رواية عشق الليث بقلم دينا إبراهيم الفصل الاول والتاني والتالت والرابع والخامس حصريه على مدونة النجم المتوهج للروايات والمعلومات
 |
الفصل الاول..
في صباح يوم جديد بقصر ليث السوهاجي...
سعدية : صباح الخير يا ليث بية ، لم ينظر لها ليث واستمر في ربط كرافتتة اللعينه التي يكرها ولكنها اصبحت جزء من حياته كباقي عاداته الاخري التي يكرها ولا يستطيع ان يتركها..
-كلهم صحوا والفطار جهز ...
- ايوة يا بيه ده حتى استاذ احمد صاحي من بدري ومستني حضرتك تحت .
- ليث يتعجب : امم طيب روحي انتي وانا هنزل دلوقتي ..
انتهي ليث من ارتداء ملابسة وساعته الثمينة ووضع عطره الفخم وخرج من غرفته وهو يفكر عن سبب نشاط أخيه الصغير المدلل وحماسته الغير معهودة لرؤيته، ولكنه توقف فجأة عندما سمع همساات انثاويه لاخته وقريبته البريئه ..
- صفاء وهي تخرج من غرفت كارمن : هههههههههههههه يلا يا بنتي متبقيش عبيطه وبعدين احنا كده هنتاخر وأبيه هيزعقلنا
- كارمن بحنق وعتاب: ياسلام مش انتي السبب حضرتك خلتيني اطلع اغير والبس الفستان السخيف ده اصلا ...
- نظرت لها صفاء بتعجب وكأنها برأسين : انتي هبلة يابنتي فستان ايه اللي سخيف ده هياكل منك حتة ، بقولك ايه اطلعي من دور الدكر ده شوية خلي حد يبصلك ويجوزك وتبعدي عنا بقا ههههههههه...
- ه ه ه ه ه خفه اوي حضرتك وبعدين ما تمشي انتي وابعدي عننا بدل ما انتي مصدعانه باللبس دة وفي الاخر ابيه يزعقلي انا ...
ثم رفعت كارمن رأسها بغرور متصنع ..
-وبعدين انا 1000 واحد يتمناني ......
سمع ليث هذه الكلمات دون ان ينتبهوا اليه ولم يدري هو بنفسه وقد اشتغل الغضب بداخله فهب بهم كالاعصار من خلفهم ...
- أيه الكلام الفارغ اللي بسمعه ده انتو اتجنيتوا ولا ايه واضح اني دلعتكم بزيادة ياهانم انتي وهي ، صفاء مفيش جامعه ليكي انهاردة اتفضلي علي اوضتك
هربت صفاء سريعا وقلبها يرتجف خوفا من غضب اخيها الكبير وفي اعقابها كارمن التي تحاول جاهدة الهرب من امام هذا الليث الغاضب ولكنه لم يسمح لها بذلك فاوقفها صوته...+
- انا قولت صفاء بس اللي تمشي انا لسه مخلصتش كلامي معاكي يا أنسة يامحترمه
أغمضت كارمن عينيها وابتلعت ريقها بصعوبة وظهرها مازال اليه تعض علي شفتها السفلي حتي لا تطلق العناء لدموعها امامه والتفتت لتنظر اليه مرة اخري ولكن عينيها كانت تتفحص تفاصيل السجاد الشرقي الاصيل وليس الليث الغاضب امامها
ازداد غضبه من تجاهلها له فهي دائما ترفض مواجهه عينيه فاقترب منها اكثر من اللازم واقتحم مساحتها الشخصيه فتفاجأت ورفعت عينيها لتنظر الي عينيه السودتان كالليل
- انا قلتلك قبل كده 100 مرة ماتنادينيش بأبيه دي تاني انتي مش اختي انتي قريبتي و بنت خالتي بس
مبحبش المشاعر الزايدة دي ..3
نظر الي فستانها اللي يظهر قدماها الصغيرتان حتي ركبتيها و رقبتها البيضاء ويداها حتي معصمها حتي غضب اكثر واستكمل حديثه
- ادخلي غيري القرف اللي لبساه ده انتي فاكرة نفسك خلاص بقيتي كبيرة وبتبيني جسمك للي يسوا واللي ميسواش عشان يتمنوكي ياانسه يامصونه ؛ انا نبهت عليكي متلبيش فساتين تاني وانا مش بحب اعيد كلامي وعشان كده لازم تتعاقبي والعقاب هيبقي صعب ...
أحست كارمن برغبة شديدة في البكاء فهذه ليست غلطتها بل صفاء التي اصرت ولكن كيف تخبره وتوقعها في متاعب جديدة والان يمنعها من مناداته بأبيه كما تفعل صفاء التي يحبها حبا جما ، لماذا هذا الكرة تجاهها وتجاة الفستان المسكين !!! دخلت في دوامه الحيرة هل هو غاضب لانه يكرهني ام معقول انه يغارعليها او هو حبها السخيف والدائم للشخص الوحيد الذي يكرهها ويراها طفله ، قاطع تفكيرها ليثها بكلماته الجارحه...
- انتي بنت خالتي يعني مسمحش ان اخلاقك تكون زي اخلاق واحده اهلها معرفوش يربوها ، انتي كده بتهزي مركزي واسمي كلامي مفهوم..
نزلت دموعها الحبيسة وردت علية بصوت مرتجف : مفهوم ياليث بيه .
وذهبت سريعا من امامه الي غرفتها حتي تحتمي في دفئ سريرها الصغير ووسادتها لتغوص في بحر آلامها و أحزانها تشتكي لهما قسوتة عليها وتذكيرة الدائم لها بأنها وحيدة وبدون اب وام ...
اخرجت صورة لوالديها ونظرت لامها وقبلتها ..
- وحشتيني اوي ياامي وانت كمان ياباابا وحشتوني اوي الدنيا وحشة اوي من غيركم سيبتوني ليه ؟! كنتوا خدوني معاكم ؛ استغفر الله العظيم يارب سامحني بس انا مش عارفه هو بيكرهني ليه كده و مش قادرة استحمل بعدهم عني ومحتاجاهم جنبي ، انا مش بعمل حاجه غلط خالص عشان ارضيه ويحبني بس واضح انه مستحيل يبص لواحده زيي انا بالنسبه ليه مجرد عبء ممكن يأثر علي اسمه وسمعته....
شرعت في البكاء مرة اخري حسرة علي فراق والديها وكره ليث لها وهو الحبيب الغافل عن حبها...3
___
وصل ليث الي غرفة الطعام ليجد أحمد و والدته في انتظاره...
- ليث وهو يقبل رأس والدته فوزية : صباح الخير..
- فوزية وهي تربت علي يديه : صباح الفل ياحبيبي
- أحمد : صباح الخير يا أبيه ، انا مستني حضرتك من بدري عشان ابتدي الشغل زي ما حضرتك قولت ..4
- رفع ليث حاجبه متعجبا منه : طيب يلا بينا عشان متتأخرش علي اول يوم ..
