رواية روح الصقر الحلقه (١٠) و الاخيره بقلم الكاتبه آيه أمير
 |
رواية روح الصقر الحلقه (١٠) و الاخيره بقلم الكاتبه آيه أمير
روح مكانتش قادره تستحمل طلق الولاده وكانت هتقع لقيت ايد بتمسكها بصيت له و ابتسمت
روح ( حبيبي عارفه انك جنبي في الأوقات الصعبه )
صقر ابتسم وبص لها( ابننا عايز يجي الدنيا!
وشال صقر روح وراح بيها علي المستشفي وكانت روح عماله تصرخ ومش قادره وصلوا المستشفي
صقر. ( متخفيش حبيبتي انا جنبك )
روح ( مبخفش وانت جنبي يا صقر ممكن تدخل معايا وتفضل ماسك في أيدي )
صقر طلب من الدكتور يخش معاها الولاده و الدكتور وافق وفي اوضه الولاده كانت عماله تصرخ وصقر مش قادر يشوفها كده
صقر ( ما تعمل حاجه او اديها مسكن أو بنجها مش قادر اشوف وجعها اعمل لها حاجه )
الدكتور ( مسكن وبنج اي دي ولاده طبيعي مينفعش )
روح ( مش قادره هموت )
صقر مسك أيدها ( بصي في عيني وانتي هتنسي اي وجع يا حبيبتي )
روح بصيت في عين صقر وحسيت أنها نسيت حتي أنها في اوضه العمليات
صقر ( ابننا يستاهل تتعبي عشانه حبيبتي عارف انك موجوعه ومش قادره تستحملي بس ياريت في أيدي حاجه اعملها لك ولا اشيل كل الوجع ده واحطه في قلبي و ابعد عنك اي وجع يا روح )
روح كانت مبسوطه بكلامه و سرحانه فيه ( انا بحبك اوي يا صقر )
وسمعوا صوت عياط البيبي روح نزلت دموعها لما سمعت عياط ابنها وصقر نزلت دمعه هاربه من عيونه بفرحه وحضنوا طفلهم بكل حب )
روح ( طالع شبهك حبيبي )
صقر ( لا شبهك زي الملاك )
نقلوا روح اوضه عاديه وقرب منها صقر ( بحبك اوي يا روح )
روح ( وانا بموت فيك يا صقر لو كان حصلك حاجه انا كنت موت حقيقي فعلا خطه رزان نفعت )
نروح فلاش باك ونرجع تاني
رزان ( بصي الخطه)
روح ( اشجيني ياختي )
رزان ( اليوم اللي هيجي فيه باسم يقبض عليه انا هعرف من انور وهاجي اقولك المهم تخلي صقر يلبس واقي رصاص وحطي له كياس دم تمام وفي برشامه اول ما يضرب صقر بالنار يخدها يعني تستغلي الفرصه تعملي اي حاجه وتخليه ياخد البرشامه دي تمام و هتخليه يظهر أن النبض وقف والنفس لحد ما يروحوا المستشفي ويخرج هيفضل كأنه ميت بس هو عايش وقدوم باسم لازم تمثلي الدور صح اللهي يطمر فيكي )
روح ( هههه تصدقي يابت قراءه الروايات طلعنا منك بمصلحه وخطه )
رزان ( كل ما تمثلي كل ما الخطه تنجح )
ويوم موت الصقر رنيت رزان علي انور
رزان ( حبيبي رايح فين )
انور ( رايحين نقبض علي الصقر دلوقتي )
رزان ( خلوا بالكم من نفسكم)
وقفلت معاه ورنيت علي روح بسرعه
رزان ( بسرعه نفذي الخطه هما جايين وخلي بالك يا روح )
روح ( تمام اقفلي بسرعه )
وقفلت مع اختها
روح ( يلا حبيبي ننفذ الخطه باسم جاي في الطريق)
وخدت روح الصقر وطلعت الأوضه لبسته واقي الرصاص
