 |
ملاكي البريئ
من البارت الرابع حتي البارت السابع
بقلم مريم محمد
سليم :عشق انتي ساكتة ليه ردي
عشق :........
سليم :عشششششق
عشق :إيه؟؟!!... في إيه؟
سليم :انتي روحتي فين؟
عشق :انا هنا اهو والله متحركتش
سليم بضحك:هو انتي فكراني مش مصدقك ما انا عارف انك قدامي متحركتيش،المهم انتي سمعتي سبب جوازي ولا عوزاني اقوله تاني
عشق :لأ سمعت
سليم :طب إيه؟
عشق:إيه؟؟!!
سليم :هو إيه اللي إيه؟، إيه رأيك في كلامي
عشق :بص حضرتك انا مقدرة مساعدة حضرتك ليا وكمان بتقولي الكلام ده عشان مش احس بالذنب
من نحيتك، أنا معرفش سبب جوازك مني الحقيقي، بس اكيد مكنتش عارف اني بقيت عامية وممكن تكون حضرتك اتقدمتيلي قبل ما ده يحصل، وأهلي خبوا عليك اني بقيت عامية ف عشان كدة انا بحرر حضرتك من الجواز ده وبقولك تقدر تسيبني انا مبحبش أصعب على حد
سليم :خلصتي؟
عشق :إيه؟
سليم :خلصتي اللي عاوزة تقوليه
عشق بتوتر :اه
سليم :قبل ما اتكلم في حاجة انتي كنتي بتقولي انك تحرريني من الجوازة دي، ممكن اعرف حضرتك
ناوية تروحي فين بعد ما تحرريني
عشق :عند اهلي
سليم بعصبية :اهلك.... فين اهلك دول
عشق :انا عندي أهل حضرتك، بابا وماما واخويا أحمد
سليم بصراخ شديد ارتعب كل من في القصر بسبب صوته :بعد اللي عملوه فيكي بتقولي اهلك، انتي إيه..... جنسك إيه دول كانوا عاوزين يموتوكي وبهدلوكي وعاوزة ترجعي ليهم تاني، ده على جثتي الكلام ده فاهمة
عشق :.......
سليم بعصبية :لما اكلمك تردي سامعة
عشق :........
سليم وهو ينظر خلفه:انتي ازا...
انصدم سليم من منظرها فهي جلست على الأرض في إحدى زوايا الغرفة وتضم رجليها إلى صدرها وترتعش وتبكي بشدة، وراسها في الأرض
أسرع إليها ونزل لمستواها وما أن مد يده لكي يهدئها صرخت خوفاً منه
عشق ببكاء وخوف :لأ.. لأ والله ماعملت حاجة.... انا اسفة بس متضربنيش والنبي... انا مش هعمل حاجة تاني بس متضربنيش ارجوك،
هعمل اللي انتوا عايزينه بس مفيش حد يضربني والنبى انا جسمي وجعني أوي والله، أنا اسفة اسفة
ومش هكر ها تاني بس متضربنيش
سليم :وهو يحاول أن يأخذها بين ذراعيه لكي تهدأ:اهدي... اهدي.. مفيش حد هيقرب منك لا انا ولا غيري بس اهدي متخافيش، أنا الغلطان انا اسف، اهدي ومتخافيش مني.... انا اخر واحد في الدنيا تفكري إنه ممكن يأذيكي
نظر لها وجدها مغمى عليها بين ذراعيه فارتعب من شكلها وجسدها البارد، حملها ووضعها على الفراش
واتصل بالطبيبة لكي تأتي
أما هو فجلس بجانبها ينظر لها وهو غاضب من نفسه ويقول :غبي..... غبي... انا ازاي رفعت صوتي عليها باالشكل ده هي معملتش حاجة لكل اللي انا عملته ده بس فكرة انها تبعد عني وكمان عاوزة تروح عند الناس دي بتقتلني انا مقدرش اعيش من غيرها، بس انا غلطان ولو حصلها حاجة انا مش هقدر استحمل
قاطعه صوت طرقات على الباب
سليم :ادخل
دادة أحلام :سليم يا ابني الدكتورة وصلت
سليم :دخليها بسرعة يا دادة
دخلت الدكتورة :وفحصت عشق
سليم بخوف :إيه.... هي عاملة إيه؟
الدكتورة :سليم بيه الأنسة
قاطعها صوت سليم
سليم :مدام..... مدام عشق سليم التهامي
الدكتورة بتوتر :آسفة مكنتش اعرف.. المدام اتعرضت لضغط عصبي كبير وكمان في حاجة خوفتها اوي وده سبب الإنهيار العصبي اللي هي فيه
سليم :في علاج ولا حاجة
الدكتورة :اه انا كتبتلها على مهدئات ومقويات علشان هي ضعيفة اوي
سليم :تمام.... تقدري تمشي
خرجت الدكتورة من القصر
سليم :دادة أحلام
دادة أحلام :نعم يا ابني
سليم :اطلعي خليكي جنب عشق عشان خارج
دادة أحلام :حاضر يا ابني
"بعد مرور ساعة ونصف"
رجع سليم إلى القصر، وصعد إلى جناحه ووجد عشق نائمة في طرف السرير
ذهب وجلس على الأرض وامسك يدها وقبلها وهو ينظر لها ودموعه تنهمر بشدة مثل الطفل الذي فقد أمه
سليم :انا اسف.. آسف يا قلب سليم..
