حماتي أمرت جوزي يتجوز أخته الحلقة الرابعة بقلم / موني أحمد كامله على مدونة النجم المتوهج للروايات

حماتي أمرت جوزي يتجوز أخته
الحلقة الرابعة 
بقلم / موني أحمد 
كامله على مدونة النجم المتوهج للروايات 

ريهام :

قصدك أيه بالكلام ده يا هدير يعني أيه أخدت منك ياسر

هدير :

انا أقصد أني انتي أخدتي أخويا مني ياسر كان طول الوقت مهتم بيا من ساعه مانتي دخلتي حياته مبقاش يهتم بيا انا مبحبكيش ولا عمري هحبك

ريهام :

ومين قالك ياسر مش مهتم بيكي بالعكس ياسر معندهوش أغلي منك أنتي أخته يعني حته منو وفي الوقت ده هدير نزلت وشويه وصحي ياسر

ياسر :

مالك يا ريهام أنتي لسه منمتيش هي هدير نامت

ريهام :

هدير نزلت بقولك أيه ياياسر حاول تهتم بهدير الفتره ده شويه وقرب منها

ياسر :

حاضر هي اشتكتلك مني في حاجه

ريهام :

لاء بس انا اللي حسيت كده

ياسر :

طيب انا هنزل أطمن عليها ونزل ياسر ولقاه هدير قعده بتعيط علي السلم

ياسر :

أيه ده أنتي قعده كده ليه

هدير :

مراتك صحتني من النوم وطردتني بره الشقه وقالتلي متطلعيش هنا تاني هي ريهام بتعملني ليه كده مع أني بحاول أقرب منها واعتبرها أختي لكن هي مش حبه كده انا خلاص يا ياسر مش هطلع شقتك تاني ولا هتكلم مع ريهام تاني

حماتي أمرت جوزي يتجوز أخته
الحلقة الرابعة 
بقلم / موني أحمد 
كامله على مدونة النجم المتوهج للروايات

ياسر :

اذاي يعني تطردك قال وانا اللي بقول عليها طيبه وغلبانه طيب قومي اطلعي معايا وانا هجبلك حقك ماشي يا ريهام اصبري عليه

ياسر :

انتي أذاي تطردي هدير من هنا وتقولها تنزل بقولك أيه يا ريهام انا مش هسمحلك تعملي الحركات اللي من تحت لي تحت دي اوعي تفتكري أني مش فاهم حركاتك دي انا شايفك من ساعه ما هدير طلعت تبات معانا وانتي زعلانه ومدايقه لازم تعرفي أني ده بيت اخوه تطلع تنزل في أي وقت براحتها انتي فاهمه ولا لاء

ريهام :

انت بتقول أيه واذاي تتكلم معايا بالطريقه دي أصلا انت عارف انت بتقول ايه ومين قالك اني انا طردتها محصلش مني حاجه ذاي كده اهي عندك وسألها

ياسر :

من غير ما سألها أنا عارف ياهانم الظاهر كده أني مكنتش واخد بالي من حاجات كتير يوم الصباحيه أمك خلت أمي تعيط بسبب كلامها دي حتي ساعتها معملتش أحترام ليه أني دي أمي ودلوقتي جه الدور علي هدير بتحاولي تدايقي فيها

ريهام :

هدير لو سمحتي قولي لي أخوكي انا قولتلك انزلي ولا أنتي اللي انزلتي لوحدك أرجوكي أتكلمي لأني خلاص مبقتش قدره أستحمل أكتر من كده

هدير :

ايوه أنتي قولتيلي أنزلي ومتطلعيش هنا تاني

ريهام :

أختك كدابه انا محصلش مني حاجه ذاي كده صدقني والله مقولتلها كده حرام عليكي أنا عملتلك أيه عشان تعملي فيا كده ياسر في الوقت ده دخل علي الأوضه وأول ما الصبح طلع ريهام سابت البيت وراحت عند مامتها

مامت ريهام :

بقي معقوله يغضبك وانتي لسه عروسه هوه ده ياختي اللي كنتي بتحبي انا من الأول مكنتش عايزه الجوازه دي واذاي يصدق أخته المفعوصه دي ويكدبك أنتي مش عارفه ليه انا مبرتحش لي أخته دي بحس أنها مش مظبوطه وبتاعه مقالب

حماتي أمرت جوزي يتجوز أخته
الحلقة الرابعة 
بقلم / موني أحمد 
كامله على مدونة النجم المتوهج للروايات

ريهام :

