رواية نبض عاشق الفصل الثالث عشر بقلم أم مروان حصريه وجديده على مدونة النجم المتوهج للروايات والمعلومات
 |
كانت قاعده حياة بتقلب في الفون لقت خبر ان ظابط الشرطه مروان الرعد هو اللي ساهم في القبض علي بسمه وابوها وقفت كدا من الخضه وقالت لنفسها..معقول يكون مظلوم فعلا........وخرجت لنورهان........
حياة..طنط نورهان....هو مروان فين.....
نورهان بحزن..مروان....مروان بقالي يومين مش عارفه مكانو...ولا بيرد عليا بعتلي بس رساله قالي فيها انو كويس ...ودموعها نزلت..وحشني اوي
سكتت كدا حياة وحضنتها..طب تفتكري هو فين......
نورهان..مش عارفه يبنتي....بس هو مكانش عاوز يطلقك.....مروان بيحبك والله...انتي مشوفتيش الأخبار.....
حياة..شوفت....عشان كدا بسأل عليه......طب خلاص...انا هحاول اوصلو.....
كان مروان قاعد عند صاحبو طارق وطارق قاعد لوحده في البيت....
طارق..للدرجه دي واحشاك..
مروان..واكتر من كدا كمان......يبني انا حبيتها اوي....
طارق..بقا مروان بجلاله قدرو...بيحب
مروان..تخيل انت بقا....واحد زي كلم طوب الأرض.......وعملت علاقات كتير اوي...وكنت انسان زبااا.له.....وكانو بنات زي القمر يعني..معجبنيش منهم غير حياة....حياة دي حرفيا خطفتني..انا لو اتكلمت عليها من هنا للسنه الجايه مش هيكفي.....
طارق...يااااااه....الله عليكي يحياة علمتيه الادب...
مروان..هي علمتهولي بطريقه.......اسكت بقا متفكرنيش بيها بتوحشني اوي.....
طارق..طب متروحلها يبني.....
مروان بخيبة امل..لا.....قالتلي انا بكرهك....الكلمه وجعتني اوي يطارق ولا نظرتها ليا لما شافتني مع بسمه...حرفيا مش هقدر انسي...
دخلت حياة الاوضه وفضلت تفكر كتير...بس بردو في نفس الوقت هي زعلانه منو انو خبا عليها ومش هتقدر ترجع تعاملوا زي الاول بسرعه كدا..
راحت لجدها.....وكان هو بيقرأ قرآن........
حياة..جدي....ممكن اتكلم معاك شويه....
الجد..صدق الله العظيم......اتفضلي يبنتي......
حياة فتحت الخبر ووريتو لجدها.. شوفت دا.......بص الجد بفخر لحفيده وسكت كدا شويه....
الجد..عاوزه تسامحيه......
حياة سكتت خالص وبصت في الأرض.. مش بالسرعه دي يجدي....بصراحه مش هقدر اعاملو زي ما كنت...لسه شايله منو...وبعدين انا روحت قفشتو في الشقه بتاعتها...بردو حتي لو كان في مهمه ..ميدلوش الحق انو يعمل معاها علاقه زي دي وكمان هو كان عامل علاقات كتير قبل كدا...مش هقدر يجدي بصراحه.....مش هقدر
الجد..براحتك يبنتي انا كل اللي يهمني راحتك...بس بردو اانا شايف انك تديلو فرصه تانيه...انتي بتحبيه..صح
سكتت حياة وهزت راسها ..اه يجدي....بحبو اوي......
اخدها الجد في حضنه..بصي يبنتي...انا شايف انو اتغير يبنتي دا كان هيموت بس عشان يشوفك ويدخلك..هو اه غلط...بس بردو اديلو فرصه
حياة فكرت شويه..طيب يجدي...بس زي ما قلتلك..محتاجه شويه وقت عشان ارجع اعاملو زي الاول...
الجد..خدي وقتك...الهم...كلنا بنرن عليه مش بيرد..بس انا واثق لو رنيتي انتي هيرد.......ابتسمت حياة وطلعت الفون و نت عليه....
كان قاعد مروان ومرجع راسه لورا عالكرسي ومغمض عينه ولقا فونه بيرن مهتمش اوي لانو عارف انها اكيد امو..بس بص عليه لقاها حياة اتنفض من عالكرسي وقام وقف حط ايده علي راسه بفرحه شديده ورد.....
حياة...عامل اي يمروان.....
مروان..وحشتيني اوي يحياة....عامله اي...
حياة بكسوف..انا كويسه...هو انت فين.....
مروان..انا.....عند واحد صاحبي كدا....
حياة..وهتفضل عندو لحد امتا...تعالي...احنا عاوزينك....
مروان..انتي عاوزاني.....