صدقيني مستحيل ااذيكي انتي روحي في حد بيأذي روحه، أنا مقدرش اعيش من غيرك والله، عارفة انتي فيكي شبه من أغلى إنسانة على قلبي أمي..أول مرة شوفتك فيها حسيت قلبي هيخرج من مكانه وكنت عاوز أقرب منك مش عارف ليه بس كل اللي كنت اعرفه اني عايزك جنبي على طول،
متسبنيش يا عشق انا ما صدقت لقيتك صدقيني انا محتاجلك اوي
انا آسف آسف سامحيني
نهض سليم من مكانه وقبل عشق من جبينها
وخرج خارج الغرفة
أما عشق فكانت تسمع كل حديثه من البداية فهي استيقظت عندما دخل الغرفة، ولكنها لا تعلم لما قلبها يؤلمها عليه فعندما سمعته يبكي ولم تستطع أن تسيطر على دموعها وتقول :طب انا زعلانة ليه وبعيط ليه دلوقتي، بس هو باين عليه زعلان أوي.. بس إيه اللي مدايقه أوي كدة، هو ساعدني وواقف معايا لحد دلوقتي واكيد انا مش هسيبه
شعرت به يدخل الغرفة.. فمسحت دموعها بسرعة وأغلقت عيناها
أما هو فنظر إليها وعلم إنها مستيقظة
سليم :أنا عارف إنك صاحية
فتحت عشق عيونها ونظرت إليه ولم تتحدث،اقترب منها وجلس بجانبها على الفراش
سليم :انا آسف... والله ما كان قصدي إني اخوفك مني بس اتعصبت لما سمعتك بتقولي إنك عايزة ترجعي للناس دي بعد ما عملوا فيكي كل ده..صدقيني مكنش قصدي انا آسف سامحيني
عشق :خلاص انا مش زعلانة
سليم :بجد مش زعلانة مني
عشق :اه والله
سليم :ممكن اطلب منك طلب بس لو مش موافقة خلاص انا مش هضغط عليكي
عشق :اتفضل
سليم :عاوز انام في حضنك ممكن
انصدمت عشق من طلبه ولكنها احست من نبرة صوته بأنه حزين ويتألم ويحتاج شخص معه
أما سليم عندما لم ترد عليه توقع انها سترفض
سليم :خلاص انا آسف.. انا هقوم انا على الكنبة تصبحي على خير
عشق :أنا موافقة
سليم :متضغطيش على نفسك لو مدايقة خلاص
عشق :لأ مش مدايقة... ومدت ذراعيها لكي ينام.. أما هو فأسرع واحتضنها ونام بعمق وكأنه لم ينم منذ سنين.... ونام وهو يحاوطها بذراعيه وكأنها سوف تهرب ونامت هي أيضاً
#ملاكي_البريئ
مريم محمد
#البارت 5 ✨
سليم بعصبية :انت بتعمل إيه هنا
الشخص :سليم ابني وحشتني
سليم :متقولش ابني، أنا مش ابنك انا ابويا مات، انطق قول إيه اللي جابك هنا
الشخص :جاي ازور قبر مراتي ولا انت صدقت اني ميت بجد
سليم :متقولش مراتك انت ناسي مين كان السبب في موتها ولا إيه
لو كنت ناسي افكرك يا حلمي بيه
حلمي (والد سليم) :قولتلك كل اللي في دماغك دي أوهام وبعدين كل الدنيا دي عارفة انك انت اللي قتلتها
وكمان اتسجنت علشان كدة، بس اظاهر إنك كنت لازم تفضل في السجن اكتر من كدة عشان تتربي
سليم :والله بقى انا متربي أو مش متربي ده شئ ميخصكش، وانا مش هتكلم معاك انا هسيبك كدة للأفكار اللي في دماغك دي بس صدقني لما تعرف الحقيقة هتندم وهتيجي لحد عندي وانا ساعتها اللي مش هعرفك
حلمي :انت لسة لحد دلوقتي بتنكر الحقيقة... أمك دلعتك وانت صغير زيادة عن اللزوم
سليم بغضب :متجبش سيرة أمي على لسانك انت فاهم وده احسنلك
حلمي :انا سمعت إنك اتجوزت من بنت فقيرة.. وده مقامك على فكرة
سليم :وربي اللي في سماه لو اتكلمت عنها كلمة كمان لهقتلك، وهنسي إني في يوم من الأيام كنت قاعد معاك تحت سقف واحد انت فاهم..... يا حراس
احد الحراس :أمرك يا سليم بيه
سليم :وصلوا حلمي باشا لبرة أصله تايه ومش عارف الطريق
حلمي:لأ مفيش داعي انا خارج لوحدي.... اه ابقى خلي بالك من مراتك.... سلام
سليم :ااااااه.يا أمي أنا تعبت..بس صدقيني هانت وهجيب حقك من اللي قتلك بس هوريهم العذاب والموت الأول.... هدمرهم وهقتلهم بالبطئ صدقيني
ذهب سليم إلى القصر وصعد إلى الجناح وشعر بالخوف عندما رأى عشق تجلس على الأرض وتبكي
فأسرع إليها وجلس أمامها يمسح دموعها
سليم :اهدي.. في إيه مالك في حاجة بتوجعك...اطلب الدكتورة
عشق :لأ.... اا... انا... م.. مش.. ع.
