سواقة_التاكس معذبي بقلم يارا عبد السلام البارت الحادي عشر / الثاني عشر 👇 كامله على مدونة النجم المتوهج

سواقة_التاكس

معذبي

بقلم يارا عبد السلام 

 البارت الحادي عشر / الثاني عشر 👇

كامله على مدونة النجم المتوهج 

🦋✨🦋✨🦋✨🦋✨🦋✨🦋✨🦋✨🦋✨

البارت_الحادي_عشر

دور عليها في البيت كله

طلع فوق في الاوضه لقاها مغمى عليها علي سجادة الصلاة..

قلبه وقع..

افنان!!!

شالها بسرعه وجري بيها على المستشفى

*انا كنت جاي انهى العلاقه دي لكن اللي حصلك دا منعني انا اسف يا افنان على اللي حصلك بسببي انا مكنتش اعرف ان كل دا هيحصل انتى انسانه جميله اووي!

الدكتور :للاسف بقالها اسبوع مكلتش حاجه ودا اللي قصر عليها محتاجين نقل دم حالا..

ريان:انا جاهز شوف لو فصيلة دمى متوافقه مع فصيله دمها 

الدكتور وهوا بيكلم الممرضه وخدت ريان في اوضه علشان تشوف فصيله دمه

بعد عشر دقائق

كان ريان نايم على السرير قصاد افنان اللي كان مغمى عليها ولا حياة لمن تنادي 

*انا عارف انى اذيتك كتير واتسببتلك في عذاب كبير وانا السبب في كل اللي حصلك دا انا اسف يا افنان اسف حقيقي انا اول مره اقول لحد الكلمه دي بس حسيت انى عاوز اقولها لك انا وحش اتجوزتك لاغراض دنيئه جوايا بس انتى كنتي قويه وواقفه قدامى لاخر لحظه ودا اللي خلاني اعجب بيكي لما قولتي انك بتحبي واحد تاني دا خلانى انهارت وضربتك لانى مكنتش متخيل أن حد يكون في حياتك غيري مش عارف دا حب ولا اي بس كل اللي اعرفه انى عاوز اكون معاكى عاوزك جنبي مش عاوز منك حاجه عاوز ابصلك بس وانتى نايمه كدا حقيقي بتكوني ملاك يا ملاكي مش عاوز اقولك اني بحبك انا لسه موصلتش للمرحله دي لكن كل اللي اعرفه انى بغير عليكي وعاوزك معايا..

ريان بعد ربع ساعه كلام تم نقل الدم والممرضه اعطته عصير علشان ميدوخش خرج برا وهوا حاسس بتعب 

تليفونه رن

_الو يا عدى

_مالك يا ريان ومال صوتك

ريان تتنهد وحكاله كل اللي حصل

_طيب انت في مستشفي اي اجيلك

اعطاه ريان العنوان 

بعد ربع ساعه عدى وصل وهوا حاسس ان صاحبه هوا السبب في كل اللي حصل دا بس مش هيكلمه دلوقتي

_ريان

ريان بصله وكانت حالته لا يرثى لها 

عدى حس أن خلاص صاحبه وقع في حب البنت البسيطه دي سواقة التاكس الراجل زي ما هوا مسميها..

عدي ..هي عامله اي دلوقتي وحالتها عامله ازاي

ريان:مش عارف الدكتور لسه مبلغنيش حاجه انا مش عاوز اكون السبب في اللي بيحصلها دا 

عد:أن شاء الله مفيش حاجه متقلقش

_يارب

_روح انت يا عدى علشان الشركه وانا هاخد بالي منها وهفضل جنبها 

_مش عاوز اسيبك يا صاحبي

_متقلقش انا كويس 

_ماشي

عدي روح 

والصبح جهز علشان يروح الشركه ويشوف البنت اللي اتعود يشوفها كل يوم وهى داخله الكليه وكأنها بقت روتين في اليوم بتاعه

ياسمين شافته وهوا واقف 

_رنا انا هروح اسأله على افنان انا قلقانه عليها اووي بقالها اسبوع مكلمتنيش حاسه أنه جرالها حاجه