انا فعلا بحس اني هدير أخته دي تصرفاتها غريبه اوي بتدايق أوي لما تلاقينا انا وياسر مع بعض بحسها بتغير والأغرب بقا لبسها الغريب اللي بتلبسه قدام أخوها انا صعبان عليه نفسي اوي يا ماما انا والله معملتلها حاجه معرفش اذاي ياسر صدقها وكدبني أنا

مامت ريهام :

ياما قولتلك استني متستعجليش في قرارك بس أقول أيه بقا نصيبى قومي يا حبيبتي غيري هدومك وريحيلك شويه لحد ما أبوكي يجي ونشوف هنعمل ايه وخذاري تتصلي علي ياسر سيبه لحد ما يجي لوحده تلاقي أمه مش سيباه دلوقتي نزل زن في ودانه

ريهام :

لاء طبعا يا ماما يستحاله أتصل بي هوه اللي غلط فيا أنا مغلطتش في ودخلت ريهام علي أوضتها وفي بيت ياسر

مامت ياسر :

مالك زعلان ليه احسن اللي غارت هوه انت اللي مشيتها مشيت لوحدها دي لو بتعملك حساب وبتحترمك مكنتش سابت البيت من غير ماتعرفك لكن دي يا حبيبي واخداك جوازه والسلام ضل راجل ولا ضل حيطه انا لو منك اسيبها لحد ماتتأدب ومسألش فيها ولا حتي برنه تليفون لحد ما تعرف غلطها وذاي مامشيت لوحدها تيجي لوحدها نفسي تعمل اللي قولتلك عليه واسمع كلامي بس لو مره واحده

ياسر :

كلام ايه ده بس يا أمي اللي بتقولي عليها كده دي تبقي مراتي مش واحده انا ماشي معاها وبعدين من حقها أني هي تمشي انا بصراحه كنت مزودها شويه معاها والمفروض مكنتش زعلتها أوي كده دي لسه عروسه

مامت ياسر :

عروسه قال عروسه قال يا واد أسترجل شويه وبلاش تغلط نفسك خلي عندك كرامه واتقل شويه بطريقتك كده البت كده البت هي وأمها هيلعبوا بيك الكره وياسر مسمعش كلام أمه وراح علي بيت ريهام عشان يصلحها

هدير :

هدير كانت قعده في أوضتها مع صاحبتها فريده انا قلقان لحسن مرات ياسر ترجع تاني وانا مصدقت أنها مشيت وارتحت من وشها دي طول الوقت غيظاني

فريدة :

يابنتي ما تسبيها في حالها وهي مديقاكي في أيه بس دول لسه عرسان

معقول لحقتي أنتي وامك تطفشوها من البيت أمك دي قويه الله يكون في عون أخوكي ومراته

حماتي أمرت جوزي يتجوز أخته
الحلقة الرابعة 
بقلم / موني أحمد 
كامله على مدونة النجم المتوهج للروايات

هدير :

في أيه يا فريده مالك أنتي معاهم ولا معايا وبعدين مش ماما اللي طفشتها أنا يا حبيبتي اللي طفشتها

فريده :

طيب سيبك من مرات أخوكي دلوقتي ولو رجعت تاني انا هقولك تعملي بس قومي ألحقيني بأي سندوتش أنتي عارفه أننا مكلتش حاجه وابويا مسابش لي أمس ولا مليم عصافير بطني بتصوصو

هدير :

عصافير بطنك دي مبتنمش ابدا أبوكي ده لزمته أيه في الحياه طلاما مبيصرفش عليكم يابنتي ده شايل ايده منكم خالص مش ملاحظه أنك راميها عليه أوي دي حتي فلوس الدرس أنا اللي بتفاعهالك ولبسك كل من عندي كل ده أبوكي مبيحسش علي دمه

فريدة :

أخص عليكي كده بردو يا هدير أنتي لازم تحرجيني يعني انا اللي غلطانه اللي باجي أحكيلك كل حاجه عني شكرا يستي مش عايزه منك حاجه تاني انا عارفه أني ربنا كبير مش هينساني

هدير :

في ايه أيه الفيلم ده كله أهدي يا حبيبتي أنا مقصدش حاجه أنتي عارفه أننا بحبك وأنتي الصاحبه الوحيده اللي بحكيلها كل حاجه وبثق فيها انا كل الحكايه متغاظه من أبوكي أوي مبيفكرش يسألك عايزه أيه او حتي يسألك بتجيبي اللبس ده منين هوه يعني مش بيشوفك وأنتي خارجه