سليم :اهدي يا حبيبتي... اهدي متخافيش واتكلمي وانا هفهمك
عشق :انا مش عارفة اتوضي ومش شايفة حاجة، وعاوزة اصلي الفجر
وناديت على اي حد، ومفيش حد رد عليا.... وانا بخاف من الضلمة اللي انا فيها دي
سليم بحزن وهو يضمها لحضنه:انا آسف.. حقك عليا سامحيني اني سبتك ومشيت واوعدك مش هتتكرر
تاني
عشق :عاوزة اصلي... ممكن؟
سليم :طبعاً ممكن... بس الأول انتِ
مسمحاني
عشق :عادي مفيش حاجة حصلت عشان تتأسف
سليم :لأ يا حبيبتي انا غلطت في حققك ولازم اتأسف، وبعدين لما تزعلي مني تقوليلي ماشي
عشق :ماشي
سليم وهو يحملها :طب يلا يا بطل
عشق بخجل :انت... انت بتعمل إيه
سليم :هنروح نتوضي عشان نصلي
عشق :طيب نزلني وانا همشي
سليم بضحك :لأ انا عاجبني الوضع كدة
دخل سليم وعشق إلى الحمام وساعدها في الوضوء وتوضئ هو الآخر واحضر لها إسدال وقاما الصلاة
سليم :السلام عليكم ورحمة الله وبركاته.... السلام عليكم ورحمة الله
حرمًا يا ملاكي
عشق بوجع :جمعًا ان شاء الله
سليم :في إيه مالك
عشق :مفيش حاجة
سليم :كنت عارف إنك هتتوجعي، انتِ لسة الحروق والكدمات اللي في جسمك مخفتش
عشق :مش مهم المهم إني صليت
سليم وهو يحملها ويذهب بها إلى السرير :طيب يلا ننام
بعد فترة من السكون وسليم يضم عشق إلى حضنه بحنان
عشق :احم... هو حضرتك صاحي
سليم :أيوة في إيه محتاجة حاجة، ولا في حاجة وجعاكي
عشق :لأ بس كنت عاوزة اسأل حضرتك سؤال
سليم :يا بنتي انتي هبلة
عشق :لأ والله
سليم بضحك:متجوز طفلة انا والله،وبعدين إيه حضرتك اللي عمالة تقوليها إيه انتي ناسية اننا متجوزين وكمان انتي في حضني وتقوليلي حضرتك
عشق :ما انا معرفش اسمك
سليم :انتي بتهزري ولا بتتكلمي جد
عشق :والله ما بهزر انا فعلاً معرفش اسمك لحد دلوقتي
سليم :معاكي حق انا اللي غبي هتعرفيه منين وانا مقولتش ليكي اسمي، وكمان ده حدث تاريخي واحدة مع جوزها ومش عارفة اسمه إيه
عشق :انت هتتريق عليا خلاص مش هتكلم
سليم :خلاص انا آسف... انا اسمي سليم التهامي
عشق :اسمك حلو مين اللي سماك
سليم :شكراً... وياستي أمي هي اللي سمتني سليم عشان كانت بتحب الإسم ده أوي
عشق :هي عايشة معاك هنا
سليم بدموع:ياريت... أمي اتوفت من 13سنة...ماتت قدامي وانا معرفتش اعملها حاجة
نزلت دمعة من دموع سليم على خد عشق واحست بها وبكت ايضاً:انا آسفة مكنتش اعرف مكنش قصدي اضايقك
سليم :شششش. بس خلاص متعيطيش تاني انا مزعلتش منك أساساً وبعدين انتي معملتيش حاجة اهدي يا حبيبتي
عشق :انا آسفة.. خلاص مش هتكلم تاني
سليم :وده ليه ان شاء الله، اتكلمي أن بحب صوتك
خجلت عشق من كلامه واحمر وجهها كثيراً، ولاحظ سليم ذلك فضحك عليها
سليم :يالهوي على الفراولة بتاعتي يا ولاد
عشق :انا... انا هنام تصبح على خير
سليم :ماشي يا حبيبي يا مكسوف
... وانتِ من أهل الخير يا قلبي
في منزل حلمي "والد سليم "
جاء الصباح وكان حلمي يجلس في مكتبه وفجأه دخل عليه اخوه عثمان
عثمان :صباح الخير يا حلمي
حلمي :صباح النور
عثمان :مالك ياحلمي مدايق كدة ليه
حلمي :النهاردة سنوية وفاة ملك مراتي ياعثمان
عثمان :انت لسة بتفكر فيها ياحلمي
حلمي :انا منستهاش أساساً... لولا ابنها اللي قتلها كانت زمانها معايا دلوقتي
عثمان بتوتر :ربنا يرحمها، طب انت هتعمل ايه دلوقتي
حلمي :كنت عايز اروح المقابر وأفضل معاها طول اليوم بس مش هينفع
عثمان :ومش هينفع ليه
حلمي :سليم حاطط حراسة على القبر وحذرني اني مروحش هناك
عثمان :طب واللي يخليك تروح
حلمي:قصدك إيه
عثمان :قصدي ان ابنك محتاج يتشد عليه شوية عشان يعرف هو بيكلم مين، اطمن انا هتصرف عن اذنك
