الحائره
من البارت الاول حتي الخامس والاخير
في احدي المدن بمحافظه الشرقيه كان في بنوته اسمها رهف عندها 26سنه كانت عايشه مع باباها ومامتها وليها اخت اصغر منها بسنتين ومتجوزه ومخلفه امير وروان
ام رهف: رهف يلا قومي يابنتي علشان نصلي الفجر
رهف بنعاس: طب خمسه بس يا ست الحبايب وهصحي لوحدي
الام بعصبيه: يلا يا بت قومي ابوكي هيقوم الصلاه وترجعي تزعلي
رهف قامت مسرعه من السرير: ثواني بس اتوضي
الام: ماشي بسرعه
رهف قامت اتوضت وصلت فرضها مع ابوها وامها وبدات في تحضير ادواتها ومراجعه الحصص ودا لانها شغاله مدرسه تاريخ بأحدي المدارس وكانت تتعجب من قصه( الف ليله وليله وهي كانت عارفه ان الست تقدر تعمل اي حاجه بالذكاء زي شهرزاد كده) وخرجت رهف بدري للمدرسه بوجهها البشوش وابتسامتها الجذابه اللي تجعل اي شاب يقع في حبها من النظره الاولي ولكن هي ترفض الارتباط بأي شكل من الاشكال لانها في مجتمع لا يقدر المرأه ويهيناها بكل الاشكال وبدات اول حصه لها بس في مدرس معجب بها جدا استناها للحد لما خلصت الحصص بتاعتها ونده عليها
محمود: استاذه رهف استاذه رهف
رهف: نعم يا استاذ محمود في حاجه
محمود بنظره كلها حب: كنت عاوز اجي اشرب شاي مع والدك النهارده
رهف بتفهم: انا اسفه يا استاذ محمود بس انا مش بفكر في الموضوع دا نهائي
محمود بصدمه: ازاي مش بتفكري في الموضوع دا
رهف: بصراحه عندي اسبابي اني مش عاوزه اتجوز نهائي وكل واحد حر
محمود: تمام يا استاذه رهف عن اذنك
وكملت رهف طريقها الي المنزل واول لما دخلت شافت ولاد اختها امير وروان وهما بيجروا عليها بالاحضان وبدالت رهف لهم الحضن وفضلت تلعب معاهم لحد لما حست ان امير عاوز فانوس بما ان بكره اول ايام شهر رمضان المبارك بس رهف في الوقت دا كانت معهاش فلوس لاننا في اخر الشهر بس افتكرت ان الفانوس بتاعها هي واختها لسه ابوها محتفظ بيهم وجريت علي ابوها
رهف: بابا هم الفوانيس بتاعتي انا واختي فين
الاب بتذكر: في الصندله استني اقوم اجيبها
وراحت هي وابوها فتحوا الصندله ولكن ابوها تلفونه رن وخرج برا البيت ورهف فضلت تدور ولقت فوانيس كتير اوي من ايام اجدادها وادت لروان وامير الفوانيس بتاعتها هي واختها وفرحوا بيهم اوي ولكن كان فيها تراب كتير وفضلت تمسح في الفوانيس بس في واحد مش راضي يتمسح وفضلت تحاول لحد ما.....
تفتكروا اي اللي هيحصل...؟!
اعذروني لو في حاجه اول مره اكتب 🙂
#الحائره
البارت التاني من روايه الحائره
Asmaa Wael 💜✨
صل علي النبي ♡
كنا واقفين لحد لما رهف كانت بتمسح الفانوس
رهف: يادي النيله ياني هو مش راضي ينضف لي
وفجأه الفانوس اتحرك من ايد رهف وهي كانت في حاله صدمه وزهول وفضل النور يقيد ويطفي لمده ثواني وطلع منه حد كبير وكل دا تحت صدمه رهف
الجني: شبيك لبيك خدامك عفركوش بين اديكي
رهف بصتله كده وفضلت تضحك جامد
الجني بصلها بأستغراب: انتي ازاي بتضحكي كده انتي مش خايفه مني زي اللي قبلك لما عملوا
رهف بابتسامة: لا
الجني بأستغراب: ازاي دا.؟!
رهف: اصل انا بحب القراءة وبصراحه قراءت عنك كتير اوي فعلشان كده انا مش خايفه 😌
الجني بتفهم: طب انتي عارفه انا هنا بعمل اي وجاي لي
رهف بابتسامة: بصراحه اه بس هعمل نفسي معرفش انت عاوز تقول اي واتفضل قول انت علشان هيبتك وكده يا كبير
الجني بصلها كده وقال في باله: هي اي البت دي
الجني: شبيك لبيك خدامك بين اديكي انتي دلوقتي ليكي عندي تلت امنيات بس وانا عليا انفذ كل اللي تقوليه
رهف بفرحه: الله 😂 اي تلت امنيات.؟!
