 |
عشق الرعد
الفصل الثالث وعشرون والرابع وعشرون والخامس وعشرون
بقلم سماء أحمد
رنت عشق علي الدكتور وهي تبكي
الدكتور : الو ازيك يا مدام عشق
عشق وتحاول منع شهقاتها : اهلا يا دكتور حضرتك رنيت عليا كتير
الدكتور : كنت عايز اقولك ان..........
جودي وسيلا : رعد فاق
فنظرت لها عشق وضحكت وبكت واشارت جودي ورأ عشق فاستدارت وجدت رعد فجرت عليه وحضنته وتشبثت في رقبته وهو حملها ودفن رأسه بعنقها لوقت ثم نزلها
عشق ببكاء وضحك : انت فوقت رجعت تاني ههههه انا مبسوطة اوي
رعد بقلق : انتي كويسه الحادثه اخبارك ايه بعدها
عشق : بقيت كويسه انا اسفه اني.....
رعد : هششش انسي كل حاجه خلينا نكمل وانسي كل حاجه قولتهالك يوم فرح مالك
عشق : بس انا
رعد : مبسش انسي وبس وقبل جبينها وحضنها مره اخري
ذهب عدي لجودي وقبل جبينها
عدي : وحشتيني
جودي : احنا في الجامعه والطلاب بيتفرجوا
عدي : الله مراتي وانا حر فيها
جودي : لا يا شيخ طيب وانت كمان وحشتني
عدي : هههه يلا نروح بقي
جودي : اممم ماشي
وذهبوا لرعد وعشق
عدي : خلاص يا عم بطلوا احضان قدام الناس
رعد : يخربيت الغتاته انت مالك يا اخي
وناد علي كرم وعشق اشارت لسيلا ان تاتي
سيلا : او ماي جاد لا حقك يا عشق متضحكيش جوزك حلو ويتزعل عليه وانت مستحملها ازاي ببوزها ده دا عندها كميه برود واكتئاب وهدوء محصلش
رعد : هي بتتكلم عن مين
عشق : اقولك ومتنصدمش
رعد : لو جودي فتوقع الهدوء والاكتئاب
عشق : هههههه اصدها عليا
كرم : انتي بتضحكي زينا لا يا شيخه
سيلا : وانت بتغلس زينا لا يا شيخ
كرم : بقي كده طيب مراتك يا رعد وسيلا شايلين مادتي السنه دي
عدي : حبيبتي هاديه وكيوت
سيلا : اجبلكم اتنين لمون
جودي : هههههه البنت دي مشكله
سيلا : وكل مشكله وليها حل وانا حلي عندكيش عريس
عشق : اممم رعد ومالك وعدي وابو حميد متجوزين وادهم وجوو مكتوب كتابهم مفيش غير جاسر ودا عنده حبيبه السنجل هو عموري ودا الاحلي بعد ابو حميد يعني
كرم : عمورك دا بطعم ايه
سيلا : سيبك منه قولي مواصفاته
جودي : عمار عسول وطويل عنده غمازات وعيونه زرقا شعره اسود وجميل وابيضاني والاحلي انه اخونا
سيلا : وانا موافقه يلا بينا نروح نطلبه
الكل : هههههههه
عشق : انتي اللي هتطلبيه ههههههه
سيلا : وفيها ايه انتي بتقولي مواصفات واحد اجنبي مش مصري يبقي اروح اتقدمله انا
جودي : منتي حلوه اهو يا بنتي
سيلا بتمثيل : من قلبك يا فوزي
الكل : ههههههه
عشق : النهارده بمناسبة قيام رعد هعزم الكل ع العشا حتي كرم وسيلا وطبعا جودي هي اللي هتطبخ مع الداده
جودي : بتدبسيني
عشق : مانتي عارفه اني فاشله
سيلا : ممكن اساعدك
جودي : بتعرفي تطبخي
سيلا : طبيعي لاني وحيده فلازم اكون بعرف كل حاجه
رعد : طيب يلا ع القصر
عدي : يلا
وذهبوا كلهم للقصر ورنت عشق علي الكل وعزمتهم ولكن لم تخبرهم السبب
وجاء المساء كان رعد يرتدي ملابسه فجاءت عشق وحضنته من الخلف
عشق : وحشتني اوي
رعد : وانتي كمان انا كنت هموت لو جرالك حاجه
عشق : ليه عملت كده انت كنت هتموت فيها انا مستهلش انا جرحتك يا رعد
رعد التفت اليها : بس انسي كل اللي فات وانسي اللي قولته ليكي انا لسه عند وعدي وقت ما تطلبي الطلاق هطلقك
عشق : بس انا ب....
رعد بجمود : هشش خلاص مفيش داعي تردي الجميل بأنك توهميني بحبك خلاص يا عشق انسي كل حاجه خلينا اصحاب زي ما كنا
عشق ودموعها تظهر : اسمعني بس انا واللهي....
