رواية حسناء الأدهم الفصل الحادي عشر والثاني عشر والثالث عشر والرابع عشر والخامس عشر والأخير بقلم منال عباس حصريه وجديده
 |
رواية حسناء الأدهم الفصل الحادي عشر والثاني عشر والثالث عشر والرابع عشر والخامس عشر والأخير بقلم منال عباس حصريه وجديده
11
بعد اعتراف الادهم ل حسناء بحبه وهو يلبسها خاتم الخطوبه وفرحة حسناء بذلك واعترافها هى أيضا وسعادة الجميع …
تذهب ثريا إلى السيدة نجوى والدة الادهم
ثريا : مبروك يا نوجا بسم الله ما شاء الله
أدهم عرف يختار
نجوى : أيوة الحمد لله حسناء بنت طيبه وتدخل القلب
ثريا بتأثر : فعلا زى مامتها بالظبط الله يرحمها حتى ملامحها واخده من امها كتير
نجوى باستغراب : هو انتى تعرفى مامتها منين ..؟
ثريا : حسناء تبقي بنت اختى سمر الله يرحمها …
نجوى : معقول انتى اتاكدتى من كلامك دا وكمان سمر توفت !!
ثريا : أيوة زاهر من خلال اسمها اتصل باصدقاء ليه وعرف اسم الام دا غير كلام أدهم والصورة
نجوى : هو كمان أدهم يعرف ..
شعرت ثريا بالحرج فكانت تظن أن السيدة نجوى تعرف ما حدث
ثريا : اسفه بحسبك عارفه
نجوى : واضح انى اخر من يعلم …
ثريا : لا ابدا انا لسه عارفه النهارده والموضوع الكل اتفاجئ بيه حتى حسناء لسه ما تعرفش حاجه
نجوى : طيب تمام ربنا يرحم سمر ويعوض فى بنتها …بس دى قصه غريبه بجد
ثريا : عندك حق .. بس انا ليا طلب عندك
نجوى : طبعا تؤمرى يا ثريا احنا اكتر من اخوات وعشرة عمر
ثريا : بصي بعينيكى وانتى تفهمى وأشارت باتجاه زاهر وريم
لتجد نجوى أنهم يضحكون ويبدو عليهم أنه يوجد شئ يربطهم ببعض..
نجوى : اها فهمت . بس انتى عارفه ان ريم لسه صغيرة وزاهر كبير عنها ..
ثريا : ما هو نفس الحال مع بنت اختى حسناء صغيرة وادهم اكبر منها واكبر كمان من زاهر
دا غير أن زاهر لسه ما دخلش دنيا …
نجوى : فى ايه يا ثريا مالك احتديتى بالكلام كدا ليه …. انتى بتطلبي ايد ريم ولا بتتخانقي ..
ثريا : ابدا بس استغربت ردك .. انا فكرت أنك اول واحدة هتوافقى وخصوصا اننا أهل زى ما بتقولى
نجوى : اكيد هوافق أهدى بقي وناخد راي ريم ورأى أدهم ..
بس نعدى الخطوبه وبكرة نتكلم ..
ثريا : تمام يا حبيبتى
عند خالد
يذهب مرارا إلى نفس المكان ….ليعرف اى شئ عن صفاء واخيرا أخبره ذلك الشاب أنها سافرت القاهرة لتقيم هناك وتسكن فى شارع قصر النيل بوسط البلد .لكن لا يدرى فى اى مكان او شقه بالظبط
فرح خالد ظنا منه أنه قد اقترب لاكتشاف الحقيقه ..
عند صفاء
تمت إجراء بعض الاشعات لصفاء وقرر دكتور حازم بوضع قدمها فى الجبس ..
قام بعمل الجبس للسيدة صفاء ..
صفاء : شكرا يا دكتور ينفع اخرج النهارده
حازم : ينفع بس كنت حابب تقعدى معانا يومين ولا حاجه ..
صفاء : باستغراب ليه هو فى حاجه تانى
حازم : لا ابدا يا ماما صفاء ..
بيسان : بس يا ماما هتخرجى ازاى وحركتك مش عارفه هتقدرى تنزلى لتحت ازاى وتركبي العربيه
حازم ووجد أنها فرصه : انا هكون معاكم علشان اساعد ماما صفاء ما ينفعش اسيبكم لوحدكم ..
صفاء : كدا هنتعبك يا ابنى وهنعطلك …
حازم : بس انا حابب اشرب عندكم القهوة يا ماما ونظر ل بيسان
صفاء : تنور يا حبيبي
عند طارق
وبعدين معاكى يا حنان انسي البنت دى هى ما آذتكيش فى حاجه والمكان فضيلك
انا دورت عليها كتير بس مالقيتهاش .. انسي بقي وعيشي حياتك …
حنان محدثه نفسها : البت دى وراها سر ولازم اعرفه كفايه انى خسرت خالد بسببها ..
طارق : يا حنان بكلمك
حنان : انا مستغرباك يا طارق المفروض انك زمان كنت معجب بيها وكمان بعد اللى حصل منك معاها المفروض انت اكتر حد يدور عليها ..
طارق بارتباك : ما انا. انا دورت هعمل ايه بس
حنان : تدور عليها لحد اخر نفس فيك وكله بحسابه يا ابن ابويا …
عند أدهم
انتهت حفله الخطوبه وودع المدعوين العروسان
أدهم وهو يمسك بيد حسناء
حسناء تعالى عايزك المكتب
ليذهبا سويا ..
يدخل كلاهما المكتب ويغلق أدهم الباب
حسناء : بتقفل الباب ليه
أدهم وهو يقترب منها : انتى خايفه منى يا حسناء
حسناء : لا بس ولم تكمل كلمتها لتجد الادهم يضمها ويدخلها بين ذراعيه يكاد أن يدخلها بين ضلوعه …
أدهم : عايزك تثقى فيا ومهما يحصل خليكى على ثقه انى عايش لحمايتك انتى وماما وريم وميان فى حمايه الادهم واطمنى انا على وعدى ليكى ..
هكون زى ما اتفقنا اخوات ل حد ما توصلى للسن القانونى وقتها هطلقك وتعيشي حياتك زى ما تختارى …
حسناء : بس انا خلاص اخترت
نظر لها أدهم وتلاقت العيون فى نظرات تبيح وتعلن ما يكنه القلب
حسناء : انا اخترت اكون حسناء الادهم للابد
انت كل عائلتى وحياتى ملك ايديك ..
قبلها أدهم بشغف ..
أدهم : اتمنى اشيلك واحطك بين ضلوعى بس ننتظر تخلص ثانويه عامه وبعدها نشوف بس اعملى حسابك تكملى 18 وهنعقد القران واطمنى مش هشغلك عن دراستك
اكمل أدهم اه صحيح نسيت اقولك هتبدأى دروسك من بكرة انتى وريم
حسناء بطفوليه : فى واحده لسه مخطوبه تانى يوم تاخد دروس
أدهم بضحك على طريقتها ؛: حسناء الادهم لازم تكون متفوقه كعهدها ..
ويلا اطلعى استريحى ميان منتظراكى من بدرى مش بتنام من غيرك
حسناء : تصبح على خير
أدهم : وانتى كل الخير ..
