رواية أحببت زين الصعيد الفصل الحادي والعشرين حتي الفصل الحادي والثلاثون والاخير جميع الفصول كامله
 |
الحلقة الحادية والعشرون
جدة زين بزعيق: اهلا ب اللي لسه صاحيه نمسيتك حكلي انت قاعده فوق و سلفتك بتعمل لوحدها
فرح: سلفتي بتعمل ايه هي ام صلاح مش عملت الفطار انا صاحيه ب ولادي طول الليل
جدة زين: انتي كمان بتقاوحي و بتردي عليا انا هتصل بجوزك ييجي يشوفلك حل
فرح بزعيق: هو ايه اللي كل شويه تزعقيلي انا عملتلك ايه كل يوم تصحوني انا و جوزي هتكسرو الباب و اقول يا بت معلش انتي بتيجي عليا ليه علشان مش بتكلم انا بسكت احتراما ل جوزي و لحماتي و بس
جدة زين:انتي قليلة الربايه و لازم ارن علي اهلك ييجو يربوكي
فرح بزعيق: انا مش قليلة الادب و كله يلتزم حدوده بقا علشان مش هسكت لحد و خدت عيالها و طلعت
جدة زين رنت عليه و هو جه و حكاتله كل حاجه
زين طلع ل فرح و قال بحده: ايه اللي حصل تحت
فرح بصتله: ستك زعقت فيا
زين: اه و انتي عملتي ايه
فرح بلعت ريقها بخوف: زعقت قصادها بس والله
قاطعها زين: تنزلي تعتذري يلا
فرح: اعتذر علي ايه لا مش هعتذر هي اللي غلطت فيا الاول
زين بحده: انا قولت تنزلي تعتذري
فرح بعند: و انا مش هعتذر يا زين
زين: تمام لمي هدومك هتروحي بيت اهلك
فرح بصتله بصدمه: ايي
في الوقت ده الباب خبط و كانت امه
سميحه: مرتك مغلطتش ياولدي والله الكلام كان قدامي
زين بعصبيه: تنزل تعتذر ليها هو حلو كده لما تقولي مش عارف تحكم مراتك و تمشي كلمتك عليها
فرح بدموع: والله منا نازله ولا معتذره منها انا مغلطتش فيها اصلا
زين: قومي لمي هدومك هوصلك بيت اهلك
سميحه: وه ياولدي اتجننت ولا ايه هتغضب مراتك وكمان مش غلطانه
زين: ده اخر كلام عندي و سابهم و نزل
فرح حضنت سميحه و عيطت: والله ي ماما مغلطتش فيها و الكلام كان قدامك
سميحه بحنان: اهدي بس و هتتحل والله هاتي عيالك و تعالي معايا تحت
فرح: لا يا ماما انا همشي
سميحه: والله ما تحصل يا هبله هيفرحو فيكي قومي بس
فرح نزلت و دخلت معاها الاوضه
زين طلع باليل ملقهاش نزل لامه
خبط و دخل
زين: نمتي ياما
سميحه: لا يا ولدي جاي مالك
زين: هاخد العيال مش هعرفو ينيموكي طول الليل
سميحه: لا سيبهم مع امهم
زين: لا وخدهم و طلع
سميحه بحنان: هو بيصالحك والله اطلعي معاه
فرح بحزن: حاضر يا ماما
طلعت لقت يزن صاحي و زين منيمه علي بطنه دخلت غيرت هدومها و راحت خدت منه الولد نيمته
زين شدها عليه: متبقيش تعندي معايا
فرح بعدت وشها عنه: لو سمحت سيبني عايزه انام
زين بخبث: لا نتحاسبو بقا
فرح بعياط: نتحاسبو علي ايه انت اكتر واحد عارف انها بتكرهني و بتتسلق ليا شوفت طريقتها مع رضوي و تقولها كيف القمر مش زي ناس
زين ضحك علي طريقتها و مسح دموعها: متزعليش بس كلامها خلاني مش شايف قدامي والله
فرح: يعني كنت هتغضبني و كانت هتفرح فيا و تجوزك بنت عمتك الحربايه
زين: انا اقدر ابعد عنك يا قمر انت
فرح: اه كنت هتبعد و قلدته يلا لمي هدومك هتروحي بيت اهلك
زين ضحك عليها: خلاص بقا خلي قلبك ابيض و كمل بخبث و بعدين تعالي اقولك كلمه
فرح نفخت و هو قرب منها و نسكت علشان عيب
الصبح
فرح قامت الاول و دخلت الحمام خلصت و طلع لقت زين قاعد بيفرك في عنيه
زين: صاحيه بدري ليه
فرح: علشان انزل اخلص و اطلع احمي الولاد بقعد كتر
زين: طيب حضري الهدوم انا عايز انزل
فرح:حاضر و دخلت و خلصو و نزلو
سميحه: صباح الخير يا حبايبي
زين قرب منها و باس ايديها و كذلك فرح
قعدو مستنيين حمزه علشان يفطرو سمعو صوت زعيقهم
زين: انا هطلع اشوف في ايه
زين طلع خبط عليهم حمزه فتح و هو متعصب
زين: البس و تعالي عايزك انجز
حمزه: حاضر و زين نزل و هو قفل الباب
حمزه لبس و نزل و قعدو في المكتب
زين بحده: عايز افهم انت و مرتك كل يوم كده ليه
حمزه انتهد بضيق: مفيش حاجه يا زين
زين بحده: حمزه صوتك انت و مراتك ميطلعش بره الاوضه بتاعتكم علشان امك سمعت و انا هخلي فرح تكلم مراتك
حمزه بسرعه: لا لا خلاص هكلمها انا
زين استغربه: تمام يلا علشان نطلع نفطر و كل واحد يشوف مصالحه
طلعو فطرو و زين نده علي ريم
زين: بصي انا عايزك تتكلمي مع مراتك اخوكي بهدوء و تشوفي سبب مشاكلها مع حمزه علشان قولتله مراتي تكلمها قال لا
ريم بتوتر: حاضر
زين بشك: في ايه
ريم: بصراحه هو المشكله بسبب مراتك
زين باستغراب: مراتي انا و هي ايه دخلها
ريم بتوتر: انا سمعتها امبارح و كانت بتزعق برضو باليل و تقوله هي مرات اخوك احسن مني في ايه علشان كله يعاملها حلو و تبقي مرت الكبير
زين:…
يتبع…
الحلقة الثانية والعشرون
زين: طيب يا ريم لما اجي و نشوف الموضوع ده و فرح متعرفش حاجه يا ريم
ريم: حاضر و دخلت ل جوه لقت رضوي بتبص ل فرح
ريم: فروحه مش قولتي هتطلعي تغسلي للولاد يلا
فرح: يلا تعالي معانا يا رضوي
رضوي: لا انا هقعد اعمل كيكه
فرح بابتسامه: ماشي لو خلصتي تعالي
ريم في نفسها: دا احنا جيبنا حيه في وسطنا والله
فرح: يا بت سرحتي في ايه يلا نطلع
ريم انتبهت: يلا و خدو العيال و طلعو
خلصو و لقو رضوي بتخبط تديهم الكيكه و نزلت
فرح: الله حلوه اوي شكلها شاطره
و بعدين لسه بتاكل حست بتعب جامد
فرح بالم: ريم بطني بتوجعني اوي
ريم بقلق: مالك يا بت
فرح بالم: ااه مش عارفه اتصلي ب زين كده
ريم: حاضر و قامت بسرعه ترن علي زين
بعد شويه زين جه
زين: مالك يا حبيبتي
فرح بتعب و الم: ااه بطني يا زين بطني
زين: اهدي اهدي هنروح المستشفي دلوقتي تعالي ساعديني يا ريم نلبسها
و كمل بصوت عالي: حمزه جهز العربيه بسررعه
زين شالها و نزل بسرعه: ريم خليكي مع الولاد متسبهمش يا ريم سامعه و نزل
بعد شويه وصلو المستشفي و شالها طلع بيها
الدكتوره دخلت تكشف عليها و زين و حمزه و مصطفى وقفو بره
شويه و طلعت
زين بلهفه: مالها يا دكتوره
الدكتوره باسف: هي واكله حاجه مسم’مه و احنا بنعملها غسيل معده
زين بصدمه: مسم’مه طيب و هيا كويسه
الدكتوره: الحمدلله كويسه يا زين باشا و شويه و هتطلع عن اذنكم
حمزه: حمدلله علي سلامتها ياخوي الحمدلله انها جات علي قد اكده
زين: الحمدلله
بعد شويه كانت فرح فاقت و بقت كويسه و زين دخلها
زين باس ايديها: حمدالله على سلامتك يا حبيبت قلبي
فرح بتعب: الله يسلمك يا حبيبي انا عايزه امشي
زين: حاضر ي حبيبتي هروح انادي الدكتوره تشوفك و نمشي
الدكتوره كشفت عليها و قالت انها كويسه و زين شالها و مشو
وصلو عند البيت و نزلو
ريم جريت عليهم: حمدلله علي السلامه عامله ايه
فرح: انا كويسه يا حبيبتي والله
زين: انا هطلعها و طلعو زين نيمها علي السرير و غطاها و لسه هيطلع مسكت ايده
فرح: زين نام جنبي
زين: عيوني الاتنين و خدها في حضنه
زين: حبيبي هو انتي كلتي ايه بعد ما مشيت
فرح بنوم: كيكه رضوي عملاها بس كانت جميله ملحقتش اخلص الطبق
زين في نفسه: الحمدلله انك مخلصتيهوش
بعد شويه اتاكد انها نامت غطاها و نزل لقاهم كلهم قاعدين
زين: ريم و مصطفى تعالو عايزكم
خدهم و راحو المكتب
زين: ريم انتي كلتي من الكيكه بتاعت رضوي
ريم: ايوا كلت منها هو ايه اللي حصل فهمني ياخوي
زين: الدكتوره قالت انها واكله حاجه مسم’مه
ريم بخضه: يالهوي
مصطفى: زين انت شاكك في رضوي بص انا معاك تشك فيها بعد اللي ريم حكته بس معتقدش انها تقدر تعملها
زين: هنشوف يا مصطفى بس والله لو هيا ما هرحمها
ريم: خير ان شاءلله اطلع بس ل فرح و انا هاخد العيال معايا النهارده
زين: ماشي ي حبيبتي تصبحو علي خير
الاتنين: و انت من اهل الخير
و طلعو كل واحد علي اوضته
في اوضة حمزه
حمزه مسكها من شعرها: وربي لو كان ليكي يد في اللي حصل ل مرت اخوي ما هرحمك الظاهر اننا جبنا حيه وسطينا
رضوي بالم: و انا هعمل فيها ايه يعني والله معملتش حاجه
حمزه ساب شعرها: هنشوف يا بت مسعود هنشوف
في اوضة زين
زين: انا عمري ما شوفت واحده تعبانه و حلوه كده
فرح بضحك: يا زين بقا
زين قرب منها: قلب زين والله
فرح: هما عيالي فين
زين بغمزه: تحت وزعتهم عند ريم
فرح ضحكت بصوت عالي و هو قرب منها و نسكت علشان عيب
عدي اسبوعين جه يوم حنة ريم
عند زين و فرح بيلبسو
زين: ابقي ارقصي هااه ابقي ارقصي علشان هنيمك بين مصطفي و ريم المرادي
فرح بضحك: والله هما بيشدوني
زين قرب منها: لو شدوكي قولي لا جوزي قايل مترقصيش سمعتي
فرح: حاضر اه صح عندي ليك مفجأه
زين: استر يارب خير قولي
فرح: تؤ مش دلوقتي و يلا ننزل هنتاخر كده
زين: هي ريم خلصت
فرح: طبعا هو انا اصلا كنت هطلع البس غير لما اطمن انها خلصت
زين حضنها بحب: ربنا يخليكي ليا ي حبيبتي
فرح: و يخليك لينا يارب ي حبيبي و يلا ننزل
نزلو فرح راحت ل الحريم و قعدو يرقصو
الحنه خلصت و طلعو فوق
فرح بتعب: مش قادره
زين: والله ولا انا بس تعالي هنا ايه المفجأه بقا
فرح:….