رعد : عشق ارجوكي قفلي ع الموضوع بقي متتعبنيش عشان خاطري
اومأت برأسها وحضنته بشده وكأنها تمتلكه وهو دفن رأسه في عنقها
عشق لنفسها : في عذاب اصعب من كده اني اكون في حضنك ومش قادره اقولك بحبك
رعد لنفسه : اصعب عذاب في الدنيا هي بتحضني وبين ايدي ومبتحبنيش يا ربي مش قادر بموت بالبطئ
وكلاهما بكي قلبهم وليس عينهم ونزلوا لاسفل سويا كان الكل مجتمع ولا يفهموا شئ او حتي لماذا عذمتهم عشق
چيلان : اي واللهي زي ما بقولكم اصحابي قالولي واحده حضنت واحد قدام الجامعه كلها قال حبيبها فسألتهم يمكن جوزها قالوا لا دي لابسه خاتم بسيط وغالي مش دبله يبقي مش مرتبطه فقولت يمكن عشق بس قولت ايه الهبل ده عشق تحضن واحد قدام الجامعه مستحيل انتي مشوفتهومش يا سيلا
سيلا : لا شوفتهم بس ثنائي روعه
چيلان : الله نفسي اشوفهم
سيلا : واللي يخليكي تشوفيهم
چيلان : بجد تبقي حبيبتي
سيلا : بصي ع السلم
نظروا كلهم وجدوا عشق ورعد ففرحوا وسلموا عليه وجلسوا سويا ثم اتجهوا للطعام
دخلت لارا وعشق للمطبخ ليحضروا المشروب
لارا : قولتيله
حكت لها ما حدث
لارا : حاولي يا عشق مش تستسلمي بسهوله
عشق بدموع : قلبي بيوجعني اوي يا لارا صعب ابقي قريبه ومش قادره اقوله بحبك
لارا : خير يا عشق ان شاء الله خير
عشق : يارب
وخرجوا وجلسوا مع الكل وبعد وقت ذهب كل منهما لمنزله وبقي رعد وعشق
عشق : زمانك تعبت اوي النهارده
رعد : عادي يعني
عشق : بتكابر ليه
رعد : مش بكابر بس كنت بحاجه القعده دي
عشق : رعد ممكن اطلب طلب
رعد : اوأمري
عشق : ممكن نصلي سوا
رعد : حاضر يلا
وذهبوا وصلوا سويا ثم نامت في حضنه
عند الفجر استيقظ رعد وجدها مستغرقه في النوم فقرر ان يتوضأ ثم ييقظها بينما هي حلمت بكابوس وعرقت وقامت تصرخ
عشق بصراخ : رعد رعععععد عاااااا رعد
فخرج علي صوتها فرأته جرت عليه وحضنته وبكت بشده وهو مسد علي ظهرها حتي هدأت وحملها وذهب الي السرير وضعها وهي مسكته من ملابسه فتمدد واخذها في حضنه وناموا حتي الصباح
************************************
في قصر المهدي
وصلت جودي مع عدي وبدلت ملابسها وذهبت لتنام في حضنه
جودي : عدي ممكن اسألك سؤال
عدي : حاسس اني عارفه بس اسألي يا قلب عدي
جودي : انت اتجوزتني عشان جايدا طيب هي عملت ايه
عدي : مستني السؤال ده من زمان هجاوبك بصي يا ستي من حوالي اكتر من سنه جايدا اختك اتقدمت لوظيفة السكرتيره عندي وانا كنت داخل الشركه فسمعت واحده من الموظفين بتقولها انت اخر واحده ممكن تتقبل وادخلت عشان اعرف فاستغربت ازاي بنت لسه مجبتش 19 سنه تقدم للوظيفه دي وسألتها فقالتلي انها وحيده بدون اهل او اي حد وعايزه تصرف علي نفسها بدون مساعدة حد وكل الشغل بيرفدها وآنها قدمت هنا علي امل فاشل زي كل مره فشدني برأتها وجدعتنها ووافقت مش عارف ليه وخلتها سكرتيرتي وكانت بتفهم بسرعه ومعاها ثانويه وفي كليه تجاره انجليزي كمان ومره في مره اتشديت ليها حتي حسيت اني حبتها وحبيت برأتها وطفولتها دموعها من اقل حاجه وقررت اتجوزها كمان.....دموع جودي نزلت ولم تستطيع التحكم فيهم.....واتقدمتلها ووافقت وبعد خطوبتنا بشهرين اكتشف الشرطه جايه وبتتهمني بقضيه تهريب مخدرات لولا رعد كان زماني مسجون بس هو اللي مسك القضيه لواحد زميله في مكافحه المخدرات وعرف ان اللي ورا كده جايدا وان اللي عمل كده واحد كان متبنيها وبيكرهني عدوي بمعني اصح وطلب منها تعمل كده وهي عشان ترد الجميل عملت كده كنت رايح انتقم منها علي اللي عملته لقيتها اتقتلت الراجل ابوها هو اللي عمل كده عشان مش يتكشف وقتل مراته معاها عشان بتدافع عنها مش عارف كنت حاسس بأيه بس قالتلي قبل ما تموت قول لاختي اني بحبها وعملت كده عشان بابا كان هيوصلني ليها ولعيلتنا واشهدت وماتت وانا كنت عايز اعرف مين اختها وانتقم منها علي اللي جايدا عملته....نظر لجودي وجدها تبكي... اسف يا قلبي اني جرحتك
جودي : يعني هي كانت عايزه ترجعلنا انت عارف اني فضلت فتره ماكلش واقولهم عايزه جايدا هي كانت نصي التاني لانها توأمي ولولا عشق كنت هموت عشق جاتلي بعدها ومسحت دموعي وقالتلي انا توأمك مكانها واما نكبر اوي هنروحلها متعيطيش وهنجمع احنا التلاته مقدرتش انسي كلامها وكنت دايما بصلي وادعلها بالرحمه
عدي : هشش مش عايز دموع تاني انتي حياتي كلها
جودي : لسه بتحبها
عدي : بعشقك
جودي : نفسك ترجع وتتجوزها
عدي : بموت فيكي انتي
جودي : جاوب يا عدي
