 |
رواية مجنون ليلى الفصل الثالث والرابع والخامس بقلم حليمه عدادي حصريه وجديده على مدونة النجم المتوهج للروايات والمعلومات #مجنون_ليلى#بقلم_حليمة_عدادي
في بيت ليلى كانت قاعده مبتسمه اول مرة حد يقولها انها قمر رغم أنها سمعتها من حد غريب بس اتبسطت دخلت عليها امها
جميلة: شايفاكى النهارده مبسوطه جوى ايه اللى جرا فى الدنيا يخليكى بتضحكى اكده.
ليلى: مش عايزاني اضحم كمان يا امه هو مفيش حاجه مريحاكى
جميلة : لا يا جلبي بس رايده اعرف سر الابتسامه الحلوة دى
ليلى : ولا سر ولا حاجه يا امه بس حاسه اني مبسوطه وخلاص
جميله : ربنا يفرح جلبك و اشوفك ديما مبسوطه يا بتى
ليلى : امه عايزه اخرج اتمشى شويه في المزرعه
جميلة : يا بتي كيف دحنا لسه الصبحيه و اخوكي مش اهنه مين هيخرج معاكى عاد
ليلى : جيبي روكى يا امه اخده معايا هو بيحميني من اي حد و بيدلني على الطريج متخفيش عاد
جميله : ماشي يا حبيبتي بس ما تعوجيش كتير ولا تبعدى جوى استني اعدلك حجابك مليح.
- خرجت و هي فرحانه و بتتمنى تشوفه تاني مش عارفه ليه
- في بيت عماد
عماد : صباح النور يا جماعه نمتو ليلة امبارح مليح
خالد : الحمد لله محستش والله بنفسي من التعب يا حاج
سناء : هو سيف لسه ما صحيش لحد دلوك من النوم
- دخل سيف عليهم و تحدث ببتسامه
سيف : انا صحيت من بدري يا جماعه
خالد : صباح انا شايف كويس و لا من التعب بتخيل ان ابنك جايم بدرى.
صباح : و انا زيك مش عارفه والله يا خالد
سيف : استروا عليا ربنا يستر عليكم انا صحيت النهارده بدري و عايز اخرج ههههه حلوة صح.
صباح : ربنا يهديك يا حبيبي وتعقل قبل ما اتجنن انا.
ضحك سيف وبعدين خد بعضه ومشى
خالد : رايح فين عالصبح اجعد.
سيف : طالع اتمشى و اشم شوية هوا انتوا جايبنى تحبسونى.
صباح: ما تبعدش كتير زى امبارح و ترجع متبهدل تانى
سيف : يا رب اتبهدل زي امبارح يا ماما بس اشوفها متبقيش قطاعة ارزاق بقى.
صباح: بتبرطم بتقول ايه كده.
سيف : بقول حاضر مش هبعد
- طلع يجري وهو بيتلفت فى الشارع لحد بعد شويه ما شافها قاعده فوق الاعشاب
الكلب جرى عليه
سيف : اقف عندك انا مش عايز اعمل حاجه وحشه والله وقفيه يا انسه شويه.
ليلى : روكى اجعد و اهدى....فى ايه بتدور على حاجه و لا وحشتك علجت امبارح وراجع تعيدها
سيف : لا يا قمر وحشتني صاحبة العلقه وجاي اشوفها.
ليلى : اتكل على الله من هنا و الا هخلي روكى يشوف شغله معاك عاد.
سيف : اسف و الله مش قصدي حاجه بس انا خارج مخصوص علشان اشوفك
ليلى بتوتر: شكرا حاجه تانيه
سيف : نقدر نبقى اصحاب انا هنا جديد و معرفش حد انا سيف.
و مد ايده بس رجعها لما عرف انها ما شفتهاش و اتوتر.
ليلى بتوتر: وانا ملاك
سيف : اسم على مسمى اسمك يشبهك جدا
ليلى : انا غلطانه اني حكيت معاك من الاول دنتى غريب جوى.
سيف : اسف اخر مرة انا سيف و جيت هنا علشان عاوزين يجوزونى بنت عمي غصب عنى بس رفضت
ليلى : ليه رفضتها اذا كانت بنت ناس و راح تكون سندك و عزوتك
سيف : أولا مش بفكر في الجواز و مش بحبها و هما جابوني علشان اتجوز و اتحمل المسؤوليه
ليلى : ليه انت مش متحمل مسؤوليه... لسه صغير اياك
سيف : الصراحه انا لسه بدرس و مهمل اوى مش هنكر
ليلى : هههههه شكلك مهمل جوى مش شويه و متجلع كمان.