حلمي :اتفضل
استيقظت عشق ولم تجد سليم بجانبها ولكنها سمعت صوت دادة أحلام، ف سليم حذرها أن تترك عشق بمفردها
دادة أحلام :صباح الخير يا ست البنات
عشق :صباح النور... مين حضرتك
دادة أحلام :انا دادة أحلام اللي ربيت سليم وهو صغير، وكمان مديرة القصر هنا
عشق :اتشرفت بمعرفتك
دادة أحلام :انا اكتر يا حبيبتي،ودلوقتي يلا عشان تفطري
وتاخدي الدواء.. عشان سليم منبه عليا انك تاكلي وتاخدي العلاج في ميعاده
عشق :حاضر.... بس سليم فين
دادة أحلام بحزن :النهاردة سنوية وفاة أمه الرابعة الله يرحمها وهو في المقابر دلوقتي
عشق :ربنا يرحمها يارب، طيب ليه مصحانيش اروح معاه
دادة أحلام :معلش هو عارف إنك تعبانة
عشق :ثانية واحدة انتي قولتي سنوية وفاة مامته الرابعة
دادة أحلام :اه يا بنتي
عشق :ازاي وسليم قالي ان والدته ماتت من 13سنة
دادة أحلام بتوتر :إيه... هو قالك كدة... لأ اكيد انتي فهمتي غلط يا بنتي
عشق :لأ انا متأكدة من كلامي ده حتى... قاطعها دخول إحدى الخادمات وهي تركض نحوهم
الخادمة :مدام أحلام إلحقي
دادة أحلام :في إيه مالك بتجري كدة ليه
الخادمة :الأخبار في التليفزيون عن سليم بيه
دادة أحلام :فيها إيه الأخبار دي.. افتحي التليفزيون
فتحت الخادمة التلفاز ووجدت مذيعة الأخبار تقول ان رجل الأعمال المشهور وأصغر ملياردير على مستوى العالم سليم التهامي قد قام بقتل والدته من 13 سنة، وقد تم سجنه في احد سجون أمريكا وهو يقوم بخداع العالم حول وفاة أمه، وهو من قام بقتلها
دادة أحلام :يالهوي إيه المصيبة اللي وقعت على دماغنا دي ياربي، هتصل بسليم واقوله، رد بقى يا سليم
دادة أحلام :الو... سليم يا ابني انت فين
سليم :في إيه يا دادة عشق كويسة... حصلها حاجة
دادة أحلام :لأ يا ابني هي كويسة، بس اتصلت عليك عشان الأخبار عنك... و
سليم :عارف يا دادة عارف كل حاجة، ومتخافيش انا هتصرف المهم خلي بالك من عشق، وطمنيها لحد ما اوصل
دادة أحلام :ما تخافش يا ابني دي في عينيا
سليم :اديها الموبايل اكلمها يا دادة
دادة أحلام :حاضر يا ابني، خدي يا بنتي سليم عاوز يكلمك
سليم :عشق
عشق :....
سليم :ردي يا قلب سليم
عشق :انا خايفة
سليم :خايفة مني
عشق :لأ.. بس
سليم :انتي مصدقة إني ممكن اعمل كدة
عشق :لأ والله انا مصدقاك انت
سليم :وده اللي يهمني انا مش مهم عندي رأي حد غيرك
عشق :طيب هتيجي امتى
سليم بمكر:ليه وحشتك
عشق :هااا... لأ قصدي اه.. يووو بقى انا هقفل سلام
سليم بضحك :ماشي يا عم المكسوف اهربي براحتك.. انتِ اكلتي
عشق :هااا.. هو يعني
سليم بعصبية :إدي الموبايل لدادة أحلام يا عشق
دادة أحلام :نعم يا ابني
سليم :دادة انا قولتلك قبل ما امشي تفطري عشق وتاخد العلاج اول ما تصحى هي لسة مكلتش ليه
دادة أحلام :والله يا ابني كانت هتفطر بس الأخبار دي هي اللي..
سليم :أخبار إيه وزفت إيه.. تفطر دلوقتي وتاخد العلاج، وانا كلها ساعتين وجاي
دادة أحلام :حاضر يا ابني.. سلام
في منزل حلمي
حلمي:عثمان انت اللي عملت كدة
عثمان :عملت إيه مش فاهم
حلمي :انت السبب في الأخبار دي
عثمان بتوتر :لأ وانا هعمل كدة ليه
وإحنا بنحاول نخبي الفضيحة دي من زمان
حلمي :معاك حق بس مين اللي عمل كدة
وفجأه اقتحم سليم منزل عثمان هو وحراسه وأطلق النار في كل مكان
سليم :زي ما انتوا والله ما انتوا متحركين عيب ده احنا أهل
حلمي :انت اتجننت يا سليم بترفع السلاح في وش ابوك وعمك وكمان تدخل البيت بالطريقة دي
سليم :والله انا حر اعمل اللي انا عايزه ولا إيه يا عثمان بيه
عثمان بخوف وتوتر:.....