البارات ال 23/24
الحلقة الثالثة والعشرون
زين: ايه المفاجأه بقا
فرح قامت اتعدلت و قعدت و هو نايم
فرح: احم بص
زين: بصيت اخلصي يا بت
فرح غمضت عنيها: انا حامل
زين كان ساكت و متنيح ليها هي لما لقت مفيش صوت فتحت
فرح: زين مالك انت زعلت
زين: زعلت ايه و قام شالها و لف بيها دا انا مش قادر اوصفلك فرحتي والله انا فرحان اكتر من المره الاولي
فرح بضحك: طيب نزلني
زين نزلها: عرفتي امتا بقا
فرح: الصبح و كنت ناويه اقولك وقتها بس لقيتك مشغول والله قولت اقولك باليل في هدوء
زين مسك ايديها باسها: الف مليون مبروك يا نور عيني
فرح: الله يبارك فيك ي حبيبي بقولك اقول للعيله ولا استني اما يخلص الفرح
زين: لا استني يخلص و بعدها هنقول بس خلي بالك الا تقعي ولا تتخبطي بكره ولا حاجه
فرح حضنته: حاضر
ياسين عيط
فرح بصت ل زين: قوم هاته والله مش قادره
زين عمل نفسه نام
فرح زقته: زييين قووووم
زين بصلها و ضحك و قام جاب الولد و هي فضلت تطبطب عليه لحد ما نام
الصبح
زين قام من بدري علشان يشوف الاكل و يشرف علي كل حاجه فرح صحت ملقتوش لبست و نزلت لقاته واقف مع الرجاله لسه هتدخل لقت رضوي بتبص عليه و مبتسمه
فرح باستغراب و غيره: هي مالها دي بتبص ل جوزي كده ليه راحت عندها
فرح: مالك يا رضوي واقفه كده ليه
رضوي بتوتر: مفيش حاجه قومت اشوف هنعمل ايه علشان الفرح
فرح: لسه بدري يا رضوي اطلعي جنب جوزك
رضوي بابتسامه صفراء: تمام و طلعت
فرح هي كمان طلعت لقت يزن صاحي بس ساكت راحت تلاعبه لقت زين بيفتح الباب
زين: حبايبي صاحيين بدري ليه
فرح: انا ملقتكش جنبي نزلت اشوفك
زين: كنت واقف اشوف عملو ايه علشان ميكونش في غلط حطي بس يزن و اكويلي العبايه بس بسرعه
فرح: حاضر و راحت تكوي و هو دخل الحمام
زين خلص و طلع بيلبس فرح راحت وقفت قدامه
فرح بغيره: بص انا عارفه انك هتقولي عادي بس بالنسبالي مش عادي الحكايه دي
زين قرب منها: في ايه بس يا حبيبتي حكاية ايه
فرح: من شويه نزلت ادور عليك لقيت رضوي واقفه تبص عليك و تبتسم ي زين
زين باستغراب: ليه
فرح: معرفش بس مش اول مره تعمل كده و انا اللي بعدي بمزاجي هي شكلها بتحبك
زين بحده: فرح انتي بتقولي ايه بطلي جنان دي مرات اخويا
فرح: لا مش جنان يا استاذ
زين بغضب: انا نازل بدل ما اعمل حاجه هنندم عليها احنا الاتنين و سابها و نزل و هي بتاكل في نفسها
خلصت و نزلت هي كمان لقت كله تحت راحت قعدت جمب حماتها لحد ما جه وقت الفرح و كله طلع يلبس
زين واقف قدام المرايه و كل شويه يبص عليها و هي مش بتبصله خلص و استناها علشان ينزلو سوا
الفرح خلص و مصطفي خد ريم وطلعو( بحكم انهم عيال عم عايشين في نفس البيت)
في اوضة زين
فرح واقفه بتمسح وشها و زين نايم علي السرير بيبص عليها
خلصت و راحت نامت علي طرف السرير زين بص عليها وقرب منها حضنها من ضهرها و همس في ودنها: انا اسف
فرح فكت ايده من عليها و مردتش عليه
زين عدل وشها عنده: علي فكره انتي اللي بتعصبيني والله هو ايه مرات اخوك بتحبك اعقلي كلامك
فرح بعصبيه: والله ده اللي احنا شايفينه
زين بتركيز في كلامها: انتو مين بالظبط
فرح: انا و ماما و ريم
زين انتهد: طيب عايزاني اعمل ايه و انا اعمله ولا تزعلي مني كده
فرح: ملكش اي كلام مع البني ادمه دي نهائي
زين ابتسم علي غيريتها: ماشي ياستي بس متزعليش والله العيال هيطلعو عصبيين بسببك
فرح: و انت اللي هادي
زين قرب باسها: عند اعتراض
فرح ضحكت بكسوف: بس اسكت سيبني انام
زين حضنها: هتقومي علي صوت ضر’ب النا’ر دلوقتي
فرح قامت: والله منا نايمه استن بقا مش كل مره اقوم مخضوضه
زين ضحك علي شكلها
في اوضة ريم و مصطفى
مصطفى: يا بت الناس اتهدي بقا و بطلي عياط فرهدتيني
ريم بعياط: مصطفى اسكت
مصطفى انتهد: طيب انتي عاوزه ايه و انا اعمله
ريم: سيبني
شويه و ضرب النار اشتغل
مصطفى: ياريم قومي غيري علشان نتخمد
ريم بعصبيه و دموع: قولتلك اسكت و سيبني عايز تتخمد اتخمد انت
مصطفى بحده: ريم انتي مالك و طريقتك بقت عامله كده ليه براحتك و سابها و نام و هي بصت عليه و انتهدت و قامت دخلت الحمام
يتبع…
الحلقه الرابعه والعشرون
الصبح فرح قامت بدري عملت الفطار ل ريم و مصطفى و طلعت تصحي زين
فرح: زين اصحي كده
زين بنوم: انتي صاحيه بدري كده ليه
فرح: حضرت الفطار ل ريم و مصطفى
زين ابتسم: لسه بدري نص ساعه و خبطي و اديهم الفطار و دلوقت تعالي كده نامي و خدها في حضنه
فرح: مش عايزه انام
زين بصلها: عايزه ايه
فرح: ولا حاجه نام انت و انا هنزل
زين: ماشي يا حبيبتي
فرح نزلت لقت سميحه قامت قرب منها و باست ايديها
فرح: صباح الخير يا ست الكل
سميحه بحب: صباح الورد والفل يا حبيبت قلبي
فرح: انا حضرت الفطار ل ريم اطلعه ولا لسه بدري
سميحه: و تعبه نفسك و قايمه بدري ليه بس كنتي سبيه و اي حد يحضره
فرح: ايه ايه اي يعني يحضر فطار ريم بتاع الصباحيه و الله عيب
سميحه بحب: ربنا يديكي الصحه و يخليكي ل عيالك يا حبيبتي
فرح: و يخليكي لينا يا احلي ماما
و قعدو يتكلمو بيبصو لقو رضوي نازله
رضوي: صباح الخير يا جماعه
فرح و سميحه: صباح النور
رضوي: هي ستي صحت ولا لسه
سميحه باستغراب: هتلاقيها صاحيه في اوضتها
رضوي: ماشي و مشت و سابتهم
فرح بقلق: ماما انا مش مرتاحلها
سميحه: والله ولا انا يابتي قومي قومي طلعي الفطار يلا
فرح: حاضر و راحت المطبخ جابت الفطار و طلعت ل ريم
