 |
ملاكي البريئ
البارت التامن حتي الثاني عشر
بقلم مريم محمد
سليم :الحكاية بدأت من وأنا عندي 12 سنة كنت عايش في لندن انا وأهلي ومعانا عمي ومراته وبنته وكنت دايمًا بلاحظ نظرا*ت عمي الغريبة لأمي، وهي كانت بتدايق جداً منه حتى انا في يوم سألتها عنه هو ليه بيتصرف كدة بس هي غيرت الموضوع ومرضيتش تقولي وف يوم كنت راجع من المدرسة وسمعت صوت أمي بتص*وت، دخلت ليها وانا بجري لقيت عمي عثمان بي*ته*جم عليها، وبعدين مسكت عصاية وضر*بته بيها على راسه، وساعدت أمي انها توقف وهي صر*خت عليه وقالتله إنها هتقول لبابا على اللي عملوه، وهو طلع المس*د*س وضربها بالن*ار مو*ت*ها قصاد عيني وانا معملتلهاش حاجة، وجريت عليه وفضلت اضر*ب فيه ومسكت المس*دس ولسة هضربه بالن*ار لقيت ابويا رفع ايدي والطلق*ة جت في الهوا وشد المس*د*س من أيدي، وبعدين عمي عثمان قام من مكانه وفضل يكذب على بابا ويقوله أن أنا كنت عايز من امي فلوس علشان اشتري مخ*د"را*ت وامي مش راضية وهو منعني ورورحت انا ماسك الم"س*دس وقات*ل امي وكنت هق*ت*له هو كمان بس ابويا لحقني وطبعاً ابويا اللي المفروض يصدقني مسمعنيش، ودخلت الس*ج*ن هناك لحد ما بقيت عندي 20سنة خرجت منه وانا كل هدفي اني انتق*م منهم على كل حاجة عملو*ها فيا وفي امي
واشتغلت ومسكت شركات امي عشان هي كانت كتباها كلها بإسمي
وطبعاً في ناس كتير بيكرهوا ابويا
وعمي عشان الشغل وهما ساعدوني عشان أكبر في سوق الأعمال وفضلت اشتغل ليل نهار لحد ما وصلت للمكانة اللي انا فيها دلوقتي، بس انا كنت عايز انجح واوصل علشان ادمر*هم حقي اللي انا مش هسيبه بالسهولة دي يا عشق حتى وهي ميت*ة وانا مش هرتاح إلا لما اشوفهم بيتعذبوا قدامي زي ما اتعذ*بت انا وامي، وبعد كدة رجعت مصر وعرفت انهم كانوا مخبيين موضوع مو*ت امي هنا عشان الناس متسألش مات*ت ازاي، وبعدين أعلنوا عن وفات*ها من 4سنين وانا كمان اعتبرت ابويا ما*ت وكرهت*ه اوي يا عشق ليه عمل فيا كدة المفروض انا ابنه وكمان ابنه الوحيد ليه عمل معايا كدة حرمني، حرمني من طفولتي حرموني من امي اتحرمت من كل حاجة في حياتي، قاطعه صوت بكاء عشق
سليم :انتِ بتعيطي ليه يا قلبي في حاجة وجعاكي
عشق بدموع :لأ... بس انت اتظلمت اوي في حياتك
سليم :ياروحي انتي متعيطيش تاني ارجوكي حتى لو عشاني ماشي
عشق :ماشي.. بس انت كملت تعليمك ازاي
سليم :هما في الس*ج*ون بيخلوا الطلاب يكملوا تعليمهم عادي ويمتحنوا في لجان منفصلة لوحدهم ولما خرجت دخلت الجامعة
وأخذت شهادة إدارة الأعمال وفضلت مع اني كنت ساعتها بشتغل بس كملت عشان اعرف أكبر بسرعة
في شغلي وفعلاً كبرت
عشق :طب مين الناس اللي ضربت علينا نا*ر النهاردة هنا في البيت وكانوا عايزين يمو*ت*وني هو انا عملتلهم إيه
سليم :لأ.. يا حبيبتي هما كانوا عايزين يإذوكي عشان ينتقموا مني انا واللي بعتهم عمي عثمان وابويا، آسف جداً انك اتعرضتي لكل ده بسببي بس صدقيني مستحيل اسمحلهم يلمس*وكي، هما عايزين ينتقموا مني فيكي علشان عارفين ان روحي فيكي، ومش هقدر اعيش من غيرك بس هدفعهم تمن خوفك ودموعك وكل حاجة عملوها بس الصبر
عشق :طب انت هتعمل ايه معاهم
سليم :متشغليش بالك انتي يا قلب سليم ويلا عشان ننام انتي تعبانة ومحتاجة راحة... تصبحي على جنة يا جنتي
عشق :وانت من أهلها
بعد فترة
عشق :سليم انت نمت
سليم :لأ يا قلب سليم انتي محتاجة حاجة
عشق :كنت عايزة أسألك سؤال
سليم :مش ملاحظة إنك سألتي كتير النهاردة
عشق :خلاص هسكت ومش هسألك تاني
سليم بضحك :يا حبيبتي بهزر معاكي والله انتِ تعملي اللي انتي عايزاه فيا، وانا هبقي اسعد واحد في الدنيا
عشق :انت اتجوزتني ليه؟
سليم :على ما اعتقد اني جاوبت على السؤال ده قبل كدة
عشق :لأ مش قصدي كدة
سليم :اومال قصدك إيه
عشق :قصدي يعني حبيتني امتي وازاي وشوفتني فين
سليم :حبيتك من أول مرة شوفتك فيها، وأول مرة شوفتك فيها كانت في الميتم، لقيت بنت جميلة كدة لفتت نظري فجأة عينيها سحرتني وضحكتها خطفتني.. وغمازاتها، اه من غمازاتك اللي جننتني دي
عشق بخجل :خلاص اسكت مش عايزة اعرف
سليم :انتِ مكسوفة مني لأ يا حبيبتي متتكسفيش ده انا برضو في مقام جوزك
عشق :انا هنام
سليم :لأ والله هكمل كلامي
عشق :سليم
سليم :يالهوي على سليم وسنين سليم،احلى سليم دي ولا إيه
عشق :خلاص خلاص كمل بسرعة عشان ننام
سليم :طب ما كان من الأول، اه قبل ما اكمل على فكرة في حاجة هاخدها منك قبل ما ننام عشان هيجرالي حاجة لو مخدتهاش
عشق :حاجة إيه
سليم :لأ هبقي اقولك عليها بعد ما اخلص عشان متتكسفيش، المهم فضلت ماشي وراكي ومراقب حركاتك وأكتر حاجة شدتني ليكي لما شوفتك اديتي للولد اللي كان بيعيط في الشارع كل الفلوس اللي معاكي وانتي روحتي على رجلك، مع انك كنتي تقدري تسكتيه من غير فلوس بس مهانش عليكي يفضل زعلان... وكنت عايز اكمل وراكي بس كان عندي اجتماع ضروري، وخليت حراسي يمشوا وراكي ويعرفوا كل حاجة عنك، وفجأه في واحد رن عليا منهم وقالي انه سمع صوت صرا*خ من البيت وبعدها شاف اهلك نازلين وخدوكي على المستشفى، وروحت جرى وسمعت الدكتورة بتقولهم على اللي حصل وفهمت هما عملوا فيكي إيه من طريقتهم مع الدكتورة، وبعدين روحت وقولت لأهلك أن المأذون جاي دلوقتي وهتجوزها برضاكم أو غصب عنكم مش فارقة وبس يا ستي دي كل الحكاية
عشق :يعني انت كنت عارف اني بقيت عامية قبل ما تتجوزني
سليم :اه كنت عارف.. بس بتسألي ليه
عشق :هااا... لا أبداً مفيش
سليم :انتي كنتي فاكرة اني ادبست واتجوزتك ومكنتش اعرف حاجة عنك
عشق :الصراحة اه
سليم :وكنتي فاكرة إيه تاني
عشق :كنت فاكرة إنك راجل عجوز، وهتاخدني عند مراتك وعيالك يعذبوني وهتخلوني اشتغل وانا مش هعرف اعمل حاجة عشان عامية
سليم بضحك :انتي خيالك واسع أوي أوي يعني
عشق بدموع :انت بتضحك عليا.. لما انا اشوف اهلي اللي من دم*ي بيعملوا فيا كدة، هتوقع إيه من واحد غريب وكمان اتعرفت عليه من طرف أهلي على أساس انه جوزي
ضمها سليم لحضنه بحنان :انا آسف يا روحي والله مش قصدي اضايقك
آسف سامحيني وانسى كل حاجة حصلت معاكي قبل كدة، واوعدك اني هفرحك على طول
عشق :انت عارف يا سليم انا كان نفسي في إيه
سليم :إيه يا قلب سليم
عشق :كان نفسي اروح الملاهي أوي
من وأنا صغيرة، كنت دايماً بشوف صحابي وهما بيتكلموا عن الرحلات بتاعة المدرسة قد إيه كانت حلوة،وهما انبسطوا بيها بس انا ولا مرة روحت، أحمد اخويا هو بس اللي كان بيروح وف مرة خلاص قررت اني لازم اقولهم اشمعنا أحمد
بيروح وانا لأ واني كمان عايزة اروح زيه، بابا قام ضربن*ي وحبس*ني في أوضة قديمة في بيتنا وكانت كلها فئ*ر*ان* وانا كنت خايفة أوي وكانت ضلم*ة، فضلت اخبط على الباب ومفيش حد فتحلي الباب وقعدت اترجاهم يوم ورا التاني ورا التالت وبرضو مفتحوش ولا ادوني ماية ولما فتحوا كنت انا مغ*مى عليا من قلة الأكل ومن ساعتها وانا مش بطلب حاجة من حد لا منهم ولا من غيرهم، سليم....
