رواية حورية الصعيد الفصل الخامس والسادس بقلم يارا عبد السلام

 رواية حورية الصعيد 

الفصل الخامس والسادس بقلم يارا عبد السلام 

رواية حورية الصعيد 

البارت الخامس والسادس بقلم يارا عبد السلام

رواية حورية الصعيد 

الجزءالخامس والسادس بقلم يارا عبد السلام

رواية حورية الصعيد 

الحلقه الخامس والسادس بقلم يارا عبد السلام

حورية_الصعيد

البارت الخامس 

*مش عارفه أنا البت الملزقه دي عوزا منه أي ..

سمعت صوت من وراها خلاها تتصدم:عوزا تتجوزه

اتخضت وحست أن رجليها مش شايلاها...

بصت لمصدر الصوت لقته شاب 

حورية بعصبية:جصدك اي 

زين:مفيش أنا شوفتك واقفه محتاره قولت اساعدك 

حوريه بلعت ريقها بتوتر:تساعدنى في اي يا جدع أنت حل عنى ..

وسابته ودخلت..

زين ابتسم وبص على نسرين :شكل اللعبه هتحلو هنا  اووي ...ههههههههه 

وراح مكان ما عيلته واقفه..

حوريه دخلت لفاطمه وحكتلها اللي حصل

فاطمه:انتى دائما متدهوله كدا وفاضحة نفسك 

حور:يعنى اعمل اي يا فاطمه

فاطمه بصتلها بذكاء:متبصيلوش ومتكلميهوش خليكي تقيله علشان محدش ياخد باله 

حور:تفتكري

_ايوا اكيد...

خدو الاكل وبدأوا يخرجوه

وحور سمعت كلام فاطمه مبصتلوش ولا كلمته امال احنا بنلعب بس عملت حاجه صغنتته كدا..

كانت شايفه نسرين قاعده جنبه وكانت بتصب الشوربه في الاطباق قدامهم وشافتها وهى عماله تتمحلس عليه وتقرب منه..

ادم كان متضايق جدا وبص لحور اللي كانت بصالهم بغضب مش عارفه اي مصدره..

نسرين كانت بتبصلها بقرف وادم لاحظ دا ،بص لحور الي كانت بتصب الشوربه قدامهم

نسرين:انتى يا....

حوريه:ليا اسم أسمى حوريه عوزا حاجه

_زودي الشوربه هنا علشان ادم بيحبها

حوريه:أنا محدش يأمرنى وصاحب الحاجه يطلبها بنفسه

نسرين:يعنى اي انتى خدامة هنا وتسمعى الكلام

العمده:احترمى نفسك يا ست هانم احنا بناتنا مش خدامين وحور جايه تساعدنا هنا مش خدمه منها ولا حاجه

حور:تسلم يا عمده ..

ادم كان حاسس بحب الناس اللي في البيت لحور ابتسم وقال..

_احنا بنعتذر يا عمده على الكلام دا

العمده:ولا يهمك يا ابن الغالى ...

حور كانت بتتوعد لنسرين بالكثير..

دخلت وهى متعصبه

_والله لاوريها الصفره دي هى مفكرة نفسها اي

فاطمه:أهدى يا حور انتى الكبيره أنا اسفه أنها قالت عليكي خدامه

حور :متتأسفيش انتى ملكيش دعوة وبصت لطبق الملوخيه وابتسمت بخبث..

أنا هروح أخرج الملوخيه دي يا بطتى..

فاطمه:طالما بطتك يبقى في نصيبه ربنا يسترها عالبت..

حور خرجت بالطبق وهى بصالها بخبث..

راحت من ناحيتها ومثلت أنها هتقع وكبت الطبق كله عليها ...

نسرين كانت بتتنطط من الالم

عايده :مش تفتحى يا عاميه اي اللي عملتيه دا

نسرين:عاجبك كدا يا آدم 

ادم كان كاتم ضحكته وزين اللي كان متابع الموقف بضحك دا غير مى اللي كانت كاتمه ضحكها لانها لاحظت نظرات حور لادم..