خبطت علي الباب ريم فتحت و كانت عنيها حمره
فرح بخضه: في ايه
ريم خدت منها الصنيه و حضنتها
فرح: في ايه بس
ريم بعياط: مفيش حاجه
فرح: جوزك فين
ريم: نايم
فرح: طيب تعالي معايا الاوضه بتاعتي احكيلي مالك
ريم: هاخد دش و اجيلك متنزليش استنيني في اوضتك
فرح: حاضر حاضر ادخلي يلا
ريم دخلت و قفلت الباب و مصطفى كان صاحي و سمع كلامهم
مصطفى: انا مش فاهم مالك او انا عملت ايه فهميني
ريم مكنتش بتتكلم كانت بتعيط بس
مصطفى لسه هيقرب منها هي رجعت لورا
مصطفى غمض عنيه: طيب انتي خايفه مني قولي اي حاجه
ريم هزت دماغها بمعني ايوا
مصطفى: طيب انتي عارفه انا بحبك قد ايه والله
ريم: انا عايزه ادخل الحمام علشان اروح اتكلم مع فرح
مصطفى انتهد: طيب يا حبيبتي ادخلي
ريم خلصت و طلعت و مصطفى دخل بعدها
ريم خبطت علي باب فرح و زين فتح
زين حضنها: العروسه بنفسها هي اللي جيالنا مليون مبروك يا روح قلبي
ريم: الله يبارك فيك يا حبيبي قولي اومال البت دي فين
فرح من رواه: انا اهوه يلا يا زين انزل
زين بصلهم الاتنين: مش مرتحلكم في حاجه انتو مخبيينها
فرح:والله ابدا انا بس عايزه اتكلم معاها
زين بشك: ماشي متتاخروش و نزل
فرح: تعالي بقا في ايه
ريم عيطت و حكتلها اللي حصل
فرح: و انتي بتعيطي ليه يا بت الهبله
ريم: مش عارفه
فرح: يخربيت النكد يخربيته
ريم: متقوليش ل ماما حاجه علشان هتاكلي
فرح: اشتمك يعني هو انا بقول
ريم: طيب تعالي ننزلو الا حماتي تعملها حكايه مشاء الله بتموت فيا
فرح بضحك: جدا
و نزلو الكل بارك ل ريم
علي الفطار
زين: عايزه اقول حاجه
كلهم انتبهو ليه
زين: فرح حامل
ريم راحت مزرغطه و حضنتها: و مقولتليش طيب طيب حسابنا بعدين
فرح بضحك: اخوكي اللي قالي حاسبيه هو
كلهم باركولها الا رضوي كانت في ملكوت تاني خالص
فرح: ايه يا رضوي مالك
رضوي بتوتر: مفيش بس مصدعه هطلع ارتاح
و طلعت و سابتهم و فرح بصت ل زين
حمزه: زين معلش انا عايزك ياخوي
زين: تعالي المكتب يلا و دخلو
زين: مالك
حمزه: انا عايز اطلق رضوي
زين بهدوء: ليه يا حمزه
حمزه: اكده ياخوي مش مرتاح
زين بهدوء: بص يا حمزه انت ابني و انت عارف كده انا هتكلم معاك بصراحه انا سمعت كل اللي رضوي قالته علي مراتي و لو انت عايز تطلقها علشان كده ف ده غلط
حمزه قاطعه: لا مش علشان مرتك بس ياخوي لو سمحت مش هعرف اتكلم بس انا عايز اطلقها
زين: طيب اديها اخر فرصه و انا هخلي امك تتكلم معاها
حمزه: يا زين لو سمحت لا مفيش فرص تاني كفايه كده انا طالع اقولها علشان تحضر نفسها و طلع و سابه
عند رضوي كانت قاعده تاكل في نفسها لقت حمزه بيفتح الباب
حمزه: قومي جهزي نفسك علشان هتروحي دار ابوكي
رضوي: ليه
حمزه: علشان هنتطلق يلا قومي
رضوي ببجاحه: نتطلق ليه ان شاءلله
حمزه قرب منها و مسك شعرها: مش عارفه نتطلق ليه احمدي ربك اني هطلقك من غير ما اقول عمايلك السوده انتي و ستي ل زين و مرته
رضوي بصدمه و توتر: عمايل ايه انا معملتش حاجه
حمزه مسك شعرها جامد: خليني ساكت يا بت مسعود و غوري لمي هدومك يلا
رضوي زقته جامد: مش همشي و مش طالعه من هنا غير لما اخلص اللي جيت علشانه
حمزه: انتي اللي جبتيه لنفسك و نزل فوقها ضر'ب و هي تصوت و كلهم طلعو يجرو علي فوق
زين بزعيق و بيخبط علي الباب: حمزه افتح
زين كسر الباب و دخل بعده عنها و فرح قربت تحضنها راحت زقاها
رضوي بغل و حقد: ابعدي عني كله بسببك انتي
فرح بصدمه: بسببي انا
رضوي: ايوا بسببك والله مش هخليكي تتهني و جابت سكي'نه و حطها علي رقبة فرح
كلهم وقفو مصدومين
زين: سبيها اقسم بالله لو اذيتيها مش هيكفيني فيها مو'تك
رضوي بغل: همو 'تهالك
فرح بدموع: زين الحقني
زين: اششش اهدي اهدي رضوي سبيها بقولك سبيها
حمزه قرب منها
رضوي: متقربش يا حمزه سامع
حمزه بيقرب برضو و ماسك ايديها اللي فيها السكي'نه و فرح فلتت و راح ضار'بها بالقلم موقعها علي الارض
زين حضن فرح: اهدي اهدي حمزه رن علي اهلها
حمزه علي ابوها و اخوتها و زين خد فرح و ريم و امه و دخلهم اوضته و طلع ل رضوي كان اخواتها جم
زين: هتاخد بنتك الزباله دي و اخوي هيجيب المأذون بكره و يطلقها و مش عايز اشوفها قدامي علشان هقت'لها سااااامعيين
مسعود ابو رضوي: ايه اللي حصل
زين حكاله كل حاجه و عمايلها
مسعود قرب منها و راح ضار'بها بالقلم و لسه هيمشو
زين: استنووو حمزه ارمي اليمين عليها
حمزه بصلها بقرف: انتي طالق بالتلاته
رضوي بصتله بغل و كره و ابوها خدها و مشي
زين قرب من حمزه: حقك عليا مكنتش اعرف انها كده والله
حمزه حضنه: حقك عليا انا مرتك كانت هتتأذي
زين: الحمدلله انها كويسه انا هطلعلها و طلع لقاهم كلهم قاعدين و فرح لسه بتعيط
زين قرب منها حضنها: اهدي بقا هي اصلا مشت
سميحه: ايه يا ولدي ايه اللي حصل
زين: مفيش ياما اهلها جم خادوها و حمزه رمي اليمين عليها و بكره هيطلقها رسمي
سميحه: الحمدلله انها جات علي قد اكده يا ولدي
زين: الحمدلله
سميحه: احنا هننزل يلا يا ريم و نزلو
فرح بعياط:هو انا وحشه يا زين انا مأذيتهاش والله
زين بحنان: هي اللي مش كويسه والله انتي ست الناس كلها
و كمل بهزار علشان يخفف عنها: و بطلي عياط ي بت انتي يخربيت النكد
فرح ضحكت علي طريقته: حاضر
بقولك يا زينو يا قلبي انتي
زين: قولي يا عيون زينو
فرح: في حاجه عايزه اكلها كده نفسي فيها بجد
زين: ايه هيا و تيجي حالا
فرح:..
