رواية الخادمه وفرعون الصعيد الحلقه الثانيه والثالثه بقلم نوران أحمد حصريه وجديده على مدونة النجم المتوهج للروايات والمعلومات

 


رواية الخادمه وفرعون الصعيد الحلقه الثانيه والثالثه بقلم نوران أحمد حصريه وجديده على مدونة النجم المتوهج للروايات والمعلومات

رواية الخادمه وفرعون الصعيد الحلقه الثانيه والثالثه بقلم نوران أحمد حصريه وجديده على مدونة النجم المتوهج للروايات والمعلومات

الحلقة الثانية

جاسر : انتي اي اللي دخلك اهنه معتعرفيش أنه ممنوع ولا اه تعرفي منين منتي من بنات البندر يلي لا يعرفو خشا ولا ادب غوري من وشي ومعشوفكيش في القصر واصل اعتبري نفسك مطروده اطلعي بره
نزلت علي السلالم وهي بتترعش وبتعيط والخدم كلهم بيبصو عليها خبت وشها بسرعه ودخلت اوضتها
دخلت سميه وراها بسرعه : اي اللي عملتيه ده يا بتي ميصحش ممنوع تدخلي اوضه رجال وجاسر بيه مخصوص مانع الكلام ده حدانا مين اللي جالك تعملي أكده
رنا بدموع : انا انا م معرفش س ساره قالت اروح اصحيه وحضرتك قولتي لو حد طلب مني مساعده اعمل كدا ف ف روحت معرفش أنه ممنوع ومسك ايدي جامد وجعني وزعقلي كنت خايفه اوي منه
سميه : ااااه عملتها فيكي ولد المركوب يا بتي مش جولتلك معتثقيش في حدي واصل خير خير يا بنيتي اهدي اني هروح اتحدث معاه وان شاء الله خير وبعدين خدي بالك قبل ما حد يطلب منك حاجه اساليني اقولك تعمليها ولا لع
هزت رنا راسها : حاضر انا انا ممكن اعتذر ليه بس مش هينفع اسيب البيت هروح فين بس لو ده حصل
سميه : جولتلك سيبيها عليا يا بنتي معتسمعيش حديثي ليه اصبري بس عكلمه وخير يا بنيتي
وبعد ساعه دخلت سميه : اتحدثت معاه واداكي فرصه تانيه روحي اعملي جهوه وادخلي اديهاله واعتذري
رنا : ح حاضر بس هو ممكن تيجي معايا علشان بخاف منه
سميه : روحي يا بنيتي معتخافيش جاسر طيب وحنين بس عصبيته وحشه شويه معلش
جهزت رنا القهوه وخبطت عليه المكتب لحد ما سمح ليها تدخل
جاسر بتفكير اول ما دخلت كان لفت نظري وشها اللي كان احمر كله وعيونها الورمه من العايط
قدمت القهوه رنا بدموع : انا انا اسفه مكنتش اعرف مكنتش اقصد انا بس الموضوع مش زي ما حضرتك فاهم هو
جاسر ابتسمت كانت بتتحدث كيف العيال الصغار معجول في بت بريئه في الزمن لخبر ده
جاسر : اتجبلت اسفك كله بسبب الحجه سميه بس يكون بعلمك معسمحش يتكرر الموضوع ده واصل من اهنه ورايح
رنا ببرائه وهي بتمسح دموعها : حاضر وعد والله مش هعمل كدا ابدا خالص
ابتسم وسمح ليها تمشي خرجت رنا مبتسمه لحد ما قابلت ساره
ساره : اسفه يا جلبي نسيت اجولك تنادي حد من الغفر والا الرجاله تصحيه انتي كويسه هو طردك مش أكده بردو
رنا بطفوله : لا قال إن دي اخر مره ومش هعمل كدا تاني وانا وعدت عمري ما هعمل ده تاني
ساره بغل وحقد : اه زين زين يا بت البندر روحي كلمي سميه وشويه وجايه عحتاجك في حاجات كتيره
رنا بابتسامه : مفيش مشكله عادي احنا بقينا صحاب المفروض لو احتاجتي اي حاجه قولي بس متنسيش الحاجات المهمه زي ما حصل النهار ده يلا باي هستناكي في المطبخ
مشيت رنا علي المطبخ
واتصلت ساره بنرجس : ايون يا نرجس هانم لع البت كيف الجمر وعليها عيون جميله جوي جوي لع واي جاسر بيه سامحها عادي كانو عينه منها لو واحده مننا ما كانت باتت فيها اه اه كل الاخبار بجولهالك اول باول والله اه اه لا تمام متجلجيش اني هطفشهالك بكرا عتجول حجي برجبتي وعتسيب الدوار والبلد كلياتها بس اصبري بس ليا الحلاوه ماشي يا ست البنات
في مكتب جاسر
جاسر : زهجت من جاعده المكتب وقفت ابص من الشباك لجيتها الملاك مفيش وصف يليق عليها غير الملاك كانت بتغني وهي بتسجي الزرع شوفتها ريحتلي اعصابي بشكل غريب يا تري اي حكايتك يا ست رنا
في الحديقه