- فوزية : ايه يا أبني مش هتفطر الاول ...
ليث وهو لايشعر بأي رغبه في الاكل او الشرب بعد ماحدث مع كارمن..
- لا يا أمي كلي انتي ، انا مش جعان دلوقتي ،هابقي افطر ف الشغل مع السلامة ، يلا يا أحمد..
- حاضر يا أبية ..
قام سريعا يقبل والدته ولحق بأخيه الكبير...
-------------
في شركة السوهاجي..
- ليث : بس كده و عايزك تركز جدا مع مندوبين الشركه الالماني دول مش سهلين ولازم تعرف دماغهم عايزة ايه من ورا الزيارة و ده اختبار ليك انهاردة ، اوعي تفتكر انك عشان اخويا هعفيك من اي حاجه بالعكس المسؤولية عليك اكبر فاهمني !!
- أحمد بتوتر: أحم يارب اكون عند حسن ظنك يا أبية ان شاء الله هقدر وهرفع راسك...
- ليث بتعجب من حماسه اخيه الذي كان يرفض العمل حتي يوم الامس....
- أحمد انت لو في اي حاجه او مشكلة حصله معاك هتقولي مش كده ؟!
- أحمد بتوتر :أكيد طبعا يا أبيه انا ليا مين غيرك ..
- ليث بغير اطمئنان : طيب تمام ،اتفضل انت علي مكتبك ...
خرج احمد وهو يتنفس الصعداء بعد ان كاد اخيه ان يكشف أمره..
اما ليث فبدأ يعمل في الملفات أمامه حتي ينسي ما حدث في الصباح ودموع كارمن اللعينه التي تأكل كل أفكاره ..هز رأسه ليبعد هذه الافكار عنه ،هو أقوي من ذلك ، عن اي قوة اتحدث !! وانا لا استطيع ان اقاوم طفلتي التي اعتنيت بها منذ ان توفي والديها وهي طفلة ذو 7 سنوات من عمرها.. يجب ان يتوقف عن التفكير بها هو ليس وحش كأبيه ولن يكون ابدا و لكن اللعنه علي هذا القلب الذي يصارع للعودة للحياة ولكنه لن يسمح بذلك ابدا...
__
في القصر..
- فوزية :صفاء يا صفاء أنتي يا بنتي ، ياحول الله يارب البنت دي طارشه علطول كده (فوزية بكرسي متحرك لا تقدر علي المشي)
كارمن سمعت خالتها ركضت لتلبي ندائها ...
- ايوة يا ماما حضرتك عايزة حاجه اعملهالك (بتقولها ماما لانها بتحبها جدا )
- فوزية بابتسامة لابنة اختها الغالية: معلش يابنتي كنت عايزة اطلع اوضتي وسعدية برا مع الجنايني الجديد بتديه التعليمات...
- من عنيا يا ماما يا عسل انتي ، يلا نطلع وبالمرة ننكد علي صفاء ونخليها تديني الروايه الجديدة..
-هههههههههه هتفضلي طول عمرك شقيه كده طلعيني بس انتي ارتاح شويه وروحي نكدي عليها براحتك ....
وضعت كارمن خالتها في الفراش واطفأت النور وخرجت مسرعه نحو غرفة صفاء وهي تشعر بجفاء في روحها بعد ما حدث في الصباح ؛ فتحت الباب لتجدها تقرأ احد الروايات كالعادة....
- صوفي حبيبي انتي بتقري رواية جديدة ولا ايه ياقمرايتي انتي يا قلبي من جوا...
- متحاوليش ياكارمن مش هديهالك لاني لسه مخلصتهاش ده اولا ولاني متغاظه منك كل ما بقولك اشتري معايا بتعصبيني وتقوليلي نغرم ابيه فلوس وهو اصلا معاه اللي يشتري بيه نص البلد سووو ياروحي الخلاصه نو واااي هديكي روايتي الجديدة فكك مني هاااه ...
- كارمن بملل : خلاص خلاص اصلا مش عايزة حاجه وبخصوص ابيه اقصد ليث بيه ، انا مش بحب اصرف فلوس واغرمه عمال علي بطال كفايه انه شايل كل حاجه من ساعه مااهلي اتوفوا ....
- صفاء وقد جذبها كلام خليلتها السخيفة : ايه يابنتي الجو الهندي ده وليث بية وفلوسة و مغرماه مالك في ايه ده ابن خالتك الكبير يعني في مقام اخوكي وهو بيخاف علينا كلنا وخصوصا انتي فبلاش كلام اهبل زيك ..
بكت كارمن وارتمت في احضان صديقتها واختها لتنسي كل مايحدث من حولها ، احتارت صفاء منرده فعلها واعادتها الي تصرفات اخيها التي تسبب البكاء دائما لصديقتها البريئه ، لكنها تعلم جيدا انها لن تستطيع ان تحطم اسوارة ومعرفة ما بداخله فهو منذ غياب والدهم ووفاة والدي كارمن اصبح شخص جديد بلا مشاعر تجاه اي شخص عداهم ، هزت صفاء رأسها حتي لا تتذكر الذكريات الأليمة والتي تحمد الله علي عدم تذكر كارمن لها فكيف تخبرها بان والدها هو السبب في مقتل ابوين كارمن وجعلها يتيمه !!
الفصل_الثانى..
نعود الي مكتب السوهاجي
كانت نفس الفكرة تراود ليث السوهاجي و مشهد دموعها لايغيب عن خياله ، خبط بعنف علي مكتبه و ردد بصوت عالي :
- بس بقاا !! انت عندك 30 سنه مش مراهق اتحكم في مشاعرك ؛ عمرها ماهتبقي ملكك بتعذب نفسك ليه !! مصر تبقي ابوك وخلاص !!
امسك هاتفه وضغط علي بعض الازرار ووضعه علي اذنه ليرد علي الفور صوت انثوي ناعم بدلال ولهفه...
- حبيبي اخيرا كلمتني وحشتني اووي بقا انت هتيجي انهارده صح ؟؟
- ليث بشئ من الضيق : اه استنيني انهاردة
اغلق هاتفه وهو يسعي لنسيان عيناها المعذبتان لروحه وكيانه ويجبر نفسه ان يتذكر انثي اخري بالاعيبها وما يمكنها ان تقدم له من متعه يتوق لها اي رجل من لحم ودم ، حتي ولو كانت كالمسكنات بالنسبه له تسكت عقله وقلبه وتغيبه لبعض الوقت حتي يعاوده تفكيره في معذبته مرة اخري ..
____
- أحمد : ههههههههههههه متقلقيش كله تمام التمام بس يارب الخطه تمشي زي ما رسمناها وتنجح وابيه يوافق ؛ بس أيه يخربيتك دماغك دي ياسوسة انتي...
سكت ليستمع لمن يتحدث معها ثم عاد ليرد عليها...
