رواية عشق الحور البارت الحادي والأربعون والثاني والاربعون والثالث والاربعون والرابع والاربعون والخامس والاربعون بقلم مروه شحته
 |
٤١آه من العشق آه
منورين البيت ياجماعه
قالها غيث للتخفيف فقط من توتر سليم الملحوظ نظر محمود الي سليم... وتنهد ناظرا الي غيث
محمود #قبل مانتكلم في اي حاجه كنت عاوز ابلغك ياغيث ان طلبك مقبول ان شاء الله حدد ميعاد وهنستناك انت والجماعه في البيت
غيث بمرح #الكلام دا بجد ولاحقيقي
رفع سليم وجهه المطرق وتحدث للمره الاولي
#نعم
جلس غيث بجواره واعتنق كتفيه بذراعه وقال
# ياحبيبي فك.. هو انت جاي تتعذب عندنا.... ولاحافظ كلمتين خايف يفلتوا منك
حدق سليم بوجهه فقال غيث ضاحكا وهو يشير اليه
#والمصحف شكلك حافظ كلمتين
سليم #من حلف بغير الله فقد اشرك قول لااله الاالله
غيث #لااله الاالله.... اهوه فضل ساكت واول مانطق خرجني من المله
علاء ضاحكا #بس بقي ياغيث انت متعرفش تتكلم جد ابدا . وبعدين انا مش فاهم موضوع ايه اللي بيتكلم عنه عم محمود
جاسر بجديه
#غيث هيجوز بسمه
علاء بسعاده # بجد والنبي
غيث لسليم # قوم يابني اقتله قوم دا مبيتعلمش بيقول والنبي بص علقه في النجفه واجلده
انفجر سليم اخيرا ضاحكا غيث بمرح
#مهو بيضحك اهوه زي البني ادميين امال بتقول عليه كشري ليه ياجاسر
جاسر #انت تسكت خالص
سليم #انا بقول تصرف نظر غيث مينفعش يبقي جوز اختي يابابا
وكزه غيث وقال بغيض
#تصدق انا غلطان اللي قلت افكك
تنحنح سليم وقال
# الحكايه كلها اني مستني الحاجه مش اكتر
غيث #ماقدامك تلت شحطه اهوه مش عجبينك
سليم #ابدا بس عدم حضور الحاجه محسسني ان هي مش موافقه علي المبدأ نفسه
علاء # انت متخيل ياسليم ان في حاجه ممكن تحصل في البيت دا من غير اذن ماما
جاسر # هي مرحبه جدا بس كان ضغطها عالي شويه فاخدت علاج ونامت وانا مردتش اصحيها
محمود #سلامتها بالدنيا... والبركه فيكوا ياجاسر بيه ....احنا نتشرف بيكوا والنهارده جيت عشان اطلب ايد الدكتوره عيشه لابني سليم...
علي سنه الله ورسوله..
زفر سليم وقال بسرعه
# انا بس كنت حابب اشرح ظروفي الماديه عشان يبقي كل شيء واضح انا مش هقدر اجبلها قصر زي ده لكن عندي بيت لسه بنيه علي حته الارض بتعتي... ااامش هقدر افرشه كله دلوقتي لكن ااقدر افرش الجزء اللي هنعيش فيه ان هي وفقت
علاء# علي فكره ياسليم اللي بتقوله دا حاجه تخصك انت وهي المهم دلوقتي نعرف رأيها هي
سليم # الكلام دا قالهولي جاسر بيه قبل كده لكن دا جواز ومسئوليه وانا حابب كل حاجه تبقي علي نور
جاسر #سيبه يكمل اللي هو عاوز يقوله ياعلاء
سليم # مهرها هكتبلها الارض اللي عليها البيت... والدهب
جاسر #كده حلو اوي.... الدهب دا بقي هديتك وهي اللي بتختاره .. اللي قلته مناسب جدا انا فاهم دماغك كويس اوي ياسليم ... ان ربنا اراد وحصل نصيب انا بجوز اختي لراجل عارف ربنا وبيحبها ودا يكفيني...
محمود #ربنا يبارك في عمرك ... الست عيشه تستاهل تقلها دهب
سليم باحراج #هو اااالو ينفع يعني ممكن
هب غيث واقفا #انا هروح اندهلها عقبال مايجمع الجمله
جاسر ضاحكا # انت فاكر الناس كلها بجحه زيك
غيث #هو في راجل بيتكثف
سليم #الحياء شعبه من الايمان ياغيث
غيث لمحمود #اهوه اتفضل لسه متجوزتش اخته خرجني من المله وخلاني مش مؤمن... هروح انده البت قبل مااتنقط يكون بعونك ياعيشه يااختي
علاء ضاحكا #يخرب عقلك ياغيث مصيبه متحركه
عاد غيث بعد قليل لتتبعه عائشه هو بالكاد يري ذيل فستانها الواسع وسمع صوتها الرقيق
#سلامو عليكم
محمود #اهلا بست العرايس
عائشه # ربنا يخليك ياعم محمود
غيث باسما وهو يجلس بجوار محمود
#دا ايه الرقه دي.... ياماما هما عارفين انك جعفر اصلا
رمقته عائشه شذرا وقالت من تحت اسنانها
#ميرسي ياغيث طول عمرك زوق
جاسر .#سليم خد عيشه واقعدوا في الليفنج
تحرك سليم ليوكزه غيث ويهمس
#انطق يابني ادام بطل الصمت الرهيب دا
تحرك غيث ليجلس بجوار محمود وقال
#قلي بقي هي قالتلك موافقه بجد
محمود #هي الحجات دي فيها هذار
غيث بجديه #مقصدش انا ااقصد يعني هي وفقت من غير ضغط يعني مش مجبره
ربت محمود علي كنفه
#بسمه غير حور انا فاهم اللي انت تقصده.... بسمه كبيره وتقدر تقرر لكن حور لسه صغيره صعب تشوف مصلحتها....
