامي بتديره وبنزل كل فتره اطمن ت الشغل... 


حسن ـ

هاايل جدا، بس لي معملتيش المشروع ده في دبي... 


عزه ـ

وعملته في دبي كمان بس عشان لو رجعت مصر في اي وقت تاني يبقي عندي مشروعي مش لسه هفكر ازاي هبدأ... 


حسن ـ

بجد برافو عليكي، ومبسوط اني شوفتك.. 


عزه بهدوء ـ

انا اكتر والله هسيبك بقي عشان الولاد مع ماما ولازم اروحلهم... 


حسن ـ

اكيد طبعا اتفضل... 


ـ مشي حسن وركب عربيته وقبل ما يتحرك بيها فضل يفكر لما انجي هيبقي معاها بيبي او اتنين هتكون عامله ازاي اكيد مش هتهتم بيهم وهيبقي كل اهتمامها للنادي وصحابها حتي هو خايف ع نفسه من اهمالها للبيت واهتمامها بـ حاجات تافهه.. 


ــــــــــــــــــــــــــــــــــــــــ 


ـ بالليل في بيت انجي كانت فرحانه جدا وبترقص مع صحباتها البنات اللي بيختفلو معاها بيوم حنتها... 


رندا ـ

قوليلي ي انجي حماتك اهي يعني اومال حسن مجاش لي؟.. 


انجي ـ

انتي عارفه حسن نفس تفكير عمار اخويا ملهمش في الاجواء دي... 


رندا ـ

لا لا معلش عمار حبيبي مفيش منه.. 


انجي ـ

اتقلي بقي يمكن يبصلك بلاش الدلقه السودا دي... 


الحلقه الثانيه من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺


تعليقات



CLOSE ADS
CLOSE ADS
close