رواية واحدة بواحده الفصل السادس والسابع والثامن والتاسع بقلم محمد عصام
 |
-ملك عملت مصيبه يا أسامه
قفل أسامه التليفون وكان حاسس أن اللي ملك عملته حاجه لا تخطر علي بال حد ، كان في دماغه أن هي فضحت سندس بس الموضوع أقذر بكتير ، فتح الفيس وأيده بترتعد وفتح الأك بتاع ملك لوكا وانصدم أن ملك منزله بوست التفاعل عليه زاد علي ال100 ألف لايك و2000شير بدأ يقرأ
-انا مش عارفه أنا بقول كده ليه أو الزاي ، يمكن اهلي علموني الستر بس انا مش هينفع لازم أتكلم ، لأن الستر لأشخاص زي دي مؤلم جدا ، اكيد معظمكم جربه ، انا من أسبوع أتجوزت ، وعملت فرح زي اي بنت بعد ما أثبت برائتي ده أولا ، بس حصل حاجه لا كانت علي الخاطر ولا علي البال ، ممكن اي عروسه تقول لي هل من المنطق أن عروسه تنام في حجره وجوزها في حجرة تانيه خالص ليلة الدخله ؟ .... اكيد الأجابه لأ ... مش ممكن ، بس أنا أحب أقول إن الكلام ده حصل معايا انا شخصيا ، زوجي نام في حجره وانا و ف حجره ، حاولت أتقرب منه زي أي زوجه وأعرف ماله ، وللأسف أخبرني بالحقيقه المره وهي أن هو ملوش في الحريم نهائي ، حاولت أستوعب الموضوع وطلبت منه نروح لدكتور علشان يتعالج ، بس هو رفض ورده عليا كان قاسي ، ولما هددته أن هقول لأبويا ، حاول يقتلني بأنه وضع لي مخدر وفتح الغاز لولا ستر ربنا تم أنقاظي ، انا مش عارفه أنا بكتب كده الزاي بس فعلا انا محبوسه فوق في اوضتي ومش عارفه أخرج منه ، ارجوكم حد يبلغ الشرطه تلحقني ، طبعا هتقولولي الزاي ملحظتيش عليه أي حاجه تبين أن هو من النوع ده ، احب اقولكم أن جوزي ده هو اللي زور الفيديوهات علشان يطعن شرفي وميتجوزنيشي ويجيب اللوم علينا ، انا جوزي مبيعرفشي ، جوزي ملوش في الحريم وأرجوا منكم انكم تلحقوني منه
#كارثه
وقف زي المجنون وبدأ يصرخ
-يا بنت الكلب ، يا بنت الكلب
اتحرك بسرعه وبدأ يكسر كل شئ في المكتب ، كان زي الثور الهائج ، خرج من المكتب وبدأ يكسر كل شئ في الڤيلا وبيصرخ
-مللللللك انتي فين ، انتي فين ي سافله
ملك في حجرتها بتحرك أشياء ثقيله وبتضعها خلف الباب بسرعه ، اتحرك أسامه ناحية الحجره وبدأ يصرخ
-أفتحي
-لا
بدأ يكسر في الباب ، ملك دخلت الشرفه ، رجال الشرطه كانوا داخلين نادت عليهم
-الحقوني
دخلوا وبدأ يكسرو الباب ، أما اسامه كسر الباب هو مش كسره بس ده شال الباب من مكانه ، ملك بدأت تصرخ
-هقتلك يا فاجره
-مش هتلحق وخطوه كمان هسجنك
-تسجني مين يا بنت الكلب
بدأ يضرب بأيده دماغه واتحرك بسرعه ناحيتها وبدأ يضربها بقوه علي وجهها وهي بتقاوم ، ضربته تحت الحزام ، وقع في الأرض ، اتحركت أنها تجري مسكها من شعرها وخبطها في الحيطه ، وقعت والدم بدأ ينزل ، ظل يضرب فيها برجليه ، هقتلك
الشرطه دخلت ووضعت الكلبش في أيده
-أنت مطلوب القبض عليك
-دي كدابه ، كدااااابه