تنهد غيث بارتياح # معلش ياعم محمود سامحني بس
قاطعه #اديتك انطباع مش ولابد الصبح في المقابر
حدق في وجهه قال
#ولادي مبيخبوش عني حاجه.... شوف ياغيث بسمه عارفه ربنا كويس اوي وعارفه حدوده اهم حاجه عندي انك تتقي ربنا فيها وفي اليتيم اللي هيعيش في بيتك
#ربنا يقدرني واسعدها .وانت عارف ان بحب يحيي اد ايه
شوف انا عندي بيتي لوهي حابه تقعد فيه تمام نشوف هنغير ايه واللي هي عاوزاه... مش حابه
قاطعه جاسر
#يبقي هتعد معانا هنا في الدور اللي فوق عندك جناحين كبار نقي اللي يعجبك ونبدا نفرشه تمام كده
غيث #عم محمود يبلغها وعلي حسب قررها هي... بس طالما هي موافقه يبقي انا كنت عاوز اكتب عشان اااااتبقي في الحلال
محمود #هبلغها ياغيث ....
جلس سليم علي المقعد تحركت عائشه لتجلس بعيدا
#انتي ريحه فين تعالي ياعيشه ااقعدي هنا عشان نعرف نتكلم
بلعت عائشه ريقها وجلست علي المقعد المقابل تضم كفيها الي حجرها وتفركها بتوتر
رفع عيناه ليطالع وجهها الاحمر تطرق وجهها يمكنه الاستمرار في تاملها لساعات دون ملل لن يتحاسب علي تلك النظره لقد اعتاد علي الشعور بالسخونه عندما يتحدث معها في اي شيء لما تضاعف هذا الشعور الان لقد طال صمته لترفع هي عيناها ويواجهها يغرق بفحمها الممتليء خجل لحظه قرب واحده فقط .... او لمسه واحده لتلك الشفاه الناعمه اغمض عيناه واستغفر لنقول هي بغيض
#انت جاي تشلني ياجدع انت... انا نفسي بس افهم هو انت مبتفتكرش ذنوبك الالما بتشوف خلقتي
ضحك بقوه وقال
#طب ليه مفسرتهاش بطريقه تانيه
قالت بغيض
#يعني واحد كل اما يشوف خلقتي بيستغفر ربنا يبقي ايه
# يبقي مش عاوز ياخد ذنوب بيكي .... شوفي ياعيشه اكيد عندك خلفيه انا جاي ليه النهارده
همهمت #ابيه جاسر قلي...
#تمام اللي عاوز ااقوله انا عيلتي علي قد حالها. انتي عرفاهم كويس وانتي من عيله الراوي يعني اكبر عيله في البلد.... انا امكانياتي الماديه متسمحش اني اعيشك في مستوي زي اللي انتي عيشاه دلوقتي... يعني انا بنيت بيت علي حته ارض اشترتها قريبه من بيتنا وهنقل فيها العياده امكانياتي دلوقتي مش هتسمح افرش البيت كله .... ووو
#كل ده ميفرقش معايا... انا اللي عاوزه افهمه انت اتقدمتلي ليه
ابتسم # اللي اقدر اقوله دلوقتي ان انا مشفتش حد غيرك ممكن تبقي شريكه حياتي .....
# شوف يادكتور انا مش عيله صغيره حضرتك اصلا مش بتطقني فطبيعي استغرب من طلب زي ده
اتسعت ابتسامته
#انتي شيفه كدا
#ايوه كل تصرفاتك معايا بتثبت دا
#دا مش حقيقي يادكتوره،،،،. وبعدين لو مش بطيقك هتقدملك ليه.... انتي بقي مرتحالي ولالاء
#بصراحه انت صعب شويتين وو و عصبي ووانا قلقانه بس صليت استخاره ومرتاحه ... علي الاقل وانت بتتكلم معايا مش مكشر في وشي
#عيشه عشان ااقدر اتكلم معاكي بحريه لازم يبقي في الحلال... لو انتي موافقه علي ظروفي يبقي هطلع اتكلم في الكتاب عشان ااقدر اتعامل معاكي بطبيعتي وعشان تقدري تيجي البيت وتختاري العفش براحتك
قالت بترقب #بس اااانا هكمل الدراسات بتاعتي
#دا موضوع مفهوش نقاش وبعدين لوماخدتيش بالك .... انا قلت هنقل العياده في ظهر البيت عشان مش عاوز حد معايا غيرك
حدقت بوجهه
#يعني انت هتسيبني اشتغل
ابتسم #معايا مع حد تاني لاء... بس هقبضك متقلقيش
قالت بدهشه #ايه ضااااه انت بتعرف تهزر...
كتم ضحكاته #اه بعرف اهذر عادي جدا.... انا قلتلك علي ظروفي بصراحه عشان دي الحاجه اللي كانت منعاني اني اخد الخطوه دي من فتره
#علي فكره انا مش بفكر بالطريقه دي حضرتك استاذ دكتور والاهم انك عارف ربنا الحياه مشاركه يادكتور واللي نبنيه مع بعض هيبقي اقوي من اللي هتبنيه لوحدك... واللي عاوزه ااقوله لحضرتك انك تشرف اي حد
تاملها باعجاب حقيقي.. الايمكن ان يصرح انه عاشق انهكه العشق ....مفتون انها فتنته الخاصه فتنته التي لايستطيع مقاومتها... فرك لحيته وقال بصوت مبحوح
#يعني اعتبر دي موافقه
#اللي ابيه جاسر يشوفه
اغمض عيناه للحظه يحاول استجماع شتات امره... همسه ناعمه بشده زادت الامر سوء بداخله
# هو انت نمت
فتح عيناه واستغفر زفر بقوه وهب واقفا ليخرج شيء ويضعه في حجرها رفعت عيناها
#ايه ده
ابتسم #حاجه صغيره عشان مش هعرف اشوفك الابعد الكتاب
قال جملته وتحرك للخارج جلس بجوار جاسر وقال بابتسامه
#بعد اذنك ان شاء الله نكتب علي اخر الاسبوع والفرح بعد ماانخلص الفرش يعني ان شاء الله علي اول الشهر
غيث بدهشه
#ياسليم ياجاااامد نص ساعه ياقادر وطلعت تتفق علي الجواز داانا
بجلاله قدري معرفتش اعملها..
