رواية أسيرة الذئب (الفصل الرابع) بقلم حسن الشرقاوي حصريه وجديده على مدونة النجم المتوهج للروايات والمعلومات

رواية أسيرة الذئب (الفصل الرابع) بقلم حسن الشرقاوي حصريه وجديده على مدونة النجم المتوهج للروايات والمعلومات

رواية أسيرة الذئب (الفصل الرابع) بقلم حسن الشرقاوي حصريه وجديده على مدونة النجم المتوهج للروايات والمعلومات

 رواية أسيرة الذئب (الفصل الرابع) بقلم حسن الشرقاوي حصريه وجديده على مدونة النجم المتوهج للروايات والمعلومات 

رواية أسيرة الذئب (الفصل الرابع) بقلم حسن الشرقاوي حصريه وجديده على مدونة النجم المتوهج للروايات والمعلومات 

قفل الباب وقرب من كارما

كارما بخوف

...في اييه يامعلم بتقفل الباب ليه؟!! وخايف البنات يقولوا لمراتك اييه


قرب أكتر منها من غير مايرد عليها ونظراته كلها شهوه ومسك ايدها وكان مرتبك وبيتصصب بالعرق


كارما وجسمها بيرتعش.ايه يامعلم نبيل مالك 


....كارما انا.... أنا... بحبك اوووي


وحاول يحضنها رغماً عنها 


بعدت عنه وبخوف في ايييه يامعلم... اوووعي 


قرب تاني جريت منه ووقفت خلف المكتب


....إنت بتعمل لييه كداا ماالك


.....خلاص مابقتش مستحمل حراام عليكي جوايا ناااار

واردف.. تعالى ياكارما هاديكي إلى إنتي عايزاه هاخليكي ملكه وهابقا خدام تحت رجلك 


قالت....إنت بتقول ايه إنت اتجننت


قال....ايووه اتجننت حد يشوف الحلاوه دي ومايتجننش


وراح ناحيتها تاني ومسكها وبشهوه حاول يحضنها تاني ويحسس بايده على جسمها 


فضلت تقاوم فيه بكل قوتها وتبعده عنها 


يااابت هاخليكي ست البنات البرا دوول طاوعيني


قالت...سيبني يا أبو عين زايغه يا ندل دنا قد بنتك


وبكل قوتها بقت تقاوم فيه لحد ما قدرت توقعه على الأرض وتجري ناحية الباب وهدومها مقطعه من شده ليها 


وفجأة ...


الباب اتفتح ودخلت زوجته


قالت....يانهار اسوود انتوا بتعملوا ايييه


.....وقف مرتبك وخايف منها 


وقال.....هي... هي...

 يا حجه هيااا إلى كانت بتغويني علشان اديلها فلوس والله


كارما...والله بتحلف..ااااه يابن الكلب ياواطي ياكذاااب


قربت منها زوجته وابتدت تمد أيدها عليها وتشتمها 


كارما..انتى بتعملي فيا كدا لييه جووزك هو إلى اتهجم عليا


البنات في المشغل اتلموا على الصريخ والصوت 

كانت كارما واقفه بينهم لا حول لها ولاقوه 

ومش مستوعبه إلى بيحصلها وفي حالة زهول من تحولها من مجني عليها لجاني 


.....يالاااا يابنت الكلب امشي من هناااا ماشوفش وشك تاااني

وإنت حسابك معايا بعدين


مشيت لحد الباب ورجعت تاني وهيا بترتعش 

طيب عاوزه اجرتي أجرت الشهر إلى اشتغلته


صاحب المشغل..هي مش الست قالتلك غوووري يابت

غوري مالكيش حاجه عندي 


بحزن شديد..حرام عليك


قال....حرمة عليكي عيشتك غووري مالكيش حاجه عندي


كارما...حسبي الله ونعم الوكيل


قال....طيب ياختي غوري بقا... يالا يابت إنت وهيا ارجعوا لشغلكم 

ووقف يهدي فى زوجته


قال...ياحبيبتي دي بت كدابه كانت بترسم عليا وبتحاول معايا قال ايييه اتجوزها

وإلى شوفتيه دااا أنا ماليش ذنب فيه دي هي إلى دخلت وكانت بتحاول تغريني وتراوضني عن نفسها

