رواية لعنة الخادمه الفصل الاول والثاني والثالث والرابع والخامس بقلم حماده زهران حصريه وجديده
 |
لعنة الخادمه الجزء الاول
الخميس13/1/2022 الساعه 9:20م دخلت البيت لقيت أبويا موجود عندي في الشقه وبيلعب مع بنتي جودي رديت السلام وقولت :ابن حلال يا والدي جدتي نفيسه بتحبك شويه كباب إنما إيه يستاهلوا بوقك........
ضحك ابويا وقال:تصدق يا اسلام جدتك دي معملتش حاجه حلوه في حياتها غير أنها جابت أمك.....
ضحكنا وبدأنا ناكل.......
بعد ما أكلنا والدي مشي وأنا دخلت أخد شاور وبعدها دخلت لجودي وأنا بقول:مين الكتكوته اللي عيد ميلادها كمان يومين وهتم ال 7 سنين......
جريت عليا وبتردد: أنا جودي الكتكوته جودي الكتكوته.....
:هاااا يا كتكوته بابا نفسك في ايه اجبهولك السنه دي....
:عروسه يا بابي عروسه أصل بحب العرايس وبيلعبوا معايا...
:حبيبت باباها تؤمر رغم أن عندك عرايس كتير بس مش مشكله،يلا بقي يا حبيبتي علشان تنامي.......
: حاضر يا بابا.....
:إيه مفيش بوسه لبابا......
: امووووووووه.....
وأتأكدت إنها نامت فضلت أتأمل فيها شويه وبعدها نمت.......
اعرفكم بنفسي الاسم:إسلام عبدالفتاح العمر:٣٦سنه....
كنت متجوز من ٧ سنين،مراتي ماتت هي وبتولد بنتي جودي حزنت جداً علي فراق مراتي وفرحت جداً لقدوم بنتي......
عندي سوبر ماركت وظروفي المادية في المتوسط الحمد لله..
تاني يوم الصبح فطرنا وركبتها باص المدرسه وقابلت (حسان)
حسان ده يبقي جاري وفاتح محل لعب أطفال وأنتيكات ولاوازم مدارس جميله كده وطلبت منه طلب بنتي العروسه الكبيره قالي طلبك موجود بس هتعدي عليا بكره الساعه ٨ص عند المخزن بتاعي علشان الطلب بتاعك هناك قلت ماشي بكره بكره تاني يوم كان الجمعه وف الساعه ٨ص كنت عند المخزن لقيته مقفول والدنيا فاضيه خالص رنيت عليه متأخرش كتير وكان وصل فتح المخزن وكان مجهزلي طلبي لقيت علبة هديه كبيره مزخرفه بالألوان وشكلها تحفه فرحت جداً أخدتها سألتو علي حسابها كام قلي 200جنيه استغربت علي أن بيفرط في العروسه الغاليه دي ب200جنيه، مفكرتش كتير ودفعت وشكرته ومشيت ،رجعت البيت وصحيت بنتي من النوم علشان أفأجئها بالعروسه اللي طلبتها كنت انبسطت خالص وكانت طايره من الفرحه حطيت علبة العروسه علي دولاب بنتي وخرجت احضرلها الفطار وسامع بنتي بتضحك ضحك هستيري وبعد كده سكتت منتبهتش حضرت الفطار وفضلت أنادي عليها تيجي تفطر ياجودي ياجودي لكن مبتردش روحت فاتح الأوضه عليها.......
المشهد كالتالي دم مغرق الأوضه كلها كأني مجزرة حصلت ف المكان العروسه علي السرير والعلبه جنبيها ومفيش أسر لبنتي قربت وانا رجلي مش شايلاني وفتحت العلبه واذا بي أفاجأ ببنتي جودي مدبوحه..............
اتكهربت مكاني اول مشفتها بالمنظر ده وفقدت الوعي____________
فوقت لقيت أبويا وأعز ٣ أصدقاء عندي كريم،محمد،مالك
مش فاكر اي حاجه غير بنتي ماتت ،فاقد النطق من بشاعت المنظر اللي شوفتو ف بنتي رجعت البيت كان عدا اسبوع من الحادث دخلت أوضة بنتي كانت مترتبة يباركلي ف ابويا وأصحابي، العروسه كانو ف زاوية من الأوضه مكنش فيها دم ولا حاجه كأني لسه جايبها حالا من حسان......