سليم:........
عشق :سليم انت مش بترد ليه
سليم :.......
عشق :سلييييم
سليم :ها.. إيه نعم يا حبيبتي
عشق :انت كنت سرحان في إيه
سليم :لأ يا حبيبتي مفيش
عشق :مفيش ازاي انا بقالي ساعة بنادي عليك
سليم :بقولك ايه انتي مش ناسية حاجة
عشق :حاجة؟؟!!.. حاجة إيه؟
سليم :انا مش قولتلك اني هاخد منك حاجة قبل ما ننام
عشق :أيوة بس مقولتش هي إيه
سليم :ما انا هقولك اهو يا روحي
اقترب منها سليم وقبل خدودها بحب وحنان وغمازاتها
عشق بصدمة وخجل :انت.. انت عملت ايه
سليم :كنت بدوق الفراولة
عشق :انت قليل الأدب، وانا مخصماك ابعد كدة
أخذها سليم في حضنه قائلاً :انا قليل الأدب اه، وتخصميني ماشي لكن تبعدي عن حضني ده ممنوع
يلا نامي يا عيون سليم
عشق :تصبح علي جنة
سليم :وانتي من أهلها يا روحي
#ملاكي_البريئ
##البارت 9
في المخزن
أحمد :إيه في إيه
الأب:احنا عملنا إيه تاني
الأم :يا ابني سيبنا في حالنا بقى ابوس إيدك... كانوا جميعهم مرعوبين فهم لم ينسوا كيف عذب الرجل أمامهم
سليم :والله انا كل اما احاول اسيبكوا وادور ليكوا على حاجة حلوة عملتوها مش لاقي، وبعرف حاجات بتخليني عايز ادفنك*وا وانتوا صاحيين، أنا مش عارف انتوا ازاي أهل انتوا متستحقوش تخلفوا أساساً، بس شوف ربكم اداكوا ملاك وانتوا شياطين
الأب :شوف انت عايز ايه وإحنا نعمله بس ارجوك سيبنا
سليم :هو انتوا أهل عشق الحقيقين
الأب :إيه السؤال ده طبعاً أهلها
سليم :لأ الصراحة انا عمري ما شوفت أهل بيكرهوا بنتهم بالشكل ده
الأب بتوتر :ومين قال إن إحنا بنكرها
سليم :ياراجل؟؟!!... يعني بعد كل التصرفات بتاعتكوا دي، وعايزني اقول انكوا بتعشقوها مثلاً
الأب :انت قصدك إيه
سليم :قصدي انكوا في حاجة مخبينها وانا هعرفها بطريقتي. .... سلام
أحمد :استنى احنا مكلناش ولا شربنا بقالنا تلات ايام
سليم :وايه يعني مش مهم
الأم :انت إيه مش انسان بنقولك هنمو*ت من قلة الأكل والماية
سليم بصراخ :وانتوا ليه مقولتوش الكلام ده لنفسكوا، لما عملتوا فيها كدة على الأقل انا غريب عنكوا اما هي بنتكوا المفروض كنتوا رحمتوها وحنيتوا عليها بس لأ انتوا عذبتوها
اكتر، وانا بقى هوريكوا العذاب الوان
وافتكروا انكوا لسة مشوفتوش حاجة مني يوم الهنا
عاد سليم إلى القصر، وصعد إلى جناحه هو وعشق، واخذها في حضنه ونام
حل الصباح واستيقظ سليم ينظر إلى الملاك الذي بين يديه ويضحك على منظرها الطفولي وشعرها الذي على عينيها ويقول وهو يبعده خلف اذنها :معقولة كل الجمال ده ملكي انا... انتي اجمل واحدة شوفتها في حياتي، أنا عمري ما كنت اتخيل اني اتجوز واحدة أقل ما يقال عنها ملاك
وعمري ما كنت اتخيل اني هتجوز أساساً، انتي عملتي فيا إيه يا عفريتة انتِ
شعر سليم بها تستيقظ ف توقف عن الحركة ليرى ماذا سوف تفعل
عشق :يووو بقى هو انا كل يوم هصحي مكلبشة كدة بين ايديه هعمل إيه أنا دلوقتي ياربي ده زي ما يكون فاكرني ههرب، وبعدين بقى ايديه مش راضية تتحرك انا جنبي بدأ يوجعني بسببه
نسي سليم كل شيء عندما سمع كلمة وجع ونهض سريعاً
سليم بخوف :إيه اللي بيوجعك
عشق :إيه ده هو انت كنت صاحي
سليم :فين المكان اللي بيوجعك يا عشق
عشق :لأ مفيش حاجة بتوجعني
سليم وهو يمرر يديه على خصرها :انا آسف يا روحي غصب عني مبعرفش انام إلا وانتي في حضني آسف يا روحي
عشق بخجل :خلاص مفيش حاجة
سليم :طب يلا نلبس ونصلي عشان هنخرج
عشق :هنروح فين
سليم :الملاهي
عشق بفرحة :بجد هنروح الملاهي
سليم :بجد يا قلب سليم
عشق بحزن :لأ بلاش نبقى نروح في وقت تاني
سليم :وليه مش النهاردة
عشق :عادي
سليم :في إيه يا عشق
عشق :أصل الملاهي بتبقى مليانة ناس كتير، وانا مش عايزة ادايق حد وانت عارف اني دلوقتي مش بشوف
سليم :يا حبيبتي تدايقي مين وبعدين مفيش حد هيقرب منك طول ما انا موجود، وياستي عشان تطمني انا حجزت الملاهي كلها النهاردة ليكي يا قلبي
عشق :انت بتهزر صح
سليم :لأ والله ما بهزر ويلا عشان منتأخرش بليل.... يلا اساعدك عشان تتوضي
عشق بخجل :سليم نزلني قلولتلك قبل كدة اني بمشي لوحدي
سليم :وانا قولتلك قبل كدة اني بحب اشيلك يا قلبي
عشق :انت قليل الأدب على فكرة
سليم :عارف على فكرة
ذهب سليم وعشق إلى الملاهي بعد ما اطمئنوا على دادة أحلام، وحاول سليم أن ينسيها كل ما تعرضت له وجعلها تركب كل الألعاب فهو كان مثل عينيها ولم تشعر أنها لا ترى وعادوا في المساء
عشق :انا فرحانة أوي يا سليم النهاردة كان أجمل يوم في حياتي
سليم :اوعدك اني اخلي كل ايامك أجمل من بعض، ودلوقتي يلا نصلي وننام عشان عندنا ميعاد مع الدكتورة بكرة علشان نشوف عملية عينك
عشق :تمام يلا
بعد فترة
عشق :سليم انت نمت
