جميع الروايات كامله

 سكريبت كامل (عشق بيان) بقلم سولييه نصار 

سكريبت كامل (عشق بيان) بقلم سولييه نصار 

-قومي يا اختي فزي بقينا الضهر البيت يضر*ب يقلب ...

قومت بفزع ولقيت حماتي قدامي شديت البطانية عليا لاني كنت لابسة قميص نوم ..

بصيت جمبي ملقيتش عمر ....

-بتدوري علي مين يا حلوة ...عمر راح شغله....يالا انتي كمان عشان تعملي شغلك تحت ...كفاية اسبوع  شهر عسل  ...

-شغل تحت ؟!

قولتها وانا ببلع ريقي فضحكت بسخرية وقالت:

-ايوة الشغل يا عينيا هو انتي فاكرة هتفضلي نايمة كده علطول ...فزي يا بنت وقومي وبلاش دلع ماسخ البيت تحت عامل زي الزريبة ولا انتي عايزة تأكلي زي الجام*وسة وخلاص ...اعملي بلقمتك ..

كلامها جر*حني من جوا ...عيوني بدأت تدمع وجسمي بدأ يترعش وقولت:

-حاضر ...حاضر ...

قومت وانا حاسه بتعب في كل جسمي بس جيت علي نفسي وقومت  اخدت دوش سريع وبعدين لبست ونزلت تحت ...

كنا واقفة مبهوتة وانا شايفة الدنيا اللي متبهدلة...ده كأنه زر*يبة مش بيت ...معقول هما عايشين كده ازاي حطيت ايدي علي راسي وانا بتأكد دلوقتي أن حياتي هنا مش هتكون سهلة ابدا ....

.....

شمرت أيدي وبدأت أرتب البيت وانضفه ...وحماتي وبنتها كانوا بس قاعدين علي التلفزيون ....

وقفت وبصتلهم وقولت:

-هو مفيش حد هيساعدني ولا ايه ....

بصتلي حماتي وهي بتبتسم بسخرية وقالت :

-اومال حضرتك فايدتك ايه ....بنتي تعبانة وانا ست كبيرة مش قادرة علي الشغل ...يالا عشان تحضري الغدا قبل ما عمر جوزك يجي ...

حسيت بغض*ب الدنيا جوايا بس مرضتش اعمل مشاكل ....اتنازلت بس عشان خاطر عمر ...بس للاسف مكنتش اعرف اني عشان اتنازلت مرة مطلوب مني أتنازل علطول .....

.....

بالليل بعد ما خلصت كنت مهدودة...كلمت عمر بهدوء اني تعبت وان أمه لازم تساعد شوية ...

-انا بجد تعبت النهاردة يا عمر  مامتك عد*متني العافية النهاردة. .....دي حتي مهانش عليها انها تخلي اختك تساعدني أنا شيلت الليلة لوحدي ...

اتنهد عمر وهو بيحضني وقال:

-انا اسف يا بيان ...اسف ليكي ...بس دي امي مقدرش اتخ*انق معاها ولا اكلمها ....معلش خديها علي قد عقلها وانا هحاول اكلمها تهدي عليكي شوية ...

ابتسمت وانا بحط ايديا حوالين وسطه وقولت :

-عشان خاطرك بس هتنازل ...انا معنديش اغلي منك ...

.....

مرت الايام والأسابيع وشهور كمان وانا اللي شايلة البيت فوق وتحت مرة أخته تساعدني وكتير لا  ...طبعا اتنازلت مرة ...طبيعي أتنازل علطول ...كانت حماتي قا*سية معايا احيانا بته*ينني بس اللي كان مصبرني هو عمر ...عمر كان دايما بيطيب خاطري دايما ...علطول بيعتذر وبيطلب مني استحمل ...وانا عشان خاطره بس كنت بستحمل الإها*نة والقر*ف ده ...كنت احيانا ادخل الحمام بس عشان ابكي  ...

....

بعد ما مر سنة تقريبا وانا متجوزة عمر  من غير حمل وغير اني حسيت بتعب  ...قررنا نروح للدكتورة ...

.....

-يعني ايه؟!مش هقدر ابقي ام ...

قولتها بصدمة وصوتي مخ*نوق للدكتورة ...مسك عمر أيدي وقال:

-اهدي يا حبيبتي ...اهدي ...

بصتلي الدكتورة وقالت:

-لا يا بيان اهدي ...طبعا مش قصدي أن مفيش امل ...بس انتي عندك مشكلة في المبايض ...التهاب شديد شوية  ...  وده شائع جدا وبيتعالج متقلقيش ممكن يأخد وقت المهم تصبري ....

.....

علي رغم أن الدكتورة طمنتني بس فضلت طول الطريق اعيط ...

روحت البيت وطلعت علي شقتي علطول ...وعمر بسبب نفسيتي وقف قدام أمه لأول مرة وقال اني مش هنزل حاليا ...