بدأ يصرخ بس الشرطه ضربته وقعته علي الأرض ، ملك وقفت وهي بتنزف دم من مناخيرها وراسها ومتبهدله
-شوفتوا بيعنكم ، عاوزه حقي
-كسرت حوقك ، حق مين انا هقتلك ، هقتلك
اتحركت ملك ناحية القائد وقالت وهي بتبكي
-أتأخرتوا
-اسفين والله يا فندم اول ما حضرتك قدمتي الشكوه اتحركنا علطول
-شكرا ليكم
-الاسعاف في الطريق ليكي
اسامه اتحرك مع رجال الشرطه ، ملك كانت واقفه في انتظاره عند الباب
-يا بنت الكلب
-مين فينا اللي كلب
أسامه كان بيصرخ من الغضب والغيظ
-أنا برئ
ضحكت ملك ضحكة فيها استهزاء
-ما انا كمان كنت بريئه ! بتوجع صح ؟
-هقتلك
-أنت زعلان ليه ما انا كمان كنت زيك كده ، خلاص خالصيين ، واحده بـ واحده
-وربي لأقتلك
-في حاجه كمان نفسي أعملها لك
قامت ملك ضربته علي وجهه بقوه
-كله الا الشرف لأن الشرف مش لعبه في ايدك لواحدك ده دايره ومقفوله وانت الجاني
-لاااااااا هموتك
اتحرك مع رجال الشرطه وهو بيصرخ ، ملك بدأت تبكي
****
أدم مع سندس في الطريق ليهم في السياره
-مش قولتلك
أدم كان مستغرب جدا من اللي حصل وسندس بتبكي
-أنا لو اخويا حصل له حاجه انا هقتلها
-أهدي يا حبيبتي ، احنا رايحين نلحقه
مسك أيدها وبدأ يقبلها وأبتسم ليها بس هي بتبكي
وصلوا ، أنصدموا أن أسامه في البوكس مع رجال الشرطه ، سندس اتحركت ناحية ملك وهي بتصرخ
-ليه عملتي كده
بس كل اللي واقفين بدأو يمنعوهم عن بعض ، آدم اتحرك ناحية اسامه وبدأ يلفظ بتعصب
-قولتلك يا صاحبي بلاش تتجوزها
-انا لو مخرجتش النهارده ، تبلغ ناس يقتلوها انت سامع البت دي لازم تتعلم الأدب
-هجيبلك حقك يا حبيبي
ألتفت أدم ناحية ملك ، ملك كانت بتبكي علي اللي حصل بجانب سيارة الأسعاف ، ابتسم آدم وقال بداخله
-أنا قولت من الأول انتي ليا وبس
الي اللقاء في الفصل القادم
(اللي ملك عملته مش سهل ، هل هترجع عن اللي في دماغها ولا لأ ، أما أسامه يا الانتقام يا يرد كرامته وشرفه زي ما ملك عملت ، وأدم طريقه غير الطريقين يا ينفذ طلب صاحبه يا ينفذ طلب ......😂😂مش هقول)
-أنا يقولولي بنتك فضحت جوزها وقالت عليه شاذ
كانت واقف أمام والدها بتبكي
-بتعيطي علي أي
ملك كانت عاوزه تحكي وتقول اللي عملته بس خايفه من أبوها ، بدأت تأخذ نفسها وقالت
-وهو أما فضحني وزور فيديو علشان يسيبني ليلة الفرح دي كانت اي
الأب أيده بدأت ترتجف وقرب من ملك ومسكها من كتفها
-أنتي بتقولي اي
-اللي حضرتك سمعته يا بابا ، أسامه هو اللي عمل فيا كده
***
اسامه كان في حجرة استقبال أهالي السجون ، كان الحالسيين هو وأبوه والمحامي وأدم
والد أسامه بتعصب :قولتلك لا البنت دي أنت اللي عاندت أهي فضحتك
أسامه مبيتكلمشي كان ناظر لأبوه ومتعصب وصرخ فيه وقال
-حقها تعمل اكتر من كده معندهاش ذنب الذنب ذنبك انت ، انت اللي اجبرتني أتجوزها انت السبب
