expr:class='data:blog.languageDirection' expr:data-id='data:blog.blogId'>

رواية عشقت طبيب نفسي الفصل السابع والثامن حصريه وجديده على مدونة النجم المتوهج للروايات والمعلومات

رواية عشقت طبيب نفسي الفصل السابع والثامن حصريه وجديده على مدونة النجم المتوهج للروايات والمعلومات

رواية عشقت طبيب نفسي الفصل السابع والثامن حصريه وجديده على مدونة النجم المتوهج للروايات والمعلومات


البارت السابع

فصباح اليوم التاني أتجمع الدكاترة وأتجهو لحضور مؤتمر هيناقشو فيه حالة صعبة شوية، الحاله بسبب مرضها، دخلت فحالة نفسيه ورافضه العلاج، وهنا أول أختبار لدكاترتنا، وهنشوف فالمؤتمر اي الل هيحصل....


دخلت فرح ومالك وباقي الدكاترة مكان الأجتماع،وبعد خمس دقايق كده،دخل شاب ثلاثيني،چنتل فنفسه أوي،وشيك جداً،ومن ملامحه وأضح أوي انه مش بريطاني الأصل،كأنه من بلد عربي!!مش عارفين حاليا لسه هنعرف....


دخل الشاب أبتسم لل قاعدين وبدأ يعرف نفسه....


الشاب بلكنته العربيه المتكسرة=


أهلا دكاترة،أنا دكتور يونس الل راح أشرف عليكن،بصو شباب انا يمكن فالعربي مش قد كده،بس بمشي حالي معكن،انا اصلا مولود هون ببريطانيا،بس والدي اصله مغربي ....


فرح كالعادة كانت باصة قدامها  مكنتش مركزة ناحيته،لانها شافته وهو داخل ما شاء الله عليه يعني،فكأي بنت ممكن تبص عليه وتعجب بشكله حتى لو مش قصدها طبعاً،


يونس =أنسه!!شو بك باصة بعيد..شو ما عاجبك شكلي!!


مالك اتضايق بس مأظهرش ده،هو ليه مركز مع فرح يعني الله!!


فرح اتحرجت =لا يدكتور مفيش،انا مركزة كويس،


يونس بأبتسامة =تمام..بدنا هلا نعرض عليكم حالة المريض ونشوف أي هي أقتراحاتكم بالتعامل معاه..."جماعة مش عارفه اللكنه المغربيه كويس،بس مشوها مغربيه وخلاص😂💙


بدأ يعرض الحالة عليهم....


ها دكاترة،مين عنده اقتراح...


بدأ احد الشباب يرفع ايده...وأقترح اقتراح...


يونس =للأسف ما مشي معه،..


بنت تانيه اقترحت ..


يونس =لا لا،ما بيجيب نتيجه معه...


فرح بعد فترة من السرحان مع نفسها وأقترحت عليهم ازاي ممكن يتعاملو معاه بعد طبعاً ما فهمت حالته من ال history الل اتعرضت عليهم...


يونس بأعجاب =أقتراح كتير حلو،ماشاء الله،شكلك دكتورة شاطره وراح تبدعي بمجالك دكتورتنا...


فرح بابتسامة جميلة =شكرا دكتور...


مالك اقترح اقتراح يخفف بيه الطاقة السلبية الل عند المريض..


يونس بتردد،=امممممم بنشوف،ونجرب معه،بس شكله ما راح تظبت معنا....


 مالك بصوت خافت =دا انت دكتور سيمب يجدع،ابو شكلك..


فرح اخدت بالها من مالك وحست انه غيران عليها فابتسمت،وقررت تستغل الحته دي فصالحا "سوسة فرح دي"😂💙


خلاص دكاترتنا،نحنا هيك خلصنا،بدنا نروح المشفى نشوف المريض...


فرح والشباب =تمام يدكتور يلا بينا...


فرح تقصدت تكلم يونس قدام مالك =دكتور يونس انت مش بتعرف تتكلم مصري!!يعني اصلي بحس اللغه بتاعتك ده تقيله شوية،وضحكت وكملت وقالت...كلمونا الكلام السهل السلس، الشعب ، بتاعنا ده،كلمونا بالهجايس.....