سليم # دي قدرات
حك غيث راسه وقال
#يسهلوااا ياسهن
جاسر #تمام ياسليم علي بركه الله
غيث #عم محمود انا راشق مع سليم
محمود #انت عاوز تعمل فرح ياغيث
غيث # وليه لاء...
محمود #عشان يابني انتوا الاتنين سبق ليكوا الجواز قبل كده
غيث #بس انا عاوزها تفرح
ربت سليم علي كتفه
#ربنا يفرح قلبكوا ويسعدكوا يارب
#انا وانت
هب محمود واقفا وقال بسعاده
#اللهم لك الحمد يارب ربنا يسعدكوا ياولاد ويتمم ليكوا بخير نستاذن احنا بقي وهنستناك بكره بس ابقي هات حور وعيشه معاك
علاء # طب حور ماشي عيشه ليه
محمود #عشان تشوف البيت اللي هتعيش فيه هروح معاها انا وخديجه
انصرف محمود وسليم
٤٢معاتبه
هب علاء واقفا ليقول جاسر بجديه
#انا عاوزك ياعلاء تعالي معايا المكتب تعالي ياغيث
تحرك الرجال الثلاثه للمكتب ليقول علاء
#خير ياجاسر في ايه
جاسر #في ايه انت... انت حرمت عليك بيت ابوك ولاايه لاانت ولامراتك ولاابنك هو في ايه بالظبط.
هز علاء كتفه وقال بمراوغه
#هيكون في ايه بس ماانت عارف انا كنت في مصر ووو
قاطعه غيث #علاء بطل لف ودوران وهات اللي عندك
زفر علاء بقوه وجلس علي المقعد
#اسمع يا جاسر ..... انا اللي منعت ايناس تيجي هنا
جاسر #والسبب
علاء# مش عايزها تجتمع بعزه متزعلش مني ....
جاسر #علاء افتكر اني سالتك قبل كده ايناس شافت ايه علي عزه وانت قلت معرفش
علاء #عشان اللي في دماغي كلها شكوك معنديش دليل ومينفعش اشيلك من مراتك بظنون ياجاسر
جاسر #طب علي الاقل حذرني ولاتنفض ايدك وتبعد
علاء باختناق #لاء مش كده الموضوع حساس وانا شاكك في عزه من ساعه مارجعت ببيان بس مفيش تحت ايدي دليل لكن اللي عرفته من ايناس انها بتتكلم مع بيان عشان كده منعتها انها تتكلم مع عزه .....
#اممممم تمام ياعلاء.... طب معرفتش بتتكلم معاها بخصوص ايه
# شوف ياجاسر ايناس كلمت عزه مره واحده بعدها اتلقيت ايناس بتدافع عن بيان . ايناس محضرتش موضوع بيان .... فحكتلها اللي حصل منها.... وفهمتها انها تبعد عن عزه خالص عشان معنديش استعداد الحريم يخسرونا من بعض فهمتني
غيث #يعني انت متعرفش بيان عاوزه ايه من عزه
#لاء بس مش مطمن وخصوصا ان اللي عرفته وانا في مصر ان ليان بتجمع معلومات عننا مركزنا المالي ونشطنا في السوق بنتعامل مع مين ..... هي متقدرش تاذينا في الشغل عشان شغلنا نظيف
غيث #بس ممكن تلبسنا في الحيطه وتطلع شوشره حوالين الشغل
علاء #متقلقش انا عملت احتياطي وامنت مصنع العاشر ولولا موضوع عيشه مكنتش هرجع دلوقتي الالما اطمن خالص ..... وعلي فكره ايناس وجاسر معايا هناك بس مظطر اجبهم عشان فرح عيشه وغيث... اللي انا قلقان منه موضوع عزه
فرك جاسر جبهته وقال بضيق
#عزه انا تقريبا عارف هي بتحرجم علي ايه .....
علاء #علي ايه
جاسر # اوراق بيع نصيب بيان في البيت...
علاء # الوطيه وانت ازاي سيبها لسه علي زمتك
جاسر #لنفس السبب اللي خلاك متتكلمش ممعيش دليل
غيث #اسمع ياجاسر.. موضوع عزه لازم تخلص منه وانت عارف الطريقه.... وانت ياعلاء اتعامل عادي وفهم مراتك تقولها انها مكنتش بتسال عشان كانت مسافره معاك... وانا اللي خجيب قرار بيان
جاسر #هتعمل ايه
غيث #الراجل اللي هي مسنوده عليه الروسي... انا اعرف اللي يوصلني ليه عشر سنين بره مكنتش بلعب كنت بشتغل وليه شبكه علاقات كويسه ....هعمل
اتصالاتي واشوف علاقتها بيه
بالظبط الناس دي اهم حاجه عندها المصلحه وبس ...
علاء #ربنا يقدم اللي فيه الخير المهم انتوا اخباركوا ايه اغيب شهر ارجع اتلاقي عيشه بتتخطب وغيث كمان
جاسر بمرح
#حمي ولاد الدسوقي ضربت ولاد الراوي فبيقوا واحد ورا التاني
تشاركوا في الضحك وقال علاء
#والله زمااااان ياولاد الراوي وحشتني قعدتكوا اوي
جاسر #علاء في حاجه لازم تعرفها بس مش عاوز ايناس تعرفها دلوقتي
#خير
#هتبقي عمو
هب علاء واقفا وقال بسعاده
#طب احلف كده
#اعقل يلا واقعد يعني هضحك عليك انا مش عايز ايناس تعرف عشان
علاء مقاطعا #عارف هتحاول تغيض عزه... طب قولي هتولد امتي ولد ولابنت
جاسر بحنق #افصل يلا هتولد كمان شهرين ومش عاوز اعرف ولد ولابنت اللي يجيبه ربنا انا راضي بيه
علاء #اخص عليك يعني عارف من سبع شهور ومتقوليش
#عشان انت كنت مخبي عليه انا اللي مربيك ياعلاء وعارف ان عنيك مليانه كلام
علاء بسعاده #مش مهم المهم ان ان ربنا رزقك ودي نعمه من عنده طبعا لو اجي ولد هتسميه علاء
غيث #وميسمهوش غيث ليه يابارد
جاسر #بس انتو الاتنين لو اجي ولد امه اللي هتسميه...