حوريه بدموع مزيفه:أنا اسفه يا ست هانم كنت هتكعبل والله بس فدايا انتى كويسه اهو الملوخيه مكنتش سخنه اوووي..

زين فلتت منه ضحكه بصوت عالى..

أمه بصتله بتحذير فسكت..

حور:تعالى انضفلك هدومك دي او اجيبلك جلابيه من عند البت بطه..

نسرين:لا أنا لا يمكن البس من لبسكوا

حوريه:لي يا حبيبتي دا حتى الجلابيه مريحه عن الفستان اللي مش باينله ملامح دا ...

نسرين :اسكتى انتى عارفه دا بكام 

حور:الله الغنى يا حبيبتي يلا علشان تنضفى الملوخيه احسن تفضلى كدا..

نسرين دخلت وراها بعصبية وادم متابع الموقف في صمت وزين كاتم ضحكته..

عند حور كانت بتبصلها بخبث..

_اقلعى يا حبيبتى لما اخدلك الفستان دا فومين اغسلهولك يعنى..

نسرين:لا الفستان دا لي تكنيك معين ملكيش دعوة بيه..

حور:تكتك اي بس دانا عليا مرشة مقولكيش عارفه اعلان اريال أنا اللي كنت منشرة الهدوم اللي فيه كانت نضيفه صح

نسرين:اريال اي دا بيتغسل على بخار الميه

حور:دانا احسن واحده في البلد هنا بتغسل على بخار الميه..

نسرين:تمام لما نشوف..

حور بصت للفستان اللي في ايديها بخبث ودخلت حطته في ميه سخنه وبدات تسلقه..

حور:دانا هعملك عليه شوربه النهارده الارنوب دا..هعهعهعهع..

بعد شويه خدته ليها وهى ماسكاه بفخر..

_شوفتى غسيلي لا يعلى عليه 

وفجأة نسرين بقت بتصوت وتعيط تصوت وتعيط ..

وتبص للفستان وتصوت تاني وتعيط برضو ..

حوريه بغباء:هى مالها دي بت يا بطه هوا الفستان جراله حاجه

فاطمه بنفس الغباء:تؤ دا زي الفل اهو داحتى بقى فاتح وبيلمع كدا

_انا بقول كدا برضو...

هوا في الحقيقه الفستان كان متشخرم خالص..

نسرين خرجت وهى لابسه جلابيه:أنا عوزا اروح عند دادي والبنت اللي جوا دي لازم تدفعلى حق الفستان..

حور قربت منها يتعالى:يسوى كام يعنى 

نسرين:عشر الاف جنيه بس

حور:اااه يا بنت الملهوف بقى حته الخلقه دي بعشر آلاف جنيه دانا تتجهز بيهم..

نسرين:انتى بتقولى اي يا سوفاج انتى..

حور:برضو بتشتميني بأمى بس الله يسامحك أنا مقدره الحاله اللي انتى فيها..

ادم:خلاص يا نسرين أنا هجيبلك غيره بس اقعدي بقى وكفايه اللي بتعمليه دا...

نسرين بصت لحور بتعالى وراحت قعدت مكانها تاني..

حور:بس الجلابيه هتاكل منك حته..

ودخلت..

ادم قال إنه داخل الحمام ..

دخل وراها ولقت اللي بيشدها ليه..

ادم:هوا أنا كل لما اشوفك الاقيكي بتعملى نصيبه انتى مش بتشبعى مصائب

حور بصتله باستغراب:وانت مالك انت ولا زعلان على ست سردين بتاعتك دي 

ادم كتم ضحكته:لا بس مش عارف من غيري كنتي عملتى اي أنا عمال انقذك من مصائب

حور:تشكر يا ذوق بس متستنظرش منى مقابل 

ادم:ومين قالك انى عاوز مقابل وبعدين بص في عينيها انتى لو دفعتى مقابل هتدفعى كتير اووي 

حور :ابعد عنى يا ابن البندر احسن اصوت وافضحك هنا..

