أحببت طباخة ) الفصل التالت والرابع والخامس بقلم داليا احمد كامله علي مدونة النجم المتوهج للروايات

 (أحببت طباخة )

الفصل التالت والرابع والخامس

بقلم داليا احمد

في منزل شهد

وصلت شهد منزلها و اتصدمت لما سمعت مامتها و باباها و هما في اوضتهم بيتكلمو و هي كانت داخلة اوضتها

امل: طب هتعمل ايه يا عبدلله مقدرش اقول لشهد تحول من الجامعة دي هي نفسها فيها من زمان

عبدلله :انتي عارفة دي مصاريفها في السنة 12000 جنيه عشان انجلش ده غير مصاريفها هي و غير أنها لسة محتاجة تجيب لبس و حاجات عشان الجامعة هنجيب ده كلو منين

امل:بس انا مقدرش اقول لشهد كدا دي يا حبة عيني فرحانة أنها هتكون مع شيماء و كمان بعد ما دفعت مصاريف التيرم الأول سيبها علي ربنا يا عبده

عبدلله :يا امل كل حاجة غليت و الأسعار بقت نار دلوقتي و لسة لما يتقدملها عريس هنجهزها و اختها الصغيرة دي كمان يعني مشوار طويل

امل :طيب يا عبده انا هحاول اتكلم معاها و ربك يسهلها اما اقوم احضر الغدا عشان تاكل لقمة قبل ما تنام

عبدلله :متزعليش يا امل بس كل حاجة زادت الضعف الغلط مني مكنتش عامل حساب كل ده

امل :ازعل ايه بس يا عبده انا خايفة علي شهد هي اه هتحول عربي لكن برضو هتكون متضايقة و زعلانة و مش داخلة الحاجة اللي حباها

هقوم اعملك غدا عشان تلاقيك جعان

في نفس اللحظة شهد دخلت اوضتها بسرعة و قعدت علي السرير تفكر في اللي قالوه و جاتلها فكرة هنعرفها بعدين

_________

في شركة شاهر سليم والد زياد

زياد كان عنده شغل كتير جدا و مشغول

دخل والده شاهر مكتبه و لاحظ علامات الإرهاق و التعب علي وجه زياد و قعد قدامه 

شاهر :انت كويس يا حبيبي مالك شكلك مرهق كدا ليه

زياد:متقلقش يا بابا عشان كان عندي شغل كتير انهاردة تعبت شوية

شاهر :طب قوم روح دلوقتي الفيلا ارتاح

زياد :لا ساعة و اخلص كل اللي ورايا عشان في تصميمات لسة مخلصتش و بعد كدا هروح

شاهر :ماشي يا حبيبي ربنا يعينك سلمت التصميمات بتاعة الشركة اللي كانو طالبين شغلهم بدري

زياد:انا كلمت مكتب رئيس مجلس الإدارة و قالولي انه اجازة انهاردة و هكلمه بكرة 

___________

في منزل إبراهيم

ابراهيم كان لسة راجع من شغله

ابراهيم:ازيك يا ماما

والدته (حنان ):تمام يا هيما كويس انك جيت دلوقتي نص ساعة و الغدا يكون جاهز

ابراهيم:ماشي يا ماما هدخل اغير هدومي و اصلي الظهر لحد ما تجهزي الغدا

حنان :عينيا يا حبيبي علي ما تصلي يكون الاكل علي السفرة

_____

اما شهد كانت فاتحة اللاب توب و بتعمل بحث علي جروب الوظائف

و للاسف مفيش وظيفة مناسبة لانها لسة في سنة اولي جامعة و مفيش لغة ولا شهادة يعتبر و كل الوظائف الخالية مطلوب منهم لغة و خريج كلية

شهد لنفسها و دموعها علي خدها:اعمل ايه يارب مقدرش احول من الجامعة دي انا لازم اشتغل لازم عشان ماما و بابا و عشان نفسي كمان انا فعلا محسبتش ان ده هيكون تقيل يارب الاقي وظيفة مناسبة

في اللحظة دي اختها الصغيرة ملك خبطت الباب

شهد وهي بتمسح دموعها :أيوة حاضر هفتح

و فتحت شهد الباب

ملك(اختها الصغيرة ):شهد انتي جيتي امتي دي ماما  فاكراكي برة لسة

شهد سرحانة و مش منتبهة ولا مركزة مع ملك

ملك :يا شهد بكلمك

شهد انتبهت لكلام ملك :ها ... بتقولي ايه يا ملك 

ملك :بقولك ماما فاكراكي برة عشان بتقول تاكلي دلوقتي يا ملك ولا لما شهد تيجي من برة