وما هى دقائق حتى دخلت نجوى ل أدهم
نجوى : أدهم انت مقتنع ب اللى بتعمله دا
أدهم : ايه اللى بعمله
نجوى خطوبتك من حسناء انا مش بعيب فيها هى البنت واضح انها متربيه ..
بس والدتها هربت يوم زفافها وكان ليها قصه وكلام الناس .
أدهم : انتى عرفتى ..
نجوى : أيوة ثريا حكت ليا بس انا خايفه الماضى دا يأثر عليك وعلى حياتك
أدهم : اطمنى البنت دى اتظلمت وانا كمان اتظلمت ويمكن ربنا حطها فى طريق علشان نكون عوض لبعض ..
نجوى : فكر يا ابنى قبل ما تاخد اى خطوة .. كمان عايزة اقولك أن ثريا طلبت ايد ريم ل زاهر
أدهم : وقد فهم أن وضع أخته وزاهر ك وضعه هو وحسناء ..
أدهم : المهم رأى ريم ..
نجوى : زاهر ما يتعيبش بس فرق السن عموما ربنا يقدم اللى. فيه الخير ..
شعر أدهم بوخذة فى قلبه خوفا أن يكون ظلم حسناء بتلك الخطبه فهو أيضا اكبر منها …
نجوى : شكلك سرحت يلا تصبح على خير
أدهم : وحضرتك من اهل الخير …وينام الجميع
وياتى الصباح على ابطالنا
عند صفاء
يساعدها حازم وأحضر كرسي متحرك لها
ويذهب معهم لايصالها ..
حتى يصلوا إلى شقتهم بالطابق الأول
يساعد السيدة صفاء هو وبيسان حتى يضعها فى السرير..
صفاء : تعبتك اوووى معايا يا ابنى
ونظرت ل بيسان خلى الخادمه تجهز الفطار والقهوة بسرعه
بيسان : الخادمه فى اجازة وتنظر لوالدتها باستغراب فهى محرجه من وجود حازم معها ..
حازم : خلاص انا احضر الفطار وانتى عليكى القهوة
صفاء : وهى تنظر له بإعجاب فقد رأت نظرات الإعجاب منه لابنتها وفهمت مقصده : طبعا يا حبيبي .روحى يا بيسان معاه وحضروا الافطار..
تذهب بيسان معه وهى ساكته من الخجل
حازم : بيسان من غير لف ودوران أنا معجب بيكى وعايز اعرفك اكتر وأمسك بيدها ..
بيسان : انا كمان .
حازم : انتى كمان ايه ……..
12
حازم وهو يحاول التقرب من بيسان بأى طريقه
حازم : انا هحضر الفطار وانتى عليكى القهوة .
صفاء وهى تنظر إليه باعجاب فقد فهمت مقصده : طبعا يا حبيبي روحي يا بيسان معاه وحضروا الافطار …تذهب بيسان معه وهى صامته من الخجل ..
حازم : من غير لف ودوران أنا معجب بيكى وعايز اعرفك اكتر وأمسك بيدها …
بيسان : وانا كمان
حازم : وانتى كمان ايه
بيسان بخجل : وانا كمان معجبه بيك …
حازم بفرح : دا اسعد يوم فى حياتى اوعدك اكون عند حسن ظنك ..وزى ما بيقولوا ادخلوا البيوت من أبوابها .. هروح اطلبك من ماما صفاء
بيسان : استنى يا متهور هو انت لسه عرفتنى..
حازم بغمزة : خير البر عاجله ..ليذهب إلى صفاء ليخبرها أنه يريد أن يرتبط ب ابنتها بيسان…
صفاء : معقول ايه السرعه دى طيب انتظر اخد رأى بيسان لتدخل بيسان وتقول موافقه يا ماما
صفاء : يبقي على بركه الله
حازم بفرحه أن شاء الله اول ما صافى تخف وتقف على رجلها هنعمل الخطوبه واسمحيلى يا ماما صفاء اقولك يا صافى..
صفاء بحب طبعا يا حبيبي
نسيبهم مع بعض شويه يتعرفوا ببعض اصل لو قعدنا معاهم هنلاقيهم خلفوا كل حاجه مع حازم سريعه 🤣🤣🤣🤣
عند حسناء
تستيقظ حسناء لتجد ميان فى حضنها تنظر إليها بحب .. وتقبلها لتستيقظ ميان
ميان : صباح الخير يا مامى
حسناء : احلى صباح لبنوتى الجميلة ..يلا حبيبتى ادخلى الحمام وتعالى غيرى هدومك
ميان : حاضر يا مامى
تساعدها حسناء فى استبدال ملابسها وتمشط لها شعرها ..
حسناء : بنوتى الجميله زى القمر ..
ليرن هاتف حسناء : برقم أمنيه
حسناء : صباح الخير يا امنيه وحشتينى
امنيه : انتى اكتر حبيبتى طمنينى عليكى
حسناء : انا بخير
امنيه : البقاء لله يا حبيبتي
حسناء : البقاء لله فى مين
امنيه : اسفه فكرتك عرفتى
حسناء : قولى مين
امنيه : باباكى الله يرحمه
حسناء . تنهار من البكاء دا امتى وازاى ..
امنيه : احنا كنا مسافرين ورجعنا لسه عارفين الخبر بس تقريبا توفى من حوالى اسبوع.. شدى حيلك يا حبيبتي
حسناء وهى تبكى أن شاء الله
لتجدها ميان تبكى بشده
ميان : ليه بتعيطى يا مامى
ولكن حسناء منهارة من البكاء ولا ترد
فتذهب ميان لاخبار والدها ..
ميان تدخل لتجد والدها ذاهب إلى عمله
ميان : بابي
أدهم : حبيبه بابي صاحيه من بدرى ليه
ميان : اتعودتى اصحى بدرى زى حسناء .. بس يا بابي حسناء ..
أدهم بخضه : حسناء مالها .؟
ميان : بتعيط ومش راضيه تقول ليه
أدهم طب تعالي نروح ليها
دخل أدهم إلى حجرة حسناء ليجدها تجلس على الأرض وتبكى بشده ..
أدهم : حسناء مالك حبيبتى حصل ايه
حسناء تبكى ولا ترد
ظن أدهم أن حسناء نادمه على تلك الخطبه لها ..
أدهم بوجع : حسناء اطمنى انا وعدتك انا بعمل كدا علشان احميكى لتقاطعه حسناء
حسناء : بابا مات
أدهم بخضه : انتى عرفتى
حسناء : يعنى انت كنت عارف يا أدهم
أدهم : ايوا بس
حسناء بغضب : بس ايه حرام عليك بابا توفى وانت رايح تعمل ليا حفله وتدارى عنى حاجه زى دى
أدهم : أهدى يا حبيبتى انا هفهمك كل حاجه
حسناء : تفهمنى ايه … هى دى الحمايه اللى وعدتنى بيها انك تدارى عليا خبر زى دا ..
انا لازم امشي من هنا وخلعت خاتم الخطوبه وأعطته إليه ..
لينظر لها أدهم ولم يتمالك أعصابه وصفعها صفعه قويه على خدها ..