أدم : اهدو يا جماعه ، اهدي يا أسامه
أسامه كان زي المجنون ، بدأ يخبط علي الطاوله وقال المحامي
-شوفلي اي مصيبه تخرجني من هنا ، انا علي اخري
المحامي بدأ يعدل النضاره بتاعته وقال بخوف
-اهدي يا اسامه بيه ، الكفاله هتندفع وتخرج معانا عادي ، البنت اتنازلت عن المحضر
-نعم
أدم بدأ يواسي صاحبه وقال
-يا اسامه البنت جت هي وأبوها وأتنازلوا عن المحضر
-الزاي ده
اتعصب والد أسامه وتركهم ومشي ، اسامه هو كمان اتعصب وقال بعصبيه
-اتفضل قوم خلص الورق دلوقتي
-حاضر
ظل اسامه وآدم بس اللي علي الطاوله
-هتعمل اي يا اسامه ، البنت اتنازلت
-أنا هخليها تكره اليوم اللي اتولدت فيه
بدأ ادم يبلع ريقه ، وضحك ضحكه مستفزه
-هتعمل اي يعني
-مش هطلقها
-نعم ؟
لفظ ادم الكلمه دي في صدمه و دهشه
-أنت بتقول اي يا اسامه
-اللي سمعته مش هطلقها
-البنت قالت اللي انت طلقتها
-تثبت ..
مسح ادم أيده علي شعره بعصبيه وقال
-طب بعد ما تتجوزها هتعمل اي
-هخليها تتمني الموت
-وأفرض رفضت
-هطلبها في بيت الطاعه
أدم اتنهد في خوف وبدأ يقلق تاني وقال بحزن
-أنا خايف عليك يا صاحبي انا مليش غيرك
******
ملك دخلت حجرتها وهي حزينه جدا من كلام ابوها وبدأت تتذكر كلامه
"انا بنتي تعمل كده ، يا خسارة تربيتي ليكي يا ملك يا حسرة قلبي عليكي يا بنتي "
قطع التذكر بتاعها صوت ماسيدج من التليفون ، وقفت واتحركت ، فتحت الفون و انصدمت من فيديو سندس اللي كانت مصوراه ليها مبعوت من رقم مجهول
-يا نهار أسود !
فتحت التليفون وأتصلت علي أسماعيل
-أنت بتلعب بديلك يلا
-في أي يا انسه ملك
-أنا هسجنك لو الفيديو طلع بره
-فيديو أي الفيديو معاكي اصلا انا مشفتوش
قفلت ملك التليفون وهي في حيره هو في اي ، فعلا الفيديو علي تليفونها هي بس ، معقوله يكون حد دخل وبعت الفيديو من فونها ؟
انصدمت باتصال تليفوني من شخص مجهول
-مين
-أنا العووو هاهاهاهاها نسيتيني يا لوكه ، ده انا اللي عرفتك بحقيقة اسامه
-أنت مين ووصلت الفيديو والصور دي الزاي
-مش مهم تعرفي ، اللي طالبه منك انك ترجعي لأسامه تاني
-أنت بتقول اي
-اللي سمعتيه ترجعي لأسامه تاني ، لإما الفيديوهات هنشرها وأفصح البت ، يرضيكي البت تنفضح بسبب معامله رخيصه زيك
الصوت كان غليظ جدا مش واضح مين بيتكلم ، قفل التليفون
***
ام ملك بتحدث زوجها في الصاله وهي بتبكي
-البت دي محسوده ، والله محسوده يا موسي
-اسكتي شويه بقي ارحميني
وقف موسي لما سمع الباب بيدق ، اتحرك ناحية الباب وفتحه ، وقف صامت مبيتكلمشي
-مين يا موسي
صوت من الخارج : انا يا حماتي
دخل اسامه وهو عادي جدا وبيبتسم ، وقفت ام ملك واتحركت ناحيته
-عاوز اي
موسي ابو ملك : استني انتي
أسامه بضحك : اي المقابله دي ، انا جيت ساعه غلط ولا اي
مسك الأب اسامه من ملابسه وصرخ فيه
-عاوز اي
-عاوز مراتي ، مراتي هنا ؟
-مرا....
