علاقات مشبوهه الفصل الثاني بقلم عادل الصعيدي حصريه وجديده على مدونة النجم المتوهج للروايات والمعلومات
 |
فجأه بابا نادي عليا بصوت عالي . بسرعه اخدت زواجه جوه الكشك ورجعت زراير العب،ايه تاني
طلعت بره اشوف بابا عايز اي ملقتوش
حاجه غريبه . ابويا راح فين . وقفت شويه بره قدام الكشك وعماله ابص يمين وشمال مفيش ابويا فص ملح وداب
شويه ولقيت صوت طالع من ورايا .
= منار يا بنتي ابوكي ركب العربيه السوده الا كانت واقفه قبل شويه .
بصيت ورايا وكان عم ابراهيم بتاع الفول هو اللي بيتكلم
_ معقول ابويا ركب مع الباشا ؟
هو صاحبه لدرجه دي معقوله
رتبت الجرايد والمجالات من بره
ودخلت الكشك وقعدت مستنيه ابويا عشان اروح البيت ..
وفضلت ع الحال دي مستنيه لحد ما الضهر اذن
وعلي الساعه واحده لقيت ولد من جيرانا جاي عندي الكشك وبيقولي ...
_ منار ابوكي بيقولك اقفلي الكشك وهو في البيت مستنيكي.
بصتله ورديت .
_ طيب خلاص ماشي. روح انت
رد عليا بصوته الطفولي .
_ لا انا هساعدك وكمان هتروحي معايا
بصتله بضحكه ورديت ..
_ هههههههه طيب ماشي يلا نقفل بقي ..
قفلنا مع بعض ومشيت علي البيت ولما وصلت الحاره
لقيت زحمه وناس كتير بشارع والأطفال راكبين فوق العربيه بتاعت الباشا
معقوله الباشا عندنا بالبيت ولما قربت علي البيت لقيته خارج من بيتنا ومعاه ابويا وركب عربيته ومشي ...
دخلت بسرعه بيتنا وماما اول ما شفتني شدتني لحضنها وقالت
_ الف مبرووك يا حبيبتي اخير هشوفك في بيت عريسك
بعدت عنها وبصتلها باستغراب
_ بيت ايه ؟ وعريس مين يا ماما ؟
بصتلي ماما وردت عليا
_ الباشا حبيبتي . خلاص ابوكي اتفق هو والباشا والفرح كمان يومين
وقفت ساكته لحظات والفرحه جوايا بدأت ترفرف معقول الحلم اللي حلمته يبقي حقيقا بجد هموت من الفرح
ياااا هنتصر علي الفقر اخيراا
بصيت لماما وقلت ..
_ انتي بتتكلمي جد يا ماما
امي بفرحه ردت ..
_ ايوه يا حبيبتي بجد وابوكي يرجع دلوقتى ويقولك .
واحنا بنتكلم انا وماما وصوت من ورايا قال ؛؛
وابوكي رجع عايزه تقولي ايه بقي ،
بصيت ورايا لقيت بابا
_ مش هقول حاجه بس معرفش عنه أي تفاصيل يا بابا
بصلي وقال :
التفاصيل اللي عايزك تعرفيها
انك هتغيري حياتنا وحيات اخواتك مليون درجه حطي دول قدام عيونك بس
عشان لو فكرتي تزعلي الباشا افتكري الفقر والذل الا احنا عايشين فيه سمعتي .
بصيت لبابا بكسره وحزن :
_ حاضر يا بابا اللي تشوفه . ومش هسال ومش عايزه اعرف عنه حاجه ولا تفاصيل كفايه اكون سبب لسعادتكم
طبطب علي كتفي وقال ؛
وكمان للاسف يا بنتي الباشا رافض يعمل فرح
رديت عليه .
_ مش مهم يا بابا هيا جات علي الفرح المهم اجوز وخلاص
رد وقال ..
خلاص جهزي نفسك هما يومين وتروحي شقتك الجديده مع الباشا. انا اتفقت معاه علي كل حاجه وبعد يومين هنكتب الكتاب وهياخدك ويمشي..
****
وعدي اليومين وعلي الساعه عشره الصبح كان الباشا في بيتنا ومعانا الماذون وكتب الكتاب وسلمت علي اخواتي وابويا وامي.
وخدني الباشا وركبت معاه العربيه ومشينا.
بعد ما طلعت مع الباشا مشينا وقت زي ساعه او اكتر
وصلنا الشقه وكانت بمكان جميل وهادي انا اول مره اشوف الإماكن دي في مصر
الشقه واسعه اووي وكبيره ومفروشه علي اعلي مستوي وكل حاجه فخمه عمري ما كنت أحلم بيها ..
دخلنا مع بعض الشقه وبصلي وقال ..
ادخلي يا عروسه اوضتك غيري وانا هجيلك..
دخلت اوضة النوم وانا هموت من الفرحه ومبسوطه اووي
قلع،ت هدومي وفتحت الدولاب وكان مليان هدوم
لبست قمي،ص نوم لونه موف وقصي،ر وقعدت علي الس،رير
منتظره الباشا اللي هو زوجي
وفضلت منتظره وقت طويل ومجاش بعدها قررت
اطلع بره الاوضه اشوف اي حكايته
ولما طلعت بره الاوضه لقيت
اعملوا متابعه لصفحتي للرويات الكامله