غيث بالحاح
# طب لو اجيت بنت هتسميها ايه
#عشق
علاء #يخرب عقلك جبته ازاي
الاسم ده تحفه
غيث #عشق جاسر .... جمله مفيده
علاء ضاحكا
#عشق جاسر لحور كده جمله مفيده
جاسر #انتو هتحفلوا عليه قبل ما البت تيجي
غيث #انت صح نستني اما ربنا يقوم حور بالسلامه ونحفل بس يكون في علمك انا هجوز عشق
لابني
علاء#هو انت لسه خلفت ابني اللي هيتجوزها
غيث # يحيي اكبر من جاسر ابني اولي وبعدين دا بن عمها وبن
وبن خلتها في نفس ذات الوقت
جاسر بحنق #انا طالع انام الله يحرقوا انتو الاتنين خلفتو البت وبتتخانقوا 'مين اللي هيجوزها. عوض عليا يارب في اخواتي انا رايح اشوف البت اللي سليم عملها غسيل مخ دي
غيث وعلاء#استني احنا جيين معاك
صعد ثلاثتهم الي غرفه عائشه بالدور الاول جاسر
#غيث فكر في حكايه انك تعد معانا في البيت دي
#اما اشوف بسمه ... انت عارف اللي يشفها وهي بتكلمني الصبح يقول هترفض بس عا رف احترمت اوي انها قالت لابوها
علاء #مش بسمه دي اللي هي الموززه ام عنين خضرا
ضربه قويه علي ظهره كاد ان يقع ثم صوت غيث الغاضب
#متحترم نفسك يالا هو انا شفاف قدامك ولاحاجه علاء متاوها #اه ايدك تقيله يااخي انا بهزر
جاسر #الهزار مش في الحجات دي ياعلاء
علاء #والله مااقصد انا اسف ياغيث بس دا مينعش انها موزززه برضه
قال جملته وصعد ركضا للاعلي ليركض غيث خلفه
#والله مانا عتقك ياجزمه
قلب جاسر يديه وقال
شويه اطفال
43,,44,,,45
٤٣استفذاذ
كان في سبيله للصعود ولكنه سمع صوت استوقفه
#جاسر
التفتت للحوريه الواقفه علي باب غرفتها تدعك عيناها كالاطفال هبط لينزل اليها ادخلها وقال باسما
#انتي ايه اللي صحاكي
#اصل جعانه اوي اوي وووو
رفع وجهها وقال
#طب ادخلي ارتاحي وانا هبعتلك لواحظ بالاكل
#معلش اصل معنتش عاوزه اكل قدام حد
#ايه اللي حصل
#مفيش هو انا حقي تخنت وبقيت وحشه صح
ربت علي خدها
#دانتي قمر
سقطت دموعها وقالت
#لاء انت بتضحك عليه عزه امبارح قلتلي انت تخنتي وبتكلي كتير وبقيتي وحشه وجاسر هيشوف واحده غيرك عشان هو مش بيحب التخان
رفعها بين ذراعيه واراحها علي الفراش ليمسح دموعها وقال
# لاء انت متخنتيش انت حامل وهي متعرفش وبعدين انا شيفك احلي واحده في الدنيا...عشان خاطري ياحبيبتي متعيطيش تاني
ارتمت بين ذراعيه وقالت
#عارف لوشوفت واحده غيري هموتك ....اناجعانه اوي
ضمها الي صدره بقوه وهو يضحك
#يخرب بيت الهرمونات... حاضر هبعتلك لواحظ بالاكل
مسحت دموعها بكفيها
# هو سليم كلم عيشه ووفقت صح
لدغ خدها #صح وهيكتب اخر
الاسبوع
#هاييي وغيث يكتب معاهم
#هيكتب هو كلم الحج محمود
عادت للبكاء مره اخري
#بيتعيطي ليه
اشارت لبطنها المنتفخه وقالت
#مش هعرف ارقص وانا كده
#نعم يااختي وانتي كنتي ناويه ترقصي
#يعني اخواتي الاتنين يتجوزوا ومرقصلهمش دي حتي تبقي عيبه في حقي ... دا انا يوم فرح بسمه رقصت رقص
قال بغيض
#رقصتي فين ياحور
#في البيت مع البنات... بس
خلاص هغني
:#نامي ياحور بدل مااقتلك
#بس انا جعانه
قبل جبينها #هروح وابعتلك الاكل
#هو انت رايح فين
#هطلع لعيشه اشوفها عملت ايه مع سليم علاء وغيث فوق
#طب اجي معاك
#والله طالع لعيشه
قالت بحنق #خلاص يبقي هاجي معاك عدي ادامي
#يابنتي انتي مش كنتي جعانه
#هفوت علي المطبخ ااقول للواحظ تعملي اكل وهاجي معاك
ضحك بقوه وهو يحثها علي السرير قال
#مالك انتي مش قادره تمشي ليه كده