ااااااااه حسان افتكرت كل حاجه حسان.......
حسان اللي بعلي العروسه ببلاش واللي كان سعيد جدا هو وبيدهاني قررت أن اول حاجه اعملها اروح لحسان خرجت من الشقه بتاعتي وروحت علي شقة حسان لقيتها مقفوله سمعت صوت حد طالع علي السلم بصيت لقيت ابويا طالع عندي قالي كنت عايز أقعد معاك شوية ،بالمناسبه ابويا كمان جاري ،قلتلو اتفضل دخلنا الشقه وقفلت الباب قعدنا ولقيتو بيقول ليه عملت كده؟ليه عملت كده؟
-انا عملت ايه
=انت مش عارف انت عملت ايه؟؟
-ياوالدي من غير ألغاز انا فيا اللي مكافيني
=قتلت بنتك ليه
- قتلت بنتي انت بتقول ايه
=ازاي جالك قلب تدبح بنتك انت اكيد مجنون انت لازم تتعالج وعلي فكره بنتك انا وأصحابك اللي دفناها وبدون تصريح دفن من ورا الناس كلهااا
-بابا بعد اذنك عاوز انام...........
سابني ونزل شقته_______
نمت،نمت نومت الميتين مش حاسس بحاجه صحيت العصر ومفيش ف دماغي غير حسان، خرجت من الشقه لقيتها برضو مقفوله،نزلت روحتلو المحل بتاعو لقيتو مقفول برضو سألت واحد من الناس اللي فاتحين محلات جنبو قالي ليه يومين مبيفتحش، رجعت البيت دخلت علي أوضة بنتي نفس المشهد الأوضه غرقانه دم والعروسه علي السرير جانبها العلبه فتحت العلبه لقيت حسان مدبوح.....
اتمسمرت مكاني وقت مش كتير وانا مرعوب من اللي بيحصل ده امتلكت أعصابي ودفنت الجثه من غير محد يشوفني....
لعنةالخادمه الجزء الثاني:
اتمسمرت مكاني لما شوفت جثة حسان متشوهة وقت مش كتير وانا مرعوب من اللي بيحصل ده امتلكت أعصابي ودفنت الجثه من غير محد يشوفني......
رجعت البيت لقيت باب شقة حسان مفتوح دخلت مكنش حد موجود والنور كان فاصل خرجت موبايلي أنور وفضلت انادي،في حد موجود هنا،لفت نظري صورة لبنتين ولاب وام ف قمة السعاده حسان هو اللي في الصورة......
وفجأة ظهرت واحده غجرية من العدم قلبي اتنفضت ما بين ضلوعي ،كان في ايديها شريط فيديو رفعت أيديها وادتني الشريط أخدته وأنا مرعوب وفجأة أختفت.....
خرجت جري من الشقه ودخلت شقتي وأنا بتنفض من اللي حصل......
حضرت جهاز الفيديو وركبت الشريط
فيديو لحسان ماسك صورة في أيده مش واضحه بصصلها وبيقول انا اسف يا (أولفت) لما وضحت الصورة لقيتها نفس الست اللي ادتني الشريط الست دي اسمها (أولفت) و فجأه ظهرت في الفديو من وراه بس كان شكلها مرعب جدا ماسكه سكينه كبيره وبكل برود أعصاب فضلت تدبح في حسان بمشهد بشع......
الشريط وقف ،فضلت احاول اشغله مرة تاني ولما اشتغل
اتغير المشهد لفيديو لآسرة مكونه من اب وام وبنتين وألفت الأم والبنتين خرجوا و(أولفت) دخلت الغرفه الخاصه بيهاا مسكت نفس العروسه الملعونه واخدتها ف حضنها وفجأة دخل حسان حاول يغتصبها بالقوة لغاية مماتت.......
الشريط وقف تاني واتبدل المشهد.....
حسان شايل الجثة وراح رماها في البحر ورجع البيت اتصدم لما لقيها موجوده ف البيت بدأت تهددوا وتقوله هنتقم منك ومن عيالك ومن مراتك ومن اي حد هيقرب مني واختفت حسان كان واقع ف الارض من اللي شايفه واتغير المشهد مرات حسان راجعه من بره البيت سلمت علي جوزها وسألته هي فين أولفت رد وقال مش عارف راحت فين أنا لسه راجع من بره دخلت مرات حسان المطبخ والبنات دخلو أوضتهم و فجأه باب المطبخ اترزع ورا مرات حسان وفضلت تصرخ وحسان بيحاول يكسر الباب لحد متفتح والمشهد كالتالي ألفت واقفه وماسكه رأس مرات حسان وباقي الجثة علي الارض وفضلت تضحك وبنات حسان بيصرخو جري حسان علي أوضة بناتو ولكن كانو مدبوحين البنتين والعروسه موجوده جنب البنات.........