رنا : شكرا يا عمو جدا مش عارفه اشكر حضرتك ازاي من زمان كان نفسي اعمل كدا اوي
العم : ولا يهمك يا بتي لو احتاجتي اي حاجه تعاليلي ربنا يعلم انك في معزه بتي دخلتي جلبي من اول ما شوفتك
رنا بابتسامه : تسلم يا عمو ربنا يخليك انا كمان مبسوطه اني شوفتك النهار ده
جاسر وهو واقف بيبص عليهم وبيحدث حاله اي مالك يا جاسر مضايق ليه عاد دي مجرد بت عاديه مليش صالح بيها بس في حاجه في البت دي بتشدني معرفش اي هي بس مسيري اعرفها وسمعها وهي بتقول
رنا : عمو هو انت بتحب الورد يا عمو يعني بيقولوا أن كل واحد بيشتغل اللي بيحبه صح
العم الجانيني : مش دايما الإنسان بيشتغل اللي بحبه اني معحبش الورد واصل يا بتي ده جاسر بيه اللي بيحبه الجنينه دي خط احمر عنديه أصله بيحبها جوي جوي
رنا : غريبه مايبنش عليه خالص هو حضرتك هنا من أمتي
العم الجانيني : يااا ده من زمان جوي يا بتي من ايام ما كان جاسر بيه عنده 10 سنين والست والدته كانت بتحب الورد جوي وبتهتم بالورد عشان أكده لما اتوفت جاسر بيه بجا بيهتم جدا بالورد الذكري الوحيده من أمه
رنا : جميل اوي مع انه عصبي جدا وبيخوف بس حلو أنه عنده جانب لطيف من شخصيته كدا
الجانيني : علي قد عصبيته حنين جوي جوي اللي شافه مكنش جليل يا بتي ده شايل هم بدري بدري من سن صغير وهو اللي شايل هم البلد كلياتها دلوجتي
رنا : اه ممكن فعلا مقدرش احكم علي حد معرفش عنه حاجه بس ربنا يسعده علي قد ما بيفرح وبيسعد الناس انا هروح بقا حجه سميه بتنادي هاجي بكرا في نفس المعاد استناني يا عمو انا اللي هسقي الورد وعد
العم بابتسامه : وعد يا بتي هستناكي متعوجيش ابتسامتها كيف الشمس بتنور الدنيا ربنا يحميكي يا بنتي نادرا لما نشوف ورده بريئه متلوثتش من بشاعه العالم
دخلت القصر وساعدت الخدم في الغدا
رنا : انا جيت اهو معلش اتاخر شويه هطلع باقي الحاجه بره حالا وجايه
دخلت ساره وحطت رجليها وقعت رنا ووقعت الشربه علي ايديها واتحرقت فضلت تعيط
ساره : السم الله عليكي يا حبيبتي كيف حوصل أكده ما تاخدي بالك بردوه معتبجيش متسرعه ومتهوره أكده
سميه بغضب وهو بتبص علي ساره تعالي معايا بسرعه يا بتي ومنه لله اللي كان السبب كدامي
ومن بعيد كان جاسر بيبص عليها باهتمام وزعل عليها بس حاول مايبينش اي اهتمام
في اوضه رنا : اه اه بتوجع براحه يا حجه سميه
سميه : لازم توجع عشان تخفي مش تاخدي بالك بردو يا رنا اكده تجلجيني عليكي
رنا : كنت واخده بالي معرفش ازاي حصل ده ولا حصل اي غريبه
سميه : خير خير يا بتي لعله خير كفايه عليكي أكده اليوم ونامي و
رنا : حاضر وهخلي بالي من نفسي وهقفل علي نفسي كويس اوي متقلقيش عليا
طلعت سميه
ساره بتتكلم في الفون : ها جبت الحاجه ياض يا عتريس اللي طلبته منيك
عتريس : ايوه ايوه يا ست ساره جبت كل حاجه بس ده ليه يعني محدش بيحب الحاجات دي واصل محتاجاها في أي ها
ساره : ملكش صالح انت جولي الاول هو خطير يا واد يعني ممكن يخلص علي شخص واكده
عتريس : ايوه يا ست البنات طبعا ده سام جدا ما هو عشان أكده بسالك انتي عايزاه في اي
ساره : بطل رغي كتير واخلص اطلعلي علي البوابه وانا جيالك اخده منيك سلام
قفلت وطلعت قابلته
ساره : ايوه يا ست نرجس الخطه ماشيه تمام معتجلجيش هي أول مره تتعاملي معايا لع لع هنخلص منيها وهيفضالك الجو بس لو حوصل ليا الحلاوه ها اتفجنا سلام يا ست البنات
طلعت علي البوابه وخدت من عتريس الصندوق
ودخلت القصر بشويش وفتحت باب اوضه رنا
وفتحت الصندوق وطلع منه تعبان كبري كبير سام وقفلت الباب وضحكت بخبث ودخلت اوضتها
وفي اوضه رنا
كانت التعبان بيتسحب وبيقرب اكتر واكتر منها وطلع علي السرير حست رنا بحاجه وصحيت اتفاجات بالتعبان قدامها صرخت بصوت عالي سمعه كل اللي في القصر ووو