لكن أنا أقدر استغني عنك دا انتي روحي وبعدين أنا أعمل حاجه زي كدا دنا حاجج بيت الله

يالا بقا الله يلعنها بت العوبان أنا كدا كدا كنت هامشيها 


وقفت كارما قدام باب المشغل كان واقف مجموعه من البنات إلى كانوا بيكرهوها وبيحقدوا عليها لجمالها


وبتلقيح وضحك..اااه ياحلوه يابلحه يامقمعه شرفتي اخواتك الاربعه

علشان تبقي تعملي شريفه أوي يااابت 


سمعت كلامهم ما استحملتش و أسرعت بعيد عنهم وعيونها مليانه دمووع

وبقت تقول لنفسها وهي ماشيه


....بقا يارب أنا عملت إيه بس علشان يحصل معايا كداااا


ظلت تحدث نفسها وهي تبكي بحرقه إلي أن وصلت إلى أول منطقتها قاطع حديثها لنفسها فتاة من المنطقه


قالت....اييه ياكارما مالك ماشيه تايهه وزعلانه لي كدا


وهي بتداري وشها إلى اتملا بالخدوش....مافيش يانوال


نوال...انتي بتعيطي وايه دااا وشك ماله انتى متخانقه لا دا فيه وفيه مالك تعالى احكيلي


كارما...ونبي يانوال أنا مش ناقصاكي سيبيني في حالي


نوال...يابنتي احكي وزيحي عن قلبك يمكن أساعدك


وبعد إحساسها أنها عاوزه تحكي وتتكلم تطلع إلى جواها قالت....سيبت الشغل يانوال


....اااه ياااهبله ودا سبب يخليكي تعيطي كدااا


كارما...مش هو دا السبب بس 


نواال...اوماال ايه


وحكت ليها كل حاجه حصلت ليها 


نوال... امااا راجل واطي بصحيح


كارما...أنا مش عارفه فيا ايييه بس كل لما أروح شغلانه يحصل معايا كداااا أنا زهقت


نواال....يااابت انتى حلوووه ومزززه وأي حد بيشوفك بيتهبل عليكي 


كارما...أنا كرهت شكلي والله كرهته ياريت ربنا كان خلقني وحشه كنت ارتحت من كل القرف إلى بشوفوا في حياتي


ضحكت نوال ومسكتها من أيدها

وقالت..يخربيت عقلك ولو كنتى وحشه كنتى هاتشتكي إن ماحدش معبرك ماحدش عاجبه حاله

تعالى تعالى


كارما...اجي فين يانوال


نواال...تعالى معايااا هاعزمك على حاجه ونقعد نتكلم شويه


قالت....لا هاروح


نوال...هاتروحي كداااا وانتى في الحاله دي جوز أمك يكمل عليكي


كارما...آه والله عندك حق أنا بقيت بهرب إني أروح البيت


نوال...لسه بيتحرش بيكي الراجل الجبان دااا


كارما...ااااه زي ماهو


نواال....طيب تعالى وإن كان على الشغل تتدبر


كارما...أنا ما اقدرش اقعد يوم واحد من غير شغل يانوال والجبان كل عليا اجرة الشهر


اخدتها نوال وراحوا مطعم وعزمتها على أكل


نواال...هااااا أكلتي شبعتي


كارما...اااه الحمد لله


نوال..طيب بصي بقا ياستي أنا شايفالك شغلانه


كارما...والله فين يانوال


.....معايا


كارما...ايييه اشتغل معاكي


نوال...اااه في محل الكوافير إلى بشتغل فييه


كارما....بس يانوال الست صاحبته دي سمعتها مش كويسه

وبعدين دي حاولت معايا كتير وفي بنات غيرك كلموني إني اشتغل معاها وأنا رفضت 


نوال...يااابت إحنا مالنا ومال سمعتها إحنا هانشتغل إحنا هانسبها


كارما...بس بيقولوا إنها بتشغل بنات في حاجات كدا مش كويسه


نوال...بردوو إحنا مالنا إحنا هانشتغل في المحل وبس مالناش دعوه بقا بلي بتعمله برا


كارما....مش عارفه يا نوال الصراحه أنا خايفه


نوال...للا ماتخافيش وادي ياستي فلوس خليها معاكي بدال اجرة الشهر إلى كالها عليكي الراجل اصرفي منها لحد ماربنا يسهل عارفه دي شغلاننه حلوه وبيطلع لينا منها فلوس كتيير من التوبس غير الأجرة وصدقيني هاتبقا مناسبه ليكي ولظروفك 