عدي : يمكن اوهمت نفسي بحبها بس اما قابلتك عرفت اني عشقتك انتي وبس بحبك يا جودي
جودي : بجد
عدي : واللهي العظيم ما في غيرك في قلبي
جودي : بحبك اوي حضنها اكثر اليه وناموا
************************************
في الصباح
استيقظ رعد ولم يجد عشق فدخل الحمام واخذ شاور وتوضأ ولبس ملابسه وادي فريضته ونزل لاسفل وجد عشق تحضر الفطار
رعد : ايه دا عشق بنفسها في المطبخ
عشق : وفيها ايه يعني
رعد : انتي مبتعرفيش تعملي بيضه
عشق : لارا علمتني
رعد : دا علي اساس ان لارا بتعرف تتطبخ
عشق : ما الداده كانت علمتها شويه
رعد : اي تمام اساعدك
عشق : حط الاطباق علي السفره
رعد : ماشي
وجلسوا وفطروا سويا ثم اخذها للجامعه معه ووصلوا
رعد : عشق
عشق : نعم
رعد : بصي انا هتأخر النهارده في الشركه
عشق : رعد انت طالع من غيبوبه المفروض ترتاح مش تروح الشغل
رعد : انا من زمان مروحتش والشغل علي عدي المهم انا هبعتلك السواق يجيبك الشركه بدل ما تقعدي لوحدك في القصر ونبقي نروح سوا اوكي
عشق : اوكي
رعد : تقدري تنزلي
قبلته عشق من وجنته ثم نزلت وهو ظل ينظر لها حتي اختفت
رعد : بحاول يا عشق انسي كرهك ليا مش قادر بحاول ابعد حبك عن قلبي مش قادر بحاول اعاملك ذي الاول من غير اي حاجة بردك مش قادر
ثم ذهب بسيارته الي الشركه
دخلت عشق وجدت سيلا وجودي وچيلان يجلسون سويا فذهبت اليهم
جودي : انتي جيتي ليه
عشق : رعد نزل الشركه النهارده فقولت هعمل ايه في القصر فجيت
سيلا : عشق مالك
عشق : مخنوقه اوي
چيلان : من ايه يا قلبي
عشق : رعد بيعاملني ولا كأن حاجه حصلت
سيلا : انت كنتي حكتيلي طيب ما كده كويس
عشق : اللي يضايق ان عيونه بتقول كل حاجه بتأنبني مش قادرة نفسي اقوله اني بحبه وعملت كده خوف
جودي : ما تقوليله
عشق : حاولت ولسه كنت هقوله قالي لو سمحتي يا عشق مش عايزك تقولي حاجه كرد جميل ولسه عند وعدنا الاول وانسي طيب حد يقول انسي ازاي وانا بعشقه
چيلان : عشق حاولي مره واتنين وتلاته
عشق بتنهيد : حاضر يلا عشان مش نتأخر علي المحاضره
سيلا : يلا
وذهبوا وحضرت عشق محاضرتها ثم جاء السواق واخذها للشركه بينما اخذ عدي جودي للقصر
دخلت عشق الشركه ونظرت ل سها وجدتها تلبس فستان يبين اكثر مما يخفي فتضايقت جدا ودخلت بدون ان تحدثها وفتحت الباب بهدوء وجدت رعد يراجع ملف وواقف علي الشباك فذهبت اليه وحضنته من ظهره
عشق : وحشتني
رعد : وانتي كمان
عشق : اكيد تعبت نفسك النهارده
رعد : مش قوي عادي الوجع مش بيأثر معايا
عشق : بردك يا رعد
رعد : عملتي ايه في الجامعه النهارده
عشق : بتسأل ليه يعني كنت بتسمعني وانا باجي احكيلك في المستشفي
رعد : لا بس بسأل عادي
عشق : اممم قولتلي عادي قعدت الصبح مع سيلا وجودي وچيلان وبعدين حضرت المحاضرات وبس
رعد التفت اليها : طيب تعالي اما اطلبلك بيتزا وبيبسي عشان تاكلي
عشق : يااااه تصدق من زمان اوي مكالتش بيتزا ولا شربت بيبسي
رعد : ليه
عشق : عشان اتعودت اكل معاك
فأخذها رعد في صمت وطلب بيتزا واكلوا سويا
************************************
بقلمي / سماء أحمد
الفصل الرابع وعشرون
في قصر المهدي في غرفه عدي
كانت جودي تخلع حجابها وتنظر لشعرها الذي يصل لبعد اكتافها بقليل فجاء عدي وحضنها ودفن وجهه في شعرها
جودي : بحبك
عدي : وانا كمان بعشقك
جودي : انت عارف نفسي في ايه
عدي : ايه يا عمري
جودي : نفسي في بيبي منك
عدي : وانا كمان....سامحيني يا جودي
جودي : عدي لو سمحت انسي بالله عليك
عدي : انسي ايه ولا ايه
جودي التفت له : عدي فكر في الحاضر وبس انسي الماضي وحياة حبنا
اومأ برأسه وحضنها
عدي : ايه رأيك نفكر في موضوع البيبي بقي
جودي : عدي الله
عدي : قلب عدي
جودي : مش هترجع الشركه
عدي : لا معتش غير اجتماع مع وفد ورعد قالي امشي وهو هيحضره
جودي : اجانب
عدي : اي
جودي : فيهم بنات
عدي : تقريبا مكون من بنت وولدين
جودي : ربنا معاك يا رعد
عدي : ليه
جودي : اصل عشق راحت الشركه
عدي : هههههههه
************************************
في الشركه
رعد : عشق ورايا اجتماع انزلي من علي المكتب اقعدي مكاني وهخلص ونمشي
عشق : حاضر
خبطت سها ودخلت
سها : رعد بيه الوفد وصل
رعد : دخليه
سها : حاضر
وخرجت وقام رعد من مكانه ورحب بالوفد المكون من ثلاثه افراد سارا وجاك وجايبر وقبلته سارا من وجنته وكانت ترتدي فستان ضيق جدا وقصير حتي وبدأ الاجتماع
نظرت عشق لهم ووجدت الفتاه التي معهم تتقرب من رعد كل قليل وتقوم من مكانها تكلمه في اذانه ووضعت يداها علي كتفه والاخري تمسك جاكته