- ولا حاجه ياختي مطحون في الشغل وعمال اقابل ناس ورغي وملفات وحاجه نكد انا لولا الحوار ده اصلا كان زماني هايص مع صحابي ويلا بقااا اقفلي بطلي رغي عشان ورايا شغل ...
وكأنها تنتظر اشارة انتهاءه من المكالمه دخلت أسماء السكرتيرة معلنه عن وصول مندوبين الشركه الالماني ، تلبيه لرغبه رئيسها في العمل ...
_
- صفاء بخضه : يالهوي ماما فين يابنتي من الصبح مشفتهاش اوعي كده عديني بسرعه ونشفي دموعك دي ياامال هههههههه
- ههههههههههههه اهدي يا اختي واقعدى ماما نايمه من بدري انا غطيتها وجيت عندك انكد عليكي نكدتي انتي عليه ...
واخرجت لها لسانها علي امل ان تنجح في اغاظتها ولكن النتيجة جاءت عكسيه حيث ضحكت صفاء علي طفولتها و قررت معاقبه كارمن فحاول الامساك بها ، راحت الفتاتان تركضا وتقفزان في ارجاء الغرفه وخرجت كارمن سريعا وهي تشعر بالسعادة بينما تركض صفاء وراءها و تتوعد بما سوف تفعله اذا امسكتها حتي وصلا الي حديقة المنزل...
__
رفع عادل نظرة وهو يعمل في الشمس القاحلة ليري فتاة في غايه الجمال تركض وراء فتاة اخري ...ولكن ماهذا ؟ هل يحلم أم ان الشمس أثرت علي عقله وجعلته يري ملائكة علي الارض ..فمن هذه الجميلة صاحبه الشعر البني وفستانها الذي يتطاير من حولها وهي تركض كالطفلة الشغوف....
وقعت الفتاتان علي الارض من شده التعب واستمروا في الضحك الهستيري غير عابئتين بمن حولهم...
- فجأة : أحم أحم ...
انتفضت الفتاتان ونظرا بعينان واسعتان لصاحب الصوت ، احمرت وجنتين صفاء وعنقها عندما رأت هذا الشاب الوسيم وعينيه البنيه كالشوكولا وشعرت بضربات قلبهااا تتسارع ولكن باغتها صوت صراخ كارمن والتي لم تستطع ان تسيطر علي صدمتها بعد رؤيتها هذا الشاب الغريب في حديقه منزلهم ..هل هو لص هل جاء لخطفهم كما يحدث مع ابناء الاغنياء؟؟؟ بينما نظر هو اليها مذهولاا وغير قادر علي التحدث حتي ؛ خرجت سعديه سريعا وقلبها ينتفض ..
- مالك ياهانم حصل ايه ؟؟ انت هببت ايه انطق ؟
- معملتش حاجه والله انا مفتحتش بوقي اصلا ولقتها بتصوت..
- ده انت ليث بيه هيخرب بيتك انهاردة هتترفد من قبل ما تبدأ الشغل..
- صفاء بتوتر وهي تحاول ان تهدئ من روع كارمن: خلاص ياسعديه محصلش حاجه هو فعلا متكلمش ولا عمل حاجه مع حد فينا، احم احنا بس اتخضينا لما لقيناه واول مرة نشوفه اممم هو انت تبقي مين ؟؟
- لم تعطه سعديه فرصه وأجابت نيابه عنه : ده عادل الجنايني الجديد ابن الحج كمال الجنايني بتاعنا بس زي مانتي عارفه ياصفاء هانم التعب والمرض بقا خلاه يبعت ابنه بداله ..
- عادل بابتسامه خفيفه: صباح الخير ياانسه صفاء..انا بتأسف لو كنت خضيتكم انا مكنتش اقصد ،انا بس كنت عايز اقولكم ان رشاش المايه قرب يشتغل..
ما ان انهي جملته حتي عمل الرشاش واغرقهم جميعاا صرخت الفتاتان وسعديه ودخلوا الي القصر...
- اخس الله ينيله كان لازم يشتغل دلوقتي !! ياختي اروح اغير بسرعه وارجع اكمل العشا ليتحرق مني وتبقي ليله سودة..
ضحكت الفتاتان و صعدا الي غرفتهما لتغير ملابسهم تاركين عادل بمفردة مع قلبه المتسارع من صوت ضحكت صفاء والذي سلبه جمالها...
- عادل لنفسه: ايه يابني اعقل العين ماتعلاش عن الحاجب ربنا يهديك...
__
في مكان اخر....
فتح ليث الباب لتقابله رائحه عطر انثوي نفاذ وامرأه تركض لتعتصرة بين احضانها...
- سالي بلهفه: كده ياقلبي تغيب عني كل ده اسبوع بحاله ماشوفكش فيه..
- ليث : سالي لو سمحتي بلاش الاسطوانه دي انا حر اجي وقت مااجي بمزاجي انا وافتكري انك مش مراتي فبلاش عقلك يصورلك انك هتكوني في يوم ..احنا بنتسلي بس لحد ماانا اقرر امتي نبطل التسليه دي وكله بتمنه ماشي ...
- بس انا بحبك وانت عارف كده كويس ، انت ليه مش حاسس بيا ، ده انا ببقي هتجن عليك في غيابك..
- ليث يبعدها بغضب : طيب واضح اني غلط لما طولت معاكي وجيت تاني ...
هب للذهاب وهي تحاول منعه بشتي الطرق ولكن لا حياة لمن تنادي فلا يوجد مخلوق علي وجه الارض يستطيع ان يغير رأيه، خرج ليث وهو يشعر بغضب شديد علي نفسه وحياته بل وعلي طفلته ايضا ، ركب سيارته واتجه الي قصرة فوجد كل الانوار مطفأه وعلم بأن الجميع قد نام ، كان يتجه الي غرفته ولكن اوقفه مشهد ذهل له وجعل الدماء تغلي في عروقه.
الفصل_الثالث..
ليث ..كان يتجه الي غرفته عندما اوقفه مشهد ذهل له وجعل الدماء تغلي في عروقه ... فها هو أحمد أخيه الصغير يخرج من غرفة كارمن والسعادة والراحه علي وجهه ، باغته ليث سريعا وامسكه من ملابسه ..1
- أنت كنت بتعمل ايه هنا؟؟ وطالع ليه من اوضه كارمن الساعه دي ؟؟
- أحمد وهو يكاد ان يموت خوفا : انا انا كنت بقولها علي حاجه بس يا ابيه..
شد علي ياقته اكثر بغضب و لم يعجبه جوابه ...
- حاجه ايه دي اللي بتقولها بعد نص الليل وفي اوضتها وكله نايم انت اتجنيت ..
ولم ينتظر ليسمع جوابه بل فتح بقوة غرفه كارمن ساحبا أحمد خلفه ليجد صفاء جالسه علي سرير كارمن ولا اثر لكارمن ف الغرفه ، أغمض عينيه واخذ نفس عميق حتي يهدأ قليلا وأفلت احمد من قبضته...
