جميع الروايات كامله

 

زوجتي من الريف

الفصل الثالث 😍  

بقلم رنا ياسر

كامله على مدونة النجم المتوهج للروايات 

صلو علي محمد عليه الصلاه والسلام

في عيادة مؤيد الشناوي 

انهي مؤيد جميع أعماله وطلب من السكرتاريه أن تخبر من يأتي أنه في عمل خاص ولن يأتي العياده إلا يومي الخميس والجمعه 

مؤيد بصوت صارم:

_ تمام يا نورا اي حد يسألك تقوليلو كده وانا هاجي العياده الخميس والجمعة بس 

نورا بتفهم:

تمام يا دكتور حاضر 

مؤيد بإبتسامه مجامله:

_ شكرا يا انسه نورا 

انا ماشي بقا 

نورا :

العفو يا دكتور علي ايه 

اوكيه اتفضل يا دكتور 

خرج مؤيد من عيادته وركب سيارته وذهب الي ڤيلة ماهر الجندي 

وبعد ساعه وصل مؤيد الي الڤيله 

ودق الجرس 

ففتحت له الخادمه ماريا 

ماريا بإستفهام :

_مين حضرتك ؟

مؤيد بإيجاب:

_ مؤيد قولي لماهر بيه اني تحت هو عارفني 

ماريا بتفهم :

_ تمام اتفضل حضرتك في الصالون 

دلف مؤيد الي الداخل وجلس في الصالون 

أخبرت الخادمه ماهر بمجئ مؤيد ففرح كثيرا 

ماهر في نفسه :

دكتور محترم جيه في معاده 

طيب قوليلو جاي حالا 

ماريا وهي تومإ رأسها:

_ اوكيه 

كان مؤيد جالسا في الصالون 

وكانت مرام بالصدفه في المطبخ تشرب 

فرأت أحد في الصالون وايضا هذا الشخص رجل فغضبت جدا 

وذهبت إلي هناك ووقفت أمامه وهي تصيح بغضب :

_مين انت وايه اللي جابك عندنا هاااا جاي تخدعني زي اللي قبلك

التفت مؤيد ونظر لها وعرف انها هي ابنة ماهر المريضه نفسيا 

كانت جميله جدا تشبه القمر في جمالها وشعرها الاسود المبعثر علي وجهها 

مؤيد بهدوء :

_ لا انا مؤيد ابن .........لم يكمل كلامه فقد قذفته مرام بكوب الماء الزجاجي في رأسه وذهبت مسرعه الي غرفتها 

مؤيد بصياح وهو يمسك رأسه :

_ااااااه يا بنتي انا لسه كلمتك حرااام عليكي 

كانت الدماء تنزف من رأسه بسبب الزجاج الذي دخل فيها 

وهنا جاء ماهر علي اثر صوت الزجاج الذي تكسر وصوت مؤيد الذي يصرخ 

ماهر بخضه:

_ينهار ابيض ايه اللي حصل ومين عمل فيك كده 

مؤيد بغيظ:

_ هيكون مين بس حضرتك مفيش غيرها بنت حضرتك يعني 

ماهر بإستغراب:

_ مرام بس ازاي مرام مبتطلعش من حجرتها ؟

مؤيد بغيظ :

_ هيكون مين يعني عفريتها 

ااااااه يادماغي مش قااادر حضرتك هتسيبني كده دماغي تفضل تنزل في دم لحد امتي

ماهر بإعتذار:

_ اسف جدا يا دكتور معلشي 

ماااااريااا 

ماريا بإستفهام:

نعم يا ماهر بيه 

ماهر بإهتمام:

_ هاتي بسرعه الاسعافات الاوليه اللي جوه وهاتي الابره والخيط علشان اخيطله الجرح 

مؤيد بإعتراض:

_هوحضرتك هتخيطلي منغير بنج انت بتهزر بجد 

ماهر :

_علي فكره انا دكتور بردو وفاهم بس ازاي هديك بنج يا دكتور مؤيد 

مؤيد بغيظ:

_معرفش معرفش اعمل اي حاجه دماغي مش قادر 

جاءت ماريا بالادوات وبدأ ماهر بتخيط رأس مؤيد وربطها بالشاش 

مؤيد وهو ينظر في المرآة :

ما شاء الله ولا اللي كان بيتخانق في الشارع منظري بقا فظيع 

ماهر وهو يكتم ضحكته:

_ معلشي والله يا مؤيد اسف بجد 

مؤيد :

_ لا حضرتك مفيش مشكله بس ياريت تروح تفهمها زي ما اتفقنا علشان المره الجايه ممكن تموتني مش تحدفني بكوبايه

