رواية وردتي السوداء الفصل الحادي عشر والثاني عشر والثالث عشر بقلم سميه عامر حصريه وجديده علي مدونة النجم المتوهج للروايات والمعلومات
 |
الفصل الحادي عشر
ازاي هيجيلك قلب تعمل كده تبعد ام عن عيالها ارجوك خليني اقابلك و هنتكلم
- مفيش كلام خلاص
قفل و رجعت هي تعيط
عدى اسبوع كامل وهي مبتاكلش و الدكتورة كل يوم عندها
و اتفاجئت بيوسف : نورين لازم تسافري
بصتله بتعب و مكانتش شايفاه من كتر العياط
- نورين عيالك قاطعين اكل و لازم تسافري
استوعبت كلامة و قامت معاه بسرعة وهي بلبس البيت ركبو العربية ووصلوا للمطار
نورين : هنسافر فين ؟
يوسف : ايطاليا
- ولادي في ايطاليا
يوسف : نورين انا مينفعش اقولك اي حاجه و حتى عبدالملك ميعرفش اني قولتلك
اتعصب و علت صوتها : كنتو هتستنوا لحد عيالي ما يموتوا
- متنكريش انك انتي اللي عملتي كده لما فكرتي في نفسك
سكتت و مردتش نزلت دموعها وصلوا و خدها يوسف لبيت عبدالملك و اول ما فتح الباب جريت على جوا لحد ما وصلت لصوت عيالها من صوت عياطهم
خدتهم في حضنها و فضلت تعيط
عبدالملك بعصبية : ازاي تجيبها هنا
يوسف : حرام عليك انت متعرفش حالتها كانت عاملة ازاي كانت هتموت
- اسكت مسمعش صوتك و اول ما تنزل ترجعها
نورين وهي نازلة راسها في الأرض : انا مستعدة اعمل اي حاجه بس افضل معاهم ارجوك
بصلها بطرف عينه و قلبه وجعة على شكلها بس مبينش ده
- موافق لحد ما يكبروا شويه و يتعودوا على الاكل
طيب ممكن نتكلم ؟
- لا مش ممكن
يوسف : طيب احم انا جعان جدا ممكن اكل بيتزا أو باستا اي حاجه مش احنا في ايطاليا برضو
طلعت نورين و سابتهم فضلت طول اليوم نايمة جنب ولادها و مصحيتش غير على صوت الخدامة مطلعالها الاكل
قعدت تاكل و كانت اول مرة تاكل بشراهه كده عشان لاحظت أن قوتها مش كافيه تغذي اولادها
دخل عبدالملك عليها فجأة لقاها خلصت كل الاكل و بتطلب من الخدامة تجيبلها فيتامينات معينة و عصير فريش
- شايف انك اتعودتي بسرعة
انا بس بحاول اعوض ضعفهم و هما بعيدين عني
ضحك باستهزاء : صح و يوم ما جيتلك البيت و خدتك المستشفى كنتي رمياهم عند جارتك
بصتله بتعب : كنت لوحدي و كان عندي نز"يف كان لازم اروح المستشفى
- كنتي لوحدك عشان انتي عايزة تبقي لوحدك
خلينا ننسى اللي حصل و نبدأ من جديد ارجوك كفايه كده
ابتسم بسخرية : للاسف جيتي متأخر بعد ما خلاص خطبت و هتجوز
برقت وقامت وقفت و قربت منه : خطبت ؟
مسكته من ياقته و عيونها دمعت : انت متقدرش تعمل فيا كده انت بتحبني حتى لو مقولتهاش انا عارفة من عيونك من دقه قلبك و انا في حضنك
حس عبدالملك وقتها أنه قلبه هيطلع من مكانه
قربت عليه اكتر و باسته وهي بتشهق من العياط و بعدت تاني : انا بحبك ..
شدها عليه و باسها وهو بيضمها ليه اكتر و فجأة بعد عنها وهو مغمض عينه : مبقاش ينفع
عيطت اكتر و مسكت أيده حطتها عند قلبها : سامع انت اعز على قلبي مني ، قلبي اللي ممكن في لحظة يقف عشانك .. قلبي اللي استحمل تعبي كل ده مش هيقدر يتحمل أنه يشوفك مع غيري ولا ثانيه
حط راسه على رأسها : انتي اللي عملتي فينا كده
وهما في لحظة صمت خبط الباب و دخلت واحده شعرها اسود و طويلة عيونها خضرا : انا اسفة بس الولاد وحشوني
نورين : انتي مين و ازاي تدخلي من غير استئذان
ليلى : انا .... احم ولا قولها انت يا حبيبي
عبدالملك بحزم : اطلعي برا لحد ما اجي
خرجت و فضلت نورين مستنية جواب منه
- دي تبقى خطيبتي .......
خطيبتك ؟؟
طيب و انا .. انت فعلا هتتجوز عليا ؟!