جني: بس في تلت شروط
رهف: اي هما.؟
جني: اني مش هقدر ارجع حد من الموت ولا اقدر اخلي حد يحب حد ولا اقدر اعمل سحر لحد
رهف: طب استني افكر في الامنيه الاولي من بين كل الامنيات اللي عندي بعد وقت اي دا انا اول مره في حياتي اكون حيرانه كده
الجني: بصي حواليكي وانتي هتعرفي
وفضلت رهف تفكر لحد لما جاتلها فكره
رهف: تمام يا جني انت جاهز للامنيه الاولي
الجني: انتي تطلبي بس
رهف: تمام وبصت علي كتاب الف ليله وليله
رهف: جني انا عاوزه اروح الزمن اللي كان فيه الملكه شهرزاد والملك شهريار
الجني: بس دا صعب
رهف برفع حاجه: اي يا كبير مالك هو في حاجه تصعب علي الجني بردوا 😉
الجني: لا طبعا بس
رهف: مبسش ولا حاجه عاوزه اروح هناك ولو حتي اسبوع واحد
الجني بعدم تصديق: اسبوع واحد بس يا مولاتي
رهف بتهزر راسها بنعم: ايوا اسبوع واحد بس
الجني: طب جاهزه علشان نحقق اول امنيه
رهف بفرحه:اه😂
وفجأه لقيت نفسها في اوضه شهريار وشافت جمال الغرفه والحاجات الثمينه اللي فيها وفرحت اوي وفضلت تتمشي فيها وهي فرحانه وفجأه صوت من وراها
/انتي مين وازاي تدخلتي الغرفه بتاعتي
اي اللي هيحصل مع رهف....؟!
وياتري شهريار هيموتها ولا لا.؟
دا اللي هنعرفه البارت الجاي
Asmaa Wael 💜✨
#الحائره
البارت الثالث.
Asmaa Wael 💜✨
كنا واقفين لحد لما حد دخل علي رهف
شهريار: انتي مين وازاي تدخلي الغرفه بتاعتي
رهف فضلت واقفه مكانها من الصدمه
شهريار: انا لما اكلمك لازم تبصيلي انا الملك شهريار
رهف لفت وفضلت ساكته من الصدمه
شهريار: اه انتي بقا شهرزاد اللي كنتي مختفيه عني
رهف: لا رد
شهريار: انطقي انتي خرسه
رهف: ايوا انا
شهريار: وكنتي مختفيه لي انتي مش عارفه اني هقدر اجيبك من اي مكان انا الملك وميصعبش عليا حاجه
رهف: طبعا يا مولاي
شهريار: اومال كنتي متخفيه لي.؟!
رهف: علشان كنت بساعد ابويا المريض في العمل
شهريار:وانتي بقا كنتي بتساعديه في اي وانتي بنت
شهرزاد:كنت متخفيه في ملابس رجل وبشتغل تاجر في السوق.
شهريار: وانتي عارفه عقاب الخاين اي معايا.؟
شهريار: مسرور يا مسرور
دخل مسرور
مسرور: امرك يا مولاي
شهريار: اقتل العم رضوان والد شهرزاد علشان دا خاين
رهف: لا يا مولاي متقتلوش وانا هديك كنز
شهريار: واي هو الكنز.؟
رهف بصت علي مسرور فهم
شهريار هي عاوزه اي
شهريار: انصرف انت يا مسرور دلوقت
مسرور: امر جنابك
شهريار: قولي يا شهرزاد اي هو الكنز.؟
رهف: طب استرخي يا مولاي
شهريار بعصبيه: انتي بتامريني
رهف: لا سمح الله يا مولاي
شهريار: اومال بتقولي كده لي
رهف: يا مولاي انا عارفه انك في الفتره دي بتعاني من الارق ومش بتعرف تنام علشان كده عاوزاك تسترخي وهو هيروح
شهريار بندهاش: انتي عرفتي ازاي وازاي هتعرفي تخليه يروح دا كل الحكماء عملوا تجاربهم و معرفوش يعافوني من المرض دا
رهف: دي مصادري الخاصه يا مولاي وبعدين اسمع كلامي بس وانت هترتاح
شهريار: ماشي يا شهرزاد
ياتري هتعرف شهرزاد انها تعالج شهريار؟؟
وياتري اي هو الكنز
دا اللي هنعرفه البارت الجاي
بقلمي( اسماء وائل) 💜✨
روايه الحائره
البارت الرابع
كنا واقفين لما رهف قالت لشهريار انها هتديله كنز.