سليم :أهلاً فقرة أسئلة قبل النوم جت وانا عمال اقول هي اتأخرت كدة ليه
عشق :انت بتدايق مني لما بسألك
سليم :انا مستحيل ادايق منك يا روح قلب سليم
عشق :وهو ده السؤال
سليم :مش فاهم قصدك إيه؟
عشق :انت ليه على طول بتقولي قلب سليم روح سليم عيون سليم كلية سليم فشة سليم هو انا اسمي مش عاجبك ولا إيه
انفجر سليم ضاحكاً عليها وهي سرحت في صوت ضحكته، فهي لأول مرة تسمعه يضحك بهذه الطريقة
سليم بضحك :لأ مش قادر والله هموت من الضحك
عشق :ليه هو انا ارجوز علشان تضحك عليا
سليم :وانتي يعني مش بتحبي اناديكي كدة
عشق :مش قصدي..أصل انت نادراً لما بتقول إسمي
سليم: علشان انتي فعلاً قلب وروح وعيون وكل حاجة في سليم انتي ملكتي سليم
عشق :انا في حاجة عاوزة اعملها بس مكسوفة منك
سليم :مكسوفة مني؟.. لأ يا حبيبتي اعملي اللي انتي عايزاه
عشق :لأ خلاص مش مهم.. يلا ننام
فهم سليم ماذا تريد أن تفعل ومسك يديها ومررها على وجه كله، هو فهم انها تريد أن تتخيل ملامحه ولكن محرجة منه، ولكنه تفاجأ بها تقبل خده وتهمس في أذنه وتقول
عشق بهمس:شكراً ليك على كل اللي بتعملوه علشاني انا عارفة انك هدية من ربنا ليا مهما عملت مش هعرف اوصفلك قد إيه أنا فرحانة وعمري ما فرحت بالطريقة دي.. تصبح على جنة
نامت عشق وسليم مازال مصدوم مما فعلته ويشعر أن قلبه سيخرج من مكانه من شدة سعادته فهذا يوم في حياته... ضمها لقلبه ونام هو أيضاً
حل الصباح وذهب سليم وعشق إلى المستشفى وقد تم تحديد موعد عملية عشق وبالفعل تمت العملية
ولكنها ستزيل الشاش عن عيونها بعد اسبوعين
وكان سليم بجانبها طوال الأسبوعين وخائف بشدة عليها فهي تريد أن تسترجع بصرها وهو يريد أيضاً ولكنها هي الأهم بالنسبة له والدكتورة أخبرته أن نسبة نجاح العملية ضعيفة
جاءاليوم الذي سوف تزيل عشق الشاش عن عيونها وسليم جالس بجانبها ويمسك يديها لكي يطمئنها ودادة أحلام معهم أيضاً وظل يحدثها والدكتورة تزيل الشاش
سليم :عشق حبيبتي انتي مؤمنة صح واكيد اللي هيجيبه ربنا كله حلو
وانا الأهم عندي انتي
دادة أحلام :ربنا هيفرحك إن شاء الله يابنتي
عشق بخوف :ان شاء الله
الدكتورة :خلصنا اهو وشيلنا الشاش كله ودلوقتي فتحي عينك براحة وعلى مراحل
ظلت عشق تفتح عينيها عدة مرات وتغلقها لكي تتعود على إضاءة الغرفة ووجدت الدكتورة وإمرأة
كبيرة في حدود الأربعينات واقفة خلف الدكتورة
وأشارت الدكتورة لها بيدها واصابعها وبالفعل نجحت العملية
الدكتورة :مبروك يا جماعة العملية نجحت
جلس سليم أمام عشق ونظر إليها بدموع الفرح في عينيه، وهي سرحت في ملامحه فهي رأته من قبل، قبل سليم يديها قائلاً :مبروك يا حبيبتي انا فرحان ليكي أوي ده احلى خبر في حياتي
عشق :.......
سليم :ردي يا قلبي... ساكتة ليه؟
عشق :انا عارفاك
سليم بإستغراب:عارفاني؟؟!!.. عارفاني ازاي
#ملاكي_البريئ
#البارت 10/11
سليم :عارفاني؟؟!!.. عارفاني ازاي؟
عشق :شوفت صورتك مع واحدة في البيت اللي كنت بشتغل فيه
سليم :بيت مين وكنتي بتشتغلي إيه
فهميني براحة كدة... لو سمحتوا يا جماعة سيبونا لوحدنا شوية.. كملي يا روحي
عشق :أهلي كانوا بيبعتوني اشتغل
خدامة في بيوت الناس الغنية وكدة،بس في بيت كنت بشتغل فيه
وكان فيه بنت آنسة يعني وكانت دايمًا معاها صورك وتفضل تحضن وتبوس فيها، وفي يوم كنت بقدم القهوة ليها هي ومامتها وسمعتها بتقول إنها بتحبك وهتتجوزك ومامتها قالتلها انتي اتجننتي تتجوزي مين ده قت*ل أمه عايزة تتجوزي واحد رد س*جو*ن ف البنت قالتلها مش مهم المهم فلوسه
هو معاه فلوس كتير وهعيش ملكة معاه
سليم :انتي فاكرة أي إسم من الناس
اللي كانت موجودة في البيت
عشق :حاولت والله بس مش فاكرة خالص
سليم :طب البنت اللي بتتكلمي عنها دي حاولي تفتكري إسمها علشان اعرف مين
عشق :مش فاكرة أوي بس هي كان إسمها تقريباً بيبدأ بحرف الهاء
سليم :استنى... اسمها هايدي؟
عشق:أيوة فعلاً اسمها كان كدة...بس هو انت تعرفها
سليم :اه اعرفها دي تبقي بنت عمي عثمان وطبعاً اللي كانت قاعدة معاها مرات عمي
عشق :بس هي بتحبك
سليم :وانا بعشقك.... هو إحنا هنفضل نتكلم كدة كتير
عشق :قصدك إيه
سليم :إيه رأيك فيا طلعت حلو ولا لأ
عشق :عاوز الصراحة
سليم :طبعاً انا راجل صريح واحب الصراحة
عشق :لأ معجبتنيش
سليم :انا راجل منافق واحب النفاق
عشق بضحك:ما انت غيرت رايك اهو على طول يا صريح
سليم :تعرفي ان ضحكتك دي بتنسيني همومي وكل حاجة وحشة في حياتي، أنا بحد مش عايز حاجة من الدنيا غير اني اشوفك مبسوطة، ربنا يديمك في حياتي يارب
عشق :يعني انت مش هيجي يوم وتزهق مني
سليم :ازهق منك إيه يا حبيبتي ده انا ما صدقت لقيتك انتي حلم جميل كان صعب بس حققته
عشق :بس انا...
