كالعمر الضائع
الجزء الرابع والخامس
بقلم سلمي شريف
كامله على مدونة النجم المتوهج للروايات
فتحت الباب لقيت الاوضة كلها متكسـ*رة وشاب واخد وضعية الجنين في الارض وبيترعش
بلعت ريقي بخوف وانا ببص علي الحالة الي انا بقيت فيها
خدت نفس عميق واتكلمت: استاذ سليم
استاذ سليم!
معملش اي حركة فاتنهدت بضيق ودخلت الاوضة وانا ماشية بحذر
روقتها ورجعتها زي ما كانت وكان لسة نايم علي الارض مش بيبص غير للسقف
قربت منه وهزيته علشان يفوق ف مسك الفازة الي جمبه وحدفها في الحيطة
سليم: برا اطلعوا برا
انا بكر*هكوا
بكر*هكوا كلكم
طلعت بسرعة من الاوضة وقفلت الباب
قعدت في الارض وانا بعيط علي حالي!
جاتلي الدادة وهي بتواسيني وخلتني اروح معاها المطبخ علشان تفهمني
آيه: فهميني ياام حسن ارجوكي
الدادة: بصي يابنتي
انا مش عارفة انتي ازاي رضيتي انك تاخدي حالة سليم بيه
اي حد بيجي هنا علشانه مش بيكمل يوم ويمشي
سليم بيه بيكسر كل حاجة وعصبي جدا وعنيف وبيأ*ذي اي حد يقرب منه
ومش بياكل او بيشرب غير نادرة
آيه: طب متعرفيش ليه بقي كدة
الدادة: من ساعة ما جيت للفيلا دي وهو كدة
الله اعلم ايه الي فيه بقي
آيه: طب هما مودهوش لدكتور نفسي
الدادة: فوزي بيه محذر ان مفيش ولا دكتور يعالجه
آيه: لا حول ولا قوة الا بالله
طيب ياام حسن هاتيلي اكله انا هدخله تاني
الدادة: اتفضلي
خدت صينية الاكل ودخلتله
لقيته متحركش تقريبا بس الاوضة كلها متكس*رة تاني زي الاول واكتر
قعدت قدامه وبصلي بعيونه البنية الواسعة..
وكسر كوباية المايه في الارض بعنف
في ناحية تانية
كان ماشي بالعربية بسرعة كبيرة وهو بيشرب سيجارته المعتادة بغرور
فاجأة بيجي عربيتين جمبيه وطلعوا مسدس وق*تلوه
تاني يوم موبايلي رن من رقم غريب
لما رديت لقيت راجل بيتكلم و قالي ان فوزي في المستشفي بين الحية والمو*ت!
وان هو طالب يشوفني علشان لازم يفهمني
اترددت للحظات بس فضولي كان اكبر من اني مروحش واتجاهل الموضوع
روحت اوضتي الي كانت صغيرة جدا جدا ولبست وخليت ام حسن تخلي بالها من سليم لغاية ماارجع
وافقت طبعا بكل رضى وانا ركبت تاكسي وروحت علي عنوان المستشفي الي الراجل بعتهولي
دخلت المستشفى وشوفت فوزي بين الاجهزة
مكنش المغرور والمتباهي بفلوسه وفاكر ان الدنيا كلها ملكه
كنت شايفة واحد ضعيف مش قادر يتحرك من السرير
صعب عليا للحظات بس افتكرت الي كان بيعملوا فيا وقد ايه كان بيعذ*بني ك متعة!
استأذنت الدكتور اني ادخله ووافق لان هو كان طالب دة اصلا
كنت بتحرك بخطوات بطيئة
مكنتش عارفة اقرب
شال جهاز التنفس وكان بيتكلم بصعوبة بس بابتسامة
فوزي: كنت عارف انك هتيجي
واني صعبت عليكي
لانك ضعيفة اوي
انا جايبك هنا علشان سليم
سليم امه انا قتلـ*تها قدامه لانها كانت خا*ينة
يمكن كنت دايما اب قاسي علي ابنه
بس انتي عارفه ان في الاخر كل املاكي وفلوسي هتروح ليه
وديه لدكتور نفسي خليه يتعالج
خليه يتمتع بلاملاك بتوع ابوه شوية
وانتي عايزة تمشي امشي
آيه: انت ازاي كدة!
ازاي عندك نفس العنجهية رغم انك انت الوحيد الضعيف
انت مش هتتوب ابدا!؟
منك لله ياشيخ منك لله
كنت بعيط بحرقة بس فاجأة جهاز القلب وقف
اول حاجة عملتها اني روحت عند قبر ابويا
كنت لازم اتكلم معاه شوية
آيه: شوفت مراتك عملت فيا ايه هي وعيالك
بتعاملني كأني سلعة
انا اتهانت كتير اوي
انت ليه ماخدتنيش معاك وخلصتني
ليه مشيت وسبتني لوحدي
مين هيطبطب عليا ويداوي قلبي دلوقتي
قولي
انت مش بترد عليا ليه
انتوا ليه بتعملوا فيا كدة
كنت بتكلم وانا مقهورة وبعيط
انا فعلا مش هقدر اتحمل اكتر من كدة!
جت ست كبيرة طبطبت عليا وبعديها مشيت
روحت البيت علشان اشوف حكاية سليم
علشان ادخل في مغامرة جديدة
يتبع✨🤌
تعليقات
إرسال تعليق