القائمة الرئيسية

الصفحات

رواية عشق الحور الفصل السادس والأربعون حتى الفصل الحادي والخمسون بقلم مروه شحته

رواية عشق الحور الفصل السادس والأربعون حتى الفصل الحادي والخمسون بقلم مروه شحته 

رواية عشق الحور الفصل السادس والأربعون حتى الفصل الحادي والخمسون بقلم مروه شحته 

٤٦فتنتي

# يارب يكون البيت عجبك

عائشه #جميل جدا و الديكور مميز اوي والالوان حلوه

سليم #يعني مش محتاجه تغيري اي حا جه في الالوان

عيشه #لاء بس انت ليه بنيه كبير اوي كده

سليم #متقلقيش هجيب حد يساعدك

عقدت ذراعيها ووقفت قبالته وقالت بتحدي

#علي فكره انا مش عويله وبعرف اعمل شغل البيت كله

خفض بصره #انا مقلتش كده ... بس كمان انتي عندك دراسه وشغل غير كده انتي متعوده ان حد يخدمك ...

#علي فكره لو اتخيلت ان انا الدلوعه بتاعه بباه ومماه تبقي فاهم غلط ....

تنهد بقوه وقال بتوضيح

#افتكر اني اعرفك من فتره وعارف دا كويس ... وبعدين انا مش عاوز اغير نمط حياتك ....

#انا مشوفتش العياده

#معلش هورهالك انا بعد الكتاب ... هتنزلي مع بسمه تجيبي فستان الكتاب مش كده

#لاء انا عندي فستانين جيبهوملي غيث وهو جاي من فرنسا والغريبه ان هما نفس التفصيله بس الوانهم مختلفه .... فهلبس انا وبسمه زي بعض ... بس انا مقلتش لبسمه تفتكر هتوافق

#مفتكرش هتعترض .. بس انا كنت بفضل تنزلي تنقي انتي حاجه

# علي فكره دي فساتين سهره وانا مش لبستها اصلا .... دا هو حتي يوم ما رجع قلي تلبسيهم في خطوبتك ...

تنهد بقوه #تمام طب ممكن اي خاتم من بتوعك

خلعت احدي خواتمها الصغيره وناولته له ليفتح كفه لتضعها بداخله .... ليغلق يده عليه بتملك ليقول

#طب الفستان بتاعك لونه ايه

#شوف هو في واحد لون السما ساعه الغروب والتاني لونه نبيتي تفتكر بسمه هتختار اي لون

#اتمني تختار النبيتي

ابتسمت #انا كمان .... سليم هو انت مبسوط

رفع عيناه للحظه وتامل وجهها

ملامحها المحفوره بقلبه الخافق سعيد فقط انه علي وشك القفز والتصفيق والصراخ من كثره السعاده .... فرك لحيته القصيره

#دي اول مره تندهيلي باسمي

قالت بحنق #هو سياتك اسمك عوره ولاحاجه لازم يستخبي

حدق بوجهها وانفجر ضاحكا

#انا اسمي عوره ليه ماشي عريان

تاملت ضحكته وقالت بمرح

# طب خد بالك لياخد برد ابقي غطيه يادكتور

رفع احدي حاجبيه وسال

#هو ايه ده

#اسمك ياسليم .... انا داخله لبسمه

وااا شكرا علي الشيكولا عنتها عشان ناكلها سوا

#يعني عجبتك

#اممم وحلوه حدودته قبل النوم ميرسي انا بحب الحوديت خالص وبحب الورد كمان ...

قالت جملتها وفتحت حقيبتها لتناوله كيسه صغيره

#انا مش بحب ابقي مديونه ..

تركتها بين يديه وترجلت لغرفه بسمه فتحت الباب ودخلت هاتفه

#يابختك ياغيث ايه الجمال ده ماشاء الله .. دا الاسود كان دفنك

فركت بسمه كفيها وقالت بحياء

#ربنا يخليكي ياعيشه ... انتي

الاحلي

عائشه # يخرب بيت الرقه ليه حق يقول عليه جعفر

حور ضاحكه #تصدقي صح انا وانت بره القصه دي خالص انتي جعفر وانا مخمير

عائشه #شوفي بقي ياست البنانيت غيث وهو جاي من بره جبلي فستانين سوريه من باريس بس ايه تحفه والاتنين تفصيله واحده .... انا فكرت نلبس زي بعض في الكتاب ايه رايك ....

بسمه # انتي قلتي لغيث

#لاء لسه انا قلت لسليم وهو وافق بصي انا مصورهملك شوفيهم وقوليلي رايك ومردتش اوريهم لسليم

نظرت بسمه للهاتف وتفحصت الاثواب

#هما فعلا تحفه بس دول عريانين ياعيشه واحنا محجبات

#انتي مجنونه ..... احنا هنبقي في وسط الحريم وهنلبس غطا زي اللي كانت لبساه حور في فرحها كده ....وهكلم سليم يظبطلنا مصوره تصورنا معاهم ... هاه ايه رايك هتختاري انهوه

#هو النبيتي حلو بس يعني ...انا هقعد كده ادامه ازاي يعني

عائشه #اه انت فاهمه غلط علي فكره انا اللي المفروض ااقول كده ..بس علي كل اتلقيتي الحكايه تقيله خليكي بالغطا ياحبيبتي انت عايزه تنقطيني

حور #يابنتي سيبك منها دي هبله مانا كنت لبسه فستان عريان يوم كتب الكتاب بس ايه بقي جاسر ولابصلي اصلا

انفجرت الفتاتان بالضحك فقالت بسمه

#هو يحيي فين

حور #اتعلق في رقبه غيث اول مادخل من الباب وطبعا زمانه اكله شيكولاته ودرمغه

ضربت بسمه ساقها في الارض

#طب ليه كده ...

عائشه # ميجراش يابسمه دا طفل عادي لما يوسخ هدومه

بسمه #انا زعلانه علي الشيكولاته اصل انا اللي باكلها

نظرت لها الفتاتان وانفجرا ضاحكين

في الخارج غيث

# في ايه ياسليم مالك متنح ليه ياحبيبي

#هاه ...مفيش ...ااااا شوف انا هحجز قاعه

جاسر مقاطعا #قاعه ايه ياسليم

شوف بقي ياسيدي دا كتب كتاب اخويا واختي يعني بجوز اتنين دفعه واحده ... كتب الكتاب عاوزه هنا تمام عاوزه عندنا تمام ... بس عشان ماما مبنعرفش تتحرك كتير ياريت يبقي هناك ... البنات هيلبسوا عادي وهنكتب وكل واحد ياخد مراته ويخرج

محمود #هاه ايه رايك ياسليم

سليم #تمام اللي تشفوه

محمود #يبقي الكتاب عندكوا عشان الحجه زينب

غيث #عم محمود انت مكلمتنيش في حاجه

محمود #عشان عارف انك هتتقي ربنا فب بنتي ياغيث .... فلوس الدنيا متسواش ظافر منها ...ولادمعه تنزل من عينها ... دي امانه في رقبتك يابني

غيث #عم محمود ... المهر اللي هتقول عليه

قاطعه محمود #المهر اللي هتدفعه افرشوا بيه بيتكوا .... اللي بوصيك عليه هو يحيي حطه في عينك يابني

قبل غيث خد يحيي

#يحيي دا حبيبي اصلا داانا اتجوزت امه عشانه صح يايحيي

#غيت بيبي

جاسر #تمام ياجماعه كده علي ميعادنا اخر الاسبوع يعني بعد بكره .... عم محمود الحجه خديجه وبسمه عند حور من بدري

يونس #وانا معاهم طبعا

امسك جاسر اذنه #عاوز تعود في وسط الحريم

#اي اي خلاص ياابيه هزعزع هنا مع ابو حميد .

وكزه غيث #ياد قعده الرجاله

بالدنيا هاخدك انت وسليم ويحيي عند الحلاق انا وانت ويحي نحلق وسليم يتفرج علينا

سليم #ليه بس مانا بحلق شعري عادي يعني

غيث #حلو سيبلي نفسك بقي وانا هظبطك

سليم # مش مرتاحلك ياغيث

جاسر بابتسامه #لاء متقلقش غيث خبره في الحجات دي

غيث # عجبك كده يايحيي محدش مؤمن بقدراتي

يحيي #غيت بيبي

غيث # انت اللي حبيبي يايحيي

عم محمود عاوزك تسال بسمه هي عاوزه تعييش فين

محمود #يابني دي حياتكوا انتوا ترتبوها مع بعض ادخل يايونس اندهلها

غيث #انا عارف مكاني الحق الكرسي قبل ماتعد عليه هاهاهاه

جاسر #مش عارف ليه حاسس اني سمعت الضحكه الشريره دي قبل كده

علاء # انا هستاذن ياجماعه عشان لسه طالع علي طريق سفر

محمود #توصل بالسلامه يابني

جاسر #علاء متتاخرش يوم الكتاب عشان ايناس تتعرف علي بسمه

اكتفي بهز راسه وتحرك خارجا عاد يونس ووقف بجوار جاسر هامسا

#ابيه خد بالك من حور عشان بتتعب

نظر له جاسر #بتتعب .... كانت بس مضيقه امبارح

#لاء انا اتعودت علي كده هي مرعوبه يمكن عشان الولاده قربت بس قلبي بيوجعني

الحمقاء الصغيره التي لاتصرح ابدا بالالم ...زفر بقوه

#ماشي يايونس ... شكرا

٤٧بسمه خجوله

جلس غيث يداعب يحيي والاخير يضحك بقوه ويجذب شعره وهو مستمر بدغدغه بطنه ضحكات تلك الصغير دوما ترتد بداخله تفتح له طاقه نور ...

#احم احم

نحنحه ناعمه اخرجته من مرحه الطفولي ليري طرف ثوب بلون ارجواني لتتبع عيناه اللون يعشق الارجواني يضيق عند خصرها ليظهر خصر نحيل غايه في الروعه وخمار بلون اخضر فاتح ليخفي باقي مفاتنها المبهره خلفه اللعنه ان فتنتها كامله في هذا الوجه المستدير كستداره قمر منير اليوم تطفي حمره طفيفه علي خديها وشفتيها الورديه الجميله اعلنت انتهاء الحداد ورغبتها في متابعه الحياه معه يبدو ان نظراته المفترسه اخجلتها لانها ضمت يديها امامها لتفركهما .. حسنا لقد فتن بطلتها ووجنتها التي ازداد احمرارها ....