سليم :إيه هي القطة كلت لسانك ولا إيه، ومالك مرعوب زي النسوان كدة ليه، لأ أجمد كدة لسة هتشوف مني كتير
عثمان :انت عاوز ايه مني يا سليم، عاوز تموتني، يلا موتني واخلص
سليم :صدقني نفسي اعمل كدة من غير ما تقول، بس انا لو موتك دلوقتي النار اللي في قلبي مش هتبرد عشان كدة هخليك تتمنى الموت من اللي هعمله فيك، اه وبالنسبة للأخبار اللي انت نشرتها
فأنا هعرفك تمن اللي عملته غالي أوي وانت اللي جنيت على نفسك
يا حراس.. حد يشغل الزفت ده ويجيب الأخبار
شغل أحد الحراس التلفاز والأخبار
تنفي ماحدث وتقول ان هذه إشاعة،
وسليم التهامي برئ منها
رن موبايل عثمان وأخبره مدير أعماله أن المصنع قد احترق والأسهم وقعت في الأرض وهم على وشك الإفلاس
سليم :إيه ده مالكوا وشكوا اصفر كدة ليه، لأ اجمدوا كدة انا عايزكم فايقين عشان ادمركوا كويس ودي كانت أول جرعة استنوا الباقي بقي
ودلوقتي سلام إلى حين لقاء آخر.
عثمان بشر :نفذ دلوقتي عايزها مقتولة قبل ما يوصل البيت
الشخص :متقلقش يا باشا انا قدام الباب مع الرجالة اهو، وهتسمع خبر موتها بعد كام دقيقة
حلمي :في إيه يا عثمان
عثمان بشر :ابقى روح عزي ابنك في مراته
حلمي بصدمة:انت بتقول إيه؟؟؟!!!
♡🍂♡تفاعل جميل يا حلوين، عشان انزل بارت كمان النهاردة ، بحبكم أووووي♡♡✨
#ملاكي_البريئ
#البارت 6
حلمي بصدمة :انت هتعمل ايه يا عثمان، اوعي تعمل اللي في دماغك، اتقي شر سليم يا عثمان انت متعرفوش
عثمان :صدقني هو اللي ميعرفنيش، هوجع قلبه على مراته
حلمي :لأ يا عثمان... عثمان بلاش
عثمان
عشق خلاص يا دادة أحلام والله شبعت
دادة أحلام :انتي عايزة سليم يتخانق معايا، لأ يا بنتي خلصي الاكل كله انا مش قد سليم
عشق :يووو بقى انا هنفجر من كتر الأكل
دادة أحلام بضحك:لأ متخافيش مش هتنفجري ولا حاجة، شوفتي اهو سليم بيتصل خدي ردي عليه
عشق :الوو
اغمض سليم عينه يستمع إلى صوتها الذي يعشقه
عشق :الو.... سليم
سليم وهو مازال مغمض عيونه :قوليه تاني ارجوكي
عشق :هو إيه
سليم :اسمي... قوليه تاني لو سمحتي
عشق بخجل:سليم
سليم :قلب وروح وعيون سليم
عشق :.....
سليم :ساكتة ليه يا روحي... اتكلمي عايز اسمع صوتك
عشق :هتكلم أقول إيه
سليم :انتي تقولي اللي انتي عايزاه...... كلتي واخدتي العلاج ولا لأ
عشق :اه واكلت الأكل كله كمان
سليم :بجد
عشق :اه والله وحاسة اني هنفجر من كتر الأكل
سليم بضحك :والله انتي طفلة وبعدين يا حبيبتي، الاكل اللي بتقولي هيخليكي تنفجري، ده اكل طفل عنده سنتين
عشق :على فكرة انا مش طفلة انا كبيرة وعاقلة
سليم :طب يا كبيرة يا عاقلة عندك كام سنة
عشق :عندي 20 سنة كبيرة انا ولا مش كبيرة
سليم :غلط انتِ عندك 19سنة و10شهور و24يوم و16ساعة و39دقيقة ودلوقتي بقوا 40 دقيقة
عشق بصدمة :.......
سليم :عشق
عشق:...........