- ليث يحاول التحكم في اعصابه : ممكن اعرف ايه اللي بيحصل هنا ؟؟ وايه سر التجمع اللي بعد نص الليل ده وممكن اعرف موقفكم كلكم هيبقي ايه لو حد من الخدم شاف البية اخوكي بيتسحب وخارج من اوضه بنت خالته في الساعه دي ؟؟؟
- ردت صفاء وهي تكاد ان يغمي عليها من الخضه : والله ابدا مافيش يا ابيه احنا كنا بنطلب من احمد يوصلنا الكليه بكرة ، بس واضح ان عنده شغل هنروح مع السواق بقاا احنا اسفين يا أبيه معلش منقصدش ....
قرص ليث علي انفه ورفع وجهه للسقف وقبل انا يسأل عن مكان كارمن وجدها تخرج سريعا من الحمام مرتديه شورت قصير وبادي كات ضاقت عيناه وهو ينظر اليها من اصبع قدمها حتي رأسها وشعرها المنسدل علي كتفها وغرق في جمالها ولكنه ليس الوحيد من يلتهمها بنظراته ...
- أحمد اطلق صفير بجوارة : ايه الحلاوة دي يخربيتك يابنت اللظينه !!
التفت له ليث بغضب وخرج به من امام كارمن التي كانت تقف كالتمثال غير مصدقه لما حدث للتو و وخروجها بذلك الشكل ، لكن اكثر ما احيا دقات قلبها هي نظرات ليث لها ...
- كارمن لنفسها : انتي غبيه ليه كده معقول تخرجي بالشكل ده قدامهم ، بس هو بصلي ليه كده معقول يكون ؟؟ تؤ تؤ تؤ مستحيل انتي ولا حاجه بالنسبه ليه هو يعرف ستات احلي بكتير انتي طفله جنبيهم ،امم بس ممكن يكون حس بحاجه نحيتي ؟! وبعدين بقااا مانتي عارفه انه مش بيحب حد غير صفاء وماما واحمد ؛؛ بس اعمل ايه ف قلبي اللي مش بيبطل دق اول ما اشوفه، ده انا جسمي كله ساب يخربيتك يا ليث هتموتني ف يوم من الايام ....
- اخرجها من تفكيرها صوت صفاء : احيييه ابيه كان هيقفش كل حاجه احمدك يارب انها عدت علي خير ، انا رايحه انام ياختي تصبحي علي خير وخرجت دون ان تسمع رد كارمن عليها...
_
ترك ليث احمد بغرفته بعد ان افرغ فيه شحنه من غضبه علي ما قاله لكارمن وأكد علي كونها اخته مثل صفاء ولا يجوز له ان يتحدث بهذا الكلام السخيف لها و حذره من أقترابه منها مرة اخري او من غرفتها وعاد الي غرفته...
- ليث لنفسه : ضحكتني والله ياريت تقول الكلام ده لنفسك ياا يااابيه !! انت بتوقع نفسك في غلط كبير مش هتعرف تخرج منه خد بالك من تصرفاتك هتندم .... انت ليث السوهاجي يعني مفيش حاجه مهمه بالنسبه ليك وكله تحت رجليك وبفلوسك وتعبك السنين دي كلهااا..
ودخل الي الحمام ليرتدي ملابسه ويخلد الي النوم ، النوم الذي لن يراه الليله بعد رؤيته لها بهذا الشكل الذي اشعل النار بداخله وهدد بتحطيم ارادته وتحكمه في ذاته.....
_
استيقظت كارمن وكعادتها اخرجت صورة والديها من تحت وسادتها لتقبلهم وتترحم علي ارواحهم الغاليه وبدأت تستعد للذهاب الي الجامعه .... خرجت من غرفتها الي غرفه صفاء حتي تلح عليها بالاسراع ولكن اوقفها صوت غريب يأتي من غرفه ليث..هل تتجرأ وترا ماذا يحدث ام تذهب في حال سبيلها ،بالطبع استسلمت لقلبها واتجهت لغرفة ليث بعد سماعها لتأوهات وخبطات فاسرعت بفتح باب الغرفه...
كان ليث يمارس تمارينه الصباحية وزاد عليه تمارين الملاكمه التي يجد فيها ملاذ لإفراغ جام غضبه .. التفت لدي سماعه باب غرفته يفتح فوجد بريئته تنظر اليه بعينين واسعتين ووجه احمر كحبة الفراوله ...
- ليث باستغراب وهو يلهث : في ايه؟؟
- ا ا اانا اا ااصل انا افتكرت .. انا اسفه معلش انا همشي..
- استني عندك !! ايه دخلتي كده كأنها وكاله من غير بواب وبعدين تمشي من غير ولا كلمه ، ماتنطقي عايزة ايه ؟؟
- كارمن بتوتر: انا سمعت صوت غريب افتكرتك تعبان ولا حاجه او بتتعارك مع حد وكنت عايزة اطمن بس لقيتك بتلعب ملاكمه...انا نسيت انك نقلت الركن فوق ..
ليث وقد تذكر السبب الرئيسي للعبه هذا الصباح: انا مش بحب ابدا حد يدخل اوضتي وخصوصا انتي لا اوضتي ولا ازضه احمد مسموح ليكي انك تدخليهم من غير سبب او انه يخرج و يدخل اوضتك اصلااا المفروض انك واحده متربية ولا ايه ياهانم ،لازم تعرفي ان في حدود في المعاملة انتي مش صفاء ..
ها قد بدأت حرب كلماته لتنال منها ومن قلبها المسكين ، نظرت كارمن الي الارض وكادت ان تبكي ليس من آلم كلماته فقط ولكن خجلا من ضعفها وقلبها الساذج ايضا ...
- انا اسفه يا أبيه ....
بسرعه البرق ما ان انتهت من جملتها حتي امسك ليث بذراعيها بعنف وهو يجز علي اسنانة من شده الغضب ..
- قلتلك متقوليش أبيه دي انتي ايه مش بتفهمي ، ازاي انسانه متعلمه زيك وفي الجامعة وغبية للدرجه دي !!! ، اخر مرة اسمع الكلمة دي منك انتي فاهمه !....
انهمرت دموعها و هزت كارمن رأسها بعنف للموافقه علي كل بل أي شئ يقولة حتي تهرب من بين براثنه واصابعه التي تكاد تخترق عظامها ..
نظر لها ليث نظرة مطوله وهي تبكي وملامح الألم ظاهرة علي وجهها الصغير فاحس بقلبه يعتصر ، خفف من قبضته وشعر بها بين ذراعيه قريبة منه ولكنها ما لبثت ان فلتت من قبضته لتخرج من عرينه هاربه منه ومن نظراته و من قلبها اللعين...
مسحت دموعها واتجهت الي صفاء والحت عليها بالاسراع حتي انهم لم يتناولا وجبه الافطار وانطلقوا مع السائق الي الجامعة..