-ايوه مراتي هي فين
اتحركت ام ملك ناحية الشباك
-هصرخ وألم عليك الناس لو ممشيتشي
اسامه بأبتسامه عريضه : اصرخي براحتك هقولهم عاوز مراتي
موسي بعصبيه : امشي من هنا
-تمام
اتحرك موسي ناحية الباب ونادي علي أحد
-اتفضلوا
دخلوا رجال الشرطه ومعاهم المحامي ، لفظ المحامي
-استاذ اسامه طلب مدام ملك في بيت الطاعه
خرجت ملك من حجرتها وكأنها كانت بتسمع حديثهم ومعاها شنطتها بملابسها
-وأنا جاهزه اروح معاه
ضحك أسامه ضحكة استهزاء وقال بداخله
-هخليكي تشوفي الموت بيعنيكي
ملك ظلت تنظر لأسامه وقالت بإستغراب بداخلها
-معقوله أسامه يستغل أخته علشان يوصل لي علشان يكمل أنتقامه مني ؟
في الحلقه القادمه
واحده ب واحده يا اموت يا اعيش ، اللعب بقي علي المكشوف وفرحة ما تمت هياخدها الغراب ويطير
-نورتي بيتك يا عروسه
دخلت ملك وهي حامله شنطتها ومتعصبه جدا
-أنت مش طلقتني ؟
قرب أسامه عليها وهي بدأت ترجع للخلف
-ما انا رديتك
-نعم !
بدأت تبعد وهو كان بيقرب ، استندت علي الحائط بظهرها
-أبعد
-أنتي مش قولتي ان مليش في الحريم ، يبقي خايفه مني ليه
بدأت تبلع ريقها وكانت خايف منه جامد ، بس هو ابتسم وقال
-اي ساكته ليه
-أنت عاوز مني أي
-عاوز أثبت للعالم كله اني راجل ، تحبي نعمل فيديو بث مباشر ولا أي
-يا نهار أسود أنت مجنون
اتحركت أن هي تهرب منه ، مسكها من شعرها ، بدأت تصرخ
-ابوس أيدك سيبني
كانت بتبكي ، وهو بدأ يضحك جامد
-اي يا بيبي ، مش كنتي اللي قادره ع التحدي اي جرالك
مسكت ملك تمثال من علي الطربيزه ، خبطته بيه ، وقع علي الأرض
-يا بنت الكلب
اتحركت بسرعه وكانت بتصرخ ودخلت حجرتها ، الدم بدأ ينزل من دماغه ، قرب من الحجره
-أفتحي
-لا مش فاتحه
-هكسر الباب
اتحركت ملك بسرعه ووقفت بجانب النافذه
-هطلب الشرطه لو دخلت
-مش هسيبك
-اجري اجري ده اللي فالح فيه
اتحرك وخرج بالسياره ناحية المستشفي ، ملك دخلت الحمام أخدت شاور ، بس كان فيه شخص بيراقبها من كاميرات المراقبه وشخص مجهول
خرجت ملك وبدأت تبحث عن اي أداه حاده تحميها من أسامه
أسامه رجع من المستشفي مربوط من دماغه ، دخل حجرته بسبب حقنة البينچ ونام ، ملك كانت فوق ماسكه السكين ومنتظره يطلع علشان تحمي نفسها منه
اليوم التالي
فتح عينيه علي ملك واقفه جنبه وبتبتسم
-أنتي
اتحرك أن هو يقف يضربها لكن أنصدم بوجود رجال الشرطه واقفين
-بيعملوا أي دول
ضحكت ملك واتحركت وجلست علي سريره
-ضيوف
قرب منهم وهو مش قادر يقف وقال
-خير
وقفت ملك وقربت منه وهي مبتسمه
-عملتلك محضر عدم تعرض ، وريني بقي يا نجم هتعمل اي
-نجم ؟. ... وتعرض ؟
بدأت ملك تضحك وهو مصدوم وبيتكلم مع الظابط
-أنا معملتش حاجه ليها
-مدام حضرتك قدمت فيديو وانت بتصرخ وعاوز تدخل تضربها