شهد :اه انا نسيت اقولها اني جيت

ملك خرجت برة في الصالة و كلمت مامتها : ماما شهد هنا

مامتها دخلت :دودو حبيبتي انتي جيتي امتي

شهد :لسة من شوية يا ماما

امل(مامتها ): طيب يلا يا قلبي غيري هدومك و صلي الظهر عشان تاكلي انتي و ملك

شهد :حاضر يا ماما

ملك :غيريلي يا شهد عشان مش بعرف و فكي رباط الكوتشي مش عارفة افكه

شهد ابتسمت:حاضر يا لوكة

_______ 

في الأستوديو عند مازن

البرنامج خلص و خلص تصوير و كان بيجهز للحلقة الجاية هو و رانيا و المساعدين

مازن:كدا تمام يا رانيا انا عايزة كل حاجة بكرة تكون زي اللي حصل انهاردة كدا

رانيا:تمام يا مستر مازن اللي تشوفه حضرتك هيكون جاهز

مازن : تمام جدا يلا نتغدي بقا و نكمل كل اللي ناقص

رانيا: تمام يا مستر مازن ثواني  هطلب الاكل و ارجع لحضرتك

في اللحظة دي تليفون رانيا رن

رانيا :الو يا ماما

مامتها :.....

رانيا ب خوف:ايه خالد ماله طب انا جاية جاية حالا يا ماما..... سلام 

رانيا و هي بتعيط بصت ل مازن :انا اسفة جدا يا مستر مازن لازم امشي دلوقتي

مازن :اخوكي مالو اهدي طيب في ايه حصل

رانيا :.......

يتبع يا جماعه التفاعل وحش اوي 

تفاعل عشان اكمل ياله 💓😍

الفصل الرابع (أحببت طباخة)

مازن :اخوكي مالو اهدي طيب في ايه حصل

رانيا بعياط:ماما بتقول انه كان راجع من المدرسة و هو جاي عربية خبطته و انا خايفة عليه اوي استر  يارب

مازن : طب يلا بينا نروحلهم هو في مستشفي ايه 

رانيا : في مستشفي السلام

مازن : يلا بسرعة طيب نروحله

رانيا :طب و شغل حضرتك ده لسة ....

قاطعها مازن :شغل ايه يا رانيا المهم نطمن علي خالد الأول يلا

و خرج مازن و رانيا و ركبت العربية معاه و في الطريق للمستشفي

_________

اما شهد اتغدت و دخلت اوضتها  و فتحت اللاب توب و كانت بتدور علي الوظائف الخالية و شافت مطلوب كاشير و ويتر (جرسون ) في مطعم Hello 

شهد لنفسها :لا طبعا دي مش آخرتها اشتغل ويتر ولا كاشير لا بس المرتب كويس .... 

فكرت شهد للحظات :اه بس بابا و ماما ممكن ميوافقوش لكن انا مستحيل احول من الجامعة دي مستحيل

خلاص مش مهم الشغل مش عيب و مش حرام انا هكلمهم و اتفق معاهم اعمل انترفيو و اللي فيه الخير يقدمه ربنا

في اللحظة دي تليفونها رن و كانت شيماء و طلعت شهد في البلكونة لأنهم متعودين يتكلمو في الفون و هما شايفين بعض

شهد:الو يا اوزعة

شيماء :علي اساس ان طولك معدي الباب ده هما يا بت 5 سنتيمتر اللي بيني و بينك اتنيلي

شهد بتضحك :ههههههه لا ولله ماشي يا اوزعة عايزة ايه

شيماء :هو مش المفروض ان حضرتك عازماني علي الغدا برضو ولا ايه ولا شكلك رجعتي في كلامك صح قولي كدا بقا

شهد :اهدي شوية اديني فرصة اتكلم يخربيتك أيوة عازماكي طبعا بس انشغلت شوية في كام حاجة كدا

شيماء: اممممم طب بصي ايه رايك تيجي البيت عندي و تعملي الاكل عندي عشان الصراحة مش قادرة اجي مكسلة

شهد :طيب تمام 10 دقائق و اجيلك

قفلت شهد مع شيماء و غيرت هدومها عشان تروحلها

________

عند مازن و رانيا كانو وصلو المستشفي و سألت رانيا علي اوضة خالد اخوها و طلعو

اول ما طلعو جريت علي مامتها و كانت ماسكة مصحف في ايدها و بتعيط

خالد (اخو رانيا الصغير في 1 اعدادي  )