وظهرت ألفت لحسان وقلتلو بصوت مخيف كده لسه ضورك مجاش مش أنت بس انت وكل اللي هيبقي معاه العروسه هنتقم منه.....
الشريط وقف تاني وأتبدل المشهد
لحسان بيحاول يتخلص من العروسه بكذه طريقه بعد كل مره يرجع البيت يلاقيها.....
اخدها ونزل بيها وحطها ف المخزن بتاعه.....
كمل الفيديو وجابني انا وجودي بنتي بسألها نفسك في ايه وقالتلي العروسه....
ونفس الأحداث اللي حصلت كأن حد كان قاعد بيصورنا فديو لحد ما جه المشهد بتاع بنتي.....
أولفت واقفه عند سرير بنتي وبنتي بتضحكلها ببراءة الأطفال و فجأه سحبت بنتي من رجلها وفضلت ترزع ف بنتي ف الارض والحيطه لغاية ما بنتي ماتت وخرجت سكينه وفضلت تدبح ف جثة بنتي........
الفيديو خلص والشريط وقف وصمت ف المكان والنور قطع فجأة....... تابع الجزء الثالث....... تحياتي🌹
لعنةالخادمه الجزء الثالث:
الفيديو خلص والشريط وقف وصمت ف المكان والنور قطع فجأة الباب خبط وانا خايف حتي اتنفس رجع النور الباب خبط تاني فتحت بخوف وحذر لقيت أصحابي التلاته كريم ومحمد ومالك دخلتهم الشقه ودخلت اعمل حاجه نشربها وانا دماغي هتتفرتك من التفكير....
خرجت من المطبخ لقيت أصحابي التلاته مسلوخين ومعلقين ف سقف الشقه وأولفت ماسكه العروسه وبتضحك طلعت اجري من الشقه لقيت أبويا ف وشي مسكني من ايدي ودخل بيا الشقه تاني ومش مديني فرصه اتكلم حتي واتصدم من المنظر ومقلش غير كلمه واحده ايه اللي انت عملته ده وضربني علي راسي فقدت الوعي......
لما فوقت لقيت نفسي ماسك سكينه كبيره وغرقانه دم وجثة ابويا وأصحابي التلاته مدبوحين جنبي....
ورجال الشرطة واقفين فوق راسي فضلت اتكلم بطريقة مجانين مش انا مش انا دي هي اللي قتلتهم .......
اتقبض عليا وحولوني مستشفي الأمراض العقليه.......
___________________________________________
الناس مبتحسش بالنصيبه غير لما تحصلهم مش بس كده هما اللي بأيديهم بيحطوا النصايب والمشاكل ف طريقهم احيانا الواحد بيفتح لنفسه باب جحيم،باب مبيتقفلش غير بالموت...
انا احمد خالد عندي 33 سنه بشتغل ف المباحث عايش مع مراتي وابني وبناتي الاتنين.....
بحكم شغلي مشغول عنهم دايما وده مش عاجبها ودايما علي خلاف انا ومراتي......
في يوم حصل بلاغ من حد اسمه إسلام عبدالفتاح بيقدم فيه اعتراف بأن قتل ابوه واصحابه وعرفنا العنوان.........
اول ما دخلنا الشقه شوفت أبشع مشهد يمكن اكون شوفته ف حياتي ،اربع جثث مدبوحين ومتمثل بجثثهم وواحد تاني ماسك سكينه وفاقد الوعي وبعد مافاق فضلت احقق معاه وكان كل كلامه مش انا مش انا ده العروسه هي اللي عملت كده كان بيوجه التهمه للعروسه اللعبه.......
اي حد مكاني هيقول ده يا إما مجنون يا إما بيعمل كده علشان يهرب من حبل المشنقة بس الطريقة اللي كان بيتكلم بيها خلتني حولته مستشفي الأمراض العقليه......
شوفت العروسه لقيتها جميله اخدتها و روحتها للأولاد ودي كانت الغلطه اللي انا ارتكبتها...........