سليم :حبيبي ردي عليا
عشق بخوف :س... سليم
سليم :إيه يا حبيبتي مال صوتك، انتِ فيكي حاجة
عشق :انا..... انا هموت يا سليم
شعر سليم بأن روحه تخرج منه:اهدي يا عشق، اهدي يا حبيبتي وقوليلي في إيه
عشق :مش عارفة انا سمعت صوت ضرب نار كتير تحت، ودادة أحلام والخدم خدوني ومعرفش انا فين دلوقتي
ارتعب سليم وصرخ على السائق حتى يسرع إلى القصر
سليم :اهدي يا حبيبتي، اهدي انا معاكي، متخافيش انا هوصل دلوقتي
عشق :انا خايفة أوي
سليم :انا آسف يا حبيبتي، آسف متخافيش مش هخلي حد يقرب منك، بس انتي اهدي
عشق بصراخ :ااااااه....س..سليم
سليم :عشق..... عشق. ردي.. يا عشششششق، بسرعة يا غبي بسرعة
دخل رجال مسلحين على عشق ودادة أحلام وكان معهم خادمتين
احد الرجال :هاتوا مرات سليم التهامي، وهنسيبكم عايشين
دادة أحلام :عايز منها إيه... مستحيل اسيبهالك
الرجل :طب اتشاهدي على روحك بقى، أطلق الرجل نار على دادة أحلام والخادمتين، أما عشق وقعت على الأرض من الصدمة وهي تبكي بشدة
الرجل :ودلوقتي دورك انتي بقى، اتشاهدي قبل ما تموتي
عشق :ح.... حرام.. ع.. عليك.. اا . انا. معملتش حاجة
الرجل :والله اذا كان عليا، أنا مش عايز اموت الجمال ده كله
عشق بدموع :ارجوك... س.. سيبني
الرجل:معلش بقى غصب عني لازم اقتلك بس ده ميمنعش اني اتبسط معاكي قبل ما اقتلك
الرجل :اقترب منها وحاول التهجم عليها
وهي تصرخ وتبكي بشدة، وهو يمزق ملابسها
وفجأه دخل سليم ورجاله وقاموا بقتل كل من يروه أمامهم
أما سليم فقد انصدم وبشدة مما رآه
فقد رأي عشق وهي تصرخ وملابسها ممزقة ولم يشعر بنفسه إلا وهي يطلق عليه النار، إلا أن نفذ الرصاص في مسدسه
أما عشق ف فقدت الوعي ، وذهب إليها سليم ووضعها على رجله وخلع الچاكيت الذي يرتديه لكي يغطي به جسدها ويبكي بشدة
سليم ببكاء:عشق.... عشق حبيبتي قومي انا سليم قومي يا روحي انا جنبك، قومي يا عشق والنبي متسبنيش، أنا مليش غيرك هتسبيني لوحدي يعني، قومي يا عشق والنبي متوجعيش قلبي عليكي، أنا هموت من غيرك متسبنيش ارجوكي متسبنيش لوحدي يا عشق والنبي
#ملاكي_البريئ
#مريم_محمد
#البارت 7
جاءت الإسعاف وتم نقل كل من تعرض للإصابة من الخدم والحراس، ودادة أحلام.. وعشق إلى المستشفى
وقد مات سبعة من الحراس والخادمتين، أما دادة أحلام فكانت الرصاصة سطحية.
كان سليم يقف أمام غرفة عشق متوتر وخائف، منتظر الأطباء
وهو عندما جاء إلى المستشفى
أصر أن تفحص عشق دكتورة وليس دكتور، فهو مستعد للموت ولا يلمسها اي رجل
"بعد مرور بعض الوقت "
خرجت الدكتورة من الغرفة
سليم :عشق عاملة إيه.... هي كويسة صح
الدكتورة :هي اتعرضت لمحاولة إعتداء صح
سليم :اه.... هو هو عملها حاجة
الدكتورة :لأ الحمدلله بس جسمها كان في حروق وكدمات، ودلوقتي زادت أوي بسبب الإعتداء ده، وكمان حالتها النفسية هتسوء أوي، ف عشان كدة لازم تتعامل معاهابحذر
وتحاول تنسيها اللي حصل وتبعدها عن المشاكل
سليم :عاوزة اشوفها
الدكتورة :هي دلوقتي نايمة تقدر تدخلها
دخل سليم في الغرفة التي بها عشق وجلس بجانبها على السرير وقبل يديها، ولم يتحكم في نفسه فنزلت دموعه رغمًا عنه.
سليم :أنا آسف.... آسف يا قلب سليم،كل اللي حصلك ده بسببي، بس صدقيني هقتلهم كلهم وما هرحم حد فيهم حسابهم تقل أوي معايا، هدفعهم تمن خوفك ودموعك ووجعك، هندمهم على اليوم اللي فكروا فيه يعملوا كدة.. بس انتي قومي يا حبيبتى مش قادر اشوفك كدة
دخلت الدكتورة :سليم بيه لازم حضرتك تسيبها ترتاح دلوقتي
سليم :دادة أحلام كويسة؟
الدكتورة :اه كويسة انا زي ما قولت لحضرتك ان الرصاصة سطحية وهي دلوقتي ممكن تخرج عادي
سليم :تمام انا هاخد عشق ودادة أحلام وأخرج
الدكتورة :مينفعش حضرتك مدام عشق لازم تفضل هنا
سليم بحدة :أنا مش باخد رأيك انا ببلغك بس
وبالفعل اخذ سليم عشق ودادة أحلام إلى القصر.