سليم :مفيش بس في هنكمل حياتنا سوا وننسى اللي فات وانا زي ما قولتلك في الأول هرجع اقولك تاني
اني مستحيل اجبرك على حاجة، أنا وجودك جنبي عندي بالدنيا وما فيها
عشق :طب انا عاوزة اروح لأهلي عشان افرحهم اني رجعت اشوف تاني
سليم :انتي لسة بتفكري فيهم؟
عشق :أيوة طبعاً دول اهلي ولازم يكونوا ف بالي على طول
سليم :بس هما ظلموكي كتير ازاي تسامحيهم بالسهولة دي
عشق :مش عارفة بس انا برتاح لما اسامح
سليم :انتي ملاكي اللي ربنا بعتهولي..... بس مش هتعرفي تشوفيهم الفترة دي
عشق :ليه
سليم :أصل هما مسافرين
عشق :طب هيرجعوا امتى
سليم :كمان يومين تلاتة كدة... ويلا اجهزي بسرعة عشان خارجين وانا هدخلك دادة أحلام تساعدك
عشق :هنروح فين
سليم :أنا آسف يا باشا مش هقدر اقولك علشان دي مفاجأة
عشق :سليم
سليم :قلبه
عشق :شكراً بجد انا مهما عملت مش هعرف ارد ولو جزء بسيط من اللي بتعملوا معايا
سليم :اوعي تشكريني تاني، عشان متحسسنيش اني غريب
عشق :لأ والله يا سليم انا مش قصدي كدة
سليم :عارف يا قلب سليم بس متكرريهاش تاني
عشق :حاضر
سليم :ودلوقتي يلا عشان منتأخرش
خرج سليم وغضبه من أهل عشق قد زاد لأنه علم أنهم كانوا يجعلوها تعمل في البيوت، وتذكر كلامها أن بنت عمه عثمان تحبه فاتصل بصديقه زياد وأخبره
زياد :وانت عرفت الكلام ده منين
سليم :مش مهم دلوقتي عرفت منين... عاوزك تراقب كل تحركات البنت دي عاوز اعرف كل حاجة عنها
زياد :دي اللعبة باين عليها هتحلو أوى
سليم :اه أوي... عملت إيه في المعلومات اللي طلبتها منك من يومين
زياد :اسكت فكرتني ده الراحل عمك ده طلع تعبا*ن
سليم :وايه الجديد ما هو كدة فعلاً
زياد :ده طلع شغال مع الما*ف"يا
وكمان بيتا*جر في الأ" عض*اء
سليم : ما انا عارف الكلام ده.. إيه الجديد
زياد :إيه ده عارف ومقولتليش
سليم :كنت عاوزك تعرف بنفسك وتجبلي ورق يثبت الكلام ده، ولا انت ظابط في المخابرات بس بالإسم وملكش لازمة
زياد:لأ يا حبيبي انا مسمحلكش اتفرج وشوف انا هعمل إيه
سليم :اما اشوف يا اخويا...في حاجة كمان عاوزها منك
زياد :انا عارف انك متقدرش تستغني عني... عاوز إيه تاني
سليم :بطل لماضة يا زفت واسمع..أهل عشق
زياد :مالهم عاوز تعمل فيهم إيه تاني... دي الناس هت"مو*ت بين ايدك
سليم :المهم عاوزك تدور وراهم وتعرف كل حاجة عنهم وتتأكد إذا كانت عشق بنتهم ولا لأ بس مش عايز حد يعرف الموضوع ده غيري أنا وأنت
زياد :تمام بس هو انت شاكك إنها مش بنتهم
سليم :مش عارف بس حاسس انهم مخبيين حاجة
زياد :يومين وكل المعلومات تبقى عندك
سليم :تمام..
بعد فترة
سليم :إيه يا حبيبتي خلصتي لبس
عشق :اه بس هنروح فين
سليم :ما انا قولتلك مفاجأة.. يلا بقى
خرج سليم وعشق من المستشفى
وكان سليم قد أحضر لها الكثير من الأشياء فهو قد أخذها إلى الملاهي مرة أخرى وأيضاً ذهبوا لكي تشتري ثياب كثيرة... وذهبوا إلى السينما والمطعم وظلوا هكذا طوال اليوم
وعادوا في المساء.. وذهبوا إلى جناحهم وقد صلوا مع بعضهم وجلس سليم يرى بعض الملفات وكانت عشق تريد التحدث إليه ولكن
متردده ولكنها تشجعت
عشق :س... سليم
سليم :نعم يا روح سليم
عشق :بجد النهاردة من أحسن الأيام اللي شوفتها في حياتي
سليم :اوعدك يا عشق اني هخليكي مبسوطة وهعوضك عن كل حاجة وحشة شوفتيها في حياتك يا قلبي
عشق :طب لو سمحت انا كنت عاوزة اطلب منك طلب
سليم :انتِ تؤمري يا أميرتي
عشق :عاوزة ارجع الكلية
سليم :لأ
عشق بحزن :ليه يا سليم مش انت لسة قايلي اني اطلب اللي انا عايزاه
وانا نفسي ارجع الكلية
سليم :يا روحي انا مش قصدي ازعلك بس انتي لسة تعبانة ولازم تكوني مرتاحة
عشق :لأ والله انا كويسة وكمان هكون مرتاحة في الكلية بتاعتي ولا انت خايف من حاجة كمان
سليم :بصراحة أيوة خايف عليكي يا عشق منهم وانا حكتلك على كل حاجة وشوفتي هما عملوا ايه مع إنك كنتي في البيت، أنا الأول مكنش بيهمني يعملوا إيه، اما دلوقتي الوضع اتغير انا بقى خوفي كله متمثل فيكي انتي نقطة الضعف اللي ممكن يإذوني بيها وانتي لو حصلك حاجة انا همو*ت مش هقدر اعيش من غيرك
عشق :يا حبيبي ما احنا مش هنوقف حياتنا عشان خايفين منهم وكمان ربنا هيقف معانا ف متخافش وتوكل على الله وكل حاجة هتبقى كويسة
سليم :انتي قولتي إيه
عشق :كل حاجة هتبقى كويسة
سليم :لأ لأ اللي قبلها
عشق :توكل على الله
سليم :لأ برضو انتي قولتي يا إيه؟
عشق بخجل بعدما أدركت ما قالته :م... مقولتش
سليم :لأ والله قولتي انا متأكد
عشق :لأ يا عم دي تهيؤات
سليم :قولي قولتي إيه يا عشق
عشق :مش فاكرة
سليم بتمثيل :طب ماشي انا هنام برة لحد ما تفتكري
عشق بسرعة :يا حبيبي
سليم بإبتسامة :انا حبيبك
عشق :هااا؟؟.... إيه
سليم وهو يقترب منها :بقولك انا حبيبك
عشق :مش انت اللي كنت عايزني اقولك وانا قولتها عشان متزعلش
سليم :بس انتي قولتيها الأول
عشق :يووووو. بقي.. إيه ده
سليم بضحك :خلاص هسكت كفاية عليكي كدة بس المرة الجاية مش هسيبك
عشق:تصبح على جنة يا سليم.. يلا نام
سليم :انتِ هتنامي فين
عشق :هنام هنا
سليم :أيوة هنا اللي هو فين بقى
عشق :هنام هنا على طرف السرير
سليم :طب وانا هنام فين
عشق :على الطرف الثاني
سليم :نعم..؟؟!! وده من أمتي ان شاء الله
عشق :قصدك إيه
سليم :قصدي انك كنتي بتنامي في حضني ودلوقتي سايبة مسافة مترين بينا
عشق بخجل :ما هو يعني... أصل انا مش كنت بشوف وكان لازم حد يبقى جنبي عشان كنت بخاف من الضلمة، أما دلوقتي انا الحمدلله بشوف واقدر انام لوحدي
سليم :يعني انتي تشوفي ويطلع على دماغي انا لأ يا حبيبتي ولا تزعلي هطفي النور وهخليلك الأوضة ضلمة دلوقتي ولا تزعلي
أخذها سليم في حضنه، واطفاء كل الأنوار
عشق :سليم انت صاحي
سليم :لأ يا حبيبتي مستنيكي تسألي
قبل ما انام زي كل يوم
عشق :طب انت وافقت اني ارجع الكلية ولا لأ
سليم :ما انا قولتلك لأ
عشق وهي تنظر إليه:عشان خاطري يا سليم والنبي
سليم :لأ ومتبصليش كدة بعينك ونامي
فهمت عشق إنه يضعف أمام نظرة عيونها فابتسمت بمكر وزادت من نظراتها إليه وتقول بدلع :يعني انا مليش خاطر عندك ياسليم طب خلاص اعمل اللي انت عايزه بس انا زعلانة
ضعف سليم أمام نظرات عيونها وصوتها :خلاص موافق بس بشروط
عشق بسعادة :وانا موافقة
سليم :اسمعيها الأول
عشق :ماشي
سليم :هيبقى معاكي عربية بالسواق وعربيتين فيهم الحراس ومتتكلميش مع حد من الحراس ولا حد من الجامعة ولا تصاحبي حد، وتبعدي عن جنس الرجالة ده نهائي حتى لو الدكتور بتاعك ، ولو مش فاهمة حاجة تعالى وقوليلي وانا هشرح هالك تقوليلي ازاي.. انا هتصرف وهشرح هالك كويس،ولما ارن عليكي تردي على طول حتى لو جوة المحاضرة، مش هكرر كلامي تاني يا عشق تبعدي عن اي راجل، ومتمشيش جنبهم ولا حتى تتنفسي الهوا اللي بيتنفسوه، ولبسك يبقى كله واسع ومش عاوز شعرة من راسك تبان بره الحجاب، ومفيش ولا نقطة ميك اب تتحط على وشك مفهوم