فريدة :

أعمله أيه يعني اروح أغيره عشان ترتاحي متقلبيش عليه المواجع أنا باجي عندك هنا عشان أنسي اللي انا في ياريت تقفلي علي الموضوع ده بقا

هدير :

معلشي حقك عليه متزعليش مني بقولك أيه أنا هدخل اقول لي ماما تحضرلنا الغدا وبعد الغدا هفتح الدولاب وشوفلك طقمين حلوين كده ولا تزعلي نفسك

فريده :

اهوه ده الكلام وربنا أنتي أجدع صاحبه يابت يا هدير أومال أنا بحبك ليه يابت عشان قلبك الأبيض ده والله انا مش عارفه من غيرك كنت هعمل أيه انا عارفه أني لسانك متبر منك بس بحبك

ريهام :

أما ريهام كانت قعده في أوضتها وصعبان عليها من جوزها أخص عليك ياياسر بقا كده أنا هونت عليك مهنش عليك ترفع سماعه التليفون و تعرف أنا فين معقوله يكون ماما عندها حق لما قلتلي أني أختياري غلط وفي

الوقت ده ياسر كان جه بره وريهام مكنتش تعرف

ياسر :

أنا أسف يا جماعه علي اللي حصل مني

مامت ريهام :

كده بردو يابني بقا تصدق أختك الصغير وتسمع كلامها المفروض أنك عارف بنتي كويس وعارف طريقتها دي أمك كانت بتيجي عليها كتير وبنتي عمرها مافتحت بقها

ياسر :

حصل خير وانا جاي عشان أعتزرلها وارجعها ممكن حضرتك تناديها عشان أتكلم معاها شويه

حماتي أمرت جوزي يتجوز أخته
الحلقة الرابعة 
بقلم / موني أحمد 
كامله على مدونة النجم المتوهج للروايات

والد ريهام :

قومي ناديها يا ام ريهام ودخلت مامتها عشان تناديها بص يا بني انا بنتي أدتهالك أمانه معاك المفروض تحافظ عليها وتصونها مش أي حد يقولك عليها حاجه تصدقها المفروض أنك راجل ولازم تحكم عقلك كويس أوي قبل ماتيجي عليها وبعدين مانت عارف أني أختك وامك مش بيحبوها ومع ذالك وافقت أجوزهالك عشان لقيتك راجل وشاريها

ياسر :

عندك حق يا عمي انا فعلا غلطان انا فعلا اتسرعت شويه بس أوعدك مش هيحصل تاني وطبعا ريهام مارضيتش تطلع تقبله لكن ياسر صمم وداخلها بنفسه عشان يتكلم معاها

ياسر :

كده بردو مش عايزه تطلعي تقبليني انا جاي عشان أعتزرلك وكمان نروح علي شقتنا

ريهام :

تعتذر بعد أيه بعد ماقليت مني قدام أختك الصغيره وصدقتها انا مش فاهمه بس أذاي تصدق أننا ممكن أطردها من بيت أخويا والله العظيم انا معملتش كده دي حتي لو هي مديقاني انا مش هطلعها من بوقي المفروض قبل ماتتسرع وتتكلم معايا وتزعقلي كنت اخدت أختك وكلمت معاها وتعرف منها هي ليه اتبلت عليه كده

ياسر :

انا معرفش دماغي كانت فين لما زعقتلك كده يمكن اكون ساعتها انفعلت عشان هدير كانت قعده علي السلم في نص الليل وكانت عماله تعيط علي العموم حقك عليه وسامحيني ويلا قومي بقا غيري هدومك عشان نروح

ريهام :

لاء انا مش هروح معاك انا هقعد هنا شويه مع ماما لأني مخنوقه أوي ومحتاجه اكون جمبها

ياسر :

كلام ايه اللي بتقولي ده لاء طبعا مينفعش احنا لسه عرسان والناس بتيجي عشان تباركلنا عايزه الناس تقول سايبه جوزها وقعده عند أهلها وبعدين أنا جتلك لحد عندك أهوه عايزه أيه تاني واعملي حسابك هنتغدا بره واختاري المكان اللي انتي عيزاها بنفسك و ريهام سمعت كلام جوزها ومشيت معاه لكن المفاجأة لما روحوا البيت وفتحوا شقتهم ولقو ام ياسر جوه بتعمل ...........

ولحد هنا خلص الجزء الرابع وانتظروا الجزء الخامس وماتنسوش لايك و كومنت و شيررررررررررر

تكملة الرواية من هنا