_ماشي يا حبيبتي تعالى نسأله

ياسمين راحت ناحيته فهوا ابتسم

ياسمين بتوتر:لو سمحت كنت عوزا أسألك سؤال

عدي :اتفضلي طبعا

ياسمين بدموع:هوا مش حضرتك صاحب جوز اختى 

_احم ايوا

_طيب انا بقالي اسبوع مش عارفه اوصل لاختى وانا قلقانه عليها اووي ممكن توصلني ليها

_طبعا بس في حاجه كدا 

ياسمين بخوف افنان جرالها حاجه

عدي:أهدى هى بس تعبانه شويه وفي المستشفى وريان معاها 

ياسمين:طيب حضرتك هي في انهي مستشفى

_المستشفي اللي تبع الشركه في ******

ياسمين بصت لرنا بدموع انا هروح اشوف اختي

عدى:طيب تعالي معايا هوصلك في طريقى

_اسفه مش بركب مع حد غريب

_انا مش غريب انا صاحب جوز اختك

_اه يعني مش جوزي

عن اذنك

رنا:استني يا ياسمين انا هاجي معاكي

_طيب يلا

البنتين مشيوا 

وعدى بص لياسمين باعجاب شديد كان عاوز يرد عليها ويقولها قريب هبقى جوزك

ابتسم وطلع على الشركه وقرر أنه يقول لأفنان لما تفوق 

ياسمين وصلت المستشفى 

وهى بتبكي على اختها دي مش اختها بس دي امها وابوها وأخوها كمان وكل حاجه ليها هى سندها وضهرها في الحياة دي ..

ياسمين قربت من ريان اللي كان قاعد

_انا ياسمين اخت افنان كنت كنت عوزا اشوفها عامله اي دلوقتي

ريان: الدكتور لسه مطمني الحمد لله وقالي بعد ما المحاليل اللي متعلقه تخلص هتفوق وهتبقى كويسه متقلقيش

ياسمين ببكاء:يارب انا مليش غيرها في الدنيا دي هى حياتي كلها مقدرش اعيش من غيرها سندى وضهري وكل حاجه ليا

رنا وهى بتهديها:يا حبيبتي أهدى انتى عاوزة افنان تزهق عليكي مش هى دائما بتقولك متعيطيش وبتزهق عليكي لما بتشوف دموعك

_مش قادره يا رنا مش متخيله انها تعبانه وكانت تعبانه وانا معرفش عنها حاجه عمرها ما اشتكت من حاجه ولا صداع حتى ..

_يا حبيبتي دا قضاء ربنا هتعترضي

_ونعم بالله

ريان كان حاسس بالذنب وهوا شايف دموع ياسمين على اختها حس أنه دمرها ودمر حياتها اللي كانت بسيطه بعشوائيته وهمجيته...

الممرضه خرجت بفرحه

_المريضه فاقت وبقت كويسه الحمد لله 

وبصت لريان

_والبركه فيك طبعا يا استاذ ربنا يخليهالك باين عليك انك بتحبها اوووي

ريان في نفسه:بس مينفعش تعيش مع واحد زيي هى تستاهل الاحسن مني انا مش هبقى اناني وهطلقها...اول ما تخرج من هنا ..

ياسمين دخلت لأفنان بفرحه

وحضنتها

_افنان حبيبتي اي اللي حصلك انتى كويسه قلقتيني عليكي اووي انا كنت حاسه انى لوحدي بقالي اسبوع بكلمك مش بتردي كنتي فين واي خلاكي تتعبي كدا

افنان باست راسها:أهدى يا حبيبتي مفيش حاجه انا كويسه اهو هوا انا بس تعبت شويه فجاه كدا وكان تليفوني بايظ مش عارفه اوصلك ومكنتش يخرج بسبب التعب دا

ياسمين:طيب كنتي كلميني من تليفون جوزك

افنان وهى بتبص لريان اللي واقف

_ريان كان مسافر

ياسمين بغمزه:قولتيلي يعني مقدرتيش علي بعده هييييح اوعدنا يارب

افنان بصتلها بغيظ 

رنا:الف سلامه عليك يسطا اول مره اشوف اجمد اسطى في الحته تعبان كدا

_الله يسلمك يا قلب الاسطى ...مهو من قرك عليا يا ام بطن انتى..