حياة..احنا عاوزينك......كلنا
مروان..طيب يحياة..كفايه اني هشوفك وهكون جنبك....انا جاي سلام.....وراح جري يحضر شنطه بفرحه....
حياة قفلت الفون بفرحه وسابت جدها ومشيت........
بعد شويه وصل مروان البيت وكانو كلهم قاعدين....
الجد..اولا كدا...كلنا فخورين بيك بالمهمه اللي انت عملتها...بس لازم تقولنا.....
مروان..كان ممكن اكون متراقب ..والمهمه كلها تبوظ......
الجد..ماشي...تاني حاجه انت لسه باقي علي مراتك ولا ...
مروان بص لحياة بحب..انا مقدرش اعيش منغيرها.....بصت حياة الناحيه التانيه وابتسمت لكنها مظهرتلوش.....بعدها بشويه طلعو الاوضه وكانت الساعه تقريبا 11 بالليل.....
مروان قرب عليها..كنتي وحشاني اوي.....
حياة بعدت..خد بالك يمروان...انا مش هقدر اكون معاك زي الاول...انا مبقتش اثق فيك خالص....
مروان انكسرت فرحته..مش فاهم قصدك......
حياة..يعني الكام يوم اللي فاتو انا كنت بتعب بسببك وكنت عايشه حياة وحشه جدا..انت قهرتني يمروان...ونا بصراحه شايفه بردو انك غلطان
كان باصصلها مروان وافتكر كلمه بكرهك وافتكر كمان نظرتها اللي هتفضل في دماغو ومش قادر ينساهوم.....
مروان عينه لمعت بالدموع..طب انا مش عارف اعمل اي عشان تثقي فيا تاني.....
حياة..متعملش حاجه يمروان..هي هتيجي لوحدها...وخد بالك انت خسرت رصيد كبير اوي من غلاوتك عندي...كفايه انك كنت عامل معاها علاقه في الحرام....دي كفايه اوي..اتمني ترجع لربنا وتبطل شرب خم.را...اتمني يمروان تنسي حياتك القديمه
الدمعه نزلت من عين مروان..يعني انتو كلكم شايفيني كدا......
حياة بصتلو في عينه ..اه يمروان....اتمني تصلح من نفسك.......
دخل مروان الحمام اخد دش ودموعه نازله علي حياته اللي قضاها في البعد عن ربنا وخرج لبس واخد المصليه بتاعتو وقضا فرضية واخد البطانية بتاعتو وخرج من الاوضه للبلكونه.....
حياة..رايح فين....
مروان..هنام بره......
حياة..الجو انهارده برد اوي..بلاش......
مروان مردش عليها وخرج......وهي زعلت شويه.....
جهه الصبح ودخلت حياة ليه البلكونه لقيته مكشر وهو نايم كدا وبيترعش خفيف.......
حطت ايديها علي راسه واتخضت اوى..مروان انت سخن اوي..........
صحيت حياة الصبح وبصت عالبلكونه كدا واترددت شويه انها تدخلو لكنها دخلتلو في الاخر ولقيتو نايم كدا ومكشر وشه اوي وجسمه بيترعش خفيف ومغمض عينه....قربت حياة عليه بقلق وحطت ايديها علي راسه......
حياة بقلق شديد..مروان...انت جسمك سخن اوي.....
مروان كان شبه نايم لكن واعي للكلام واتكلم بتعب ونوم..حياة..انا حتي مش قادر اتكلم...
حياة بقلق..لازم تقوم معايا عشان تاخد علاج وتغسل وشك بميه ساقعه..عشان الحرارة تنزل شويه....
قام اتعدل مروان بتعب شديد وحاسس جسمو مكسر..خلاص يحياة..متتعبيش نفسك انتي انا هقوم اعمل كل دا...
بصتلو حياة بحزن ..براحتك يمروان..انا كان نفسي اساعدك.....
قام وقف مروان ومشي خطويتين داخ جدا وكان هيقع جريت عليه حياة سندتو ودراعه حاوط رقبتها بكتفها
حياة..اتسند عليا يمروان وبطل عند......سكت مروان ومشيت بيه لحد الحمام بصعوبه لكنها قدرت وفتحت الميه وبدأت تحطها علي وشو ورقبتة براحه وبهدوء وحاسه ان جسمو سخن اوي وهو مغمض عينو من التعب.....
حياة بقلق عليه..مروان..لازم تروح مستشفي او نجيبلك دكتور
مروان بتعب..لا....انا كويس....هاخد بس العلاج وانام هبقي كويس
حياة..لا....عشان انا مكونش قلقانه...انا قولتلك الجو برد بلاش تنام برا
مردش عليها مروان وسكت......
حياة..طب خد دش كدا يمكن تفك شويه....