وأبلغ حراسه أن يحضروا إجراءات الدفن للخدم وبعض الحراس الذين ماتوا وهو سوف يتكفل بمصاريف
عائلاتهم جميعًا، أطمئن سليم على دادة أحلام، وذهب مرة أخرى إلى عشق التي مازالت نائمة
فجلس بجانبها سليم وهو يأخذها في حضنه حتى يطمئنها
سليم :فتحي عينك يا روحي... وحشتيني أوي انا اسف يا قلب سليم، انتي اتجرحتي بسببي وانا وعدتك اني مش هخليكي تزعلي مهما كان، لوكان حصلك حاجة النهاردة انا كنت هموت نفسي، مقدرش اعيش من غيرك، هموت لو سبتيني انتي روحي يا عشق في حد يعيش من غير روحه، سامحيني يا ملاكي يا كل حاجة في حياتي
وفجأة وجد عشق تبكي وترتجف أثناء نومها وعلم انها تحلم بكابوس ف نام بجانبها ووضع رأسها على قلبه
سليم :اهدي يا حبيبتي ده كابوس
اهدي انا معاكي ومش هسيبك، متخافيش مفيش حد هيقرب منك
اهدي
وبالفعل هدأت عشق ونامت
ولكن لم تنام كثيراً
فتحت عشق عينيها وتذكرت ما حدث وعندما شعر بها سليم حاوطها
أكثر بيديه لأنه علم انها سوف تبعده
عشق بصراخ :ابعد عني... ابعد عني والنبي انا معملتش حاجة،ابعد عني
سليم :عشق.... عشق حبيبتي اهدي انا سليم ياروحي متخافيش انا سليم، اهدي يا حبيبتي انا جنبك
عشق ببكاء:كان عاوز يموتني هو انا عملتله حاجة يا سليم، وقرب مني وقطع هدومي وكان عايز، وانفجرت في البكاء، أما سليم ف قلبه يكاد ينفجر من شدة الحزن
سليم :شششش خلاص اهدي مفيش حاجة من دي هتحصل تاني، أنا آسف يا عشق... آسف انك اتعرضتي لكل ده بسببي، هموتهم كلهم وما هرحم حد فيهم.. انا تعرفهم يعملوا كدة ازاي
عشق بدموع :لأ والنبي يا سليم متسبنيش انا خايفة أوي
زاد سليم من احتضانها :متخافيش يا قلب سليم انا معاكي ومش هسيبك، لاحظ انها نامت فوضعها على السرير بصعوبة لأنها كانت تمسك بملابسه بقوة من شدة الخوف
وخرج سليم ووجد الممرضات أمام الباب
سليم :انا خارج ومش هتأخر لو واحدة فيكو سابتها لوحدها، أو هي صحيت ومفيش حد كلمني هحرقكوا كلكوا سامعين
الممرضات بخوف :حاضر يا سليم بيه
نزل سليم إلى أسفل ووجد صديق عمره زياد، فاحتضنه فهو الشخص الوحيد القريب منه
زياد:سليم انت كويس
سليم :هبقي كويس لما اموتهم واشوف دمهم قدامي
زياد :وانت عارف يا سليم مين اللي عمل كدة
سليم :هو في غيرهم ممكن يعمل حاجة زي دي
زياد :لأ اهدي يا سليم لما نتأكد
سليم بصراخ:هو انا لسة هتأكد يا زياد، أنا مراتي كانت هتموت وكان في كلب فيهم بيحاول يعتدي عليها وتقولي اهدي، وكمان دخلوا بيتي وضربوا وموتوا الناس اللي في بيتي عارف يعني إيه في بيتي يعني في حمايتي
زياد :فاهمك يا صاحبي والله هندفعهم تمن اللي عملوه غالي أوي،بس نصبر شوية هانت اهي
نصبر علشان مندمرش اللي عملناه في سنين
سليم :مش قادر اصبر يا زياد... هو فين الكلب اللي فضل عايش منهم
زياد :في المخزن... بقولك إيه أنا لما روحت المخزن لقيت رجلين وست
هناك مين دول
سليم :أهل عشق
زياد بصدمة:أهل مراتك
سليم :اه
زياد :يخربيتك وحابسهم ليه
سليم :هبقي احكيلك بعدين يا زياد، بس دلوقتى خليني اروح للحيوان اللي في المخزن
زياد :هاجي معاك
سليم :يلا
ذهب سليم وزياد إلى المخزن ووجد رجاله يعذبون الرجل أمام أهل عشق
الذين يكادوا يموتوا من شدة الخوف، وقف زياد بجانب أهل عشق
أما سليم فجلس أمام الرجل
الرجل بتعب :ارجوك سيبني انا معملتش حاجة
سليم :تؤتؤ معملتش حاجة ازاي انا هعدلك...... أول حاجة اتهجمتوا على القصر بتاعي بسلاح وقتلتوا الحراس بتوعي وبعد كدة قتلتوا الخدم وضربتوا نار على دادة أحلام
وخوفتوا مراتي وكنتوا عايزين تقتلوها، وكمان تتهجموا عليها وكل ده وتقولي معملتش حاجة
الرجل بخوف :صدقني انا عبد المأمور كنت بنفذ الأوامر وبس، أما أنا مليش دعوة
سليم :شاطر مين بقى صاحب الأوامر دي
الرجل بتوتر :معرفش انا كنت بنفذ اللي بيقول عليه الرئيس بتاعنا وهو اللي انت قتلته لما كان بيعتدي على مراتك
سليم :انا كل ده هادي معاك ومش عايز اتعصب قولي مين اللي وراك احسنلك، أنا عارف مين اللي باعتك بس زي ما تقول كدة نفسي اسمعها منك بصوتك الحلو ده
الرجل:معرفش
أشار سليم للحراسر فاحضروا زيت مغلي وقاموا بوضعه على رجل الرجل وهو يصرخ من شدة الألم
سليم :ها... لسة مش عايز تتكلم
الرجل :قولتلك معرفش... ااااااااه
أشار سليم لحراسه مرة أخرى وقاموا بوضع الزيت على يديه
سليم :قولتلي بقى إنك متعرفش
الرجل :هقول بس سيبني في حالي ارجوك
سليم:انطق
الرجل :عمك عثمان وابوك حلمي
سليم :إيه ده مش انت كنت بتقول متعرفش عرفت ازاي دلوقتي
الرجل :افتكرت
سليم :اه قولتيلي افتكرت
كان حراس سليم يسكبوا عليه البنزين
الرجل:هما بيعملوا إيه.. انت هتعمل إيه معايا انا قولتلك كل حاجة اعرفها
سليم :حق خوف مراتي ودموعها واللي كنتوا عايزين تعملوه فيها هجيبوا منك واحدة واحدة..