زين: نعم ياختي والله ما تحصل
البارات ال 25/26
الحلقه الخامسة والعشرون
فرح: عايزه اكل اندومي
زين: نعم ياختي والله ما تحصل ولا يدخل بيتنا
فرح: يعني ايه يعني مش هتجيب
زين: انتي هبله يا بنتي قال اندومي قال
فرح: تمام و قامت نزلت و رزعت الباب وراها
زين: استغفر الله العظيم علي دي نسوان و قام نزل وراها
خبط علي اوضة امه و دخل لقاها قاعده معاها
زين: يلا يا حبيبتي علشان ننام عندي شغل الصبح
فرح بنعد: مش طالعه
زين بزعيق: يعني ايه مش طالعه و ايه شغل العيال دي اكبري شويه انتي معاكي عيلين و التالت في السكه
سميحه: في ايه بس يا ولدي
زين بنفاذ صبر: الهانم عايزه اندومي و قرف من اللي بياكلوه و لما قولت لا سابتني و نزلت
سميحه: معلش ياولدي حقك عليا اطلع و هي جايه وراك علي طول
زين: ماشي ياما و طلع
سميحه: قومي وراه و لما يروح الشغل هجيبلك انتي و ريم
فرح: حاضر يا ماما و طلعت
لقت زين قاعد علي السرير بيشرب سجاير قربت منه و خدتها طفتها
فرح: انت بتشرب جنب العيال
زين بصلها: تعرفي ان لو اتعاركنا و نزلتي تحت هعمل فيكي ايه
فرح بخوف: لا
زين: والله يا فرح ما هتقعدي فيها اخر مره تحصل انا سكت كتير اخر مره نتخانقو و تنزلي سامعه
فرح هزت راسها بخوف: حاضر
سابها و راح خد مخده و نام علي الكنبه
فرح بصتله برفعة حاجب: والله هتنام بعيد عني
زين: اه و ياريت تنامي بقا
فرح راحت عنده و فتحت دراعاته و حضنته و نامت جنبه
زين بصلها: يعني سايبلك السرير تيجي ورايا علي الكنبه
فرح: مبعرفش انام بعيد يا بارد
زين قام و شالها و نامو علي السرير
عند مصطفى و ريم
مصطفى: يا حبيبتي هنفضل كده كتير
ريم: كده ازاي يعني
مصطفى: ريم احنا كنا قريبين من بعض اكتر من كده في الخطوبه طيب قوليلي مالك
ريم بصتله و سكتت و هو انتهد و خد مخده و راح نام علي الكنبه
الصبح
زين: انا ماشي و عايز اجي الاقيكي واكله القرف اللي قولتي عليه علشان ليلتك مش هتفوت و فيها زعل
فرح: حاضر مين يعني هيجيبه و لسه بتكمل سمعو صوت زعيق نزلو جري لقو رضوي
زين بزعيق: مين دخل البت دي هنا
رضوي: انا اللي دخلت عاوزه اقول كلمتين منا مش هتعك لوحدي
زين: قولي
رضوي: انت حاسبتني و اخوك ضرب'ني بس محاسبتش ستك
زين بعدم فهم: احاسيبها علي ايه
رضوي بغل: كل اللي عملته معملتوش لوحدي الس'م اللي كان في الكيكه ستك اللي جابته و كل اللي عملته كانت هي اللي مخططه كله
زين بصدمه: اي
جدة زين: دي كدابه يا زين
رضوي: لا مش كدابه هي اللي قالتلي اقعد ابصلك علشان اخلق بينكم مشاكل و اني اتخانق مع حمزه كتير هي اللي عملت ده كله و كانت بتذن علي ودني ان كلكم بتحبو مراتك و محدش بيحبني انا
زين قرب منها: الكلام ده صح
جدته بغل: ايوا صح و هفضل اعمل كده لحد ما تغور من هنا
زين كور ايده بغضب: انا مش عارف اقولك ايه مش عايز يشوف وشك تاني
و شاور علي رضوي: روحي و احنا هنجيلكم باليل
رضوي مشت و فرح قربت من جدة زين
فرح بدموع: طيب انا عملتلك ايه عرفيني
جدة زين: مبحبكيش انا مكرهتش قد عيلتكم و كنا واخدينك علشان الت'ار و علشان اعيشك اسود سنين حياتك بس للاسف ابن ابني حبك و جاب منك عيال
فرح بصتلها بدموع و طلعت
سميحه: انتي ايه يا شيخه انتي ايه حسبي الله ونعم الوكيل فيكي مش كفايه اللي عملتيه فيا زمان بتعديه مع مرات ابني مش هسمحلك ب كده و سابتها و طلعت ل فرح
سميحه خبطت و دخلت لقت فرح بتعيط قربت منها خدتها في حضنها
سميحه: بتعيطي ليه يا هبله انتي
فرح بعياط: هما بيكرهوني ليه يا ماما انا عملت فيهم ايه
سميحه بحنان: العين مبتكرهش غير اللي احسن منها يا حبيبت امك يلا اسكتي بقا عيالك هيقومو علي صوتك
فرح مسحت دموعها: حاضر
سميحه: زمان زين مشي تعالي ابعت حد يجيبلك اندومي
فرح ضحكت: والله قبل العركه قالي لو كلتيه فيها زعل
ريم خبطت و دخلت: هتنامي بينا انا و مصطفي المرادي يعني مش مشكله ي بت المهم ناكلو
فرح ضحكت: هتخدونا عندكم يعني
ريم: اه اه متقلقيش استني بس انزل ابعت حد يجيب و هعمله و ناكلو هنا
فرح: ماشي يلا
ريم نزلت و فرح و سميحه قعدو يتكلمو
فرح: تفتكري زين هيعمل ايه في موضوع رضوي يا ماما
سميحه بتنهيده: والله منا عارفه يابتي بس اللي متاكده منه انه هيعمل الصالح
فرح بابتسامه: اكيد ان شاءلله
شويه و ريم طلعت و معاها الاندومي و قعدو ياكلو لقو الباب بيتفتح و كان زين
فرح و ريم بصو لبعض
زين: الله الله
فرح بلعت ريقها: هو ايه اللي رجعك
زين: ششش اسكتي يا كبيره يا ام عيلين اسكتي خالص و سابهم و نزل
فرح: يالهوي منك لله يا ريم هو مش هيطردني دا هياكلني يا ريم
ريم بخوف: ربنا يسترها
جه الليل و زين واقف بيلبس علشان يروحو ل رضوي
فرح: زين
زين بحده: عاوزه ايه
فرح: مش عايزه حاجه
زين قرب منها: انا منستش اللي عملتيه و مبقتيش تسمعي كلامي و قلة احترام ليا و عايزه تتربي من جديد علشان الظاهر انا دلعتك و سوقتي فيها
فرح بخوف: زين والله
قاطعها زين و قال بزعيق: اسكتي
فرح بلعت ريقها بخوف
زين بحده: لما اجي هربيكي من جديد و سابها و نزل و هي نزلت وراه
زين: يلا يا حمزه فين عمامك و مصطفي
كلهم قالو: احنا جاهزين يلا و راحو بيت اهل رضوي
عدي وقت و لقوهم جايين و معاهم رضوي
رضوي قربت من سميحه و باست ايديها: حقك عليا ياما انا غلطانه
سميحه سكتت ف زين اتكلم: حمزه مطلقش رضوي ياما هما هياخدو فرصه سوا و حمزه موافق
سميحه: ماشي يا ولدي اللي تشوفه
فرح بصتلهم: عن اذنكم و خدت عيالها و طلعت و زين طلع وراها
زين: ايه طلعك و متكلمتيش اي كلمه حتي
فرح: انا عايزه امشي من هنا
زين بصلها: نعم تمشي تروحي فين ان شاءلله
فرح: انا مش قاعده مع البت دي في البيت يا انا يا هيا
زين:...
يتبع
الحلقه السادسه والعشرون
فرح: انا مش قاعده مع البنت دي في البيت يا انا يا هيا
زين بهدوء: حبيبتي هي متقدرش تعملك حاجه طول منا موجود
فرح: يا زين انا مضمنش البنت دي تحطلي حاجه او ل عيالي الله يخليك خلينا نمشي نروح القاهره
زين بحده: نمشو نروحو فين انا كبير البلد اقوم اسيبها و امشي
فرح: تمام بس انا مش قاعده في البيت ده طول ما البت دي فيه
زين مسك من دراعها بغضب: كلمة مش قاعده في البيت دي متتنطقش تاني يا فرح
فرح بوجع: زين سيب ايدي بتوجعني
زين سابها و قال بحده: متتعامليش معاها و بس سامعه انا مش عايز مشاكل و سابها و نزل
فرح قعدت علي السرير: ياربي اعمل ايه بس والله خايفه علي عيالي هيتأذو
زين نزل لقاهم كلهم قاعدين
سميحه: فينها مرتك يا ولدي
زين: فوق ياما العيال صاحيين و هي قاعده بيهم
سميحه: قومي ياريم هاتي العيال مع مرتك اخوكي و هاتيها قوليلها امك عايزاكي و تعالي يلا
ريم: حاضر ياما و طلعت خبطت علي فرح و دخلت لقاتها بتعيط
ريم: مالك حصل ايه
فرح حضنتها: هتأذيني انا و ولادي انا خايفه منهم مكنش المفروض ترجع يا ريم
ريم: والله منا عارفه رجعت ازاي دي بس متخفيش والله احنا هناخدو بالنا كويس
فرح: ربنا يستر
ريم: يارب قومي يلا امي عايزاكي تحت و نزلو
سميحه: تعالي يابتي طلعتي ليه قبل العشا
فرح: الولاد كانو صاحيين يا ماما
سميحه: طاب يلا نتعشو يا جماعه
بعد الاكل زين طلع فوق قابلته رضوي
رضوي: شكرا قوي يا زين
زين: اول حاجه ناديلي ب اسم حد من عيالي
تاني حاجه يارب تتعدلي بس يا رضوي انا رجعتك هنا اكراما ل ابوكي و اخواتك
فرح طلعت لقاتهم واقفين الغيره اتملكت منها و قربت منهم
رضوي: اسفه قوي يا فرح انا عارفه انك مش طيقاني وبتكرهيني بس والله كان غصب عني و لسه هتقرب تحضنها فرح بعدت ومردتش عليها و سابتها و دخلت الاوضه و رزعت الباب
زين: عن اذنك و دخل الاوضه ورا فرح
فرح بزعيق:انت ازاي تقف معايا
زين بحده: وطي صوتك و اتكلمي ب ادب
فرح: بلا اوطي صوتي بلا زفت بقا
زين مسك دراعها حامد و قال بحده: قولتلك اتكلمي ب ادب ايه مبتفهميش
فرح بزعيق: لا مش بفهم عايزه اعرف واقف معاها ليه
زين حاول يهدا:فرح اهدي و بلاش الغيره دي مرات اخويا
فرح: اه مرات اخوك اللي بتحبك
زين بزعيق: اقسم بالله لو ما بطلتي الكلمتين دول لتشوفي وش مش هيعجبك سامعه
فرح: لا مش سامعه
زين ضغط علي سنانه: انا قولتلك من امبارح انتي ناقصه ربايه و انا هربيكي من جديد قال كده و هو بيقلع الحزام بتاعه
فرح خافت و هو لسه هيضر'بها ياسين عيط
زين بغضب: رحمك مني والله رحمك مني لما عيط
فرح بعياط قامت جابت الولد و قعدت تسكته و زين نزل و رزع الباب
عند حمزه و رضوي
حمزه قاعد يشتغل و رضوي بتبصله
حمزه: هاا عايزه تقولي ايه
رضوي: عايز حاجه اعملهالك قبل ما انام
حمزه: لا نامي
و كمل في سره: نامت عليكي حيطه والله لاوريكي يا بت مسعود
عند مصطفي و ريم
ريم كانت واقفه بتسرح قدام المرايا مصطفي جه حضنها من ضهرها
ريم اتنفضت و بعدت و هو استغرب: عايز اتكلم معاكي شويه يا حبيبتي
ريم: اتفضل
مصطفي: لا تعالي نقعد تحت في الجنينه
ريم: حاضر انزل و انا هغير و اجي
مصطفي باسها: ماشي ي حبيبي
ريم في سرها: اهدي اهدي يا ريم دا جوزك
و دخلت غيرت و راحت خبطت علي فرح
ريم: فرح تعالي دقيقه كده
فرح: مالك
ريم: مصطفي عايز يتكلم معايا بصي انا عارفه هو هيتكلم في ايه و انا مش جاهزه
فرح: طيب حبيبتي اتكلمي براحه من غير عياط معاه و قوليله مش جاهزه علشان حرام عليكي كده
ريم خدت نفس: حاضر و نزلت
لقت مصطفي قاعد مستنيها قربت و قعدت جنبه
ريم بتوتر: مالك يا مصطفى عايزني في ايه
مصطفى مسك ايديها: حبيبتي انا عايز اعرف بس مالك وبتبعدي عني ليه
ريم غمضت عنيها: مصطفي انا مش جاهره و عايز تطلقني طلقني
مصطفي بغضب:...
