expr:class='data:blog.languageDirection' expr:data-id='data:blog.blogId'>

رواية شهد الطفوله البارت الثالث 3 والاخير بقلم زهرة الربيع حصريه وجديده على مدونة النجم المتوهج للروايات والمعلومات

رواية شهد الطفوله البارت الثالث 3 والاخير بقلم زهرة الربيع حصريه وجديده على مدونة النجم المتوهج للروايات والمعلومات 

رواية شهد الطفوله البارت الثالث 3 والاخير بقلم زهرة الربيع حصريه وجديده على مدونة النجم المتوهج للروايات والمعلومات

شهد ابتسمت بكسوف بس انتبهت لنفسها وقالت.. ايه ده...انا بفكر في ايه بلاش جنان وقطعت الوورقه وقامت دخلت الحمام تاخد شور 


بعد شويه جهزت ونزلت لقت كارم في وشها قال بسرعه..اسمعيني يا شهد.. باليل هخدر كل الي في البيت ونهرب تمام


شهد قالت بزهول انت بتقول ايه ..اهرب واسيب ابويا بتحبس ..لا طبعا


كارم قال بسرعه...ويتحبس ليه المبلغ ده بسيط اوي اوى.. لما نسافر هنفك وديعه جدك الي باسمك وتديلو فلوسو على الجزمه ..انا مش عارف ابوكي ازاي مطلبش منك الطلب  ده


شهد قالت بضحك...انت مسطول يا كارم بابا خسر كل الفلوس حتى الورث الي سبهولو جدي


كارم قال بدهشه.. ساب لمين..انتي متعرفيش ولا ايه..جدك حرم الكل من ميراثو وكتبهولك انتي ..كلو


شهد وقفت بزهول وصدمه وقالت ايه


عند طارق كان في شركتو قاعد مع عدلي والد شهد وعدلي قال بضحك...بس حلوه الطاقيه الي عملتهالك دي


طارق قال ..انت بتضحك بقى بنتك تفتحلي دماغي وبدل ما تعقلها بتضحك


عدلي قال بحزن..ما هي البنت معزوره برضو يا طارق هيه فاكره انك ساومتني عليها واتجوزتها غصب


طارق قال بضيق..مهو كلو منك يا عمي انا ياما قولتلك وضحلها واحكيلها ان كارم كل همو ورثها..وبذات الارض ..مكنتش تسمع مني


عدلي قال..يا ابني انت فاكرتي محاولتش... دي شيفاه ملاك..ومش بتصدق اي حاجه عليه...وانا لولا اني متاكد انك بتحبها ومن زمان عمري ما كنت هخاطر والعب معاك اللعبه دي


طارق اتنهد وقال..متقلقش...انا هخلص كل حاجه هكشفو قدامها واخليها تسمعو بودانها


عند شهد كانت رايحه جايه في الاوضه هتتجنن ازاي معاها كل الفلوس دي ومخسروش حاجه ازاي ابوها بيعمل كده ليه ضحك عليها بس محاولتش تكلمو  لحد ما تسأل طارق وتشوفو هيقول ايه 


بالليل رجع طارق ودخل على اوضتو وكانت شهد قاعده مستنياه كانت لابسه بيجامه رقيقه بلون عيونها الازرق ..وشعرها البني على اكتافها طارق فضل مركذ فيها شويه وقال...ايه الحلاوه الي احلى من البقلاوه دي


شهد ابتسمت علي كلامو وقربت منو وقالت..ايه الي في ايدك ده


طارق كان سرحان في جمالها واول ما قالت كده انتبه قال..اه ده..ده مشبك ...علشانك 


شهد اخدتو منو بسرعه زي الاطفال وقالت...الله انا بموت فيه خصوصا لو


..لو العسل كتير عليه...قالها طارق معاها في نفس الوقت وشهد بصتلو وابتسمت وطارق قال بابتسامه..مستحيل انسى اي حاجه انتي بتحبيها


شهد اتنهدت وقالت..طب بما انك بتحبني زي ما بتقول ممكن تسمعني بقى


طارق قال بحماس ...اسمعك اسبوع لقدام 


شهد قالت..طيب ...انا عرفت ان بابا مش مداين منك ابدا ..وعرفت ان فلوس جدو لسه زي ما هيه...اقدر اخمن ان ممكن تكون انت عملت الحوار ده علشان الورث بتاعي لكن بابا...بابا عمل كده ليه ..وليه وافقك