رنا:انا دانا غلبانه خالص انا حتى أكلتي بقت ضعيفه

ياسمين:باماره السندوتشين اللي فطرانه بيهم الصبح وتقوليلي دا تسليك ذور

رنا:متفضحيناش بقى قدام الاجانب وخلي الطابق مستور

ياسمين وأفنان بصوا لريان اللي كان واقف بيكتم ضحكته

ريان دخل وهوا مبتسم وباس راسها قدامهم علشان محدش ياخد باله من حاجه لكن هوا من جواه كان عاوز يعمل كدا

مسك ايديها:انا اسف يا حبيبتي اني سيبتك وانتى تعبانه وسافرت 

افنان بتوتر وخجل:احم ولا يهمك

ياسمين ورنا خرجوا علشان يسيبوهم لوحدهم

افنان شدت ايديها بغضب:اوعى تحاول تلمسني تاني

ريان :حاضر هعملك اللي انتى عوزاه بس بلاش تتعصبي

افنان استغربت طريقته وكلامه..

ريان:انا اسف على اللي عملته معاكى انتى كنتي بالنسبه ليا بنت مختلفه استايل جديد كنت حابب اجربه بس انتى طلعتي اقوى مني بايمانك وحبك لربنا وكمان حب الناس ليكي للاسف انا اول مره اعترف بالهزيمه قدام بنت بس بجد انا حاسس انى وحش اووي وحاسس انى ظلمتك معايا انتى متستاهليش كل دا انا اسف يا افنان انتى فعلا بنت جدعه وبميت راجل والكل شهدلك بكدا انا اللي وحش واناني وكنت عاوز اكسرك انتى فعلا احسن حاجه حصلتلي في حياتي فوقتيني لنفسي خلتيني ارجع عن حاجات كتير بجد شكرا 

انا هنفذلك طلبك اللي طلبتيه مني قبل كدا 

بس اول ما نخرج من هنا ...

بس كنت عاوز اعمل حاجه قبل ما اخرج من حياتك خالص

افنان بتوتر :اي هى

ريان قرب منها وباسها بعد عنها

_انا اسف 

وسابها وخرج

افنان كان قلبها بيدق وكانت في حاله لا يرثى لها لكن اقنعت نفسها أنه شخص اناني واذاها وحاولت تتبسط وترسم الضحكه على شفايفها علشان متبانش ضعيفه

عدى يومين 

كان اليوم اللي هتخرج فيه افنان من المستشفى

ريان دخلها وكان معاه شنطه

_خدي دي شنطه هدومك وانا دلوقتي هنفذلك طلبك وكمان التاكسي اللي انا حرقتهولك جبتلك غيره ومعلهوش اقساط اعتبري أنه تعويض عن كل حاجه صدرت مني وكمان حطتلك فلوس باسمك في البنك علشان جهاز اختك ومصاريف اخوكي ...

افنان:انا مش عوزا منك حاجه انا عوزاك تبعد عنى مش اكتر

ريان:هيحصل يا افنان متقلقيش

بس دا حقك ولازم تاخديه..علشان مكنش ظلمتك

_افنان انتى طالق...

افنان: الحمدلله

_للدرجادي

افنان:جدا انت متعرفش انا قلبي ارتاح قد اي ومتعرفش انا كنت تعبانه قد اي بجد الحمد لله انك طلع عندك قلب وبتحس ..

ريان:تمام عن اذنك..

ريان مشي

ياسمين دخلت ومعاها رنا وعدى دخل وراهم

عدي :افنان انا كنت عاوز اطلب منك طلب

_اي

_انا عاوز اتجوز ياسمين ..

#يارا_عبد_السلام

&&&&&&&&&&&&&&&&&&&&&&&&&&&&&&&&&

#سواقه_التاكس

#معذبي

#البارت_الثاني_عشر

ياسمين دخلت ومعاها رنا وعدى دخل وراهم

عدي :افنان انا كنت عاوز اطلب منك طلب

_اي

_انا عاوز اتجوز ياسمين ..