#مش عارفه بس حاسه بتقل شويه بس انا كويسه
جاسر بقلق #طب ارتاحي
بعناد #لاء
خرجت من الغرفه وطلبت من لواحظ طعام ثم تحركت بجواره
#انتي كويسه
#اه يلا بقي لحسن زمان اخواتك اكلو ودان البت
رفعها بين ذراعيه وصعد بها الدرج تركها لتمشي بجواره لغرفه عائشه ولكن يبدو ان صوتهم جذب انتباه عزه المختفيه منذ عاد الي البيت فتحت الباب ووقفت في مواجهتهم تاملها جاسر بلباسها الفاضح هوت شورت من اللون
الابيض وكنزه قصيره تكشف بطنها وكتفيها ونصف صدرها تقريبا جاسر بغضب
#انتي اتهبلتي في عقلك تفتحي الباب بالمنظر دا وفي رجاله في البيت
ضحكه عاليه ثم رفعت شعرها
الاحمر خلف اذنها وقالت
#هتفضل تغييير عليه ديما وعلي العموم عادي انا اصلا سمعه صوتك وانت طالع ودي بقي ايه اللي مطلعها هنا
حور بتحدي #ريحين لعيشه ياابله تحبي تيجي معانا ولاانت مبتسقليش علي حد اصلا
عقدت عزه ذراعيها
#واسال ليه هو انتي وعيلتك مش خططتوا ودبرتوا عشان قريبك دا اللي مش عارفه اسمه ايه مش مكفيكي جاسر عاوزه بقيت العيله
#عزه
كان هذا صوت جاسر الغاضب
#ايه ياجاسر الحقيقه وجعتك ولامش واخد بالك ان هما نويين يكوشوا علي كل حاجه الاول انت وبعدين عيشه
#الزمي حدودك ياعزه وبطلي بجاحه... وفراغه عين ..واتفضلي علي قوضتك ومشفكيش براها بالمنظر ده
#اوكيه ياحبيبي هستناك جوا بس متتاخرش عليه
قالت جملتها لتغلق الباب تحركت حور ناحيه غرفه عائشه في نهاية الممر واختفت خلف الباب دون حتي النظر اليه زفر بضيق ودخل الغرفه ليصفع الباب خلفه رمقها بنظره احتقار اوقفت تقدمها ... وقال بغضب
# حسابك تقل اوي ياعزه
#هوااانا عملت ايه يعني
#افرضي كان اللي طالع غيث ولا
علاء يشوفوكي بالمنظر دا يبقي انا مش راجل ... دا غير طبعا الكلام اللي قلتيه
قالت بخوف
#انااا سمعت صوت علاء وغيث
طالعين قبلك وبعدين لو مش شايف بقي العيله اللوكل دي رسمه علي تقيل اوي .... الاول انت وبعد كده عيشه وغيث و
صفعه قويه هبطت علي وجهها جعلتها تبتلع كلاماتها وضعت يدها علي خدها وقالت بصدمه
#انت بتمد ايدك عليه ياجاسر
قال بتهديد
#واكسر دماغك لو فكرتي تتعدي حدودك. وتدخلي في حاجه ملكيش فيها ..
قالت باختناق
#ملييش فيها ليه هو انا مش واحده من العيله دي ... دول ولاد عمي ولما اشوف انه بيتعمل عليهم ربطايه يبقي
قاطعها
#تخرسي خالص ... العيله اللي مش عاجبه سيادتك دي انا واخواتي منسبين منها .... يعني اي اهانه ليها يبقي بتهيننا كلنا
عقدت ذراعيها وقالت
#ياسلام بقت دلوقتي عيلتكوا وجوازك من حور معتش غلطه مش كده ياجاسر بيه
#جوازي من حور انتي عارفه سببه كويس اوي ... فوووقي ياعزه ...
سقطت دموعها وقالت
#انت معنتش بتحبني ياجاسر البت دي لافت عليك
رفع اصبعه بتحذير تاني ياعزه ..... اسمها حور مراتي وملفتش عليه ولاحاجه بالعكس بقي انتي اللي بعتيني واعرفي حاجه مهمه جاسر بتاع زمان اللي كان بيقدم تنازلات بيفتكرها حب خلاص انتي دبحتي وروحه طلعت ومحدش بيصحي الاموات
قالت بقلق
#يعني ايه ... خلاص معتش ليه مكان في حياتك علي الاقل افتكر ان كان بينا عشره
#مهو ده اللي مخليني باقي عليكي لحد دلوقتي العشره يابنت عمي ...
اقتربت منه
#بس انت جوزي و
ابعد يدها وقال بتاكيد
#لما يجيلي مزاجي ياعزه .. واما تبقي تعتذري للي انتي جرحتيها
قالت بغيض
#انت عاوزني انا بنت الراوي اعتذر لحته فلاحه
قاطعها بغضب
#عزه قلتلك الزمي حدودك ..