ضحك يونس=بعرف اتكلم مصري،لغه مرحة كتير وانا حضرتك مؤتمرات كتير بمصر،بس في كلام بتقولوه مش بفهمه وضحك...


فرح =طيب ما انت بتتكلم مصري اهو،ليه الحول من الصبح بقا...


يونس =حول!!


فرح = ارجع أتكلم مغربي تاني انا لسه هفسر!!


كل ده وصاحبنا واقف هيطق منها.....


دخلو شافو الحالة وفحصوها،وكل واحد عرف هيتعامل معاها ازاي....عدى اليوم،والشباب رجعو للأوتيل،عشان يبدأو يوم جديد...


فرح بملل =يوووه أنا مالة اوي،انا هخرج شوية اتجول فالمكان،انا كده كده لسه مشوفتوش،والوقت لسه بدري...


تقلت فلبسها وخرجت....وهي ماشية لقت الل شدها جامد من أيدها...


فرح بخوف=انت يحيوا...


لقيته مالك وكان حاطط أيده على بوقها...


زقته فرح بعصبيه =أنت ازاي تستجرأ تلمسني او تحط أيدك على بوقي....


مالك =انتي تسكتي خالص،انتي ازاي كنتي قاعدة تهزري مع سي زفت يونس..!!


فرح =وأنت مالك وماله،وبعدين متعصب اوي ليه كده هاااا!!


مالك بصوت عالي =هو أي الل مالك وماله انتي هنا جاية تشتغلي وتدربي،ولا تضحكي وتهزري مع الناس!!انطقي...


فرح =اهزر اي انت اتجننت انا مغلطش ابدا ومش فاهمه أي الل يخليك تتعصب كده!!


مالك =بتعصب عشان بح...


فجأة بصو لقو ناس كتير واقفه تتفرج عليهم...


فرح بأحرج وبعصبيه لما لقته ماسك دراعها =سيب ايدي...وسابته ومشيت...


خرجت من الفندق ومن المكان كله....كانت بتعيط...


فرح لنفسها =بتعيطي لييييه دلوقتي يخرابه،مش انتي الل اتقصدتي تعملي كده عشان تخليه يغير!!اهو حققتي مرادك،بتعيطي ليه بقا...


اخخ، وكملت بعياط،دراعي وأجعني أوي،بحب حلوف يارب،


وبعدين خوفني منه...


قعدت فمكان كده فالشارع،المكان كان هادي اوي بس جميل أوي،في ورد حواليها كتير....هي مش عارفه وصلت للمكان ازاي،يمكن مخدتش بالها انها كانت متعصبه وبتعيط...


حطت ايديها على وشها وقعدت تعيط....


فجأة سمعت صوت هادي...


أنا أسف،أنا بس مستحملتش أشوفك بتهزري معاه،وبعدين مشوفتيش نظراته ليكي،انا مش عارف كان مركز معاكي لييييه...


قامت فرح بصتله بدموع،=تقوم تلمسني وكمان توجعني أوي كده،


مالك قدملها وردة =انا أسف مرة تانيه...


فرح اخدت الوردة وخرجت منها ابتسامة تلقائية وسط دموعها...ايوه مهزاة ايوه 😂💙


مالك ببرأة =مسمحاني يا فرحتي..


فرحه =نعمممممم يخويا...


مالك =بس بس،انا غلطان...مسمحاني يدكتورة فرحة منير...


فرح بابتسامه هبلة =ااه سامحتك،المسامح كريم،وانا كريمة...


مالك بضحك =طيب يلا يا كريمة هانم نرجع الفندق...


فرح =لا بطلناها شغلانه،روح ارجع انت،أنا هلف شوية فالمكان الجامد جدي ده...


مالك فسره =بحب هبلة والله...