سرح في ضحكتها
ليلى : سيف سيف انت روحت فين اكده يا استاذ انت
سيف : انا هنا سرحت شويه بس
ليلى : انا عايزه اروح دلوك
سيف : اقدر اشوفك مرة تانيه وافقتى نبقى اصحاب ولا لا
ليلى : تمام نبجى اصحاب بس مش كل مرة تشوفنى تيجى عليا.
سيف : ليه انا زعلتك في حاجه لا سمح الله.
ليلى : الناس اما يشوفوك معايا هيجولوا عنى ايه يا ابو عجى ظلط..
سيف :هههه زلط فعلا فى دى عندك حق.. بس هشوفك فين طيب.
ليلى : انا ببجي اجى هنا مرات من وجت لتانى... كفايه اكده مع السلامه دلوك.
سيف :: مع السلامه
هي راحت و هو مشى وراها لحد ما دخلت بيتها
سيف: انا جيت هنا علشان اتجوز بس مكنتش متوقع اني هقع فى الحب من او نظره كده.
الفصل 4
سيف : يا أهل الدار عملتو اكل و لا لسه انا جعااااان.
سناء : يا اابني الاكل جاهز اهو
صباح : كنت فين من الصبح بكره خطوبتك لازم تجهز نفسك.
سيف بضيق: خطوبة اي يا ماما انا مش عايز اتجوزها.
صباح: مش امبارح كنت مبسوط قلنا خلاص
سيف : يا ماما اه كنت مبسوط بس مش علشان الجواز انا ماشي
صباح : مش كنت عاوز تاكل.
سيف : نفسي اتسدت
(دخل اوضته و اتصل بصديقه
سيف: عامل ايه
يوسف : الحمد لله انك افتكرت انك ليك صاحب
سيف : اسف يا يوسف لكن انت عارف موضوع الجواز تاعبني والله.
يوسف : خير مش روحت تعمل خطوبه حصل ايه.
سيف : اه روحت اتجوز وقعت فى الحب تصدق الحب من اول نظره
يوسف:حاجه حلوه انك حبيتها قبل ما تتجوزها لازم تفرح يا جدع
سيف : انت فهمت غلط انا حبيت بنت تانيه قابلتها صدفه
يوسف : اه سيف اللي كان بيتريق على الحب وقع يا بشر.
سيف: انا كلمتك علشان تلاقيلي حل و انت بتضحك
يوسف : أرفض و خلي اهلك يطلبولك البنت فرصه وانت هناك و قولهم جت صدفه
سيف : بابا مش هيوافق ابدا لانه اتفق مع عمي
يوسف : بس انت كده هتظلم البنت معاك علشان انت بتحب واحده تانيه.
سيف : اعمل اي يا صاحبي انا هتجنن من التفكير
يوسف : عشت و شفتك محتار ههههههه الحب صعب اتحمل
سيف :هو انا بكلمك علشان تتمسخر عليا
يوسف : خليها على الله يمكن تلاقي حل قبل بكره.
سيف : مع السلامه
(وقعد سيف يفكر هيعمل ايه.
سيف: يا رب اعمل ايه انا بحبها بس ازاى هنقل الخبر لاهلي
(دخل ابوه و امه فجأه عليه.
صباح: و اخير شوفت ابني الاهبل بيحب احنا بكره هنعمل الخطوبه قلقان ليه.
خالد : جلتلك انه هيتغير لما يجي اهنه و اهو على يد مريم عرف الحب
سيف : بسس انا مش بحب مريم و لا عايز اتجوزها
صباح : امال بتحب مين يا ابن بطني
سيف بتوتر: في الحقيقه يا ماما انا بحب ليلى
صباح : مين ليلى دي يا واد انت هتتجوز مريم احنا ادينا كلمة لابوها
سيف : شوفتها مرتين بس حبيتها من اول نظره يا ماما افهمينى.
خالد : الجواز مش لعب عيال انا اديت الكلمه لاخويا وجفلنا الكلام
سيف :طيب ادوني اسبوع عالاقل اتعرف على مريم اكتر و نعمل خطوبه طيب
خالد: تمام بس اذا عملت اي غلطه
سيف : لا مش هعمل اى حاجه متقلقش.
(بعد اسبوع سيف كان حزين لانه معادش بيشوف ملاك و اهله ضغطو عليه علشان الخطوبه
سيف: ماما انا هخرج شويه و مش هتأخر
صباح : سيف بليل خطوبتك اوعى تعمل اي حاجه غلط
سيف : تمام بس عندي طلب
صباح : قول يا آخر صبري
سيف بخجل: ماما عايز علبه من الشوكولاته اللي جبناها
صباح : يا ابني انا اديتهالهم
سيف: علشان خاطري يا ماما لو وحده بس
صباح : تمام
(بعد مدة قصيرة امه جبتله واحده
صباح : خذ ياله ما تتاخرش.