#علي فكره انتي في بيتكوا مش محتاجه عزومه ااقعدي

ابتسمت واشارت الي شعره وقالت

#علي فكره شعرك

مرر يده في خصلاته الطويله نسبيا ليعيدها مكانها وقال

#كده يايحيي تشلفط الجثه ... بس قولي بقي هي امك حلوه اوي ليه كده ... تعرف يايحيي ان انا بحب اللون دا اوي ...

#تمام اسيبك تعد مع يحيي

نظر اليها وقال بحزم

#اياكي ابقي قاعد وتسيبيني وتقومي ....

عقدت ذراعيها وقالت بهدوء

#تمام بس انت بتكلم يحيي مش بتكلمني

ابتسم # يعني لوقلت انك حلوه اوي واللون دا جميل عليكي اوي ووولون الروج تحفه

قاطعته #هسيبك واقوم ..........................وعلي فكره انا مش بحط روج

قالت جملتها لتمسح شفتيها المكتنزه بيدها ثم تفردها امامه

هز راسه نفيا وقال

#مش مصدقك علي فكره ... انا بحب اتاكد بنفسي

اشتعل وجهها وخفضت عيناها

#انت قليل الادب

نظر الي يحيي المحدق بوجهه

#عجبك كده يايحيي امك بتشتمني

يحيي #بمه كخ

غيث #حبيبي يايحيي ... . شوفي بقي دلوقتي عا وز اعرف رأيك في حاجه .... ممكن نعد في بيتي اللي يحيي اجالي فيه دا اصلا بيت ابويا الله يرحمه وانا كنت عايش هناك لحد قبل مااسافر ...او جاسر اقترح اني اخد جناح في الدور التاني في القصر ... دا مقفول بس كل جناح فيهم تقريبا شقه منفصله

تنهدت بقوه

#مفتكرش انك ممكن تسيب بيتك والاكنت قعدت في القصر اصلا

#دا حقيقي انا كل ذكرياتي في البيت ده ... لوحابه هنغير كل حاجه .. علي زوقك زي ماتحبي ولو حابه تقعدي في القصر برضه عادي ...

تنهدت بقوه وقالت

#لاء الافضل يبقي المكان مستقل عشان يعني ابقي علي حريتي

نظر في عيناها

#انتي وفقتي ليه

قطبت #كنت عايزني ارفض

#خالص بس ردك عليه في المقابر كان بيقول انك هترفضي

#انت مش محرم ليه عشان اققف افتح معاك حوار ...

#طب رحتي المقابر ليه

#انا مسالتكش انت رحت ليه .. ومع كده دا انسان كان زوجي وكان لازم اودعه للمره الاخيره ... عشان ااقدر اقفل صفحه وافتح صفحه جديده

ورغما عنه تاملها باعجاب

#هتقدري

تنهدت بقوه # لومقدرتش يبقي مش هينفع اتجوز

#مش فاهم

# انت غيري انت ممكن تتجوز وتفضل تفكر في مراتك عادي ربنا مش يحسبك ... بس انا مينفعش ابقي في عصمه راجل وافكر في واحد تاني دي تبقي خيانه للامانه ربنا يحسبني عليها

نظر اليها باحترام وتقدير حقيقي لقد اعجزته بحكمتها وتقواها .. هل هي احدي الملائكه

#طب وهو انا لوفكرت فيها مش هتضيقي

#حاليا لاء. .. لكن وارد اتضايق في المستقبل بس ... برضه مقدرش اصرح بده .... عشان القلوب بايد ربنا محدش بيتحكم فيها ...سالت انا وفقت ليه ..وفقت عشان صليت استخاره وحسيت ان انا مرتاحه ... وحور قالتلي انك عارف ربنا ومش بتسيب فرض ... وبابا كمان قالي كده

قال بتردد #انتي صريحه اوي .... ...انا بقي لسه مش قادر ااقفل الصفحه ...ومحتاجلك معايا

# طب مانا هبقي معاك

تنهد #شوفي يابسمه انا من ساعه مارجعت من بره .... مقدرتش ادخل قوضتي انا وسما ... ومش هقدر اعمل ده لوحدي ....القوضه فيها حجاتها كلها لبسها وبرفانتها و ووو

اغمض عيناه وبلع ريقه فقالت

#وذكرياتك معاها ..

#يعني لو مش هيضيقك هبقي محتاجلك معايا نقفل الصفحه دي مع بعض ممكن

ابتسمت وهزت راسها موافقه

#يعني مش هتضيقي

#علي فكره انا عارفه كويس جدا انها مش سهله خصوصا اللي فهمته من كلامك انك كنت بتحبها اوي .... انا كمان كان صعب عليا جدا ان بابا يمنعني من الذكريات اللي كنت عايشه عليها ...ياجر البيت ويرجع حجاته لاهله ... حتي الصور ... كنت في الوقت ده محتاجه اي حد يكون جنبي فعلا يمكن لولا سليم وكلامه معايا وحور كمان .. مكنتش قدرت اتخطي المرحله دي ..... صدقني انا مقدره اوي اللي بتقوله

قال بانفعال #انتي قلبك طيب اوي ... عارفه انا مش عارف رحت ليه ... رحت عشان احكيلها ولااودعها ... حسيت انها ماتت اليوم دا .... قلبي كان وجعني بس كنت خايف

#خايف من ايه

#خايف ترفضي وتقفلي باب امل اتفتح جوايا ... مش عارف اتفتح امتي بس انتي الوحيده اللي قدرتي تعملي كده .... عارف انك هتستحملي كتير معايا .. وهتتعبي كتير معايا ... بس انا حقيقي محتاجلك ... وكل اللي بطلبه من ربنا اني اقدر اسعدك وعوضك اللي انتي معشتهوش .. واللي انا كمان اتحرمت منه من سنين ... عارفه ببقي مرتاح اوي وانا بتكلم معاكي مش عارف بيني كده هحبك باين

قاطعته بارتباك

#اااا يحيي نام ووووااانا لازم انيمه

حدق بوجهها المشتعل وتلك الاسنان اللؤلؤيه القاسيه التي تقطم شفتيها المكتنزه تري كيف يكون مذاقها انها تشبهه الكريز الطازج اقتربت ليتشتت برائحتها الانثويه المغريه يزفر الهواء بنعومه غارق حتي اذنيه في فتنه مخفيه عن عيناه لمسه غير مقصوده ليده التي تحمل الفتي ثم اعتدلت لتقول بسرعه

#هي عيشه قالت ان الفساتين انت جبتهم وهما حلويين ووو تصبح علي جنه

قالت جملتها لتختفي من امامه في لحظه .... ممتعه هي بسمه خجوله

كان غارق في تاثيرها ... لما هي خجوله هكذا اليس الاجدر بها ان رتكون اقل حياء من هذا ... سما كانت متحرره بشده تعبر عن مشاعرها ببساطه ...دون خجل وهذه البسمه تخجل من مشاعره هو .... يد جاسر التي وضعت علي كتفه اخرجته من شطحته لارض الواقع

#ايه يااخينا رحت فين

#مع النجوم

#والله زمااان ياغيث هترجع تاني للنجوم والقمر

#تفتكر بتحب النجوم

جاسر #يلا ياحبيبي خلينا نروح اتفقت معاها علي الشبكه والسكن

غيث #شبكه ايه

جاسر #قوم ياغيث بدل ماامد ايدي عليك قدام الناس عدي

سليم #ايه ياغيث انت عجبتك القعده لوحدك

هب واقفا وقال # انتوا هتحفلوا عليه

خديجه #يلا ياجماعه العشا جاهز

جاسر #لاء عشا ايه احنا يادوبك نروح

خديجه #لاء كده ازعل والله

غيث #انا قتيل العشا

ثم مال علي اذن جاسر

#هتيجي تعد معانا

سليم ضاحكا #عليك واحد ياحلو معندناش حريم تعد مع الرجاله

غيث باحباط #داانت حمي ... ماشي ياسي سليم بكره تقع تحت ايدي ياحلو معلش ياامي خلي العشا يوم تاني

محمود #مينفعش يابني

اجتمع الرجال هلي مائده الطعام ليسال غيث

#هو يحيي لسه نايم

يونس ضاحكا #اه .... كده برده ياغيث تاكله الشيكولاته كلها ... طب هتخانق علي ايه دلوقتي انا وبسمه

محمود #الله يفضحك انت متسترش ابدا بتاكلوا الشيكولاته بتاعته الواد الصغير ....

تشارك الجميع بالضحك وقال غيث

# احلي شيكولاته ياسي يونس كده بس

انتهي الطعام ليرحل الجميع ويتحرك سليم لغرفته ينظر لعلبتها وكانها كنزه الدفين متي ياتي الوقت الذي كلماتها ان يصرح بالعشق عائشه من زرعت ورود ورياحين فواحه بقلبه ...انها ليست كما كان يعتقد فتاه مدلله بالعكس تريد تحمل المسؤليه ... جميله هي جميله بكل شيء حديثها كلماتها

المرحه وروحها الطيبه ...امسك الصندوق بين يديه تحسسه ليفتحه ويفرغه ليري سلسه مفاتيح فضيه محفوره عليها جمله الله يحفظك ....ورقه صغيره

دي عشان تفتكرني غلاسه وانت بتفتح الباب والعياده والعربيه ... الورده الحمرا جميله ... وانا كمان بحبها اوي ......عائشه

ابتسم وهو يتمسك بتلك القلاده

#ربنا يحفظك ليا يا عيشه

استلقي علي الفراش من كان يصدق ان سليم الذي عاش طوال عمره يحارب فتنه النساء يقع بفتنه تلك اليمامه البيضاء صاحبه عيون الغزال الواسعه ...