__
في غرفه فوزية......
كانت تستعيد ذكرياتها مع أختها الحبيبة رحم الله روحها ، والتي كانت ضحيه لألاعيب زوجها المتوحش وكيف خدع فوزية وحاول التفرقه بين والدي كارمن و هي كانت بيدق في لعبته دون ان تشعر ...
بكت كثيرا علي غبائها وبكت اكثر علي اولادها الذين عاشوا بلا حنان الاب وكتب عليهم ان يحملوا اسم هذا اللعين..
دلف ليث الي غرفة والدته ووجدها تبكي فزع و ركض نحوها وامسك بيدها ..
- مالك ياامي حصل ايه ؟؟ بتعيطي ليه انتي تعبانه ؟! حد ضايقك ؟ هتصل بالدكتور حالا..
اخرج هاتفه ولكنها اوقفته : مفيش داعي ياحبيبي متقلقش عليا انا بس افتكرت خالتك الله يرحمها وازاي كنت غبيه ، انا مش قادرة اسامحه او اسامح نفسي يا ليث ..
شعر ليث بألم والدته كيف لا وهو يعيش نفس الذنب كل يوم: خلاص يا امي اللي حصل حصل ده نصيب محدش بيقدر يوقفه ، انتي مالكيش ذنب هو السبب في كل حاجه ارجوكي يا أمي بلاش التفكير ده عشان صحتك ..كفايه الي حصلك من صدمتك...
فوزيه وهي تجفف دموعها : حاضر يابني...
- طيب يلا تعالي بقاا ننزل احسن انا هموت من الجوع ولازم ناكل سوا ..
- هههههه هو انا بجوع معاك..
- ليث بابتسامه :طبعا مش امي ..
اخذ ليث والدته الي غرفه الطعام وهناك وجد أحمد يأكل بشراسه وسعديه تنظر له بشفه مقلوبه ...نظر لهم بفم ممتلئ علي اخره وحاول ان يلقي الصباح عليهم ، هز ليث رأسه و لم يجد اثر للفتاتان...
- اومال فين صفاء و كارمن يا سعديه ...
- رد احمد سريعا : راحوا الجامعة يا ابيه عندهم محاضرة بدري..
- ليث هز راسه و هو يفكر بكارمن وبوالدته وكيف يريح قلبها ويسعدها ....
- ليث: بقولك يا أمي جهزوا نفسكم انهاردة علي المغرب هعدي عليكم نخرج نتعشي برا وبالمرة تغيري جو ..
- حاضر يا حبيبي ربنا يخليك لينا وو كنت عايزة اشتري شويه حاجات من المول للبنات ...
- شوفي الوقت اللي يريحك وهبعتلك السواق يخدكم انتو التلاته ياامي..
- ماشي ياحبيبي كتر خيرك..
ليث وهو يقف : عن اذنك بقا عشان ورايا شغل كتير يادوب الحق اخلصه قبل العشا ..
نظر لأحمد وهو مازال منزعج منه...
- يلا يا أستاذ أحمد قدامي..
- احمد: حاااضر يا أبيه ، مع السلامة يا ماما...
_
في الجامعة...
محمد شاب ابيض وسط البنيه وطويل نسبيا 20سنه : يلا يابني الله يحرقك هنتأخر
توفيق شاب اسمر في غايه الوسامه نفس طول محمد 20 سنه وزير نساء : أيه يابني مالك ماتهدي هو احنا هنتأخر علي ماية المحاياه ..
- تصدق انا غلطان اني مستنيك ، انا مش عارف اصلا انا مستحملك ليه..
- عشان البنات طبعا من غيري القعده هتبقي نشفه هههههههههه
- يخربيت دمك اللي يلطش ، انا عارف البنات بتحبك علي ايه!!
- طيب بالنسبه للبنات الموزة بتاعتك جايه هناك اهيه..
التفت محمد سريعا ليقع نظرة علي كارمن المتجهه مع صفاء نحو مكان المحاضرة ، سحب توفيق من يده وركض ورائهم..
- يلاا بسررعه ورايا خلينا نلحقهم
- يخربيت عبطك استني يابني هتوقعني؛ متبقاش مدلوق كده ..
- بالله عليك خليك في حالك بقااا وابعد عني..
جلست كارمن وصفاء في مكانهم المعتاد والقوا السلام علي اصدقائهم ...لحق بهم محمد وتوفيق وجلسوا بجوارهم
- محمد :احم صباح الخير ياانسه كارمن
- كارمن بلا اهتمام : صباح الخير...
دخل المعيد لاقاء المحاضرة والتفت الجميع اليه بانتباه ماعدا محمد الذي كان يحلم بكارمن ......
الفصل_الرابع..
في شركه السوهاجي ....
- ليث :خلاص كده يا أسماء اخر ملف ده ابعتي لاحمد يرجعه تاني وقوليله يتابع الاجراءات كويس ويخلص قبل الساعه 6 ، يعني كمان ساعه كل حاجه تبقي جاهزة ...
- حاضر ياليث بيه هروح فورا ، بس استاذ معتز قاعد مستني بره عايز يدخل لحضرتك...
- ومن امتي معتز بيستني برا ، روحي دخلي اما اشوف في ايه ...
- حاضر يافندم..
خرجت اسماء وابلغت معتز بالدخول..
معتز (انتيم ليث من الاخر) 29 سنه ابيض بعيون خضراء طويل وعينه زايغه : ليه كده بس انا ملحقتش اشبع منك..3
- اسماء بشئ من الضيق : اتفضل يا أستاذ معتز..
- ضحك معتز علي تعابير وجهاا : بيعجبني فيكي يا سوما انك بتستلطفيني موت
- اسماء وهي تلوي بشفتها :طبعا طبعا يافندم..
غمز لها معتز وانطلق ليلتقي بصديق العمر ....
- ايه يا عم المهم مفيش سؤال ولا جواب حتي طول مانا مسافر ده انت بتحبني اوي...
- ليث بابتسامه :معلش يامعتز انا معرفش اصلا انك كنت مسافر..
- معتز بعينين ضيقتين وغضب مصطنع : ياااه ده انا غالي عليك اووي ،للدرجه دي متابع اخباري..
- لا مؤاخذة يا استاذ معتز هو حضرتك خطيبتي ولا حاجه المفروض اتابعك ...
- ههههههه بعينك علي فكرة ...
ضحك ليث وتعالت قهقهته علي سخافه صديقه الحميم...
- المهم انت عامل ايه؟؟ و ابوك لسه تاعبك ولا حل عنك...
- ااااخ فكرتني ليه الحج كويس بس مصر اتجوز عشان يمسكني الشركه ، قال ايه عشان اتحمل المسؤليه...
- طيب ماهو عنده حق طول مانت ماشي ورا الستات مش هتمشي خطوة قدام..