لف ضهرة بعد ما سمع صوت ابنه بيعيط : شوفي عيالك احسن
خرج و سابها دموعها على خدها
نزل ل تحت
- مين قالك تطلعي بالمنظر ده
ليلى : يوسف قالي ان ام الاولاد جات حبيت اتعرف عليها
- اياكي تعمليها تاني و تقربي منها فاهمة ؟
خلاص حاضر اسفة
- اتفضلي روحي دلوقتي و انا هكلمك في التليفون
بس انت وحشتني خلينا نخرج انهاردة
- موافق هعدي عليكي على ٨ تكوني جاهزة
ابتسمت و مالت عليه عشان تبوسة بس بعد عنها : قولتلك انا راجل شرقي محبش الكلام ده قبل الجواز
- اه اسفة تاني هستناك بليل يا حبيبي باي
خرجت ليلى و قعد عبدالملك يفكر في نورين و عياله اللي سماهم من غير ما ياخد رأيها حتى
نزلت نورين و باين عليها انها كانت بتعيط
قعدت على الكنبه : الخدامة نادت على عيالي بإسم نيرة و نورالدين ، ايه الاسامي دي انا مش عاجباني
ابتسم بسخرية: انتي مين عشان تعجبك أو لا ؟ احمدي ربنا انك هنا معاهم دلوقتي
اتعصبت و قامت وقفت قدامه : طيب رجعني مصر انا و عيالي
- بمزاجي لما يجيلي مزاج هنرجع
طلعت اوضتها مع عيالها و قفلت على نفسها و عدى اسبوعين و كل يوم كانت بتشوفه و هو خارج مع ليلى الشئ اللي خلاها تموت من الغيرة و الحزن
بدأ شكلها يتحسن و يرجع احلى من الاول
لبست فستان نبيتي و حجاب صغير و اخدت ولادها و الخدامة و قررت تنزل تتمشى في ايطاليا بما ان عبدالملك مش موجود و مش فاضيلها
اتصورت كتير مع عيالها و نزلت الصور انستا وهي مبسوطة
بس فجأة لقيت تليفونها بيرن : انتي فين ؟
- هيفرق معاك ؟
انتي فييين
- برا خرجت مع ولادي بفسحهم
ارجعي البيت دلوقتي
- انت شوفت الصور اتغاظت صح قول قول
قبل ما يرد قفلت في وشه بس فجأة لقيته قاعد في كافيه قدامها و ليلى قاعدة معاه
عيونها دمعت بس اتمالكت نفسها و راحت ناحيتهم : معلش لأكون ازعجتكم ، حبيبي انت كنت قلقان على ولادك صح ؟ يلا خدهم بقى خلي بالك انت منهم انا مش فاضيه
ليلى : مين دي .. هي دي نفسها مراتك هي ازاي بقيت حلوة كده دي عمليات تجميل
نورين بغيظ : كله طبيعي
عبدالملك : ارجعي البيت مع الولاد و انا جاي
- ارجع لوحدك ، ولادك معاك اهو انا هتفسح
مشيت من قدامهم
قام عبدالملك و شاور للخدامة: خدي الاولاد للبيت و انا جاي
ليلى : انت هتسيبني ؟
- اه هبقى اكلمك بليل سلام
سابها و مشي ورا نورين اللي فضلت مستمتعة و ملاحظتش أنه وراها
وقفت عشان تشتري ورد و قرب منها شاب ايطالي و كان باين عليه أنه معجب بيها
كلمها بالانجليزي : انتي جميلة جدا
اتخضت و رجعت لورا : شكرا
قرب منها الشاب تاني : ممكن اخد تليفونك
فجأة لقى قدامه عبدالملك اللي حط أيده على وسطها : انا زوجها
اتحرج الشاب و مشي
بعدت نورين ايديه عنها : انت جيت ورايا ازاي و ليه سبت الهانم
- يلا نرجع البيت
مش هرجع
قربت عليه وهي بتدلع و حطت ايديها حولين رقبته : تعالى دلعني شويه
ابتسمتله بخبث و مسكت أيده و حطت راسها على كتفه و فضلوا ماشيين لحد ما وصلو عند بحيرة و بصت في عيونه : انت متقدرش تتجوز عليا
ضحك بخبث : ليه بقى
- انت عارف ليه
كانت هتمشي بس شدها عليه من وسطها : هو انا قولتلك قبل كده ان عيونك حلوة
ضحكت بخجل : لا
- و ضحكتك احلى
بعدت عنه وهي بتضحك : مفيش في قلبك غيري انا عارفة
فضل واقف مكانه : بس انا هتجوزها بعد اسبوعين
اتصدمت و فضلت واقفة مكانها مش عارفة تفكر ولا تعمل اي حاجه .. روحت البيت في هدوء وهي مبتتكلمش
.....
بعد اسبوع
دخل عبدالملك اوضتها هي و الاولاد بس مكانتش موجودة
رن عليها ألف مرة مبتردش و رن على يوسف قاله أنها مش معاه
نزل بسرعة يراجع كاميرات المراقبة لقاها خارجة و معاها الاولاد و بتبص في الكاميرا و بتدفن حاجه في الجنينة
جري على الجنينة و حفر مكان ما حطت لقى ورقة
- عبدالملك اتمنالك حياة سعيدة معاها بس من غيري انا و الاولاد و اوعدك مش هتشوفني تاني بحبك ..........
