سكريبت حبك عذاب بقلم هاجر العفيفي الفصل الاول والتاني والتالت والرابع والخامس والسادس والسابع والأخير حصريه وجديده
الدكتوره قالت ليا أن مش هقدر اخلف
قالتها إيمان بتوتر وخوف من رد فعله
مالك بهدوء : روحتي لوحدك
إيمان هزت راسها بخوف
مالك بضيق : انا خارج
إيمان بخوف : طب مردتش عليا ليه
مالك بتنهيده : هقول ايه يعني مش وقته يا إيمان
سابها ومشي بدون كلام
إيمان بدموع : يارب استر وميجرحنيش انا مليش غيره والله
 |
كريمه : مش ناوين تروحوا للدكتور بقا ولا ايه بقالكم سنه متجوزين ومفيش اي اشاره حتى
مالك بضيق : مش وقته يا أمى الكلام ده كام مره أقولك ده نصيب
كريمه بغضب : ماهو نصيب وكل حاجه بس ال انا شيفاه أن مراتك مبتفكرش اصلا فى الموضوع وانا أم وعايزه أشوف طفل ليك قبل لما أمو"ت
مالك نفخ بضيق وقال : يوووه كل يوم نفس الحوار انا زهقت بقا
كريمه بغضب : اعمل حسابك بقا يامالك أن كتب كتابك على بنت عمتك الخميس ال جاي ولو مسمعتش كلامي يبقا اعتبر أن أمك ما"تت
مالك بصلها بصدمه وقال : أمى
كريمه بجمود : أخر كلام عندي
مالك اتعصب وخرج وساب المكان ومشي
كريمه بوعيد : ماشي يابنت ضرتى واكله عقل الواد أن ماخر"بتش حياتك مبقاش انا كريمه
فى منتصف الليل
كانت إيمان مستنيه مالك وهي متوتره وقلقانه عليه بعد وقت وسمعت صوت الباب بيفتح عرفت أن مالك
إيمان جريت عليه وقالت بقلق : مالك كنت فين قلقتني عليك وتلفونك مقفول
مالك مردش عليها وراح قعد على الكرسي إيمان قعدت على ركبتها وقالت : مبتردش ليه عشان خاطرى كلمني متسكتش كده
مالك : سامحيني يا إيمان
إيمان بخوف : اسامحك ازاى وضح كلامك
مالك بتوتر : انا متجوز من شهرين
إيمان بصدمه : متجوز !!!!!
البارت الثاني
مالك بتوتر : انا متجوز من شهرين
إيمان بصدمه : متجوز !!!!
مالك : ا ايوه
إيمان وقفت ومسكت دموعها بالعافيه وقالت : وانا اخر من يعلم
مالك وقف وقال بتوتر : إيمان افهميني انا
إيمان بدموع : افهم ايه انت تعمل فيا كده يامالك مش مصدقه
مالك بغضب : متبقيش انانيه بقا انا عملت كده عشان من حقى أبقى أب
إيمان بصوت عالى : وانا من حقى أبقى ام أنت ال اناني مش انا لو انت ال عندك مشكله عمرى ماكنت أتخلى عنك حتى لو كل الناس اقنعتني عارف ليه عشان بحبك لكن انت
قاطعها مالك بلهفه : بحبك والله العظيم بحبك انتي الأصل
إيمان بسخريه : ليه والتانيه التقليد طلقني يامالك
مالك بصدمه : انتي مجنونه ده مش هيحصل
إيمان : بقولك طلقني انا مش طيقا"ك ولا طايقه اعيش معاك
مالك بغضب : مفيش طلاق يا إيمان وال عندك اعمليه
سابها ومشي وهي انهارت على الأرض من الصدمه وبعدين مسحت دموعها بجمود وقالت بوعيد : ماشي يا مالك انا هندمك على ك"سرة قلبى دي مااااااشي
كريمه : انا كلمت عمتك النهارده يامالك عشان نتفق على كتب الكتاب
مالك نفخ بعصبيه وقال : خلاص يا أمي مش محتاجينها انا اتجوزت فعلا ومن شهرين
كريمه بصدمه : ومتقوليش
مالك قعد على الكرسى وقال بحزن : مقولتش لحد وحتي إيمان لسه عارفه النهارده
كريمه بجمود : وده مش هيغير حاجه من كلامنا
مالك بعدم فهم : ازاى !!!!