حبست عشق الدموع في اعينها وما جرحها عدم وجود ردة فعل لرعد وعندما وجدتها قامت وحاوطت رقبته بيديها وتلعب بشعره فارت الدماء منها وقامت وشدتها وصفعتها (الحوار مترجم)
سارا : ما بكي يا فتاة كيف تجرأين علي فعل هذا
عشق : انتي من تفعل اشياء مقززه
جاك : سيد رعد من هذه
رعد : انها زوجتي
سارا : سيد رعد اطردها هذه الغبيه الوقحه
عشق لنفسها : هتعملها يا رعد هتطردني عشانها وقسما بالله لو حصلت معت هتشوف وشي ليوم الدين
فكر رعد قليلا ثم قال
رعد : اذهبي لخارج الشركه
اغمضت عشق اعينها ودمعه هربت
رعد : انتي سيده سارا انا لا يشرفني التعامل مع شخص يهين زوجتي
جايبر : لكن سيد رعد
رعد : لا يوجد لكن من يهين زوجتي لا اريد التعامل معه
سارا : ولكن هي من هانتني حين صفعتي
جاك : نحن نعتذر سيد رعد
رعد : الاجتماع انتهي
فخرج الوفد وبقي رعد وعشق
رعد بعصبيه : ايه اللي عملتيه ده
عشق : واللهي جد وانتي مشوفتش هي بتتقرب منك ازاي
رعد : متمثليش انك غيرانه لو سمحتي
عشق : امثل
رعد : اي وبعدين ايه التصرفات الطايشه دي بتعملي كده ليه هي اللي عملته عادي عندهم
عشق : ولبسها
رعد بعصبيه : عادي بره انما تصرفات الاطفال دي مش عايزها فاهمه انا اللي غلطان اني سمحتلك تيجي الشركه انتي مش شاطره غير تبوظي كل حاجه اكبري بقي واعقلي
نظرت له عشق بذهول فالاول مره يكلمها هكذا فمسحت دموعها بكل هدوء واخذت شنطتها وذهبت بينما هو ظل ينظر اليها ثم جلس وتنهد
رعد : غبي غبي ليه عملت كده ليه جرحتها رد افرض سابتك الوقتي لا مقدرش اعيش من غيرها بس اكيد في يوم هتسيبك بس مش بالطريقه دي لازم الحقها واخذ جاكته ونزل سأل الحرس اخبروه انها اخذت تاكسي فرن عليها كثيرا ولم تجب فذهب للقصر
************************************
في منزل احمد
كان احمد ونورهان يجلسون سويا
احمد : نورهان انتي سلمتي الشغل كله لادهم مش كده
نورهان : ايوه
احمد : ممكن نرجع المنصوره
نورهان : براحتك يا احمد
احمد : واللهي متزعليش لو عايزه نفضل انا موافق ولو عادي هنرجع ويبقي ليكي بيت لوحدك نعيش انا وانتي وعمار وهمس كده كده قاعده مع اخوها واقنعناها تيجي تقعد معانا بس مش راضيه وعمار بيجي كل اسبوعين مره عشان اخر سنه في الثانوي
نورهان : مفيش مشكله نرجع عادي ونبقي نيجي زيارات
احمد : شكرا
نورهان : مش تتشكرني دا واجبي
*******************************
في قصر رعد
وصلت عشق ودموعها لا تتوقف وقررت ان تندمه ولكن بطريقتها فدخلت غرفتها ولبست فستان ضيق جدا وقصير بدون اكمام وظهرها عاري منه فكان اسوأ من التي كانت سارا ترتديه ووضعت ميك اب خفيف وارتدت كعب عالي ووضعت شعرها جنبا و
سمعت فونها يرن فلم تجب وجلست تنتظر رعد
بعد وقت سمعت صوت سيارته فتوترت ثم شجعت نفسها
دخل رعد وجدها تجلس وتضع رجل علي الاخري ونظر لملابسها فالاول مره يراها هكذا فهي دائما ترتدي ملابس محترمه وحتي في المنزل ترتدي شورتات وبلوزات ولكن ليست بهذا السوء فتعصب ورمي جاكته علي الارض
رعد بعصبيه : ايه اللي عملاه في نفسك ده
قامت من مكانها ووقفت امامه
عشق بدلال : عمله ايه دا انا حتي كنت مستنياك اخد اذنك عشان اروح الديسكو واتقرب من الرجاله زي ما سارا كانت بتعمل
رعد بعصبيه : انتي بتقولي ايه
عشق : بقول بحترمك يا زوجي العزيز وهطلع بعد اما استأذن منك
رعد بصراخ : تطلعي فين بالبس اللي انتي لبساه ده
عشق : فيها ايه ما هو عادي بره وهطلع بيه الوقتي وكانت ستذهب فمسكها من زراعها ودفعها للداخل
رعد بنفاذ صبر : عشق متعصبنيش وادخلي غيري
عشق بعند : لا هخرج كده
رعد بزعيق : عشششق
عشق : هخرج يا رعد وكانت ستذهب فشدها وصفعها بشده مما جعلها تقع ارضا وشفتاها تنزف
كانت عشق لا تصدق فهي تهدده فقط فهي مسلمه وتصلي كيف لها ان تخرج هكذا تسأل نفسها هل ضربها بالفعل رعد ضرب عشقه فنظرت له
عشق بدموع تنزل : انت مفكر هخرج كده لا انا مسلمه فكرتك هتكون حنين عليا وانك مش هتكون عاصم التاني ولا جدي بس للاسف طلعت اسوأ منهم يا رعد
نظر لها رعد ولم يصدق اهو ضرب عشقه وجعلها تنزف ونظر لنفسه في المرايا ثم نظر اليها وهي تبكي وشدها حتي وقفت امامه ونظر للدم الذي ينزل من جانب شفتيها ودموعها فمسح دموعها ثم مسح شفتيها ونظر اليها ثم اقترب منها وقبلها وما جعله يتماده انها كانت وضعت يداها حول رقبته وشدته اكثر ولم يتكلم اي منهم حتي لا يقطعوا هذه اللحظة ثم........................