ماهر بضحك :

_ ههههههه حاضر يا مؤيد 

ذهب ماهر الي غرفه مرام وطرق الباب 

مرام بصوت رقيق حزين :

اتفضل 

دلف والدها الي الداخل 

واردف بهدوء قائلا:

_ ينفع كده بردو يا مرام تحدفي مؤيد بالكوبايه فتحتي دماغه يا بنتي 

مرام بصراخ:

_ مين ده اصلا وجاي ليه هااا لو دكتور زي ما بتجيب كل مره هطفشه زيهم كلهم ماشي وهوريه هعمل فيه ايه 

ماهر بهدوء:

_لا يا حبيبتي ده ابن واحد صاحبي ......... قاطعته مرام بصراخ قائله:

_ وجاي هنااااا لييييييببه انا بكرهم كلهم بكره كل الرجاله مش عايزه اشوف حد خالص خليه يمشي من هناااا 

ماهر برجاء:

_ طيب اسمعي بس الاول 

ده ابن صاحبي اللي اتوفي الله يرحمه وهو نزل مصر بس معندوش شقه هنا علشان كان عايش في أمريكا علشان كده بيستأذني يقعد هنا لحد ما يلاقي بيت وكده بلاش تكوني قاسيه عليه وخليه يقعد هنا معانا عشان حرام يعني نسيبه كده هيقعد في الشارع لو مشي من عندنا

مرام بحزن:

_ ماشي يا بابا خليه يقعد بس ميكلمنيش خالص ولا عايزه اشوفه 

ماهر بإبتسامه:

_ اوكيه يا حبيبتي انا هقوله كده بس ياريت لو لقتيه في وشك في اي وقت متعمللهوش حاجه 

مرام وهي تومأ برأسها:

_اوكيه يا بابا 

ممكن تسيبني بقا لوحدي 

ماهر بحزن:

_ حاضر يا مرام انا طالع اهو 

خرج ماهر من الغرفه 

وضعت مرام رأسها علي المخده وبدأت تبكي كما تفعل دائما 

***************************************

أما عند فارس 

رجع فارس وعائلته من عند فرحه كان الجميع سعيد عدا هو ظل شاردا صامتا طول الوقت حزين علي حاله فكيف يتزوج بس بنت ريفيه وهو أكبر مهندس بترول يتحدث عنه جميع الناس وله مكانه كبيره جدا بين الجميع

الشناوي بإبتسامه:

_ ايه رأيك يا فارس في فرحه مش زي القمر وعسوله جدا

لم يرد عليه فارس لأنه كان شاردا ولم يسمعه 

الشناوي :

فارس يا فارس 

فارس وهو ينظر له بإستغراب:

نعم يا بابا 

الشناوي بإستفهام:

آيه يا ابني مش بكلمك مش سامعني ولا ايه 

فارس بهدوء:

لا يابابا معلشي مسمعتكش كنت سرحان بس 

الشناوي بإبتسامه:

_ اه طيب كنت بقولك ايه رأيك في فرحه مش حلوه وعسوله ودمها خفيف 

فارس بضيق:

وبلدي اوي وطريقتها في الكلام ارياف ولبسها بلدي اوي نسيت كل ده حضرتك فستانها عامل زي الجلبيه ايه القرف ده 

الشناوي بغضب:

_ ايه يا ولد اللي بتقوله ده مش عيب تقول علي بنت عمك كده 

فارس بضيق:

انا بقول الحقيقه انا قولت حاجه غلط وبعدين ده رأيي فيها مش انت بتقولي ايه رأيك فيها 

الشناوي بنظرات غاضبه:

ماشي يا فارس بكره تحبها وتعرف قد ايه هي محترمه وعندها أخلاق مش زي بنات اليومين دول وانت صدقني هتعرف قيمتها 

فارس بتجاهل:

اوفف يارب ارحمني بجد 

**************************

عند فرحه 

دخلت فرحه غرفتها وظلت تقفز مثل الاطفال من الفرحه وظلت تنظر إلي الدبله التي بيدها 

وظلت تفكر فيه 

فرحه لنفسها:

_ انا خطيبه فارس انا مش مصدقه بجد 

وكمان اسبوع هبقي مراته ده ايه ده 

انا هموت من الفرحه ياربي 

يا علي جماله ولا شعره ولا طريقته في الكلام وكل حاجه بجد 

ايه ده انا بكلم نفسي انا اتجننت ولا ايه 

اكيد لازم اتجنن ده فارس ده فارس احلامي 

دخلت عليها سعاد 

سعاد بإستغراب:

_ ايه يا بت يا فرحه انت اتجننتي خلاص بتكلمي نفسك 

فرحه بخضه وبضحك:

_ ايه يا امي انت جيتي 

شكلي والله اتجننت مش عارفه بجد 

سعاد بضحك وسعاده:

_ ربنا يفرحك ويسعدك يا بنتي زي ما انت مفرحه كل الناس 

فرحه وهي تحتضنها:

حبيبتي يا امي يارب 

سعاد بإبتسامه:

_ يلا يا فرحه ادخلي نامي بقا علشان هنصحي بدري بكره علشان ننزل نشتري فستان الفرح ونجهز كل حاجه

فرحه بسعاده:

_ حاضر يا امي حاضر هنام دلوقتي 

في اليوم التالي استيقظت فرحه صباحا بنشاط وارتدت عباءتها بسرعه وذهبت هي ووالدتها لأشتراء اشياء الزفاف 

ذهبوا إلى محلات كثيره واشترو اشياء كثيره واشترو ايضا فستان الزفاف الذي اعجبت به فرحه وسعاد 

الذي بالطبع لن ينال اعجاب فارس لأنه بنسبه له فلاحي وبلدي وليس علي الموضه 

فرحه بسعاده:

_ بجد الفستان ده عجبني اوي يا امي شكله حلو اوي

سعاد بإبتسامه:

اه صح جميل اوي يا فرحه بجد وهيبقي عليكي احلي يا بنتي 

فرحه بمرح:

_ شكرا بجد يا امي 

ظلت فرحه وسعاد يشترون اشياء وملابس اعجبتهم كثيرا 

وكانت فرحه سعيده جدا 

*************************

عند فارس 

ذهب الي عمله وظل فيه كثيرا وعندما ينتهي من العمل لا يعود البيت كان يخرج مع اصدقائه محاولا الخفيف عن نفسه 

وبدأ بشرب السجاير حتي اعتاد عليها واحبها 

مروان صديق فارس:

_ ايه مالك يا فارس دايما سرحان وساكت وشكلك مضايق وبقيت تشرب سجاير بعد ما كنت بتحذرنا منها كلنا

فارس بضيق:

مضايق مضايق جدا يا مروان فرحي بعد يومين علي واحده مبحبهاش ولا طايق اشوفها خالص يارب علي القرف اللي انا فيه 

محدش حاسس بيا خالص 

مروان محاولا التخفيف عنه:

_ يا فارس كبر دماغك متحبكش الموضوع يا ابني عادي يعني اتجوزها كام يوم وطلقها سهله يعني مش محتاجه كلام 

فارس بضيق:

المشكله انها بنت عمي ولو طلقتها ابويا وعمي مش هيرحموني فاهم انت 

مروان بتفهم :

بردو عادي اقرفها في حياتها لحد ما تطلب هيا الطلاق بس مش صعبه يعني 

فارس بتفكير:

_ انا قولت كده بردو 

مروان بمزاح:

يبقي علي ايه بقا مكشر ومتعصب وقارف نفسك يا ابني كبر دماغك وعيش حياتك بلاش هم 

فارس بضحك:

_ علي رأيك والله تعالي نخرج 

مروان بموافقه:

_تمام يا باشا يلا بقا بينا يا عم

***************************

جاء يوم زفاف فرحه وفارس 

ذهبت فارس وارتدي بدلته السوداء الانيقه الفخمه وصفف شعره بطريقه جذابه 

ووضع عطره ذو الرائحة القويه 

أما عند فرحه فقد ارتدت فستان الزفاف وحجابها 

فرحه بسعاده:

_ايه رأيك يا امي في الفستان شكله حلو عليا 

سعاد بإبتسامه:

_اكيد يا قلبي زي القمر 

بس فاضل أمينه تيجي تحطلك المكياج بس وهتبقي احلي بكتير 

فرحه بسعاده:

_شكرا يا امي بجد انا مبسوطه اوي 

وهنا جاءت امينه ومعها البنات لتجهز فرحه 

امينه بصوت عالي:

_ مبروك يا عروستنا الحلوه انا جيت علشان احطلك المكياج يلا بقا اقعدي هنا علي الكرسي علشان اظبطك 

فرحه وهي تحتضنها:

_الله يبارك فيكي يا حبيبتي 

شكرا جدا 

جلست فرحه علي الكرسي وبدأت امينه تضع لها المكياج وجهزتها بالكامل 

امينه بإبتسامه:

_ يلا بصي في المرايه بقا وقوليلي ايه رأيك 

نظرت فرحه في المرآة وكانت سعيده جدا

فرحه وهي تقبلها:

_متشكره اوي يا امينه جميل اوي المكياج 

أمينه بمزاح:

_ شوفتي بقا ولا الكوافيرات انا احسن منهم صح ولا ايه 

فرحه وسعاد:

_ اكيد طبعا 

ذهبوا وركبوا السياره جميعا وسط الاغاني التي بدأو بتغنيتها وتصفيقهم وفرحتهم بأن فرحه ستتزوج 

كان فارس يقف هو واصدقائه منتظر مجئ فرحه كانو يضحكون ويتمازحون 

مروان بضحك:

_ انا مش مصدق فارس هيتجوز وهيسبنا 

خالد :

_ انا كمان مش مصدق خالص 

فارس بمزاح:

_ يا جماعه اسيبكم ايه بس هو مش هروح الشغل ما انا هاجي الشغل يعني وهتشوفون........... فجأه صمت فارس عن الكلام ونظر الي هناك 

مروان بإستغراب:

_ في ايه يا فارس سكت فجأه ليه يا ابني مالك 

نظر مروان إلي المكان الذي ينظر فيه فارس وجد فرحه وصلت ومعها صديقاتها ويغنون اغاني شعبيه ويضحكون 

نظر مروان وخالد الي فارس وبدأوا يضحكون بشده 

فارس بغيظ:

_ فرحانين فيا اوي 

ده لسه الكل لما ييجي سيرتي هتبقي علي كل لسان في الشركه يارب ارحمني 

كان فارس غاضبا بشده لأنه لم يعجبه فستان فرحه نهائيا لأنه ليس علي الموضه وذوقه بلدي وايضا الطريقه الموضوع بها المكياج كان الروج الاحمر موضوع بكثره علي شفتيها وايضا الايشادو 

كان مصدوما بشده 

ذهب الي والدته وهو يهتف بغضب:

_ ماما ايه المنظر اللي هي فيه ده 

انا حاسس اني هتجوز واحده من الشارع ايه القرف ده والميك اب مين اللي حاتطهولها مراحتش ليه لكوافير بجد انا مش عارف الناس هيقولو عليا ايه .......

فاطمه بشده:

_ فارس اسكت عيب كده هما جايين علينا ممكن يسمعوك وبعدين متقولهاش اي حاجه سامع 

هو يوم وهيعدي كبر دماغك 

فارس بغيظ:

_ يوم وهيعدي 

لا ده يوم هيخلي الناس كلها تجيب في سيرتي لمده سنتين 

فاطمه بجديه:

_ خلاص يا فارس بقا 

الناس وصلت يلا روح سلم عليهم 

فارس بضيق:

_ ماشي 

ذهب فارس وسلم عليهم 

فارس بإبتسامه صفراء:

_ ازيك يا فرحه 

فرحه بخجل:

الحمدلله 

فارس بغيظ:

_ ايه القمر ده بس 

مين اللي حطيلك الميك اب ده

فرحه بسعاده وإبتسامه:

_ قصدك المكياج حلو صح امينه بنت عم مجدي هي اللي حتطهولي احلي من الكوافيرات بكتير مش كده

فارس بضيق:

_مش اوي يعني طيب ليه مرحتيش لكوافير يا بنتي بدل..........قاطعته والدته قائله :

_فرحه حبيبتي ايه القمر ده بس ماشاء الله تعالي يا حبيبتي 

ونظرت لفارس بغضب قائله:

تعالي يا فارس يلا

جلس فارس وفرحه في الكوشه كانت فرحه سعيده جدا ونظراتها لفارس نظرات حب 

بينما فارس كان يشعر بالغضب والضيق والاحراج الشديد من الناس 

الشناوي بإبتسامه:

_ الف مبروك يا ولاد يلا تعالو بقا علشان تقطعو الترته مع بعض 

فرحه بسعاده:

_ الله يبارك فيك يا عمو 

يلا يا فارس 

فارس بضيق:

_ اوكيه يلا 

نهضت فرحه وفارس ايضا وذهبوا ليقطعو الترته

امسك فارس بالسكين وفرحه ايضا وابتسمو للصور كانت فرحه تبتسم بسعاده بينما كان فارس يبتسم بضيق ومجامله فقط 

فرحه وهي تنظر لفارس بإستغراب:

_مالك يا فارس في حاجه مضايقاك 

فارس بضيق:

_ لا مفيش 

هيكون فيه ايه يعني 

فرحه بضحك:

_ مش عارفه كنت بسألك بس 

بس شكلك مبتحبش التصوير 

فارس بغيظ:

_ ليه يعني 

فرحه :

_ اصلك بتضحك بالعافيه في الصور يعني 

فارس بإبتسامه صفراء:

اممم صح 

انتهي الزفاف وذهبوا الي الاستوديو لالتقاط بعض الصور 

وذهبوا الي بيوتهم 

انتهت الحلقه رأيكم يهمني 😍تتوقعوا ايه اللي يحصل الحلقه الجايه 

الفصل الرابع 😍صلو علي سيدنا محمد 😘

وصل فارس وفرحه الي بيتهم وسط تصفيق الجميع والزغاريد أهل فرحه واقاربها وفرحتهم بها 

والاغاني التي كانو بيغنوها 

فارس بضيق:

قولي لصحابك دول يبطلو يغنو بقا احنا وصلنا البيت وبعدين الناس تقول ايه 

فرحه بإستغراب:

_ ليه يعني وبعدين ده فرح وانا عروسه ايه المشكله بقا 

فارس بغيظ:

_ المشكله أنهم بيغنو اغاني شعبيه وكمان بلدي جدا واحنا في منطقه راقيه مش ينفع اللي بيعملوه ده 

فرحه بإيجاب:

_ماشي هقولهم متتضايقش بقا 

ذهبت فرحه الي شرفه المنزل ووقفت ونادت علي صديقاتها بصوت عالي قائله:

_ خلاص بقا يا بنااااات متغنوش تاني علشان احنا يعني في منطقه مودرن وكده يقولوا علينا ايه الناس 

جاء فارس من خلفها وهو يهتف بعصبية:

_ ايه اللي بتعمليه ده انا مش بقولك كلميهم من البلكونه وسمعي الناس يا حبيبتي انا بقولك قوليلهم متغنوش تاني مش بقولك روحي افضحينا 

فرحه بصوت عالي:

_ وانت متعصب ليه كده انا بجد عمري ما شفت عريس متعصب في يوم فرحه 

فارس بغيظ:

فرحه ادخلي من البلكونه علشان لما تزعقي بصوتك اللي عامل زي الجرس ده محدش يسمعك 

فرحه بغضب:

_ ماله صوتي يعني ليه كلكم بتقولوا عامل زي الجرس حرام عليكم هتحسدوني 

وبعدين ما انت كمان متعصب وبتعلي صوتك 

فارس بضيق:

_ فرحه انا مش ناقص هبل اوف 

تركها في البلكونه وذهب وخلع ربطة العنق وقذفها علي الكرسي بإهمال والجاكت ايضا 

وفتح التلفاز وجلس يشاهده بكل هدوء لأستفزازها 

دخلت فرحه من الشرفه ايضا وجدته يشاهد التلفاز بكل هدوء

فرحه لنفسها:

_ ماشي انا هغير هدومي واجي اتفرج انا كمان 

دخلت فرحه غرفتها وبدلت ملابسها وارتدت جلباب عليه ورود كثيره جدا ولونه فاقع بشده وفكت شعرها ومشتطه وجعلته علي شكل ضفيرتان علي الجانب اليمين واليسار 

خرجت من الغرفه وذهبت لتجلس علي الكرسي الآخر لتشاهد التلفاز 

فارس وهو ينظر لها بإستغراب وصدمه :

_ايه اللي انت عملاه في نفسك ده 

فرحه بضحك:

_ حلوه صح ماما هي اللي اختارتلي الجلبيه ديه 

مسح فارس علي وجهه بضيق ونظر لها وقال بغيظ:

_وماما بردو اللي عملتلك الضفيرتين دول وانت عامله زي العيال اللي رايحه المدرسه كده 

فرحه بإبتسامه:

اكيد لا يعني انا اللي عملتهم دلوقتي بحب شكلهم اوي 

فارس بغضب من هدوئها :

_انا داخل انام بدل ما يجرالي حاجه منك يا شيخه 

فرحه بإستغراب:

_ ليه يعني انا عملتلك ايه

فارس بضيق:

_معملتيش يا فرحه انا اللي عملت خلاص انا عايز اناااام 

ودلف الي غرفته ونام علي السرير واغلق الباب بالمفتاح 

فرحه لنفسها:

_ طيب هو نام وانا جعانه دلوقتي اعمل ايه ومكلتش في الفرح الناس كلو كل حاجه 

اه صح ماما كانت عامله اكل 

ذهبت فرحه واحضرت الطعام ووضعته علي صينيه وجلست على الأرض تأكل 

خرج فارس من غرفته ليري ماذا تفعل وجدها بهذا المنظر

فارس بغيظ:

_يا علي برودك يا شيخه وقاعده بتاكلي عادي 

فرحه وهي تنظر له:

_ اعمل ايه يعني ما انا كنت جعانه ومكلتش من الصبح 

فارس بضيق:

_ وايه اللي مقعدك علي الأرض مش في سفره قدام عينك اهيه السجاده هتتبهدل يا بنتي 

فرحه :

_ حاضر هقوم وبعدين انا مش طفله يعني علشان ابهدل السجاده

فارس بغيظ:

_ انا ايه اللي قومني بس ما انا كنت نايم 

وذهب الي الغرفه ونام 

وبعد أن انتهت فرحه من تناول طعامها ذهبت لتنام هي الأخري 

********************************

في ڤيلة ماهر الجندي 

كان الوقت متأخر من الليل وكان مؤيد في غرفته التي خصصها له ماهر لينام فيها 

كان مؤيد يفكر كيف سيبدأ علاج هذه البنت لابد أن تعتبره صديقها حتي ليقدر أن يتكلم معها ويعرف ما بها ويستطيع أن يعالجها

مؤيد لنفسه:

_ انا هنام دلوقتي وافكر بكره بقا تعبت بجد 

انا هروح اشرب الاول 

ذهب مؤيد الي المطبخ الصغير الذي قال له ماهر عليه أنه إذا احتاج ان يشرب أو يأكل فهناك مطبخ صغير بجانب غرفته 

فتح مؤيد الثلاجه واخرج زجاجه المياه ووضع البعض من الماء في الكوب ليشرب 

كانت مرام مستيظه في ذلك الوقت فسمعت صوت أحد في المطبخ وهي تعلم أن الجميع نيام فذهبت لتري من هناك 

وقفت امام المطبخ وقبل أن تتحدث 

كان مؤيد يلتفت ليخرج من المطبخ فأنتفض من الخضه وبصق المياه التي كان يشربها علي وجهها من الخضه

مرام بغضب وصراخ:

_ايه ده انت مجنون في حد يعمل كده 

مؤيد وهو يكتم ضحكته :

_ اسف جدا والله انت اللي طلعتيلي فجأه زي العفريت 

وبعدين انت كل حاجه عندك بالصريخ متتكلمي عادي 

مرام بصوت عالي وصراخ:

_ وانت مالك انا حره كلكم اصلا زي بعض بكرهكم كلكم 

استيقظ ماهر علي صوتها 

ماهر بإستغراب:

_في ايه يا جماعه ايه اللي حصل وانت بتصرخي كده ليه يا مرام 

لم ترد عليه مرام وذهبت الي غرفتها تبكي 

مؤيد بٱحراج:

_ والله يا استاذ ماهر ما عملتلها حاجه ده انا رحت اشرب ميه 

كانت هيه واقفه ورايا وانا بلف شوفتها اتخضيت رميت الميه اللي في فمي كلها علي وشها قولتلها اسف بس هي طبعا اتعصبت وقعدت تصرخ 

ماهر بإبتسامه:

_ لا ولا يهمك يا دكتور مؤيد انا اللي بشكرك انك مستحملنا 

******************************

جاء الصباح واستيقظ فارس صباحا وكانت الساعه الثامنه صباحا 

وجدها نائمه علي الفراش بكل جدوء 

ففكر أن يبدأ خطته في مضايقتها 

فذهب وفتح الستائر كلها وبدأ يخرج ملابسه من الدولاب ويرزع درفه الدولاب بقوه لتستيقظ

استيقظت فرحه علي اثر هذا الصوت والضوء ايضا 

وفتحت عينيها بتثاقل

وجدته يردف بصوت صارم:

_ فرحه قومي اعملي الفطار يلا علشان ورايا شغل 

فرحه وهي تنهض من علي السرير :

_ ايه ده هو الساعه كام 

فارس بسعاده وفخر:

_ الساعه ثمانيه 

فرحه :

_ ايه ده انا اتأخرت اوي في النوم 

فارس بغيظ لأنه كان يريد أن يضايقها بأنه اوقظها باكرا:

_ ليه انت بتصحي الساعه كام اساسا 

فرحه بإبتسامه:

_ بصحي الساعه خامسه اقوم اصلي الفجر وافطر واروح اساعد عم مجدي في الحقل 

فارس بضيق:

_ طيب قومي بقا بسرعه جهزي الفطار علشان اروح الشغل 

فرحه بحزن:

_ليه هو انت رايح الشغل ازاي يعني هو في عريس يروح شغله اول يوم 

فارس بصوت صارم:

_ انا بقا يا فرحه قومي بسرعه حضري الفطار مش عايز كلام كتير سامعه 

فرحه بضيق:

_ ماشي 

ذهبت فرحه واعدت طعام الإفطار ووضعته علي السفره 

فرحه بإبتسامه:

_ يلا يا فارس تعالي انا عملتلك الفطار 

فارس بشده:

_ ماشي 

فرحه في نفسها :

_ ماشي بدل ما يقولي شكرا 

فارس بصوت عالي:

_ مسمعتش بتقولي حاجه 

فرحه بضيق:

_ لا مقولتش 

ذهب فارس وجلس علي السفره وجاءت فرحه ايضا 

فرحه بإبتسامه:

_ انت هتيجي الساعه كام 

فارس بشده :

اجي وقت ما اجي مبحبش السؤال ده وآخر مره تسأليهولي 

فرحه بغضب:

_ ليه يعني انا قولت ايه غلط انا بسألك هتخلص شغلك امتي وهتيجي 

فارس بصوت جهوري :

مش قولت مش عايز اسمع السؤال ده تاني ولا هو عناد وخلاص 

فرحه بضيق:

علي فكره بقا انا مش بخاف ولا بخاف من صوتك العالي 

فارس بعصبيه:

_ لا خافي بقا علشان انا عصبيتي وحشه 

فرحه بهدوء:

_ خلاص يا فارس متزعلش انا اسفه مينفعش تزعل مني كده من اول يوم حقك عليا ومش هسألك تاني 

فارس بشده:

_ اوكيه 

انا نازل 

فرحه بإبتسامه:

_ مع السلامه 

لم يرد عليها فارس وركب المصعد ونزل

ذهبت فرحه بسرعه الي الشرفه ونادت عليه 

فارس بإستغراب وهو يشاور لهم :

نعم 

فرحه بضحك:

_ بقولك مع السلامه 

فارس بضيق:

استغفرالله العظيم يارب 

بجد البت ديه هتجنني 

*********************

في ڤيله ماهر الجندي 

استيقظ مؤيد علي صوت ماهر والخادمه ماريا وهم بيتحدثون مع مرام

مؤيد لنفسه :

_ يا تري في ايه بس 

خرج مؤيد من غرفته وجد ماهر يقف أمام غرفه مرام والخادمه ماريا داخل الغرفه تتحدث معها 

مؤيد وهو ينظر لماهر بإستفهام:

فيه ايه يا ماهر بيه 

ماهر بحزن :

_ مرام يا مؤيد مش عايزه تفطر ديه مكلتش من امبارح وكل يوم بتاكل حاجات بسيطة وبتدوخ كتير

مؤيد وهو يومأ برأسه:

تمام فهمت 

دخل مؤيد الغرفه التي بها مرام وماريا ايضا 

ماريا برجاء:

_ بترجاكي تاكلي حبيبتي كده هتبقي ضعيفه ومو منيحه

مرام بصراخ:

_ قولتلكم مش عايزه اكل محدش ليه دعوه بيا 

مؤيد بإبتسامه مستفزه:

_ ومالك بتزعقي ليه براحتك متكليش 

هاتي كده يا ماريا السندوتشات ديه انا اصلا جعان جدا 

وأخذ من ماريا الصينيه التي بها الطعام 

مرام بزعيق :

_ انت واخد الاكل ورايح فين 

مؤيد بهدوء:

لحجرتي هيكون رايح فين يعني 

مرام بزعيق:

_سيب الاكل علي الترابيزه هنا وامشي 

مؤيد بإستفزاز:

_ليه مش انت مش عايزه تاكلي 

مرام بغضب:

_بقولك سيب الاكل علي الترابيزه 

مؤيد بإبتسامه :

_اوكيه حاضر 

وضع مؤيد الاكل علي الترابيزه 

مؤيد بإبتسامه:

_يلا كلي 

مرام بغضب:

لا ملكش دعوه

مؤيد بإبتسامه

_طيب 

وبدأ يأكل من السندوتشات لإستفزازها 

مرام وهي تدفعه خارج الغرفه بغضب شديد وصراخ:

_ امشي من هنااااااا يا مستفز 

اخذت مرام الصينيه التي بها السندوتشات وبدأت تأكل منها لإستفزازه فقط 

ماهر بضحك :

_والله يا مؤيد انت عملت الصح تستاهل احسن 

مؤيد بإبتسامه:

_ ههههه انا مش مصدق انها كلت علشان اضايقت مني 

ماهر :