البارات ال 27/28
الحلقه السابعه والعشرون
مصطفى بغضب: اطلقك انتي اتجننتي
ريم بدموع: لو سمحت يا مصطفى
مصطفى حاول يهدا و قرب منها: انا مستحيل اسيبك خلاص مش جاهزه انا هستناكي العمر كله بس بلاش معاملتك ليا جافه يا ريم
ريم نزلت رأسها و مصطفى قرب و حضنها
عند فرح زين بعد ما اتخانقو مرجعش خدت العيال و نزلت ل حماتها خبطت و دخلت قعدت جنبها
سميحه بصتلها: عايزه تقولي حاجه
فرح بتوتر: بصراحه ايوا
سميحه: قولي يا حبيبتي
فرح حكت ليها كل اللي حصل بينها هيا و زين
سميحه: انتو الاتنين غلطانين
فرح: ي ماما انا مغلطتش لما اكون خايفه علي عيالي و جوزي و كمان كان هيضر'بني لولا ياسين عيط
سميحه: عارفه اكده يابتي بس الكلام يكون اهدي من اكده لما ييجي جوزك صالحيه و انتي فاهمه كويس ايه اللي في الدار قصدها علي رضوي
فرح: حاضر يا ماما
قاطع كلامهم زين
سميحه: كنت فين يا ولدي
زين باس ايديها: كنت بخلص شغل والله استأذنك هطلع انام علشان تعبان
سميحه: ماشي يا ولدي
زين خد ياسين و طلع
سميحه: قومي يلا و مشي امورك اكده
فرح: حاضر يا ماما و خدت يزن و طلعت لقاته في الحمام
قعدت تستناه لحد ما طلع
زين خلص و نام علي السرير فرح قربت تنام في حضنه بعد عنها و كل اما تقرب يبعد ايده عنها
فرح قامت قعدت: فيه ايه بقا يعني غلطان و زعلان
زين مردش عليها و اداها ضهره
فرح: زين رد كلمني
زين: لما تبقي تحترميني تبقي تنامي في حضني
فرح: هو انا محترمتكش امتا ي زين
زين قام قعد قصادها: مبقتيش تحترميني انا اللي بيتهزلي شنبات بقيتي تعلي صوتك و تزعقي في وجودي و كمان عاوزه تمشي
فرح بدموع: والله مش قصدي اعلي صوتي او ازعق في وجودك بس افهمني انا قلقانه عليكم والله العظيم انا خايفه و كمان كنت هتضر'بني
زين بهدوء: و انا قولتلك متخفيش هي مش هتأذيكي ولا حد يقدر يأذيكي طول منا عايش و بالنسبه ل اني كنت هضر'بك ف انا والله كنت بخوفك بس
فرح نزلت راسها: اسفه
زين حضنها: انا اللي اسف و بعدين هو احنا كل اما نتخانق تحلوي ولا ايه
فرح بكسوف: يا زين بقا
زين ضحك عليها: يلا ننام علشان عندي شغل الصبح و اليوم طويل و خدها في حضنه و نامو
الصبح حمزه خبط علي زين
حمزه: صباح الخير ياخوي
زين بنوم: صباح النور ي حمزه في ايه
حمزه: المهندس كلمني نروحو دلوقت تيجي ولا اروح انا
زين: لا استني هلبس و اجي
حمزه: ماشي هستناك تحت و نزل
زين راح عند فرح
زين: فروحه
فرح بنوم: نعم
زين: معلش قومي حضري هدوم و تعالي نامي تاني
فرح قامت و فضلت قاعده لحد ما مشي و نامت تاني
ريم خبطت و دخلت لقاتها نايمه قفلت الباب و نزلت لقت رضوي قاعده
رضوي: صباح الخير يا ريم
ريم: صباح النور انتي صاحيه بدري ليه
رضوي: كنت بوصل حمزه
ريم في سرها: ليه هو صغير و بعدين والله منا مرتحالك
رضوي: تحبي اجيبلك حاجه
ريم: لا انا هدخل لامي و سابتها و دخلت
عدي اسبوعين و العيله كانت هاديه و مفيش مشاكل و فرح مش بتكلم رضوي
عند فرح و زين
فرح: زين يا حتة سكره
زين بصلها: ايه
فرح: عايزه طلب صغنن قد كده
زين: ربنا يستر من طلباتك والله
فرح بضحك: لا متخفش انا عايزه اروح بيت بابا يومين انا مش زمان مروحتش
زين مردش عليها
فرح: زين و حياة ولادك
زين: اظن اتكلمنا في الموضوع ده قبل كده و انك استحاله تنامي بعيد عني
فرح بزعل: دول يومين يا زين
زين: ولا ساعه و ياريت تقفلي علي الموضوع ده هبقي اخدك انا يوم و ارجعك انما تباتي لا
فرح بزعل: تمام و نزلت
ام مصطفى ( صابرين): ايه يا ريم مش ناويه تفرحينا ب حتة عيل ولا ايه
ريم بصت ل مصطفي: قريب ي مرات عمي
صابرين: قريب امتا يعني
مصطفى: لما ربنا يريد ياما
سميحه: خليهم براحتهم يا صابرين العمر لسه بدري عليه
صابرين: لا مش لسه بدري هما يروحو يكشفو يشوفو المشكله عند مين
فرح: ان شاءلله مش هيجيب مشاكل ي مرات عمي هي بس مسئلة وقت
ريم بصتلها بابتسامه
فرح همستلها: بقولك ايه تعالي نعملو حلويات بدل القاعده المعفنه دي
ريم ضحكت بصوت عالي و كله بصلها
ريم باحراج: اسفه يا جماعه و قامت مع فرح راحو المطبخ
رضوي دخلت وراهم: فرح
فرح من غير ما تبصلها: نعم
رضوي: هتفضلي يعني مخصماني ولا بتوجهي كلام ليا لحد امتا
فرح: معلش بس خليكي بعيد عني و عن عيالي و جوزي ما انت مضربتنيش بالقلم دا انتي كنتي هتمو'تيني
رضوي: كان غصب عني والله انا اسفه و اخر مره هضايقك و طلعت
فرح: بنت مش سهله
ريم: فرح انا شاكه في البت دي وراها حاجه
فرح: مش عارفه يا ريم والله مش عارفه ربنا يستر خلصو و طلعو
فرح: هطلع اغير و اجي
ريم: ماشي
فرح طلعت لقت..