ادم بهمس هوا مش عارف هوا بيعمل كدا لى اول مره تصدر منه التصرفات دي:أنا مش احسن من عزيز برضو

حور زقته:ابعد عنى انت مفكرنى اي والله هقول لعمار اخويا لو ملمتش نفسك وعرفت انت بتكلم مين هيبقى مصيرك من مصير عزيز انت فاهم ولا لا..

سابته ومشيت وهوا ابتسم على طريقتها وقوتها اول مره يشوف بنت بالجرأه دي وبالقوة دي ..

حور دخلت وقلبها بيدق وقالت بتوتر_انا همشي بقى يا بطه علشان عمار ميقلقش عليا

_ماشي يا حبيبتي خلى بالك من نفسك...

حور خرجت وادم شافها مش عارف اي خلاه يستأذن ويخرج وراها..

كانت ماشيه وراحه ناحية بيتها اللي بعيد عن بيت العمده شويه ...

فجأة لقت اللي بيشدها وسط الاراضى الزراعية..

و....

#حورية_الصعيد

#البارت_السادس

كانت ماشيه وراحه ناحية بيتها اللي بعيد عن بيت العمده شويه ...

فجأة لقت اللي بيشدها وسط الاراضى الزراعية..

كانت بتصوت باعلى صوتها لحد ما لقته بيكتم بوقها يمنعها من الكلام 

بصتله بعصبية لما شافت أنه عزيز وحاولت تبعد عنه لكنه كان مقيدها بايديه..

همس جنب ودنها:انتى النهارده ليا وبتاعتى أنا يا حوريتي..

وكان بيبتسم باستفزاز وحوريه كانت دموعها نازله لكن تمالكت نفسها وعضت أيده ..

عزيز بألم:اااه وشال أيده..

بعدت عنه وجريت...

كان ادم واقف بيدور عليها يعنيه

_راحت فين المجنونه دي اختفت مره واحده كدا..

فجأه شافها جايه من بعيد بتجري..

قربت منه ووقفت وراه في حمايته..

_ارجوك احميني منه 

ادم:أهدى في اي مالك بتترعشي كدا لى

حور بخوف ورعشه::كان كان عاوز 

وبدأت تعيط

ادم :طيب أهدى مين دا ...

سمع صوت من وراه وهوا بيقول بكل ثقه:أنا..

ادم بصله بشر 

عزيز:انت بقى اللي مش عوزانى المسها علشانه بقى تسيبنى أنا وتبقى معاك انت ..

تسيبي ابن بلدك وحبيبك علشان الفلوس يا *****..

في الوقت دا ادم قرب منه ونزل فيه ضرب بغضب اعمى مكنش شايف قدامه بمجرد تخيله اللي كان عاوز يعمله فيها ...

عزيز كان مرمى على الأرض بوهن وفقد الوعى من شده الضرب..

ادم :أنا لو شوفتك في طريقها تاني ولا اشتكت منك أنا همحيك من على وش الدنيا انت فاهم...

ادم قام ومسك ايد حور اللي كانت بتترعش ومشي ...

ادم:ممكن تهدى خلاص أنا معاكى اهو

حور:شكرا جدا مش عارفه من غيرك كنت هعمل اي كنت هضيع ويفضحني في البلد واجيب العار لاخويا ومحدش هيصدقني..

ادم:متقلقيش يا حور محدش هيقدر يجى ناحيتك طول منا موجود..

حوريه:تسلم من كل شر يارب ..

ادم:طيب تعالى اوصلك الوقت اتاخر..

مشيت ومشي وراها ..

ادم:هوا بيطاردك لي

_عاوز يتجوزني غصب بعد العمله اللي عملها الخائن

_ازاي يعني

بدأت حور تحكيله كل اللي حصل معاها بسبب عزيز وهوا كان بركان الغضب بيزيد جواه..