رواية الخادمة وفرعون الصعيد الحلقة الثالثة


صرخت رنا بصوت عالي بفزع وهي بتخبط علي الباب
حد يفتحلي الباب بسرعه بسرعه في تعبان وفضلت تصرخ وهي بتخبط علي الباب وبتعيط
صحي جاسر مفزوع وطلع يجري علي تحت
سمعها عوض ودخل بسرعه
رنا : الحقني يا عم عوض ونبي في تعبان افتح الباب بسرعه مبيفتحش ليه ده مش عارفه انا خايفه ساعدني بسرعه يا عمو
عوض : اهدي يا بتي هروح اجيب حاجه افتح بيها الباب اصبري
رنا بدموع اطفال : يا عمو عوض لالالالالا بالله عليك متسيبنيش جاي ناحيتي وكبير اوي بدا صريخها يعلا اكتر
جاسر بقلق : بعدي عن الباب بسرعه عشان اعرف افتحه بعدي
رنا بدموع : لا لا مش هعرف هيعضني انا خايفه اتحرك هو قريب مني
جاسر : حاولي تبعدي بس شوي يا بت الناس خليني اخلصك براحه وواحده واحده ابعدي
رنا بخوف : انا انا عملت كدا انا بعدت خلاص بس لسه جاي ناحيتي وبيمشي بسرعه
كسر جاسر الباب جريت رنا عليه ونطت حضنته ورفعت رجليها علي وسطه وهي بتعيط
رنا : بص بص جاي علينا بسرعه اهرب بسرعه هيعضنا اجري
حضنتها وخبت وشها في حضنه
اتصدم جاسر من تصرفها وفضل باصص ليها كتير واول ما قرب التعبان مسكه من بقه وفصل رأسه عن جسمه ورماه بعيد
جاسر : بعدي عني حالا خلاص جتلته معتجربيش مني مره تانيه لو معايزاش تتاذي
رنا : بجد خلاص قتلته الحمدلله انا انا اسفه اني قربت كدا بس مكنش قصدي كنت خايفه بس
وفجاه بعدت عنه بسرعه ووشها احمر
رنا بخجل : شكرا تعبت حضرتك معايا واسفه علي الاذعاج مش هتتكرر
عوض : اني جيتك يا ست البنات اهيه هو الموضوع خلص بسرعه كدا ليه يلا هروح ارجع اللي في أيدي
جاسر : دقيقه واحده اي اللي جايبه في ايدك ده
عوض : حديده يا جاسر بيه اهي اي حاجه حاده ممكن تساعدنا
جاسر : وده ليه أن شاء الله يعني ممكن يساعدك في اي ممكن تقولي
عوض : عشان اكسر الباب يا جاسر بيه طبعا لع ده انا فطن جوي جوي ميغركش
جاسر. : كويس اني جيت في الوجت المناسب كانت البت راحت فيها اجمعلي الغفر يا عوض وعلي مكتبي
عوض : دلوجيت يا سعاده البيه الوجت اتاخر بنكون نايمين في الوجت ده
جاسر : ايوه حالا ثانيه واحده نعم يا روح امك بتكونو اي معلش لما بتكونو نايمين مين بيحرس الجصر كدامي
في المكتب
جاسر : عايز اعرف حد لاحظ حاجه غريبه النهار ده حوالين الدوار ولا لع
الغفر : لا يا سعاده البيه احنا عنينا مفنجلين كد أكده ومكنش في اي حركه واصل
الغفير2 : لا يا سعاده البيه كان في حاجه غريبه واحده من الخدم اللي اسمها ساره خرجت متأخر من الفيلا وجابلت واحد اكده غريب