كريمه : هتتجوز بنت عمتك عادي
مالك : وإيمان ونيره
كريمه بخبث : انت مش هتقدر على تلاته ياعين أمك خليهم اتنين بس
مالك بضيق : أمي ياريت توضحي أكتر
كريمه : يعني هتطلق ست إيمان وكده كده هي أرض بور ومش نفعانا بحاجه والباقي على ذمتك
مالك بصدمه : لاء لاء مستحيل أطلق إيمان
نيره بخوف : لو إيمان عرفت هتحصل مص"يبه
أمها : مص"يبه ليه ياعين أمك خلاص ال حصل حصل أخوها كان متجوزك وما"ت وراح بالسلامه واتجوزتي جوزها ايه ال حصل بقا
نيره بقلق : بس انتي عارفه برضوا انها صاحبتى
أمها : ومصلحتك أهم مفيش حاجه اسمها صحبتك وصحبتى
نيره بصوت عالى : يا أمى أفهميني لو إيمان عرفت ان أنا ابقا ضرتها هتبقى مص"يبه
إيمان من وراها بصدمه ودموع : مش معقول أنتى يانيره
نيره بصدمه : إيمان !!!!!
البارت الثالث
نيره بصوت عالى : يا أمى افهميني لو إيمان عرفت ان أنا ابقا ضرتها هتبقى مص"يبه
إيمان من وراها بصدمه : مش معقول انتي يانيره !!!!
نيره بصدمه : إيمان !!!!
إيمان بصدمه : انتي ال هتخر"بى بيتى ده أنتى كنتي مرات أخويا الله يرحمه وقبل كده صديقة عمرى
نيره بتوتر وحزن : إيمان افهميني انا
إيمان بصراخ : افهم اييييييه انتي بتعملى معايا كده ليه أنا مش زعلانه عشان اتجوزتي بعد أخويا عشان ده حقك لكن ملقتيش غير جوزى انا وتاخديه حرااام عليكي
نيره لسه هترد قاطعتها والدتها وقالت : جرا ايه ياختي مالك داخله على البت كده ليه جوزك هو ال جه لحد عندها وطلب يتجوزها وانتي لو كنتي ماليه عينه مش هيبص بره لكن هنقول ايه مش عارفه تجبيله حتة عيل يفرحه
إيمان ضحكت بسخرية : انا مش مصدومه من كلامك ولا مصدومه من ال حصل لان دي مش أول صدمه بالنسبه ليا هي جت من أقرب الناس ليا بس والله العظيم هندمكم كلكم هخليكم تتذلوا على حرقة قلبى منكم لله كلكم
سابتهم وخرجت وهي بتبكى من كل قلبها
والدة نيره بخبث : ولا تعرف تعمل حاجه ال هيك"سرها أكتر انك تجيبي حتة الواد وتك"سري قلبها
نيره مردتش على أمها ودخلت أوضتها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
مالك بصدمه : عايزانى أطلق إيمان لاء لاء مستحيل
كريمه بغضب : عجبك فيها ايه مش عارفه يا أخى طلقها وخلصنا منها بقا
مالك بضيق : إيمان دي الوحيده ال بحبها ويستحيل ابعد عنها حتى لو هي ال طلبت
كريمه بسخريه : انا قولت البت دي عملالك س"حر وهو واضح واقع عليها اووى
مالك : عايز افهم بتكرهيها ليه
كريمه بتوتر : انا حره هو انا هحبها بالعافيه
مالك بشك : لاء أكيد في حاجه حصلت
كريمه : يووووه هو تحقيق انا قولت ال عندي المره ال فاتت يا تتجوز بنت عمتك ياتعتبرنى مو'ت
سابته ودخلت
مالك بعصبيه : اتصرف ازاى فى الورطه دي انا كده كل حاجه باظت قدامى انا يستحيل ابعد عن إيمان
🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
فى مكان أخر
مروه : يابنتي بطلى فقر مرات خالك كلمتني واتفقت معايا على كتب كتابك انتي ومالك
نادين بتأفف : وانا مش موافقه هو أنا لعبه تحركوها زي مانتوا عايزين
مروه بضيق : يابنتي افهميني انا عايزه مصلحتك مالك هيسعدك
نادين بعصبيه : وبالنسبه لمراته محدش عامل ليها اي حساب
مروه : لاء ياختي من الناحيه دي متخافيش مرات خالك قالت إن هو مش سعيد معاها وهيطلقها
نادين بصدمه : انتوا خرا"ب البيت بالنسبه ليكم سهل كده
مروه قامت بغضب : كلمتي ال هتتنفذ يانادين انتي فاهمه انتي ومالك هتتجوزوا