رهف: كان يا مكان في قديم الزمان
شهريار بعصبيه: اي دا احنا هنلعب ولا اي
رهف: اسمع مني بس مش انت عاوز الكنز
شهريار بتعجب: اه
رهف بابتسامة: خلاص اسمع بقا
شهريار بقله حيله: لما نشوف اخرتها
رهف: كان يا مكان في قديم الزمان كان فيه اميره بنت جميله اوي عايشه في قصر هي وابوها الملك وامها الملكه ومكانش لابوها غيرها ودا يدل انها بتكون الوريثه الشرعيه له
شهريار: كملي
في المملكه دي كان في قوانين صارمه اوي اللي هي ممنوع التعامل مع اي حد بشرته سودا وكانوا بيخدوهم عبيد لهم واهم حاجه هو الشكل والمال وكان في تفريق بين طبقات المجتمع وكانت الفئه العليا بتستحقر الفئه الدنيا جدا وكانوا بيتكلموا مع الخدم بتاعهم بستحقار واساءه شديدة وهما ميعرفوش انهم كلهم سواسيه عند ربنا «لو كان الشكل والجسم اهم من الروح، لما كانت الروح تصعد اللي السماء والجسم يدفن تحت التراب فكم من مشهوراً في الارض مجهولاً في السماء وكم من مجهولاً في الارض معروفٌ في السماء، المعيار التقوي وليس الاقوي فأن اكرمكم عند الله اتقاكم» وكان في يوم حفله خطوبه بنت اخوه الملك علي ابن ملك من بلد مجاوره لبلدهم ولكن القوانين في البلد دي مختلفه خالص عن بلد الملك حازم في هناك احترام ومفيش تفريق خالص بين الفئات وتقدير للخدم علي تعبهم مع الملوك. كلهم فضلوا يجهزوا علشان الحفله تطلع علي اكمل وجهه وفي نفس الوقت دا في شاب وسيم اوي في مقتبل الثلاثين من عمره ولكن هو كان ابن السائق الخاص بالعريس وكان صاحب العريس اوي
ــــــــــــــــ
العريس اسمه فارس
العروسه اسمها منار
الاميره اسمها تاج
ابن السائق اسمه محمود
السائق اسمه عمر
الملك ابو العريس اسمه مختار
الملك ابو تاج اسمه حازم
ام تاج اسمها فريال
ام العروسه نجوي
ابو العروسه هيثم
ـــــــــــــــــــ صل علي سيدنا محمد 🌺
فارس:عم عمر يا عم عمر
عم عمر: امر جنابك
فارس: متقوليش كده يا عم عمر انا زي ابنك محمود بالظبط وانت في مقام والدي بالظبط
عم عمر بابتسامة: ربنا يخليك يا ابني ويفرحك
فارس بابتسامة: يا رب يا عم عمر انت متعرفش ابنك فين
عم عمر باستغراب: مش كان معاك يابني هيكون راح فين.؟
فارس بزهق: معرفش انا قولتله يروح يشوف الخياط الملكي علشان يجيب طقم الحفله منه ومجاش
عم عمر: معرفش يا ابني بس هروح الدور عليه
فارس: تمام بس بسرعه
عم عمر: حاضر يابني
ــــــــــــــــــــــــ صل علي سيدنا محمد 🤎
رهف بتبص علي شهريار لقته بدا يغمض عينه
رهف: نام دلوقتي يا مولاي وانا هكملك باقي القصه بكره اصلها كبيره اوي ومش هتخلص في ليله واحده
شهريار: اه صح عندك حق انا عاوز انام اوي
رهف بابتسامة: شوف انت دلوقتي مش حاسس بارق ازاي
شهريار باستغراب: اي دا انا بجد من حاسس بحاجه
رهف بابتسامة: يلا تصبح علي خير
شهريار كان في سابع نومه رهف فضلت تضحك ونامت هي كمان من التعب.