زفرت بقوه واقتربت اكثر لتتلمس ياقته وهمست بنعومه
# جاسر انا بحبك ...وعارفه ان حبك ليه عمره ماهيتغير
ابعد يديها وقال بسخريه
#مقلتلكيش مش انا بطلت افكر في السرير وبس .... انا كنت بقربلك عشان كنت فاهم ان القرب ده طريقه بعبر بيها عن حبي .... بس اتضح اني كنت فاهم غلط
#يعني هتفضل تعاقبني لامتي
هز راسه وقال
#عزه انا كلامي واضح .... لاني كل اما بحاول اصفي من نحيتك ..بتهدي كل حاجه في لحظه .... عن اذنك
قالت بالحاح
#طب استني عشان خاطري ... جاسر انت وحشني بجد عاوزه اسهر معاك الليله بس
قال بتاكيد
#معلش اصل انا تعبان ... ومش فايقلك .... اما تبقي تصلحي اللي عملتيه هفكر سلام
قال جملته وخرج من الغرفه صافعا الباب خلفه .... يعلم ان الصغيره
الان يتلاعب بعقلها الظنون
نظرتها الذبيحه من كلمات عزه مازالت براسه يعلم جيدا ان ماتفعله عزه منذ فتره تدبير بيان هذا هو اسلوب بيان حتي الحركه الغبيه في محاوله اغوائه زفر بقوه وطرق باب عائشه دخل عندما سمح له كانت عائشه علي الفراش يبدو انها تستعد للنوم هبت جالسه ماان راته
#امال هما راحوا فين
#مشيو من بادري .... ابيه هي حور مالها شكلها زعلانه برغم انها من امبارح وهي عماله تقنعني بمميزات سليم الفظيعه وتطمني منه وانه مش بيتعامل بطبيعته مع حد غريب
جلس علي طرف الفراش
#قلتيلي بقي ... وانا اللي ظلمت الواد وقلت كل بعقلك حلاوه اتابي عقلك متاكل من قبل ماييجي ... لا ياستي هي مش زعلانه من كده بس عزه بخت كلمتين ملهومش
لازمه ان عيلتها بترسم علي ورث الراوي كله وبتوقعنا واحد ورا التاني
عائشه بغضب #هي عزه فاكره الناس كلها زيها انا مشفتش حد زي عيله عم محمود في عزه نغسهم وكرامتهم
#دا حقيقي سيبك انا هصلحها بس قليلي بقي انتي مرتاحه لسليم
#عارف ياابيه علي قد ماكنت مضايقه منه عشان معاملته جافه زياده عن اللزوم ... بس لما رحت الكليه اتلقيته بيعامل البنات كلها كده بس انا الوحيده اللي بيستغفر ربنا لما بيشوف خلقتي ... الحكايه دي كانت مضيقاني اوي .. بس برغم كده كنت بامنله عشان عارفه انه بيتقي ربنا ... عشان حتي حور اللي هو مربيها برضه بيتعامل معاها كده ....شوف هو طيب
جاسر بغيض
#يعني بتحبيه
فركت كفيها
#لاء مش حب حب يعني هوااا
#خلاص فهمت علي فكره هو كمان بيحبك
قالت بلهفه #هو قالك كده
#يابت اتقلي ياعبيطه .... عمره ماهيقولها الالما تبقي في الحلال سليم راجل وانا مامن عليكي معاه بس عاوز احذرك من حاجه ... اوعي في يوم من الايام تحسسيه بالنقص او انه مقصر ....سليم نفسه عزيزه اوي وكرامته فوق كل حاجه
....واي حاجه تحتاجيها تحسي انها اكبر من امكانياته قوليلي وانا اجيبهالك من غير مايعرف
ارتمت علي صدره
#ربنا يخليك ليه ياابيه
ربت علي ظهرها وقال
#يابت انتي البنوته اللي حلتنا يعني دلوعه البيت ...
#عارف ياابيه عمري مااتخيلت انك تبقي قريب مني كدا ... انا كنت بخاف منك اوي
رفع وجهها وقال
#ليه ياعيشه داانا عمري مازعلتك
#اصل ياابيه انت ليك هيبه كدا تخوف .. بس عارف حور هي اللي خلتني ااقرب منك ...خلي بالك منها ياابيه عشان نفسيتها بتتاثر بسرعه اليومين دول
تنهد بقوه #عارف هرمونات الحمل
#وبصراحه عزه مش سيباها في
حالها انتي تخنتي بقي شكلك وحش ... لبسك ... وهي بتاخد
الكلام وتعد تعيط
#قالتلي ... المهم دلوقتي بكره هتيجي معانا انا وحور عشان سليم عاوزك تشوفي البيت اللي هتسكني فيه ... وعاوزين بقي نشوف الحجات اللي ناقصه عشان نبدا نجيبها تمام كده
#ماشي .... علي فكره انت لسه مجبتش هدوم النونو وحور بقت في السابع #فعلا خلاص ربنا يسهلها نخلص بس مشوار بكره وبعدين نرتب نبقي ننزل معاكي نجبهم
#ماشي طب مش هتقولي بقي هو ولد ولابنت
#دي هديه ربنا مخفيه لما يظهرها هنعرف يلا بقي اسيبك تنامي ياعروسه
تابعته حتي خرج واخرجت الحقيبه البلاستيكيه التي دثتها تحت الاغطيه ماان دخل ....فضتها لتري علبه متوسطه مربوطه بستان احمر فكت عقدتها وازاحت الورق
اللامع لتري قالب من الشيكولا وزهره حمراء وورقه مطويه فتحتها لتقرا
يحكي ان في قديم الزمان ان الزهور كانت كلها بيضاء وذات يوم احب رجل فتاه احبها بشده احبها لدرجه انه لم يري سواها في حياته فكران يهديها زهره مميزه جرح يده لتسقط دمائه علي الزهره البيضاء لتتحول للونها الاحمر المميز لتكون زهره حمراء رمز الحب ...سليم
قرات الورقه لعشر مرات لن تنكر طريقته مميزه بشده رفعت الزهره لتتشممها برائحه عطره دوما ما تتشممه همست
#نفسي اسمعها منك ...عارف انا بحب الشيكولااوي بس مش
هكلها هعنها ناكلها سوي ...
وضعت الشيكولا بالدرج واحتضنت الزهره والورقه لتغرق في بحر
احلام ممتع فارسها الوحيد هو سليم .....
-----------------------------------------------
٤٤شعور بالنقص
ترجل جاسر داخل الجناح ليفتح الباب وتتسمر ساقاه في الارض خفقات قلبه الصارخه تهزه ،،،، وسخونه عاليه تغلي بعروقه وهو يري امامه امراه مكتمله اكثر مما يجب ..ثوب شفاف بلون اسود حمالات رقيقه قصير بشده يظهر انتفاخ بطنها بروعه شعرها مصفف باغراء لتضع بعض خصلاته علي كتفها اقترب منوم حتي وقف خلفها وبالكاد خرج صوته متحشرج
#حور
لتلف الجميله ويري تجملها المبالغ فيه والذي حول فتنتها البريئه لاخري متوحشه ...عيون مرسومه بخطوط عريضه لتنظهر لمعه بندقها المغري احمر شفاه بلون احمر مستفذ ..ثم عطر ...ليس عطرها الذي يحفظه ولكنه عطر محفذ لان يلتهمها همست
#انت جيت ...
رفع وجهها وهمس من خلال انفاسه اللاهثه
#هواااانتي جبتي الحجات دي منين
هزت كتفها #بتعتي بس مش كنت بلبسهم
ازاح خصلاتها لخلف اذنها وهمس
#طب ولبستيهم ليه
امتلئت عيناها دموع هاهي حوريته المجنونه تختبيء خلف هذا القناع المبهر
# كنت عاوزاك تشوفني حلوه زيها ... عشان انا شوفت نظره عينك وانت بتبصلها
دفن راسه في عنقها الطويل المغري وهمس
#اول مره تقريني غلط ....