روح ( بص بقا تقف في وشي في الوقت ده باسم هيضربك من ضهرك تمام انا حطيت لك كيس دم في ضهرك وواحد عند بطنك و القلب )
صقر ( بحبك يا روح الصقر )
روح ( يارب انهارده يعدي علي خير )
نرجع من الفلاش باك
روح ( الحمد لله يا حبيبي قدرت احميك )
صقر ( انتي اجمل هديه ليا يا روح )
روح ( بحبك من كل قلبي كل لازم نبقي بعاد عن بعض فتره لحد ما الموضوع. يتنسي )
صقر( وانا اتغيرت عشانك بقيت صقر تاني خالص )
روح ( بحبك يا صقر علفكرة انور عرف انك عايش من كام يوم بس )
صقر ( ازاي )
نروح فلاش باك ونرجع تاني
انور و رزان كانوا عندوا روح وهو بيغسل ايده في الحمام شاف دبله رجالي و كوتش رجالي و كان في برفان رجالي خرج انور وهو شاكك )
رزان ( في حاجه يا انور)
انور ( روح اتجوزت من ورانا ولا اي )
رزان ( انت بتقول اي )
انور ( في في الحمام دبله رجالي و برفان و كوتش )
روح قربت منه وبصيت له ( اه حاجات جوزي يا انور انت شاكك فيا ولا اي )
انور ( جوزك مين )
روح ( وانا ليا كام جوز صقر)
انور ( ازاي وهو مات )
روح حكيت كل حاجه
انور ( لو اتغير حقيقي انا هعتبر نفسي معرفتش عشان عارف انك بتحبيه اوي و هو بيحبك يا روح و الانسان مش مهم كان اي في الماضي المهم بقا اي لما عرفك )
نرجع من الفلاش باك
صقر ( كده الخلاص هنرجع تاني نعيش حياتنا مع بعض بدل عيشه السر دي بجيلك في السر ولا كأني متجوزك عرفي )
روح ( هههههه متقولش كده ياروحي المهم انك بخير خلاص )
صقر ( هنسمي ابننا اي )
روح بصيت علي صقر بحب ( صقر )
صقر ( ولما تحبي تنادي عليا او عليه هتقولي اي )
روح ( هقول واد يا صقر يا شحط يا كبير واد يا صقر يا مفعوص يا صغير )
صقر ضحك عليها ( هههههه تصدقي فكره )
رزان عرفت اختها ولدت راحت لها علي المستشفي ومعاها انور )
رزان ( روح حبيبتي انتي كويسه صح )
روح ( اه يا حبيبتي )
انور ( حمد لله علي سلامتك )
وبص علي الصقر انور ( و الف مبروك ليك يا صقر علي البيبي مش هوصيك روح تحطها في عينك فاهم )
صقر ( هيه مش في عيني دي في قلبي و روحي وعيني و حياتي وكل حاجه )
انور ( المرادي جالك فرصه تغير نفسك يا صقر لو عرفت المرادي انك رجعت لشغلك صدقني هقبض عليك بنفسي )
صقر مسك في ايد روح بحب وبص لها ( حد يبقي معاه ملاك زي روح ويروح يشتغل في الشغل ده تاني و يبقي عندي ابن من البنت اللي حبيتها و ارجع لشغل ده و اخلي ابني يتيم ده حتي يبقي حرام صقر القديم مات دلوقتي في صقر جديد وحياته القديمه قطعها و فتح صفحه جديده بيضه مفهاش شخبوطه واحده )
رزان فرحت من رد صقر ودعيت لهم بالسعاده و روح كانت مبسوطه وخرجت من المستشفي راحوا علي فيلا صقر
روح ( اخيرا بقينا مع بعض من غير خوف يا حبيبي )
صقر ( أيوة يا حبيبتي )
روح ( عارف انا بحبك بجنون)