اخدت اجازه لمدة اسبوع وكان أسوأ اسبوع مر عليا ف حياتي وانا ف طريقي للبيت كنت حاطط العروسه جنبي ف العربيه ومروح ،طريق بيتي طريق زراعي (الساعه 11:20م)
الطريق كان مظلم وماشي علي نور عربيتي،و فجأه ظهرت واحده قدام العربيه فرملت بس للأسف خبطتها نزلت ملقتش حاجه ركبت تاني وكملت طريقي ببص ف مراية العربيه شفتها ف الكرسي اللي ورا نفس الست اللي لسه خبطها فرملت وبصيت ورايه ملقتهاش........
كملت طريقي ورجعت البيت ومفكرتش ف الموضوع ده جايز يكون من ضغط الشغل....
لقيت رانيا مراتي بتحضر مسلسلها المفضل والعيال نامو اول مشافتني لقيتها بتقولي ايه اللي ف وشك ده بخضه دخلت جري علي المرايا وشي كأنه مسلوخ مفيش جلد نهائي انصدمت اول ما شفت شكلي كده.....
معرفتش اقولها ايه علشان انا اصلا مش عارف ايه ده...
صحيت من النوم لقيت نفسي نايم ف المكتب جريت على المرايا اشوف وشي لقيته سليم الحمد لله طلع كابوس.....
خرجت من المكتب وروحت البيت بس نسيت العروسه ف المكتب.....
استقبلتني رانيا بتوبيخ كالعاده بسبب شغلي بقالك 3 أيام مبتجيش تشوف عيالك وا وا وا........
كنت محتاج دش ميه علشان جسمي يفك واعرف انام ونمت
الساعه2:00ص تلفون البيت رن تلفوني المحمول رن كتير لغاية مصحيت رديت لقيت عم عبده بتاع البوفيه فتحت عليه وقولت ألو......
فالي:ألحق يا باشا حصلت مجزرة ف المدريه وكل اللي كان فيها مات...........
خرجت اجري زي المجنون علي المدرية لقيت (عم عبده)ف البوفيه وزمايلي كل واحد ف مكتبه والدنيا هاديا ومفيش حاجه غريبه......
انفعلت علي (عم عبده) ومسيطرتش علي غضبي وفضلت اضرب فيه ضرب متواصل وهو بيصرخ جم وزمايلي ومسكوني وهدوني والكل موجهلي سؤال حصل ايه لده كله
بدأت احكيلهم علي اللي حصل لكن (عم عبده) انكر الكلام مسكت الموبايل بتاعي علشان اسبتلهم لكن مفيش اي مكالمات من عم عبده ولا غيره........
مراتي رنت عليا وسألتني انت روحت فين
سألتها انتي مش قدامك عم عبده رن عليا وقلي ألحق يا باشا حصلت مجزرة ف المدريه وكل اللي كان فيها مات،قالتلي لا انت قمت من النوم وقفت بتاع ربع ساعه بكلمك مش بترد وبعد كده طلعت تجري ركبت عربيتك ومشيت.....
انا مذهول من اللي بسمعه وكنت فاتح المايك وزمايلي سمعين الكلام بتاع مراتي ومستغربين من اللي بعمله قفلت من مراتي ورحت اطيب خاطر (عم عبده)واعتذرله ومش لاقي تفسير للي حصل الحمد لله رضيته طلبت منه كباية لمون يجيبهالي علي المكتب بتاعي دخلت المكتب لقيت العروسه علي المكتب اول ما شفتها اتخيلت فرحت اولادي لما يشوفوا العروسه قطع تفكيري تخبيط علي باب المكتب (عم عبده)جايبلي اللمون اعتذرتله مره كمان ومن طيبت قلبه قلي مفيش اي حاجه حصلت يا ابني اهم حاجه تكون مرتاح شكرته ومشي......
اخدت العروسه ورجعت البيت اول ما فتحت الباب لقيت رانيا مستنياني اول ما شفتني فرحت مش بقدومي لا فرحت اول ماشافت العروسه وخطفتها من ايدي ومتكلمتش معايا ودخلت علي اوضة الاولاد.....
....تابع الجزء الرابع... تحياتي🌹
لعنة الخادمه الجزء الرابع:
اخدت العروسه ورجعت البيت اول ما فتحت الباب لقيت رانيا مستنياني اول ما شفتني فرحت مش بقدومي لا فرحت اول ماشافت العروسه وخطفتها من ايدي ومتكلمتش معايا ودخلت علي اوضة الاولاد.....