---------------------------------------------

اندفاع

ترجل سليم وعائشه من السياره ليحتضن سليم يدها ويترجل ناحيه البيت عائشه

#هواااحنا جيين هنا ليه

#دلوقتي تعرفي

فتح الباب وقال بابتسامه

#ادخلي ياعيشه

ترجلت للداخل لتري ورود في كل مكان علي شكل قلوب تمليء الارض وطاوله عليها الطعام تقدم ليشعل الشموع لفت حول نفسها وقالت بسعاده

#عملت كل ده عشاني ..  بصراحه متوقعتش

خلع سترته ليضعها علي المقعد واقترب منها وقال بابتسامه

#طب ليه

هزت كتفيها

#يعني انت جد اوي وااا

  سليم # وااا ايه ... قلتلك ياعيشه عشان ااقدر اعبرلك عن اللي جوايا لازم يكون في الحلال ....

ابتسمت # بس انت مقلتش حاجه

قرب وجهه منها

#احنا لسه كتبين من شويه

#امممم يعني هتنطق امتي لما نطلع علي المعاش

انفجر ضاحكا قالت

#علي فكره غمازاتك حلوه

#انتي اللي جميله اوي ... بس معتش مكياج تاني اتفقنا

#طبعا بس هحط يوم الفرح بس

# توء تحطي في بيتك عشان اشوفك انا وبس .... انتي اصلا فتنه لوحدك  حتي وانتي لبسه حجاب ومفيش حاجه بينه منك عارفه الفستان حلو اوي عليكي اتخيلته غير كده خالص انتي قلتي غيث جيبه من فرنسا

فكت الرابطه التي اسفل راسها لترفع الغطاء عنها وتحتبس انفاسه وهو يري الثوب بلونه المميز وقد ظهرت معالمه يضيق عند الخصر مفتوح ليظهر ذراعيها واحدي كتفيها عاري والاخر بكم قصير ثم شعر اسود تحرره لينسدل بروعه ثم تلف حول نفسها ليري شعرها الطويل يصل لقرب ركبتيها تقريبا

#اكيد مش هظهر بيه قدام حد كده هاه زي ماتخيلته

هل احدهم اشعل الغرفه ام انه يحترق ذاتيا حاليا ... الايجب ان يغض بصره ... ان ..... ماذا يفعل انه لايستطيع حتي اشاحه بصره اقتربت منه

#هو مش عجبك

بالكاد وجد صوته الضائع

#اااااا استغفر الله العظيم ... حرام عليكي

قطبت بين عيناها وقالت

#تاني ياسليم .... انا عاوزه اروح

قالت جملتها لترفع الغطاء ليقترب منها ويقول

#استني بس افهمي .... عيشه انا مش عاوز اغضب ربنا فيكي .... انتي هتدخليني النار حدف عشان مش قادر حتي ابعد عنيا عنك

قالت بغيض

#نار ايه ياجدع انت هو احنا مش كتبنا الكتاب يعني مش حرام اظهر قدامك كده

زفر الهواء بنعومه وهمس

#ايوه بس اااا  انتي فتنتي ياعيشه عارفه يعني ايه فتنتي . .. انا عمري مابصيت لواحده غيرك ... انتي الوحيده اللي عيني كانت بتخني وبص عليها .... عشان كده كنت بستغفر ربنا .... انا عشت طول عمري عارف ان الحريم فتنه

لازم اتجنبها ... من وانا صغير اتعودت علي كده ... حتي لما كبرت ودخلت الجامعه كنت بتجنب اتعامل مع اي بنت .... ولما سافرت كمان ياعيشه انا تقريبا مكنتش بعرف ارفع عيني من الارض من المناظر هناك .... فضلت ثابت زي مانا لحد ماشوفتك ... وكل حاجه جوايا اتلخبطت ... كنت بستغفر عشان مفيش مره وقفتي قدامي مشاعري متحركتش نحيتك ...  ياعيشه انا من يوم ماشوفتك وانا عايش حياتي الصبح صايم وبليل اقيم عشان مفكرش فيكي ... ويارتيني كنت بقدر غصب عني اول مااغمض عنيا اشوفك عنين غزاله مش عايزه تسيبني في حالي .... انام احلم بيكي  في حضني اصحي استغفر ربنا واقول معنتش هبصلها تاني ... بص غصب عني مبقدرش ...   

اقربت خطوه وهمست

#ودا اسميه ايه بقي حب

بلع ريقه بصعوبه وهمس

#لاء ... عشق

تعلقت بعنقه وهمست

#وانا كمان بحبك اوي ... عارف عمري ماتخيلت تقول

كلام حلو كده ...

اقترب حتي تلمس شفتيها وهمس

# يعني مبسوطه بعذابي

همست بنعومه

#توء متهنش عليا ياسلومتي

ليضمها اليه ويضيع تماما بدفيء شفاه  ساكنه يتعلم منها العشق ويستمد منها الحياه ... تلك الجميله لاتدرك خطورة فعلتها .... لتقترب لرجل لم تتحرك رغبته الالها  لتأن بين انفاسه لتطلب الهواء يبتعد لتضع راسها علي صدره  يداعب شعرها الطويل فتنته التي سقط بها دون مجالا للعوده ومااروعها فتنه زفر بقوه وحاول استجماع شتات نفسه المبعثره

#مش قلتلك هروح النار بسببك

لترفع راسها وتنظر اليه بغيض

#تاني ياسليم

تلمس شعرها وهمس

#اصل انتي حلوه اوي ياعيشه

هوااا دا شعرك حقيقي

رفعت شعرها لتضعه علي احدي كتفيها وقالت

#لاء مأجراه  .... هو مش عجبك

تلمس نعومته وقال

#اصله حلو اوي وااااا

تلمس شفتيها المنتفخه قليلا وهمس

# شوفي هو انا هكلم جاسر نعمل الفرح الاسبوع الجاي لاء كتير بصي نعمل الفرح بكره

حدقت بوجهه

# بكره ازاي يعني مش هنلحق بص انا شوفت شويه كتالو ج للعفش تحفه هنجيب قوضه النوم والانتريه والسفره هندفع تلت تلاف وكل شهر ندفع خمسميه جنيه ....احنا مش محتجين اكتر من كده وبعد اما نخلص حق دول نبقي نفرش قوضه قوضه

كان يحدقها بانفعال حقيقي ابنه الراوي تريد فرش بيتها

بالتقسيط المريح قالت بارتباك

#طب بص اصل انا معرفش امكانياتك بس عادي ممكن ناجل السفره بس لازم نجيب انتريه عشان لما يجلنا حد وكده

شدها بين ذراعيه وقال بانفعال

#انا بحبك اوي انتي هديه ربنا ليه .... ياحبيبتي الحمد لله ربنا فرجها ... واللي نفسك فيه هجيبهولك ... دا كفايه بس انك معايا .... 

رفعت راسها وقبلت خده

#ربنا يخليك ليه ... انت كمان هديه ربنا ليه ... عارف علي قد ماكنت بتخنق منك عشان بتستغفر كل اما تشوفني ... بس برضه كنت بفكر فيك غصب عني ...

امسك يدها واجلسها علي المقعد ليجلس امامها

#عارفه اول مره استغفرتي في وشي فضلت اضحك طول اليوم ... طب انا بستغفر عشان خيالي بيشطح وانتي قدامي انتي بقي بتستغفري ليه ... بس بعد كده حبيت استغفارك بقيت اتونس بيه ... 

رفع  بعض الطعام ليضعه علي شفتيها اكلته وقالت باسمه

#هو انت هتاكلني

ابتسم # طبعا دي سنه ... ااكل حبيبتي وادلعها واعشقها اوي قليلي بقي بتحبي الاطفال

#جدا

#وانا كمان ... عارفه نفسي ربنا يرزقنا .... بالمقداد وحمزه و خالد وحذيفه

قاطعته

#ونجيب القعقاع ونعلن الحرب صح  ...

انفجر ضاحكا فقالت

#علي فكره انا عارفه انك اتضيقت عشان الدهب اللي جبته ماما ... انا قلتلها انك هتزعل ... بس الحجه زينب بقي

رفع كفها وطبع عليه قبله ناعمه

#انا مزعلتش ولاحاجه

#هي والله عملت كده مع جاسر وهو بيتجوز عزه وغيث وعلاء بس هي محضرتش جواز حور

هب واقفا ليرفع الغطاء من علي الارض ليضعه علي كتفيها وامسك يدها لتجلس بجواره علي الاريكه الوحيده

#معلش بس عشان انا ضعيف ونقصلي دقيقه وهتهور ... عارفه انا عملت خناقه لرب السما مع بابا اول مارجعت بسبب جوازه حور دي ...كنت اول مره ازعق بالشكل ده لبابا

#حور دي مفيش زيها في الدنيا وكفايه ان حبيبي اللي مربيها

#انتي قلتي ايه

ارحت راسها علي كتفه

#حبيبي وروح قلبي وجوزي

هب واقفا وقال بغيض

#ياشيخه اتقي ربنا بقي ... قومي البسي عشان نروح

مطت شفتيها وقالت

#زهقت مني ياسلومتي

قرب وجهه منها وهمس

#سلومتك علي اخره ... احنا لسه كتبين قومي

مررت اصابعها الصغيره في لحيته ليزفر بنعومه

#تعرف ان انا بحب لحيتك اوي

قبل كفها وهمس

#ابوس ايدك كفايه ضغط هنفجر

اعتدلت بجواره وقالت بارتباك

# عارف ياسليم ... انا طول عمري وانا لوحدي عارف بقي البنت الوحيده في البيت يمكن اكتر حد كان قريب مني غيث .... لاني كنت بترعب من ابيه جاسر وعلاء ديما مكبر دماغه ومبشلش هم حد ..

غيث كان بيحب سما اوي .. هي بعدته شويه بس برضه فضل يسال عليه حتي بعد اماماتت موتتها كانت صعبه اوي وغيث اجاله انهيار وساب الدنيا كلها وسافر ومع كده لما فاق برضه كان بيسال عليه ..