نادين بصتلها بحزن ودخلت أوضتها وفتحت تلفونها وجاتلها فكره وقررت تنفذها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
إيمان كانت فى شقتها وبتفكر ازاى هتن"تقم منهم كلهم وبتخطط قاطعها صوت تلفونها وكان رقم غريب ردت بتردد
إيمان بتردد : سلام عليكم مين
نادين : وعليكم السلام ورحمة الله وبركاته إيمان معايا
إيمان بقلق : أيوه انتي مين
نادين : انا نادين بنت عمت مالك كنت عايزه اقابلك ضرورى
إيمان قالت بحزن : ليه
نادين : بتمني تقابليني كمان ساعه فى ......* عشان مصلحتك سلام
قفلت معاها
إيمان بتنهيده : أكيد ك"سرة قلب جديده
قامت لبست وخرجت راحت على العنوان
البارت الرابع
إيمان كانت فى أوضتها بتفتكر مقابلتها مع نادين والكلام ال بينهم
فلاش باك
نادين بهدوء : انا متشكره ليكي جدا انك قبلتى انك تقابليني
إيمان بتنهيده : مفيش شكر بس ممكن تقوليلي ايه الموضوع
نادين : تعرفى أن مرات خالي عايزه تجوزني مالك وماما موافقه
إيمان بسخريه : ايه ده انتي كمان
نادين بعدم فهم : انا كمان ايه
إيمان : اصل لو انتي وافقتي هتكوني التالته وشويه شويه هنكون أربعه عادي
نادين بصدمه : هو متجوز غيرك
إيمان بحزن : أقرب حد ليا
نادين : بصي انا عارفه انتي شيفاني ايه دلوقتي اكيد جه فى بالك أن خطافة رجاله بس صدقيني انا مش كده انا مغصوبه زي زيك بالظبط واستحالة اكون سبب فى خرا"ب بيت أي حد
إيمان باستغراب : ممكن توضحي أكتر
نادين بتنهيده : انا بحب شخص معايا فى الكليه وهو كمان بيحبنى جدا واتقدم ليا بس ماما رفضته بسبب مالك وانا مستحيل ابعد عنه ودلوقتي انا جيباكي هنا عشان اساعدك تاخدي حقك منهم وكمان انتي تساعديني ان الجوازه دي متمش واتجوز أحمد
إيمان : طب ازاى انا لسه بفكر فى حاجه ليهم
نادين : عندي ليكي الفكره موافقه
إيمان بابتسامه : طبعا
نادين : بصى ياستى
باك
رجعت إيمان من شرودها وقامت تتوضى عشان تأدى فرضها وتناجي ربها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
مروه : نادين دماغها ناشفه بس متخافيش انا هغصبها على الجوازه دي
كريمه : ايوه ياريت عايزه أقهر البت إيمان دي بدرى بدرى
مروه : بس هي صحيح مبتخلفش
كريمه بخبث : أقولك على سر
مروه : اي هو
كريمه : انا ال كنت بحطلها موانع حمل عشان متحملش ودلوقتي بقا صعب تخلف تاني من كتر الموانع انا كنت بحطلها اتنين كل يوم
مروه : يامصيبتي ومخفتيش مالك يعرف
كريمه : مكانش حد هيعرف انتي بس ال عرفتى واكيد محدش يعرف ابدا الموضوع ده
مروه : لاء ياختي متخافيش محدش هيعرف
كريمه بخبث : حبيبتى
نادين كانت بتسمع كلامهم واتصدمت وقالت : يلهووى يعني هي ال عملت فى إيمان ده كله انا يستحيل اسكت أبدا
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
مالك بغضب : ممكن اعرف الهانم مبتردش على التلفون ليه طول النهار
إيمان ببرود : كنت عايز حاجه
مالك مسك أيدها وقال بعصبيه : مالك بقيتي بالبرود ده ليه مكنتيش كده
إيمان زقت أيده وقالت على نفس البرود : وهو انت قدمت ليا ايه حلو عشان اتلهف عليك أن اكلمك حتي مش المفروض هنطلق برضوا
مالك بغضب : ال فى دماااغك ده مش هيحصل ابدا انا مستحيل اسيبك يا إيمان فااااهمه
إيمان بعصبيه : وده انت قررته لوحدك يعني ولا ايه مش فاهمه انت هتفضل اناني لحد امتي كده حرام عليك بقا وبعدين سيبنى اربى ابنى فى أمان بعيد عنك
مالك بصدمه : ا ابنك !!!!! ازاى
إيمان ببرود وانتصار : ايه ده هو أنا مقولتلكش أن حامل ولا ايه
مالك بصدمه أكبر : حامل !!!
