رواية ذئاب_الجبل.(عودة البدرى) الحلقه الثالثه فكرة وتأليف:حماده فاروق هاشم حصريه وجديده
 |
أهداء مني الي الرائع
مستشار محمد_صفاء_عامر
مؤلف الجزء الاول❤
والمخرج العظيم
#مجدي_ابوعميره
......................
ياتي صوت رجل مسرع....
ياعربي....ياعربي.....
يادبور....علوان فاق....
علوان فااااق ياعربي...
دبور....وووووه....علوان
.................
المشهد في المستشفي ونعمه بجوار علوان.....
وعلوان علي سرير المستشفي وقد عاد لوعيه...
نعمه...وااااه ياعلوان كان مدسيلك فين ده بس يا علوان.....
انا ياما قولتلك أوعي لروحك أوعي لروحك...وأنت مسمعتش حديتي زين...حمدالله علي سلامتك ياعلوان حمدالله علي سلامتك....
علوان ينطق بصعوبه....
نعمه...لساكي عتخافي عليا يانعمه حتي بعد اللي حوصل...
نعمه....
واااه ياعلوان ان مكتش اخاف علي جوزى وواد عمي اخاف على مين ياعلوان....
أنت بس كفياك حدبت وأوعي لحالك وعاودلنا بالسلامه....
علوان....اااااه يانعمه ااااااه
اني تعبان يانعمه...تعبان جوى....
نعمه...طب كفياك حديت ياعلوان كفياك....
ياريتني كوت موطرحك يا علوان ياريتني موطرحك.....
الدكتور يدخل....
يلا يا امي خلاص مش اطمنتي عليه....
نعمه...سيبني كمان هبابه يادكتور وحياة الغاليين عنديك....
الدكتور....
ياامي....يا امي.انا مكنتش هدخلك خالص اصلا لولا حالتك دى....
ده مش في مصلحته...
لو بتحبيه صحيح....سيبيه يرتاح....
نعمه.....
طيب يادكتور....طيب...انا طالعه اهه....
وتمسك بيد علوان....اوعي لحالك يا علوان اوعي لحالك يا واد عمي....
الدكتور....
لا حو ولاقوةالابالله العلي العظيم
مفيش فايده....
يلا يا امي يلا.....
وتخرج نعمه وهي تبكي....
.......
ياتي العربي ومعه دبور.....
العربي....
نعمه ازى علوان كيف حاله...
نعمه......
زين....زين ياعربي زين ربنا يجيب العواقب سليمه.....
الدكتور يخرج من الغرفه....
العربي....
يادكتور....كيف حاله يادكتور...طمنا......
الدكتور....
وانت مين بقي انت كمان....
العربي....انا واد عمه واخو جوزته........
الدكتور...الحمد لله الازمه عدت وفي تحسن....كام يوم كده وهيبقي زى الفل....
دبور....طب نقدرو نطلو عليه يا دكتور..
الدكتور....لالا ابوس ايديكم...
انا لسه مطلعها من عنده بالعافيه...
انتو لو عاوزين مصلحته سيبوه...
سيبوة يرتاح....
العربي....
طيب...طيب يادكتور....
وينظر الي نعمه...
هاااه خلاص يانعمه اطمنتي عليه...تعالي امعاي عاودى لدارك اللي فايتاها دى تضرب تقلب وريحيلك شوى....
نعمه...لاه...سيبني ياعربي...سيبني....انا معسبشي علوان واصل هستناه ونعادو ويا بعض...
العربي....يانعمه....يانعمه معينفعكيش اللي بتعمليه ده....
يلا يابت الناس....يلا تعالي حتي غيري خلاجاتك دى وعاودى تاني....
العربي...ينظر لدبور...
ما تنطق يادبور....انطق جولها حاجه ام راس ناشفه دى...
دبور....ينظر الي نعمه...
العربي امعاه حق يانعمه
علوان خلاص بقي زين...
ممنهاش فايدة قعدتك اكده...
قومي يانعمه قومي يابت عمي الله يرضي عنيكي....
وبعد الحاح تستسلم نعمه وتنهض معهم....
.............
فكرة وتأليف حماده فاروق هاشم
للابلاغ عن السرقه
...........
المشهد في اسكندريه.... المينا...
حسني ابو دبيكي يجلس علي مكتب الحاج حسين وينهض وينظر من النافذة الي عمال التحميل ويشاهد اثنين يتحاورون ويضحكون....
حسني....
اباااه انت يابقف انت وهو انت يابقف...فايتين شغلكم وبتتمسخرو عليا النعمه لهخصم عليكم اليوم ده....
عامل... يرفع يده لامؤخذه يا حج حسني لامؤخذه كنت بساله عن حاجه بس....
حسني....
تسأله عن حاجه... ساااعه بتسأله عن حاجه.... انا واعيللكم من الصبح فاكرني مختوم علي قفايا ولا مختوم علي قفايا...