أشعل سليم عود كبريت وأشعل النار في الرجل وخرج من المخزن دون أن يرف له جفن.... خرج وسط ذهول أهل عشق وخوفهم
أحمد (اخو عشق) :.. إيه ده مش معقول يكون ده بني آدم ده اكيد وحش
الأم :هو هيعمل فينا إيه أنا خايفة
الأب :لازم نخاف بعد اللي شوفناه النهاردة
زياد :اللي انتوا شوفتوه ده ولا حاجة من غضب سليم، واحمدوا ربنا انكوا لسة بصحتكوا لحد دلوقتي.... سلام
ذهب زياد خلف سليم كي يلحق به فهو في شدة غضبه الآن
زياد :اهدي ياسليم استنى ومتتهورش
سليم بغضب :متقوليش اهدي انت مش شايف هما عملوا ايه..لازم اقتلهم واخلص منهم
زياد:صدقني يا سليم هيموتوا بس مش دلوقتي لم تنتقم منهم وتعذيبهم الأول.. خلاص هانت مبقاش غير القليل
سليم :ااااااه... تعبت يا زياد تعبت ومش قادر استحمل اكتر من كدة، عشق كل حياتي لو حصلها حاجة انا اموت نفسي مش هقدر اعيش من غيرها
ضم زياد صديقه الذي يراه لأول مرة
في هذه الحالة
زياد :صدقني يا سليم كل حاجة هتبقى كويسة، وهي كمان الحمدلله جنبك ومحصلهاش حاجة.. قاطعه صوت هاتف سليم والتي أخبرته إحدى الممرضات أن عشق استيقظت وتبكي بشدة، فذهب إليها مسرعاً.. وعاد زياد إلى بيته
سليم وهو يأخذها في حضنه:اهدي يا حبيبتي انا جنبك اهو.. أنا آسف
عشق :سليم أنا خايفة
سليم :شششش متخافيش طول ما اناجنبك متخافيش
عشق :بس... قاطعها سليم
سليم :مفيش بس في هتاكلي دلوقتي وترتاحي
عشق :بس انا مش جعانة
سليم :لأ يا حبيبتي انتي مكلتيش من الصبح
عشق بدموع :دادة أحلام
سليم :متخافيش دادة أحلام كويسة
عشق بفرحة:بجد
سليم :أيوة يا روحي بجد
عشق :طب انا عاوزة اروحلها
سليم :الصبح يا حبيبتي.. عشان هي دلوقتي نايمة.. ودلوقتي يلا عشان تاكلي وتاخدي العلاج
عشق :ماشي
بعد فترة
عشق :خلاص والله شبعت يا سليم كفاية كدة
سليم :آخر لقمة عشان خاطري
عشق :انت كل مرة تقول كدة.. انت كذاب
سليم :انا كذاب؟؟!!
عشق :اه
سليم :طب يا ستي شكراً، ويلا دلوقتي على النوم
أخذها سليم في حضنه وهو يخاف أن تبتعد عنه أو يحدث لها شئ
عشق :سليم
سليم :قلبه
عشق :ممكن أسألك سؤال
سليم :انتي تعملي اللي انتي عايزاه يا روح سليم من جوة
عشق :انت امبارح قولتلي أن مامتك اتوفت من 13 سنة، ودادة أحلام قالتلي النهاردة من 4 سنين ازاي ده وكمان مين الناس اللي ضربوا علينا نار النهاردة
سليم :دي حكاية طويلة أوي، متشغليش بالك بيها
عشق بحزن :ماشي
سليم :زعلتي
عشق :لأ... بس خلاص انا عارفة ان الواحد في حاجات في حياته مش بيحب يحكيها لحد ف عادي والله مزعلتش
سليم :ياروحي انتي مش حد، وبعدين انا لو خببت عن الدنيا كلها مستحيل اخبي عليكي... كل الحكاية
اني مش عايز اضايقك بس هحكيلك....... عايزة تسمعي دلوقتي
عشق :اه
سليم :الحكاية بدأت من...
#ملاكي_البريئ
#مريم_محمد
تكملة الرواية من هنا 👇👇👇
بداية الروايه من هنا 👇👇👇
تعليقات
إرسال تعليق