جاسر : حلو اوي عايز كاميرات مراجبه و حراس تانيين ومش عايز اي تكاسل لاني مش هتهاون فيه
عوض : اي اللي حصل بس يا بيه يستاهل كل ده ما احنا كويسين اهو ولا عمرها حصلت ايوتها حاجه
جاسر : عشان يطمن جلبي بس كل واحد يرجع مطرحه ومفيش نوم في الشغل يا رجاله
لاحظ جاسر رنا واقفه قدام الفيلا راح ليها
جاسر : اي اللي موجفك بره دلوجيت الوجت متأخر يا بت الناس ادخلي
رنا : انا انا بصراحه كنت خايفه انام ومش عارفه اعمل اي قولت اطلع جايز الاقي عمو الجنايني اتكلم معاه
جاسر : واللي خايف يطلع بره الدوار أكده ومين هيصحي في الوجت ده
رنا : القمر منور وجميل اوي قولت اطلع ابص عليه اهو يطمني شويه
جاسر : الجمر اه وفي سره والله ما في جمر في المكان غيرك جري اي يا جاسر انت هتخيب ولا اي اضبط حالك أكده
جاسر بضيق : ادخلي يا بت معايزش دلع وكلام ماسخ كدامي دخلها وقفل الباب
رنا وهي بتجري وراه : بس انا عايزه اقعد بره شويه لو سمحت ممكن شويه صغيرين بس
جاسر : ميصحش أكده يا بت البندر العادات والتجاليد تمنع الخروج بره دلوكيت
رنا بخوف ودموع : بس انا مش عارفه انام خليك معايا لحد الصبح لو سمحت ممكن
جاسر : وه لتكوني مفكراني الداده بتاعتك اياك ادخلي بلي دلع وكلامك ماسخ
رنا : لا لا والله انا خايفه بجد قول اي المكان اللي ممكن يكون انام اقعد فيه
جاسر : تعالي اخلص شغلي في المكتب وانتي نامي ع الكنبه لحد لما اخلص
مشيت وراه رنا ونامت علي الكنبه
وكان جاسر مهتم جدا بالورق اللي في أيده فضلت تبص ليه لحد ما نامت خلص جاسر وبص عليها لقاها نايمه زي الملاك
اتصلت بشخص
جاسر : اه يا حسين جبت المعلومات اللي طلبتها منيك
حسين : بالنسبه لبنت عمك مش لاقي ليها اي اثر خالص مش فاكر ابوك قالك اي مواصفات ليها
افتكر جاسر
فلاش باك
كان أبو جاسر علي السرير
جاسر : جوم يا بوي انت لسه شباب عتبجي زين والله يا ابوي
أبو جاسر : اني خلاص هتوفي يا جاسر يا ولدي اني ظلمت ناس كتيره جوي جوي اوعي يا جاسر تغرك المظاهر يا ولدي والغرور يمسكك وتاذي الناس بسبب السلطه كنت غلطان يا ولدي ويوم ما افتريت وظلمت كان اخوي ومرته
جاسر : تجصد اي يا حج انت عمرك ما كنت أكده انت معتظلمش الغريب يوم ما تظلم يبجا اخوك
ابو جاسر : اني السبب في أن عمك ومرات عمك ميبقوش في الحياه اني جتلتهم يا ولدي
جاسر بصدمه : كيف يا ابوي كيف تجسي علي اخوك أكده يولع كل حاجه الا الاخ
