جميع الروايات كامله

 رواية وردتي السوداء الفصل الثامن والتاسع والعاشر بقلم سميه عامر حصريه وجديده علي مدونة النجم المتوهج للروايات والمعلومات

راح الظابط سلم علية : معلش انت لازم تيجي معايا انت عارف القانون 

ضحك وهو بيبصلها : اه طبعا طبعا يلا 

فرحت هي و حضنت الدكتورة : انا متشكرة جدا 

راحت نورين معاهم و اول ما وصلوا قسم الشر"طة كانت شمتانة فيه :انت فاكر البلد مفيهاش قانون ولا ايه دلوقتي تشوف هيعملو فيك ايه 

قرب منها و همسلها : حسابك في البيت 

الظابط للعسكري: هاتلنا غدا يابني و زود سلاطات و بيبسي 

نورين بتوتر : غدا اه لازم تتغدوا عشان تعرفوا تحاكموه 

بعد عبد الملك مع الظابط و فضلوا ياكلو و هي قاعدة بعيد مصدومة 

قام عبدالملك : شريف هستناك انهاردة في البيت و ابقى جيب الاولاد 

- ماشي يا ابن العم بس خليها بكره و بلغ عمي سلامي

قرب عبدالملك منها 

اتوترت اكتر : هو .. ابن عمك .. انتو قر... قرايب 

- يلا امشي قدامي

مش ماشيه قدامك و مش راجعة في حته 

شدها عليه : لينا بيت نتكلم فيه

عيونها دمعت :سيب ايدي انت بتوجعني 

ساب ايديها و مشيت قدامه لوحدها لحد ما ركبوا العربية و رجعو البيت 

فضلت قاعدة في العربية مبتتكلمش و مش عايزة تنزل 

- انزلي !!

لا و انا عايزة اروح لبابا في القاهرة 

- انسي ، اللي بتدخل بيت جوزها تسمع كلامه لحد ما تدخل تربتها 

عملت نفسها مسمعتش : انا مش نازلة خليني قاعدة هنا لحد ما اموت 

- خليكي براحتك 

سابها و دخل و بعد ما فضلت تعيط شويه خرجت من العربية و دخلت كان البيت فاضي مهتمتش و كملت طريقها لحد اوضتها اللي لقيت بابها اتصلح

ضحكت باستهزاء 

" ليت قلوبنا يصلحها من افسدها و تعُد كما كانت أو لربما افضل "

دخلت و قعدت على طرف السرير تعيط و تحط ايديها على قلبها 

بس فجأة حست ب ايد على كتفها : انا اسف على اللي عملته 

بصتله و عيطت اكتر و معرفتش تعمل ايه غير أنها حضنته و انهارت وسط دموعها : انا بس معملتش حاجه عشان تعمل فيا كل ده حتى اني مش لاقيه حد يحبني أو يقف جنبي كل حياتي و انا لوحدي 

حس بوخذ في قلبه : طيب اهدي و اللي انتي عايزاه عمله 

فضلت تعيط اكتر و تترعش : مش عارفة بس انا حاسه اني مش عايزة حاجه غير اني احس بنفس الاحساس ده طول عمر الشعور بالأمان اللي انا حاسه بيه و انا في حضنك مع انك اذيتني انا عمري ما حسيته ... انا بس محتاجة اللحظة دي تستمر متمشيش فاهمني ؟

ضمها اكتر و قلعها الحجاب و فضل يملس على شعرها : انا اسف على كل حاجه وعد مش هعمل كده تاني 

نامت في حضنة وهي مستسلمة لتعبها و حزنها اللي احتل قلبها 

.....

صحيت تاني يوم وهي لوحدها في السرير و جنبها ورقة : صباح الفل اصحي و افطري عشان عاملك مفاجأة 

ابتسمت بس بألم لأنها عارفة أنه أشفق على حالتها امبارح 

فطرت و لبست فستان زهري و حجاب و خرجت للجنينة كان مستنيها 

قعدت على الكرسي وهو قعد جنبها : عاملة ايه دلوقتي 

- كويسة ، في ايه ؟

ابتسم و بصلها بعمق : جاهزة تسافري تكملي باقي دراستك برا ؟ و انهاردة اي طلب ليكي هوافق عليه 

حست بوخذ اكتر في قلبها و ابتسمت بحزن اكبر و عيطت : عندي طلب واحد بس .. 

- ايه ؟؟

طلقني .......