عدى ٤ سنين و نورين مختفية
كان عبدالملك زي المجنون و كل ما مدة اختفائها بتزيد كل ما بيتجنن اكتر و اكتر أسلوبة بقى اقسى من الاول حتى تعامله مع اللي حوليه كل حاجه فيه اتغيرت ، كان مستني بس اي ثغرة توصله ليها خصوصا انها سرقت مبلغ كبير لما هربت و مش هتكون محتاجه لفلوس لفترة طويلة
.....
في جانب آخر
روح مامي يلا نحضر الفطار
- يلا يا مامي بس نور نايم
نور الدين من وراها : اسمي نور الدين و مبحبش حد يلغبط في اسمي
- بس انا ملغبطتش انت مش بتفهم نور احلى اصلا
نورين : مش كل شويه خناقات بقى يلا يا روحي عندنا مشاوير كتير
نيرة بخجل و حزن : مامي بس انا لسا محطتش روج عشان ابقى حلوة زيك
- يا عمري انتي
شالتها و فضلت تبوس فيها : انتي جميلة لوحدك
- بس مس شبهك
اوووه يعني العيون الخضر دي و الشعر الاشقر اللي شبه بابا
- و هو فين سي بابا ده انا لما اشوفو هضر"به
نورالدين : بابا ده اكيد كبير و هو اللي هيضر"بك عشان انتي رخمة
زعلت نورين من كلامهم و افتكرت عبدالملك اللي اكيد متجوز دلوقتي و عايش حياته و مش فاكرهم
خدت ولادها و خرجت عشان وعدتهم توديهم الملاهي
......
كان قاعد و ليلى جنبه : و بعدين مش كفاية كده .. عمرها ما هتظهر
- قولتلك الف مرة و انتي جنبي متنطقيش و يلا قومي امشي روحي
اروح فين انا لسا وأصله من القاهرة انت ليه مش قادر تستوعب اني بحبك كل السنين دي و انا بحاول معاك انك تنساها
قام و شدها من ايديها : محدش اجبرك انتي اللي فضلتي
شدت ايديها منه و فضلت تعيط : انا راجعة القاهرة على العموم انا موجودة وقت ما تحب تعالالي
خرجت وهي حزينة جدا و قعد هو يكمل اكل ولا كأن حصل حاجه
...
خلصت نورين لعب مع ولادها و رجعت للبيت وهي مبسوطة و هما كمان مبسوطين اخدتهم عشان ينامو و مسكت تليفونها و اتصدمت لما لقيت خبر موت جوز خالتها و جد عيالها
فضلت تعيط طول الليل من غير صوت و كانت حزينة عشان مش هتقدر تبقى جنب جوزها في حزنه
نامت بالعافيه بعد عياط طويل و صحيت الصبح قبل ما ولادها يصحو و قررت تتصل على خالتها تعزيها
طلعت رقمها و اتصلت
سحر : الو
خافت نورين ترد و قفلت السكه بسرعة
وصلت المربيه عشان تقعد مع الاولاد عشان نورين وراها شغل
خرجت بعد ما ودعتهم و راحت شغلها وهي حزينة
......
سحر : سيف شوفلي كده رقم مين ده
مسك سيف التليفون و خد الرقم عنده و شاف الواتس اللي على الرقم و اتخض من صوره نورين على الواتس و جري بسرعة اتصل باخوه اللي عرف أن الرقم ده سويسري
.....
رجعت نورين على البيت و اول ما دخلت جري عليها نور الدين و حضنها : مامي وحشتيني
- انت اكتر يا حبيبي اكلت ؟
لا يا مامي كننا مستنينك
- طيب يا قلب مامي هغير و اجيلك نعمل اكل
خلصت لبس و نزلت تحت لقيت تليفونها بيرن
ردت بالانجليزي
- مين
لقد طلبتي بيتزا يا سيدتي ولكن العنوان لم يكن موضح
ضحكت نورين و نادت على نور بالعربي : كده تطلب من ورايا مااااشي يا عمري
قالتله العنوان و قفلت و جريت وراه ابنها : كده تطلب بيتزا من ورايا
- بس .. بس انا مطلبتش يا مامي يمكن نيرة
نيرة بحزن : بس انا مش بحب البيتزا
اتخضت نورين و حست بالرعب و جريت بسرعة اتصلت على الرقم تاني بس لقيته مقفول
نورين بخوف : حبايبي البسو بسرعة لازم نخرج
بعد ربع ساعة كانت ماسكاهم في ايديها وهي بتترعش و فتحت الباب و نزلت في الاسانسير اللي كان شفاف و شافت عيون عمرها ما تقدر تنساها
عبدالملك اللي كان طالع يجري على السلم بس اول ما بص على الاسانسير عينه اتسمرت و هي في عيونها و الاسانسير نازل .......