ابو جاسر : اسكت يا ولدي خليني اجولك اللي حوصل بجاله سنين جبل ما ربك يستلم أمانته كان نفسي أكفر عن ذنبي اني اه توبت لربنا وعملت كل الخير بس مجدرش انسي اللي عملته في بت خوي وأخوي ومرته
جاسر : حوصل اي يا بوي معتجولش اسوء من اللي جولته عاد خلاص
ابو جاسر : دبرت ليهم حادثه عشان اخد ورثه والشركه بتاعته والأراضي وتوفي هو ومراته جبل ما يموت في العمليات جالي كلمه واحده اني مسامحك يا خوي يا ابن امي وأبوي بس امانتك بتي بتي امانه في رجابتك بس خليها تعيش معيزش اكتر من أكده اوعدني يا خوي و عدته يا جاسر يا ولدي
جاسر : ازاي هي فين عمري ما عرفت أن بت عمي عائشه مش جولتلي توفت في الحادث معاهم يا بوي
ابو جاسر : كنت بكذب عليك يا ولدي كنت عايز اخلص منيها الطمع كان عاميني يا ولدي البت طلعت بسبع ارواح يا ولدي امها حميتها في الحادث عشان أجده عاشت اخدتها بعد ما اتعالجت جروحها ورميتها ع باب مش متذكر يا ولدي باب مسجد ولا باب بيت ولا باب ملجأ مش جادر افتكر يا ولدي ومن سنتين واني بدور عليها في كل مكان عايزها تسامحني يا ولدي اني ظالمتها وظالمت أهلها مش عارف اعيش كل يوم يا ولدي مش عارف انام ولا ادوج السعاده والفرح وبت عمك مش في الدوار وصيتي ليك يا ولدي رجعها رجع بنت عمك للدوار وخليها تسامحني يا ولدي
جاسر : طب اوصل ليها كيف يا بوي اي علامه جولي جولي اي علامه توصلني ليها
ابو جاسر : بعد الحادثه يا ولدي ايديها كانت عتنزف كاتير والدكاتره خيطوها وجالولي أنها عتسيب اثر علي جسمها يا ولدي وكانت حداها سلسله حوالين رجبتها علي شكل دواريه وجوه الدوريه تاريخ ميلادها واسمها
جاسر : حاول تفتكر يا ابو كيف كان شعرها باي لون وعينيها اي حاجه فيها اي حاجه مميزه تاني اني متاكد اني هوصل ليها جريب جوي جوي وانت اللي عتجولها تسامحك
ابو جاسر : كانت بيضه وشعرها بني وعيونها خضرا ولا عسلي معرفش يا ولدي
جاسر : بكرا عتكون عندك يا ابوي بس فوج وجوم بالسلامه عشان تعوضها بنفسك
ابو جاسر : اوعدني يا جاسر تلاجيها وتعوضها وتتجوزها احميها وعوضها علي كل اللي حوصل مني خليها تسامحني يا ولدي
جاسر : اوعدك يا ابوي معسيبش الحوار ده واصل وعتسامحك اكيد يا ابوي
وفجاه غمض ابو جاسر عينيه
جاسر بدموع : ابوي ابوي فتح عيونك يا بوي لع معتسيبنيش وحدي لع يا ابو
باك

يتبع 


بداية الرواية من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺


إرسال تعليق

أحدث أقدم

إعلان آخر الموضوع

CLOSE ADS
CLOSE ADS
close