البارت الخامس
إيمان ببرود وانتصار : ايه ده هو أنا مقولتلكش أن حامل ولا ايه
مالك بصدمه أكبر : حامل !!!!
إيمان قعدت على الكنبه وقالت : أيوه حامل
مالك قرب منها وقال بتوتر : إ إيمان متهزريش فى الموضوع ده
إيمان : هو أنا ههزر معاك ليه يعني مش فاهمه
مالك بفرحه : أخيرا هكون أب انا مش مصدق نفسي
إيمان بسخريه : ومين قالك انك هتشوفه أصلا
مالك بصدمه : قصدك ايه
إيمان ببرود : انا هسافر بعد لما اطلق منك وهعيش انا وابنى بعيد عنك
مالك بخوف : ل لاء لاء يا إيمان انتي اكيد مش هتعملى كده إيمان انتي عارفه أن بحبك وانا مستعد أطلق ال اتجوزتها والله دلوقتي
إيمان بحزن : قصدك نيره
مالك بصدمه : انتي عرفتى !!!!
إيمان بجمود : أيوه عرفت وعرفت كمان انك انت ال روحتلها وطلبت منها الجواز عادي بقا كده كده انت مبقتش فارق معايا عن أذنك هدخل انام
مالك مسك أيدها وقال بندم واضح : أسف
إيمان قالت : اعمل حسابك لو مطلقتنيش بكره هيكون بينا محاكم يازوجى العزيز
سابته ودخلت الأوضه وهو اتجنن من كلامها وخرج يجرى وراح على شقة نيره
مالك بغضب : نيييرررره
نيره جت وهي مخضوضه وقالت : ايه يامالك بتزعق ليه
مالك مسك أيدها بغضب وقال : انتي ال قولتى ل إيمان على جوازنا
نيره بخوف : ل لاء بس
مالك بعصبيه : بس ايه أنطقى
نيره بخوف : سمعتني انا وماما واحنا بنتكلم
مالك زقها بغضب وقال : كنت غبى لما سمعت كلامكم كلكم غبى
نيره بدموع : هو فى ايه
مالك بضيق : نيره انتي عارفه من الاول أن مكنتش بحبك وعارفه أن متجوزك ليه صح
نيره : ا ايوه
مالك : تمام انتي طالق يانيره طالق
نيره بصدمه : ط طب أنا عملت ايه فهمني
مالك : ال احنا عملناه كان غلط من الاول لو كانت إيمان هتسامحني فى الأول على اني اتجوزت مش هتسامحني عشان اتجوزتك انتي أرملة أخوها لاء وكمان صاحبتها انا بجد بقيت اقر*ف مننا اووى
سابها ومشي وهي انهارت فى الأرض
تاني يوم
إيمان : الحمد لله انها دخلت عليه انا كنت خايفه لايكتشف
نادين : لاء متخافيش كده جزء من خطتنا نجح وعلى فكره انا سمعت ماما بتكلم مرات خالي الصبح وقالت ليها ان مالك طلق نيره مراته عرفت انها التانيه
إيمان ضحكت بسخرية : كل واحد بياخد جناته
نادين : ركزى معايا بقا فى ال المفروض يحصل بكره
إيمان : قولى سمعاكى
بعد يومين
كريمه : يابنى بقالك يومين مبتخرجش مالك بس فى ايه
مالك بعيون حمره من الحزن قال : إيمان حامل يا أمي
كريمه بصدمه : حامل ازاى !!!!