طارق ضحك وقال...يعني انا مثلا هحتاج فلوسك او هطمع فيها يا شهد انا الاملاك بتاعتي في الخارج والشغل بتاعي قد ثروة جدك مرتين تلاته... انا تجوزتك لاني بحبك من زمان قوي وكنت ناوي اول ما ارجع من السفر اطلبك من انكل عزمي هو صاحب بابا الله يرحمو الروح بالروح وهو الي مربيني وعارفني وياما اشتغلنا مع بعض في الخارح...بس هو وانا اتفاجئنا بقصة ورث جدك من ٦ شهور وبعدها طبعا كارم اتقدملك على طول


شهد قالت..اااااه....فهمتك...بقى حضرتك عايز تفهمني ان كارم هو الي طمعان فيا مش كده


طارق قال..والله براحتك انا قولت الي عندي...بقولك ايه سيبك من الهري ده  القمر هيظهر وانتي بتحبي تشوفيه وانتي بتاكلي المشبك تعالي معايا 


شهد مشيت معاه وهيه مستغربه جدا اانه حافظ التفاصيل دي عنها ..وطلعت معاه البلكون وبقت تاكل ويتكلمو ويهزرو سوا لحد ما طارق قال... فاكره لما كنا بنلعب زمان ووقعتي من على السور كنت هتجنن يومها


شهد ابتسمت وقالت...اممم... فاكره..كانت اول مره اشوفك بتبكي يومها


طارق ابتسم وقال...دن انا كنت اموت لو حصلك حاجه

شهد ابتسمت واتنهدت وقالت..وبعدين يا طارق ...انت كده بتلعب بمشاعري وبتلخبطني و


طارق قال..انا مقصدش اي حاجه غير انك تصدفي اني بحبك من قلبي من زمان قوي والله


شهد قالت..طب ..ماكارم بيحبني اوي كمان


طارق قال بغيظ..تاني يا شهد بقولك بيضحك عليكي هو عايز الورث بتاعك وبس.. واتنهد وبص في عيونها وقال بصدق واضح...انا مش بتاع كدب وحورات صدقيني انا عايز مصلحتك ارجوكي اديني فرصه اكشفلك الحقيقه...فرصه بس..طب علشان خاطر المشبك حتى


شهد ضحكت ضحكه جميله وكانت مطمنالو قوي مشيت ورا احساسها وقالت..ماشي..علشان خاطر المشبك بس


بداية الرواية من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺


طارق ضحك بفرحه وقال..انا هجبلك منو كل يوم


شهد قالت مش للدرجه دي انا كده اتخن

طارق قال..لا متخافيش...عودك ميتخافش عليه..اجمل عود من النوع المشدود

شهد ضربتو في كتفو وقالت..انت واخوك مجانين رسمي


بعد مرور ٣ اسابيع كانت الحياه جميله جدا بين طارق وشهد بيفسحها وسفرها بلدهم وراحو الاماكن الي زاروها في الطفولة وكمان خلاها ترجع شغلها تاني وبقت مبسوطه جدا بيه وقلبها مطمنلو وحياتهم كانت تجنن سوا


لحد ما جيه يوم كانو عاملين حفله في الفيلا بمناسبة عيد ميلاد جدو شكري والكل كان معزوم


 شهد نزلت هيه وطارق بطله جميله جدا كانو شيك خالص وخطفو انظار الكل 


شهد كانت بتدردش مع طارق قالت ..عايزه اقولك حاجه


طارق قال قولي يا رب تكون الحاجه الي مستنيها

شهد ضحكت وقالت..هيه فعلا الحاجه الي مستنيها


طارق بصلها بتركيذ وقال بفرحه. قولي والله.


شهد ضحكت وقالت...والله 

طارق مسك ايدها وبص في عيونها وقال..طب قوليها


شهد اتكسفت ونزلت عيونها وقالت...لازم يعني

طارق رفع وشها ليه وقال..علشان خاطري...مره واحده بس

شهد سرحت في عيونه الحلوين وقالت ..بحبك يا طارق واقولها العمر كلو


طارق ابتسم والدنيا مبقتش سيعاه  شالها بفرحه وبقى يلف بيها والناس بقت تصفق لهم وبقم يرقصو سوا في جو رومانسي جميل


بعد شويه المعازيم ابتدت تمشي وهما بيودعوهم انقطعت الكهربا عن المكان كلو والدنيا بقت ضلمه اوي


بس مكملتش دقايق ورجع التيار تاني ...بس كانت الصدمه ان شهد مش موجوده


بقلم...زهرة الربيع

الكل دخل يدور عليها إلا طارق بص مكان ما كارم كان موجود ملقهوش فاتأكد انو هو الي خطفها 


عند شهد فتحت عنيها بتعب لقت نفسها مربوطه في كرسي وعزمي والد كارم قدامها قال..اخيرا صحيتي يا بنت الحاكم ..