ارتعاشه مثيره وتاوه مكتوم .. وهمسه خرجت ناعمه
#امم ..مش تضحك عليه ... انا عارفه. ان هي جميله ووووانا بقيت وحشه وووتخينه وووو
انه علي وشك التهام تلك الحمقاء حرفيا .... الصغيره تريد استعمال
سلاحها الانثوي لاستمالته ... زفر الهواء بنعومه ليتزايد ارتعاش الجميله وتتشبث به فيهمس
# انا عمري كذبت عليكي ياحور
#توء
رفعها بين ذراعيه ليريحها علي الفراش ... ابعد خصلاتها المجنونه لخلف اذنيها وهمس
# منكرش اتضيقت وعفريت الدنيا اتنططت في وشي لما شوفتها كده ...عزه لسه شايله اسمي .... ومجرد انها تحاول تستفذني بالشكل دا ...اللي وراه بيان لان دا اسلوبها ... لان كان ممكن اللي يبقي معايا اي حد تاني شغلت عيني ... ولالحظه ياحور ... اللي شغلت عيني وقلبي واحده تانيه مشت غضبانه من كلمها قعدت مع عيشه لدرجه ان عيشه افتكرت انها زعلانه عشان جوزها هي وسليم ...
مرر يده علي جسدها الشهي وهمس
#انا اتاكدت من حاجه واحده بس النهارده انا قلبي مبيشلش الاواحده وبس ....وهي بس اللي عيني بتشوفها .... اميره قلبي ... اللي جمالها بزياده اوي ... وهي بتذوده عشان تجنني ..... بقميص مجنون وبرفيوم يهوس ... ووو
تلمس حدود شفتيها المرتعشه
#ومكياج اول مره تحطه ...
تعلقت المجنونه بعنقه لتعتدل
جالسه ويضيع هو بشفاه دافئه معبقه بطعم كريزي ممتع يد صغيره تداعب خصلاته بنعومه وهمسه رائعه اطاحت بالبقيه الباقيه من تماسكه ليغرق في فتنه صغيره يتعلم بين يديها الحب يدخل مملكته الواسعه الرحبه ......ويحلق في فضاء رحب من المتعه اللا متناهيه
٤٥عوده نجوم الليل
تمدد غيث في الحديقه امام بيته .. ينظر لنجوم السماء المتلئلئه .. لقد وافقت ان ترتبط به ان تكمل معه الطريق ان تبني معه حياه جديده علي اطلال حياته وحياتها .. كلاهما يمتليء بالالم كلاهما هدم الموت حياته .... ولكنها واففت ان تجازف معه لبناء حياه جديده لما خفق قلبه عندما علم بموافقتها ... تنهد دوما كان يحب التمدد علي العشب ومتابعه صخب النجوم المتحركه في السماء ... روعه تحركها وسباقها البعيد عن القمر ... عندما اخبر جاسر قال انه حالم تكثر مما يجب يتطلع دوما للبعيد لعله محق فهو استطاع ان يقتلع جزوره ليعيش بعيدا لعشر سنوات وسماه كانت تخشي الليل ... ترهبه كف عن متابعه السماء لاجلها فقط ولكن هنا كان يبث النجوم عشقه لها ..هل عاد لفتره ماقبل سماه رؤيه النجوم واخبارها عن مكنون قلبه ... لما لم يدخل البيت ويتحدث لصوره سما كما اعتاد دوما ...لما ... يريد ان يري البسمه الحزينه الغامضه .... نعم غامضه
كلاماتها معه كانت تثبت الرفض لما وافقت هل اشفقت عليه عندما رأته يقطعه الالم بالمقابر ... بالتاكيد رأته ....لما هذا الخاطر اثقل قلبه ... هو لايريد شفقه ... هو يريد مشاعر حقيقيه .... يريد دفيء عاطفي افتقده ... بافتقاد سماه .... تلك البسمه كل شيء بها مميز حتي التحافها بالسواد ... عيناها بلونها
الاخضر كارض واسعه تمتليء خير تلمع بلمعان صاحبتها البيضاء المتدرجه بحمره رائعه ....شفتاها مكتنزه بلون كرزي طبيعي .... وللمره الثانيه يحاول تخيل شكل شعرها ... فليكن مثل شعر ااااا والدته ام جاسر ... ذلك الشلال المجنون الذي كان يصل لبعد ركبتيها ..يذكر جيدا جديلتها الطويله التي قصتها يوم وفاه عمه حدادا عليه .......حسنا فليكن مثل شعر عائشه الذي يماثل شعر والدته يذكر انه كان يحب تمشيطه وهي صغيره ... ويذكر ايضا انه من اطلق عليها ربونزل ... عائشه مدللته الصغيره ورده متفتحه وسط ثلاث ذكور .... كانت دميته المدلله هو وجاسر ... ولكن جاسر كان دوما يكبت مشاعره .... اليوم فقط راي لمعان الحب بعينيها صغيرته ستتزوج سيخطفها فارس علي حصانه الابيض ....وسليم فارس حقيقي .... كل يوم يزداد احتراما له ...احترم بشده طلبه للكتاب ... لم يفكر يوما مثله ... سليم مقيد بعقيده راسخه بشده ... البسمه الحزينه ايضا تشبهه في هذا التقوي واحترام الذات .... .. لقد اشتاق ليحيي الصغير هذا الفتي شبيه والدته ...نسختها الصغيره ....الممتعه يعشق تدليل الصغير والتحدث معه يحب ملمس يديه ... وضحكته المجلجله وحتي اسمه الذي ينطقه بطريقه خاطئه ..... جاسر فاجاه بامر السكن في القصر هو لايحب هذا منذ كان طفل وهذا هو بيته هنا تزوج اباه وامه هنا عاشا لسنوات من دونه هنا ولد ثم حادثه اولي تقضي علي اسرته بالكامل ابيه وامه والسائق ويخرج هو حي طفل لم يكمل شهر من عمره مجرد رضيع ..... لم يعرف له اب غير عمه وام غير زينب .... اعطته من حنانها ولم تفرق ابدا بينه وبين جاسر