دق احمد علي الباب ودخل ليجد معتز فالقي السلام عليه واعطي الملف لليث ليراجعه..
- معتز وهو يربت علي ظهر احمد : أيه يا ابو حميد كبرنا وبقينا نشتغل ؛ انا مش قادر اصدق اني شفت اليوم ده قبل ما اموت ..
- احمد بابتسامة غلاسه : ما انا قلت اشتغل بقاا عشان احققلك امنيتك قبل ماتودع ..
- ليث بنبرة حادة : احمد !! متنساش فرق السن اللي مابينتكم اتكلم بأدب..
- معتز وهو يضحك : سن ايه الله يكسفك ليه حق الواد يقولي لما تودع ...ماشي اخلع انا بقا عشان عندي معاد مع موزه ايييه سقع...
- احمد: هههههههههه يابختك.. نظر ليث له بحده فاوقفه عن الضحك..
- احم طيب يا ابيه خلاص كده تمام هنمشي عشان منتأخرش ولا حضرتك في حاجه تانيه؟
- لا تمام كده يلا نمشي ...
وخرج ثلاثتهم كلا منهم الي وجهته ....
_
- صفاء وهي تقفز في مكانها : بجد يا مامتي ربنا يخليكي لينا يااارب ده انا كنت هموت واخرج... وقبلت رأس والدتها
- ابتسمت كارمن : يابنتي انتي علطول هتموتي وتخرجي اصلا
- اخرجت صفاء لسانها لصديقتها : طيب شوفي مين هيديكي روايات تاني ...
- ايييه !! لالالا يا صوفي ياحبيبتي انتي مش بتحبي الخروج خالص
ضحكت فوزيه :ههههههه واضح انك مسيطرة يا كوكو
-اومال ايه ده انا كارمن بردو ...
دخل ليث واحمد علي صوت ضحكاتهم المتعاليه واحس ليث بأن روحه تعود اليه فضحكاتهم بمثابة موسيقي في اذنه....
- احمد:ايوة بقاا الناس المبسوطه من غيرنا .. قبل يد واته ورأس صفاء ويد كارمن مما ازعج ليث لكنه لم يرد ان يثير جلبه امام والدته ....
نظرت كارمن الي ليث نظراات خاطفه فبالرغم مما يحدث بينهم دائما و قساوته تجاهها الا ان قلبها يتمرد بشدة عندما تراه ليقنعها بانها تريد ان تطمئن عليه فقط ، نظرة واحده فهو راعي امرها....
- ليث :خرجتي يا امي اشتريته الحاجه اللي عايزنها ؟
- فوزيه : لا يابني والله راحت عليا نومه قلت اروح قبل العشا بقا لو يمشي معاك...
- اكيد طبعا ياامي اللي تؤمري بيه
- ربنا يخليك ليه ياحبيبي ، يلا يابنات البسوا بسرعه هنعدي ع المول قبل العشا وهنجيب كل حاجه نقصاكم...
- كارمن : حاضر يا ماما ...
- صفاء: اشطا يا ماما يا عسل ...
ذهب الجميع ليجهزوا ... وكان ليث اول الجاهزين خرج من غرفته و في هذه اللحظه خرجت كارمن ايضا من غرفتها التقت عيناهم فاحمرت وجنتيها وهرعت الي غرفه صفاء لتناديها بينما ابتسم هو علي برائتها ونزل ينتظرهم في مكتبه...
__
في المول
- صفاء بتأفف : يابنتي ارحميني بقااا بقولك اشتري واحده ولا اتنين ع الاقل ..
- كارمن بانزعاج وهي تعقد ذراعيها : لا يا صفاء انا مش عايزة حاجه مالكيش دعوة بيا...
- بقااا كده مااااشي يا كارمن هانم ابقي شوفي مين هيديكي روايه تانيه ،، يابتاعت حرام اغرم ابيه فلوس ...
- سمع ليث حديثهم فقرر التدخل : خلصتم يابنات ...
نظرت كارمن الي صفاء كتحذير بالا تخبره...
- صفاء بضيق : ايوة يا ابيه خلصت ...
- ليث وهو ينظر الي كارمن :بس انا مش شابف حاجه في ايد كارمن ، متأكده اشتريته كل حاجه نقصاكم ..
- كارمن بتوتر : ايوة انا مش عايزة حاجه من هنا هجيب من محل تاني ...
هز ليث رأسه وذهب الي مكان والدته ....
- صفاء : فعلا انتي غبيه ومش فهماكي بجد
- كارمن :اووف احسن بردو واتفضلي قدامي عايزة اروح الحمام .....
ذهب ليث الي حيث كانت الفتاتان واختار بعض الكتب ، دفع ثمنهم وخرج ووضعهم في تابلو سيارته...
_
- أحمد : لا بجد مش كده انا كنت هموت من الجوع ؛ انتو ازاي بيجلكوا قلب تعملوا شوبنج طول الوقت ده ..
- صفاء ببرود: زي ماحضرتك بيجيلك قلب تاكل البيت كله ...
- فوزيه : بس ياولاد عيب انتو مش صغيرين
- سيبيهم يا امي لو حاسين انهم اولاد صغيرين مفيش مشكله ونعاملهم زي الصغيرين كمان ويتعاقبوا لو حابين..
- نظر احمد وصفاء الي بعضهم بتوتر بينما كادت كارمن ان تموت من كبت ضحكتها ...
- ردو في وقت واحد : احنا اسفين يا ابيه...
- ليث : يلا كملوا اكلكم عشان نروح الوقت اتأخر
كان ينظر ليث الي كارمن كل دقيقه ... كانت تجلس بقربه و تلبس جيبة وبلوزه سماوي تبرز جمال عينيها و كان يلتفت بجانبه خوفا من ان ينظر لها احد سواه ...1
- ليث لنفسه: اهدي مفيش حد هيتجرأ يبصلها وهي معاك ، بلاش تضايق نفسك بافكار سخيفه..
انتهي العشاء علي خير وكان الجميع يشعر بالسعادة وذهبوا الي المنزل ...
- احمد وهو يتثاءب : يلااا تصبحوا علي خير انا مش شايف قدامي ..
- صفاء : وانا كمان هموت وانام خلاص ، يلا يا مامتي اوصلك اوضتك...تصبحوا علي خير جميعاا..
- يلا يابنتي تصبحي علي خير يا كوكو...
- وانتي من اهله ياماما.. انا كمان هطلع انام
كانت تنظر الي باب المنزل لماذا تأخر ليث ! هل خرج مرة اخري؟؟ لما لا هو يفعل ذلك طول 3 سنوات ويظن ان احدا لن ينتبه لافعاله في الليل ..شعرت بوخزة في قلبها فربما يحب فتاة ما او يراها فعلا ....