************************************
عند الفجر فاستيقظ رعد ونظر لعشق التي في حضنه ثم نزلت دموعه اجل بكي رعد وقام اخذ شاور وتوضأ ولبس ملابسه وادي فرضه ثم نزل ركب سيارته وذهب لمكان ما ووقف ونزل من السياره
رعد : اااااااه اااااااه اااااااااه
ثم جلس علي ركبته وبكي
اما عشق فاستيقظت ولم تجد رعد بجانبها ونظرت للساعه وجدتها الثامنه فتذكرت ما حدث فابتسمت بخفه وقامت دخلت الحمام وأخذت شاور وتوضأت ولبست ملابسها وادت فريضتها ثم وقفت امام المرأه
عشق : بقيت ملك لرعد الشافعي عشقي انا بعشقك يا رعد يا تري انت فين
وبعد قليل وجدته يدخل ودموعه علي خده فاختفت ابتسامتها
عشق : رعد
فجأها انه جلس علي ركبته وضمها من خصرها وبكي
عشق : رعد انت بتعيط
رعد : سامحيني يا عشق انا اسف علي اللي عملته امبارح عارف انك مش بتحبيني بس انا ضعفت وضعفتك معايا اكيد انتي كان نفسك يحصل كده بس مع شخص بتحبيه سامحيني ارجوكي وبكي بشده لاول مره تراه هكذا فنزلت دموعها هي ايضا وبعدت يداه واوقفته ثم مسحت دموعه
عشق : رعد انا ب.....
رعد : عارف ان كرهك زاد الوقتي عشق في اي وقت عايزه تتطلقي قولي وانا هطلقك ساعتها ثم تركها وذهب
سمعت عشق صوت سيارته فاختنقت ومسكت فازه صغيره ورمتها في المرايا وبكت
عشق : افهم بقي بحبك افهم يا اخي انت ايه بعشقك غلطت مره مش تعذبني الف مره بقي عاااااا قلبي بيوجعني يا رعد ثم جلست في زاويه وبكت بشده
************************************
اخذ عدي جودي للجامعه ثم ذهب للشركة وجودي دخلت وجلست مع سيلا
سيلا : عشق اتأخرت ليه
جودي : مش عارفه يمكن مش جايه
سيلا : طيب يلا نروح المحاضره
جودي : يلا
وذهبوا الي محاضره كرم وجلسوا بجانب بعض فرن فون جودي وكان صامت
سيلا : حد مهم
جودي : دي چيلان
سيلا : خلاص ابقي كلميها اما المحاضره تخلص
كرم : سيلا قومي اقفي
سيلا : نعم يا دكتور
كرم : بتتكلمي مع اللي جنبك ليه ومش مركزه في المحاضره
سيلا : بصراحه اصلي كان عندي فضول اعرف مين بيرن عليها
كرم : انتي هابله
سيلا : لا بستهبل
كرم : دا بدل ما تقولي اسفه يا دكتور
سيلا : بأمانه الله اعتذر علي ايه انا بحب الصراحه ع طول انما لو اعتذرت يبقي بعمل حاجة غلط
كرم : وجهة نظر طيب اقعدي وبطلي كلام
سيلا : حاضر
وانتهت المحاضره وخرجت جودي لچيلان مع سيلا
چيلان : امال عشق فين
جودي : مجتش مش عارفة ليه
سيلا : برن عليها مش بترد
جودي : عادي اكيد عندها حاجة مهمه
چيلان : طيب سلام انا ورايا محاضره
سيلا : وانا هروح اغلس على دكتور كرم
جودي : وانا هعمل مفاجأه لعدي واروح الشركه
جلست سيلا مع كرم قليلا ثم ذهبت
************************************
رجع رعد لغرفته وجد عشق تنام في زاويه تسند رأسها علي الحائط فأنب نفسه عندما اقترب ووجد اثر دموع ثم حملها ووضعها علي السرير وقبل جبينها ولم يستطيع منع نفسه فاخذها في حضنه ونام معها وبعد حوالي ساعتين تململت عشق ونظرت له وجدته مازال نائم فمشت يداها علي وجهه وجدت حرارته مرتفعه فقلقت وحاولت ان تيقظه
عشق : رعد قوم رعد فوق وظلت تحرك فيه حتي فتح اعينه قليلا فساندته حتي الحمام وفتحت الدوش ووقفته تحته ووجدت نفسها تحضنه وتبكي وهو شدد من احتضانها وظل هكذا وقتا ليس بقليل ثم ساندته وخرجوا
عشق : رعد حاول تغير
اومأ برأسه واخذت ملابسها ودخلت الحمام تغير ملابسها ثم خرجت وساعدته في تبديل تيشيرته واعطته دواء ثم جعلته ينام ونظفت زجاج المرأه ثم رمته ورنت علي نورهان لتخبرها كيف تفعل الشوربه له لان الداده لم تأتي اليوم وفعلتها وذهبت له
عشق : رعد قوم رعد
رعد وفتح اعينه قليلا : اممم
عشق : اشرب الشوربه دي قوم
رعد : مش عايز
عشق : يا عم اشرب ومتقلقش دوقتها الاول يعني هي مش حلوه اوي بس مش هتروح المستشفى متقلقش
رعد : ههههه خلاص هشربها