ياتري محمود هيكون فين؟
واي اللي هيحصل في الحفله؟ دا اللي هنعرفه البارت الجاي
عاوزه تفاعل كتير علشان انزل الباقي 🙂
روايه الحائره
البارت الخامس
صلوا علي محمد 🌺
في صباح يوم جديد استيقظ شهريار من نوم عميق وملقاش شهرزاد جمبه استغرب منها وانها ازاي خرجت من غير لما تأخد اذنه
شهريار بغضب /مسرور انت يا زفت
دخل مسرور بسرعه /امر جنابك يا مولاي في حاجه
شهريار /شهرزاد فين
مسرور /خرجت يا مولاي عند البحيريه الملكيه
شهريار /تمام خلي الخدم يجهز ملابسي
مسرور /امر جنابك
دخلوا الخدم الاوضه علشان يجهزوا شهريار
شهريار /كتروا من المجوهرات عن كل يوم عاوز اطلع احسن من كل يوم
الخدم /امر جنابك
جهز شهريار وكان قمر اوي ونزل عند البحيره علشان يشوف شهرزاد وكانت شهرزاد قاعده علي حافه البحيره وبتغني ولما سمع صوتها اندهش شهريار من جمال صوتها
شهريار بابتسامه /اي الجمال دا
شهرزاد بكسوف /شكرا
شهرزاد /تعالي اقعد جمبي واتفرج علي جمال الطبيعيه
شهريار بقله حيله /حاضر
بعد مرور بعد الوقت في صمت تام كسر شهريار هذا الصمت بسؤاله
شهريار /طب محمود طلع فين لما الامير فارس كان عاوزه
شهرزاد /خليها لما الشمس تغيب علشان متشعرش بالارق
شهريار /عندك حق
شهرزاد ابتسمت ابتسامه رقيقه وقالت/طبعا طبعا
شهريار وقد جذبه ابتسامتها الرقيه /انتي جميله اوي
شهرزاد وقد ضحكت ضحكه انوثيه /اكيد مش هيجي جمب جمالك ولا طلتك حاجه يا مولاي
شهريار بغرور /اكيد ما انا الملك
شهرزاد بصوت منخفض /مغرور ومتكبر
شهريار /بتقولي حاجه
شهرزاد بتلبك /ه ولا حاجه
شهريار /طب انا هروح عند الحكيم اسال علي اللي قولتيه ولو طلع غلط هتبقي اخر ليله ليكي النهارده ولما الشمس تغيب هاجي اسمع الحكايه واعرف اي اللي حصل بس لو طلعت وحشه هيكون اخر يوم ليكي معايا
شهرزاد /ان شاء الله هتعجبك
شهريار /اما نشوف
وذهب شهريار عن غرفه الحكماء وقد اعلن الحرس قدوم الملك للغرفه هب واقفاً الحكيم
الحكيم /تفضل يا مولاي اجلس
شهريار /انا جيت النهارده اسال عن حاجه عاوز اتاكد منها
الحكيم بتعجب /اتفضل يا مولاي
شهريار /عاوز اسال ان لما البشر مين بيدخل الجنه ومين بيدخل النار
استغرب الحكيم من كلام شهريار لانه اول مره يسال في الدين فاجابه بابتسامه /ربنا سبحانه وتعالي بيدخل الناس اللي كانت بتصلي وبتصوم وبيأدي فروضهم ويتقوا الله في الضعفاء ويعطفوا علي المساكين والفقراء ومش بيهنيهم بكلامه وقراءه القرآن وبيبروا بالوالدين اما اللي هيدخلوا النار دول اللي المتكبرون واللي بيفرقوا بالمعامله بين الناس وبيعملوا الكبائره ومش بيصلوا ولا بيأده الفروض بتعهم ومينفعش اننا نفرق بالمعامله بين الناس لاننا منعرفش مين الاقرب اللي الله ممكن واحد يكون عنده كل حاجه من المال والاولاد وامرأة جميله ولكن غير راضي بقضاء الله ولا يطيع الله ولا يعرف اي شئ عن الطاعه والرضا وممكن يكون في واحد فقير معهوش ولا اولاد ولا مال وزوجه متوسطه الجمال وراضين بقضاء الله وبيحمده فيقوم ربنا يقوله يا عبدي انت صبرت علي البلاء فيقوم يعمله بيت في الجنه ومقام فيها شوفت بقا عظمه الله 💙
شهريار بانبهار /سبحان الله وابكي شهريار من عظمه الله
شهريار طب سؤال هو انا لو توبت ربنا هيرضي عليا وهيدخلني الجنه
الحكيم اكيد يا مولاي ان الله غفوراً رحيم
شهريار بسعاده /متشكر اوي يا حكيم بس اعمل اي علشان ربنا يرضي عني
الحكيم /انك تأدي فروضك كلها علي اجمل وجه وتزكي وتصوم وتصلي وقراءه القرآن وان اصابتك مصيبه اصبر عليها ان الله يحب الصابرين وان الله اذا احب عبداً ابتلاه واعلم ان الحزن مش بيدوم ان الله قادر علي كل شئ
نزلت دموع شهريار بغزاره من عظمه الله
شهريار /اشهد ان لا الله إلا الله وان محمداً عبده ورسوله
الحكيم بابتسامه /ربنا يهديك يارب ويدلنا علي الطريق الصح يارب العالمين
شهريار /طب انا هروح لشهرزاد السلام عليكم
الحكيم /وعليكم السلام
تمت