- كارمن لنفسها بعصبيه وغيرة: اكيد واحده سافله شبهه وبعدين انتي مالك تتحرق فوفا اكتر ماهي محروقه ...1
كادت ان تصعد عندما رأت الباب يفتح ويدخل ليث ، نظر لها ثم حولها فلم يجد احد فاقترب منها ... اتسعت عيناها وقررت الهروب ولكنه اوقفها قبل ان تتخد خطوة واحده وكأنه قد سمع افكارها ونداها بنبرته الأمره ..
- كارمن استني!
كارمن بصوت متقطع : نعم حضرت ت تك..
- الشنطه دي بتاعتك انا...
- قاطعته بسرعه : مش بتاعتي والله اكيد صفاء جبتها اطلع اندهالك اكيد بتا اممم....
وضع ليث يده علي فمها ليوقف كلماتها التي لاتتوقف ...كانت شفتاها الناعمتان اللتان تلامسا يده ووجها الاحمر سبب في ان يرفع يده سريعا حتي لا يفقد السيطرة بينما كارمن كانت علي وشك الاغماء من لمسته لها...
- ليث وهو يستجمع قواه: الحاجات دي انا جيبها ليكي...
- نظرت له كارمن بذهول: حضرتك جبتلي هديه !! ليه انا!!!
- انتي بتتكلمي كتير ليه خلاص جبتلك حاجات ،اطلعي نامي يلا عشان الجامعه بكرا...+
- كادت ان تذهب سريعا ولكنه اوقفها: كارمن !!
التفت كارمن له وهي تشعر بالسعاده فهي لا تصدق انه احضر هديه لها هي !!
- نعم
- خدي الشنطه الاول ..
- احم اه الشنطه ههههه ايه الذكاء ده هههه طيب انا متشكرة خالص فعلا يعني انا طالعه انام اهو ههههه...
ضحك ليث علي توترها وصعد خلفها ليذهب الي غرفته وهو يشعر بالسعاده لاول مرة منذ شهور....
الفصل_الخامس..
أغلقت كارمن الباب وسندت رأسها عليه ووضعت يدها علي قلبها الذي لم يهدأ حتي الان من السعادة الغامرة...
- كارمن بابتسامه واسعه: جبلي هديه الليث جبلي هديه ليه انا ههههههههه ...ظلت تتراقص حول غرفتها وهي تحتضن الشنطه وكأنها هو ، جلست علي سريرها وقررت رؤيه هذه الهديه الثمينه بالنسبه لها..
- كارمن لنفسها : مش مهم انتي جواكي ايه ! المهم انك هتفضلي معايا طول العمر ...
قبلت الشنطه وفتحتها لتجد 4 كتب كانت ستموت وتقرأهم لولا غباءها كما تقول صفاء.. فرحت كثيرا واحتضنتهم وقررت ان تقرأ جزء منها قبل النوم وكعاده هذا الجزء تحول الي اكتر من نصف الكتاب لتنام مع شروق الشمس وهي غارقه في عالم احلامها ....
_
في احد المنازل بحي بسيط...
- عادل : صباح الخير ياولدي ، عامل ايه دلوقتي؟
- كمال: صباح النور ياضنايا ،الحمدلله ابوك صحته بومب متقلقش..
- ههههههههه ربنا يخليك ليا ياابويا وتفضل بومب كده علي طول ، بس بالله عليك ماتدوخ الحجه معاك وتسمع الكلام وخليك مرتاح اليومين دول زي الدكتور ماقال..
- يابني الدكتور ده اصلا مش فاهم حاجه انا كويس وبعدين يعني هتفضل سايب شغلك عشان تشتغل مكاني كتير كده...
- عادل وهو يتذكر صفاء وابتسامتها : ايوة يا بابا بالله عليك سيبني اشتغل مكانك شويه دي الجنينه هناك تاخد العقل والروح..
- امممممم الجنينه بردك يا ضنايا ماااشي ، روح يابني ربنا يهديك لطريقك قوم عشان متتأخرش ...
قبل عادل يد والده ووالدته وذهب الي قصر ليث السوهاجي وهو علي امل ان يري ملاكه اليوم...
__
في قصر السوهاجي ....
استيقظت صفاء وخرجت الي شرفة غرفتها لتتأمل جمال حديقتهم وتتمتع بضوء الشمس فياله من يوم مشرق جميل ..
- صفاء لنفسها: جامعه ايه وقرف ايه ، مش هروح انا في يوم حلو زي ده ، شمس وجنينه ...دخل عادل القصر ليقطع افكارها و يبدأ عمله، نظرت اليه صفاء بنظرات اعجاب وخجل دون ان يراها ....
- هيييح واللي جوا الجنينه ، ههههههه اعقلي يخربيتك الراجل يشوفك ....
- ببببببببخخخخخ
- اااااه ... التفت صفاء بخضه الي قريبتها المجنونه التي تضحك بجنون وكأن خدعتها هي اكثر شئ ممتع في الحياة...
- كارررررمن هتموتيني في مرة علي فكرة ..
نظرت الي مكان عادل مرة اخري وجدته ينظر اليها ويبتسم ، خجلت واحمرت وجنتاها وانسحبت سريعا الي الداخل ومعها كارمن..
- كارمن ولاتزال تضحك : ايوة ياعم كنت سرحان في ايه ولا اقول في مين ..
- صفاء بتوتر : اييه قصدك ايه هاه هاه ...
- ههههههه مقصدش ياختي ، بس كيوت اووي الجنيني الجديد ده...
-بس يابت انتي متعصبنيش ، مش كيوت ولا حاجه ماهو عادي اهوه...
- ضحكت كارمن بخبث : اه ماهو باين عشان كده قفشتك وانتي بتاكليه بعنيكي هههههه...
القت صفاء الوساده في وجه كارمن ولكنها غابت في الضحك معها فهي لاتستطيع ان تخفي مشاعرها ومابداخلها عن قريبتها بل اختها المجنونة ....
- بس ايه رأيك موز اوي يخربيته ....
- هيييييح وايه كمان ...
- ههههه هو انا بحكيلك حدوته...
- ماشي ياختي اتريقي ، بس خدي بالك اخوكي يحس هيبقي اخر يوم ف عمرك وعمره ...
- ايه يابنتي الاوفر ده انتي محسساني انه عشيقي يعني ، انا مكلمتوش غير مرة اصلا وشفته 7مرات وهو شافني 3 مرات يعني مش حاجه...
- ههههههههههههه يخربيتك لا واضح انه مش حاجه الحقيقه...
- ههههههههههه يلا ياسوسة قدامي عشان نفطر في الجنينة واعملي حسابك نوو جامعه انهارده الجو حلو مش ناقص نكد..
- كارمن بخبث واضح : ايوه نفطر ف الجنينة عشان الحلو اقصد الجو الحلو...
قرصتها صفاء حتي تخرسها ، فضحكت كارمن ونزلت الفتاتان ليستمتعا بيومهم....
_
في منزل اخر ....