_يعنى هوا بيطاردك دلوقتي علشان عاوزك ترجعيله

_ايوة..

ادم :حياتكوا غريبه اووي

_ايوا مش زيكوا يا بتوع البندر معندكوش هم لحاجه..

_بس انتى لازم تبلغى يا حور 

_علشان سمعتى تبقى على كل لسان انت مش عارف حاجه في ناس هنا عوزا قطع لسانتها وانت زي ما شايف مليش الا اخويا وهوا كل حاجه ليا ومش عوزا ازعله..

متقولهوش والنبي علشان انا عارفه عمار لما بيتعصب مش بيشوف قدامه وممكن يجتله ويدخل السجن وانا مليش غيره

ادم:يعنى هتسكتى على اللى بيحصل دا..

_ربنا الحامى ومعايا وانا عارفه انه مش هيخذلنى ابدا..

وصلت البيت

_دا بيتى أنا عمار يعنى ..كنت عوزا اقولك اتفضل لكن الوقت اتأخر وانت اكيد نعسان..

ادم ضحك:حتى وانتى زعلانه بتهزري

_يا سيدي الدنيا مش مستاهله طالما ربنا معانا مش محتاجين نزعل ولا نتضايق وطول ما في صحة احنا كدا اغنيا اووي ..

مش زي علبة السردين بتاعتك قال اي الفستان دا بعشر آلاف جنيه لي مصنوع من الدهب ..

ادم ضحك جدا:هى نسرين كدا بتحب المظاهر..

حوريه بفضول:انت فعلا ناوي تتجوزها اصلها واخده عليك اووي يعنى الصراحه حلال فيها العلقة اللي ادتهالها

ادم:أنا مكنتش ناوي اتجوز اصلا وخصوصا من البنات اللي حواليا لكن في بنت غصبتنى انى افكر في الفكره دي

حوريه حست بالاحباط:ربنا يسعدك انت تستاهل كل خير ويارب متكنش زي علبة السردين دي

_لا متقلقيش هى حلوة وطيبه ودمها خفيف وخطفت قلبي من يوم ما شوفتها...

حور:طيب كويس ربنا يسعدك عن اذنك...

دخلت وهى حاسه انها عوزا تعيط

_كنتي عوزاه يقولك انتى مثلا وبعدين هيفكر فيكي على اي انتى ولا مال ولا جمال واحده غلبانه عيشي عيشة اهلك يا حور..

_حور انتى بتكلمى نفسك ..

اتخضت :بسم الله الرحمن الرحيم في حد يخض حد كدا يا عمار افتكر انك هتيجي في يوم وتقطعلى الخلف..

عمار قرب منها وضربها على رأسها:انتى اللي سرحانه وبتفكري بصوت عالى ...يلا جهزيلي الوكل علشان هموت من الجوع وعاوز انام..

_حاضر يا خوى يا عسل انت ..امتى هتتجوز بقى واخلص منك..

عمار في الوقت دا افتكر مى :بقولك يا حوريتي مش عارفه الضيوف اللي جايه دي هتقعد قد اي 

حور بشك:لي يا سيد الناس بتسأل ليك شغل معاهم ولا حاجه ولا في واحده من بتوع البندر عجبتك...

عمار بتوتر:أخفى يا بت من قدامى حضري الوكل انا غلطان انى بسألك

حور:ماشي يا عسل بس لو سردين مش موافقه..

ودخلت وهى بتضحك متناسية كل اللي حصلها من شويه كفايه انها تشوف اخوها مبسوط ومرتاح قلبها هوا كمان بيرتاح..

تانى يوم ..

ادم كان راكب حصانه ومعاه زين عاملين سباق..

زين:اختفيت فين امبارح يا برو

ادم:وانت مالك

زين بغمزه:ورا البت الصعيديه على فكره هى حلوة برضو ماشي الحال بس افتكر أن امك ونسرين متفقين عليك ...