وبدأت عشق تطعمه حتي انتهت
رعد : شكرا يا عشقي
عشق : بالهنا والشفا يا رعود
مسك يديها وقبل باطنها ثم رأسها وهي حملت الصنيه ونزلتها ثم طلعت له وجدته لم ينم
عشق : لازم تنام يا رعد
رعد : ممكن تنامي معايا
عشق : اكيد وذهبت نامت في حضنه وهو قبل رأسها وناموا سويا
***************************
بقلمي / سماء أحمد
الفصل الخامس وعشرون
عشق : هو دا اللي حصل يا جودي والنهارده حرارته نزلت وجيت الجامعه وهو راح شغله
جودي : بس يا عشق هو الوقتي مفكر انه اذاكي
عشق : مهو دا اللي مضايقني مش قادرة اقرب منه ولا قادره ابعد حاسه اني في محيط بعوم فيه بس مش عارفة اوله من اخره
جودي : طيب بصي يا ستي هقولك تعملي ايه معاه بس تنفذي الكلام
عشق : قولي يارب يجيب نتيجه
جودي :............
***********************
في منزل احمد
رن الجرس فذهب ليفتح وتفاجئ بيوسف وزينه
احمد : اهلا اهلا بالحلوين
يوسف : ازيك يا ابو حميد
زينه : ازيك يا حلو انت
احمد : كويس ازيكم انتم
يوسف : احسن منكم احنا المهم عندكم اكل
نورهان : مين يا احمد....يوسف ازيك اتفضل
يوسف : ازيك يا طنط
ودخلوا سويا الي الداخل
يوسف : طبعا حضرتك مش عارفة مين دي دي تبقي زينه خطيبتي وبنت عمي ومكتوب كتابنا
نورهان : اهلا وسهلا
زينه : اهلا بيكي يا طنط.....سبحان الله اما يوسف ورانا صور حضرتك استغربت ومصدقتش نفسي ان في شبه للدرجه دي
احمد : يخلق من الشبه اربعين
يوسف : عمي انا جاي لسبب هنا
احمد : ايه يا يوسف
يوسف : طبعا انا كنت مستني رعد يقوم من الغيبوبه عشان الفرح واما كلمت حضرتك وقولتلي انه فاق فحددناه بعد شهر وقولت لازم اجي بنفسي اقولك واعزم رعد وعدي والعيله
احمد : الف مبروك يا ولاد
نورهان : الف مبروك
زينه ويوسف : الله يبارك فيكم....هنروح نعزم رعد وعدي والعيله
نورهان : اتغدوا معانا الاول وبعدين روحوا
احمد : نورهان معاها حق وممكن نروح سوا هي كده كده كانت ناويه تزورهم
يوسف : مفيش مشكله
*****************************
في مكتب كرم بالجامعه
احدهم خبط فأمره بالدخول
سيلا : هاااي عليكم
كرم : هاااي ورحمة الله وباركته
سيلا : هههههه اشطااا
كرم : يا بنتي انا الدكتور بتاعك يعني المفروض تحترميني وتكلميني بطريقة رسميه
سيلا : يا بابا دكتور ايه بس المهم عايزه أفهم فقره مش فاهماها وانت كنت قايل نجيلك لو وقف علينا حاجه
كرم : ماشي يا سيلا هانم هتيها
وذهبت اليه وشرحها لها
سيلا : لا بجد يا دكتور كركر شرحك حلو اوي
كرم : دكتور ايه ياختي
سيلا : كركر بدلعك
كرم : بتدلعيني ليه ان شاء الله
سيلا : عادي يعني فكك انا همشي عايز حاجة سلابرتقال وتركته وذهبت دون سماع رد منه
كرم : ههههه واللهي مجنونه
****************************
في مبني المخابرات
كان رعد يجلس ويفكر فيما يحدث له ولعشق حتي قاطع تفكيره صوت فونه
رعد : امممم عايز ايه
عدي : باااارد بشكل
رعد : خلص
عدي : تعالي اسهر عندنا النهارده
رعد : لا سلام
عدي : استني بس نورهان واحمد وكمان عمك محمد ومراته جاين النهارده عندنا فهات عشق وتعالوا اكيد هما وحشوها
رعد : مش عارف هقولها كده
عدي : طيب رن وقولي ان كنت هتيجي سلام
رعد : سلام
وقفل ورن علي عشق فردت
رعد : احم ازيك يا عشق
عشق : تمام الحمد لله
رعد : بقولك عدي هزمنا نسهر عندهم واحمد وماما رايحين
عشق : اللي تشوفه
رعد : يعني عايزه تروحي
عشق : مفيش مشكله
رعد : اوكي....اي هاجي اخدك من الجامعه
عشق : ماشي هستناك
رعد : سلام
وقفل السكه وتنهد وفتح ملف القضيه
*****************************
في الجامعه
عشق : يخربيت جمودك يا اخي بس واللهي بحبك
سيلا : بتكلمي نفسك لا دانتي اتهبلتي
عشق : خضتيني يا سيلا الله
سيلا : سلامتك من الخضه اعسل
عشق : هههههه مجنونه
سيلا : فين جودي
عشق : راحت محاضره الدكتور العجوز ابو دم تقيل