....

مر اسبوعين وانا منتظمة علي الأدوية بس نفسيتي كانت في الأرض ....كنت بعيدة عن كل حاجة حتي عن عمر ...كنت كئيبة معظم الوقت حتي عمر بطل يقرب مني كأنه مل ..

...

بس في يوم قررت افوق شوية ...صحيت لقيت عمر راح الشغل ...وقتها زعلت من نفسي ..زعلت أنه رغم أنه وقف جمبي بس انا بعدت عنه ...قررت خلاص كفاية كده حزن أنا هاخد الأدوية واسيبها علي الله ...

....

طلعت من الحمام وانا بنشف وشي بس صوت الزغاريط خلتني اقف في مكاني ...معرفش ليه جسمي اترعش ...نزلت بسرعة لقيت حماتي بتزعط  وهي ماسكة منال بنت اختها ..

-فيه ايه ؟!

قولتها بصدمة ...ابتسمت حماتي بشماتة وقالت:

-باركي لمنال يا بيان ..هتبقي ضرتك!

الجزء الاخير♥️شكرا علي تفاعلكم السكر♥️بقلم سولييه نصار ♥️

-اومال فين بيان ؟!

قالها عمر بعد ما نزل من شقته...جه من شغله من حوالي خمس دقايق وقرر يطلع لبيان بس استغرب لما ملقهاش ...نزل يسأل أمه...

-انت جيت امتي يا عمر؟!

قالتها أمه بتوتر ...

-من خمس دقايق يا امي وطلعت فوق علطول ...

لوت بوزها وقالت:

-طبعا السنيورة بتاعتك هي الأهم دلوقتي ...

اتنهد عمر وباسها علي رأسها وقال :

-مفيش حد اغلي منك يا امي ...بس انتي عارفة بيان بتمر بأز*مة نفسية دلوقتي ...

-اسكت دي عايزة ق*طم رقبتها ...متجيبش سيرتها قدامي ...دي ...

عملت نفسها بتبكي وقالت:

-انا بس طلعت اطمن عليها راحت زعقت معايا ولما اتخانقت معاها لمت هدومها ومشيت وقالت إنها عايزة تتطلق ....

بهت عمر وهو بيبصلها مكانش مصدق الكلام بس مقدرش يواجه والدته بكده ...

من غير ما يقول اي كلمة مشي من غير ما يرد علي والدته اللي بتنادي عليه ....لطمت هي علي وشها وقالت:

-اكيد الحر*باية دي هتقوله علي كل حاجة ...

.......

بعد نص ساعة تقريبا ...

-عمر جالك ومستنيكي برة  ...

قالتها امي لما دخلت عليا الاوضة وانا بعيط ...

-هو عايز ايه تاني ...عايز ايه مشيه من هنا يا ماما ...

قعدت امي جمبي علي السرير وقالت:

-يا بنتي عيب كده ده جوزك ...اطلعي شوفيه عايز ايه ...

هزيت راسي وانا بعيط وقولت:

-لا يا امي ...مش عايزة اشوف الخا*ين ده اللي باعني من اول مطب اطلعي واطرديه لو سمحتي ...

-يا بنتي عيب كده ...هو ...

قاطعنا دخول عمر اللي قال:

-بقالي ساعة مستنيكي برة يا استاذة مش ناوية تخرجي وتقوليلي ايه اللي حصل وخلاكي تسيبي البيت !!!

قومت وانا بزعق فيه وقولت:

-وليك عين تيجي وتتكلم ...ما تروح لخطيبتك يا استاذ وطلقني ونفضها سيرة ...

-خطيبتي ؟!

قالها عمر بصدمة فكملت وانا بعيط:

-ايوة خطيبتك منال ...اللي ناوي تتجوزها عشان تخلفلك العيل اللي انت عايزه ...روح عندها يالا جاي هنا ليه ..

-يا مج*نونة يا بنت المج*انين بتقولي ايه !

زعق فيا عمر فض*ربته امي علي كتفه وقالت:

-لم لسانك ...

-لا مؤاخذة يا حماتي بس بنتك هطير برج من نافوخي انا نفسي اعرف مين الاه*بل اللي قالي هتجوز عليكي؟!

-امك ...

-ما تلمي نفسك يا بت !

-والله الست والدتك هي اللي قالت كده ...دي كانت جايبة منال وبتزغرط وبتقولي اعرفك علي ضرتك ....

سكت عمر شوية وقال:

-معلش يا حماتي ممكن تسيبينا نتكلم شوية ...

-حاضر يا بني ...

وطلعت امي ...قعد عمر جمبي وشدني ليه وقال:

-اسف ...اسف علي كل حاجة امي عملتها فيكي ...أنا عارف انك اتنازلتي عشاني كتير وفي الاخر برضه عاملتك بالطريقة دي ....بس دي امي ...امي اللي ليها فضل عليا مقدرش ازعلها ولا اتخانق معاها وكلام اني هتجوز منال ده كدب ...طب ما هي قدامي طول عمري متجوزتهاش ليه؟! بس طبعا مقدرش اتخانق مع امي بسبب كده ...