تمام جدا برافو 

ذهب مؤيد وجلس في الحديقه يحتسي قهوته ويخطط ماذا سيفعل معها وكيف سيبدأ علاجها 

كانت مرام غاضبه بشده منه ففكرت أن تضايقه مثلما فعل 

نظرت من الشرفه وجدته يجلس في الحديقه 

ذهبت بسرعه الي المطبخ واحضرت زجاجه مياه بارده جدا 

ووقفت في الشرفه وفتحت غطاء الزجاجه ورمت عليه المياه الباردة من أعلي 

فنزلت عليه المياه الباردة 

مؤيد بخضه :

_ يااااااه ايه ده 

الميه ديه جت منين وساقعه متلجه 

نظر إلي الاعلي فوجدها تقف في الشرفه وتتضحك بشده عليه 

مرام بأنتصار:

_ علشان تحرم تتضايقني تاني ههههههههههه مش قااادره ههههههههههه

ماهر بإستغراب:

_ ايه ده يا مؤيد مرام بتضحك فوق في البلكونه انا مش مصدق انت عارف بقالها قد ايه مضحكتش 

مؤيد بغيظ:

_ ديه حضرتك مش بتضحك عادي ديه بتضحك ضحكه الست الشريره في الكرتون لما قتلت الاميره 

ماهر بضحك:

هههههه هموت منك يا مؤيد انت دمك خفيف بجد 

مؤيد بإبتسامه:

_ شكرا لحضرتك بس بالنسبه ليا انا اخدت شاور بميه متلجه 

ماهر بإحراج:

_ معلشي يا ابني بقا حقك عليا 

مؤيد بإبتسامه:

_ لا حضرتك ولا يهمك انا بهزر بس 

ماهر بحزن:

_ ربنا يجعلك سبب في شفائها يارب 

مؤيد بإبتسامه:

إن شاء الله هتخف وهتكمل تعليمها 

**************************

عند فرحه في منزلها 

ظلت فرحه تعد في طعام الغداء وطهت انواع شهيه من الاطعمه

وانتهت من إعدادها 

وجلست تشاهد التلفاز حتي يأتي فارس 

تأخر فارس كثيرا وهي لم تتناول الطعام لأنها منتظره مجيئه

فرحه لنفسها:

_ الساعه بقت عشره وهو لسه مجاش وحتي متغدناش 

هتصل بيه بقا 

ذهبت فرحه الي غرفتها واحضرت هاتفها وظلت تتصل عليه ولكنه لم يرد عليها نهائيا 

فرحه لنفسها:

_وكمان مش بيرد طيب اعمل ايه طنط قالتلي أنه هيخلص الساعه خامسه المغرب 

تأخر فارس كثيرا حتي جاءت الساعه الثانيه فجرا 

فرحه بضيق:

_ يعني ايه بقا هفضل قاعده لوحدي كده وبعدين انا متغدتش 

فارس بارد بارد 

سمعت سيارته ترتص وهو ينزل منها 

فرحه لنفسها :

_ طيب يا فارس اما وريتك 

فتح فارس الباب بالمفتاح وجدها تقف أمامه وهي تهتف بغضب وصوت عالي:

_كنت فين لحد دلوقتي ولا همك حاجه وانا قاعده مستنياك وكمان مكلتش هاااا 

فارس بصوت صارم:

_ انا قولتلك قبل كده السؤال ده مش عايز أسمعه تاني صح 

فرحه بغضب:

_ اه قولت بس انا مش هنفذ علشان انت اتأخرت بره كتير جدا 

فارس ببرود مستفز:

_عادي براحتي 

فرحه بصوت عالي:

_ لا مش براحتك انت عندك بيت وانا قاعده مستنياك بقالي اكتر من سبع ساعات 

اقترب منها فارس وقبض علي معصمها بقوه وهتف بصرامه:

_ صوتك ميعلاش عليا يا فرحه سااااامعه

تجمعت العبرات داخل مقلتيها وهي تتمتم بحزن:

_سيب ايدي يا فارس بتوجعني 

انا اسفه انا غلطانه اصلا اني استنيتك انا داخله انام 

فارس وهو يترك يدها ويهتف بصرامه:

_اخر مره اسمع صوتك بيعلي عليا والا انت عارفه عصبيتي 

فرحه وهي تذهب الي غرفتها :

_ حاضر يا فارس 

دخلت فرحه الي الغرفه وارتمت علي السرير وأخذت تبكي بشده 

حتي نامت من التعب 

انتهت الحلقه

تكملة الرواية من هنا

تعديل المقال