يوم العمليه اللي عملناها في عيادتك حكيتله اللي حصل قلي سليم بيحبك مصدقتوش دا مش طايق يشوف وشي بس كلامه خلاني غصب عني افكر فيك ... علي فكرة كنت بستغفر ربنا برضه .... يوم ماانت حددت الكتاب غيث

وعلاء طلعولي عشان يطمنوا عليا ... وقالي كلمتين معرفش هو صح فيهم ولاغلط ...

#قالك ايه

فركت كفيها وقالت

#قالي الحاجز اللي بينك وبين سليم هو مش هيتخطاه اتعاملي معاه بحريتك لانه هيبقي جوزك .......سعتها

علاء زعقله وقاله انت مجنون ازاي تقولها حاجه زي كده .... غيث قاله انت متعرفش حاجه انا اامن علي عيشه مع سليم اكتر ماامن عليها معاك ... فمش عارفه بقي انا سمعت كلام غيث ... بس حسه انك اتضايقت وانك بتقول ان انا قليله الادب وو...علاء كان عنده حق ووو

ابتلع باقي كلاماتها بشفتيه المشتاقه لكل لمسه همسه كلمه من تلك الحمقاء ابعد وجهه ليمسك يدها ويضعها علي نهايه ضلوعه

#انتي الضلع ده ياعيشه ... اللي ربنا خده من ادم عشان يخلقله حوا بتاعته .... انتي حوا بتاعتي ..اللي مشوفتش غيرها ومش هشوف غيرها .

انا مفيش بيني وبين غيث

كلام اوي بس عمري مااتخيلت انه يكون عارفني للدرجادي ... يمكن لولا كلام غيث معاكي مكنتش قدرت اعبرلك عن كلمه واحده من اللي جوايا .. انا بعشقك وبعشق شقوتك ومنكفتك وعندك وانت واقفه بتجادليني الكلمه بكلمتها .... كنت بقعد ادعبس علي كلمه غلط عشان اتلاقي موضوع اتكلم فيه ..... انا كنت عارف ومتاكد من ساعه مارفعتي الطرحه وكل اللي بتعمليه مش من طبيعتك ... بس حبيته اوي قربك جنه فضلت شهور احلم بيها وبس عمري ماحسيتها ...ومستكترها علي نفسي اوي ....انت فتنتي بس بقت في الحلال ...يبقي وكفي بها فتنه

#يعني انا منزلتش من نظرك

ربت علي خدها

#انتي تاج علي راسي ياعيشه .... اوعي تقولي الكلمه دي تاني انتي مراتي

ارتمت علي صدره وهمست

#انا بحبك اوي

ربت علي شعرها وهمس

#وانا بعشقك ياعيشه يااحلي حاجه في عمري كله شوفي بقي ياست البنات ... انا كنت محوش مبلغ كده علي جنب عشان الزمن ...دا اللي ننفرش بيه البيت ممكن ميكفيش فهنسيب قوضه او اتنين بس  والاجهزه

#الاجهزه والفرش علي العروسه ياكابتن ..

#دا اكيد

#اه والله حتي اسال اي حد .. اصلا انا عندي الاجهزه كلها انا مش ناقص عندي بس غير السجاد والستاير والنجف الحاجه زينب كانت بتقولي الحجات دي تتشري علي لون الفرش ...

#يعني انا بجيب الخشب بس ازاي ....

#والبيت حضرتك .. هو المفروض انت بتجيب البيت وتفرش تلت قوض نوم وانتريه وسفره وانا بجيب قوضه الاطفال ... بس احنا عشان بيتنا كبير المفروض جاسر يجيب تلت اوض ... بس طبعا كان مستحيل ااقولك دا في اول الكلام عشان متفهمش غلط  بس علي فكره دا العرف اللي ماشي ...

#اممم ... معني كده ان بابا هيجهز بيت غيث كله تقريبا

زفرت بقوه

#ربنا سبحانه وتعالي قال ومتعوهن علي الموسع قدره وعلي المقتر قدره .....وغيث ربنا موسعها عليه ... مش هيشيل عم محمود دا ...زي

بالظبط لوكنت مكانه كنت هتعمل كده برضه .... عارف انا مبسوطه اوي انه اخيرا خرج من اللي كان فيه وهيعيش حياته وبسمه كمان تستاهل كل خير ربنا يهنيهم ويوفقهم

قبل راسها #ربنا يخليكي ليه

#ويخليك ليه ياحبيبي

#لو الحكايه زي مابتقولي كده احنا ممكن نفرش في اسبوع ونعمل فرح واطلع عليكي اللي بتعمليه فيه كله

قربت وجهها منه وهمست

#هو انا جيت جنبك ياحبيبي

زفر بنعومه

#حرام عليكي ياعيشه  .انا مش حملك ..يلا عشان نروح بقي

#انت عندنا بكره

#مش هينفع

#هطبخلك

#انتي بتعرفي تطبخي

قالت بمرح

#طبعااااا هعملك من اللي تحت الحوض يامسعودي

#هو انتو يتحطوا ايه تحت الحوض يالينا

#خليها مفجاه

#طب يلا بينا


٥٠تضميد الجراح

#والله الواحد مش عارف كان هيعمل ايه من غير حور

اطعم يحيي فقالت بسمه

#هي حور كده بتحب تهتم بكل حاجه ... بس انت بتاكل يحيي ومش بتاكل

رفع بعض الطعام الي شفتيها المكتنزه وقال

# بتهيألك انا باكل انتي اللي مش بتاكلي

تناولت الطعام من يده لتقول بارتباك

#انا شبعت الحمد لله ... هات يحيي عشان اغسله

#لاء انا هغسله ... ممكن فنجان قهوه

#بليل كده مش هتعرف تنام

ابتسم #مانا مش عايز انام

المطبخ هناك اهوه

قال جملته وحمل الصغير للحمام عاد بعد قليل ليجدها حملت الاطباق ونظفتها وتقف بالمطبخ تبحث عن القهوه

اجلس يحيي علي الاريكه واتجه ناحيه المطبخ وقف خلفها وقال وهو يفتح احد ابواب الخزانه

#بصي القهوه اهي والسكر اهوه والكنكه في الدرج دا

#طب ممكن تنزلهولي عشان مش هطول

اقترب تلقائيا لينزل العلب التصق بها عفويا .... ليضطرب هو لسبب لايفهمه وترتعش الجميله ... رعشه اثارت فضوله ليلفها بين ذراعيه فتخفض هي وجهها المشتعل انها ممتعه بحق رفع ذقنها وقال بهمس

#مالك في ايه

قالت بارتباك

#مفيش حاجه بس ااا هعملك القهوه وووو

نظر في عيناها بها لمعه خوف

#انتي خايفه

قالت بسرعه #ابدا بس اااا يحيي وووواااا

ربت علي خدها

#احنا من ساعه مادخلنا البيت وانتي متنشنه اوي .... ايه الحكايه

تسارعت انفاسها وقالت

#مفيش حاجه ... بس ... اصل اااابابا قلي .... ان .... يعني ....

هل تخشاه لهذا الحد اللعنه انها مضطربه كعذاء غريبه هي حقا بسمه خائفه

# اهدي يابسمه .... احنا لسه ماخدناش علي بعض عشان ااقربلك ....

حمل العلب ووقف يصنع القهوه قالت

# انا هعملها

#انا وانتي واحد قوليلي بقي اختارتي اللون دا ليه

#انا بحب النبيتي

#انا كمان لما شوفت الفستان دا فكرت اجيبه لعيشه عشان لما تتخطب وجبته فعلا نبيتي وبعدين افتكرت ان عيشه مبتحبش اللون ده فجيبت التاني ....بس انتو غيرتو معالمه خاااالص

قالت بسرعه

#لاء هو زي ماهو بس مينفعش نلبسه كده يعني ....عشان حرام

حمل كوبه وناولها واحد وقال باسما

#علي فكره انا عملتها مظبوط عشان انا بشربها كده

#انا كمان بشربها مظبوط

تحرك للخارج للتحرك هي خلفه وضع الكوب ورفع الصغير النائم وقال

#هنيمه جوا عشان ميقعش

قال جملته وتوجه لغرفه جانبيه ليريح الصغير تركت لعيناها العنان لتامل البيت علي الاقل رفع صورته وزوجته من الصاله الكبيره عاد بعد قليل وقال

#متقلقيش غطيته

#انا مش بقلق عليه وهو معاك

جلس بجوارها

#ليه

#عشان بحس انك بتحبه وهو كمان حاسس بكده عشان كده اتعلق بيك

اخرج علبه لفافاته وقال

#يضيقك لو دخنت

#مكنتش اعرف انك بتدخن ... بس دا خطر علي صحتك ..

#يعني بتضايقي

#لاابدا برحتك

اشعل لفافه ونفث دخانها وقال

# بسمه اعدي براحتك متحسسنيش اني ضغطك

فركت يديها امسك يدها

#انتي ايدك متلجه ... ياماما اهدي .....

زفرت بقوه وكانها تستدعي الهدوء ...

#مقلتليش بقي عملتوا ايه في الفستان

اشارت الي رابطه تحت ذقنها

#معملناش حاجه احنا بس لبسنا غطا عليه مش اكتر

اعتدل في مواجهتها

#امممم طب انا عا وز اشوفه

تنحنحت بقوه

#في ايه انتي هتموتي انا جوزك علي فكره ...