مالك بندم : مش لو كنت صبرت عليها شويه كان زمان مفيش كل المشاكل دي
كريمه بعصبيه : دي اكيد كدابه حامل ازاى مستحيل
مالك بصدمه : مستحيل ليه ٱيمان ممكن تخلف عادي مفيش مشاكل كان مجرد وقت بس
كريمه بتوتر : ل لازم تتأكد بنفسك مش يمكن بتقول كده عشان تربطك بيها وخلاص
مالك بشك : انتي بتقولى الكلام ده ليه يا أمى
كريمه بتوتر : لاء بس
قاطع كلامهم صوت الباب خرجت كريمه تفتح
المحضر : ده بيت الاستاذ مالك الصاوى
كريمه بقلق : أيوه يا أخويا هو
المحضر : مراته السيده إيمان كامل رافعه عليه قضية خل"ع وهو مطلوب فى المحكمه يوم الخميس
كريمه بصدمه : يلهووووى
مالك خرج وسمع الكلام واتصدم
البارت السادس
المحضر : السيده إيمان كامل رافعه قضية خلع وهو مطلوب فى المحكمه يوم الخميس
كريمه بصدمه : يلهوووى
مالك خرج وسمع الكلام واتصدم
المحضر أعطاهم الورقه ومشي
كريمه بندب : يلهووى يلهوووىى شوفت قليلة الأصل مش قولتلك
مالك بعصبيه : ايه كنتى عايزاها تعمل ايه بعد كل ال عملناه فيها
كريمه : دى عيله قليلة الربا"يه و
قاطعها مالك بغضب : حرام عليكي بقا عايزه ايه تاني بعد لما بيتى اتخر"ب
كريمه بحزن مصطنع : بتزعقلى يابنى
مالك بصلها بضيق وخرج من المكان بأكمله
والدة نيره : جدعه ياختي اهو طلقك وخليكي بقا قاعده كده جمبى
نيره بدموع : ايه عايزانى اروح اترجاه يرجعني تاني عشان تخلصي منه
والدة نيره : ومتعمليش كده ليه مش جوزك
نيره بصدمه : انتي بجد كرامتي ملهاش لازمه عندك خالص كده
والدتها : هي فى كرامه بين الراجل والست
نيره بانهيار وعدم وعى : اقولك على حاجه انا حامل بس مش من مالك
والدتها بصدمه : انتى بتقولى ايه !!!!
نيره بدموع : ايه اتصدمتى صح وفيها ايه يعني
والدتها ضر"بتها بالقلم وقالت : اخررر"سى
نيره قامت من مكانها ومسكت السكي"نه وقالت : انا هخلصك مني خالص
وفجأة غمضت عيونها وقط"عت أيدها
نادين بحزن : صدقنى يا أحمد ده كل ال حصل
أحمد بهدوء : يعني أخرة ده كله ايه
نادين : أن مالك يشيل الموضوع من دماغه وانا اشوف حالة بعيد عن مشاكلهم
أحمد : ايه ال خلاكى تساعده مراته
نادين بحزن : الست مننا محتاجه ال يساعدها وإيمان كانت تستاهل كده لأنها طيبه أووى
أحمد بحب : بحبك
نادين اتكسفت وقالت : انا انا همشي بقا عشان اتأخرت سلام
أحمد ضحك عليها وهى خرجت من المكان
مالك بحزن : ليه عملتي كده
إيمان ببرود : عملت ايه
مالك : تدخلى المحاكم بينا يا إيمان عمرى ماكنت اتوقع منك كده
إيمان بصوت عالى : وانا عمرى ماكنت اتوقع خيا"نتك ليا عمرى ماكنت اتوقع انك تتخلى عنى بكل السهولة دى بس أنا طلبت منك الطلاب باحترام وانت منفذتش يبقا انت ال هتندم
مالك قرب منها ومسك أيدها وقال بحزن : مكنتيش كده ايه خلاكى بالقسوه دى
إيمان بسخريه : البركه فيك
مالك برجاء : اديني فرصه نرجع لبعض ونعيش عشان ابننا وانا هكون ليكي لوحدك صدقيني يا إيمان
إيمان بسخريه : لاء ياراجل كتر خيرك والله بس كنت عايزه أوضحلك حاجه صغيره كده انا مش حامل أصلا
مالك بصدمه : اييييه !!!!!
إيمان بضحك : صدمتك مش كده ها لسه مصمم اننا نرجع لبعض
مالك سكت لمده وكأنه بيفكر
إيمان بجمود : سكت ليه بقولك لسه مصمم اننا نرجع لبعض
مالك بتردد :.................
البارت السابع
إيمان بضحك : طب ايه رأيك أنا مش حامل أصلا
مالك بصدمه : اييييه !!!