دخلت نمت وتاني يوم صحيت علي صرخه قمت اشوف ايه اللي حصل،لقيت مراتي والاولاد بيفطرو والعروسه جنبيهم ومبسوطين ومفيش حاجه فطرت معاهم وانا دماغي هتقف من التفكير ف اللي بيحصل معايا ومش لاقي تفسير نزلت انا ومراتي والاولاد نفك جو........
كنت ف الملاهي موبايلي رن كانت اختي بتتصل بيا وبتقولي انها جات من السفر ووصلت عندي ف البيت سحبت نفسي انا والاولاد ورجعت البيت لقيت اختي مستنيا عند البيت وبتقول أن الشغاله شكلها خرجت استقبلتها ودخلنا البيت دخلت الحمام مكملتش دقيقه وسمعت صريخ متواصل من مراتي واختي طلعت اجري اشوف ايه اللي حصل شوفت الشغاله بتاعتنا مدبوحه في المطبخ..........
بلغت زمايلي مفاتش وقت كتير وكانوا وصلو وتوجهت ليا اسئله انا مش لاقي اي اجابه ليها، اتأكدت ان مفيش حاجه اتسرقت او اي محاولت دخيل البيت.........
اختي ومراتي والاولاد وديتهم عند امي بنتي الصغير فضلت تبكي وتقول عاوزه العروسه جبتلهم العروسه وقفلت البيت وروحت المدريه واتحولت للتحقيق طبعاً
اثناء التحقيق اختي رنت عليا وبتبكي وبتقولي مراتك وبنت اتقتلوا من الصدمه وقعت من طولي.........
طلع مأمورية علي بيت امي وكنت معاهم وكنت ف حالة وحشه جداً.......
وصلت بيت امي لقيت اختي بتبكي سألتها وانا منهار من البكي حصل ايه........
وبدأت تحكي وتقول مراتك دخلت تريح في الأوضه وبنتك نامت روحت نيمتها جنب مراتك وخرجت وفجأة سمعتها بتصرخ جريت علي الأوضه انا وامي بنحاول نفتح الباب بتاع الأوضه لكن مبيفتحش و فجأه الصوت قطع والباب اتفتح شوفتهم مدبوحين الأوضه غرقانه دم والعروسه كانت جنبهم.......
ايوه العروسه هي السبب أخدتها ورحت لإسلام دخلتلو اول مشاف العروسه بقي يصرخ ابعدها ابعدها طلعت العروسه بره الأوضه ودخلتلو تاني بدأ يهدا وطلبت منه يحكيلي ايه اللي حصل معاه وحكالي كل حاجه.......
فهمت ان اللي بيمتلك العروسه بيمتلك لعنه مبتخلصش اللعنه دي غير لو اتخلصت من العروسه خرجت واخدت العروسه ورحت أتخلص منها وانا ف طريقي للتخلص منها ظهرت علي كرسي العربيه واحده غجرية ومسكت في رقبتي والعربيه اتقلبت بيا......
فوقت لقيتني ف المستشفي العسكري........
لقيت حراسه مشدده عليا وواحد من زمايلي واقف مع الدكتور بيتكلمو ومفيش صوت طالع مني اتحركت علشان يلاحظو اني فوقت جري عليا زميلي وبيقولي حمدالله على السلامه بصعوبة سألته ايه حصل.....
قالي انت بقالك 6 شهور ف العنايه المركزه بعد مدبحت عيلتك كلها........
مش انا، ده هيا اللي عملت كده،سألني هي مين،قولتله العروسه،قلي عروسة ايه وقولتله كل اللي حصل........
انا بكمل مكان أحمد مين انا،انا منصور زميل احمد،
احمد مات موته بشعه جدا رغم الحراصه اللي عليه ادبح واتمثل بجثته ونقلت كل اللي سمعتوا منه بس العروسه اللي حكالي عنها ملهاش أي أثر....
مسكت القضية أنا لاني كنت مسئول عن حراست أحمد
ومطلوب مني أني أحل القضية وأقبض علي القاتل اللي عمل في أحمد كده..... تابع الجزء الخامس تحياتي 🌹
لعنة الخادمه الجزء الخامس والأخير:
مسكت القضية أنا لاني كنت مسئول عن حراست أحمد
ومطلوب مني أحل القضية وأقبض علي القاتل اللي قتل أحمد بالبشاعه دي.....