مروان..حياة....انا حتي مش قادر اق.لع التيشيرت فبلاش دلوقتي......
حياة سكتت دقيقه و..انا هساعدك ...
مروان بصلها كدا وهي لحقت نفسها بسرعه..عشان بس انت تعبان غير كدا مفيش
مروان حط ايده علي وشه بتعب..اعملي اللي انتي عاوزاه......
حياة شالت ايده من ع وشو بهدوء وهو فضل باصص لها بحب وحاسس انها وحشتو اووي وحطت ايديها لاخر التيشيرت بكسوف شديد وقل.عتهولو وظهرت عضلاته وهو باصص لها اوي...
حياة..مش هقدر اساعدك اكتر من كدا.....كمل انت بقا.....
مروان ابتسم خفيف بتعب..ماشي..اخرجي انتي هاتيلي لبس بقا.....
حياة..حاضر.......وخرجت وطلعتلو لبس فعلا ووقفت أدام الحمام وخلص هو وفتح الباب اخد منها الهدوم ولبس هدومه اللي تحت لكن فوق لا وخرج بينشف شعره.....
حياة..يبني مينفعش كدا....انت واخد برد عاوز تتعب اكتر.....
مروان..قولتلك ميت مره مش بحب البس في الحمام......
حياة راحت عليه زقتو قعد عالسرير وجابت اللبس بتاعو ولبستهولو وهو مستغرب اوي...
مروان..مالك يبت انتي.....
حياة..هكون مالي يعني...خايفه عليك...اي غلط
مروان..ونا مش عاوزك تخافي عليا...هو مش انتي بتكرهيني.....
حياة..مروان..انت تعبان دلوقتي...مش وقتو الكلام دا.....
مروان بزهق..عندك حق ...مش وقتو ..براحتك يحياة...براحتك.....
حياة حطت ايديها علي وشو كله براحه وحطت ايديها علي رقبتو بتمشيها عليها..انا هتصل بالدكتور عشان انت سخن وهجيبلك حاجه تاكلها
وسابتو ومشيت قبل ما تسمع ردو قام هو يقف حس بدوخه جامده وقع عالسرير فاتخض انو حتي مش قادر يسند نفسو ...فنام عالسرير بتعب....
كرما..لا..مهو انا مش هسيبهم كدا...لازم اخد حقي...
تالا..هما عملولك حاجه..دا انتي اللي داخله تخربي عليهم حياتهم.....
كرما..والكلام اللي البت الهبله دي قالتهولي....دا انا لسه حتي متخطبتش تقوم دي تتجوز القمر دا..لا لا..انا لازم ادخل حياتهم تاني....
تالا..وهتعمليها ازاي دي بقا.......
كرما فكرت شويه..اعملها ازاي....أعملها ازاي....انا هقولك هعملها ازاي.........
طلعت حياة ومعاها شوربة خضار ومشروب سخن واتخضت لما لقيتو شبه مغم عليه عالسرير..سابت الصنيه في ثانيه وجريت عليه وفضلت تفوق فيه وتتكلم وصوتها مرعوش اوي عليه وخايفه عليه.....
حياة..مروان...فوق....فيك اي......
مروان فتح عينه بتعب..مش عارف.....
حياة..طب قوم اتدعل....وعدلتو براحه وحطتلو مخده ورا ضهره وهو كان تعبان اوي........
مروان بقلق..معقول دور برد يعمل فيا دا كلو....
حياة..انا كلمت الدكتور وزمانه جاي...ونطمن انشاء الله.......وطبطبت علي ايده وراحت جابتلو الشوربه
حياة..اشرب بقا الشوربة دي وهتبقى كويس انشاء الله
مروان..معلش يحياة مش قادر علي اي حاجه.....
حياة..لا يمروان ونبي...انت معدتك فاضيه وماكلتش حاجه ...عشان خاطري
مروان..يحياة والله.....
حياة..والله هتاكل...عشان خاطري بس....ورفعت المعلقه عند فمه فاتحو واكل وبصلها باشتياق لريحتها وحضنها وكل حاجه فيها
مروان بهدوء ونبرة حزن..انتي لسه زعلانه مني يحياة......
حياة سكتت كدا تستوعب هي المفروض تقول اي واتكلمت بحزن..انت شايف ان المفروض مزعلش....
مروان..انا عارف اني غلطت....بس انا بعتذرلك....حياة انا.......وجات هي تتكلم اتكلموا في نفس الوقت فضحكو براحه
مروان..والله العظيم بحبك......سكتت حياة وفضلت باصه ليه باشتياق شديد وهو كمان مشتاق لكل حاجه فيها....
حياة..خلاص يمروان..مش وقتو الكلام دا...لازم تاكل الشوربة دي كلها
مروان..وتسامحيني ؟؟!