المكان كان مليان شجر ورد،كأنه خلق من ورد...بدأ هواء جامد يهب،فتساقط ورق ورد كتير من الشجر،كأن الكون بيقولها سنحفك بالورد وسنحقق لك حلمك....هي كانت بتحلم باليوم ده،بالظبط بتحصل زي ما كانت بتتمني،نفس المكان بوروده،وجماله،صوت عصافير رقيق....كانت لابسة فستان أسود شيك اوي،...بدأت تقلع الجاكت الل كانت لابساه......ورمته على جمب،وكأنها اتحررت،كأنها طائر أخير تم اطلاق سراحه....


بدأ الهوا يزيد والورد يسقط..


بدأت تلف حوالين نفسها بفرحه،كانت بتضحك من قلبها،كأنها طفله....راحت تحت شجرة من شجر الورد ورفعت رأسها لفوق وغمضت عنيها وفضلت تدودخ نفسها،ضحكتها كانت عاليه،طفله فعلاً،طفلة فرحانه بالورد....


على الجانب التاني كان واقف مالك الل كان سعيد اوي لساعادتها،....كان بيبتسم...طلع تلفونه وبدأ يصورها كذا صورة...الصور كانت عظيمه بجد بفستانها الل كان بيطير وابتسامتها وغمازاتها الل يسحرو،وضحكتها الجميلة...عدى وقت واخيرا طفلتنا اكتفت من لعبها....فاقت من عالمها الل كانت فيه،عشان تبص تلاقي مالك الل واقف مسحور بيها،هي سحر،كانها سحر او خلقت من السحر....مش عارف بس الل مقتنع بيه،هو أني حبيت ملاك....


مالك مالك؟!؟؟دكتور!!؟انت يبني..


مالك فاق من شروده =هاااا


فرح =لا مفيش انا خلصت لعب 😂....المكان تحفه اوي،والله قلبي لم يتحمل،عارف كأني اتولدت من جديد،أنا كنت فعالم تاني بجد وانا مغمضه عيوني..


مالك بتوهان =وانا كمان كنت فعالم تاني....قصدي يلا علشان أخرنا....


فرح ماشي يلا وهم ماشين فرح لقت واحد بيبيع ايس كريم..


مالك مالك =بالله عليك تجيبلي بوظه.......


مالك =بوظه!!حسبي الله..


تعالي لتموتي عليها....


راح شرا اتنين وقعدو يأكلو،...حلوة؟!!!


مالك =هي مين.!.


فرح بضحك =البوظه 😂😉


مالك =زي القمر...


فرح فنفسها =يعيني هو عيي تاني!!😂🤦‍♀️


مالك اخد باله وضحك ومشيو...


عدا اليوم وابطالنا كل يوم علاقتهم تبقا احسن،بس طبعا بحدود....


مالك فنفس توهانه كل ما بيشوفها...وهي بدأت تتجنب يونس تماما،عشان بصراحه خافت من مالك وعارفه انه بيشيط لما بيشوفه....قدرو يعالجو الحاله الل كانو هيعالجوها،والحاله بقت كويسه....دخلت فرح عمليات كتير فالشهر ده،وكانت مع نهاية اليوم،تروح مكان الورد وتقعد فيه شوية وتروح....راحت هي ومالك والشباب الل كانو معاهم اماكن كتير اوي واتفرجو على معالم جميله هناك،وكان شهر حافل وجميل بمعني الكلمة "اوعدنا يارب"


خلاص النهارده اخر يوم لينا ببريطانيا، لسه محدش من ابطالنا اعترف للتاني، " متخلصو بقا مرتونا معاكم "😂


جهزت فرح شنطها ولقت ان في وقت،فراحت المكان المعهود الل بتقعد فيه،كانت لابسه فستان احمر طويل،شيك و جميل أوي  وكانت قاعدة سرحانه.....


شكلك جميل اوي النهاردة....ابتسمت،وبصت،بس لما شافت الشخص مفرحتش أبداً....لقته يونس...


قامت بتوتر=نعم يدكتور يونس عايز اي!!


يونس ببرود =عايزك..


فرح بعصبيه =اي الكلام الل انت بتقوله ده يدكتور!!عيب كده...