إيمان : صدمتك مش كده ها بقا لسه مصمم اننا نرجع لبعض
مالك سكت لمده وكأنه بيفكر
إيمان بسخريه : ايه سكت ليه لسه مصمم اننا نرجع لبعض
مالك بتردد : كدبتى عليا ليه
إيمان بجمود : والله سؤلى واضح لما عرفت أن مش حامل عايزنا نرجع
مالك تتنهد وقال : عايزه توصلى لإيه يا إيمان بالظبط
إيمان ببرود : ولا حاجه كنت عايزاك تواجهه نفسك يامالك انت الأول اتجوزت عليا وكانت مين مرات أخويا الله يرحمه لاء وكمان مكنتش عايز تطلقني ده مكانش حب لاء ده تعود بس مش أكتر اتعودت على وجودى فى حياتك اتعودت انك تلاقى ال يقولك حاضر ونعم بدون جدال ولما عرفت أن حامل اتمسكت بيا أكتر ودلوقتي برضوا لما عرفت أن مش حامل أترددت اقولك على حاجه انت مش عارف انت عايز ايه دايما مهزوز فى كل قراراتك انت معندكش مبدأ
مالك بصلها بصدمه وقال : انا معنديش مبدأ يا إيمان
إيمان بدموع سمحت أنها تنزل قالت : ايوه يامالك معندكش مبدأ انت دمر"تنى ودمر"ت كل شئ حلو فى حياتى وك"سرتنى لاء وكمان والدتك مسابتنيش فى حالى ودمر"ت حياتى أكتر
مالك بعدم فهم : قصدك ايه
إيمان بصوت عالى : الست الوالده كانت بتحطلى موانع الحمل عشان تصعب عليا الحمل أكتر ومقدرش أخلف عشان بتكر"هنى
مالك بصدمه : انتى كدا"به أمى متعملش كده
إيمان بحسره : للأسف عملت روح أسألها واجهها هي كمان انا من وقت دخولى العيله دى وانا متد"مره من كل شئ اطلع بررره يامالك كمان مش مصدقنى فى دى
مالك : إيمان اسمعى انا
إيمان بعصبيه : اطلع برررره واعمل حسابك انا مش هتنازل على القضية لو انت منفذتش طلبى ده لو عايز الأمور تمشي بدون فضا"يح
مالك بصلها واتأكد أن فعلا خسر حبها ليه
خرج من البيت وهي قعدت على الأرض واعلنت انهيارها لأول مره
مالك بزعيق : انتى يا أمى تعملى كده تحطى موانع الحمل عشان إيمان متخلفش منى
كريمه بتوتر : انا يابنى انت تصدق عليا كده
مالك : انا عرفت كل حاجه صارحيني بقا انا سألتك مره ليه بتكر"هيها كده مجاوبتنيش
كريمه بحقد : عشان دي بنت أكتر واحده بكر"هها فى حياتى وكان لازم ادمر حياتها كلها بنت ضرتى ال خدت منى أبوك وق"هرت قلبى عرفت بقا ليه بكر"هها
مالك بانفعال : وإيمان مالها ده كان ماضى وانتهى ليه تعاقبيها بذنب مش ذنبها
كريمه بعصبيه : عشان بنتها كان لازم اعيشها نفس احساس ال امها خليتني أحسه يوم لما أخدت أبوك مني
مالك بحزن : خر"بتى بيتى ودمر"تى حياتى وكل مشكلتى أن كنت بسمع كلامك وبس ماشي ورا كلامك لحد دلوقتي اتد"مرت من كل ناحيه الله يسامحك
كان لسه هيمشي وقفه صوت أمه
كريمه بلهفه : مالك هتسيبنى
مالك بسخريه : اعتبرى ابنك ما"ت
سابها ومشي وفجاه سمع صوت وقعه على الأرض دخل يجرى بسرعه وشاف أمه واقعه على الأرض وجالها الأزمه
مالك بخوف : ماما مالك فيكي ايه
كريمه مكانتش بترد مالك اتصل بالأسعاف وراحوا المستشفى
بعد مرور سنه
نادين وقفت جمب إيمان لحد لما اتطلقت من مالك وهو أعطاها كل حقوقها وكمان والدته جالها شل"ل كلى وكمان فقدت النطق بسبب جل"طه شديده
نادين اتجوزت ال بتحبه بعد لما أقنعت أمها بصعوبه على جوازهم وإيمان باعت الشقه ال كانت فيها هي ومالك واشترت شقه تانيه عشان ميبقاش ليها ذكريات معاه وكمان اشتغلت فى شركه كبيره والمدير كان شاب وسيم بس مطلق مراته من فتره ومش معاه أطفال أعجب بيها بس هي كانت دايما بتصده لحد لما اتقدم ليها رسمى وهي وافقت قررت متوقفش حياتها على حد وتعيش حياتها صح ولو لمره بس
أما نيره الجنين نزل وكمان كان الحمل ضعيف جدا وده سبب بد"مور فى الرحم واستق"صرته امها كانت مقهوره على ال حصل لبنتها وكمان عينها اتكسرت لما عرفت أن بنتها كانت حامل من الحرام وهي متجوزه مالك حاولوا كتير مع إيمان عشان تسامحهم ومع الوقت عرفتهم أن نسيت خالص كل ال عملوه فيها
إيمان : لوكه تعالى هنا متروحيش بعيد
ملاك بطوله : بلعب هنا يامامى
إيمان بحب : ماشى ياقلبى
: إيماااان !!!!