التاسع

انتي بتقولي كده عشان بس لسا زعلانة مني 

- انا بقول كده عشان مصلحتنا 

حتى بعد اللي حصل بيننا ؟ انتي مراتي رسمي مش مجرد على الورق الناس هتقول ايه لو اتطلقتي بعد اسبوعين من جوازك 

- مش مهم الناس المهم انا و انا عارفة اني مش هكون مرتاحه معاك بعد اللي عملته فيا 

ابتسم بجفاء و قرب أيده مسك ايديها : و أنا موافق بس ب ٣ شروط 

- ايه ؟

الاول اعتبريني طلقتك بس صوري يعني من غير ما نتطلق

ثانيا تكملي دراستك برا تعويضا مني على الأذى اللي سببتهولك 

ثالثا محدش يعرف بالشروط دي كلها و ممنوع منعاً باتاً الاختلاط مع الشباب برا أو جوا أو في أي مكان حتى لو من باب الصداقة على الأقل لحد ما نتطلق رسمي و هنمضي عقد بيننا و في حال ان حد عرف مش هطلقك 

- سيبني افكر 

ابتسم تاني و قام و سابها وهو بيتمنى انها ترفض السفر و ترفض الطلاق 

سابها اسبوعين تستجمع نفسها و تقوله قرارها و في الوقت ده كان بعيد عن سينا و كأنه بيحاول يهرب من قرارها 

رجعت بعد اسبوعين و رحبت سحر بيه هو و يوسف و غمزتله : مراتك مستنياك على نار كل شويه تسأل عليك 

ابتسمت و حسيت بفرح أنها مهتمة بيا و طلعت جري و فتحت الباب كانت بتصلي و اول ما خلصت بصتلي بصه انا مفهمتهاش نظرتها فيها شوق و حب و زعل و كسرة حسيت انها عايزة تحضنني بس شئ جواها بيمنعها و اخيرا حركت شفايفها الوردي و نطقت 

- حمدالله على سلامتك 

الله يسلمك 

مستحملتش كل النظرات دي و لقيت نفسي باخدها في حضني من غير اي مقدمات : انتي وحشتيني 

بعدت عني وهي مكسوفة و محرجة مني 

- اجيبلك الاكل هنا ؟

لا لا خلينا ناكل تحت 

اتوترت و حسيت انها عايزة تتكلم بس مكنتش مديها فرصة دخلت اخدت دوش بارد و لبست و نزلنا سوا على السفرة قعدت جنبي و بقيت ااكلها بأيدي و انا حاسس اني عايز اكلها 

سحر : ايه حيلك حيلك مراتك مش هتطير كل انت تلاقي اكلي وحشك 

بص عبدالملك لنورين : عيونها بس اللي وحشتني 

ضحك سيف : عريس جديد بقى و لازم يجامل 

سحر : بس يا واد متدايقش اخوك 

اتحرجت نورين من تعامله معاها و قامت طلعت اوضتها

خلص عبدالملك اكل و طلع وراها كانت واقفة في البلكونة 

قرب منها ووقف جنبها : قررتي ايه ؟

- انا .. انا موافقة اسافر اكمل دراسة الهندسة برا و موافقة على كل شروطك 

ابتسم كأنه بيدعمها بس جواه كان في جمر بيحرق روحه أنها هتمشي

- جهزي شنطتك عشان تسافري

سابها و خرج و بعد اسبوع كانت في المطار قاعدة مستنيه طيارتها حتى مجاش يوصلها كان يوسف اللي معاها لحظة بلحظة 

نورين : انا لازم امشي 

كانت بتبص حوليها يمكن تلاقيه بس فقدت الامل 

يوسف : خلي بالك على نفسك

ركبت الطيارة و هو واقف ورا الازاز بيبص عليها و كان شايفها طول الوقت وهي بتدور عليه بس مكنش ينفع يقرب هي اختارت خلاص

........

عدى ٣ شهور و نورين مركزه في دراستها اللي مبقاش ليها غيرها حتى أنها مكونتش اي صداقات مع بنات أو ولاد و كانت دايما حاسه أنه معاها أو بيراقبها 

و في وسط المحاضرة حست بألم شديد في بطنها و فضلت تصرخ و اتنقلت بسرعة لمستشفى الجامعة و عرفت انها حامل في الرابع و رجعت البيت وهي مصدومة و مش عارفة تتكلم و خايفة ان الجنين ده يعطلها عن مذاكرتها و دراستها أو حتى يبوظ العقد اللي بينها و بين عبدالملك ف قررت أنه مينفعش يعرف بيه و لازم تخبي حملها 

و فضلت لحد ما وصلت للشهر التاسع في البيت بتحضر بس الامتحانات

فضلت تعيط من الألم في البيت و سمعتها جارتها اللي بلغت البوليس و وصلو و كسرو الباب 

شالها الظابط من على الأرض و بسرعة وداها المستشفى 

فضلت في المستشفى اسبوع لحد ما رجعت البيت وهي مرهقة و تعبانة و كلمت يوسف أنها محتاجة فلوس زيادة الضعف عشان تجيب كتب و لبس جديد 

......

كان عبدالملك هو اللي بيتبعتله الرسايل و فعلا بعت فلوس زيادة بس حس بالغيرة انها عايزة تشتري لبس جديد يمكن اتعرفت على شاب 

لبس جاكيته و خد عربيه لحد البيت اللي هي ساكنه فيه و كان واضح أن طول السنة دي وهو معاها في نفس السنة و ساكن جنبها بس لاحظ انها خروجها قليل و حتى لبسها الفضفاض بزيادة اثار فضولة 

اتجه لبيتها و خبط 

فتحت وهي تعبانة و مش قادرة تقف و اول ما شافته شهقت و كانت هتقع بس لحقها و شالها ........