عشق بخوف :مفهوم
سليم :انا عارف ان طبعي صعب ومفيش واحدة تقدر تستحمله بس صدقيني غصب عني انا مقدرش استحمل أن في بني آدم يبصلك حتى، ف سامحيني ومتزعليش مني
عشق :مش زعلانة
سليم :حبيبة قلبي انتي.. يلا نامي عشان تقومي فايقة.. تصبحي على جنة يا روحي
عشق :وانت من أهلها
#ملاكي_البريئ
#مريم_محمد#البارت 11
استيقظ سليم من النوم ولم يجد عشق بجانبه فغضب لأنها كانت لا تتحرك إلا عندما يستيقظ ويساعدها لكي تتوضئ ، كان يساعدها في كل شيء، أما الأن فهي لم تعد تحتاج إليه
عشق :إيه ده انت صحيت.. صباح الخير
سليم :صباح النور.....إيه ده انتي لابسة وجاهزة اهو
عشق :اه ما انا قومت بدري اتوضيت وصليت ولبست ويلا البس انت كمان، عشان ننزل نفطر قبل ما اروح الجامعة وانت تروح الشركة
سليم :طيب ماشي
عشق :مالك يا سليم هو انت في حاجة مزعلاك
سليم :لأ
عشق :مش باين عليك
سليم :بصي يا عشق انا بصراحة حاسس اني بقيت بعيد عنك من ساعة ما رجعتي تشوفي، متفهمنيش غلط انا فرحان جداً إنك رجعتي تشوفي، بس مضايق عشان مبقتش جزء من تفاصيلك وكل حاجة بتعمليها
عشق بدموع :طب انا عملت ايه
مسح سليم دموعها قائلاً :انا آسف ارجوكي متعيطيش انا اللي غبي ارجوكي متزعليش مني، انتي معملتيش حاجة بس أنا اهبل
عشق بضحك :خلاص ماشي
سليم :إيه ده انتي موافقة إني اهبل
عشق :مش انت اللي قولت كدة
سليم :امشي يا عشق.. امشي من قدامي بدل ما اتهور عليكي
عشق :انا مشيت اهو
ذهبت عشق إلى الكلية وهي تتذكر كيف تحدث سليم مع الحراس وتتذكر شروطه لها وتضحك عليه، ولم تخرج من أفكارها إلا على صوت صديقتها ليلي وهي تنادي عليها وتذكرت كلام سليم انها لا يجب أن تصاحب احد ولكن ليلي صديقتها الوحيدة
ليلي بصراخ :عشششششق
عشق :في إيه يا ليلي خرمتي ودني
ليلي:ما انا عمالة انادي عليكي بقالي ساعة وانتي سرحانة إيه اللي واخد عقلك يا جميل
عشق :لأ مفيش حاجة
ليلي:طب إيه العربيات اللي جاية معاهم دول، وكمان إيه كمية الحرس دي انتي هتبقى رئيسة الجمهورية ولا إيه
عشق :ظريفة انتي أوي... تعالي نقعد وهحكيلك.. وحكت لليلي كل شيء..بس يا ستي هي دي كل الحكاية
ليلي :يعني انتي دلوقتي متجوزة سليم التهامي
عشق :أيوة
ليلي :يا بختك والله
عشق :ليه يعني
ليلي :انتي بتهزري يعني انتي مش عارفة مين سليم التهامي، ده أصغر ملياردير على مستوى العالم وعنده فلوس لو فضل يصرف فيها هو واحفاده مش هتخلص، وكمان مُز وقمر وحليوة وأي بنت تتمناه
عشق بغيرة :خلاص خلاص يلا يا أختي على المحاضرة بدل ما نتهزق اصلاً إحنا اتأخرنا
ليلي :يلا
دخلت ليلي وعشق إلى المحاضرة ولكن الدكتور لم يبعد عينيه عن عشق، فهو معروف بأنه يحصل على اي بنت تعجبه، وجذبه جمال عشق وظل ينظر لها طوال المحاضرة
وعندما انتهت المحاضرة حاول أن يتحدث إليها
الدكتور :يا آنسة... يا آنسة
ليلي:حضرتك بتكلمني انا
الدكتور :لأ انا قصدي على الآنسة اللي جنبك
عشق :تقصدني انا
الدكتور :ايوة
عشق :حضرتك عايز مني إيه
الدكتور :عايزك
عشق :نعم؟؟!!.. إيه اللي انت بتقوله ده
الدكتور :كلكوا بتقولوا كدة في الأول
تعالى معايا يلا وبلاش الشويتين دول
ليلي :انت إنسان مش محترم وإحنا هنبلغ عنك عميد الكلية
الدكتور :انا مش بكلمك انتي وبالنسبة لصاحبتك ف هتيجي معايا بمزاجك أو غصب عنك.. ومسك ايد عشق وشدها بالعافية وهي عيطت وكانت خايفة بس اتشجعت وصرخت في وشه
عشق :انت إنسان قليل الأدب ولو ما سبتنيش انا همد ايدي عليك ف ابعد عني احسنلك
الدكتور :انتي اتجننتي انتي مش عارفة انتي بتكلمي مين طب تعالى بقي...ورفع ايده وضر*بها بالقلم
ليلي :انت اتجننت ازاي تمد إيدك عليها
الدكتور :طب تعالوا بقى يا انا يا انتوا في الكلية دي
ومسك ايديهم وراحوا على مكتب العميد
الدكتور :إيه اللي بيحصل ده في إيه يا دكتور وائل
وائل :الآنسة دي كانت بتحاول تغريني وكانت بتطلب مني اخدها معايا على بيتي ولما رفضت قالت اني مديت ايدي عليها
ليلي :كداب والله ده هو اللي طلب منها انها تروح معاه ولما رفضت ضر*بها بالقلم
وائل :الإتنين دول كدابين ولازم يتفصلوا انا دكتور معروف وليا سمعتي
العميد :يلا يا آنسة انتي وهي هتمضوا على ورق فصلكوا من الجامعة
عشق :لأ ليلي ملهاش دعوة انا السبب هي معملتش حاجة
ليلي :انا مش هسيبك لوحدك لو هي مشيت انا كمان همشي معاها بس خليك فاكر يا حضرة العميد ان إحنا معملناش حاجة
اما عند سليم فكان احد حراس عشق قد رن عليه لأنه رأي عشق تبكي وكان يريد أن يخبر سليم بهذا ولكنه لم يرد عليه، لأنه كان في اجتماع مهم وهاتفه صامت، ولكنه مسك هاتفه فجأة ورأى أن الحارس رن عليه كثير، ف شعر بالخوف والقلق ورن عليه سريعاً
سليم :في إيه انت رنيت عليا كتير ليه عشق حصلها حاجة
الحارس:سليم بيه إحنا شوفنا عشق هانم بتعيط وفي واحد مسكها من ايديها وسحبها جوة
سليم بعصبية وهو ينهض من مكانه:وانتوا وقفتوا تتفرجوا عليها
عارفين لو حصلها حاجة.. وذهب مسرعاً إلى الكلية
عشق :يا حضرة العميد والله هو كداب انا معملتش حاجة من اللي قال عليها دي
العميد:انتِ عارفة بتتكلمي عن مين، دكتور وائل من أشطر الدكاترة اللي في الكلية ومفيش ولا شكوة منه لحد دلوقتي
عشق ببكاء شديد :والله هو اللي طلب مني اروح معاه بيته وانا رفضت ومد ايده عليا
دكتور وائل :انتي لسانك طويل أوي وانا هقطعهولك تعالى بقى
وكان سوف يضربها مرة أخرى
ولكنه فجأة رأي أحد يدخل من الباب وخلفه عدد كبير من الحراس
سليم بغضب شديد :انت بتعمل إيه يا ابن ال..... انت عارف دي تبقي مين.. طب تعالى بقى
وائل :انت اتجننت انت ازاي تمد إيدك عليا، انت مش عارف انا مين
سليم :هو انت لسة شوفت جنان ده انا هوريك الجنان على أصله وميهمنيش اعرف انت مين
العميد :سليم باشا ازيك..اتفضل ارتاح
سليم :ارتاح إيه وزفت إيه ده انا هطربق الكلية دي على دماغكوا كلكوا
العميد :ليه يا باشا إيه اللي حصل
وائل :وحضرتك بقى متعصب على أساس إيه مش لما تعرف الموضوع تبقى تقول رأيك
سليم بسخرية:وايه هو الموضوع حضرتك
وفجأة دخل زياد عندما علم أن سليم حضر إلى الكلية
زياد :في إيه يا سليم إيه اللي حصل
سليم :استنى انت يا زياد مش وقتك خالص...وانت كمل كنت هتقول إيه
وائل :الآنسة دي عرضت عليا نفسهاوكانت عايزة تيجي معايا بيتي، ولما رفضت قالت اني ضربتها
ليلي :والله كداب متصدقهوش هو اللي عرض عليها انها تروح معاه ولما رفضت ضر*بها وبعد كدة مسكنا من أيدينا وكان عاوز يفصلنا من الجامعة
وائل :انتِ كدابة وشكلك زيها بتحبوا التهزيق
زياد في سره :يا قلب امك يا ابني ده انت لسة صغير على اللي هيحصل فيك..