بعد اللي حكاه زميلي أحمد واللي حصله تفهمت أن أسلام بريء ومش مجنون ولازم أسبت براءته ولازم ألحق اتخلص من اللعنه دي قبل ما تحصل نصيبه جديده للي هتوقع في أيده العروسه كفايه اللي حصل لزميلي وأسرته
أنا منصور زميل أحمد الله يرحمه......
أول حد فكرت اروح عنده هو أسلام علشان يحكيلي وأسمع منه حكالي نفس اللي حكاه أحمد قبل ما يموت.....
أول ما وصلت دخلت عند أسلام والغريب أنه كان هادي جدا وحكالي كل حاجه حصلت معاه وان الجاني الحقيقي هو (حسان)اللي قتل الخدامه واللي فهمته منه أن روح القتيله بتنتقم........
مشيت من عند أسلام وأنا متجه علي عنوان العماره اللي ساكن فيها اسلام وحسان لأن بيت حسان نفس عنوان بيت أسلام.......
عمارة مهجورة وسط حته مقطوعه مفيهاش حد خالص دخلت العمارة وركبت الدور التالت شقة رقم 6 شقة حسان كسرت القفل اللي كان راكب ودخلت في وسط كميات رهيبه من التراب وخيوط العنكبوت اللي استولت علي البيت كله.....
فضلت ادور علي اي حاجه تمسكني طرف الخيط
أول حاجه دخلت ادور فيها كان مكتب حسان وبعد بحث مش كتير وقعت تحت ايدي مذكرات لحسان نضفت كورسي من الكراسي وقعدت وبدأت أقرأ......
"أنا حسان أبراهيم شاب في أوائل التلتينات متجوز من بنت خالتي ومعانا(ريتاج وريتال)بناتنا........
كانت بتشتغل صحافية وكان شغلها اهم من جوزها وعيالها كانت مقصره جداً جداً معايا ومع البنات و علطول مختلفين......
في يوم أشتكيت لأمها لكن أمها كان ليها رأي تاني علشان بت.كر.هن.ي بسبب اني صاحب كاس وقالتلي بدل ما بتصرف فلوسك علي الزفت اللي بتطفحه وفر فلوسك وهات خدامه تخدمك انت وعيالك وقفلت السكه في وشي.....
كلمت واحد صاحبي يشفلي واحده تشتغل وبعد يوم جابلي أولفت وقالي دي قريبة مراتي من البلد يتيمه وملهاش حد خلي بالك منها شكرته واستقبلت مراتي أولفت وفهمتها شغلها وورتها اوضتها.......
سافرت مراتي سفريه تبع شغلها وغابت فترة طويلة......
في يوم كانوا البنات عند جدتهم وكنت لوحدي في البيت أنا وأولفت بس وكان الشيطان تالتنا.........
دخلت علي اوضة أولفت وبكل وح.شي.ة اعت.دي.ت عليها وماتت في أيدي خوفت لما شفتها جثة......
امنت السكه واطمنت أن مفيش حد في العماره والدنيا هاديا.....
لفيت الج.ثة في سجاده وشلتها ونزلتها في شنطة العربية
وفضلت ألف بالعربيه ومش عارف أعمل إيه لغاية ما لقيت نفسي عند كوبري قصر النيل وقفت في مكان امان مفهوش حد قريب من الميا وامنت أن مفيش حد ورميت الج.ثه في الميا......
ركبت العربية واتجهت نحو البيت وفجأة كده ببص في المرايا لقيت أولفت فرملت فجأة من الخضه ولما بصيت لقيت العروسه اتجت للمخزن ورميت فيه العروسه ورجعت البيت وانا خايف من مراتي لما ترجع وتسألني علي أولفت اقولها ايه......
ورجعت البيت واتصدمت لما لقيتها موجوده ف البيت بدأت وقعت علي الأرض لما شفتها قالتلي هنتقم منك ومن عيالك ومن مراتك ومن اي حد هيقرب مني واختفت.........
خوفي من مراتي اتقلب خوف عليها وعلي بناتي من روح أولفت اللي في العروسه بتاعتها......
فضلت قاعد مرعوب وبترعش في مكاني ورنيت علي مراتي وطلبت أنها تيجي هي والبنات علشان وحشوني.....