يتبع
الحلقه الثامنه والعشرون
فرح طلعت لقت رضوي بتتكلم في التليفون بصوت واطي قربت من الباب تسمع الصوت مكنش واضح
فرح في سرها: والله ربنا يستر منك و دخلت اوضتها خلصت و نزلت
سميحه: حبيبتي ابنك بيعيط من ساعتها خدي يمكن عايز يغير
فرح: حاضر هاتي الاتنين هطلع فوق استني زين
سميحه: ماشي ي حبيبتي
فرح طلعت و غيرت ليهم الاتنين و ياسين نام و فضل يزن صاحي قربت منه لقاته بيتمتم
فرح شالته بسرعه: انت هتتكلم قول بابا
يزن: ب
فرح: يلا با با في الوقت ده زين دخل
زين باس راسها و باس الولاد: بتقولو ايه بقا
فرح مردتش عليه
زين: لا دا الجميل زعلان بقا
فرح بصتله و سكتت
زين:امم طيب اغير و اجي اصالحك بطريقتي
خلص و جه قعد جنبها
زين: الزعل ده كله علشان مرضتش اخليكي تروحي لاهلك
فرح: علشان من زمان مروحتش هناك و هما عايزين يشوفو الولاد
زين: متحوليش تقنعيني علشان الموضوع انتهي و انا مبقدرش اقعد من غيركم
فرح بزعل: تمام يا زين تمام و سابته و نامت
زين قرب منها و حضنها: هاخدك يوم و اجيبلك باليل
فرح : تمام
زين حط ايده علي بطنها: هنعرف امتا بقا
فرح: فاضل شهر و نص صحيح انت عايز ايه
زين: عايز فرح ضغننه
فرح: و لو ولد هتزعل
زين: تبقي المره الجايه بنت
فرح: اربعه ليه ياخويا
زين: اه قليل صح
فرح بصدمه: قليل ايي دي اخر مره خلي بالك
زين ضحك عليه: اه اه اخر مره قال نامي ي هبله و حضنها و نامو
الصبح
زين: النهارده هنروح القاهره ياما نقعد هناك يوم و نيجي نغير جو بس
سميحه: ماشي يا ولدي
زين: بس مش لوحدنا هناخد حمزه و رضوي و ريم و مصطفي علشان شهر العسل
ريم بفرحه: احلي اخ دا ولا ايه
فرح بسعاده: الله هنروح سوا اخيرا
حمزه: معلش ياخوي عندي شغل خد ريم و مصطفي
زين: الشغل يتأجل و هنروح يعني هنروح
حمزه بص علي رضوي: تمام
مالك اخوهم: و اشمعنا انا يا زين عايز اجي
زين: طيب كل اتنين متجوزين رايحين انت رايح ليه
مالك بهزار: طاب متجوزني انا كمان و تكسب ثواب
زين بجديه: اه كنت عايز اكلمك في الموضوع ده بس بعد ما نرجع
مالك بهزار: عندك عروسه حلوه ولا ايه
زين: ايوا و اما نيجي هنروحلهم
مالك بصدمه: انت بتتكلم جد
زين: اومال ههزر
مالك: زين والله كنت بهزر جواز ايه انا مش بتاع جواز
زين: ليه مش راجل و لازم تتجوز
سميحه: دا راجل و سيد الرجاله كمان
مالك: زين
زين: شش كنت عايز و عجبني طلبك و اديني هجوزك فعلا و بعدين كمل يلا كله يجهز
طلعو لبسو
زين: يابنتي ادخلي غيري من سكات احسلك
فرح: يوووه انت اللي مختاره
زين: مكنتش اعرف ان هيبقي حلو كده يلا من غير مناقشه و الا
فرح: خلاص خلاص داخله
عند ريم و مصطفي
مصطفي: يا حبيبتي والله حلو عليكي
ريم: لا هغيره
مصطفي: يالهوي دا خامس فستان امشي مش هتغيري يلا
ريم: ماشي ياخويا ماشي
عند حمزه و رضوي
رضوي: حلو الفستان ده
حمزه بصلها بقرف: معرفش
رضوي بعصبيه: انت بتبصلي و تكلمني كده ليه
حمزه بغضب: لو صوتك علي تاني هخرسك
رضوي بغضب: طاب ما تطلقني بما انك مش طايقني كده
حمزه في نفسه: والله علي عيني ابص في خلقتك و كمل بصوت عالي اخرسي و انزلي من سكات و بصلها بقرف و سابها و نزل متعصب قابله زين
زين: في ايه مالك
حمزه: انا مش طايق البني ادمه دي مخلتنيش اطلقها ليه
زين: هتفهم بعدين المهم يلا و كمل بصوت عالي كل واحد ياخد مراته في عربيته
مصطفى: انا شخصيا معنديش مانع و غمز ل ريم
حمزه: طاب لاحظ اننا واقفين عيب حتي
مصطفى طلعله القسيمه: مراتي اهيه اهيه
كلهم بصوله و ضحكو
زين بضحك: يخرب عقلك ماشي بالقسيمه يا اهبل
مصطفى: احتياطي يا جدع
زين بضحك: طاب يلا يا ابو قسيمه انت اركبو
مالك: و انا هركب مع مين ان شاءلله
زين: مع مصطفى
مصطفى: و ربي متحصل اركب مع حمزه
حمزه: تعالي يا حبيب اخوك تنور العربيه بدل ما هي مضلمه و بص ل رضوي بقرف
زين: طاب يلا اركبو
ركبو متجهين للقاهره
فرح: زين استني هات اي عصير و اكل حاسه اني دايخه
زين بخضه: مالك نروحو مستشفي
فرح: لا لا انا بس مكلتش كويس
زين: هنزل اجيب و حسابك معايا لما نوصل
نزل جابلها اكل و عصير و شكولاتات
فرح بسعاده و باسته في خده: الله ربنا يخليك ليا
زين بصلها: انت بتيجي في اوقات غلط
فرح ضحكت و ضر'بته في كتفه: بارد
عند مصطفى و ريم
مصطفي مسك ايد ريم و باسها: بحبك
ريم بكسوف: و انا كمان
قاطعهم زين بيرن: يا عم الحبيب سيب ايد البت و ركز في الطريق
مصطفي: مركز ياخويا ملكش دعوه
زين: والله هنزلك
مصطفي: خلاص خلاص اقفل علشان اتنيل اسوق
بعد شويه وصلو كلهم
زين: يلا اطلعو و طلعو الشنط
طلعو كل واحد علي اوضته
فرح: هروح امتا ل بيت بابا يا زين
زين: هوديكي بكره يا حبيبتي لان احنا هنمشي بعد بكره
فرح: ماشي ي حبيبي
عدي اليوم و تاني يوم زين وداها بيت اهلها ومصطفي خد ريم يفسحها و حمزه و مالك قعدو في البيت يلعبو
تاني يوم الصبح
زين: يلا يا جماعه علشان نمشي
حمزه: كلنا جهزنا يلا
و طلعو و رجعو الصعيد
الحلقه التاسعه والعشرون
رجعو الصعيد استقبلتهم سميحه
سميحه: اتوحشتكم قوي يا ولاد
فرح: و انتي كمان يا ماما والله
سميحه: يلا اطلعو ارتاحو
حمزه: زين تعالي عايزك
زين خده و دخلو
حمزه: ل امتا يا زين انا مش طايق البت دي
زين: ماشي يا حمزه اطلع و انا هعرف اهلها ييجو ياخدوها
حمزه: علي فكره انا سمعتها بتكلم حد امبارح و بتقوله لو عرفت مكانهم هجبهم و اجي
زين بتنهيده: ما ده اللي خليتها ترجع علشانه يا حمزه
حمزه بعدم فهم: يعني ايه فهمني
زين: البت دي بتلعب تبع المنياوي و عايزه توقعنا و انا خليتك ترجعها علشان كده
حمزه بغضب: يا بت ال ** والله ما هسيبها
زين: اهدي خلاص كشفته و هحاسبه انا و هي هتطلقها
حمزه: تمام و طلع و سابه
دخل عندها لقاها قاعده
حمزه: انتي طالق بالتلاته لمي هدومك و غوري يلا
رضوي ببرود: احسن برضو
حمزه استغربها وسابها و نزل
عدي يومين و حمزه طلق رضوي رسمي و الاحوال مستقره
فرح: مش ناويه تحني علي الولد بقا يا شيخه اتقي الله
ريم بتنهيده: حاضر يا فرح
فرح بابتسامه: ايوا كده يلا قومي اطلعي زمانه جاي