#ملاكي_البريئ
#مريم_محمد
#البارت 12
بدأت عروق سليم تظهر من شدة الغضب، ونظر إلى عشق وجدها منهارة وهناك أصابع يد على خدها
سليم وهو يقترب من وائل قائلاً بصوت مخيف
سليم :عارف أنت لو كنت سكت كان
اكرملك من اللي هعمله فيك، أنا بقى بعد الكلام ده انا مستحيل اسيبك
وظل سليم يضر*به بشدة ولم يتجرأ احد على الإقتراب منه لانه كان غاضب وبشدة
كان وائل يصرخ من شدة الألم، وكان سيفقد الوعي ووقع على الأرض
سليم :لأ فوق وصحصح معايا كدة
ولا انت مبتسترجلش الا على النسوان.... يا حراس خدوه على المخزن وخلوا بالكوا منه كويس أوي
لحد ما اجيله
ذهب سليم إلى عشق واخذها في حضنه يحاول أن يهدئها
سليم :اهدي يا روحي خلاص محصلش حاجة انا معاكي ومفيش حد هيقرب منك اهدي
العميد بخوف :سليم باشا انا مكنتش اعرف ان الآنسة تبع حضرتك
سليم :مدام
العميد:إيه؟؟!!
سليم :مدام عشق سليم التهامي مراتي
العميد:انا.... انا والله ما كنت اعرف انها مرات حضرتك
سليم :من غير كلام كتير تعتبر نفسك مرفود من دلوقتي انا بلغتك قبلها عشان تلحق تلم حاجتك
خرج سليم من الكلية ومازالت عشق في حضنه، وكأنه يقول للجميع بأنها ملكه.. كان سوف يدخل السيارة ولكنه سمع صوت فتاة تنادي على عشق
ليلي :عشق استنى
عشق :انا كنت عاوزة اشوفك قبل ما امشي.... بجد يا ليلي انا مش عارفة اقولك إيه شكراً على وقفتك معايا
ليلي :إيه الكلام ده انتي هبلة إحنا اخوات قبل ما نكون صحاب... المهم كنت جاية اقولك إنك ترتاحي باقي الأسبوع في البيت وانا هبقي اقولك علي المحاضرات
عشق :تمام... ربنا يخليكي ليا
ليلي :ويخليكي ليا يا حبيبتي... هبقي اتصل اطمن عليكي.. باي
عشق :باي
ركب سليم وعشق السيارة وهو مازال يأخذها في حضنه رأسها على موضع قلبه تسمع دقات قلبه السريعة، ويزداد خوفها منه فهي لأول مرة تراه غاضب هكذا وفجأة
بصوت مخيف هادئ
سليم :مين اللي كنتي واقفة معاها دي
عشق بخوف :دي... دي ليلي صاحبتي
سليم :هو انا مش قولتلك مش عاوزك تصاحبي حد ولا تقربي من حد
عشق :أصل ليلي صاحبتي من زمان
حتى من قبل ما نتجوز وبعدين انا بخاف ابقى لوحدي
سليم :ابقى اشوف موضوع ليلي ده بعدين، احكيلي إيه اللي حصل
قالت له عشق كل ما حدث بالتفصيل
وشعرت عشق بسرعة تنفس سليم من شدة الغضب ف ارتعبت منه أكثر
وهو لم يتحدث ولكنه في قمة غضبه ويشعر أنه إذا كان ذلك الدكتور أمامه لقتل*ه
عشق :س.... سليم
سليم بصراخ :اخرسي مش عايز اسمع صوتك
عشق بدموع :طب انا عملت ايه
سليم :قولتلك اخرسي
حاولت عشق أن تبتعد عن حضنه فهو لم يتركها منذ أن جلسوا بالسيارة، ولكنها لم تستطع فهو ممسك بها وبشدة
سليم :متتحركيش ولا تبعد عني انتي فاهمة
عشق :مش انت زعلان مني حاضني ليه
سليم :انا اعمل اللي انا عايزه ومهما يحصل بينا متبعديش عن حضني
عشق :يعني دي أوامر والمفروض انفذها صح حتى لو غصب عني
سليم :أيوة بالظبط كدة
عشق بدموع:بس انا مش خدامة يا سليم
سليم :انا اعمل اللي انا عايزه ومش عاوز كلام كتير
وصلوا إلى البيت وصعدت عشق إلى
الغرفة تبكي على معاملة سليم لها
أما هو فقد ذهب إلى المخزن لكي يفرغ غضبه في ذلك الدكتور، دخل سليم المخزن وجده على الأرض مرهق من شدة ضربه
سليم :إيه ده انت هتنام ولا إيه
وائل :انت عاوز مني إيه
سليم :انت ضربتها بانهي ايد فيهم اليمين ولا الشمال
وائل بخوف:قولتلك مضربتهاش
سليم :تؤتؤ كدة هزعل منك يا لولو
وبعدين هي ماما مقلتش ليك أن الكداب بيروح النار ولا إيه
وائل :وانا هكدب عليك ليه يعني، وبعدين ما هي ماشية معاك اهي ولا عشان انت اني ومعاك فلوس ف عادي وانا تبقى معايا محترمة
قام سليم وضر*به بشدة
سليم :دي مراتي يا غبي...وممكن اقت*ل بد"م بارد عشان مشوفش دموعها، شوف بقى انت عملت ايه
انت اكيد ضربتها باليمين
وفجأة كس*ر له زراعه
وائل:اااااااااه... كفاية ارجوك خلاص مش قادر
سليم :انا مش هقتل*ك بس هخليك تعيش طول عمرك عاجز علشان متقدرش تلمس أي بنت برضاها أو غضب عنها، شوفت آخرة وساخت*ك عملت فيك ايه، ومستحيل جامعة تقبلك اصل انا وصيت عليك في مصر وبرة مصر
خرج سليم ومعه صديقه زياد متجاهلين خوف أهل عشق
سليم :بتضحك على إيه يا زفت
زياد :الصراحة عمري ماكنت اتخيل ان سليم التهامي يخرج من اجتماع مهم بالطريقة دي وساب كل حاجة
سليم :ما تولع كل حاجة دي مراتي انت اتجننت
زياد :اووووه.. انا انبهرت بيك، المهم انا جبتلك كل المعلومات اللي طلبتها
عن بنت عمك، وبالنسبة لموضوع أهل مراتك ف انا لسة بدور
سليم :تمام
زياد:مالك يا سليم انت مدايق من حاجة
سليم :اسكت يازياد انا عكيت وبهدلت كل حاجة
زياد :إيه اللي حصل
سليم :صرخت على عشق واتنرفزت عليها وهي ملهاش ذنب، بس انا كنت متعصب ومش شايف قدامي
اكيد زعلانة مني أوي ومش هترضي تسامحني وانا مش عارف هعمل إيه
زياد :بصراحة يا سليم انت غلطان
سليم :هو انا بقولك الكلام ده عشان تقولي انت غلطان ما انا عارف اني زفت غلطان، شوفلي حل
زياد :انت مفتري وتستاهل كل اللي يجرالك
سليم :غور يازياد غور من وشي بدل ما ابوظلك خريطة وشك
زياد :طب يا عم.. بقولك هي مين البنت اللي كانت مع مراتك النهاردة دي
سليم:اه فكرتني عاوزك تشوف البنت دي وتعرف كل حاجة عنها
زياد :ليه هو انت شاكك فيها ولا إيه
سليم :لأ عادي بس هي قريبة من عشق وعايز اطمن على مراتي من أي حد مش اكتر.. ف شوف أحوالها كدة
زياد :تمام
سليم :بس انت بتسأل عليها ليه هي عجبتك
زياد :لأ... إيه الكلام اللي بتقوله ده
سليم :خلاص هعمل نفسي مصدقك
زياد :انا ماشي يا عم وانت اطلع شوف هتصالح مراتي ازاي
سليم:يارب ترضى تصالحني بس
زياد بضحك:ربنا معاك
سليم :امشي يازياد
دخل سليم الغرفة ووجد عشق نائمة
وأثر الدموع على خدها، فزاد بداخله شعوره بالندم ووجعه قلبه عليها اقترب منها حتى يمسح دموعها ف استيقظت لأن خدها مازال يؤلمها بسبب ضرب الدكتور
سليم :هو لسة بيوجعك
عشق :هو ايه ده
سليم :خدك لسة بيوجعك
عشق :لأ
سليم :مبتعرفيش تكدبي على فكرة
عشق :.....