يونس =متفهمنيش غلط يا فرح بس انا بحبك...وعايز اتجوزك 


فرح =انا أسفه،مش هقدر أقبل حبك،مش هقدر...


يونس بعصبيه =وده ليه بقا!!!أكيد السبب هو مالك الزفت...انتي بتحبيه صح؟


فرح =مسمحلكش انك تشتم عليه،ولما تتكلم عنه اتكلم باحترام،وبحبه ولا لا،فده حاجه ترجعلي انا...


يونس بعصبيه =بس انا مش هسيبك ليه فرح...قرب نحيتها وهي خافت،كانت بترجع بخوف،...


هو في أي!!هو ازاي يطلع شخص مش كويس كده.....لسه هيمد ايده يمسكها من دراعها ....لقت للل مسك أيده ولواها جامد....


فرح بدموع =مالك!!


مالك =أوعا تفكر اني مش فاهمك!!انا كنت فاهم نظراتك من اول يوم،وبعدين انا هنا من قبل ما تيجي اصلا 😏....وأيدك الل كانت هتتمد عليها دي انا هكسرها....


لوا ايده جامد لدرجة ان يونس صرخ من الوجع....سيبني يبني ادم،انت شخص همجي....


مالك =انت لسه شوفت همجيه،ونزل فيه ضرب....طحنه يجماعه،طحناااااه،انا فرحانه...😌♥


يونس اخيرا قدر ينفد بجلده ويهرب....مشي بعد ما اتدغدغ طبعا....بص مالك لفرح لقاها بتعيط بصمت....كانت حاطه ايدها على بوقها ومغمضه عنيها وبتعيط....


مالك =فرح فرح،اهدي خلاص انا جمبك،محدش هيقدر يقرب عليكي،طول ما انا هنا....


فرح =كان نفسها تحضنه،بس مينفعش....كملت بعياط وشهقات...انا انا السبب،انا الل أديته وش من الاول،انا الغلطانه..


انا انا الل سمحتله يتمادى معايا....مالك كان نفسها يتبطب عليها ياخدها فحضنه،بس مش قادر.....خلاص ارجوكي انا والله قلبي الصغير ما مستحمل عياطك،خلاص بقا،مش انتي ال سبب،هو الل وسخ...


خلاص بقا يفرحتي...


فرح بدموع =فرحتك!!


مالك بحب  =ااه فرحتي و.....


#أحببت_طبيب_نفسي 

البارت الثامن.... 

فرح بدموع =فرحتك!! 

مالك =اه فرحتي وحبيبتي وقدري ونصيبي، بصي يا فرح أنتي لازم تسمعيني، جه دوري أني اتكلم "انتي واخده الرواية لحسابك من الصبح، اركنيلي خمسه كده بقا" 😂♥

لازم أقولك أني حبيتك يا فرح، حبيتك أوي، حلمت بيكي قبل ما اشوفك بس مكنتش بأخد بالي من الأشارات الل كانت بتجيلي، بدأت بسبب موقف حصل كده، ألاحظ الل بيحصل حواليا، بدأت أركز معاكي، بدأت أعشق كل تفاصيلك، ضحكتك، وملامحك، وروحك، طفولتك وجنانك وفنفس الوقت طيبه قلبك الل تغطي الكون ده كله، حبيت كل تفاصيلك، انا بغير عليكي، بغير من الهوا الطاير لما يلمسك، أنتي أنتي، جننتيني، أنا لأول مرة يحصل فيا كده، بدأت أتأكد انك قدري.... وأن ارواحنا اتخلقت لبعض، قدرك هو قدري وقلوبنا اتعلقت ببعض، "عشقتك ،فهانت فعيني الدنيا، وأصبحت لا أريد غيرك، أنت فقط لا احد أخر "

ركع على ركبته وقدملها وردة... 

مالك بحب=فرحتي!! تقبلي حبي!! تقبلي تعيشي معايا باقي حياتك ونشيب سوا!! نرسم دنيتنا بأدينا ونعيشها، تقبلي تكوني جزء مني ... 

فرح كانت بتعيط بس بسعاده، دي دموع الفرحه يجماعه،.... 