ادم:زين انت عارف كويس أن محدش يقدر يغصبنى على حاجه وانا سايبهم يعملوا اللي هم عاوزينه بس وقت لما اتجوز هتجوز اللي قلبي يحتارها مش اللي امك تختارها...

زين:لحقت تخطف قلبك في يومين مش معقول ادم باشا اللي مفيش بنت في مصر عرفت توقعه تيجي بت صعيديه توقعه صحيح يخلق ما لا تعلمون..

ادم:ومين قالك انى حبيتها ولا يفكر فيها

_الدليل انك خرجت وراها امبارح أنا كنت متابع كل حاجه وشايفك وانت خارج وراها دا غير ابتسامتك اللي بتظهر في وجودها انت مش شايف نفسك بتضحك بمجرد ما تشوفها أو تسمع صوتها..

_وانت عرفت كل دا امبارح 

_يبنى أنا اه بقعد ساكت بس باخد بالى من كل حاجه 

_الكلام الي بتقوله دا كله غلط انت مش شايف الاختلاف هى من عالم وانا من عالم وكمان امك عمرها ما هتتقبلها

_وهى عايده هانم من امتى وهى بتقبل حد بص يا آدم دور على القلب اللي يحبك ويصونك مش البنت اللي تحب المظاهر وفلوسك..

في الوقت دا..

شافوا حور وهى قاعده هى وفاطمه وبياكلوا قصب ..

ادم بضحك:شايفها عامله ازاي زي الطفله..

زين:شايف ازاي بتضحك لما تشوفها..

ادم بص عليها وسرح لانه فعلا دا اللى بيحصله...

عند عمار..

كان في رجاله من اللي شغالين معاه عمالين يبصوله كتير باستنكار واستحقار..

_واد يا محمد هم بيبصولى كدا لى فى اي

محمد بتوتر:اصل في حاجه كدا منتشره في البلد من الصبح

عمار ساب اللي في أيده:حاجه اي انطق

_اصل بيقولوا أن اختك ماشيه مع ابن البندر وكانوا طول الليل مع بعض امبارح 

_نعم دانا هجطع لسان اي حد يجيب اختى بسيره مش بطاله أنا اختى اشرف من الشرف ...

ومخرجتش امبارح واصل والراجل دا ابن اصول وهوا اللي دافع عنها من الكلب عزيز

_الكلام منتشر في البلد يا عمار وكمان مطلعين أنهم على علاقه ببعض احم والواد عتريس مصورهم صورة سوا ومفرجها على البلد كلها..

عمار كان غضبان وكان زي الطور الهايج..

مشي وسابه وراح البيت ..

دور عليها ملقهاش ..

راح المكان اللي عارف انها هتكون فيه ..

كانت قاعده تضحك وتهزر مع بطه وبيتكلموا كتير ..

عمار بغضب:حور 

حور قامت يفزع 

قالت في نفسها:يا وجعه مربربه وطين على دماغك يا حور 

حور:في اي يا اخويا

عمار بغضب:الكلام اللي بيتجال في البلد دا صوح

_كلام اي!؟

فاطمه:كلام اي يا عمار 

عمار بغضب:انتى على علاقه بابن البندر ده صوح

حور:اي الكلام دا يا اخويا أنا عمري ما اعمل أكده انت عارفنى كويس وانت اللي مربيني..

عمار بعصبيه وطلع من معاه تليفون وعليه صوره:امال اي دي يا بت ابوي..

حور بفزع حست انها خلاص على حافة الهاويه..

حور بدموع:الكلام دا غلط يا اخوي انت مش عارف حاجه دا كان 

فجاه لقت القلم نزل على وشها..

_انا معرفتش اربيكي أنا هقتلك واغسل عاري بيدي ..

لسه هينزل على وشها تاني لقى اللي بيمسك أيده..

و....

يتبع

♥️😍♥️😍♥️😍