لتنخض ميان من تصرف والدها ..وتمسك بيد حسناء وتبكى هى الأخرى
أدهم : على جثتى لو خرجتى من هنا
انا مش لعبه بين ايديكى علشان تقبلى الخطوبه وتانى يوم ترجعى الخاتم وأمسك يدها بقوة والبسها الخاتم …
أدهم : دى اخر مرة تخلعى الخاتم من ايدك بحذرك ثم تركها ورزع الباب وراءه
لتنهار حسناء
حسناء ببكاء : حتى انت يا أدهم خيبت املى فيك تحاول ميان تهدئتها ولكن دون جدوى
ميان : انا هخاصم بابي ومش هكلمه تانى علشان زعلك …..
حسناء : حضنت ميان فهى الوحيدة التي تكن لها المشاعر الصادقه ..ثم تطلب منها أن تتركها بعض الوقت لترتاح وتنام وتطلب منها عدم إخبار أحد بما حدث
تقبلها ميان وتوافق وتخرج….
عند الادهم
يدخل أدهم حجرة مكتبه ويلوم نفسه لعصبيته عليها فهى فتاة صغيرة وخبر وفاة من تظن أنه والدها قد صدمها ..
جلس يفكر كيف يصلح ما فعله ..ليأتى له اتصال من زاهر
زاهر : ايوا يا أدهم اتأخرت على الشغل ليه انت عارف ان فى اجتماع مهم النهارده ….
أدهم : الغى اى اجتماع انا مش هقدر اجى الشركه النهارده …
زاهر : مالك يا صاحبي صوتك مش تمام …
أدهم : حسناء عرفت أن حسن والدها توفى
زاهر : عرفت من مين
أدهم : ما اعرفش ممكن تكون صاحبتها اللى كلمتها قبل كدا ..
زاهر : طب ناوى تعمل ايه هتعرفها الحقيقه
أدهم : مش عارف خايف عليها من الصدمه
زاهر : دا شئ لابد منه ..
لازم تعرف أهلها الحقيقين
ووالدتى عايزة حسناء تيجى تعيش عندنا ولم يكمل كلامه ..
أدهم بغيرة تعيش عندكم ازاى ..
زاهر : انت عارف الأصول يا أدهم وحسناء خالتها موجوده وما يصحش تعيش عندك واحنا موجودين ..
أدهم : بعدين نتكلم فى الموضوع دا واغلق معه الهاتف.
أدهم : مستحيل حسناء تبعد عنى …حسناء أصبحت …ثم يصمت ليواجه نفسه .. ايوا انا حبيتها معرفش ازاى بس دخلت قلبي وما قدرش اعيش من غيرها …
ثم يخرج ليجد ريم ووالدته وميان التى تنظر له بزعل يجلسون على مائده الافطار
السيدة نجوى : صباح الخير يا حبيبي
أدهم : صباح الخير حبيبتى ويقبلها ويسلم على ريم
السيدة نجوى : حسناء رفضت تنزل تفطر وبعت ليها نعيمه بالفطار برضو رفضت وقالت عايزة تنام
تقريبا مجهده من حفله الامس
أدهم : أيوة فعلا
ثم طلب من نعيمه تحضير الافطار له ول حسناء انا هطلع افطر معاها فوق
ريم : أيوة بقي يسهلوووو
نجوى : عيب يا بنت
يصعد أدهم لحجرة حسناء
ويطرق الباب
حسناء بصوت باكى يا دادة مش عايزة افطر سيبينى انام ليفتح أدهم الباب ويدخل ليجدها تجلس القرفصاء وتضم قدميها لصدرها وشعرها يغطى جسدها ووجها يقترب ببطئ ويرفع لها شعرها ويرفع لها رأسها
أدهم : انا آسف
تنظر له حسناء بعيون باكيه …..كلكم زى بعض كلكم قاسين انا عايزة اموت انا عايزة اروح ل ماما وتبكى بشده ..
بحزن أدهم إلى ما وصلت له تلك الفتاة البريئه بسببه يضمها إلى صدره ويربت على كتفيها
أدهم : أهدى حبيبتى انا آسف حقك عليا انا أسأت التصرف بس صدقينى دا كان خوف عليكى …حسناء انا اكتشفت حاجات كتير انتى ما تعرفيش عنها حاجه وكنت مش عايز اعرفك غير لما اعرف كل حاجه والتأكد منها بس اوعدك يوم ما اوصل لكل التفاصيل هعرفك كل حاجه .. عايزك بس تثقى فيا …انا عمرى ما هضرك يا حسناء
حسناء : طب قولى عرفت ايه ..
أدهم : عرفت أن ليكى أسرة انتى ما تعرفيش عنها حاجه …
واول ما اوصل ل صاحبه الصورة كل الالغاز هتتفك وقتها هعرفك كل حاجه ..
حسناء : طب وبابا مات
ازاى ما احضرش عزاه ..
أدهم : انتى ناسيه عملوا فيكى ايه ولو روحتى هناك اخاف يؤذوكى ..
اوعدك هتروحى وهترجعى كل حقوقك بس نعرف كل حاجه وانا معاكى فى كل شئ حبيبتى واقترب اكثر منها ليقبلها لتضع حسناء رأسها على صدر الادهم وتبكى ..
ليقطع حديثهم ترك الباب
فكانت نعيمه تحضر لهم الفطور .تضعه وتخرج
حسناء : بس انا ماليش نفس
أدهم : لو ما اكلتيش مش هاكل انا كمان ..
حسناء : طيب خلاص هاكل بس هات ميان تفطر معانا لأنها زعلانه منك
أدهم : هو انا أقدر على زعلكم وينزل للاسفل لإحضار ميان …
حضر أدهم ميان .
ميان : انا مخصماك ومش هكلمك تانى علشان زعلت مامى
أدهم وهو يضمها : انا اسف وخلاص انا صالحت مامى وأساليها
حسناء : ايوا حبيبه قلبي خلاص اتصالحنا صافى يا لبن ويلا بينا نفطر
عند طارق
يتصل طارق ب امنيه صديقه حسناء
امنيه بعصبيه : نعم يا سي طارق يا كداب يا مخادع
طارق : فى اى يا امنيه بتكلمينى كدا ليه
امنيه : انت ليك عين تكلمنى بعد اللى عملته مع حسناء .
طارق : وانتى عرفتى منين ؟ هو انتى تعرفي مكان حسناء ؟!!!!…….
13
يتصل طارق ب امنيه فامنيه هى حب حياته ولكن ظروفه وعدم عمله تؤثر على علاقتهم دائما
امنيه بعصبيه : نعم يا سي طارق يا كداب يا مخادع طارق : فى ايه يا امنيه بتكلمينى كدا ليه ؟!!
امنيه : انت ليك عين تكلمنى بعد اللى عملته مع حسناء !!!
طارق : وانتى عرفتى منين ؟!!! هو انتى تعرفي مكان حسناء ؟
امنيه بلجلجه : مالكش فيه انت واحد خاين وقذر ولو فكرت تتصل بيا تانى هفضحك فى البلد كلها ..وأغلقت الهاتف وجلست تبكى …
اتصل بها طارق عدة مرات ولكنها لم ترد وفى الاخير عملت لرقمه حظر ..
طارق
كدا حسناء مكانها معروف يبقي سهل اوصل ليه بس امنيه لازم تعرف الحقيقه وليه انا عملت كدا …
عند حنان
حنان : الحقنى يا طارق هموت ..