#طب اااغمض عنيك

#هشوف الفستان في الحلم

ابتسمت فقال

#ايوه كده فكي

اخرج من جيبه شيكولاته وقال

#سمعت انك بتحبي الشيكولا

لمعت عيناها وقالت بحماس

#بحبها جدا ...جربت القهوه بالشيكولاته

#ودي ازاي بقي

امسكت اللفافه من يده واطفاتها لتفتح الشيكولا وتخرج قطعه وتناولها له

#حطها علي لسانك وخد بوق قهوه

#مش عارف ليه مش حاسس اني بتغفل بس ماشي

فعل كما قالت

#امممم تصدقي فعلا جميله

فعلت مثله لتغمض عيناها وتهمس

#عندما تعشق الشيكولا ضحك علي كلمتها المسرحيه وقال

#تنفعي تعملي اعلانات بس برضه هشوف الفستان

#هو انت مش بتنسي

قرب وجهه منها وهمس

#انا مش يحيي يابوسي

اتسعت ابتسامتها لتظهر غمازاتها الممتعه

#حلو بوسي .... محدش قلهولي قبل كده

رفع يده وفك رابطه الغطاء وقال

#لما ااقول كلمه تتنفذ ماشي

هزت راسها موافقه انها بالفعل تخافه لما ... ابعدت الغطاء لتخطف عيناه اللعنه انها فاتنه فاتنه اكثر مما يجب ... بشره لبنيه بيضاء تضاهي بشره

الاطفال نعومه .... شامات رائعه علي كتفها شعر اشقر لامع وكانه سبائك ذهبيه منسابه زفر بقوه

#حلو اوي ... زي مايكون متفصل عشانك

ابتسامه خجله اخرجتها من توترها جزئيا

#شكرا ... انت كمان البدله لونها حلوه عليك ....

# عيشه امبارح قالتلي علي موضوع الفستان وانا سالتها اختارتي اي لون ... في بعض حجات بتعدي عليه مش باخد

بالي منها لو منبهتنيش تفلت مني زي موضوع الشبكه مثلا لولا ان جاسر نبهني مكنتش خت بالي .... ودة مش قله اهتمام علي فكره بس فعلا في حجات بتقع مني مش باخد بالي منها

هزت كتفها

#علي فكره عادي ...حتي لو مجبتش خالص مش هتفرق يعني ....كانت كفايه الدبله جدا

ابتسم #لاء اللي في العلبه الحمرا دا زوقي انا اللي في العلبه الزرقا دي شبكه ماما ...هي متعوده علي كده احنا نجيب بلفوسنا وهي تجيب عملت معانا كلنا كده ..اتفرجي بقي علي سليم وهو بياخد علبته كنت حاسس انه هيطرشق بس طلع مخه كبير وعدي الليله لانه لوكان قال لاء كان هيقلب الدنيا انتي متعرفيش ماما جبروت

ضحكت #لاء خالص دي طيبه وحنينه جدا

ابتسم # ماما شخصيتها قويه جدا يمكن مكنتش بينه ايام بابا اوي اصل هو كان كبير اخواته البيت كله كان بيترعب منه كلمته دستور غير قابل للمناقشه يمكن انا شويه منزلتش تحت ايده بس اللي كان بيعمله في جاسر مش طبيعي كان يضرب جاسر واخاف انا .. كان مربيلي الرعب بضربه لجاسر ... كنت اعمل العمله وهو اللي يضرب

قالت ضاحكه

#ياحرااام داانت كنت مفتري

#هو انا اللي كنت بضربه

#اذكروا محاسن موتاكم

هب واقفا ليخلع سترته والقاها علي احدي المقاعد المنتشر عليها ثيابه

#لاء من نحيه محاسن فهو كان في محاسن وعفاف وتهاني

قطبت # مين دول

#الاسماء اللي اجت في دماغي بابا علي قد شدته دي لما كان جاسر او انا بنتعب كان يفضل قاعد جنبنا طول الليل ومره جاسر جتله الصفرا كان بيموت شفت دموعه .... عمره ماحرمنا من حاجه بس هو كان شايف ان قسوته علي جاسر هي اللي هتخليه يشيل المسؤليه لحد مااتولد علاء دا بقي كان الدلوعه يعني هو بن البطه البيضا واحنا ولاد البطه السودا

#طب اشمعني علاء

#عارفه متلقتش الاسبب واحد علاء شبه ماما وهو كان بيعشقها اي حاجه تقولها لازم تتنفذ ...

قاطعته

#انت بتدور علي ايه

اكمل عبثه بالملابس الملقاه علي احدي الارائك وقال

#علي ترنج مش بعرف ااقعد ببدله بتخنق

هبت واقفه وتوجهت ناحيه مقعد اخر وقالت

#انت مرتب جدا الصراحه واضح انك بتدور في كنبه هدوم الخروج الترنجات علي الكنبه دي

اعتدل واقفا وتاملها ترتب فوضاه هو يعلم جيدا انه كائن فوضوي ... سماه كانت مثله لذا استعان بخدم للبيت .... كانت تحاول فك طلاسم الثياب المبعثره وتطوي كل منامه مع بنطالها ... ناولته ترنج كحلي

#الستره دي تقريبا دا بنطلونها اصل معظمهم يااسود ياكحلي

تناول الترنج ضاحكا

#لاء مهو انتي مش فاهمه انا بلبس الترنج علي بعضه مره واحده بس وبعد كده مش فارقه بقي

#وطبعا المره دي اول ماتطلعه من الكيس ...

#صح

هزت راسها لتكمل طي باقي منامته فقال

#علي فكره كلهم نظاف ممكن تخدي واحد تغيري هدومك بدل ماانتي قاعده متاربجه كده

قالت بسرعه

#ماشي علي الاقل دا مستور بس متتريقش

انتقت واحد بنفس اللون الكحلي ووقفت

#ادخلي في القوضه اللي نايم فيها يحيي علي مااغير انا كمان

تحركت للداخل بدل ملابسه وحاول ان يعدل ثيابه كما فعلت ولكنه فشل فالقاه علي احد المقاعد

#هي بتطبقهم ازاي

فتحت الباب لتظهر امامه فهم الان لما تحدثت عن السخريه انها تغرق حرفيا بمنامته .... انها ضئيله بشده او انه عملاق ولم يلاحظ هذا الاالان تحركت ببطء خشيه ان تتعثر وجلست علي اقرب مقعد تثني البنطال حتي ظهرت قدمها الصغيره وعلقت

# عارفه هتموت وتضحك ... شكلي مسخره صح

اقترب منها وقال باسما

#يعني هو كان كفايه الجاكيت ..اول مره اعرف ان انا عملاق اوي كده

هزت كتفها وقالت

#هو ااا العيب مش فيك انت في الحقيقيه ... علي فكره البيت حلو وتقسيمته كمان

امسك يدها بطريقه عاديه وقال

#تعالي لما افرجك عليه

البيت مكون من عشر غرف تقريبا هذا بالاضافه الي الصاله الكبيره والمطبخ المكشوف ادخلها كل الغرف تقريبا ماعدا غرفه واحده لم تكن بحاجه ان تسال انها بالتاكيد غرفه زوجته الراحله قال

#احنا هنغير كل حاجه خساره حرام العفش شكله جديد هو بس محتاج حمله نظافه محترمه وهنغير في اماكن شويه حجات .

يعني هننقل السفره مكان الليفنج ..... وهنغير الستاير عشان لونها غامق ... هنحطها بيضا .... والسجاد كمان عاوز يتغير ....

قطب بين عيناه

#تخيلتك عاوزه تغيري كل حاجه علي فكره دا حقك ومش خساره ولاحاجه

# لو تغييره هيريحك غيره ... هو زوقه حلو لو اترتب

قال بحزن

#البيت كله زوقي ماعدا اللي انتي قلتي عاوزه تغيريه وووقوضه النوم الكبيره ..

اقتربت خطوه

#انت قلت انك محتاجلي عشان تقفل الصفحه القديمه ....بس اللي لحظته انك شلت صورها من البيت

جلس علي المقعد ليشعل لفافه وقال

# تعرفي ان اهلها قطعوني بعد اما ماتت ....اختها قلتلي انت السبب .... بكره هتنساها وتعيش حياتك مش عارف ليه افتكرت الكلام ده وجاسر بيشيل الصور بتعتها

تنهدت بقوه وجلست بجواره

#ندمان مش كده

هز راسه نفيا وقال

#لاء بس برتاح لما بتكلم معاكي،،،،،، عارفه يمكن انتي الوحيده اللي بقدر اتكلم معاها عن اللي جوايا ومش عارف ليه ببقي حاسس انك فهماني ... كاني بتكلم مع نفسي .....

#انا فاهمه احساسك ... وعلي فكره كل الاهالي كدا.... اهل حسام قطعوني بعد موته ولولا ان هو كان كاتب البيت باسمي كانو طردوني منه ... ومش كده وبس محدش فيهم هان عليه يسال حتي عن الولد ... ولاحتي شافوه ...... اخواتوه قالولي انتي اللي موتيه اخونا كان كويس قبل مايتجوزك ...

يبدو انه ايقظ شجونها عيونها الدامعه وصوتها المختنق يثبت هذا اعتدل في مواجهتها

#هو مات ازاي

تنهدت بقوه

#بعد جوازنا باسبوع اجتله حمي سخونيه عاديه اتصلت ببابا واخدناه ورحنا المستشفي الدكتور حطه تحت الملاحظه واداله علاج ،،،،،،بس السخونيه مش بتنزل بلغت اخوه الكبير واجا علي المستشفي ...اربع تيام ومحدش فاهم السخونيه دي سببها ايه ... سافرت معاه مصر واتحجز في عين شمس التخصصي وبعد يومين طلع التشخيص ... كنسر في الكبد وفي المرحله الاخيره ،،،،،،،،بس ربنا رحمه من الالم دخل في غيبوبه كبديه وبعدين مات ... رجعت البلد بيه بس في كفن ...وعلي قد ماكنت مكسوره اوي ،،،،بس كنت بطمن نفسي دا ميت مبطون يعني شهيد عند ربنا ... وربنا خففها عليه متالمش كتير بس اخواته مشفوش كده .... شافوا ان انا اللي موته ... وان انا نحس ...رحت بيتي عشان مينفعش اخرج في العده ... اجو طردوني انا مكنتش اعرف ان حسام كتب البيت باسمي،،،،،، بابا بس اللي كان عارف وقفلهم وحصلت مشاكل طبعا دا غير الكلام الجارح اللي كان بيتقال .... ورجعت بيتي فضلت معايا حور ويونس سليم مكنش لسه رجع لحد ماعرفت ان انا حامل ...يوميها ماما خديجه خدتني في حضنها وقالتلي ربنا بيعوض صبرك خير .... عارف بقي اخواته كان رد فعلهم ايه اخوه الكبير قالي الطفل ده لازم ينزل

قال بغضب #طب ليه

سقطت دموعها #عشان المفروض ان يحيي له حق ابوه في الميراث وهما مش عاوزين كده .... هما كانو قسموا فعلا نصيب حسام عليهم ... عشان كده بابا قعدني في البيت ومنعني اروح لحد ماولدت ..كان خايف حد منهم يتعرضلي او يأذيني .... انا عارفه انت حاسس بايه حسيت احساسك ده لما بابا قرر يأجر البيت ويلم حجاته كلها وصوره ويبعتها لاهله ...لما عمل كده حسيت انه مات اليوم ده ... وانه معتش هيبقي موجود تاني .....