رانيا و الدموع في عينيها:ماما خالد فين يا ماما هو كويس

مازن:ازيك يا طنط حضرتك عاملة ايه

مروة (مامت رانيا  ):اهلا يا مازن يا ابني عامل ايه و تعبت نفسك ليه

مازن :متقوليش كدا يا امي خالد ده اخويا

مروة :ربنا يخليك يا حببيي

رانيا كانت بتعيط و منهارة لانها خايفة علي اخوها جدا و خصوصا انه شقي

مروة بصت ل رانيا :اهدي يا رانيا الدكتور هيخرج دلوقتي  و يطمنا عليه جيب العواقب سليمة يارب

رانيا و مازن:ياااارب

مازن:صحيح فين صاحب العربية اللي خبطه

مروة :محدش لحقها بيقولو العربية جريت بسرعة

رانيا:ربنا ينتقم منه

________

اما ميار روحت الفيلا بتاعتها و هي داخلة شافت مامتها

نوال:ميار كنتي فين كل ده

ميار :كنت في النادي يا مامي مع رودي

نوال:عاملة ايه مع زياد

ميار بحزن :زياد ..... زياد يا مامي مش بيطيقني انتي ايه مصممة انتي و طنط رباب (مامت زياد ) تجوزونا لبعض ليه علقتيني بيه انتي اللي خليتيني احبه

نوال:في ايه يا ميار... زياد يعتبر خطيبك و مع الوقت هيحبك وانتي عارفة طبعه كدا عشان شغله

ميار :لا يا مامي  زياد مش بيحبني ولا هيحبني 

انتي متعرفيش بيعمل ايه

نوال :عمل ايه معاكي تاني

ميار :هقولك (و حكتلها اللي حصل لما اتصلت عليه و انه كلمها بطريقة وحشة و اللي حصل الصبح لما كانت العربية هتخبطها )

نوال :بقا كدا ماشي يا زياد انا هكلم رباب و هي هتتصرف معاه

ميار :مبقتش فارقة اصلا.... بعد ازنك يا مامي هطلع اخد شاور و انام 

_________

اما إبراهيم كان خلص اكل و قاعد بيتفرج علي التليفزيون مع مامته

حنان :الا قولي يا هيما مش ناوي تخطب يا واد انت ولا ايه هتفضل قاعد جمبي كدا

إبراهيم :ها ... لا يا ماما لسة بدري انتي عايزة تخلصي مني ولا ايه نونا

حنان :نفسي أفرح بيك يا هيما و.....

إبراهيم قاطعها:باااااس استني ..... عنك انتي الطلعة دي يا ماما انا هقول نفسي أفرح بيك يا هيما و اشوف عيالك و اشيلهم و اشوفك سعيد مع عروستك قبل ما اموت و الجو ده خلاص يا ماما بقالك 5 سنين بتقولي نفس الجملة غيريها بقا

حنان :كدا يا إبراهيم بتتريق عليا

إبراهيم :يا ماما م انتي كل ما تشوفي وشي تقولي كدا بذمتك هتقدري تعيشي من غيري هه ... ردي عليا

حنان :يا حبيبي نفسي أفرح بيك بقا

إبراهيم :قريب يا امي ان شاء الله قريب ....

الفيلم ده بحبه جدا علي التليفزيون شوية

________

اما شهد كانت عند شيماء في البيت و واقفة في المطبخ بتعمل الغدا

شيماء :بت انجزي بقا متموتيش عشان همووت من الجوع عصافير بطني بتصوصو

شهد بتضحك: حاضر اهو بعمل

شيماء :طيب يا اختي انجزي صحيح انتي شكلك مش عاجبني مالك في ايه

شهد حاولت تغير الموضوع:ها ... لا ابدا مفيش 

بس الصراحة الواد هيما ده طيب و عسل اوي و جدع ياريت يكون من نصيبك

شيماء و هي سرحانة فيه :إبراهيم هو في زي إبراهيم و حلاوة إبراهيم ادعيلي يا شهد يكون من نصيبي و النبي ولا يكون بيحبني زي ما انا بحبه

شهد :بدعيلك ولله يكون من نصيبك

شيماء :من يوم ما وعيت علي الدنيا دي و محبتش غيره هو بقا كل حاجة في حياتي بس تفتكري هو بيحبني زي ما انا بحبه