ضحكت حياة لأنها حاسه انها شايفه طفل ادامها..كل يمروان ونشوف حوار المسامحة دا بعدين....وبدا ياكل مروان ورن فون حياة
مروان ..مين بيرن عليكي.....
حياة..دا رقم غريب.....مش عارفه مين.......
مروان..طب هاتي انا اشوف....واديتلو الفون واخد رد هو ....الو......مفيش حد بيرد عليه..
حياة..مين.....
مروان..لما سمع صوتي مردش...سيبك منو تلاقيه حد بيعاكس.......
وجهه الدكتور وبدأ يكشف عليه....
الدكتور..متقلقيش يمدام اوي كدا...لي متوتره كدا....
حياة بتوتر..سوري يدكتور....بس انا قلقانه عليه....
ابتسم مروان ليها..طب انا فيا اي يدكتور......
الدكتور..دور برد بس شديد شويه...بدوخه وكدا...لكنو مش معدي عشان متقلقوش يعني...بس محتاج ترتاح شويه وتاخد العلاج دا هتبقا زي الفل
حياة..الحمدلله انك بخير........
الدكتور..شكلك بتحبيه اوي...ربنا يخليكو لبعض...عن اذنكم...ومشي.....
مروان بابتسامه اللي بتحبها حياة ومش بتقدر تقاومها..باين اوي انك بتعشقيني..حتي الراجل الغريب عرف
حياة بتوتر..ا....انا هودي الحاجات دي المطبخ وابعت حد يجيبلك العلاج .....وسابته ومشيت وبعدها بشويه اخد العلاج وبدأ يحس بتحسن
مروان حسيت اني بقيت كويس دلوقتي....الحمدلله...
حياة باطمئنان..الحمدلله يحبيبي.....احم....غلطت معلش
مروان..لي بقا...هو نا مش حبيبك يحياة.......
حياة سكتت وبصت في الأرض....
مروان بزعل..هو نتي فعلا بتكرهيني يحياة......
حياة بسرعه..لا طبعا.....انا بحبك يمروان........
ابتسم مروان وقامت هي من كسوفها..انا هنزل اشوف طنط نورهان عاوزه حاجه.....مسك مروان ايديها وشدها عالسرير وبقت هي تحتو وهو فوقها وحاولت هي تبعده لكن مقدرتش وكتف هو ايديها الاتنين وقرب من رقبتها اوي وشم ريحتها بعمق
مروان..انتي وحشتيني اوي يحياة.....
حياة بكسوف شديد..مروان..ابعد......
مروان..مش قادر....نفسي ابو.سك اوي ....وحشتيني يحياة.....
حياة..مروان..مش قبل كدا كنت بتقولي لو انا قولتلك ابعد هتبعد....ابعد يمروان....
مروان..متحرمنيش منك حرام عليكي...انا بحبك.......وقرب من شفايفها اوي وغمض عينه وهي كمان غمضت عينيها وبا.سها اوي من شفايفها بادمان وحب شديد وهي كانت مخضوضه في الاول وحست انو واحشها اوي لكن هو بعد عنها لما لقاها مش مستجابه ليه وقام قعد
مروان بحزن شديد..انا اسف يحياة...مش هقرب منك تاني...شكلك مش طايقاني.....
قامت حياة وكانت لسه هتتكلم لقت الباب بيخبط.......
قامت تفتح حياة..نعم يدادا...
الدادا..في واحد عاوزك تحت.........
حياة باستغراب شديد..واحد....واحد مين........
الدادا..معرفش بس هو بيقول انو عاوزك ضروري بدل ما يجيلك هو......طبعا احنا هنمنعو لكنو شكلو عاوزك في موضوع مهم
حياة..طيب يدادا انا جايه اهو....كل الكلام دا كان مروان مش سامعه....لبست حياة إسدال
حياة..مروان..انا هنزل بس اشوف مين عاوزني تحت....
مروان..مين عاوزك.....
حياة..هنزل اشوف واجيلك...ونزلت تحت ليه لقيتو واحد من زميلها في الثانوية لكنها مكنش ليها علاقه بحد اصلا....
حياة باستغراب شديد..محمود...عاوز اي.....
محمود بخبث..اي...وحشتيني قولت لازم اجيلك اسأل عليكي......
حياة بعصبيه.عاوز ياض يا اهبل انت....اي جابك هنا...
محمود..طب اهدي بس.....وطلع جيبه صور ليها مع كذا شاب عالموبايل ووراهملها وكانت صور بلبس مش كويس ليها..
اتصدمت حياة من اللي شافتو
محمود بخبث وتهديد..اسمعي بقا اللي هقولك عليه والا هطلع اوريهم الصور دي.....
تابعووووني للروايات الكامله والحصريه
تعليقات
إرسال تعليق