لما انتابته هذه المشاعر المتخبطه لما جذبها بين ذراعيه يربت علي ظهرها وكانه يمنحها الدعم ... كلا لقد شعر انها من تمنحه الدعم وتربت علي جرحه هل يداوي الالم الم مماثل ..رفع وجهها ومسح دموعها وهمس بانفعال

#انسي ...زي مانا كمان هنسي يمكن ربنا بعتك ليه عشان يفتحلي باب ...بس لازم ندخله سوا

مسحت وجهها وقالت بسرعه

#معلش بقي ... اجت فيك المره دي ... انا بس كنت عاوزه اخفف عنك ...

تاملها وجهها انفها الصغير يعلوه الاحمرار شفتيها الكرزيه رفع يده وازاح خصلاتها خلف اذنها وقال باسما

#تعرفي انك جميله اوي ...

بدا الاحمرار يغزو وجنتها لترفرف عيناها بسرعه وتهمس

#شكرا ... اااا علي فكره انت مش اكلت كويس ووو

ابتسم # انا مش جعان ... غريبه انك بتتكسفي اوي كده

هزت كتفيها

# الحياء شعبه من الايمان

ضحك بقوه فقالت

#انت بتضحك ليه

#اصل سليم قالي كده . هو انتو ليه شيفيني بجح ....

هزت كتفها #يمكن عشان انت جريء شويه ..وووقليل الادب حبتين

انفجر ضاحكا

#انا قليل الادب ....طب ليه كده داانا حتي لسه مقلتش ادبي خالص

تنحنحت وقالت بارتباك

#اااااانا هروح اطمن علي يحيي

كادت ان تقوم ولكنه امسك يدها

#انتي خايفه مني ليه ... بسمه احنا لسه بنتعرف ... يعني عشان نقدر ناخد علي بعض لازم نشيل الحدود بنا

#انا مش خايفه .. .بالعكس انا بطمن معاك ...

#بس مش قادرة لسه تستوعبي وجود راجل في حياتك مش كده

اغمضت عيناها

#ممكن يكون ده احساسك ... انا اصلا متعودتش علي وجود راجل في حياتي ... فلسه مش عارفه اتاقلم ... او اااا يمكن خايفه اتعلق بيك .... مش عارفه يمكن انا مجربتش المشاعر

اللي انت عشاتها مع مراتك الله يرحمها .....

تنهدت بقوه لتفتح عيناها

#شوف انت قلت انك محتاج تلم حجتها .... عارف فرحت انك فكرت فيا ... عارفه ان دا صعب عليك والامكنتش سيبت البلد كلها .... ممكن يكون دا السبب اللي مخليك عاوز تغير البيت

قاطعها #لاء مش دا السبب ... اللي فهمته من عم محمود انك ملحقتيش تعيشي حاجه ... بس اللي عرفته منك بيقول انك معشتيش من اصله ... كنت حابب بس افرحك .... مش عارف ليه نفسي اشوف بسمه فرحانه

ابتسمت #انت طيب اوي ... عشان كده كنت عاوز تعمل فرح

#وهنعمل الفرح

#بس بابا قلي انك عاوزني ابيت معاك

#عشان محتاجك جنبي ... عاوز اعمل كل حاجه معاكي .... عارف اني بضغط عليكي بس مش عارف ليه. حسيت اني مش هقدر ادخل القوضه دي الامعاكي ...سما كانت كائن بندا كسول .. تفريبا كل حياتها كانت جوا القوضه دي عشان كده مقدرتش ادخلها انا قفلتها من يوم موتها محدش دخلها

قالت بالم

#انت ممكن تسيب حجتها لو

وضع اصابعه علي شفتيها

#تعالي معايا

تحركت بجواره ليفتح الغرفه ثم يضيئها ... اطلال مابالداخل مجرد اطلال لغرفه تمتليء بالتراب وتعشش بها العناكب مهجوره بهجر الروح التي كانت تحيا بها انتبهت لكلمته المذبوحه

#يااااااه كل حاجه اتغيرت .،،،،،راحت ...يابسمه ...

سقطت دموعها من جرحه المه المذبوح ....ربتت علي كتفه .. ليتحرك ببطء يجلس علي طرف الفراش يفتح احد الادراج ويخرج البوم صور اقتربت لتجلس امامه

#كانت بتعشق الصور زي ماتكون كانت حاسه ان هي دي اللي هتفضل منها ... شويه ورق عليهم صورتها

قالت باختناق

#للدرجادي وحشتك

تلمس الصور وقال باختناق

#اوي .... وحشتني اوي نفسي اخدها في حضني واقولها انا اسف

سقطت دموعها #عشان اتجوزتني مش كده

هز راسه نفيا

#لاء .... عشان قلبي رجع يدق تاني ... عشان مشاعري اتحركت وانا كنت فاكرها ماتت بسمه انا مش اخدك سلمه عشان انسي سما .. انا مش عاوز انساها ... وقلبي اتعلق بيكي غصب عني ... انا رحت كلمتها عارفه حكتلهاعنك ... بسمه حزينه بس حركت حاجه جوايا

تامل دموعها وقال بحزن

#بسمه انا اسف ..عارف اللي بقوله صعب ويجرح .... مكنش المفروض ااقولك تدخلي معايا هنا .... تعالي نطلع بره

تحرك خطوه ولكن استوقفته همهمتها المختنقه

#يابختها

اوقفها امامه ليمسح دموعها

# ليه

#اصل مفيش حد بيحب كده .. انت فضلت عايش علي ذكراها عشر سنين ومقدرتش تنساها ... بتتوجع زي ما تكون لسه ريحه منك دلوقتي .... ووو

ضمها بين ذراعيه وقال

#وجرحتك انا اسف ...

هزت راسها نفيا لترفع عيناها له

#لو حابب تسيب القوضه انا هنظفهالك وو

وضع اصابعه علي شفتيها

#اشششش ...معتش موجود هنا غير اطلال قديمه .... اللي عاوزه منك تلمي هدومها وحجتها عشان مش عاوز اشوفها

شبح ابتسامه باهته علي شفتيها

#انا يمكن معرفكش اوي بس ااقدر اقرا عنيك كويس ... انت محتاج تعيش مع ذكرياتها انا مش همنعك ... هجمع اللي انت عاوزه بس معاك

فرك جبهته وقال بالم

#بلاش ... مش عاوز اشوف حجتها مش هقدر

#لاء هتقدر عشان انا معاك نزلي الشنط وانا هجمع حجتها

ليس من السهل ان تري زوجها يتالم لفقد اخري يسرد ذكريات لاثوابها .. عطرها انتهت من حزم اشيائها .... ثم ملابسه .... يقطعها الالم ورغم هذا تشعر بقربها منه لقد شاركها لحظه ضعفه شاركها وجعه لعل مشاركه الوجع اقوي من مشاركه السعاده .... افرغت

الادراج وتركت البوم صورها علي الفراش .... عيناه حمراء تحتبس بها الدموع .... وانفاسه مختنقه .انتهت من افراغ الغرفه لتقترب منه ربتت علي خده

#معنتيش الالبوم مع الحاجه ليه

لم تستطيع التحكم بدموعها نزلت كسيل

#عشان ااانت ااااقلت ااااعاوز تفتكرها ووووو

عيون خضراء متسعه تمطر لتداوي قلبه وتربت علي جرحه يعلم انه ليس من السهل ما قاله ليس من السهل ان تتقبله كرامه امراه ..... حتي لو لم تحبه ... عند هذا الحد توقف كل شيء ،،،،،المه حزنه ذكرياته القديمه عشقه لسما .... ليسال سؤال غايه في السخافه

#انتي وفقتي تتجوزيني ليه

حدقت بوجهه ببلاهه لتجف دموعها

#نعم

قال بالحاح #ليه وفقتي ...

مسحت وجهها وقالت

#لنفس السبب اللي خلاك تتقدملي و

قاطعها # يعني انتي كمان قلبك اتحرك

هزت كتفيها بعجز قال

# بس انتي قلتي انك مش هتضيقي دلوقتي يمكن بعدين

قالت بحزن

#انا مش مضايقه انا بس قلبي وجعني عشانك ... شوف الفجر قرب يأذن ادخل خد حمام سخن وغير هدومك عشان اتبهدلت وتعالي نصلي .... الصلاه بتفتح القلب وتهديه

انحني وقبل جبينها وقال

#حاضر بس ادخلي خدي حمام انتي كمان وانتي عارفه طريق الهدوم بره

تابعتها عيناه حتي خرجت وهمس

#ربنا يقدرني واسعدك واداوي جرحك زي مادويتي جرحي

تنهد بقوه ليتحرك للحمام بعد قليل كان يؤمها في الصلاه انها محقه فهو اهدا كثيرا التف ليربت علي خدها

#انا سهرتك معايا اوي ..

#لاابدا ...

#ممكن اطلب منك طلب

#اتفضل

#ممكن اخدك في حضني انت ويحيي وننام

همست #ماشي

هب واقفا ليرفعها بين ذراعيه ويعلق

#هو عم محمود مكنش بياكلك انتي خفيفه كده ليه

قالت بخجل

#انت كده بقيت كويس طالما رجعت تتريق ... وعلي العموم يعني التخن مش حاجه كويسه

اراحها علي الفراش ليندس بجوارها يضمها اليه مستمتع بارتعاشها المغري ورائحه شعرها الندي ولكن لم يحن الاوان بعد للقرب اكثر من ذلك ليهمس

#اهدي ... مش هعمل حاجه اكيد يعني ويحيي موجود انا عاوز احس بيكي في حضني بس

تنهيده ارتياح جعلته يبتسم لن ينكر وجودها بين ذراعيه مميز دفئها الذي تشعه حولها مميز .