طارق : مالك بس بتشتكى من ايه .؟
حنان بألم : رجلى مش شايلانى وحاسه بتورم فيها بس مكان التورم مش بيوجعنى
طارق : طيب انا هنزل اجيب ليكى دكتور استريحى يا اختى
طارق فى سره دا اكيد ذنب حسناء اللى اتظلمت ويذهب وهو نادم …
عند حازم فى المستشفى
أنهى عمله ودخل مكتبه ..
اتصل على بيسان
بيسان : الو
حازم : احلى الو دى ولا ايه
بيسان بخجل : وبعدين معاك
حازم : الجميل النهارده ظروفه ايه
بيسان : عادى زى كل يوم
حازم : طيب ينفع نتقابل النهارده ونتغدى سوا
بيسان : لا صعب اسيب ماما وهى تعبانه …
حازم : عندك حق طب بصي يا قمرى ما تعمليش اى حاجه وانا هجيب الغدا معايا وأجى عندكم نتغدى سوا وبالمرة اطمن على صحه صافى .
بيسان بفرحه لقدومه : طبعا تنور …
عند زاهر
يذهب زاهر إلى فيلا الادهم ومعه مدرس اللغه الانجليزيه
السيدة نجوى
اهلا يا زاهر يا ابنى
زاهر : اهلا يا طنط انا جيبت مستر على مدرس اللغه الانجليزيه علشان ريم وحسناء
بعد اذنك يا طنط تخليهم يحضروا
نجوى اه طبعا اتفضلوا فى الصالون على ما البنات تنزل
تبعث الخادمه لاخبارهم بحضور المستر
أدهم : حسناء استنى انتى نازله كدا
حسناء : ايوا فى ايه
أدهم : غيرى هدومك دى
مش عايز بنى آدم يشوف حته منك
حسناء وهى تشعر بغيرته . تمام يا حبيبي
أدهم : هه انتى قولتى ايه
حسناء : تمام
أدهم : لاء اللى بعدها
حسناء : حبيبي
أدهم : وهو يقترب منها انتى هتجنيني انا مش عارف اروح شغلى بسببك يا قمر انتى يلا بسرعه اجهزى وانزلى.. ويسبقها فى النزول
ليقابل زاهر ومستر على ويسلم عليهم
أدهم : عايزك يا مستر على تخلي ريم وحسناء بيرفكت فى الانجليش ..
على : اطمن أن شاء الله هيكونوا متفوقين ..
لتدخل حسناء وريم
يقوم مستر على من مكانه : بسم الله ما شاء الله انا هدرس للقمرات دول ..
ليجد عيون ثاقبه تنظر إليه أنها عيون الادهم وزاهر …
على بخجل : يلا نبدا الحصه
ليجد أدهم يجلس علي يمين على وزاهر على يساره..
أدهم : تعالى يا حسناء جنبي
زاهر : تعالى يا ريم جنبي 😄😄😄
مستر على : هو مين بالظبط هياخد الحصه
أدهم : كلنا علشان لو البنات نسيت حاجه نفكرهم بيها 🙄🙄🙄
تضحك حسناء فى سرها فهى تعلم مدى غيرة الادهم عليها ….
مستر على: يلا بينا نبدأ
نتركهم ياخدوا الدرس ونروح ل ثريا
ثريا تتصل على نجوى
ثريا : ازيك يا نوجا وحشانى
نجوى : وانتى اكتر يا قلبي
ثريا : انا زعلانه منك على فكرة
نجوى : هو انا أقدر على زعلك ليه بس قوليلى
ثريا : علشان ماردتيش عليا فى موضوع زاهر وريم ..
نجوى : تعالى شوفى اللي بيحصل هنا وانتى تعرفي الرد وتضحك
ثريا : ايه اللى بيحصل فرحينى
قصت نجوى عليها ما يفعله زاهر وادهم مع مستر على والجلوس لحضور الدرس
ثريا : افهم من كدا نقول مبروك
نجوى : طبعا مبروك زاهر دا ابنى التانى …
ثريا : ربنا يفرحنا بيهم حبيبتى وأغلقت الهاتف..
عند خالد
يذهب خالد . كل يوم للبحث عن صفاء
يسأل كل بوابين العمارات عن صفاء ولكنه لم يصل إليها بعد ..
ياتى الى خالد اتصال من شركته الخاصه بالمقاولات
مدير أعماله : خالد انت فين وديما قافل فونك وما بتجيش الشركه والشغل متوقف بسببك
خالد : عندى شغل اهم اخلصه واكون معاكم
مدير أعماله : بس احنا محتاجينك ضرورى فى مناقصه كبيرة بينا وبين شركات الادهم لو تمت شركتنا هتبقي فى السماء ..
خالد : اعمل انت المطلوب
مدير أعماله : ما ينفعش لازم تكون موجود بكرة
أدهم بيه شخصيا هيجى لينا الشركه لازم تكون فى استقباله
خالد : طيب تمام هجيلكم بكرة على الميعاد ..ابعتلى تفاصيل المناقصه على الواتس
مدير أعماله : تمام واغلق الهاتف
خالد : يارب دلنى على الطريق الصحيح ..
عند الادهم
ينتهى المستر من الدرس ثم يودع الجميع ويغادر
حسناء : المستر دا شرحه جميل اوووى
ريم : اه فعلا والنطق عنده حاجه تسحر
لينظر إليهما كلا من الادهم وزاهر بغضب
أدهم : وايه كمان عجبك 🤔🤔🤔 يا حسناء
زاهر : وانتى يا هانم وضحكك فى الدرس يا ريم
حسناء وريم : لا خلاص مفيش حاجه 🙄🙄🙄
أدهم بقولك ايه يا زاهر احنا كدا مش هتعرف نشتغل ثم إن فى شغل بكرة مهم انت غير كل المدرسين ل مدرسات
زاهر : عندك حق من بكره كله مدرسات …
ريم : ممكن يا آبيه أدهم نخرج انا وحسناء نغير جو ونتغدى برا
أدهم وهو ينظر إلى زاهر : اظن يا زاهر ما عندناش حاجه مهمه النهارده
زاهر : فعلا
أدهم : يعنى فهمت
زاهر : طبعا تلميذك يلا يا بنات أمامكم ساعه تكونوا جاهزين واحلى program هيكون جاهز ليكم ..
البنات بفرحه ميرسي
ويصعدوا للأعلى لتجهيز نفسهم
حسناء : تذهب لترتدى دريس بينك فى ابيض وكانت كالقمر
ريم : ترتدى بنطالون جينز وشميز ابيض وكانت هى الأخرى جميله جدا
تمضي أكثر من ساعه وكل من أدهم وزاهر متضايقين من الانتظار ..