-هي اللي ضرباني يا باشا انت مش شايف دماغي
قربت ملك منه وهي متعصبه
-عيب في حقك يا أوسي
-اوسي
الظابط : اتفضل أمضي
ملك ضحكت جامد وهو بيمضي علي المحضر ومتعصب ، وبعد ما اتحرك رجال الشرطه ومشيوا
قرب عليها ولسه هيمد أيده ، وقفت ملك وهي مصدومه
-لسه ممشيوش هنادي لهم
رجع تاني أسامه وهو هيتجنن من تصرفاتها ، ترك الحجره وهو بيتمتم بكلام غير مفهوم ، وملك بتضحك
-أنا وانت والزمن طويل ، ده انت ليلة اهلك زرقا معايا
في المساء
ملك جالسه في حجرتها متعصبه
-أنا زهقت ، انا لازم أخرج احرق في دمه
خرجت من الحجره وهي بتغني
- مش ملاحظ حاجه غريبه أن شكلي أحلو مثلا لما سيبتك
وفجاءه ، أتزحلقت وقعت علي السلم ، بدأ تصرخ من شدة الوجع ، خرج قاسم من المطبخ وهو ماسك زجاجة الزيت وضحك وقال
-واحده بـ واحده
اتحركت ملك أن هي تقف ولكن فشلت من الوجع
-مش هسيبك أقسم بالله ما هسيبك
اتحرك أسامه وتركها بدون ما يساعدها وبدأ يغني
-لا ملاحظ أن انا مرتاح كأنك هم سابني وراح وقربك مني هم أنزاح
بدأت ملك تستند علي شئ ، انصدمت أن أسامه واضع زيت علي السلم
في المساء
خرج أسامه من حجرته ، أنصدم أن القصر هادي ومفيش حد
-هي مشيت ولا أي
اتحرك في القصر يبحث عنها بس موجدهاش
-معقوله هربت ؟
اتحرك بدأ يبحث عنها في كل مكان
-لازم ألبس
اتحرك بسرعه أن هو يلبس في حجرته ، ارتدي ملابسه ، اتحرك يلبس الجزمه وفجاءه صرخ ، خرج رجله بسرعه ، بدأت رجله تنزف ، ظهرت ملك أمام الباب وهي بتضحك وفي أيدها زجاجه مكسوره وهو بيصرخ من الوجع واتحركت ناحية حجرتها وبتغني
- مش ملاحظ إني بضحك إنت عارف ضحكي ليه ع اللي سابني وحس فجأة إني بحلو في عينيه ، إيه اللي جابك ما إنت كنت رميت وراك ،إنت صح أنا مستاهلش أكون معاك
بدأ اسامه يكسر كل شئ في المكتب وهو متعصب
-أقسم بالله ما هسيبك
اليوم التالي
ملك بتاكل علي السفر بيتزا وفجاءه بدأت تصرخ وفمها بدأ ينزل دم ، خرج أسامه من المطبخ وفي أيده زجاج مكسر وقرب منها وأبتسم
-أنا هخليكي تقطعي الكلام نهائي
بدأت ملك تغسل فمها وهي بتصرخ من الوجع وبتلفظ
- يا اوبن كلووو
قعد أسامه يتريق عليها وهي مش عارفه تتكلم وبدأ يغني
-لو إنت بجد عايزة رجوع وجودك مش في مصلحتي
نسيتك قافل الموضوع يا ريت تتقبلي صراحتي لو إنت لاحظتي حاجة وشفتي حاجة بجد عينيك مخدوعين
في المساء
صعد أسامه لحجرته ولسه هيقفل الباب قامت ملك قافله الباب علي أيده ، بدأ يصرخ ، قربت منه وقالت
-أنت ناسي انك ماضي علي محضر عدم تعرض دي قرصة ودان
خرجت ملك من الحجره قام أسامه ماسكها من شعرها ، قامت ملك ضرباه أسفل الحزام وقع علي الأرض ، بدأ يصرخ وحاول يقف وضرب ملك بالبونيه وقعت علي الأرض ووقع جنبها
وكل ده شخص بيراقبهم من خلال كاميرات مراقبه وبيبتسم