يلا انجررر انت وهو علي شغلك منك ليييه...
عامل.. ينظر لصاحبه...
يلا ياعم يلا ناس ليه حظ وناس ليه المر....
تلفون المكتب يرن....
يرفع حسني سماعة التليفون...
ايوة ياحج.... كيفك... ياحج وكيف الحجه...
إطمن يا حج... إطمن...
الشغل ماشي زين جوى جوى جوى...
محسوبك مسيطر ياحج ولا تقلق واصل عاوزك تحط اف بطنك بطيخه صيفي...بطيخه...لاه
عاوز تحط اف بطنك بطيخ الصيف كلاته ياحج...ويضحك ضحكته المعهودة....
.........
............
المشهد في منزل الحاج حسين
وهو يغلق السماعه ويضحك....
وينظر الي الحجه بجواره....
حسني ده حكايتة حكاية ياحجه....الله يحظك ياحسني....
الحجه....
الحمد لله ياحج ربنا بيرزقك دايما بأولاد الحلال علشان انت طيب وقلبك كبير...
الحج....هه الدنيا فانيه ياحجه مش واخدين منها حاجه...هه قوصرو...
امال فين وردة الصغيره ....
الحجه...اهي قاعده بره بتلعب ياحج اندهالك....
الحج...اه ياحجه ياريت اندهيها اهو تسليني شويه وتصبرني علي قعدتي في البيت دى....
الحجه....
حاضر....حاضر ياحج..
صفيه....يا صفيه....هاتي وردة للحج.....
وتدخل الخادمه صفيه تحمل ورده وتعطيها للحج....
الحج يحمل ورده بين ذراعيه ويلاعبها....
...................
المشهد في غرفة البدرى ونورا....
البدرى يجلس امام المرآه يلبس بدلته وهو يتحدث مع نورا....
البدرى....
متتخيليش يانورا انا فرحان قد ايه اني معاود هوارة من تاني....
بعد ما كوت خلاص فقدت الامل...
وف نفس الوقت خايف....
نورا....باستغراب....
خايف....خايف من ايه ياحبيبي...
البدرى.....
انتى مخابراش عوايدنا زين يانورا انتى متعرفيش ان اللي عملته ورده وطريقه جوازها وهروبها من البلد ده جريمه في شرع هواره وعاداتنا وتقاليدنا....
نورا....انا مستغرباكم بجد....هو معقول فيه كده...احن في القرن العشرين....
البدرى....
معقوله وستين معقوله كمان...
ياخوفي....ياخوفي لما اعاود هواره معرفشي ردة فعلهم هتكون ايه....
هواره كلها كوم....والعربي ده كوم تاني....
لاه مش العربي وبس.....
وعلوان كمان....علوان ده لوحديه داهيه كبيره وهتحط علي راسنا....
اااااااااااااه ربنا يستر.....
...............
فكرة وتأليف حماده فاروق هاشم
للابلاغ عن السرقه
....................
المشهد في هوارة
علوان يخرج من المستشفي وقد تعافي بنسبه كبيرة...
توقفت السيارة اما بيت علوان وينزل منها ومعه نعمه ودبور يمسك بيده لينزل من السيارة...
دبور....
علي مهلك علي مهلك ياواد عمي نورت دارك ياكبيرنا الف حمدالله عالسلامه....
نعمة تزغرط....
حمدالله علي سلامتك ياعلوان...الدار كانت عِفشه من غيرك ياواد عمي....
بالراحه يادبور بالراحه على واد عمك تعالي قعده اهنه...
الف حمدالله علي سلامتك ياعلوان الف حمدالله علي سلامتك....
ياخاله لبيبه...ياخاله لبيبه...
دبور...
الخاله لبيبه مش اهنه...
نعمه...مش اهنه...امال وين....
دبور....
الخاله لبيه في دار الشيخ بدار الله يرحمه....
نعمه باستغراب...
دار الشبخ بدار...
وعتعمل ايه في دار الشيخ بدار....
دبور....وهو ينظر الي علوان...
منا مقولتلكيش....
الخاله لبيبه بتنضف الدار...
البدرى......البدرى ووردة راجعين....
نعمه بفرحه واندهاش...
عتقول ايه يادبور.....
البدرى ووردة....طب كيف....
علوان يتغير لونه وتتحجر عينه...
ويفكر.....
بااااه البدرى تااااني...
دانا جولت خلصت منيه....
دة زى القطط بسبع ترواح....
ومعاود وهينفش ريشه علينا زى الديك الرومي....
وبعدهالك ياعلوان عاد...
المصايب عتحط عليك حط....
هاااااااه....طيب يابدرى...
طييييب...
............. نهاية الحلقه.........
ياجماعه كل واحد اتبسطت ياريت يعمل مشاركه علي صفحته ومنشن لاصحابكم وحبايبكم بالله عليكم فرحونا بقي زى مابفرحكم😃♥
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