فرح ="قبلت حبك قبل أن أراك، فما بال قلبي قد تعلق بك قبل أن يقابل قلبك".... موافقه!! موافقه أقضي باقي حياتي معاك، نرسم عالمنا بأدينا ونعيشه، أنت أنا وانا أنت، ارواحنا تبقا واحده وحياتنا كمان، فرحتك هتبقا فرحتي، ووجعك هو وجعي، موافقه أكون ليك وموافقه انك تكون ليا سند وزوج وحبيب وصاحب، موافقه... 

مالك بفرحه =بجد! يعني يعني انتي بتحبيني، يعني كده خلاص هتبقي ليا انا، هتبقي بتاعتي، هتبقي زوجة الدكتور مالك.... مش مصدق نفسي انا أنا عايز احضنك وألف بيكي... 

فرح بضحك =حيلك حيلك، أول حاجه انا منطقتش كلمة بحبك ومش هتسمعها دلوقتي خالص مني، ثانيا تشيل مين يابا.... فوق لنفسك يشبح، مفيش الكلام ده 

مالك بضحك =شبح و يابا!! لا ألغي رحلتي، انا رجعت فكلامي.. 

فرح بتلقائيه =رجعت فكلامك أي يعم أنت، دا احنا ما صدقنا انك نطقت.. 

مالك بخبث =يعني كنتي بتحبيني ومستنيه انطق!! 

فرح =مين! أنا قولت كده!! لا طبعاً بس انا كنت ملاحظه انك معجب بيا وكده، فقلت يلا لله بقا اهو نمن عليه ونوافق عليه بقا.... 

مالك =والله!!!! يعني هتتجوزيني كده لله.. 

فرح بضحك =شفقة أيوه... 

مالك =طيب أنتي... 

فرح =أي هتطلقني!! اوعا تقولها، 

مالك بضحك =أطلقك اي بس هو انا اتجوزتك اصلا،.... 

مالك =ما تجيبي أيدك امسكها بالمناسبة الجميلة دي... 

فرح =أوعا يابا أيدك لتوحشك، وخليك حاطط فعلقك ان ممنوع الأقتراب او اللمس.... بص انا خط أحمر... 

مالك =تلاته بالله العظيم أنا بحب قتالة قتله... حسبي الله يشيخه... مش عايز امسكها مش عايز "كنتي سبتيه يمسكها يفوزيه" 😂🤦‍♀️

فرح =ايوه كده برافو عليك،انت كده حبيبي وأخويا وكفائه....

مالك =حبيبك!اهو قولتي حبيبك..

فرح =يعني اخدت بالك من حبيبك ومش اخدت بالك من اخويا!!

مالك بضحك =لا حبيبي دي بتاعتنا انما اخويا دي مش بتاعتنا..

ضحكت فرح وقالتله،الوقت اتاخر أوي،لازم نمشي عشان عندنا طيارة الصبح

......ابتسم مالك وقالها يلا..ومشيو راحو الفندق عشان يرتاحو....

تاني يوم فالطيارة...مالك وفرح قاعدين جمب بعض...

فرح بخوف =أستر ياررررررب،ياااارب،قعدت تتشاهد لحد ما الطيارة طلعت وكالعادة مالك كان بيضحك على شكلها...

فرح =بقولك أيه يمالك،طلقني،طلقني عشان انت مستفز،

مالك بضحك=أستغفر الله العظيم،يبنتي هو انا جيت جمبك،خليكي كملي تشاهد بس،محسساني اننا طالعين نحارب....

فرح =لا يااخويا،طالعين بالطيارة يارب نوصل على خير،دا انا غلبانه.......المهم عدى الوقت واليوم كان متعب أوي،روح أبطالنا عشان يرتاحو...

وفاء اول ما شافت فرح =حبيبتي يبنتي،يلاهوي خسيتي ليه كده،تعالي يقلب امك دا انا طبخالك أكل قد كده شكلك هفتانه ...

فرح بضحك =يلاهوي يماما هفتانه اي بس،ماانا حلوة أهو وبعدين انا تعبانه موووت لازم أنام.....