ريم: حاضر و طلعت لبست قميص و استنت مصطفي
مصطفي فتح الباب و وقف مصدوم: هو انا دخلت اوضه غلط ولا ايه
ريم بضحك: لا دي اوضتنا
مصطفي: اومال ايه الحلويات دي
ريم اتكسف و نزلت وشها
مصطفي قرب منها و شالها و نسكت علشان عيب
تحت كانو بيتعشو
زين: حد ينادي مصطفي و ريم خلينا ناكل عايز اطلع انام
فرح بهمس: قالو هينامو ابدأ اكل بقا
زين: اه طاب يلا ي جماعه كلو
كلو و كل واحد طلع اوضته
عند زين و فرح
زين نايم علي رجليها و هي بتلعب في شعره
فرح: مالك شكل في حاجه
زين: لا والله مفيش حاجه ي حبيبي تعالي يلا ننامو زمان رجلك وجعتك
فرح: يلا و خدها في حضنه و نام
الصبح علي الفطار
ريم و مصطفي نازلين يضحكو
زين: والله عاش من شافك يابني
مصطفي: كنا مع بعض امبارح يا جدع بطل كدب
زين بصله و ضحك و بعدين اتكلم: مالك هنروح نشوف العروسه النهارده
مالك: ماشي ياخوي اللي تشوفه
زين: انا همشي انا اجي الاقيكم جاهزين و باس راس امه و فرح و مشي
فرح: ريم تعالي نقعد بره
ريم: حاضر و طلعو
فرح: هاا
ريم اتكسف
فرح بضحك: خلاص ياختي
و فضلو قاعدين سوا لحد ما الليل جه
زين بيلبس قدام المرايه و فرح وراه
فرح:زين هتتاخر
زين بغمزه: ليه عايزاني
فرح ضربته في كتفه: بطل ق'لة اد'ب
زين بضحك: لا مش هتاخر متناميش بقا
فرح: حاضر و نزلو راحو العروسه
سميحه: هاا يا مالك ايه رايك يا ولدي
مالك: والله ما شوفتها ياما و كمل معلش يا مرت اخوي عايز اقولك حاجه
فرح: حاضر
زين: عايز ايه
مالك: يابني دي اكبر مني
فرح: هكلمه دقيقه بس و راحت مع مالك
مالك: معلش يا مرت اخوي عايزك تروحي تشوفي حلوه ولا لا و طبعها و اكده
فرح: عنيا الاتنين هقول ل زين و اخد ريم و ماما و نروح
مالك: تسلم عنيكي خلاص ماشي
عند فرح و زين
زين: مالك عايزك ليه
فرح: كان عايزني اروح اشوف العروسه ممكن
زين بابتسامه: ممكن يا حبيبتي خدي ريم و امي و روحو
فرح: حاضر و يلا ننام
زين: خدها في حضنه و نامو
الصبح
زين: هتروحي و قبل ما اجي تكوني هنا سامعه يا بطتي
فرح باسته من خده: حاضر يا قلب بطتك
زين: لولا اني متاخر كنت
فرح: ششش انزل يلا
زين ضحك عليها و خدها و نزلو
فرح: يا ريم يلا
ريم: مستعجله علي ايه
فرح: علشان زين قالي تكوني هنا قبل ما اجي
ريم: طاب يلا احنا جاهزين اهوه
راحو العروسه و اتعرفو عليها و قعدو معاهم شويه و روحو قابلهم مالك
مالك: اي حلوه ولا
ريم بضحك: مستعجل ليه
مالك: اسكتي يا بت هااا يا مرت اخوي
فرح: جميله يا مالك والله و هتحبها
مالك: علي ضمانتك
فرح بضحك: اه طبعا قاطهم زين
زين: مالك الفرح الخميس الجاي
مالك بصدمه: اي خميس ايه يا زين
زين ببرود: اتفقت مع ابوها خلاص
مالك: ماشي
جه يوم الفرح و عملو فرح كبير زي زين و حمزه
عند مالك و صبا
مالك شال الطرحه من علي وشها: مشاء الله
صبا اتكسف
مالك: قومي يلا غيري علشان نصلي
صبا: حاضر و قامت دخلت الحمام غيرت و طلعت كان لابسه الاسدال
مالك صلي بيها و خلصو و هي قامت خلعت الاسدال و كانت لابسه بجامه بيضه مالك قرب منها شالها و نسكت علشان عيب
و بعد شويه اشتغل ضرب النار
الصبح فرح قامت عملت الاكل و خبطه عليهم
مالك: صباح الخير يا مرت اخوي
فرح بضحك: صباح النور الاكل اهوه انا نازله
و نزلت راحت عند زين
زين باستغراب: مالك كده بتضحكي ليه
فرح: علي اخوك
زين: ماله
فرح: ملوش ملوش انا هنزل زمان ماما صحت و نزلت
زين: خدي يا بت
بعد شويه مالك و صبا نزلو بيضحكو و حمزه كان بيبص بحزن ان ليه هو الوحيد اللي عاش في مرار فرح لاحظة و راحت عنده و قعدت قدامه
فرح: انا عارفه انك زعلان بس دا الخير والله و الحمدلله انه ربنا كشفها
حمزه بابتسامه: مش زعلان هو فعلا الحمدلله انه كشفها
فرح: طاب يلا قوم بقا علشان ناكل و بعدين تاخد ياسين و تمشو شويه في البلد علشان يزن نايم
حمزه بابتسامه: حاضر عيوني ل ياسين
فرح: تسلم عيونك يارب
بعد الاكل فرح و ريم و صبا قعدو سوا يتكلمو
فرح بضحك: انتي عسل اوي يا صبا والله
صبا: انشاءالله يخليكي يارب يا ام يزن
فرح: حبيبتي قوليلي باسمي عادي
صبا: حاضر
اليوم خلص و هما حبو صبا خالص
عدت الشهور و فرح بقت في التاسع و مرضتش تروح تعرف نوع البيبي
فرح لقت يزن بيعيط: يوووه يا يزن اسكت بقا اسكت
صبا: ماله ماله هاتيه كده
فرح: معرفش و انا مش قادره اقف و شكلي هولد دلوقتي
ريم بضحك: من السابع بتقولي نفس الجمله ي بت
فرح ضحكت
ريم حست بدوخه و فرح لحظتها
فرح بقلق: مالك يا ريم
ريم بتعب: معرفش انا حاسه بدوخه جامد
سميحه: مش يمكن تكوني حامل يابتي
ريم بفرحه: بجد يا ماما
فرح: تصدقي ممكن تعالي هلبس و ارن علي زين و نروح تيجي معانا يا صبا
صبا: لا روحو و انا هقعد ب العيال
فرح: ماشي يا حبيبتي خلي بالك اللي يخبطوكي علشان البيبي
صبا: متقلقيش
فرح: يلا يا ريم
ريم: ماشي يلا و طلعت كل واحده اوضتها
فرح بتكلم زين في التليفون: يا زين هطلع اجيب حاجه و الله مش هتاخر
زين: يا بنتي اقعدي هتولدي في الشارع
فرح: لا لا والله هروح بقا ماشي
زين بقلة حيله: ماشي يا فرح روحي
فرح قفلت معاه و لبست و نزلت
ريم: يلا
راحو للدكتوره و كشفت عليها
الدكتوره:الف مبروك انتي حامل
ريم بفرحه:بجد الحمدلله و قامت حضنت فرح
الدكتوره: اهم حاجه الراحه و كلي كويس و ده علاج
ريم: ماشي
روحو لقو مصطفي واقف علي الباب قلقان
مصطفي جري عليها: كنتي فين
ريم: كنت عند الدكتوره
مصطفي: ليه
ريم: اممم كانت بتقولي انت هتبقي اب حلو
مصطفي بصدمه: لا متهزريش
ريم بضحك: والله ما بهزر
مصطفي شالها و لف بيها: مبروك يا حياتي مبروك
كلهم باركولها
فرح بالم مسكت ايد زين: ااه زين
زين بخضه: مالك في ايه
فرح بتعب: شكلي بولد
ريم جريت عليها: زين قوم بسرعه نروح المستشفي بسرعه
فرح: اااه مش قادره يا زين
زين: اهدي ي حبيبي اهدي
شالها و راحو المستشفي
الدكتوره: افتحو العمليا'ت بسرعه بتولد
دخلت العمليات و زين واقف بره قلقان و كلهم حواليه
زين: يارب يارب استر يارب قومها بالسلامه يارب
حمزه: ان شاءلله ي حبيبي هتقوم بخير
سمعو صوت طفل بيعيط الممرضه طلعت:...