(خرج ومخدش باله من امه اللى مشيت وراه تراقب رايح فين.
الفصل 5
.
سيف : ملاك و اخير شوفتك بقالى اسبوع كنت هتجنن عشان اشوفك
ليلى بخجل: كنت متوعكه شويه عشان اكده مكنتش بطلع خالص
سيف بخوف: انتي بخير حاسه بحاجه دلوقتي.
ليلى : انا بخير اطمن انت كيفك
سيف : مكنتش بخير لما شفتك بقيت بخير
ليلى : عملت خطوبتك و لا لسه
سيف : لسه النهارده عمال اجلها بس اهلي اصرو النهارده.
ليلى بحزن: بعد الخطوبه هتسافر
سيف : لا مش هسافر لحد ما اخد اللي حبها قلبي
ليلى : ان شاء الله ربنا يجمعكم مع بعض
سيف: يا رب يسمع دعاءك بصي شوفي جبتلك
ليلى :ايه
حط الشوكلاته بين ايديها.
ليلى : ايه دى علبة شوكلاته اياك
سيف: ايوه بص يا ليلى الصراحه انا بحبك.... و مش عايز امشى من هنا قبل ما اخذك معايا مش هتصدقينى لو قولتلك اني حبيتك من اول نظره
ليلى : سيف انت تستاهل الاحسن انا واحده كفيفه مش راح انفعك فى حاجه
سيف : ليلى انا حبيتك انتي و مش هتخلى عنك هتعملي عمليه و ترجعي زي الاول
ليلى : انت بجد بتحبني و لا شفجه عليا يا سيف
سيف : لو كانت شفقه كنت ساعدتك تعملي العمليه مش اتجوزك انتي من امتى و انتي مش بتشوفي
ليلى : من لما كان عندي عشر اسنين عملت حادثه وايامها مكنش معايا فلوس للعمليه و ما عملتهاش
سيف: هعملك العمليه و ترجعي زي الاول
ليلى :كيف و انت معندكش شغل و حداك مستجبل انت جولت انك مجرد شاب مهمل
سيف: من اليوم اللي شفتك فيه اتغيرت و ان شاء الله هنزل الشغل مع بابا
ليلى : و هتجول لاهلك ايه عاد يمكن يرفضو و خطوبتك الليله
سيف:: انا مستعد اعمل اي حاجه علشان افضل معاكي انتي
ليلى : انت عرفتني من اسبوع كيف حبتني بالسرعه دى
سيف : مش عارف اسبوع انقلبت حياتي فيه وبقيت لو نمت بحلم بيكي و انا قاعد بفكر فيكي
ليلى : بص يا ابن الناس اذا كنت بتحبني صوح تعالى و اطلبني من ابوى
سيف : ان شاء الله يا ملاك بس انتي بتحبيني و لا لا
ليلى :ايوه
سيف : عايز اسمعها منك
ليلى : انا كمان و ابقى اسمعها بعد ما تاجى تطلبنى.
سيف :موافق... بحبك بحبك يا ملاكي اوعدك اني من بكره اجي لابوكي
ليلى : انا هروح دلوك
سيف: لسه بدري خليكى معايا شويه
ليلى :: لو عوجت هيجلجوا عليا روكى فينك يا روكى
سيف : مرة تانيه ما تجبيش معاكى روكى ده و لما نتجوز تنسيه
ليلى: روكى صديجى و هو اللي بيساعدني اخرج في العتمه اللي انا فيها
سيف : تمام بص يا عم روكى خلينا اصحاب ماشي انا حبيت صاحبتك و قريب هخدها منك
ليلى : هههه بعد عاد احسن ما يجري وراك
سيف : لما تضحكي بتطلعي قمر هو السبب اني شوفك انا بشكره
خرجت صباح من ورا الشجرة وقتها.
صباح: هي دى البنت اللي بتحبها
الصفحه الرئيسيه للرويات من هنااا
اكتبوا في بحث جوحل( مدونة النجم المتوهج للروايات والمعلومات) تظهر القصص كامله
القراء والمتابعين الغاليييييييين عليا إللي يدخل عندنا ميخرجش كل إللي محتاجينه هتلاقوه من غير تعب ومن غير لف في الجروبات والصفحات موجود في اللينكات بالاسفل 👇👇👇
اللي يخلص قراءه ميسبناش ويمشي أنا بحبكم أدخلوا انضموا معايا علي تليجرام واستمتعوا بقراءه الروايات من اللينكات بالاسفل 👇💙👇❤️👇
انضموا معنا على تليجرام عشان كل متنزل روايه يصلكم اشعار فور نزولها من هناااااا
اعملوا متابعه لصفحتي عليها جميع الروايات إللي عوزينها من هناااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