***
أدم جالس بيلعب في فونه ومنتظر أسامه ، دخل اسامه بعد فتره وهو بيضحك
-عاش من شافك ، بقالي اسبوع مقابلتكش يا صاحبي
-أسف والله
بدأ اسامه يضحك ، فأستغرب أدم من الابتسامه دي
-في أي
-ملك
-مالها ملك
بدأ اسامه يلعب في لحيته ويبتسم
-أنا من كتر اللي بنعمله في بعض مش عاوز أخرج من القصر نهائي وأستني اشوف أعمل معاها اي
ضحك أدم علي ضحكة صاحبه وقال
-بتضربوا بعض ولا اي
-بص هي شبه كده ، بنعمل مصايب سوده في بعض ، اليوم اللي متعمليش حاجه بروح انا اعمل معاها مصيبه ، البنت دي أخدت كل وقتي
-اي ده انت بدأت تحبها ولا اي ، أصحا بقي
ضحك أدم بقوه ، أسامه بدأ يفكر وبعدين رد
-لا مش حب ، بس فعلا البنت دي شغلت كل وقتي ، يعني تلاحظ مبقيتشي أخرج من القصر نهائي وقاعد بفكر هي هتعملي اي او انا هعملها اي حاسس كده أن اتعلقت بوجودها في القصر حاجه غريبه
-ملك بتحبك ، متخليش حبها ليك نقطة ضعف، تستغلها وقت لما تحب تجبرها علي حاجه، ده عشانك ،الاسطورة بتقول انها بتكون فاهمه، بس بتفوت بمزجها مره وعشرين، لحد ما بيجي وقت بتقولك انا مش هكمل، وبعد كده مبتشفوهاش
-أنا مش بحبها ، بس اتعودت عليها فعلا في حياتي
-قولتلك بلاش حوار الفيديو اللي عملته ده وانت مسمعتش مني
-والله ندمت بس هي سابتني ؟ ، دي فضحتني
-ربنا يفرحكم ببعض يا اخويا وتعقل اهم حاجه
-كلها شهر وهرجع حقي منها ، انا مش هسكت غير لما ارجع حقي
-طب سيبك اجهزوا بقي فرحي انا وسندس الاسبوع الجاي
-أها عرفت ربنا يتمم لكم علي خير
بدأ اسامه يضحك تاني وهو بيفكر
-بتضحك تاني ليه ؟
-اصل قبل ما أخرج عملت لها حتة مقلب
-اي هو ؟
اسامه بدأ يتكلم بضحك وقال
-هي بتخرج بليل تشم هوا في الجنينه ، حطيت زيت علي الأرض اول ما تخرج من باب الجينيه هتقع في المسبح (حمام السباحه)
-أنت بتهزر ملك مبتعرفشي تعوم
-نعم ، بتهزر
وقف أسامه في فزع وخوف
****
ملك كانت حامله القهوه في أيدها وبتغني وفتحت باب الجنينه
-الجو النهارده تحفه علشان الحيوان ده خرج
اتحركت وفجاءه أتزحلقت والقهوه وقعت عليها ونزلت حمام السباحه وبدأت تغرق وللأسف طلعت مبتعرفشي تعوم
الي اللقاء في الفصل القادم
في فصل القادم
(داين تدان وزي ما حصل لملك هيحصل ل.... )
ومن هنا تبدأ القصه باي
اتحرك ناحيتها وهو بيصرخ
-ملك
ملك استسلمت خلاص ، أترمي أسامه بسرعه وانقذها ، وأدم واقف خايف ومصدوم
-ملك
طلع بيها وهي فاقده الوعي ، بدأ يحرك فيها
-ملك فوقي ، يا نهار أسود هتوديني في داهيه ، ملك
بدأ يصرخ جامد ، وبيحرك فيها وهي في دنيا غير الدنيا
-أنا هطلب الأسعاف
وقف أسامه وهو خايف وبيرتجف وقال
-لا ، انا هفوقها
قرب أسامه منها علشان يعطيها قبلة الحياه ، أنصدم أدم بيمنعه وهو متعصب
-أنت بتعمل اي !