الحلقه الثلاثون
سمعو صوت طفل بيعيط الممرضه طلعت: مبرووك ولدين و بنت
زين واقف مصدوم: هاا انتي قولي ايه
مصطفى بضحك: معلش هو مصدوم شويه
الممرضه بضحك: ولا يهمك الولاد خدوهم
مصطفى اخد واحد و حمزه واحد و زين شال البنت
زين بلهفه: طيب و فرح كويسه
الممرضه: كويسه متقلقوش شويه و هتتنقل اوضه عاديه و مشت
زين شال البنت و باسها : الله بسم الله ماشاء الله عليكي يا قلب ابوكي و اذن في ودنها
حمزه بضحك: مبروك يا عمنا معاك خمسه في عين العدو
زين: اعوذ بالله
مصطفى بغمزه: بس عملتها ازاي دي يا شقي
زين: يخربيت عينك
كلهم ضحكو عليه
بعد شويه كانو كلهم حوالين فرح
ريم: الله اكبر البنت زي القمر شبه فرح بالظبط
مصطفى: و الولدين دول شبه زين اوي ربنا يحفظهم يارب
بعد فتره فرح فاقت و زين كان قاعد جنبها
فرح بتعب: ااه ابني فين
زين مال عليها: اهدي ي روحي
فرح بتعب: عايزه اشوفه يا زين هاته دلوقتي
زين: اهدي ي حياتي انا محضرلك مفاجاه عسل
فرح: طيب هات الولد
رد حمزه بضحك: والد واحد قولي اولادي فين
فرح بتعب: انا مش فاهمه حاجه
زين طلع و جاب الولد و حطه في ايديها
زين: ابنك اهوه
فرح مسكته: شبهك يا زين
حمزه: شبهه خالص بجد
رد زين: هاا جاهزه للمفاجأه
فرح باستغراب: مفاجأه ايه قول
زين: لحظه و فتح الباب و دخلت ريم و معاها البنت اخدها منها و اداها ل فرح
فرح مصدومه و مش مصدقه هي جابت توأم تاني
زين حط البنت في حضنها: بنتنا ي روحي
فرح عيطت و حضنتهم الاتنين جامد
زين بياخد منها البنت: براحه ي ماما العيال لسه مولوده مش حملك
فرح: لا لا خليهم في حضني
زين: بس في حد كده هيزعل
فرح: مين هيزعل
زين بص ل ريم و فتحت الباب و دخل مصطفى و شال الولد
فرح بصت ل زين بصدمه: لا متقولش
زين ضحك و اخد الولد من مصطفى : التالت
فرح باسته و حضنته هو كمان: الحمدلله الحمدلله
ريم بضحك: والله ما حد عملها في عيلتنا
زين بغرور: ولا حد هيعملها اصلا
كلهم ضحكو و الباب خبط و دخلت صبا و مالك و معاهم يزن و ياسين
صبا قربت منها: حمدلله علي السلامه يا غاليه
فرح: الله يسلمك ي حبيبتي عقبالك يارب
يزن قرب من فرح: ماما عايز اثوف (اشوف)
فرح بضحك: شيله يا زين خليهم يبوسهم
زين: تعالي يا عم و شاله و يزن باسهم
فرح بتبص علي ياسين: حبيبي قرب بوس اخواتك
ياسين بزعل طفولي: انتي كده هتحبيهم اكتر مننا صح
فرح: انا ي ياسين زين قربه طلعه هنا
زين شاله حطه قدامها
فرح: انت بتحب ماما صح
ياسين هز دماغه ب اه
فرح: و ماما بتحبك انت و اخواتك اوي والله صح
ياسين: يعني هتحبينا كلنا
فرح: اه
ياسين بفرحه: طيب عايز ابوسهم
فرح بضحك: طلعه خليه يبوسهم يا زين
زين: حاضر
ريم: هاا هتسمو ايه
زين بسرعه: البنت فرح
فرح بصتله: ربنا ما يحرمني منك ابدا
زين باس ايديها: ولا منكم يا روحي هاا هتسمي انتي الولاد ايه
فرح: ادهم و ادم
زين: اممم يزن و ياسين وفرح و ادم و ادهم
ريم: قمر قمر ربنا يخليهم ليكم يارب
سميحه: يلا شوف الدكتور يا ولدي علشان مرتك
زين طلع نده للدكتوره و اتطمنت عليها
زين شال نور و ريم و مصطفى و حمزه شالو الولاد
و بعد وقت وصلو البيت
زين طلع نور فوق و طلعو بالعيال
صبا: فرح انا و ريم اتفقنا ناخد يزن و ياسين النهارده
فرح: لا ي حبيبتي عشان هيزعلو متحرمش منكم يارب
ريم: طيب خلاص هنبات معاكي
زين من وراها: و انا روحت فين بقا
ريم: ياخوي مش هتقدر و تلاقيك تعبان
زين: لا ي حبيبتي روحي انتي علشان جوزك و انا ههتم بيهم متقلقوش
ريم: طيب و نزلو
زين قرب من فرح: تعالي تاخدي دش
فرح: ياريت
زين: طاب يلا و شالها دخلها الحمام وساعدها و طلع حطها علي السرير و راح يغير هدومه
الباب خبط
فرح: ادخل لقت يزن و ياسين
يزن: ماما مس عارفين ننامو هناك لوحدنا
هما كانو متعودين فرح تنيمهم في اوضتهم كل يوم و بعدين تروح تنام
زين طلع: طيب مينفعش انا انيمكم علشان ماما تعبانه
هزو دماغهم ب لا
فرح: طيب تعالو نامو جنبي هنا يلا
زين بصلها: و انا انام فين في الحمام
فرح غمزتله بمعني استن
زين فهم و قعد علي الكنبه و هما طلعو جنبها
فضلت تطبطب عليهم لحد ما نامو
فرح: شيلهم بقا و ديهم اوضتهم
زين: ماشي و خدتهم اوضتهم و رجع ل فرح
فرح: تعالي يلا ننام
زين: يلا يا حبيبي و اخدها في حضنه و نام
الحلقه الحادي والثلاثون___ والاخير
احببت زين الصعيد
فرح
الصبح زين قام علي صوت عياط فرح (الصغيره) بص علي فرح لقاها نايمه و مش حاسه ب حاجه خالص
زين قام شالها: ششش و قعد يهزها و مش بتسكت راح عند فرح
زين: فروحه
فرح بنوم: اممم
زين: فرح عايزه ترضع قومي و ابقي نامي تاني
فرح قامت و هو سندها و اداها البنت و قعد قصادها لحد ما البنت نامت و خدها حطها في سريرها و رجع نام جنبها
زين: نامي تاني ي حبيبي و خدها في حضنه و هي نامت تاني علي طول
عند مصطفي و ريم
ريم: صباح الخير ي حبيبي
مصطفى: صباح الفل يا عيوني قوليلي بقا هنعرف امتا نوع البيبي
ريم بضحك: يووو لسه بدري اوي مستعجل ليه
مصطفى بغمزه: عايز اعرف مش يمكن الاقيهم تلاته زي اخوكي الشقي ده
ريم ضحكت جامد
مصطفى: ششش يخربيت ضحكتك
ريم بضحك: حاضر هقوم انا انزل علشان اشوف امي
مصطفى بغمزه: ما تخليكي شويه
ريم بضحك: لا لا و جريت علي الحمام
مصطفى: براحه ي هبله
عند صبا و مالك
مالك: يابنتي هتلاقيهم لسه نايمين اقعدي بقا
صبا: طاب هروح اشوف يزن و ياسين لو صحو افطرهم
مالك: انتي عايزه تفركي و خلاص اقعدي انتي حامل ياما
صبا: يا مالك سيبني بقا اشوف العيال
مالك ساب ايديها: اتفضلي و دور وشه بعيد
صبا حضنته: طيب خلاص مش هنزل كنت عايزه بس اشوف فرح علشان مش هتقدر لوحدها
مالك: تمام انزلي
صبا: مالك خلاص بقا
مالك زاح ايديها و قام دخل الحمام
صبا بنفخ: اووف و طلعت راحت اوضة يزن و ياسين خبطت لقت يزن صاحي يلعب و ياسين نايم
صبا: حبيبي انت صحيت امتا
يزن: من سويه(شويه)
صبا بضحك: طيب تعالي افطرك يلا
يزن: ماسي انا جعان اثلا
صبا بضحك: طيب يلا يلا علي تحت و خدته و نزلت حضرت الفطار لقت ياسين كمان صاحي و نزل
ياسين بزعل: انا خبط علي ماما مردتش
صبا قربت شالته: مالك نايمه زمانها تعبانه تعالي افطر مع يزن و اغيرلكم و خبطو تاني تكون صحت
ياسين: ماشي و قعد يفطر و صبا خدتهم غيرت ليهم و راحو خبطو تاني
زين: الواحد مش هيعرف يتخمد ساعه
فرح: هتلاقي العيال افتح معلش
زين قام فتحلهم و هما جريو علي فرح
فرح باستغراب: مين غيرلكم كده
يزن: مرات عمي صبا
فرح: ربنا يخليها يارب طيب كلتو
الاتنين هزو دماغهم بمعني اه
فرح بابتسامه: ماشي ي حبايبي يلا تروحو الحضانه بابا هينزلكم النهارده بس ماشي
ياسين: ماشي
فرح بهمس: طيب يلا خدو مصروفكم من بابا و قولوله يزوده حلاوة البيبي الصغننين
يزن: ماسي
زين طلع من الحمام و الاتنين راحو عليه
يزن: عايز فلوث (فلوس)
ياسين: و انا كمان
زين بضحك: ماشي تعالو و طلع ل كل واحد فيهم فلوس
يزن: عايز فلوث كمان يا بابا
زين: ليه
يزن: كده ماما قالت خدو من بابا فلوث زياده حلاوة البيبي
زين بص ل فرح و هي ضحكت و خبت وشها بالبطانيه
فرح بصوت واطي: منك لله يا ابن زين
زين رفع البطانيه: ماله ابن زين بقا
فرح: ملوش يا روح قلبي
زين: بحسب
و كمل بجديه: اخر مره تقوليلهم ياخدو فلوس كتير كده هيبقو طماعين يا فرح سمعتي
فرح: حاضر يا حبيبي
يزن: ماما احنا ماسيين (ماشيين)
فرح: ماشي يا حبايبي هاتو بوسه يلا و بابا هيوصلكم
الاتنين جريو عليها حضنوها و باسوها و زين اخدهم و نزل
ريم و صبا دخلولها
صبا: صباح الخير يا حبايب مرات عمكم
فرح: صباح الفل ي صبا مش عارفه اقولك ايه والله علي اللي عملتيه انتي و ريم
صبا: متقوليش اي حاجه
و كملت بهزار انتي مش هتعمليلي اياك
فرح بضحك: طبعا دا انا عيوني ليكم انتو الاتنين ربنا يقومكم بالسلامه يارب
ريم و صبا: امين
ريم: هنزل اجيبلك اكل و اجي
فرح: لا لا اقعدي و اما زين ييجي يجيب تعالو جنبي هنا
الاتنين قعدو جنبها و شالو العيال
سميحه طلعت: صباح الخير و الورد
فرح: صباح الفل يا احلي ماما تعالي هنا
سميحه قعدت جنبها: انتي كويسه دلوقت يابتي
فرح باست ايديها: الحمدلله والله كويسه
سميحه: الحمدلله
زين طلع و لقاهم كلهم قاعدين
زين: في ايه متجمعين كده ليه خضتوني
كلهم ضحكو
سميحه: انزل قول ل ام صلاح تطلع الوكل مرتك علشان اختك و مرت اخوك مش قادرين ينزلو
زين: ماشي و نزل
بعد شويه جه و معاه الاكل: يلا هاتي فرح و كلي انتي
فرح: حاضر و قعدت كلت و ريم و صبا فضلو معاها
عدي كام يوم و جه يوم السبوع
زين قام من بدري: حمزه يلا جهزو العجول علشان عايز اد'بح انا
حمزه: جاهزين ياخوي يلا
زين راح دب'ح و عملو احلي سبوع
تمت
النهايه