شهد :انتي مش بتشوفي لمعة عينيه لما يبصلك ولا فرحته لما يشوفك و اهتمامه بيكي و خوفه عليكي و بصراحة باين اوي عليه

شيماء :يارب يكون بيحبني زي ما انا بحبه

شهد في سرها :و انتي بقا يا شهد مش ناوية يكون ليكي نصك التاني نفسي اوي يارب و يكون في الحلال

____________

في نفس الوقت كانت رانيا و مازن و مامتها مروة قلقانين علي خالد جدا و في اللحظة دي الدكتور خرج

رانيا و مازن جريو عليه و قالوله :خير يا دكتور خالد عامل ايه دلوقتي

الدكتور :خالد للاسف ...........

يتبع تفاعل وهنزل تاني

الفصل الخامس

احببت طباخة 

الدكتور :خالد للاسف الخبطة كانت شديدة عليه و حصله نزيف و محتاجين دم

رانيا :طب يا دكتور انا موافقة حضرتك ممكن تنقل من دمي

الدكتور :للاسف مش متوفر الفصيلة دي هنا و مش اي حد نقدر ناخد منه لازم نفس فصيلة دمه

مازن:فصيلة دمه نوعها ايه يا دكتور وانا هتصرف و اجيبها

الدكتور :فصيلة دمه  نادرة O سالب 

مازن :دي نفس فصيلة دمي الحمدلله

الدكتور :طب تمام حضرتك عندك مشاكل او أمراض

مازن قاطعه:لا لا لا الحمد لله معنديش اي مشاكل 

الدكتور : طيب تمام يلا تعالي معايا

رانيا ابتسمت ل مازن :بجد يا مازن مش عارفة اقولك ايه ربنا يخليك بجد

مازن :بعدين الكلام ده نطمن علي خالد الأول

و دخل مازن مع الدكتور و مازن ساب  مفاتيحه و موبايله مع رانيا 

_______

عند رباب (مامت زياد )

 كانت لسة راجعة من الاتيليه بتاعها ودخلت الفيلا و قاعدة في الليفنج بتتفرج علي أحدث صيحات الموضة

رباب ندهت علي دادة فاطمة

رباب :يا فاطمة فاطمة

فاطمة :أيوة يا هانم تؤمري بحاجة

رباب :اعمليلي عصير اورانج فريش

فاطمة :حاضر يا هانم ثواني و يكون جاهز

في اللحظة دي كانت ريماس نازلة تحت

ريماس :هاي ماما ازيك

رباب بعصبية :انا قولت 100 مرة اسمي مامي مش ماما

ريماس :حاضر يا مامي انا زهقانة

رباب :يعني اعملك ايه اقعدي اتفرجي علي ال Tv

ريماس :ماشي 

في اللحظة دي كانت نوال مامت (ميار )اتصلت علي رباب

رباب:هاي ناني 

ازيك و ميار عاملة ايه؟

نوال:مش كويسة خالص 

رباب :ليه كدا مالك

نوال :شوفتي زياد عمل ايه معاها

رباب:انا لسة جاية من الاتيليه و مش عارفة حصل ايه

نوال :حكتلها اللي حصل 

و في الوقت ده دادة فاطمة قدمتلها العصير 

رباب ل فاطمة :ميرسي يا دادة روحي انتي دلوقتي 

اه معاكي يا ناني ... متقلقيش انا هتصرف مع زياد و هعلمه الأدب ازاي يعمل كدا مع ميار متقلقيش انتي و قولي ل ميار متزعلش و انا هجبلها حقها

نوال :ميار من ساعتها بتعيط و مودها وحش جدا دي حتي مش عايزة تخرج معايا نعمل شوبينج 

رباب :لا طبعا ازاي انا هتصرف مع زياد و هخليه هو اللي يوديها تعمل شوبينج

نوال :ماشي يا ريري هقفل اشوف ميار و اكلمك تاني سلام

______

نوال كانت قاعدة في أوضة ميار

و بتكلمها

نوال :شوفتي بقا عايزاكي متضيعيش زياد ده متنسيش انه الولد الوحيد و ريماس مش هتاخد زيه ده غير أنه ماسك الشركة بتاعة باباه و فلوسه كتيرة و هيجبلك كل اللي نفسك فيه