-وسع يا آدم البت هتموت
-هي مش علي ذمتك اصلا علشان تعمل كده
-وسع أيدك
اتحرك أسامه وبالفعل اعطاها قبله الحياه ، فاقت ملك وبدأت في السعال
-الحمد الله
أدم اتعصب من اللي اسامه عمله واتحرك وتركهم
ملك كانت مصدومه من اللي حصل ، واسامه بدأ ياخد نفسه بأعجوبه
-أنـ
-ششششش
وقف أسامه وحملها بين ذراعيه ومنعها أن هي تتكلم ودخل بيها ، دخلها حجرته هو مش حجرتها
-ينفع كده ؟
-أنا أتزحلقت وقعت
-كويس اني لحقتك
اتحرك أسامه ناحية الباب
-أنا هروح أجيب لك هدوم ليكي تقومي تاخدي شاور
اتحرك أسامه وخرج من الحجره وبعد دقيقه دخل ادم حجرة ملك ، انصدمت أول ما شافته
-أدم ؟
قرب أدم منها وهو حزين ومتعصب
-أنتي كويسه ؟
-أها
-الحمد الله
بدأ ادم ياخد نفسه باعجوبه
-ممكن تنادي أسامه
-حاضر
اتحرك أدم ناحية الباب وألتفت لملك وقال بحزن
-أسامه بقي يحبك يا ملك ، حاولي تحافظي عليه ، ولو حصل له حاجه مش هيحصلك كويس ، لأن أسامه ده مش صاحبي بس ، ولا اخويا ، أسامه ده بمثابة أب ليا ، علطول شايل همي وجه الوقت اللي أعمل المستحيل علشان أساعده
اتحرك أدم وخرج ، ملك كانت مستغربه
-هو بيقول أي
اليوم التالي
ملك كانت بتشاهد التليفاز ، قرب منها أسامه وقعد وهو بيبتسم
-عامله اي دلوقتي ؟
-بخير
كانت ملك مبتتكلمشي نهائي ، أسامه حاول يكلمها وهو مكسوف
-تيجي نخرج
-ليه
كانت لتشاهد التلفاز وكانت مطنشاه
-نخرج نشم هوا
اتعدلت ملك وابتسمت وقالت
-والناس ؟
-ناس اي
-مش عيب نكون فاضحيين بعض ونخرج مع بعض
ابتسم أسامه وبدأ يعض علي شفتاه وقال
-ما هما لو شافونا مع بعض ، يعرفوا أن كل اللي قولناه مش حقيقه
-قول بقي كده ، الحوار وما فيه انك عاوز تثبت براءتك
-براءتي ؟!
-بص يا أسامه ، فرح سندس مش هحضره ، أني أكمل معاك مستحيل ، فياريت تشيل الكلام ده من دماغك ، انا لا علي ذمتك ولا عوزاك
مسح أسامه بأيده وجهه ولفظ بعصبيه
-أنا لو كنت عاوز حقي ، كنت أغتصبتك غصب عنك أو برضاكي واجبرتك تحملي مني علشان اثبت براءتي بس معملتش كده
وقف وبدأ يعدل بدلته وأبتسم وكمل كلامه
-أنا اشتريت لك فستان فوق علي زوقي ، فرح سندس عاوزه تحضري أو متحضريش ده بمزاجك مش هجبرك ، لأن وجودك لا هيزود ولا ينقص
وقفت ملك وقربت منه وهي سعيده جدا
-هتطلقني عامي امتي ؟
-بعد الفرح مشوفكيش هنا ، انتي سامعه ، وورقتك هتوصلك
اتحرك أسامه ل ڤيلا بتاعتهم القديم ، أمه كانت في انتظاره
-اي يا حبيبي ، عاوزني في أي
قرب أسامه وحضن أمه وظل حاضنها
-تعبان
-مالك يا واد , ملك صح ؟
-تعبت معاها ، حاولت أنسي كل حاجه وحشه عملناها بس فشلت ، حاولت أقرب منها واتعلقت بيها ، بس هي بتصدني