وفاء طيب أدخلي نامي وهصحيكي على العشاء تأكلي...

دخلت فرح نامت وكانت فاكرة انها تفاتح باباها بموضوع مالك...صحيت على العشاء عشان تتعشى وهم قاعدين كانت لسه هتفاتح أبوها فالموضوع،بس دخل أخوها وقعد يسلم عليها...وأخدهم الهزار والكلام سوا ونسيت تقول حاجه لباباها...

فصباح يوم تاني،لبست فرح فستان جميل أوي لونه نبيتي...ونزلت عشان تروح المستشفى.....وكالعادة كانت حاسه بملل،فقررت تروح تقعد فمكان كده جمب المستشفى...

فرح قاعدة تشرب نسكافيه وفجأة مالك جه وأخد كرسي وقعد قصادها بالظبط...فالوقت بتاعهم ده...طارق كان رايح لفرح المستشفى وكان عايز يفاتحها فموضوع جوازهم تاني....فضل يدور عليها وعرف من ممرضه المكان الل قاعدة فيه...راح المكان ولقي فرح قاعدة مع مالك...اتعصب أوي...وقرر أنه مش هيعدي الموضوع بالساهل...فرح كانت قاعدة بتهزر مع مالك،وكالعادة كلامهم كله هزار فكانت بتضحك جامد....

بدأ طارق يصورهم... 

مالك =أستني بس هنا عشان حابب أعرف فأول مقابله لينا كنتي سألتيني بتفكر فمين وكده وهي حلوة ولا لا وقولتلك بفكر فالشغل...

فرح =ااايوه يخويا كان الشغل مقطع بعضه ساعتها....

مالك =بس أنا سمعتك بتتكلمي مع نفسك،هموت واعرف كنتي بتتكلمي فأي...

فرح =كنت بشتم عليك علشان حضرتك مكنتش واخد بالك مني...

مالك بضحك =اااه قولي كده بقا،يعني انتي كنتي بتخططي توقعيني فحبك...!

فرح =أنا!!!مين دي الل توقعك يابابا،فوق،انت الل وقعت،وبعدين محدش ضربك على أيدك عشان تحبني،بقولك ايه طلقني...

مالك =يخربيتك يخربيتك،بربنط مش بتعرفي تسكتي.....انا غلطان اصلا...

فرح =خلاص سماح يا أبو المماليك،انا الكبيرة برضو...

مالك =أبو المماليك!!يشيخه حسبي الله،شوهتي الأسم...وبعدين هو انا بكلم واحد صاحبي!دا صحابي مش بيكلموني كده...

فرح =والله إذا كان عاجبك!أوعا تفكر أني من البنات الل بتقول بيبي وأرنوبي،لا يا حبيبي فوق،انا بتجيلي حموضه.....أخرك معايا هي كلمة يسطا ويباشا ويااابو المماليك....وبعد الجواز ابقا أقولك يحبيبي...

مالك باستعطاف =طيب وليه بعد الجواز ليه،قولها من دلوقتي يعم الحج بالله عليك...

فرح بضحك =تصدق صعبت عليا،خلاص هقولهالك مرتين فالأسبوع...

مالك بضحك =هي لبوسة يبنتي،قال مرتين فالاسبوع،دا انتي الطب لحس دماغك.....انا ماشي قبل ما تقوليلي حاجه تاني وتشليني،لاني تعبت..... همشي أنا بقا... بس قوليلي حبيبي كده قبل ما أمشي، ويبقا فاضلي مرة كمان فالاسبوع... 

ضحكت فرح وقالتله لا يباشا، الكلام بتاع مرتين فالاسبوع دا بعد الخطوبه إن شاء الله... 

مالك =يا صبر أيوب، انا ماشي، بدل وربنا أجي أبوسك وانتي حلوة كده... 

فرح بغضب =مااااااااالككككك.. 

مالك ضحك ومشي بسرعه =خلاص خلاص انا ماشي... مشي مالك وفرح أبتسمت أول ما مالك مشي، راح طارق لفرح 

طارق =ازيك يا فرح... 