كارما.....بسسس


نوال...من غير بس خديهم ولما تشتغلي معايا ابقي ادهوملي


كارما...بس أنا لسه ماقلتش إني وافقت أشتغل معاكي


نوال....لا هاتوافقي يا كارما وقلتلك أنا معاكي ماتخافيش


كارما...ماشي يا نووال هافكر وأرد عليكي بكرا


وهمت للمغادره نادت عليها نوال

يابنتي الفلوس سايبها على التربيزه ليييه 


كارما وهي متردده إنها تاخدها

..مابلاش يا نوال


نوال...بلاش اييه امسكي هاتصرفي منيين خديهم وهاعدي عليكي بكرا اخدك معايا وأنا رايحه الشغل


كارما....إن شاء الله


...................................


في مكتب أدهم 


...................................


وإلي كان قاعد منتظر قدوم هشام على نااار

دخل شخص


قال..ايووه يا أدهم بيه هشام جه وقاعد برا


أدهم... طيب دخله بسررعه

أدهم بعد مادخل هشام...ايييه يا زفت إنت فييين دا كله


هشام...معلش ياباشا إيه خير عاوزني في اييه 


قال..كارماااا


هشام...نعم


وناوله ورقه في أيده

واردف.. دي كل التفاصيل عنها عاوزها تكون عندي الأسبوع دااا


بصله بابتسامه وقال

...يااااه دش شكلهااا مزه اوووي إلى تخلي أدهم باشا بجلالة قدره يجيب تفاصيلها


ابتسم أدهم وقال ...بطل رغي عندك عنوانها تكون عندي وبأي تمن


هشام...مع إنك كدا بتتعدا على شغلي .. دايما إلى بجيبلك بس عادي نمشيها المرادي 


وفتح الورقه ونظر بداخلها وبعد كدا قطعها

واردف وهو يضحك وماله الأسبوع دا تكون عندك ياادهم باشا


.................................

......................................................


في محل الكوافير


...اتاخرتي لييه يانوال هانم


نوال...معلش يامدام هناء ما انتى لو تعرفي كنت بعمل ايه هاتعذريني


هناء...كنتي بتعملي ايه بتخترعي الذره


نوال...لا وحياتك كنت بجيبلك عروسه زي القمر بقالك فتره هاتموتي وتجوزيها 


هناء...وحيات أمك إنتي هاتشتغليني بابت 


نواال...مش تعرفي ميين الأول


هناء... ياما جاب الغراب لأمه


نوال...مش يمكن الغراب المره دي جايبلك حاجه تستاهل


هناء...انجزي يابت وسيبك من الألغاز دي

جايبه مين


نوال...كااارما


هناء...ايييه بتقوولي ايييه كارما إلى عندك في المنطقه


نوال...ايووووه هااا تستاهل أتأخر علشانها


هناء...بتتكلمي بجد


نواال...ايوووووه بجد وهاجيبها بكرا


هناء...بس تفتكري هتوافق دنا بقالي فتره كبيره بحاول إنها تشتغل هنا وزقيت عليها كتير بس كانت بترفض


نوال....لا ماتقلقيش أنا هاجيبهالك وبكرا


هناء...ياااه يابت يانوال دا يبقي ليكي الحلاوه البت دي الرجاله هاتتهبل عليها وكتييير نفسهم فيها وبيكلموني عليها


نوال...خلاص يامدام بكرا تكون معانا وواحده وواحده هانشغلها شغلنا


هناء.....طييب يالاااا علشان فيه زبون طالبك ومستني خدي العنوان أهو وروحي ليييه


...................................