ورنيت علي صاحبي اقولك أولفت هربت لقيته بيقولي:أسف يا صاحبي بصراحه أولفت هربانه من الحكومة علشان كانت دجالة وعرضت عليا فلوس أساعدها تستخبي من الحكومة وطول ما هي هربت خلاص كبر مخك منها وهبعتلك ألفين جنيه من فلوسها اللي أديتهالي....
وقفل صاحبي ونص ساعه ومراتي وصلت بالبنات رسلمت عليا وسألتني فين أولفت ......
قلتلها أنا لسه جاي من بره معرفش فين......
مشيت ودخلت المطبخ والبنات دخلو أوضتهم و فجأه باب المطبخ اترزع ورا مراتي وفضلت تصرخ وانا بحاول اكسر الباب لحد متفتح واتصدمت لما لقيت أولفت واقفه وماسكه رأس مراتي وباقي الجسمان علي الارض وفضلت تضحك وبناتي بدأو يصرخوا جريت علي أوضة بناتي ولكن بعد فوات الأوان كانو مدب.وحي.ن والعروسه موجوده جنبهم.....
وظهرت أولفت وقالتلي بصوت مخيف كده لسه دورك مجاش انت فاكر نفسك اتخلصت مني دي مجرد البداية أنا روحي سكنت عروستي ومش هرحم أي حد طول ما العروسه معاك هتموت واختفت......
فقدت الوعي ولما فوقت انهارت علي بناتي ومراتي اللي شايفهم جثث قدامي تمالكت اعصابي..........
خرجت زي المجنون وأنا مش عارف اعمل ايه كنت خايف اني أنا كمان أموت فكرت أرجع علشان مراتي وبناتي الميتين وأنا خلاص اتجننت قابلت جاري اسلام اول ما شوفته حاولت اخفي تعابير وشي اللي مليانه حزن.....
طلب مني عروسه لبنته أنا فرحت جداً لما طلب مني كده
وهتخلص من العروسه بس قولتله بكره هجهزهالك.....
دخلت شقتي ونضفت الدم وشلت جثة مراتي وحطيتها علي السرير وغطيت بناتي كأنهم نايمين ونمت جنب جثة مراتي.......
تاني يوم روحت المخزن واديت اسلام العروسه وكنت فاكر اني كده هخلص منها لكني نسيت اني اسلام ساكن في الشقه اللي في وشي....
فضلت اسبوع كامل وأنا مبخرجش وانا عايش مع جثث اسرتي وفي ليله كنت نايم حسيت بأيد بتمشي علي جسمي فتحت عيني لقيت أولفت وشها في وشي أتخضيت وقالتلي هتموت الليله...
قررت اني ادخل بيت اسلام واخد العروسه ارميها مع الجثه بتاعت أولفت"............
خلصت المذكرات..........
وأنا مش عارف اعمل ايه ولا عارف اتصرف ازاي قمت خرجت من بيت حسان علي المدريه وصلت هناك ودخلت مكتبي ومن قبل ما اقعد علي كورسي المكتب جيه بلاغ من بواب عمارة بأسرة كامله مد.ب.وح.ين في شقتهم اتوجت مع القوات ووصلنا مكان الحادث دخلت شوفت منظر بشع جداً لأب وأم وبنت مدبوحين .......
رفعت عيني لقيت العروسه علي السفرة أول ما شفتها فهمت أن هي دي الروح اللي الشريرة اخدتها واتجهت نحو كوبري قصر النيل علشان ارميها وصلت عند الكوبري ورميتها بعد ما رميتها حسيت بحاجه في نفوخي بتقولي نط وراها نطيت وبدأت أغوص ورا العروسه كأنها بتسحبني من غير ما تلمسني لغاية ما وصلت له.يك.ل عظ.مي شلته وطلعت بيه وكان خلاص نفسي اتقطع وخرجت من الميا باله.يكل العظ.مى......
هيكل عظ.مي لواحده لابسه لبس عجري.......
ركبت عربيتي واخدت الجثه وروحت علي المقابر وقابلت التربي اديته 200 جنيه ودفن الهيكل العظمي في تربه الصدقه..........
وبعدها رجعت اكتب كل اللي حصل.....
والجرائم اللي حصلت تأيدت ضد مجهول.....(النهاية)
ادخلوا بسرعه من هنا 👇👇👇
وكمان اروع الروايات هنا 👇