سليم :عشق انا....
عشق :لو سمحت انا تعبانة وعاوزة انام
سليم :طب اتصل بالدكتورة
عشق :لأ. انا بس عاوزة انام
سليم :طب ممكن اتكلم معاكي خمس دقايق بس
عشق :لأ
سليم :انا اسف
عشق :حضرتك انا مش زعلانة من حد، ومليش حق ازعل يعني انت بتصرف عليا وبتجبلي أي حاجة من ما اطلب وساعدتني كتير ف عادي بقي هزعل منك ازاي انا هخرس ومش هتسمع صوتي الا لما حضرتك تطلب مني اتكلم
سليم :عشق
عشق :نعم يا سليم بيه
سليم :لأ يا عشق ارجوكي متعمليش معايا كدة انا مش هقدر استحمل طريقتك دي انا بعاملك على أساس أن انتي بنتي مش مراتي،ف اعملي فيا اللي انتي عايزاه بس متتعامليش معايا كدة لو سمحتي يا عشق
عشق بدموع :انت كداب لو كلامك ده صح مكنتش صرخت عليا بالطريقة دي عارف أنت حسستني بإني مليش قيمة خالص، بس انت معاك حق المفروض كل واحد يعرف مقامه، تصبح على خير يا سليم بيه
وتركت عشق السرير واتجهت إلى الأريكة كي تنام عليها
أما سليم فقد خرج من القصر كله
"بعد مرور بعض الوقت "
ذهب سليم إلى القصر ودخل الغرفة ووجدها نائمة على الأريكة فجلس على ركبتيه ينظر إليها ويبكي بشدة
أما هي ف استيقظت على صوت بكائه، ونظرت له ورق قلبها، لا تعلم لماذا يؤلمها قلبها عليه
سليم ببكاء:عشق
عشق :نعم يا سليم عاوز ايه
سليم :عاوز انام
عشق :طب وانا مالي ما تروح تنام على السرير عندك اهو
سليم :انتي عارفة اني مش بعرف انا إلا في حضنك
عشق :سليم انا قو....
سليم:ارجوكي يا عشق اعملي اللي انتي عايزاه فيا انا استاهل كل ده بس بليل خديني في حضنك لو سمحتي
نفذت ما طلبه منها سليم وذهبت معه إلى السرير واخذها سليم في حضنه
سليم :عشق انا......
عشق :نام يا سليم
سليم :والله ما كان قصدي ازعلك، والنبي يا عشق متزعليش مني انا مليش غيرك، شعر سليم بدموعها فرفع رأسها إليه ومسح دموعها
سليم :متعيطيش انا مستاهلش دموعك دي انا آسف يا قلب سليم
ارجوكي سامحيني يا عشق
عشق :خلاص يا سليم مش زعلانة
سليم :لأ انتي لسة زعلانة
عشق :والله ما زعلانة خلاص انسى الموضوع
سليم :لأ انا عاوز اتأكد إنك مش زعلانة
عشق :وهتتأكد ازاي
سليم :بوسيني يلا
عشق :انت.... انت قليل الأدب وانا غلطانة اني كلمتك ابعد كدة
سليم بضحك:خلاص خلاص متزعليش كدة هبوسك انا
وقبلها من خدودها بحُب وحنان
عشق بخجل:مش انا قولت إنك قليل الأدب تبقى فعلاً قليل الأدب
سليم :انا قليل الأدب معاكي انتي بس... تصبحي على جنة يا ملاكي
عشق :وانت من أهلها
بعد فترة
عشق :سليم انت لسة صاحي
سليم بضحك :انا مش عارف لو كنتي فضلتي مخصماني كنتي هتسألي مين قبل ما تنامي، قولي يا آخرة صبري
عشق :هو انت هتخليني ابعد عن ليلي
سليم :ليه بتقولي كدة
عشق :عشان انت قولتلي مش عاوزك تصاحبي حد
سليم :يا حبيبتي انا مقولتش الكلام ده عشان اتحكم فيكي،أنا بس خايف عليكي
عشق :متخافش والله ليلي كويسة
وانا عارفاها من زمان وهي جدعة، دي حتى كانت هتتفصل من الكلية بسببي
سليم :باين عليها جريئة وانتي جبانة أوي وعيوطة
عشق :وده ليه بقى ان شاء الله
سليم :انتي مشوفتيش نفسك النهاردة ولا إيه كنتي خايفة وساكتة وعمالة تعيطي، وهي اللي كانت بتتكلم
عشق بحزن :عشان انا متعودتش اتكلم انا علي طول ساكتة، لاني كل انا كنت أحاول اتكلم كانوا بيخلوني اسكت
سليم :انا اسف يا روحي،أحيانا بحس إني مش مظبوط
ضحكت عشق بقوة وسليم ينظر لها بعشق
سليم :الله يخربيت ضحكتك اسكتي ومتضحكيش تاني علشان انا مش بعرف اتحكم في نفسي، وبعدين استنى انتي بتضحكي عليا
عشق :مش انت اللي قولت على نفسك كدة
سليم :لأ مقولتش كدة انا قولت احيانا بحس... نامي يلا عشان ترتاحي النهاردة كان متعب عليكي
عشق :خلاص هنام اهو
سليم وهو يضمها اكثر:نامي يا قلب سليم
حل الصباح واستيقظ سليم وترك عشق نائمة وذهب إلى النادي وفجأه ظهرت امامه فتاة
البنت :مش تفتح يا اعمي
سليم:انا اسف
البنت :ايه ده سليم التهامي
سليم :انتي عارفاني
البنت:اه ده انا من اشد المعجبين بحضرتك
سليم :شكراً ليكي جدا واسف على الخبطة
البنت :لأ ولا يهمك انا اللي اسفة اني قولت عليك أعمى مكنش قصدي
سليم :لأ عادي.. اسمك ايه
البنت :هايدي... اسمي هايدي
سليم :اتشرفت بمعرفتك يا هايدي
هايدي :انا اللي ليا الشرف والله
سليم :طب عن إذنك
هايدي:ممكن اخد رقم حضرتك.. قصدي يعني إحنا يعتبر نبقى صحاب دلوقتي
سليم :اه طبعاً اتفضلي
هايدي :شكراً جداً
سليم :العفو... باي
هايدي:باي
ذهب سليم وظلت هايدي تفكر به وتقول:أخيراً قابلتك يا سليم بس انت معرفتنيش مش مهم يا حبيبي، إحنا افترقنا من وإحنا صغيرين بس دلوقتى هرجعلك يا حبيبي
أما سليم فرجع إلى منزله ووجد زياد
زياد :إيه يا عم إيه اللي اخرك كدة
سليم :مش كنت بظبط الشغل
زياد:هي الصنارة غمزت ولا إيه
سليم :أيوة تقدر تقول كدة وهي زي العيلة صدقت اني معرفهاش وطلبت رقمي وبقينا صحاب كمان.