سيلا : ههههه باااارده
كرم : والدكتور كرم
سيلا بتلقائيه : ابرد منه....ثم اتسعت عيناها....يا نهار احوس دا صوت دكتور كرم....واستدارت
كرم : ههههههه كنت ناوي اعاقبك بس ضحكتيني
سيلا : ليه يا عم مكتوب علي وشي نكته
عشق : احم سوري يا دكتور خدها علي قد عقلها
سيلا : ليه مجنونه
كرم : فشر دا انتي تقولي للجنون قوم وانا اقعد مكانك
عشق : هههههه مجانين يا ولاد
نظر لها كرم وسيلا فانسحبت بضحكه
كرم : اهدي بس احسن عيونك بطلع نار
سيلا : اوف مستفز وتركته وذهبت وهو ابتسم وذهب
******************************
انهت عشق باقي محاضراتها ورن فونها فخرجت وجدت رعد يقف بكل كبرياء والفتيات يتهامسن وينظرن له فاشتعلت هي وذهبت اليه وقبلته من وجنته ولفت يديها حول رقبته وحضنته هو لم يستطع منع نفسه من حضنها فضمها ورفعها عن الارض قليلا ودفن رأسه في شعرها وهي كانت سعيدة جدا وزادت الهمسات الحاسده علي هذين العاشقان فنزلها وقبل جبينها
رعد : يلا
عشق : هنروح فين
رعد : هنغير هدومنا ونتغدي وبعدين نروح عن عدي واحمد وماما هيقابلونا هناك
عشق : اشطااا يلا
****************************
لم تجد عشق وقتا لتكلم رعد وذهبوا للقصر والتقوا بيوسف وعزمهم علي فرحه وبعد مباركات ذهب جاسر الي غرفته وفي رأسه الف سؤال فاستاذن يوسف وذهب ورأه
يوسف : ممكن ادخل
جاسر : اكيد اتفضل
يوسف : انا عارف انك في دماغك الف سؤال ازاي هتجوز بنت عمي وانا برسم علي يارا....بص يا سيدي انا جيت هنا بفعل فاعل طبعا مش فاهم انا جيت هنا بخطه وهي اني اقربك من يارا وانت ويارا متعرفوش
جاسر : مين اللي جابك
يوسف : لارا وجودي والرأس المدبر عشق
جاسر : هبقي غبي لو قولتلك مش فاهم حاجة؟!
يوسف : هههههه لا....عشق كانت بتحاول تقرب عمي من نورهان وكانت عارفه ان يارا بتحبك تقريبا حكاتلي عن حاجه في يوم قابلت رعد وعشق في مطعم وكنت مع يارا واصحابك مش كده
جاسر : ايوه
يوسف : يومها بعد اما عشق ويارا طلعوا سوزي راحت عندها وهي بتعيط وسمعتها كلام يفور الدم وقالتلها انك متفق مع صاحبك انك تجبله يارا في المقابل يقولك خطه تدخل بيها علي جدك بسوزي ومثلت الدور بطريقه دراميه عاليه
جاسر : ويارا صدقت
يوسف : مش عارف بس عشق قالتلي انها اكيد بتمثل واني لازم اجي واقربكم واسف علي هزاري معاها بس كنت شايفك وكان لازم اعمل كده
جاسر : شكرا يا يوسف بجد خلتني اعرف حبي ليها
يوسف : العفو يا برنس دا اقل واجب اصلي كنت شغال مشعلالاتي معاك ومع عدي
جاسر : واتقنت الدور هوريك وقام من مكانه فشعر يوسف بخطر فجري وضحك جاسر ونزل ورأه
******************************
جودي بهمس : اتكلمتي معاه
عشق بهمس : لسه بس هتكلم
جودي : طيب قومي روحي الحديقه وانا هقول لهمس تبعته
عشق : بجد
جودي : ايوه قومي
وقالت لهمس ان تخبره فأخبرته وذهب اليها
رعد : عشق في ايه عيزاني ليه مكنتي خلينا اما نروح
عشق : مش عشق انا عشقك يا رعد
رعد : ايه جيباني ليه
عشق : انت متغير معايا ليه هاااه اللي حصل بيحصل بين اي زوجين بيحبوا بعض او لا ودا كان برضايا انت مغتصبتنيش عشان تضايق كده فهمت ارجوك يا رعد اقفل الصفحه دي وخلينا نبدأ من جديد او نكمل من ساعة ما كنت عشقك وانت رعود صديقي لو ليا معزه في قلبك ولو صغيره
وبدأت دموعها تهطل
اقترب منها ومسح دموعها وقبل جبينها وحضنها بشده كأنها ستهرب وهي فرحت بشده وحضنته
عشق لنفسها : كان نفسي اقولك بحبك بس كنت ههدم كل اللي انا ببنيه بحبك
يوسف : الله الله ع الرومانسية ايه يا اخ انت والاخت دا احنا حتي في بيوت الناس
عشق : انت مال امك يالا
يوسف : شكلي وحش
رعد : اووووي
يوسف : طب عن اذنكم
فضحكوا عليه ودخلوا للعائله واخبرهم احمد برجوعه للمنصوره
جودي بدموع : هتسبنا تاني