- محمد : ياماما انتي فين بقا ، انا جعت اووي
- والدته :طيب يامفجوع جايه اهوه اتهد
- هههههههه ماشي ماشي اشتمي
- اتفضل ياسيدي الاكل اللي هتجن عليه
جلست معه علي الطاوله وشرعا في الاكل....
- والدة محمد بخبث: امممم ايه رأيك ف بنت طنطك سميحه
- محمد بنسيان مصطنع :طنط سميحه مين
- ولاه انت هتستعبط..
- مش انتي يا ماما اللي بدأتي ، ضربته علي كتفه ونظرت له بانزعاج...
-ولد اتلم وخلصني ايه رأيك فيها ، البت جمال وادب وحسب ونسب والف من يتمناها ...
- محمد بضيق: بس انا مش منهم بقا معلش يا ماما نصيبها هيجي بس بعيد عني ،عشان انا مستحيل اتجوزها...
- ياسلام ليه بقا ان شاء الله ، اكيد في واحده لايفه عليك ومستعبطاك...
- اييييه يااامي اللي بتقوليه ده هو انا عيل صغير ، بس هو في واحده فعلا بس متقلقيش مش معبراني اصلا....
- نعم ومتعبركش ليه هي تطول اصلا ده انت قمر ومؤدب و...
- قاطعها محمد ضاحكا :حيلك حيلك القرد في عين امه غزال...
راودته فكرة واغتنم الفرصه ،امسك يد والدته ونظر اليها
- ماما ماتخطبهالي ونبي
- امممم طيب مش اعرف مين الاول
- واحده معايا في الجامعه اهلها متوفين بس عيلتها اغنيااا اوي بس ايه ياامي قمر قمرررر
- ههههههه ماشي مانت بردو ابوك مش قليل ياحبيبي في البلد ، خلاص خد معاد معاهم ونروح لهم
- محمد بلهفه وهو يقبل يد والدته غير مصدق موافقتها السريعه : ربنا يخليكي ياامي حالا هكلم قريبها واخد معاد معاهم
__
- أحمد يتحدث علي الهاتف :طبعا فاكرك ،تشرفنا ف اي وقت .. اكيد ...اه تمام هقول لابيه بكرة الساعه 7 ..
- احمد لنفسه : كبرتي يابت ياكارمن وهشتغلك خطبه هههههههههه ، اما اروح اقول لابيه..1
- دخلت اسماء مكتبه : استاذ احمد ، ليث بيه بيقولك تابع الاجتماع بداله عشان خرج مع عملاء مهمين جدااا واحتمال يتأخر وعايزك تتابع مكانه
- أحمد :ماشي ، شكرا يا اسماء
خرجت و تأفف هو من هذا العبء ، متي تنتهي هذه المهمه حتي يعود لحياته الهادئه ....
_
كانت كارمن تتمشي بالحديقه وتراقب عادل بطرف عينيها وبينما يستمر هو بعمله وكأنه لا يشعر بنظراتها تخترقه ..1
- عادل لنفسه : مركزه اوي واضح اني مش لوحدي اللي واقع ،بس معقوله تبصلي ولا انا الشمس لعبت في دماغي الفترة دي ولا ايه.....
- صفاء لنفسها :ايه البارد ده !!! بيتعمد ميبصليش ولا ايه ، ده ولا كأني موجوده في الحياة اصلا اووووف...
تعمدت هي تمر بجانبه ان توقع وردة كانت بيدها ضمن مجموعه من ورود قطفتها.. فناداها هو تلقائيا قبل ان يشعر بانه وقع في الفخ..
ابتسمت صفاء لنفسها اذا هو يراقبها مثلما تفعل هي تماما ولكنه يتظاهر بالثقل ... حسناا انت بدأت يا هذا !!
- صفاء بلامبالاه مصطنعه : نعم في حاجه ؟؟
- احم لا بس الوردة بتاعتك وقعت ، اتفضلي يا هانم...
- ااه شكرا مخدتش بالي خالص ميرسى ، و علي فكرة انت ممكن تقولي صفاء عادي مش لازم هانم دي ...
- حاول عادل الا يبتسم من موقفها :ازاي يعني يا هانم..
- صفاء ولا تعرف بماذا تبرر كلماتها : اصل انا مش كبيرة اوي احنا في سن بعض تقريبا
- ايه ده فعلا انا كنت فاكر حضرتك كبيرة عن كده....
- اتسعت عيناها بذهول :نععععم ازاي انا شكلي كبير كده ؟؟؟ لا خالص علي فكرة انا 20 سنه الا كام شهره ماشي انت اصلا شكلك بتاع 30 سنه ويمكن اكتر بكتير كمان....
- عادل ولا يستطيع ان يكبت ضحكته اكتر من ذلك : ههههههههههه انا بهزر علي فكرة حضرتك واضح انك صغيرة طبعا وجميله جدا اصلا ...
خجلت صفاء من مدحه لها فهي غير معتاده علي مجامله الجنس الأخر لها...
- احم وانا كمان بهزر انت مش 30 انت قدي صح
- ههههههه لا هخيب امل حضرتك انا مش 30 ومش 20 انا ف النص 25 سنه....
كانت صفاء تشعر بسعادة وخافت ان تكون عيناها واضحه وسهله القراءه كالكتاب المفتوح ....
- العمركله ان شاء الله ، عن اذن حضرتك هطلع انا عشان اسيبك و تشتغل و كده..
- تمام ....مع السلامه
ابتسمت له وذهبت الي الداخل وهي تلتفت لتختطف نظرات قبل ان يغيب عن عينيها...
- صفاء لنفسها :احيه انا طبيت ولا ايه ...اتقلي كده يابت ههههههههه1
_
فوزيه كانت جالسه تقرأ القرآن واحست بالنعاس ، أغلقت المصحف وقبلته واعتدلت علي الفراش لتنام ولكنها كالعاده بدأت في تذكر ماضيهاا
###########################
فلاش بااااك......
كانت فتاة صغيرة تلعب ولم يعر لها انتباه فهي اخت زوجته الغنيه ويجب ان يعتني بهما ليحافظ علي مكانته...
- فوزيه :هاا يا ماجد قلت ايه ؟؟
- ماجد بتفكير : انا هبعتها المدرسه الداخلية دي يافوزيه و كمان 4 سنين هتدخل الجامعه من هناك هي هتستفيد اكتر بالطريقه دي..
- بس انا مش هقدر علي فراقها دي اختي الوحيدة وصغيرة...
- ياحبيبتي افهمي بس كده احسن انتي عارفه اني بحب رقيه زي اختي بالظبط وعايز مصلحتها واكيد مش هضرها يعني...
نظرت فوزيه الي اختها وهي تلهو وشعرت بالبكاء ولكنها وافقت علي ارسالها فزوجها الحبيب يعرف الصح من الخطأ اكثر منها...
تابعووووني للروايات الكامله والحصريه
انضموا معنا على تليجرام ليصلكم اشعار بالروايات فور نزولها من هناااااا
تعليقات
إرسال تعليق