ارتعاشها المغري مميز انها امراه فريده في كل شيء ليغمض عيناه بعد يوم طويل مشحون اكثر مما يجب ...... ...

٥١قبل الاوان

لمسه ناعمه علي وجهه ثم جذبه لشعره جعلته يفتح عيناه متاوه

#اه ،،،،كدا برضه يايحيي فينا من شد الشعر

ضحك الصغير ليقول

#غيت صحت

اعتدل جالسا وقال بابتسامه

#اسمها صحي القصد بسمه فين

#ببخ مم

حك راسه # داانت محتاج مترجم يخرب عقلك تعالي اما نشوفها فين

رفعه علي كتفيه وخرج من الغرفه .... هل بدل احدهم المنزل ... لقد نزعت جميع الستائر والسجاد النوافذ مفتوحه ملابسه اختفت رائحه شهيه تسللت الي انفه ليتجه ناحيه المطبخ ويري الجميله تشمر ساعديها وبنطالها ..تربط الستره علي خصرها وترفع شعرها علي شكل ذيل فرس سبائك ذهبيه تصل لاسفل ظهرها كانت مندمجه فيما تفعل قال

#انتي عملتي دا كله امتي

التفت اليه ثم منحته ابتسامه رائعه

#صباح النور كده برضه يايحيي صحيته

شد يحيي شعره وقال ضاحكا

#غيت بيبي

بسمه #يحيي انا قلت ايه

#بابا غيت بيبي

غيث #بابا غيت حبيبك هيبقي اقرع لو مبطلتش تشد شعره ..

انزل يحيي ليجلسه علي الكونتر العالي وقال

#تعبتي نفسك اوي

بدات ترص الاطباق علي الكونتر وقالت باسمه

#لاء متعبتش ولاحاجه ... انا اخدت مقاسات الستاير وشلت السجاد ... شوف لو مش هتحتفظ بيهم ... في واحده ست غلبانه بتربي يتامي هتفرح بيه اوي وتجوز بنتها ....

ابتسم بسعاده

#تمام .... عاوزين نجيب قوضه اطفال ليحيي والقوضه اللي هنفضيها ندهالها كمان

#ربنا يجعله في ميزان حسناتك دي هتفرح اوي

#الدال علي الخير كفاعله يابوسي

يحيي #بوته

قبله غيث وقال ضاحكا

#تصدق يلا انت بتفهم هي بوسه

تنحنحت بقوه وقالت بارتباك

#غيث بلاش قله ادب

#اول مره اعرف ان اسمي حلو كده ...

قالت بارتباك #طب يلا افطر بقي علي اما اعملك القهوه تعالي يايحيي سيب بابا يفطر

غيث #شوفي انا اصلا مش متعود افطر بس الصراحه ريحه البيض تفتح النفس

#بالف هنا وشفا ...

بدا يتناول الطعام قال

# بعد الاكل هروح اجيبلك اي حاجه تلبسيها من عند عيشه عشان مش هينفع تخرجي بالفستان تاني وعاوزين بقي ننزل نشوف الستاير والسجاد وقوضه النوم وقوضه يحيي مش عاوزه تغيري حاجه تاني

قالت بتردد #كنت عاوزه اغير الوان الحيطان لو مش هيديقك

#بس كده انتي تامري يااجمل بوسه في الدنيا

قالت بحنق # مش تقولي كده عشان مش تلزق في لسان يحيي

غمز بعينه #ماشي خليها بيني وبينك بس

تمام هشوف حد من الصنيعيه

قاطعته #لاء مش لازم احنا نروح نجيب الالوان وانعملها سوا

قال بحنق

#نعمل ايه يامجنونه انتي عاوزه تدهني انتي الحيطه

تخصرت وقالت بغيض

#هو حضرتك متعرفش اني مهندسه ديكور ...ونمي الي علمي انك مهندس ولادي اشاعات

رمقها بنظره فاحصه لتعدل بوقفتها ويقول

#ماشي ياست بسمه

#بس هنفوت يحيي علي ماما لحد مانبقي نخلص عشان ميبهدلش الدنيا واجيب هدومي عشان ترنجات واسعه اوي وبتقع

قال بغيض #ياخساره محضرتش اللحظه التاريخيه دي

#لحظه ايه

قال بهيام

#وقوع الترنج اموت انا واشوف اللي تحته

#انت قليل الادب ياغيث

حدقها لينفجر ضاحكا ويخرج من البيت

#غيث

التف ليري سليم المقبل عليه يعلو وجهه ابتسامه بادله

# سلامو عليكم ورحمه الله وبركاته عرس مبارك ان شاء الله

غيث ضاحكا #وعليكم السلام ... حلوه عرس دي

قال بقلق # ياسيدي عرس صباحيه مش فارقه ...بس المهم طمني بسمه كويسه

قال بمرح #فل ..لاء فل بمعني الكلمه يعني ...شالت الستاير والسجاد

سليم باسما #الحمد لله مكنتش متوقع انها تاخد عليك بالسرعه دي

حك.غيث راسه وقال بحنق

#بقولك نفضت البيت تقولي خدت عليك

ربت علي كتفه

#لاء مهي كده بتتصرف بطبيعتها ... بسمه بتحب تحط بصمتها في كل حاجه عشان كده كنت محرم عليها دخول قوضتي ...

غيث ضاحكا #لاء دي عايزه تحط بصمتها رسمي علي الحيطه وهي اللي تدهن

اتسعت ابتسامه سليم

# علي فكره شغلها هيعجبك .... هي اللي عمله ديكور العياده والبيت بتاعي

حدق بوجهه #دا بجد

#اه ...معلش ياغيث خد بالك منها عشان كانت خايفه وزاد خوفها اكتر لما بابا قلها تروح معاك

#لاحظت .ده ومتقلقش ... . علي فكره احنا هنعمل الفرح معاكوا ...

سليم بحنق

#فرح ايه في حد بيعمل فرح بعد الدخله

غيث بغيض #ااقوله نفضت البيت وعايزه تدهن الحيطه يقولي دخله .... انت بتفهم منين ياسليم عدي ادامي

دفعه غيث ليصعد وقفا امام البوابه سليم ضاحكا

#خلاص ياغيث بطل زق بقي

غيث #طمني ايه الاخبار مع عيشه مهو شكل العيله دي غاويه تنفيض رمقه سليم شذرا

#شكلك انت اللي عاوز تتنفض ياغيث ... بس بجد شكرا

ابتسم وربت علي كتفه

#كتومه بشاااكل البت دي .... ربنا يهنيكوا ياسليم

قال جملته واخرج مفاتيحه ليفتح الباب ليدخل

#ادخل ياسليم ...

قابلتهم ايناس بوجهه باسم

#اهلا ياعرسان منورين

غيث # دي بقي ايناس مرات علاء

سليم بخفوت وهو ينظر للارض

#اهلا وسهلا امال علاء فين

ايناس #علاء راح الشغل بدري وزمانه جاي ...

غيث #طب وجاسر لسه نايم دااحنا العصر

ايناس #لاء انا مشوفتوش من الصبح ... ممكن يكون خرج بدري عشان عزه كمان سافرت لوحدها

غيث باستغراب

#عزه سافرت

#ايوه مشيت الصبح بدري

#انا خلصت اااااااا

كان هذا صوت عائشه التي خرجت لتوها من المطبخ ليرفع سليم عيناه يتامل غزالته التي ترتدي مريول للمطبخ فوق ترنج باكمام قصيره لتنظر اليهما ثم الي هيئتها المزريه وتهتف

#يععععع انتوا جيتو امتي

لتقول جملتها وتصعد ركضا للاعلي ليضرب غيث كفيه

#العوض عليك يارب ...ربنا يصبرك يابني علي ربونزل المجنونه ...

سليم ضاحكا # حلو ربونزل دا

#مانا اللي مطلعه عليها يابني دي عايشه طول عمرها تربي شعرها بس

سليم #علي فكره ماما كانت عاوزه تيجي تطمن عليكوا الصبح بس بابا قلها لاء

غيث #طب ليه .. علي العموم احنا اصلا ريحين .. انا كنت جاي اخدلها هدوم من عيشه ..

دخلت عائشه الغرفه لتقول بابتسامه #طب تمام هطلع اجيبلها واجي وتعالوا عشان تاكلوا من ايدي ...

غيث #يابنتي انا عايز ادخل دنيا جوزك عندك سمميه ... اخوكي فين

عائشه #مشفتوش من الصبح ... بس هايل عزه مشيت

غيث# عرفت ..طب وحور

عائشه #اتلبخت من الصبح

غيث#طب ادخلي اطمني عليها وشوفيلي جاسر جوه ولالاء عاوزه

تحركت للخارج

عائشه #تمام هجيبلك الهدوم وبعدين اشوف حور

سليم #مالك ياغيث في ايه

غيث #مفيش حاجه ياسليم متشغلش بالك ...

#ايه ياعرسان سيبين عرايسكوا وقاعدين هنا ليه

رفع الرجلين عيونهم لعلاء غيث

#علاء جاسر فين

قطب #ماجاش النهارده وتليفونه مقفول ...