ميار:ربنا يخليكي ليا يا مامي بس انا بحب زياد مش عشان فلوسه

نوال :اومال عشان عيونه يعني

ميار:لا يا مامي بس بجد انا بحب زياد

نوال :ميار انا عارفاكي كويس زياد ده لو كان فقير عمرك ما كنتي هتبصيله

ميار سكتت لحظات :لا انا مفكرتش في كدا بس انا بحب زياد اوي

نوال :من يوم ما ابوكي مات وانا بحاول احافظ علي مستوانا الاجتماعي و الفلوس قربت تخلص شدي حيلك بقا عشان تعيشي احسن من كدا كمان

_________

ريماس حست ان مازن فيه حاجة و طلعت اوضتها عشان زهقت من قعدة مامتها و كانت عايزة تكلم مازن و تطمن عليه 

في الوقت ده كان مازن بينقل ل خالد من دمه و  موبايله رن و الموبايل كان مع رانيا رنت ريماس مرتين و رانيا مردتش

ريماس: رد بقا يا مازن اول مرة متردش دايما بيكنسل لو مشغول حاسة ان في حاجة

ريماس اتصلت تاني و المرة دي رانيا ردت 

ريماس :ايه يا مازن مبتردش ليه

رانيا :ازيك يا انسة ريماس

ريماس بنرفزة :انتي مين اصلا و مازن سايب موبايله مع مين

رانيا :انا رانيا يا انسة ريماس

ريماس :اه رانيا و فين مازن بقا ان شاء الله و سايب فونه معاكي ليه

رانيا :أستاذ مازن في مستشفي عشان...

قاطعتها ريماس و دموعها نزلت :مازن حصله ايه في مستشفي ايه قولي

رانيا :اهدي بس هو مش حصله حاجة أخويا خالد في المستشفي عامل حادثة و هو كان نفس فصيلة دمه و اتبرعله بالدم

ريماس :بجد طب هو كويس

رانيا :ولله هو بخير الحمد لله و اول ما يخرج هخليه يكلمك

ريماس :اااه طيب و هو في مستشفي ايه 

رانيا :مستشفي السلام

ريماس :ماشي سلام 

و قفلت ريماس مع رانيا

و قالت لنفسها :ولله يا استاذ مازن بتسيب موبايلك معاها كمان انا مش مرتاحة ل رانيا دي يارب طمني عليه يارب و يكون كويس

_______

في الوقت ده كانت شهد خلصت الغدا و قاعدة هي و وفاء مامت شيماء  و شيماء بياكلو  وكان كريم بيلعب في الشارع تحت مع ملك و شادي و جني

وفاء :الله بجد يا دودو الاكل يجنن ماشاء الله

شيماء :انتي لازم تكرريها كل يوم بقا هه 

شهد بتضحك :حاضر من عيوني بجد الاكل عجبكم 

شيماء :عجبنا دي كلمة قليلة عليه يا بنتي الاكل ماشاء الله فعلا

وفاء :تسلم ايدك يا دودو بجد

شهد :فوفا انا عايزة منك طلب و انتي الوحيدة اللي تقدري تعمليه

وفاء :قولي يا دودو

شهد :انا عايزة اشتغل

شيماء و وفاء اندهشو لما سمعو كدا و بصوت واحد :نعم

شهد :فيها ايه يعني انا مش صغيرة و من حقي اشيل مسؤلية نفسي و اخفف الحمل شوية من علي ماما و بابا و كمان الشغل مش عيب ولا حرام 

وفاء :شهد انتي محتاجة حاجة ناقصاكي قوليلي يا حبيبتي انتي زي شيماء بنتي

شهد :ربنا يخليكي ليا انتي امي التانية ولله 

انا عايزة منك تقنعي ماما لو موافقتش ممكن ولا ايه 

وفاء:حاضر يا شهد بس قوليلي هو ده السبب اللي خلاكي تفكري في الشغل ولا حاجة تاني

شهد :اااه هو ده بس

شيماء :طب و هتشتغلي ايه 

شهد :انا لقيت وظيفة  هروح اعمل انترفيو و اشوف كدا هتقبل ولا لا  

انا شبعت  الحمدلله هقوم هغسل ايدي

شيماء :انا مش بشبع من اكلك الصراحة 

شهد ضحكت : ماشي

و خلصو اكل و شهد قضت اليوم عند شيماء بهزار و ضحك

___________

في فيلا زياد

ريماس كانت قلقانة لان مازن متصلش قررت تلبس و تروحله تطمن عليه

___________

عند كريم و ملك و شادي و جني كانو بيلعبو مع بعض في الحديقة اللي جنب العمارة ايجا ولد صاحبهم في المدرسة اسمه سيف و كريم مش بيحبه 