في بيت كارما


....................................


وصلت البيت ودخلت غرفتها طلعت الفلوس اللي اخدتها من نوال ونظرت ليها وشردت بتفكيرها في إلى حصل وعرض نوال ليها وازاي هاتقنع حسن حبيبها إلي رافض إنها تشتغل مع الست دي فضلت شارده وسرحانه لحد ما 

قاطع تفكيرها جوز أمها الشوان بعد ما أخد منها الفلوس وهي سرحاانه


قال..جااايبه الفلوس دي منين يااابت إنتي قبضتي


قامت وحصل بينهم مشادة وخناقه بعد ما أخد الفلوس منها


دخلت أمها على صوت زعيقهم 


قالت...فيييه اييه ياشوان ماسك في البت ليه


قال...مافيش حااجه أنا عملت ايه يعني


كارما...اخد مني الفلوس يامااا


الشوان...واييبه يعني انتي مش زي بنتي منا يما صرفت عليكي 


كارما...دلوقتي بنتك وبعدين عاوزهم لييه تشرب بيهم الهباب إلى بتشربه هاات الفلوس أنا سيبت الشغل وسلفاها


قربت منها أمها بعد ماقالت كدا واخدت منه الفلوس مسكتها في ايدها


وقالت..نعم ياختي سيبتي ايييه


رد الشوان قبل ماترد على أمها بضحك وسخريه


..مش سامعه سابت الشغل والمره دي ليه بقا صاحب الشغل اغتصبك يابت ولا ايييه


زعقت فيه أمها وطلبت منه يسكت


قالت...اسكت ماتتكلمش


الأم....في ايييه يابت إيه إلى حصل سيبتي الشغل ليييه


كارما...سيبته الراجل الواطي كان بيتحرش بيا


الام....يادي أم الاسطوانه إلى زهقنا منها 


كارما....ايييه يعني ايييه بقلك بيتحرش بيا وكل يوم بيدايقني والنهارده كااان عااايز ي....


ووسط سخرية الشوان واستهجان وتوبيخ أمها ليها دخلت في حاله من الصدمه والبكاء الشديد


قالت...مش ممكن تكوني أم مش ممكن عاوزاني أفرط في شرفي علشان خاطر الشغل علشان إلى بتاخدوه مني إنتي والندل جوزك دااا 


الام...ايووه ياختي دا إلى بناخده منك شوفي بقا مين هايأكلك ولا يعلمك

وحطت الفلوس في صدرها وطلعت برا


ووقف الشوان يسخر منها


...أنا ندل يابنت الندله تعليم قااال اتعلمي ياختي علشان تبقي تقولي لأمك إني بتحرش بيكي

وبسخريه...وانتي متعوده على التحرش


اتعصبت كارما عليه ومسكته من ايده وطلعته برا

اطلع براااا اطلع


براحه ياااابت... برااااحه هاتوقعيني

وقال وهو طلع... ياااوليه استني هاتي اجيب علبة سجااير 


قفلت الباب وقعدت تبكي ومش عارفه تعمل اييييه

مسكت الفون وطلعت رقم نوااال وووووووو



الفصل الخامس من هنا



بداية الروايه من هنا



اعملوا متابعه لصفحتي عليها جميع الروايات إللي عوزينها من هناااااااا




انضموا معنا على تليجرام ليصلكم اشعار بالروايات فور نزولها من هناااااااا



الروايات الحديثه من هنا



جميع الروايات الكامله من هنا



🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺


إقرأ أيضا :

تعليقات

  1. لإدخال كود <i rel="pre">ضع الكود هنا</i>
  2. لإدخال مقولة <b rel="quote">ضع المقولة هنا</b>
  3. لإدخال صورة <i rel="image">رابط الصورة هنا</i>
اترك تعليقا حسب موضوع الكتابة ، كل تعليق مع ارتباط نشط لن يظهر.
يحتفظ مسيري ومدراء المدونة بالحق في عرض, أو إزالة أي تعليق
close
 
CLOSE ADS
CLOSE ADS