ياسمين اتوترت وعنيها بان فيها الفرحه بس اللي لاحظ دا افنان لأنها اكتر واحده عارفه اختها واكتر واحده بتحس بيها وبتعرف هى عوزا اي من عينيها 

افنان بصتله بابتسامه:بص انا طبعا مقدرش اقولك لا وكمان مقدرش اقولك اه فانت تعالى وادخل البيت من بابه وبعدين الرأي رايها هى مش انا لأن دي حياتها 

عدى:انا عندى استعداد في اي وقت انتى تحدديه انا طلبت ايدها منك لانك انتى يعتبر ولى أمرها ودا واضح جدا

_ماشي يسيدي وانت تنورني في اي وقت 

ريان بص لأفنان هوا عاوز يقولها ارجعى معايا وانا هعوضك عن كل اللي فات بس هوا عاوز هى كمان تحس نفس الاحساس دا 

افنان بصتله وبعدين قالت لياسمين

_يلا بقى انا مش عوزا اقعد اكتر من كدا في المخروبه دي روحيني البيت يا ياسمين

ياسمين:انتى مش هتروحي مع ريان

_لا انتو وحشتوني عوزا اقعد معاكوا شويه 

ريان:طيب تعالي هوصلك

افنان:لا 

احم قصدي متتعبش نفسك انت وراك شغل 

ريان :لا مفيش شغل هوصلك يا افنان

_تمام

افنان مكنتش قادره تقول لا ولا تتناقش معاه هى حاسه بوجع في قلبها مش طبيعى حاسه أن روحها بتتسحب منها 

قالت في نفسها:هوا انا لي بيحصل معايا كدا في اي مالك يا افنان عادي يعني محصلش حاجه انتى اتطلقتي بس!!

بعد نص ساعه

ريان وصلهم البيت وأفنان حاسه أن قلبها بيتخلع من جسمها

مش عارفه لي بيحصل معاها كدا يمكن علشان هتسيبه ولا علشان مش هتشوفه تاني بالرغم من كل اللي كان بيحصل معاهم إلا أنها كان في حاجه جواها بتنجذب ليه

*اعقلي يا افنان ولا انتى شبهه ولا هوا شبهك دا كان مجرد شخص في حياتك وخلاص اهو طلقك

ياسمين قعدت قدامها

_مالك يا افنان فيكي اي انتى متخانقه مع جوزك

_لا يحبيبتي مفيش حاجه انتو بس وحشتنوني فكنت عوزا اقعد معاكوا متقلقيش

المهم اي رايك في عدى الواد محترم وشاريكي ودخل البيت من بابه

ياسمين:مش عارفه يا افنان اللي تشوفيه

افنان بغمزه:يعني انتى عوزا تقوليلي أن مفيش اعجاب من تحت لتحت كدا

_انا لا خالص 

_اه يبقى اللمعه اللي شوفتها في عنيكي دي كدابه والفرحه اللي في عنيكي برضو 

ياسمين نزلت راسها في الأرض

افنان رفعت راسها:على فكره مش عيب انك تحبي ومش حرام انك تعترفي بحبك دا بس بايه بالحلال وهوا دخل البيت من بابه ودي حاجه كويسه هوا كويس ومحترم ومحاولش يلعب بيكي وانتى كمان محترمه علشان كدا متداريش مشاعرك هوا كدا كدا جه خلاص

ياسمين بتوتر:مش عارفه حصلت ازاي ولا اعجبت بيه ازاي ولا حبيته ازاي بس هوا كان بيعمل حركات مجنونه كدا أنه كل يوم يبقى واقف قدام الجامعه بيبصلي بس ..