وبعد ساعه ونص تنزل الفتيات
أدهم وهو يمسك بيد حسناء قمرى وصل اخيرا
زاهر وهو يمسك بيد ريم ايه الجمال دا
ريم تشد يدها من يده وتتحدث بصوت منخفض : انت اتجننت بتمسك ايدى كدا عادى أمام آبيه
أدهم : زاهر طلب ايدك ايه رايك يا ريم
ريم : مش موافقه
لينظر الجميع بصدمه وذهول
يعم الصمت لفترة كانت كالعمر
ثم تضحك ريم بصوت عالى
طبعا موافقه ضحكت عليكم ووقعت قلبكم
زاهر : مش هتتغيرى ابدا طول عمرك لمضه وبتاعت مقالب
حسناء : منك لله يا شيخه انا صدقت ووقعتى قلبي
أدهم : انت طيب يا زاهر ربنا يقدرك يا ابنى على اللى هتعيشه
زاهر بحب : احلى عيشه مع احلى ريم
ريم : اوووبا يلا بقي ولا لغيتوا العزومه
زاهر بضحك يلا يا قدرى
أدهم : ياخذ حسناء معه فى سيارته
ويأخذ زاهر ريم فى سيارته
ليذهبا إلى مركب فى النيل ليقضوا وقت ممتع
ثم يذهبوا إلى أحد الفنادق المشهورة لتناول العشاء بها …..نتركهم شويه يحبوا فى بعض
عند حنان
ياتى طارق بالطبيب لأخته ويقوم الطبيب بفحصها
ثم يطلب عده تحاليل واشعه
الطبيب : يكتب لها روشته من الادويه
تاخده لمدة أسبوع وتعمل الفحوصات دى وهجيلها كمان اسبوع
طارق : طب ايه السبب فى ورم رجليها
الطبيب : انا شاكك فى حاجه بس نشوف نتيجه الفحوصات وبعدين نتكلم
قام طارق بإيصال الطبيب وذهب لإحضار الدواء
ليجد فى الصيدليه …..
14
لم يشخص الطبيب حالة حنان وطلب بعض الفحوصات لها وكتب روشته من العلاج لمدة أسبوع
ذهب طارق إلى الصيدليه لشراء الدواء لأخته
ولكنه وجد بالصيدليه أمنيه
طارق : أمنيه
أمنيه : بقولك ايه مفيش كلام بينا وهمت أن تخرج ولكنه أمسك بيدها . لازم تسمعينى ودى اخر مرة ووعد مش هضايقك تانى بس لازم تسمعينى …
وطلب الدواء وأخذه وخرجا ..
امنيه اتفضل قول بس بسرعه ..
طارق تعالى نقعد فى اى مكان وهحكيلك كل حاجه..
امنيه بعصبيه تفهمنى ايه انك واحد خاين وكمان مغتصب .. ومش بس كدا دا انت اغتصبت اقرب صديقه ليا …
طارق : هحكيلك كل شئ
ثم قص عليها ……
امنيه فى ذهول معقول كل دا والمسكينه حسناء اللى هربت ..
طارق : انا كنت بحميها صدقينى …
بس لازم حسناء تفضل بعيده انا ما اضمنش حنان وتفكيرها ممكن يوصلها لايه
امنيه : بس حسناء لازم تعرف
طارق : على الاقل مش دلوقتي على ما اشوف حنان وصلت لايه واكيد هنعرفها ..
كمان يا امنيه انا بدأت ادور على شغل علشان اكون مناسب ليكى ..لقيت شغل بس للاسف مش هنا فى القاهرة .
امنيه : ربنا يوفقك
طارق : انا مسافر كمان يومين علشان استلم شغلى وهاخد حنان معايا لأنها تعبانه وبالمرة اكشف عليها فى القاهرة
امنيه : خلى بالك من نفسك
طارق : وانتى كمان يا حب قلبي..
يأتى الصباح على ابطالنا
عند حسناء
يدخل أدهم حجرة حسناء ليجدها نائمه وفى حضنها ميان يفرح جدا لتعلق ابنته به يقترب ببطئ ويقبل حسناء من خدها
تفتح حسناء عينيها
حسناء : أدهم ثم تعتدل وتقوم بسرعه
أدهم : حبيت أصبح على ملاكى قبل ما انزل عندى شغل كتير النهارده
حسناء : طيب ممكن تاخدنى معاك
أدهم : مش هينفع لانى النهارده مش هكون فى الشركه فى صفقه هعملها مع شركه تانيه .وهكون عندهم . بس وعد هاخدك معايا مرة تانيه ..
المهم تقومى تفطرى وتبدأى مذاكرة انتى وريم فاهمه
حسناء بابتسامه : تمام يا فندم
أدهم : احلى ابتسامه دى ولا ايه
سلام حبيبتى
حسناء : فى حفظ الله حبيبي
عند حازم
حازم :الو
بيسان : صباح الخير
حازم : اخيرا الأميرة تعطفت واتصلت بنفسها عليا دا يوم سعدى
بيسان : انت بكاش اوووى
حازم : لا وحياتك انا بقول الحقيقه انتى القمر انتى النجوم انتى كل حاجه حلوة ..
بيسان : هعمل نفسي مصدقه 🤣🤣
حازم : لازم تصدقي يا قلبي ..
بيسان : المهم كنت عايزة اقولك أنى هنزل تدريب شركات تشرح ليا شركه ايه ..
بيسان طالبه ب كليه تجارة انجلش
حازم : انتى جيتى فى ملعبى فى مجموعه شركات الادهم للعقارات
أدهم صاحبها يبقي صديقي وصديق العائله
هكلمه ليكى واعتبري نفسك من بكرة بتدربي
بيسان : شكرا ليك تعبتك معايا
حازم : عايز اتعب كل يوم بس اسمع صوت الأميرة
بيسان طيب سلام
حازم سلام يا قلبي
عند خالد
يستعد حازم لاستقبال الادهم فى شركته وبعد دقائق أخبره الأمن بوصول أدهم بيك و زاهر بيك
استقبلهم خالد ومدير أعماله استقبال يليق بالادهم
ثم جلسوا جميعا على مائدة الاجتماعات وبعد عدة مناقشات تمت الموافقه على الصفقه بين الشركتين
أدهم : واضح أن حضرتك مميز وان شاء الله هيكون بينا اعمال كتير ..
خالد : دا يسعدنى اكون شريك مع شباب بالحماس دا ثم إن اسم شركات الادهم معروف فى السوق ..
أدهم : ممكن نعمل حفله صغيرة النهارده احتفالا بالتعامل بينا
خالد : دا يسعدنى بس اعذرنى فى ارتباطات كتير ورايا النهارده خليها وقت تانى ..
أدهم : زى ما تحب
سلم كل من أدهم وزاهر عليهم وغادرا
مدير أعمال خالد : فى ايه يا خالد فى حد يرفض حفله زى دى
خالد : انا مش فيا دماغ للحفلات يلا سلام وتركه وغادر وهو الآخر ..ليستكمل البحث عن صفاء
عند حسناء
تناولت الافطار هى وريم
وجلسوا ليذاكروا درس الانجليش …
ريم : قوليلى يا حسناء تحبي تدخلى كليه ايه
حسناء : كنت بفكر فى هندسه ثم دى امنيه ماما الله يرحمها ..
ريم : الله يرحمها . كويس هندسه علشان تكونى زى أدهم وتشتغلوا سوا
ليدخل أدهم هو و زاهر
أدهم : مين جايب فى سيرتى
ريم : آبيه انا طبعا 😄😄
يسلم زاهر عليهم ويطلب من أدهم الخروج مع ريم لشراء خاتم الخطوبه
أدهم : بس احنا اتفقنا بعد الثانويه
زاهر : ايوا بس انا حابب أن ريم تلبس خاتم الخطوبه وبعد ما تخلص الثانويه نعمل حفله كبيرة تليق بالملكه ريم ..