شهد بصتلو باستغراب وخوف وقالت..انت جايبني هنا ليه يا انكل عزمي


كارم جيه من وراها وقال بسخريه..مش انكل عزمي الي جابك..ده انا يا عصفوره


شهد بصتلو بزهول وكارم حط اوراق قدامها وقال...امضي هنا لو عايزه تروحي لحبيب القلب سليمه


شهد بصت للاوراق باستغراب واتسعت عنيها بشده لما لقتها تنازل عن املاكها قالت بدموع..يعني كلام طارق حقيقي..انت كل هدفك الفلوس من الاول


طارق قال ..صح ومش صح..انا فعلا كنت بقربلك علشان ورثك..بس كل الي انا عايزه الارض بتاعتكم الي في الصحرا..دي تحتها كنز وانا محتاجو ...يلا امضي


شهد قالت باستغراب... كنز...كنز ايه ده


اثار...اثار موجوده من سنين...كانت دي جمله طارق الي فاجأ الكل بدخوله وبص لكارم بتحدي


شهد اتصدمت وقالت...اثار

وكارم ابتسم بسخريه وبص لطارق بغضب وقال... شرفت يا ابن عمي وهجم عليه واشتبكو سوا وكان طارق بيضربو بغضب وغل


عزمي استغل انشغال.طارق ومسك ايد شهد بيحاول يمضيها بالعافيه بس طارق زق كارم وجري عليها وقف قدامو وقال..حتى انت يا عمي مشيت ورا شياطين ابنك


كارم رفع سلاحو على طارق وقال...انت كمان تقدر تبقى معانا والخير كتير  دي اثار بمليارات...سيبها تمضي وابقى في صفنا


طارق بص لشهد الي بصتلو بدموع وخافت يبعها هو كمان بس طارق قال..محدش بيستغني عن روحو يا كارم شهد هيه العمر الي عدى والي جاي..متتعبش نفسك بالمحاوله معايا


شهد ابتسمت بحب واضح في عيونها وكارم شد اجزاء سلاحو وقال..يبقى ملكش عمر جاي يا ابن عمي


وانضربت رصاصه هزت المكان وشهد غمضت عنيها جامد و صرخت برعب وقالت ....طااااااااااارق


بس اتفاجئت لما  طارق حط ايده على شعرها بحنان وقال..اهدي انا بخير...انا جمبك


فتحت هنيها بخوف ودموع اتفاجئت بالشرطه دخلت واخدو عزمي وكارم الي كان مضروب رصاصه في ايده وماشي مع الشرطه وهو بيتوعد ويزعق في طارق


شهد بقت تبكي جامد وقالت بدموع..انا اسفه اسفه اوي كان لازم اصدقك من الاول


طارق فكها وشدها ليه وقال بدموع  انا مش زعلان منك..انا بس كنت هموت عليكي..لولا اني كنت مش مأمنلو وحطيت جهاز تعقب في عربيتو..كنت مش عارف ممكن يجرالك ايه...انا لو حصلك حاجه اروح فيها يا شهد


شهد بصتلو بدموع وابتسامه وقالت ...انا بحبك اوي يا طارق انت عوض ربنا عن الايام الي عشتها مع الندل ده وانا فاكره انو بيحبني


طارق ابتسم وقال بحب..وانتي عمري وكل حياتي انتي حلم طفواتي..يا شهد الطفولة.

🌹🌹🌹🌹🌹🌹🌹🌹🌹🌹🌹🌹🌹🌹🌹🌹

               .....تمت بحمد للله.....

حنين ومشاعرا مجهوله 🌹وخواطرا للقلب منقوله

     هذه ذكرياتي معك 🌹يا نبضات قلبي الأولى

   حياتا تمنيتها بقربك 🌹واوهاما غير معقوله

ف هيا لنعيشها سويا 🌹يا حلمي ويا شهد الطفوله

🌹🌹🌹🌹🌹🌹🌹🌹🌹🌹🌹🌹🌹🌹🌹🌹 


اهلا بالغوالي...واتمنى دعم عالي...كنتم مع اسكربت

             🌹 شهد الطفوله🌹


بداية الرواية من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺



تعليقات



CLOSE ADS
CLOSE ADS
close