بس انا كنت بتجاهل دا ويمشي واسيبه وتخانقنا كذا مره كل مره كنت بنجذب ليه اكتر مش عارفه اي اللي حصلي دا انتى اكيد فهمانى علشان انتى حبيتي ريان واتجوزتيه وهوا باين عليه بيحبك من قلقه وخوفه ومن لمعة عينيه 

افنان:يعني أقوله يجي يوم الخميس الجاى

_احم اللي تشوفيه 

افنان حضنتها:يا روحي بنوتي الحلوه هتتجوز وافرح بيها

فارس دخل:وانا هعيش لوحدي بقى مش ناويين تجوزوني

افنان:لي منا عائشه معاك اهو متقلقش مش هسيبك

فارس وياسمين:وجوزك

_ههههنهههه هاخد هدنه سنه سنتين كدا الصراحه مش ناويه ارجع

_نعم

_بهزر

وبعدين ياض انت مش بتذاكر لي امتحاناتك الاسبوع الجاي

_بصي متشغليش بالك انا هجيبلك المواد كلها في شوال متقلقيش..

وهوب لقى في وشه شبشب سداسي الابعاد

_الله في اي

_ادخل ذاكر يا ابو شوال انت

_حاضر

ياسمين قعدت تضحك 

افنان:يا سلام بتضحكى على اي يا فاشله قومي ذاكري الظاهر انى غبت شهر اتدلعتوا 

ياسمين:انا هتصل بريان يجي ياخدك هه

وهوب لقت الفرده التانيه في وشها

_اااه 

_روحي يا فاشله يا بتاعت عدى زاكري

_احم اي دا يا افنان

_يلا يبت 

وبخبث:احسن اتصل بيه واقولوا كل شيء قسمه ونصيب

_لا لا خلاص هروح اذاكر

ومشيت من قدامها

_للدرجادي بتحبيه ربنا يسعدك يا حبيبتي ويعوضك عن السنين اللي فاتت دي كلها واشوفك اجمل عروسه

وبعدين فكرت في ريان وفي كلام اختها عن خوفه عليها وقلقه والكلام اللي قالو ليها

اتنهدت بحزن 

ونامت شويه..

عند ريان...

كان عدى معاه

_انت طلقتها لي يا ريان لي عملت كدا

_اللي حصل يا عدى مش عاوز اظلمها معايا انا عارف انها مش هتحبني بعد كل اللي عملته دا وانا مقبلش علي نفسي اعيش مع واحده مش طايقاني وبتفكر في حد تاني وخصوصا اني بدات احبها

_ما يمكن كانت بتكدب عليك يا ريان لى حكمت عليها وعلى نفسك بكدا انتو مبقالكوش شهر مع بعض

_بس مفيش يوم عدى من غير خناق ومن غير ما كل واحد فينا مش طايق التاني وانا قررت انهى العلاقه دي وانت كان عندك حق من الاول انك قولتلي انى هطلع مهزوم وفعلا طلعت مهزوم افنان مش زي اي واحده عرفتها ولا نعرفها افنان حاجه تانيه مختلفه وعفويه وجميله جمال مش عادي دي كلها حاجات جذبتني ليها بس عليها لسان محتاج يتقص منه حته 

_هههههههههه طيب هى دلوقتي مقالتش لاختها لي

_علشان شافت أن اختها بتحبك وانت بتحبها وهى استحاله تقف قدام سعادة اختها لو على حساب نفسها 

_يااااه دانت اعرفتها اكتر من نفسها

_انا حسيتها وحبيتها ودا اللي خلاني اركز معاها في كل تفاصيلها

_طيب هتيجي معايا 

_اكيد طبعا يا صاحبي وكمان الشبكه مني ليك هديه هوا انا عندي كام اخ 

_عندك يا ريان بس انت اللي بعيد عنهم مش ناوي تروحلهم كل يوم بيسألوني عنك على فكره وامك هتموت عليك كفايه كدا يا صاحبي بقالك تلات سنين بعيد عنهم 

_وانت مش شايف أن اللي عملوه فيا مش حرام جوزوني واحده مش عاوزها وماتت وهى بتخلف ابني وبعدين مكتفوش بكدا خدوه وسفروه برا علشان قال اي ابوه مستهتر ومش قد المسئوليه

دا اللي خلاني عملت كل دا في تلات سنين يا صاحبي ومن غير مساعدتك مكنتش برضو هبقى كدا هم مفتكرونيش ولا عرفوا قيمتي الا لما شافوني بكبر في السوق وبقى ليا اسم وشركه وكل دا كان في ظرف تلات سنين هم ميستاهلوش انى القى عليهم السلام حتى ولا اشوفهم هم اذوني كتير 

كفايه كدا

_براحتك يا صاحبي ودا حقك والله مش هلومك يلا علشان نشوف الشغل اللي بقالنا اسبوع سايبه دا

_يلا..