العاشر

حطها على السر"ير وهو مستغرب من الفوضى اللي في البيت كله و شكلها التعبان و جسمها اللي خس الضعف 

و اتصل بسرعة على الدكتور بس قبل ما يوصل فاقت و حاولت تتصرف عادي 

- انت .. انت ايه جابك هنا 

هو ايه اللي بيحصل و ازاي حصلك كل ده انا اتصلت بدكتور و انتي هترجعي معايا 

عيطت و مسكت أيده : لا لا ارجوك انا عايزة اكمل و اتخرج 

- مفيش الكلام ده انا لازم ارجعك معايا مصر 

حطت ايديها على خده : عبدالملك ارجوك اسمعني انا .. انا محتاجة اكمل باقي دراستي ارجوك 

- يبقى تفهميني حصل ايه و ايه التعب ده كله 

حضنته بتعب : بلاش دلوقتي انا محتاجة اكون لوحدي و انت كمان بلاش تبوظ اتفاقنا 

وهي بتتكلم اغم عليها من التعب و بسرعة شالها و جري بيها على برا و ركبها العربية و راح لأقرب مستشفى 

خرج الدكتور بعد ما عاينها: هي محتاجة ترتاح بعد الولادة 

برق عبدالملك و فضل باصص للدكتور في حاله صدمة و نزل من المستشفى فضل قاعد في عربيته متعصب و غضبان و كل الأفكار الوحشه جايه في باله لحد ما رجع بسرعة لبيتها و دخل فضل يدور على أي طفل مكنش في حاجه غير حفاضات و بيبرونة .. و في وسط ما هو بيدور خبطت واحده أجنبية و فتحلها: مساء الخير اين نورين من فضلك 

- انا زوجها 

ابتسمت بفرحه : و اخيرا سعدت بلقائك اطفالك عندي بمنزلي 

- اطفالي ؟؟ 

خرج معاها و دخل شقتها لقى طفلين تؤام بنت وولد 

شالهم و غمض عيونه من الألم و خدهم و مشي 

جريت وراه الجارة : اين تذهب اين نورين ؟؟

ركبت العربية و ساق بسرعة لحد ما وصل للمستشفى تاني كانت نورين بدأت تفوق 

دخل عليها و هو مقهور و بصلها بقرف : انتي عمرك ما هتشوفيهم في حياتك تاني 

برقت و عرفت أنه عرف و فضلت تعيط : عبدالملك .. انا هفهمك ارجوك فين عيالي انا عارفة اني .. اني غلطت بس لازم نتكلم 

- مفيش مجال للكلام خلاص كل ده انتهى و انتي انتهيتي .. دول ولادي صح ؟ كنتي خايفة ارجعك تاني مصر و نعيش عيله سعيدة .. دراستك كانت أهم منهم و من حياتنا .. انتي واحده أنانية متستاهليش غير انك تبقي لوحدك 

مسكها من كتفها و بصلها بغضب : لولا أنك تعبانة كنت عاملتك معاملة تانيه 

رماها و لف ضهرة: و اه متقلقيش انا هسيبك تكملي تعليمك و دراستك اللي مبسوطة بيها بس في مقابل ده ملكيش اولاد عندي 

خرج وهي فضلت تصوت و سابت السرير و طلعت تجري وراه : استنى متمشيش .. متعملش كده ارجوك ... انا اسفة .. اعمل فيا اللي انت عايزه بس انا عايزة ولادي دول لسا مولودين هيموتوا منك 

رماها على الأرض و كمل طريقه لحد ما وصل للعربيه و عيط لأول مرة في حياته وهو بيبص على ولاده و على المستشفى و غمض عينه و مشي 

.....

بعد يومين 

نزلت نورين من الطيارة وهي بتجري في المطار و بتعيط 

- تاكسي .. 

وقف التاكسي و طول الطريق وهي بتعيط لحد ما وصلت عند البيت و نزلت تجري و لبسها متبهدل فضلت تخبط 

فتحت الخدامة 

دخلت وهي بتعيط : عيالي .. فين عيالي 

جريت سحر عليه : نورين يا روحي وحشتيني حمدالله على سلامتك

- عيالي فين .. ونبي ترجعيلي عيالي 

استغربت سحر و فضلت تبصلها بتعجب : عيال ايه يا بنتي ..

يوسف كان واقف بعيد بيبصلها بحزن و غضب في نفس الوقت 

لاحظت نظراته ليها و جريت عليه : يوسف فين ولادي بالله عليك ارجوك 

- انا معرفش حاجه 

طلعت على اوضتها وهي بتصرخ : عبدالملك .. فين ولادي 

دخلت الاوضه كانت فاضيه و حتى لبسه مكنش موجود 

قعدت على الأرض و انهارت لحد ما دخل يوسف عليها و أداها التليفون 

- الو 

كنت عارف انك هترجعي .. بس خلاص فات الاوان ولادي بقى ليهم ام غيرك ......

انا اسفة على التأخير كل ده و بكتب بارت تاني حفذوني عشان منامش 🙂

تكملة الرواية من هنا

بداية الروايه من هنا

تعديل المقال