احمد : ليه الدموع بس وبعدين هاجي بس عشان عمار احنا هنا لهمس عيشه معانا ولا عمار وانا اتفقت مع همس هنقلها المنصوره اما تخلص السنه دي
چيلان : اوف متخليك هنا قولي حاجه يا عشق
عشق : اقول ايه وهو مقرر خلاص انت حر يا بابا
احمد : عشق
عشق : نعم
احمد : ممكن تعيطي
ضحك الكل
عشق : لا مش هعيط يا بابا
احمد : طيب قولي مش هعيط يا بو حميد
عشق : لا بردك
وقف احمد من مكانه وذهب لها ومسك وجهها
احمد : عشقي انا مكاني في المنصوره ذكرياتي وحياتي كل حاجه هناك اما قعدت هنا كان لسبب وهو انكم بحاجتي انما الوقتي رعد جنبك واخواتك ومحمد وثناء كمان وبقي عندك عيله كبيره زي ما كنتي بتتمني احنا اي كانت عيلتنا كبيره بس متفرقه وعمار لسه صغير ولوحده هناك ويوسف بقي هنا وبعدين انا كنت سايبه ليوسف ويوسف هيتجوز وايمان هتتجوز وجدك وعارفاه دا غير عاصم
تغيرت ملامحها للخوف فور سماع اسم عاصم ونزلت دموعها
عشق : روح لعمار يا ابو حميد بس اوعدني انك تبعد ماما نورهان عنهم عشان متكونش ماما نور التانيه
احمد : اوعدك ان مستحيل اسمح لنورهان تبقي نور التانيه ولا تتعامل بنفس طبيتها وحضنها
جودي : اوف انا بغير الله
چيلان : وانا اكتر
فوقف احمد وذهبوا الاثنين حضنوه
احمد : دي اخر خلفة المجانين
محمد : انت اللي مدلعهم
احمد : بزمتكم حد يبقي عنده تلات بنات حلوين اوي كده وميدلعهمش
علي : ربنا يخليهم ليك يا احمد
احمد : امين
جاسر : انا عايز اطلب حاجه يا جدي
علي : ايه
جاسر : وعدي كمان
عدي : اخلص
جاسر : احم انا بحب يارا وعايز اتجوزها في اقرب وقت
يوسف : يا راجل قول غير كده
جاسر : الله يخربيتك يا يوسف الكلب انا بقالي ساعة بتشجع وانت في لحظة تبوز كل حاجه
يوسف : واللهي حبيتك من القلب للقلب دا اقل واجب
ادهم : بطلوا تهريج بقي....جدو وعدي وافقوا عشان انا كمان عايز اعمل فرحي انا ولارا
علي : انا عن نفسي معنديش مانع
عدي : ولا انا بس يارا الاهم
جاسر بتوتر : ممكن اكلم يارا شويه
يارا : لا ومش موافقه
جاسر : يارا ارجوكي
نظرت يارا لعدي ثم اومأت برأسها وذهبوا للحديقه
****************************
في الحديقه
جاسر : اديني سبب مقنع يخليكي ترفضي
يارا : مش بحبك
جاسر : كذابه يا يارا
يارا : لا مش بكذب
جاسر : انتي مصدقه كلام سوزي
يارا : كلام مين
جاسر : الكلام اللي هي قالته ليكي انتي وعشق.بصي يا يارا انا بحبك وبحاول اقنعك بكده من فتره مش قليله وواللهي العظيم ما عملت حاجه من اللي سوزي قالتها ولا راهنت عليكي وانتي عارفه اني مش بحلف كذب في اي حال وقدامك حلين الوقتي اما تدخلي وتقولي للكل موافقه ونتجوز واوعدك اني هعيشك احلي ايام حياتك وان رفضتي اوعدك انك في حياتك ما هتشوفيني تاني وهسيبلك مصر كلها فكري يا يارا واعرفي ان بحبك اوي
وكان سيدخل لولا ان اوقفته جملتها
يارا : مصدقتهاش يا جاسر....التفت لها.... انا مش غبيه عشان اصدق سوزي انا اوهمت نفسي اني مصدقاها عشان اكرهك بس مقدرتش حتي لو اوهمت نفسي اني مش بحبك بس مقدرتش اكرهك وبردك مش هقدر اكمل حياتي.....انا هدخل اقولهم قراري ومتزعلش مني يابن عمي
ودخلت وتركته فنزلت دمعه منه ولكن سرعان ما مسحها ودخل ورأها ليخبرهم بأنه سيسافر
يارا بتوتر شديد : احم انا موافقه اتجوز جاسر
نظر لها جاسر بصدمه وفرح
يارا بهمس : مش هقدر اكمل حياتي بدونك مش معاك
جاسر يهمس : هو انا قولتلك بحبك
ابتسمت بخجل فحملها جاسر امامهم ودار بها وقال بحبك يا يارا يا احلي خيارة في حياتي
ضحك الكل
عدي بعصبية مصطنعه : شكلي هرفض لانك مش محترمني
علي : وانا كمان
مالك : صحيح خساره فيك تربيني
جاسر : لا وحياة عيالكم توبه مش هتتكرر المهم حددوا جوازنا
علي : كتب الكتاب وفرحكم انت وادهم بعد شهر ونص
وبارك الكل له وساد الفرح
*******************************
بقلمي / سماء أحمد
تكملة الرواية من هنا 👇👇👇