بعدت ودموعي بتنزل مكنتش مصدومة منها بالعكس تصرفاتها دي متوقعة :

-يعني هيبقي حقي مهدور عارفه أن ليها مكانة كبيرة ...طب وانا يا عمر اتظ*لم واسكت .. 

باس راسي وقال:

-لا يا حبيبي انا هتصرف ....

قام عمر بسرعة ومشي وسابني مش فاهمة هو قصده ايه ...

........

في بيت والدة عمر ...

كانت قاعدة والدة عمر علي الانترية وهي حاسة بتوتر

جه عمر وقعد جمبها  ..

بصتله والدته وقالت:

-ايه السنيورة مراتك سخنتك عليا. بقيت تكر*هني ...

ابتسم عمر وباس رأسها وقال:

-ما عاش ولا كان اللي يكر*هني فيكي يا امي ...انتي اغلي حاجة في حياتي ...ومكانتك عندي عظيمة ...انتي اقرب ما ليا ...ومهما تأذ*يني هفضل احبك ...

بصتله وقالت بو*جع :

-انا اذ*يتك يا عمر !!

هز عمر رأسه وقال:

-لما تأ*ذي مراتي اللي أنا لما اخدتها حلفت اني اشيلها في عيني يبقي بتأذ*يني ...لما تيجي علي الست اللي اتنازلت واستحملت منك كل حاجة من غير ما تنطق بيقي بتأ*ذيني يا امي ...انتي ترضي أن بنتك تتعامل بالطريقة دي ...ترضي أن حماتها تعاملها بالمعاملة دي ....

سكتت والدته فقال هو :

-انا وعدت بيان اني هتصرف عشان كده قررت مدام انتي مش قادرة تحبيها أنا هأجر بيت برا ...

هزت راسها وهي بتبكي؛

-لا يا ابني أنا مقدرش ابعد عنك....

مسك ايديها وقال:

-انا مش هبعد يا امي هجيلك كل يوم وتيجلي وتزوريني ...بس انا مش هظ*لم مراتي كمان ...البعد احسن في الحالة دي ...

مسح دموعها وقال:

-البعد احسن في الحالة دي عشان مجيش عليكي ولا عليها ولازم تعرفي انك هتفضلي التالي دايما علي قلبي واني هفضل اجيلك علطول لحد ما تزهقي مني...

بعدين حضنها جامد وقال:

-سامحيني ...ابوس ايديكي سامحيني بس بيان جات علي نفسها كتير وانا هتسأل عليها يوم القيامة مش هقدر اتحمل ذ*نبها ...

......

بعد تلات شهور ..

انتقلنا لبيتنا الجديد ...صحيح كان ايجار بس كنت حاسة أنه مملكتي الخاصة ...كنت مرتاحة ...كنت بروح لحماتي انا وعمر دايما ومرة في مرة حسيت أن تعاملها الطف معايا وعرفت أن القرب زيادة علي اللزوم بيعمل مشا*كل كتير ...

....

بعد ما مر سنة ...

طلعت من الحمام وانا بصرخ من السعادة ...نطيت علي عمر وانا بقول:

-عمر أنا حامل ..انا حامل يا عمر ...

قام عمر وقال ؛

-فيه ايه ..

-انا حامل ...

-كد*ابة ..

-والله العظيم ...

قام عمر  بسعادة وبعدين حضنني وهو بيضحك وفرحان اووي 

وبعدها بدأنا نعيط واحنا مش مصدقين عوض ربنا ...

......

بعد خمس شهور ...

كنا في تجمع عائلي أنا وبابا وماما ووالدة عمر واخته كنا قاعدين ومبسوطين كان مكانش فيه بيننا مشاكل قبل كده....كنت حاطة أيدي علي بطني الكبيرة وقال:

-الدكتور قالنا أن نوع التوم بنتين بإذن الله ...

ابتسمت امي فكملت :

-وانا قررت اني اسمي بناتي علي اسم اقرب اتنين لقلبي ...واحدة سناء علي اسم امي ..وواحدة نورهان علي اسم حماتي وامي التانية  ...

حماتي بهتت وهي بتبصلي ... عيونها دمعت بتأثر وبعدين قربت مني وقالت:

-بجد يا بيان ...

-بجد يا ماما ...

حضنتني فجأة وقالت:

-انتي مفيش اطيب من قلبك يا بنتي ...ربنا يتمملك علي خير وتقومي بالسلامة ....

حضنتها وانا ببتسم...بصيت لعمر اللي كان فرحان وقالي بصوت واطي :

-بحبك اوووي♥️

-وانا كمان♥️

تمت

مجمع الروايات الكامله من هناااا

تعديل المقال