إيمان بابتسامه : مالك ازيك أخبارك ايه
مالك بحزن : تعبت أووى من بعدك
إيمان بتنهيده : الحياه مش بتقف على حد شوف حياتك يامالك انت لسه صغير
مالك : كل حاجه حواليا راحت أمى مبقتش تمشي ولا تتكلم وده ذنبك يا إيمان وذنب ال عملته فيكى أرجوكى سامحيها
إيمان : مسمحاكم لأن فعلا عوض ربنا كبير عوضنى عن كل ال شوفته حتى مبقتش أفكر فى الماضى
قاطع كلامهم صوت ملاك : مامى
مالك بحزن : بنتك ؟؟
إيمان وهي تحمل ابنتها قالت بابتسامه : أيوه لوكه كل حياتى
ملاك ببراءه : مامى مين عمو ده وفين بابى أتأخر أووى عايزه اروح انام
إيمان لسه هترد قاطعهم صوت
: انا جيت
ملاك جريت عليه وقالت : بابى
أحمد شالها وحضنها بحب وقال : قلب بابى
إيمان بابتسامه : أعرفك يا أحمد بشمهندس مالك مشترك معانا هنا فى النادى ومعرفه قديمه
أحمد سلم عليه وقال : اهلا وسهلا
مالك بابتسامه مزيفه : أهلا بيك عن أذنكم بقا فرصه سعيده يامدام إيمان
سابهم ومشي وهو حزين على تلك الجوهره ال ضيعها
أحمد : لسه بتحبيه
إيمان بابتسامه : من وقت لما قابلتك معرفتش الحب غير معاك بس صدقنى كانت صدفه لما قابلته و
أحمد ضمها بحنان وقال : مش محتاج اي مبرر انا واثق فيكي كويس جدا وفرحان أن قلبك مبيدقش غير ليا انا وبس
إيمان حضنته أكتر وقالت : بحبك
أحمد بحب : بعشقك كنتى عوض ربنا ليا من الدنيا انتى ولوكه ربنا يحفظكم ليا يارب
إيمان : يارب
أحمد بغمزه : ماتيجي نجيب أخ صغير كده لملاك
إيمان بكسوف : أحمد
أحمد بحب : عيونه
قرب منها وفجاه سمع صوت بنته
ملاك بطفوله : بتعملوا ايه
أحمد بضحك : هادمة الملذات ومفرقة الجامعات تعالى
إيمان بضحك : دي لوكه عسل
أحمد ضمهم بحب
تمت بحمد الله
مالك مكانش ينفع ياخد فرصه مع إيمان يمكن يكون ليه فرصه مع حد تانى لكن هو وإيمان حكايتهم انتهت من وقت لما اتجوز أقرب واحده ليها هو ممكن فعلا يكون ندمان لكن أحيانا الندم بيجى فى وقت غلط وقت بيكون كل حاجه راحت إيمان كانت تستاهل ربنا يعوضها بعد ال شافته وكل واحد أخد جزاته صح (الله يمهل ولا يهمل) يارب تكون نهايه عجبتكم❤️متنسوش ذكر الله يابناويت🥺❤️
حبك عذاب
بقلمى هاجرالعفيفى
دمتم في حفظ الرحمن 💙
تعليقات
إرسال تعليق