ريم بفرحه : الله والنبي وافق يا آبيه
أدهم بابتسامه على فرحة أخته طيب يا لمضه موافق
ريم : انا هطلع اجهز
زاهر : لا انتى حلوة كدا مش هنتظر ساعتين تانى
يلا هنخرج كدا
ريم : اوك يالا بينا
ويغادرا
أدهم : يجلس بجانب حسناء : فهمتى الدرس
حسناء : ايوا كان سهل اووووى
أدهم : هى فين ماما وميان مش ظاهرين :؟
حسناء : طنط اخدت ميان وقالت هتروح تزور طنط ثريا ..عارف يا أدهم طنط ثريا دى طيبه اوووى بحسها زى ماما حتى فى طريقه كلامها ..
كاد أدهم أن يعترف لها بحقيقه ثريا وأنها خالتها ولكنه تراجع خوفا عليها أن تنصدم فيكفى ما حدث لها عند وفاة والدها نظر لها أدهم محدثا إياها
أدهم : حسناء حبيبتي انتى جميله اوووى بس الحزن مش بالملابس انا ملاحظ انك لابسه اسود اليومين دول بس يا حبيبتي انتى صغيرة .. ممكن علشان خاطرى تغيرى الاسود دا ..
حسناء لتذكرها والدها .بعيون باكيه : انا صعبان عليا أنه مات وهو فاهم انى …… وبدأت تبكى. بشده . انا والله مظلومه وما اعرفش اللى حصل دا حصل ازاى
ضمها أدهم لصدره خلاص حبيبتى أهدى وانا وعدتك أن حقك مش هيروح ..
واللى اسمه طارق دا حسابه معايا هو حنان
حسناء : انا كل اللى يهمنى انك مصدقنى
أدهم : طبعا مصدقك وبحبك وبموت فيكى ويلا قومى نتغدى بدل ما اتغدى بيكى وانتى حلوة كدا
ضحكت حسناء
أدهم : ايوا كدا اضحكي وتنورى الدنيا بضحكتك وذهبوا لتناول الغداء ..
عند ثريا
تذهب نجوى لزيارتها ومعها ميان
تستقبلهم ثريا بترحاب
ويجلسون لاحتساء القهوة
ميان : فين اونكل زاهر
ثريا : زمانه على وصول اشربي العصير بتاعك على ما يوصل واكملت حديثها مع نجوى
نجوى : عايزة اعرف منك قصه سمر بالتفصيل وحسناء وليه كل الفترة دى محدش عرف عنها حاجه وفجأة تظهر حسناء وازاى حسناء ما تعرفش انك خالتها ..لحد دلوقتي
ثريا : كل دا بالنسبه ليا كان مفاجئه لحد ما أدهم جاب صورة صفاء وكان معاها سمر.
زمان لما سمر هربت كنا فاهمين أنها هربت علشان ما تتجوزش العريس اللى بابا جايبه لكن عرفت من صفاء أنها كلمتها وعرفتها أنها هربت لأنها طلعت حامل من خالد ولو باباها عرف هيخليها تنزل البيبي وأنها اخدت كل مجهوراتها وسحبت كل رصيدها فى البنك وهربت وصفاء بتقول ما تعرفش عنها حاجه …من بعد المكالمه دى ..
نجوى : طب مين يأكد لينا أن دى بنت سمر فعلا
ثريا : زاهر سأل عن شهادة الميلاد بتاعتها
دا غير انى لقيتها لابسه السلسله بتاعت سمر الله يرحمها ..
نجوى : طب ناويين تعرفوها امتى حرام البنت دى تبقي فاهمه أنها ملهاش عيله وانتم موجودين ..
ثم انا عرفت من أدهم أن ابوها أو اللى هى فاهمه أنه ابوها مات . ومن وقتها لابسه الاسود وشكلها حزينه ..
ثريا : انا عايزاه تعرف وتيجى تعيش معايا هنا بس أدهم اللى رافض
نجوى : طيب انا هتكلم معاه حكايه ولا فى الاحلام
يصل زاهر ويسلم عليهم ويأخذ ميان ليعطيها شيكولا
ميان : حبيبي يا اونكل ميرسي
زاهر : انتى اللى حبيبه اونكل وكفايه انك شبه ريم
ويذهب لحجرته ويتصل على أدهم
أدهم :: ألو
زاهر : ايوا يا أدهم انا وصلت للعنوان بتاع صفاء فى اسكندريه وطلعت عزلت بس الغريب أن الشاب اللى ساكن مكانها .
قال إن فى واحد سأل من فترة هو كمان عليها ..
أدهم : مين الشخص دا ؟
زاهر : الشخص بيكون ………….
15.قبل الاخير
ياتى أدهم اتصال من زاهر ليخبره
زاهر : أيوة يا أدهم انا وصلت لعنوان صفاء فى اسكندريه بس للاسف طلعت عزلت وهى فى القاهرة دلوقتي بس الشاب اللى سكن مكانها قال إن فى شخص برضو كان بيسأل عليها
أدهم : مين الشخص دا
زاهر : الشخص دا اسمه خالد
أدهم : ثوانى كدا هى مش طنط ثريا قالت إن خالتك سمر كانت بتحب واحد اسمه خالد ..
زاهر : ايوا صحيح .. احنا لازم نتاكد الاول من اسمه من والدتى . والأهم الوصول لصفاء بأقصى سرعه
أدهم : عندك حق ..واصل البحث عن صفاء
واقفل جاى ليا مكالمه من حازم على الويتنج اشوف فى ايه
زاهر : طيب سلام
ليفتح أدهم مكالمه حازم
حازم : ازيك يا أدهم
أدهم : اهلا يا حازم فينك مختفي ليه اليومين دووول
حازم : اصل لقيتها
أدهم : هى مين اللى لقيتها
حازم : حب عمرى بيسان
أدهم بضحك : طول عمرك كدا
حازم : لأ المرة دى غير انا خلاص هخطبها بس طنط صافى تخف
أدهم : طنط صافى مين
حازم : والدتها . المهم انا بتصل علشان عندى طلب
أدهم : اه تحت امرك
حازم : بيسان مطلوب منها فى الجامعه تدريب شركات واظن انك مش هتمانع أنها تتدرب عندك ..
أدهم : طبعا من غير استأذان ابعتها بكرة لزاهر وهو يظبط ليها كل شئ..
شكره حازم واغلق الخط
عودة السيده نجوى هى وميان
نجوى اهلا يا أدهم يا حبيبي ..
وتجرى ميان لتحتضن والدها وتقبله
أدهم : اهلا يا ماما .. اهلا حبيبه باباي
نجوى : اومال فين حسناء
أدهم : طلعت هى وريم لما رجعت يذاكروا فوق
نجوى : طيب تمام .. عايزاك تعرف حسناء يا ابنى الحقيقه اللى عرفناها ..
أدهم : هانت يا ماما منتظر أعقد كتابي على حسناء وبعدها هنكون مراتى واعرفها كل شئ بس احنا لسه ماوصلناش لكل الحقائق فى افتراض مثلا أن حسناء تكون البنت التانيه مش الاولى لسمر . او خالد يرفض الاعتراف بيها أو صفاء تقول كلام تانى غير اللى نعرفه ثم احنا لسه ما وصلناش ل خالد الحكايه معقدة ..
