رواية حورية_في_عالم_الوحوش الفصل الخامس بقلم يوستينا سامي حصريه وجديده علي مدونة النجم المتوهج للروايات والمعلومات
 |
(5)
في المستشفي عند حور
حور بتعب بدأت تفوق و تفتح عينيها بس لقت اسد قاعد قصادها بيبص عليها
حور بخصة /ايه ده انت صاحي .. وبعدين قاعد كدة ليه .
اسد ببرود / قولت كفاية ق*لم واحد بس النهاردة وبعدين مستني حضرتك تفوقي .. المهم انا كلمت الدكتور وقالي أننا ممكن نمشي النهاردة و انا مش بحب قاعدة المستشفيات دي الصراحة علشان كدة هنمشي
و لسه اسد جاي يقوم من علي الكرسي
حور مسكت أيده بحب / انا اعتذرتك كتير اوي بس انت لسه واخد علي خاطرك مش كدة يا اسدي.
اسد بهدووء / خلاص يا جميلة حصل خير .بس ممكن يلا بقي ..انا جبتلك هدوم علشان تغيري هدومك دي و نلحق نوصل البيت .. اه صحيح بلاش اسدي دي احسن ملزقة اوي
حور بحب / طيب ممكن اطلب منك طلب واحد
اسد بزهق / اه ممكن تطلبي ..بس بسرعة علشان أنا بدأت ازهق ..ممكن
حور/افففف طيب 😔
بقولك ممكن تساعدني اغير هدومي علشان انا تعبانة .
اسد بتوتر / اساعدك ..اساعدك ازاي يعني ..لا طبعا يا ماما
أنا مش شغال عندك يعني . وبعدين انتي مش تعبانة اوي للدرجة دي
حور بستغراب واتصدمت من رده / في اي يا اسد مالك قافش عليا ليه كدة .. مكنشي ق*لم يعني .
اسد قرب منها / لا يا ماما ده مش مجرد ق*لم عادي وعموما تعالي اساعدك يلاااا
وفعلا حور كانت هتخليه يساعدها بس بدأت تحس
انها مكسوفة منه و رفضت تق*لع هدومها ..
اسد بخبث / اي وقفتي ليه ..ما تخليني اساعدك
حور بكسوف وهي موطية رأسها / .اسد ممكن تطلع برا ..بصراحة أنا مكسوفة اوي منك مش عارفة ليه ..هو
انت مش المفروض جوزي برضو
اسد بقلق / اه طبعا جوزك ..بس
حور بستغراب / بس اي .. أنا حاسة اني محروجة و كاني اول مرة ابقي معاك
اسد حس بندم لانه كان هيستغل حالتها و يساعدها تغير هدومها و هو مش جوزها
اسد بخنقة / انا هستناكي برا يا جميلة بس حاولي متتاخريش ..ماشي
وفعلا خرج اسد برا الاوضة وكان بيكلم نفسه
اسد بتانيب / في ايه ما تجمد كدة يا عم اسد ..انت هتخيب ولا ايه ..ركز كدة هي مش مراتك و بعدين انت متعرفشي اي حاجة عنها اصلا ..اففففف اي اللي انا ورطت نفسي فيه ده
والممرضة جات جمبه بستغراب / هو حضرتك بتكلم نفسك
يا فندم ولا اي
اسد بعصبية / اه يا ستي بكلم نفسي عندك مانع ولا اي ... وبعدين انت مالك ومالي انا مجنو*ن ابن مجا*نين ..غوري بقي من قدامي بدل ما اعملها معاكي دلوقتي
الممرضة/ طيب حاضر ..انا بس كنت بقول لحضرتك أن باقي فلوس المستشفي المفروض تدفع قبل ما الدكتور يمضي للمدام علي خروج
اسد بعصبية / اففففف حاضر انت والدكتور الزفت ده ..نازل ادفع الفلوس ..اخفي بقي من وشي
وفعلا اسد نزل دفع مصاريف المستشفي و الدكتور كتبلها علي خروج ..واخدها ونزلوا العربية
______________________________________________
في الفيلا
في اوضة حسن
حسن / مراد بقولك ايه .أنت لازم تساعدني أوصله قبل
ما يتهور .لان لا جدك و لا جدتك هيستحملوا أنهم يسمعوا عن موت حفيدهم اسد العقاد
مراد / بصراحة يا حسن مقدرشي اوعدك بس انا في حاجة في دماغي لو عرفت أنفذها.. يبقي تقريبا قول عليه يا رحمن يا رحيم .
وفجاه الباب خبط ..
حسن / ادخل ..
دادة نعمة / صباح الخير .. عزيز باشا مستنيكوا تحت علشان الفطار
حسن / حاضر ماشي ..احنا هنيجي وراكي ، يلا يا عم مراد احسن أنا جعان اوي
مراد / لا يا عم روح انت افطر ..أنا ورايا شغل المفروض اخلصه
وفعلا حسن نزل علشان يفطر
____________________________________________
في العربية
اسد بيفكر يوديها فين واي رد فعل جده لما يعرف حقيقتها بس قطع تفكيرة لما لقه حور مسكت أيده وبتبتسم
اسد بحدة / مالك يا اختي مبسوطة اوي كدة ليه .
حور / هو انت علطول متعصب كدة .هو انا حبيتك ازاي .
اسد بعصبية / أيوة انا علطووول متعصب ..ملكيش دعوة بيا ..واخرسي خالص .
وفعلا اخدها و اتجه للفيلا و ساب اللي يحصل ..يحصل
______________________________________________
في الفيلا ..
علي السفرة ..
حسن قاعد ونور قاعدة قدامه وبتبصله بغيظ
عزيز ( جد اسد و حسن و نور) : في اي يا حسن قاعد ساكت كدة ليه .هو اسد مكلمكشي النهاردة ولا ايه .
عليا مراة عزيز وجدة اسد بفرحة / اي ده هو اسد قال إنه راجع يا عزيز احسن ده اتاخر اوي في السفرية الأخيرة دي ..
حسن بزعل / أيوة المفروض يجي امبارح ..بس مش عارف اتاخر ليه كدة .
وفجاه الباب خبط
حسن شاف اسد جري عليه واخده بالحضن .
حسن بفرحة مصطنعة / اي يا ابني. قلقتني عليك كل ده تأخير .....مين دي يا اسد
اسد بصوت واطي لحسن / مش وقتوا
عزيز / نورت بيتك يا حبيبي .. تعالي ده انت واحشني اوي
وفعلا اسد راح سلم علي جده وجدته ..
نور بغيره / حمدالله علي السلامة يا اسد ..بس مين دي اللي جايبها معاك
حور بستغراب / انا ... انا جميلة مراته
نور بصدمة / ايييييه مراتك ..
استووب يا ترا ايه هيكون رد اسد عليهم ..وهل فعلا هيتعرف لجده بالحقيقة ولا هيداري عليهم
تعليقات
إرسال تعليق