بالعكس كان هو المدلل ودوما له تمييز عن جاسر لدي عمه فهو الصغير ....وحتي جاسر احبه وكانه اخوه الشقيق .... كان اقرب اليه من علاء ... جاسر عاشق جتي النخاع ...كان يعلم من البدايه ان مايشعره تجاه عزه ليس بحب وكثيرا مااخبره بهذا ولكنه دوما يعاند ويكابر ... عزه تلك الافعي التي يمقتها منذ صغره هي ووالدتها الحرباء الكبري ... كان يكره افتعالها المشاكل دائما مع زينب شجاراتهم التي لاتنتهي ... ولكن زينب ...اقوي امراه راها علي وجه البسيطه ...وتذكر كلاماتها
#شوف ياحبيبي انا عارفه انك كنت بتحب سما بس انك تفكر في الجواز دا مش معناه انها خرجت من قلبك
قال بحنق #هو الواد ده مش هيكبر بقي ويبطل يفتن
وكزت راسه #ياواد بطل تظلمه جاسر مقليش حاجه
#ياسلام امال عرفتي منين بقي ان شاء الله
#العصفوره قالتلي .... مش عيب ان واحده تشغل عينك مش عيب انها تحرك مشاعرك ومش عيب انك تبدا حياه جديده ... العيب انك تخبي علي امك
قبل يدها
#ياحبيبتي انا مش مخبي ولاحاجه بدليل اني جاي بكامل ارادتي اعترف اهوه ....الحكايه كلها ياامي اني متلخبط مش عارف ان كنت اللي عملته دا صح ولاغلط مش عارف ان كانت هتوافق ولالاء بس مره واحده حسيت اني محتاج ااقعد مع سما واتكلم معاها بس برضه مرتحتش ... يمكن اللي خرجني من اللي انا فيه اني شوفت يحيي
#امممم يعني فكرت زيك وراحت هي كمان المقابر .
#تفتكري لسه بتحب جوزها ...
#وليه متقولش راحت تودعه ...زي ماانت كنت رايح تودع سما بس مقدرتش تواجهه نفسك بدا
#اودعها .... هي خلاص سما هتنتهي من حياتي ياامي
ربتت علي كتفه
#لاء مش هتنتهي بس هتستخبي ليها حته جوا قلبك هتقفل عليها الباب وتسيب قلبك فاضي يتقبل حب جديد .....زي بالظبط ماهنجمع ذكرياتك معاها في قوضه وهنقفل عليها .... القوضه الكبيره اللي في ظهر القصر هنلم فيها حاجه سما كلها ....
قال بحزن #بس
قاطعته # مبسش ....محمود لما شاف بنته بتضيع منه عمل كده اجر بيتها بفرشها كلها ومش كده وبس دااخد كل قمصانها اللي لبستها في بيتها وحرقها. ....من بعيد تحس انها قسوه لكن لما تقرب تعرف انه حب وخوف طول ماهي شايفه الحجات اللي بتجمع ذكرياتها معاه عمرها ماهتنساه ....انت كمان محتاج شويه قسوه .... الام عشان تفرح بطفل بتمر باصعب الم علي وش الارض الولاده ياغيث .... بس بعد اما بتاخد ابنها في حضنها كل الوجع دا بيروح ....انا عارفه ان مش سهل عليك انك تقرر قرار زي ده ويمكن حاسس بالندم بس قراره صح محدش هيحس بوجعك
الا واحده جربته ....اهم حاجه ياغيث اليتيم اللي ربنا جعله في بيتك عشان تدخل بيه الجنه ...راعي ربنا فيه ... وحاجه كمان ..... اتقي ربنا في بسمه .... واوعي تقرب منها غير في الحلال عشان ربنا يبارك فيها ويحفظها
#حاضر ياامي ...بس انتي وشك شكله تعبان
#فعلا انا حاسه بشويه تعب اندهلي عيشه تقسلي الضغط وهنام شويه وهبقي كويسه
تنهد بقوه ...امه محقه كالعاده والان بعد تفكير هاديء علم من تكون ناقله الاخبار بالتاكيد المشاغبه الصغيره ... التي كان يبدو عليها
الالم لسبب يجهله ...عجيبه هي تلك الحور ... برغم صغر سنها وبرائتها التي تظهر واضحه بتصرفاتها العفويه الاانها تملك قلب كبير وحب يغرق الجميع بستثناء عزه بالتاكيد احيانا يشعر انها تريد تقطيعها ونشر جثتها علي ظهر الكوكب ..ابتسم تلك الصغيره قادره علي منح الجميع ابتسامه انها طفله بحق ....ولكن غيرتها قاتله والغريب ان جاسر مستمتع بتلك الغيره ... لما شعر بالحنق من كلمات علاء برغم انه متيقن انه يمزح .... هو ليس برجل غيور بطبعه ...في العاده غيرته مقبوله ... يبدو ان رياح التغيير ستهب عليه بعض التصرفات يشعرها غريبه عليه كفضوله القاتل في الصباح ليعلم لما ذهبت للمقابر ...هل شعر بالغيره لقد سعد لرؤيتها ولكن من داخله كان حانق ... تنهد بقوه وهو يري ضوء الفجر يزاحم سواد الليل ليزيحه وينتشر في الافق ..تنهد بقوه واعتدل جالسا النهار في سبيله لاعلان يوم جديد .... يوم سيبدا فيه حياه فعليه بعيدا عن الذكريات والاطلال واشباح الماضي نفض ملابسه ليترجل للبيت في الصباح ستفرغ والدته البيت سينال قسط من النوم ويبدا بتجميع اشياء حبيبته يودعها ويطلب لها من الله الرحمه
مجمع الروايات الكامله من هناااا