نجوى : ربنا يقدم اللى فيه الخير يا حبيبي
عند طارق
ياخذ طارق أخته ويسافر إلى القاهرة ويسكن بمنطقه عابدين .. ويستلم عمله فى إحدى شركات الادهم كمحاسب ..
زاهر : برافو عليك يا طارق شغلك كويس اوووى وهيكون ليك شأن معانا فى الشركه
طارق : اشكرك لثقتك فيا
عند حنان
تتدهور حالتها وتتصل ب طارق الحقنى يا طارق مش قادرة
طارق طيب أهدى يا حنان هجيلك حالا
زاهر : خير يا طارق دى زوجتك
طارق لا دى اختى وعندها مشاكل في العظام وروحت ل كذا دكتور وكل العلاج مش جايب فائده
زاهر : طب انتظر هكلم ليك دكتور حازم يشوفها
اتصل زاهر بحازم وأخبره بمرض حنان فطلب حازم أن ينقلها إلى المستشفى خاصته ..
شكره طارق وغادر حتى يأخذ أخته إلى تلك المستشفى …
حنان تم تشخيص مرضها ب كانسر فى العظام وتأخذ الكيماوى ولكن حالتها غير مستقرة . وتشعر بالذنب لما فعلته طيله حياتها
بعد أن تغير حال طارق إلى الافضل تقدم الى خطبه امنيه وتمت الخطوبه
حاولت امنيه كثيرا الاتصال لحسناء ولكن رقمها دائما مغلق
توطدت علاقه شركه الادهم بشركه خالد المنشاوى وأصبح لديهم العديد من الصفقات المشتركه
طارق وقد قابل خالد المنشاوى وفرح خالد لما وصل إليه طارق .. وحزن لما آلت له صحه حنان ولكن هذا عقاب من الله فلا ننسي أفعالها ..
ريم وزاهر فى اسعد أيامهم ..
حازم وبيسان تمت خطبتهم خطوبه بحفله صغيرة .. حيث تحسنت صحه السيدة صفاء وتم الاتفاق على زواج ابنتها فور انتهائها من دراستها الجامعيه ….
بعد مرور عدة شهور حيث أكملت حسناء 18 عام واليوم عيد ميلادها ..
أتى اليوم المشهود حيث قرر الادهم عقد القران يوم عيد ميلاد حسناء حيث أقام حفله كبيرة مدعو بها جميع الاصدقاء
كانت حسناء كالبدر فى تمام كل من يراها يذهل لجمالها ..
حضر الحفل
زاهر والسيدة ثريا وهى فى قمه سعادتها لفرح ابنة اختها حيث وعدها الادهم بأنه سوف يخبر حسناء بأنها خالتها بعد الانتهاء من الحفله
وفى الحفله حيث يتراقص كل كابلز وكانت حفله مليئه بالسعاده. وميان تلك الطفلة الجميلة سعيدة حيث حرمت من والدتها وعوضها الله بتلك الحسناء
😘😘😘حسناء الادهم 😘😘😘
يصل طارق ومعه امنيه لحضور حفل الادهم
يتقابل مع السيد خالد يسلم عليه ويهنئه بخطبته.
يذهبا لتهنئه العروسان ..
وما أن رأتهم حسناء حيث ذهل الجميع
حسناء بصدمه : طارق !؛! امنيه !!!
طارق : معقول انتى حسناء ..
ليقف أدهم متسائلا عما يحدث ..
لتشير اليه حسناء وهى تبكى دا اللى
اغ *تص *ب*نى وتبكى بشده …
ينظر كل من نجوى وثريا بذهول
نجوى بغضب : اغ * تص * بك !!!!!! ايه المهزلة اللى احنا فيها دى
أدهم : انت كنت تعرف الكلام دا !!!!!
ريم : أهدى يا ماما لما نفهم الموضوع الاول
ثريا : لتمسك بيد حسناء يا حبيبتي يا بنتى كل دا حصلك وانتى بعيد عنى ..بقلم منال عباس
ليمسك أدهم طارق ويوقعه أرضا ويضربه بالبوكسات دون رحمه . فى ذهول من جميع الحاضرين ..
طارق بألم : انتظر يا أدهم كل دا مش حقيقه
ليتدخل خالد ويمسك بالادهم هو وزاهر
خالد : اسمعه الاول يا أدهم . طارق صادق فى كلامه ..
يتدخل زاهر . أهدى يا أدهم ارجوك لازم نفهم فى ايه..
حسناء بانهيار :كداب يا طارق
امنيه تقترب منها : أهدى يا حبيبتى وارجوكى اسمعى طارق ..
حسناء : ابعدى عنى كلكم كدابين
زاهر : لتهدئه الموقف لازم نقعد كلنا ونفهم الموضوع وحذر طارق لو كذبت مش هتخرج من هنا الا وانت ميت ..انا مش هفرط فى حق خالتى .
لينظر خالد إلى ثريا هو انتى ثريا اخت سمر ..
ثريا بصدمه أنت خالد معقول !!!
على دخول حازم وبيسان والسيدة صفاء
بذهول كلا من نجوى وثريا وخالد الجميع فى نفس واحد صفااااااااااء …!!!!!!!!
رواية حسناء الأدهم الحلقة السادسة عشر الاخيره
وتتوالى المفاجئات على الجميع لينظر خالد الى ثريا ..معقول انتى ثريا
ثريا : خالد !!!!
وفى هذه اللحظه يدخل كلا من حازم وبيسان والسيده صفاء لحضور حفل الزواج..
وما إن رآها خالد وثريا و نجوى !!!!!!صفااااااااااء
صفاء : ياااااااه عدى سنين واتمنيت اشوفكم من بعد ما انقطعت اخبار سمر واخباركم ..
حازم انتوا تعرفوا بعض ..
خالد : عز المعرفه
أدهم : كويس اوووى كدا الكل اتجمع لازم نفهم الحقيقه ايه ..
حسناء : الحقيقه اللى اعرفها أن الحيوان دا
اغ *تص* بني ومش عارفه ازاى سيبينه وقاعدين تتعرفوا على بعض ..
خالد : محدش اغتضبك يا حسناء .
حسناء :وحضرتك مين وبترد على أساس ايه !!
خالد بدأ يقص
فلاش باك
سمر والدتك كانت حب حياتى حاولت بكل الطرق اكون جدير بيها بس والدها ديما كان بيرفض وفى الاخر اتجوزنا فى السر وجدك الله يرحمه هددنى بالسجن أو انى أطلقها كنت ضعيف وقتها وماكنتش اقدر اقف قصاده واضطريت أطلقها ودى كانت غلطه عمرى
عدى فترة وعرفت انها هربت علشان عايزين يجوزوها غصب .. دب الامل فيا تانى انى الاقيها واصلح غلطى . بس كأنها فص ملح ودابت عدى سنين وملقتهاش كرهت الدنيا وسيبت مصر وسافرت واشتغلت واجتهدت وعيشت على ذكراها وماردتيش اتزوج لان مفيش واحدة تعوضها .