فرح =طارق!! أي ده أي الل جابك هنا؟!!! في حد تعبان ولا أيه، كلكم كويسين طيب.. 

طارق =لا مفيش حاجه حصلت وكلهم كويسين، انا جاي عايزك فموضوع... فرح طبعاً عارفه الموضوع الل عايزها فيه... 

فرح بزهق =تمام يطارق اتفضل... 

طارق =بقولك أيه، ما توافقي بقا على جوازنا، واهو ننجز فاالموضوع وبعدين انتي مش صغيرة عشان ترفضي، دا انتي مخلصه تعليم من فترة،وكمل بسخريه أي مش ناوية تتجوزي ولا اي، ولا يكونش خايفه من حاجه مثلا لا قدر الله... 

فرح بعصبيه =أولا يطارق انت أنسان لا تطاق، مش عارفه كمية البجاحه والبرود الل عندك دول جايبهم من اين، وهكون خايفه من أي يعني!! انت اتجننت اكيد.. 

طارق =خلاص وافقي تتجوزيني وأسبتي أن كلامي غلط... 

فرح بسخريه =ما انا هتجوز فعلاً.. 

طارق فرح ولسه هيكلم قاطعته فرح... 

فرح =بس مش انت طبعا الل هتجوزه، بص يا طارق أنت اخر شخص أنا ممكن أفكر فيه... أنت مريض نفسي يطارق، أفكارك الل بتجيلك دي مرض حقيقي... وانا اصلا مش بطمن معاك... فأنسا أني أتجوزك... 

طارق بعصبيه =اااه قولي كده بقا، قولي انك مش عايزة تتجوزيني عشان تتجوزي سي مالك بتاعك، ها يبنت عمي يترا كنتو مقضينها سوا بقا فبريطانيا ولا لأ، استني بس يترا أنتي لسه بنت ولا..... ملحقش يكمل كلامه ولقي قلم نزل على وشه... "احسن أحسن"

فرح =أنت حيوان وواطي ومريض، وأحد غبي وكلامك ده فالزبالة عشان المرضى الل زيك محدش بيأخدلهم على كلام.. بقولك أيه يطارق، بالنسبة لمالك فأه بحبه، وهتجوزه... 

وبالنسبه للكلام الل انت قولته، فأحب أقولك فكر زي ما تفكر، مش واحد مريض زيك هو الل هيشغلني.... بصتله بسخريه من فوق لتحت ومشيت.... 

طارق =عايزة تتجوزي مالك، طيب وديني لأبوظلك كل حاجه، ونبقا نشوف هتتجوزو ازاي بعد الل هعمله ده... مش هتتجوزي غيري يفرح، ولما تبقي مراتي، هعرف أخد منك حق القلم والكلام الل قولتيه، الصبر بس..تمام انا هوريكي... 

طارق ظابط وعارف ناس بتعرف فالفوتوشوب، أخد الصور وعطاها لواحد... غير فيها كتير... 

الصور مبينه ان مالك وفرح مقربين جامد من بعض، في صورة حاضنها، وصورة ماسك أيدها... وصورة مقرب منها جامد... 

أخد طارق الصور وبعتها مع واحد تبع البريد لبيت ابو فرح... 

طارق بخبث وشماته =خلينا نشوف هتقدر تبرر لأبوها الل شايف أن بنته مفيش زيها ازاااي ... 

روحت فرح من المستشفى وكانت قاعدة مع العيلة عشان يأكلو...رن جرس الباب...وأخوها قام فتح...

أحمد =بابا دا ظرف مبعوت لحضرك...

منير =هاته يأحمد....بدأ منير يفتح الظرف وأتغيرت ملامحه تماما لما شاف الل فيه...

بص منير لفرح واتكلم بغضب وقال.



تابعووووني للروايات الكامله والحصريه



الفصول الاخيره من هنا




بداية الروايه من هنا




الروايات الحديثه من هنا



جميع الروايات الكامله من هنا


تعليقات



CLOSE ADS
CLOSE ADS
close