زياد :ده انت سريع جداً
سليم :طبعاً معنديش وقت اضيعه
زياد :طب المهم انا شوفت البنت صاحبة مراتك دي كل حاجة كويسة وعايشة مع أبوها واخوها ومامتها، وابوها وكل حاجة تمام وناس كويسة
سليم :طب تمام حلو أوي
زياد :بس....
سليم :بس إيه
زياد :انت طلبت مني ادور ورا أهل مراتك
سليم:انت عرفت حاجة ولا إيه
زياد :اه عرفت
سليم :عرفت إيه ما تتكلم على طول يا زياد
زياد :بص يا سليم انا دورت وراهم
من أول ما اتولدت عشق زي ما طلبت بس قبل ما تتولد امها بعد ما اتجوزت أبوها أطلقت منه بس كانت مخلفة اخوها اللي اسمه احمد ده وتقريبا كدة كانوا عايزين يرجعوا لبعض تاني، بس محتاجين محلل
وفعلاً اتجوزت من الراجل اللي كان جوزها شغال عنده بس في السر وبعد كدة أطلقت ورجعت لجوزها تاني بس الغريب إنها بعد ما رجعت لجوزها خلفت عشق مراتك بعد سبع شهور
سليم :قصدك أن عشق ممكن تكون بنت جوزها التاني
زياد :اه بس لو دي الحقيقة هتبقى نصيبة
سليم :ليه
زياد :عشان جوزها التاني عمك عثمان
سليم :انت بتقول إيه
زياد :للأسف هي دي الحقيقة لأنهم كانوا شغالين عند عمك عثمان من زمان وتقريبا هما اللي طلبوا منه انه يتجوز أم مراتك لما أطلقت عشان جوزها يقدر يرجع لها تاني والموضوع ده كان في السر يعني مفيش حد عرف بالجواز ده غيرهم والورق اللي يثبت الكلام ده معاك اهو
سليم :يعني عشق ممكن تكون بنت عمي عثمان، ممكن تكون بنت الراجل اللي قت*ل امي وضيع عمري في السج*ن
زياد :اهدي ياسليم إحنا لسة مش متأكدين
سليم :طب هنتأكد ازاي
زياد :تحليل DNA ونقدر نعرف الحقيقة
سليم :لأ هو انا لسة هستني التحليل
زياد :اومال هتعمل ايه
سليم :اكيد امها هي اللي عارفة الحقيقة.. لازم اعرف الحقيقة النهاردة
زياد :اهدي ياسليم.....سليم استنى.. سليم
ذهب سليم إلى المخزن وأمر رجاله بأن يحضروا ام عشق في غرفة منعزلة عن الجميع
الأم (سامية) :انت عاوز مني إيه
سليم :هسألك سؤال لو جاوبتي عليه بصراحة هسيبك انتي وجوزك وابنك
بس لو كدبتي هدفنك*وا هنا
سامية:سؤال إيه
سليم :مين ابو عشق الحقيقي
ساميةبإرتباك :إيه اللي انت بتقوله ده مين اللي قالك ان محسن مش أبوها
سليم :بس انا مقولتش انه مش أبوها، أنا سألتك مين أبوها
سامية:هيكون مين يعني... محسن جوزي
سليم :خليكي فاكرة اني قولت لو كدبتي عليا هقتلك*وا
سامية بخوف:وانا هكدب عليك ليه،
وبعدين لو هي مش بنت محسن هتكون بنت مين يعني
سليم:هتكون بنت جوزك التاني مثلاً
سامية :إيه اللي انت بتقوله ده انا اتجوزت محسن وبس
سليم :يعني عثمان التهامي مش جوزك التاني
سامية:انت عرفت الكلام ده منين
سليم بصراخ:انا مبحبش الكدب وانا هنا اللي أسأل وانتي تجاوبي وبس، هتتكلمي ولا تمو*تي
سامية:لأ لأ هتكلم خلاص بس سيبنا في حالنا
سليم :سامعك.. قولي بقى عشق بنت مين
سامية:عشق بنت عثمان بيه
وقع الكلام على سليم كالصاعقة
وقام بكسر كل شئ يجده أمامه
وفجأه دخل زياد وأخرج سامية
وحاول أن يهدئ صديقه
زياد :اهدي ياسليم... استهدي بالله بس كدة.. وإحنا هنلاقي حل بس انت اهدي
سليم بصراخ :اهدي ازاي قولي اهدي ازاي... البنت الوحيدة اللي حبيتها في حياتي تطلع بنت اكتر إنسان بكرهه
زياد :اهدي ياسليم هي ملهاش ذنب
سليم :يعني امي اللي كان ليها ذنب،أنا اتحرمت من امي ومن طفولتي بسبب أبوها يا زياد، هعيش معاها انا ازاي بعد كدة... كل اما ابصلها هفتكر كل اللي عمله أبوها فيا
زياد :يا سليم هي متعرفش انه أبوها حتى
سليم :بس هيجي يوم وتعرف
زياد :انا رأيي إنك تنسى الكلام ده وتكمل حياتك معاها زي ما هي ماشية
سليم :مش هقدر يا زياد مش هقدر
زياد :طب انت ناوي تعمل ايه
سليم :مش عارف
زياد :طب فكر كويس يا سليم عشان متخدش قرار تندم عليه وافتكر أن مراتك ملهاش ذنب هي مظلومة زيك بالظبط، أنا آسف مضطر اسيبك دلوقتي عشان عندي مأمورية وهرجع كمان اسبوع كدة
سليم :ولا يهمك ترجع بالسلامة
زياد :عشان خاطري يا سليم قبل ما تاخد اي قرار فكر كويس
سليم :حاضر
ذهب سليم إلى الغرفة ووجد عشق مندمجة في الرسم ولم تلاحظه عندما دخل، أما هو فظل ينظر لها ويفكر ماذا سوف يفعل، وقاطع تفكيره صوت عشق
عشق :سليم انت جيت...صباح الخير
سليم :صباح النور
عشق :انا قومت الصبح ملقتكش جنبي وسألت دادة أحلام عليك قالتلي إنك في النادي ف قولت اسلي وقتي وارسم شوية وحاولت ارسمك، شوف كدة والله فيها شبه كبير منك
سليم :........
عشق :.........
سليم :نعم
عشق :انت مقولتش رايك في رسمتي ليه.
سليم :علشان انا مش فاضي للكلام الفارغ بتاعك ده، انتي عاوزة مني إيه.. ابعدي عني بقى كفاية كدة انا تعبت
عشق ببكاء:انا آسفة
سليم :هعمل انا ايه باسفك ده، آسفك ده هيرجع امي من الموت ولا هيرجع سنين عمري اللي ضاعت في السج*ن
عشق :طب انا ذنبي إيه في كل ده
سليم :لما هو مش ذنبك اومال ذنب مين
عشق :انا مش فاهمة حاجة، قولي انا عملت ايه خلاك تضايق مني
سليم :.........
عشق :انت مش بترد عليا ليه
آن هاتف سليم وكان المتصل هايدي
وتحدث معها وحددوا ميعاد لكي يخرجوا سويا كل هذا أمام أنظار عشق التي ظنت أن سليم يحب الفتاة التي تحدث معها
عشق بغضب:مين اللي كنت بتتكلم معاها دي
سليم :نعم؟؟!!
عشق :بقولك مين دي اللي اتفقت معاها إنك تقابلها
سليم :وانتي مالك
عشق بدموع :انت بتعاملني كدة ليه انا عملتلك إيه
سليم :انا ماشي
عشق ببكاءوصراخ :سليم.... استنى ياسليم. مش هتمشي الا لما ترد عليا...سليييم
#ملاكي_البريئ
#مريم_محمد
بداية الروايه من هنا 👇👇👇
تعليقات
إرسال تعليق