-اللي عملتوه في بعض مش كويس نهائي ، انتم عملتوا لبعض مصائب لا يسمح بيها عقل ولا دين
بدأ أسامه يتعصب وكان هيبعد عن أمه بس تمالك نفسه
-أنا هطلقها
-دي حاجه ترجعلك يا حبيبي ، دي هتبقي حياتك وانت حر فيها ، انت بقيت كبير وراجل وعارف انت هتعمل اي
بدأ اسامه يفكر وهو في حضن أمه ولفظ بتنهد
-ملك
*يوم الفرح*
أسامه خرج من حجرته وهو لابس بدله شيك جدا سوداء ، وقف قليلا وقال
-معقوله هتحضر ؟
قرب من باب حجرتها ولسه هيدق الباب ، رجع في كلامه وأتحرك أن هو يمشي ، بس وقف لما سمع صوت الباب بينفتح وخرجت ملك بالفستان اللي هو جايبه ليها
-اي هتمشي لواحدك
-مستنيكي
اتحركت ملك ناحيته وقالت بتعصب
-أنا راحه بس علشان سندس ، سندس أختي من قبل ما تكون اختك
-طيب
-أنا بكرهك ، وعمري ما هحبك وكلها الليله دي
ابتسم اسامه وبدأ لسانه يلعب في فمه وقال
-أنا اللي مش طايقك
-عادي ، ولا انا كمان
اتحرك أسامه أن هو يمشي بس ملك مسكته من أيده وقفته
-اي رأيك ؟ شكلي حلو ؟
- متنسيش الفستان الاحمر الحلو ده انا اللي جايبه يعني زوقي
-قصدك أن زوقي وحش
-أها للأسف
وقفت ملك وأخذت نفسها وفجاءه ضربته علي وجهه وابتسمت بتكبر
أنصدم أسامه ووضع أيده علي وجهه
اتحركت ملك أن هي تمشي ، مسكها من شعرها وقعها علي الأرض ، والكالعاده نزلوا ضرب في بعض تاني
بعد ساعه دخلوا الفرح ، كان أسامه متبهدل هو وملك من الضرب ، فستان ملك كان مقطع ، اتحرك أسامه ومسك أيد سندس أخته وآدم كان ماسك أيد سندس وسعيد جدا أن هو هيتجوزها ، همست سندس لأسامه
-اي ده مالكم
-كالعاده زي كل يوم
ضحكت سندس عليه وهو ضحك هو كمان ، اتحركت ملك وجلست بعيد عنهم ، بدأ أسامه يرقص هو وأدم والمعازيم ، اتحركت سندس ناحية ملك ورقصوا مع بعض
-اي اللي انتم عاملينه في بعض ده
-اخوكي يستاهل
ضحكوا و فجاءه اشتغل علي شاشة العرض فيديو لملك وهي بتتفق مع اسماعيل وبتقول
-هتاخد اللي عاوزه بس تعمل لأخته نفس اللي عمله فيا
-قصدك ازور
-لا هيبقي علي الحقيقه
ملك انصدمت أول ما شافت الفيديو ده ، سندس كانت بتنظر لهم في صدمه ، أسامه بدأ يرتجف ، ادم كل نظراته كانت صدمه زي صاحبه
ظهر فيديو سندس أمام كل المعازيم في وضع مخل
سندس كانت مصدومه والدموع بدأت تنزل ، اسامه قال بداخله والدموع بتهبط من عينه
-معقوله ملك
اتحركت سندس بسرعه في الفرح زي المجنونه بتقول
-مين دي ، مش أنا
اتحركت ناحية ملك وضربت ملك علي وجهها
-مين دي ؟
ملك بتبكي ومبتتكلمشي ، ملك فقدت الوعي والناس بدأت تصرخ ، اسامه صرخ هو كمان وقال
-هقتلك يا ملك
وملك واقفه مش فاهمه حاجه بتبكي
الي اللقاء في الفصل القادم
مين اللي عمل كده واي دوافعه ؟
إللي عاوز يوصله اشعار بتكملة الروايه يعمل إنضمام من هنا