صقر ( وانا حبيتك بطريقه لسه محدش عرفها يا روح الصقر)
روح ( بموت فيك يا صقر )
صقر ( بعشقك يا روح )
ويمر اسبوع ويجي يوم حفله سبوع ابنهم
رزان ( اسمع كلام خالتك يا واد اوعي تسمع كلام امك الهبله دي )
روح ( شكرا يا ذوق تشكري )
انور ( اسمع كلام عمك انور بلاش تسمع كلام ابوك الصقر )
صقر ( هو مش انا أبوه بردوا ولا اي )
روح ( لا يا روح ماما انت تسمع كلام بابي و مامي ملكش دعوه بكلام الاتنين الفاسدين دول )
رزان ( لا خليك في صف خالتك ياولا هوريك هعمل معاك اي )
انور ( أو صفي انا ياختي اشمعنا انتي يعني انتي حتي هبله و بتاعت مقالب )
روح ( خلاص مش هيسمع كلام حد فيكم ده ابننا احنا )
ومسكوا في ايد بعض روح وصقر بكل حب وخلص السبوع وتمر الايام عليهم و روح وصقر كانوا عايشين مبسوطين اوي مع بعض وحبهم بيزيد بقا عشق مش مجرد حب عادي )
نروح عند رزان
رزان جابت علبه صواريخ وقربت من انور وهو نايم وفرقعت صواريخ جنبه علي الارض قام انور مفزوع من الخضه )
انور ( قنبله قنبله )
رزان ( هههههه اينعم قنبله مسيله للدموع )
انور ( انا هوريكي يا رزان علي قطع الخلف بتاع كل يوم ده )
رزان ( ده انا غلبانه يا خويا عااا انا عملت اي نفسي هفتني علي ريحه الصورايخ رحت جبت علبه وقولت اسم ريحه الصواريخ الله )
انور ( تقومي جايه تفرقعي الصواريخ تحت مني )
رزان ( اه اصل الاوضه حلوة لفرقعه الصواريخ متعرفش أن من الصحي أننا نفرقع كل يوم صاروخ تحت رجل بعض عشان الذاكره تشتغل)
انور ( قصدك عشان الخلف يتقطع و الذاكره يجيلها فقدان ذاكره ياختي )
رزان ( مش قولت لك ظلمك اللي دخلك شرطه يا انور الزفت )
انور ( انا انور الزفت )
وجري وراها ورزان عماله تجري راحت وقفت علي الكرسي
رزان ( انا سوبر مان انت مين )
انور ( انا اللي هديكي حتت علقه )
رزان ( حرمت يا بيه )
نروح عند روح
صقر ( اي رأيك نسافر يا روح و نبدأ حياه جديده بدل ما الواحد خايف يخرج )
روح( عندك حق تعالا نسافر)
صقر ( مش عايز ابعدك عن اختك )
روح ( هقولها نسافر سوا )
وفعلا رنيت روح علي رزان و قالت لها و رزان قالت لي انور و انور وافق و حضروا نفسهم و سافروا امريكا عشان يبداوا حياه جديده وقعدوا في فيلا كلهم مع بعض )
في اوضه روح
روح ( بحبك حب كبير يا صقر احنا بدأنا دلوقتي حياتنا من غير خوف)
صقر ( وانا بموت فيكي يا روح الصقر )
لاقوا صقر الصغير عمال يضحك راحوا حضنوا صقر الصغير
صقر ( بحبكم اوي
في اوضه رزان
رزان طلعت صوره ( غمض عينك كده )
انور قفل عينه رزان ( افتح)
وفتح انور عينه ولاقي صوره ايكو
انور ( اي ده )
رزان ( صوره ايكو لي طفلنا او بنتنا اللي جايه)
انور حضنها بفرحه وحب ( بجد انا مش مصدق نفسي )
رزان ( بجد ياروحي )
وعاشوا الابطال في سعاده وفرحه
النهايه