عدت الايام وجه يوم الخميس المنتظر

ياسمين _شكلي حلو

رنا وأفنان:زي القمر

افنان حضنتها:كبرتي يا صغنن وهتتجوزي وهتسبيني

_عارفه يا افنان انا فرحانه انو صديق جوزك المقرب علشان كدا متطمنه أن عمري ما هبعد عنك 

الجرس رن 

_طيب يلا خلصي علشان هم جهم

افنان خرجت وكان فارس فتحلهم وسلم عليهم

ريان بصلها وقلبه دق وهى كمان ارتبكت وقلبها بدأ يدق وحست انها متلغبطه دخلت المطبخ علشان تهدى وبدأت تحضر الحاجه اللي هتقدمها

جابت الحاجه وخرجت..

_اتفضلوا 

عدى:شكرا تسلم يا افنان

ريان نغذه علشان ندالها باسمها

وعدى فهم:قصدي يا مدام ريان

افنان بصت لريان اللي ابتسملها وبعدين بصت الناحيه التانيه

_احم فين العروسه

افنان قامت وجابت ياسمين اللي كانت متألقه بفستان زهري جميل وعليه خمار ابيض وكانت زي الملايكه

عدي سرح في جمالها لدرجه انهم كلهم خدو بالهم

ريان همس:خف البت مش قدك متوترهاش كدا

عدي:اصلها جميله اوووي بقولك اي انا عاوز اتجوز على طول متجيب المأذون

ريان ضحك

وبص لأفنان اللي بتحاول تعرف بيتكلموا في اي

ريان:نسيبهم بقى مع بعض شويه

افنان قامت وفارس وريان 

فضل عدى وياسمين

عدي بعبط:عامله اي

_الحمد لله 

_تستاهلى الحمد

_تسلم

_يسلم عمرك ...

احم انا عدى ٢٨سنه شغال مع ريان في الشركه مرتبي حلو الحمد لله وعندى شقتى جاهزه وكنت بدور على بنت الحلال ولما شوفتك عرفت انك بنت الحلال والصراحة اعجبت بيكي وبطريقتك

واتمنى انك توافقى

_احم أن شاء الله

انا

_متعرفيش نفسك لاني تقريبا عارف عنك كل حاجه 

_للدرجادي

_وانتى شايفه انى بهزر وهقعد قدامك بالثقه دي وانا مش عارفك ولا عارف عنك كل حاجه يشيخه عيب عليكي

_بصي انا عارف انك هتوافقي بس انا عاوز اقولك انى هعمل خطوبك وكتب كتاب مع بعض علشان اخد راحت وكدا ومكنش متقيد مش انتى عوزا كدا زي الروايات برضو ولا

ياسمين ابتسمت:انت عرفت منين 

_قولتلك انا اعرف عنك كل حاجه ولسه هتكتشفي دا بعدين وهتصدقيني

عند افنان 

خرجت في البلكونه تشم هوا 

وريان خرج وراها..

_الاتنين لايقين على بعض اووي عقبالك

_اه ربنا يوفقهم وعقبالك انت كمان

_يارب واحده شبهك

_اي

_اي

_مفيش...

افنان بصت في البيت اللي قدامهم علي الشمال كان محمد واقف

محمد:ازيك يا افنان عامله اي 

افنان: الحمد لله يا محمد 

ريان حس بالغيره انها بتنطق اسم راجل غيره

محمد :مين دا

ريان قرب من افنان ونسي نفسه وحاوطها بايده

_انا جوزها..

البارت الثالث عشر والرابع عشر