غيث #غريبه الحكايه دي

طرق الباب تبعه دخول عائشه عندما سمحت لها حور

#نموسيتك كحلي مالك ياحور

جلست علي طرف الفراش وقالت بالم

#مفيش حاجه بس تعبانه شويه يعني شويه وجع كده وهيروحوا

# طب البسي وتعالي نروح للدكتوره

#لاء دكتوره ايه انا كويسه هواااا جاسر عندها مش كده

#عند مين صحي النوم ... عزه سافرت الصبح الساعه تسعه

قالت بقلق #طب وجاسر

#معرفش دا حتي غيث قالي اجي اشوفه عندك

# جاسر مبيتش في القوضه

#غريبه انتي هتقلقيني ليه

رفعت حور هاتفها واتصلت لتقول بقلق

#تليفونه مقفول استر يارب

#حور اهدي هو ابيه عيل صغير هيتوه

#هو غيث بره

#اه وسليم كمان

#طب استني انا هلبس واجي معاكي

بعد قليل كانت عائشه تسندها للخارج غيث

#مالك ياحور في ايه

اجلستها عائشه لتقول بالم

#مفيش حاجه انا كويسه جاسر فين

سليم #حور انتي حاسه بايه

#انا كويسه ياسليم ... بس قلقانه علي جاسر ... غيث انا عاوزاك في كلمه ممكن

تحركت بصعوبه امامه لتقول بقلق

#غيث عزه اخدت المفاتيح ودخلت امبارح المكتب انا مكنتش هقولك بس هو قالي ان الورق معاك يبقي انت اكيد عارف .. انا خايفه اوي

غيث #طب اهدي ياحور ومتقلقيش كده في الاغلب هو في اسكندريه ... انتي حامل

والانفعال خطر عليكي تمام

#جاسر مبيتش في البيت انا خايفه اوي

#تعالي بس ااقعدي في وسطنا عشان ابقي مطمن ومتقلقيش انا هجيبه

دخلت حور لتجلس علي المقعد رمقتها ايناس بنظره فاحصه بعبائتها التي تظهر بطنها واضحه عقدت ذراعيها

#ايه دا انتي حامل ياحور ومخبيين ليه بقي خايفه من الحسد

علاء بحده

#ايناس

نظرت اليه ايناس وقالت بغضب

#في ايه ياعلاء بتزعقلي كده ليه .... مخبيين عليا سر عسكري

عائشه #الحكايه مش كده ياايناس لما ييجي ابيه هيبقي يفهمك

وقفت ايناس #علاء من فضلك انا عاوزه اروح هطلع البس جاسر عشان نمشي

قالت جملتها لتصعد للاعلي

غيث #علاء اطلع طيب خاطر مراتك .... وبلاش نرفزه هي حقها تزعل

زفرت حور بطريقه متتاليه فقالت عائشه

#غيث انا هطلع اغير وتعالي نودي حور المستشفي الحكايه كده مطمنش

سليم #ياحور اتكلمي حاسه بايه

حور بتعب #اناااا كويسه ...

سليم #غيث روح هات بسمه

هز راسه وانصرف ليرفع الهاتف ويعاود الاتصال مره اخري بجاسر ولكن الاجابه كما هي الهاتف مغلق ترجل لداخل البيت وقال بعصبيه

#يااخي رد بقي

#في ايه ياغيث مالك

ناولها ا الملابس وقال

#مفيش حاجه بس حور تعبانه شويه وسليم

لم يكمل لانها نزعت مابيده واختفت بالغرفه تعلق يحيي به

#بابا غيت اوبح

رفعه غيث بين ذراعيه وقبل راسه

#تعالي اما اغير هدوني انا كمان بسمه هي هدومي فين

خرجت من الغرفه لتعدل حجابها وقالت

#رتبتها في القوضه دي

قالت جملتها ودخلت الغرفه لتخرج له بنطال وتيشرت وضعتهم علي طرف الفراش وخرجت

# هتولد في السابع ولاايه

قال بارتباك #مش عارف هي شكلها تعبان وبتقول انها كويسه

#يونس هناك

#لاء

تنهدت بارتياح

#يبقي مفيش حاجه جامده متقلقش

بعد قليل كانت عائشه تسندها للخارج غيث

#مالك ياحور في ايه

اجلستها عائشه لتقول بالم

#مفيش حاجه انا كويسه جاسر فين

سليم #حور انتي حاسه بايه

#انا كويسه ياسليم ... بس قلقانه علي جاسر ... غيث انا عاوزاك في كلمه ممكن

تحركت بصعوبه امامه لتقول بقلق

#غيث عزه اخدت المفاتيح ودخلت امبارح المكتب انا مكنتش هقولك بس هو قالي ان الورق معاك يبقي انت اكيد عارف .. انا خايفه اوي

غيث #طب اهدي ياحور ومتقلقيش كده في الاغلب هو في اسكندريه ... انتي حامل

والانفعال خطر عليكي تمام

#جاسر مبيتش في البيت انا خايفه اوي

#تعالي بس ااقعدي في وسطنا عشان ابقي مطمن ومتقلقيش انا هجيبه

دخلت حور لتجلس علي المقعد رمقتها ايناس بنظره فاحصه بعبائتها التي تظهر بطنها واضحه عقدت ذراعيها

#ايه دا انتي حامل ياحور ومخبيين ليه بقي خايفه من الحسد

علاء بحده

#ايناس

نظرت اليه ايناس وقالت بغضب

#في ايه ياعلاء بتزعقلي كده ليه .... مخبيين عليا سر عسكري

عائشه #الحكايه مش كده ياايناس لما ييجي ابيه هيبقي يفهمك

وقفت ايناس #علاء من فضلك انا عاوزه اروح هطلع البس جاسر عشان نمشي

قالت جملتها لتصعد للاعلي

غيث #علاء اطلع طيب خاطر مراتك .... وبلاش نرفزه هي حقها تزعل

زفرت حور بطريقه متتاليه فقالت عائشه

#غيث انا هطلع اغير وتعالي نودي حور المستشفي الحكايه كده مطمنش

سليم #ياحور اتكلمي حاسه بايه

حور بتعب #اناااا كويسه ...

سليم #غيث روح هات بسمه

هز راسه وانصرف ليرفع الهاتف ويعاود الاتصال مره اخري بجاسر ولكن الاجابه كما هي الهاتف مغلق ترجل لداخل البيت وقال بعصبيه

#يااخي رد بقي

#في ايه ياغيث مالك

ناولها ا الملابس وقال

#مفيش حاجه بس حور تعبانه شويه وسليم

لم يكمل لانها نزعت مابيده واختفت بالغرفه تعلق يحيي به

#بابا غيت اوبح

رفعه غيث بين ذراعيه وقبل راسه

#تعالي اما اغير هدوني انا كمان بسمه هي هدومي فين

خرجت من الغرفه لتعدل حجابها وقالت

#رتبتها في القوضه دي

قالت جملتها ودخلت الغرفه لتخرج له بنطال وتيشرت وضعتهم علي طرف الفراش وخرجت

# هتولد في السابع ولاايه

قال بارتباك #مش عارف هي شكلها تعبان وبتقول انها كويسه

#يونس هناك

#لاء

تنهدت بارتياح

#يبقي مفيش حاجه جامده متقلقش

بعد قليل كانت بسمه تجسو امام حور

#حاسه بايه بالظبط

حور #شويه وجع بيجي وبيروح

#بيجي كل اد ايه كده

#مش عارفه ورا بعضه بس انا كويسه

رنين هاتف سليم فتح الخط

#ايوه يايونس

###########

#طيب يايونس سوق بالراحه هي كويسه متخفش احنا معاها

اغلق سليم الخط ليقول هو وغيث

#حور

سقطت دموعها وقالت

#مش هولد. الامايجي ... هو

قالي مش هسيبك

عائشه برعب

#يعني انت بتولدي ازاي يعني

سليم #اهدي ياعيشه الحكايه مش نقصه توتر

بسمه # اسمعي ياحور الولاده مش بمزاجك ده ميعاد ربنا كتبه سواء جاسر موجود او مش موجود هتولدي يبقي نهدي عشان نعرف نتحرك عشان لو الوجع زاد عن كده مش هنعرف نوديكي في حته حضرتي هدوم البيبي وهدومك

هزت راسها موافقه

#في الشنطه الكبيره اللي جنب السرير

هبت بسمه واقفه

#تمام عيشه هاتي الشنطه اللي قالت عليها غيث بلغ ماما عشان لو اجا جاسر تبعته علي المستشفي ... سليم بلغ ماما وبابا وهات العربيه قدام البوابه

نفذ الجميع كلامها بلا نقاش

#اسمعي دا وقت ربنا سبحانه وتعالي بيختبر ايمانك وبتبقي حواليكي المليكه وقت الوجع قولي يارب .... وقت وهيعدي زي اي وجع في الدنيا

ارتمت علي صدرها ترتغش

#انا خايفه اوي يابسمه ... هما الولاد ممكن يجرالهم حاجه

قالت بصدمه #انتي حامل في تؤام

هزت راسها موافقه

#سلم يارب ... سلم .

#مالك يابنتي في ايه

كان هذا صوت زينب القلق حيث كان يدفعها غيث نظره خوف بعين بسمه زادت قلقه اكثر

#متقلقيش ياماما انا كويسه

بسمه #متخفيش ياماما هي تبقي كويسه ان شاء الله بس ادعيلها يلا ياغيث مفيش وقت

حور ببكاء #جاسر هييجي والله

زينب #متخفيش ياحور غيث انا هاجي معاكوا

غيث #تيجي معانا فين .... خليكي عشان لما يجي جاسر

يتلاقي حد في البيت

سليم #انا جبت العربيه قدام الباب

عائشه #وانا حضرت الحاجه

بسمه #اسندي عليا ياحور ولو حسيتي بوجع ااقفي ... يلا يايحيي

زينب # سيبيه معايا يابسمه متخفيش

بسمه #هيتعبك

زينب #لاء يلا امشو انتو تعالي معايا يايحيي

يحيي #حور عيط يحيي عيط

احتضنته زينب وقالت

#لاء حور هتجيب نونو حلو زي يحيي

سليم #العربيه قدام الباب

تحركت حور وسط عائشه وبسمه ببطء حتي وصلوا للباب تقريبا ... صرخت حور لتتدفق منها دماء غزيره علي الارض

بسمه صارخه #الحقني ياغيث

حور بارتعاش #عاوزه جاسر

كادت ان تسقط لولا غيث الذي رفعها بين ذراعيه وانطلق للخارج


تكملة الرواية من هنا


بداية الروايه من أولها هنا


مجمع الروايات الكامله من هناااا

تعليقات

التنقل السريع
    close