وفى يوم كنت عند دكتور القلب صديقي لقيتها داخله وكان ظاهر عليها التعب اووووى . انتظرت لما خلصت كشف وخرجت وراها . انا ماكنتش مصدق انى هشوفها بعد السنين دى .عرفت منها أنها هربت وبعدت عن الكل وجات وعاشت فى المنصورة . واتزوجت ومعها بنت . بس زوجها تزوج عليها .. بس هى راضيه لأن بنتها مالهاش حد غير حسن
طلبت منها تنفصل ونتزوج رفضت بغضب … وقالت انت بيعتنى وانا شرياك وقفت انا أمام اهلى وخذلتنى ورفضت
كان طبعا عندها حق ..
بدأت اراقبها لحد ما عرفت سكنها كان عندى امل أنها ترضى عليا ..
وقتها اتعرفت على حنان كانت ست مش تمام كان هدفى اعرف اخبار سمر منها لكنها لقيتها بتدبر ازاى تخلص من سمر وبنتها
وفجأه سمر توفت شكيت فى حنان .
بس الدكتور صديقي قالى أن حاله القلب كان ميئوس منها لأنها كانت رافضه الحياة
خوفت على بنتها فقربت من حنان واوهمتها أنى بحبها ..
وفى يوم عرفت أن حنان ناويه تتخلص من حسناء
فقلت ليها الأفضل أن طارق يغتصبها وبالتالى تتزوجه غصب عنها وتبقي كل ممتلكاتها تحت امرها .
بس فى نفس الوقت كلمت طارق وشرحت ليه يعمل ايه
وبدأ طارق يقص ما حدث
فلاش بااااااك
حنان : يلا بسرعه قبل ما ابوها يرجع بس قولى ايه الشنطه اللى معاك دى
طارق : دى لزوم القعدة والفرفشه
حنان : طب يلا هاجى اساعدك
طارق : لا ما ينفعش خليكى انتى وانا هخلص كل حاجه
وقتها كانت حسناء شبه متخدرة كان معايا زجاجات فيها ماده شبه الدم
عودة من الفلاش
انا مالمستكيش يا حسناء وعملت كدا خوف عليكى خوفت ارفض حنان تدبر ليكى حاجه تانيه
أدهم فى ذهول وفرحه يعنى حسناء … ويقترب منها ويحتضنها. .
ثم تمسك ثريا يد حسناء لا انتظر لسه الحكايه ما خلصتش
دلوقتي بقيه الحكايه عندك يا صفاء وبالمناسبة يا حسناء انا خالتك اخت سمر اللى دورنا عليها كتير بس ما عرفناش نوصل ليها
لتدخل حسناء فى حضن ثريا وتبكى بشده ..
ويجلسوا لتكمل صفاء ما عندها
صفاء
فلاش باك
الو : ايوا يا سمر بتتكلمى منين ودا رقم مين
سمر : مش وقته انا هربت لأنهم عايزين يجوزونى غصب عني . دا غير انا اتأكدت انى حامل من خالد ولو بابا عرف هيخلينى انزل البيبي
صفاء : يا خبر طب تعالى ليا
سمر : مش هينفع
اوعدينى محدش يعرف بالمكالمه دى غير ثريا
حتى خالد ما تعرفهوش . ما يستحقش يكون اب بعد ما عمل فيا كدا
وقفلت وانقطعت اخبارها.
خالد بدموع يعنى حسناء تبقي بنتى ..
أدهم وايه يضمن ممكن تكون بنت حسن ..
خالد : حسن قبل ما يموت قال ل حنان أن حسناء مش بنته والسر عند صفاء ..
علشان كدا كنت بدور عليكى يا صفاء
نجوى : احنا فى قصه ولا فى الاحلام
لتقع حسناء من هول الأحداث مغشيا عليها
ليحملها الادهم ويطلب من الجميع المغادرة فاليوم يوم زفافه ليبارك له الجميع ويصعد بها إلى حجرته فلقد تم عقد القران وأصبحت زوجته
يقوم بانعاشها
لتستفيق
حسناء : انا مين وازاى انا ايه
أدهم : انتى حسناء الادهم
غير كدا ما تفكريش فى اى شئ ويقترب منها ويقبلها بشغف لتحتضنه هى أيضا وتبادله القبلات
ثم ترجع للوراء خجلا ..
أدهم وهو ينظر إليها بحب
لسه بتتكسفي منى ..
حسناء : احنا كان فى بينا اتفاق
أدهم بضحك : حد يبقي معاه القمر دا ويفتكر اتفاق . الا لو كنتى مش عايزانى
حسناء بابتسامه مين قال كدا دا انا بتمناك ربنا وهبنى عوض الدنيا كلها فيك انت يا أدهم ..
لتبدأ قصه حبها ليؤذن الديك الصياح ونتركهم للكلام الغير المباح 🤣🤣🤣
بعد مرور 6 شهور
تقوم حسناء ببطئ أدهم اصحى يا ادهاااااام
أدهم : اوعى تقولى هتولدى انتى يا حبيبتي لسه فى السادس استهدى بالله ونامى
حسناء : لا يا دومى النهارده النتيجه
اصحى شوفها وطمنى
أدهم : منك لله الساعه 6 الصبح نامى يا قدرى ولما نصحى نشوفها
حسناء : انا ماليش دعوة اعااااااا
أدهم : خلاص أهدى دى ميان ما تعملش كدا
ليفتح النت على موقع النتيجه ليجدها ..
حسناء : قولى جيبت ايه
أدهم : معلش حبيبتى ربنا يعوض عليكى
لتبكى حسناء
أدهم : أهدى يا مجنونه جيبتى 98 فى المائه
دا انتى حسناء الادهم
وريم جابت 96
ربنا يفرحنا ديما بيكم
تمسك يده وتقوم على السرير وتتنطط
أدهم : أهدى يا مجنونه انتى حامل
حسناء : اه صحيح
ليذهبوا لاخبار ريم بالنتيجه ولكنهم لم يجدوها بحجرتها
ينزلوا إلى الهول ليجدوا زاهر وريم والسيدة نجوى
زاهر : مبروك علينا نجاحهم يا صاحبي
أدهم : مبروك يا زاهر
زاهر : انا جاى دلوقتي اطلب ايد ريم رسمى والمأذون هيجى معايا بالليل
أدهم : حد بيطلب ايد حد الساعه 6 الصبح فعلا مجانين وتستحقوا بعض
ليأتى الليل وحفل عقد القران لريم وزاهر
ياتى أدهم ومعه حسناء وميان وكانوا فى غايه الجمال
وكذلك حازم ومعه بيسان ليقرر هو الآخر عقد قرانه
تجتمع الصديقات مرة أخرى نجوى وثريا وصفاء ويدعوا لسمر بالرحمه
يحضر الحفل طارق و امنيه اما بالنسبه لحنان فلقد اخذت جزاؤها بمرض لا شفاء منه
يحضر خالد فقد عزمه الادهم . كانت دائما تتلاشيه حسناء منذ أن عرفت الحقيقه
تقترب حسناء منه
حسناء : بابا وتقوم باحتضانه
خالد : وهو يحتضنها ويبكى سامحيني يا بنتى
حسناء : مسمحاك يا بابا
ياتى الادهم ويقترب منهم ويغمز بإحدى عينيه مش كفايه احضان ..
انا بغير انتى نسيتى انتى مين
لتضحك حسناء وتقول ..
حسناء الادهم
******تمت ***”***
رايكم اي يارب تنال اعجابكم 👌
انتظروني في رواية أخرى 👌