ملك كانت واقفة  بتتفرج علي الورد و كريم كان بيشتري حاجات

سيف :ممكن العب معاكي يا ملك

ملك كانت لسة هترد كريم ايجا

كريم :عايز ايه يا سيف ملك مش هتلعب معاك

سيف :اشمعنا يعني بتلعب معاك انت

كريم:وانت مالك انت روح العب بعيد عننا يلا امشي بقا 

سيف:بقا كدا ماشي يا ملك عموما هنلعب مع بعض

و سابهم و ماشي 

ملك :انت كنت فين يا كريم

كريم :كنت بجبلك شوكليت

ملك :بس دي غالية اوي يا كريم جبتها  ازاي

كريم :مانا بحوش كل يوم عشان عارف انك بتحبيها

ملك :شكرا يا كريم اوي

و بصت ملك علي الوردة اللي عاجباها

كريم :هي عاجباكي يا ملك

ملك :الوردة الصغيرة دي حلوة اوي عاجباني جدا

كريم مد ايه يقطفها

ملك بصوت عالي :لا لا يا كريم اوعي تقطعها

كريم :ليه يا ملك 

ملك :عشان لو قطعتها هتعيش يومين و تدبل و تموت خليها تكبر يا كريم

كريم :طب ايه رايك نهتم بيها و نخليها تكبر و تكون وردتنا و كل ما تكبر احنا هنكبر معاها 

ملك :يعني دي وردتنا

كريم :لا انتي وردتي و دي وردتنا اللي هتكبر معانا 

في الوقت ده شادي و جني ايجو عندهم

شادي :يلا نلعب بقا بطلو رغي 

كريم وملك :يلا بينا 

و بدءو يلعبو مع بعض و يضحكو

_________

ريماس كانت غيرت هدومها و نزلت لمامتها تقولها

ريماس:مامي انا رايحة المستشفى

رباب بقلق:ليه في ايه حصل اخوكي او ابوكي حصلهم حاجة

ريماس :لا يا ماما ده ابيه مازن

رباب اتخضت:ماله مازن

ريماس حكت اللي حصل

رباب:طيب روحي و متتاخريش و لو كان لسة تعبان اتصلي بيا و هروحله

ريماس :حاضر يا مامي 

__________

شهد روحت البيت و دخلت اوضتها

تنام شوية و قررت لما تصحي تقول لمامتها و باباه 

_________

عند رانيا و مازن

الدكتور خرج و رانيا جريت عليه

رانيا :ها يا دكتور هو خالد عامل ايه دلوقتي 

الدكتور :الحمدلله خالد بقا كويس و اديته منوم يرتاح شوية لكن هيفضل تحت الملاحظة و الأستاذ اللي اتبرعله بالدم ده اللي أنقذ حياته 

رانيا :طب و استاذ مازن كويس دلوقتي 

الدكتور :اه الحمدلله بقا كويس لكن جاله هبوط و هبعت اجيبله حاجة يشربها و ياكل حاجة عشان نقلنا منه كمية كبيرة

رانيا:انا هروح اجيبله يا دكتور حاجات من الكانتين

رانيا طمنت مامتها علي اخوها و قالتلها هتروح تجيب اكل و عصير ل مازن

و هي نازلة تحت قابلت ريماس

ريماس كانت بتعيط و خايفة عليه

ريماس:رانيا مازن فيه

رانيا:ريماس اهدي بس مفيش حاجة ولله ده نقل دم يا بنتي

ريماس :طب عايزة اشوفه هو فين 

رانيا:في أوضة رقم 66 في الدور الثاني 

و لسة رانيا بتكمل كلامها كانت ريماس طلعت فوق

________

دخلت ريماس الأوضة ل مازن

ريماس بقلق:ابيه مازن انت كويس

مازن اندهش:ريماس انتي جيتي ازاي و عرفتي ان انا هنا منين

ريماس :من رانيا اتصلت عليك و هي ردت  عليا و قالتلي  انك هنا

مازن:انا كويس يا بنتي .... انتي بتعيطي ليه

ريماس:كنت  خايفة عليك

مازن:طب اهدي يا ريمو ..... خالتي عارفة انك هنا و زياد عارف

ريماس:لا زياد مش في البيت و ماما عارفة اه

في اللحظة دي رانيا دخلت و كانت جابتله عصير و حاجات من الكانتين

رانيا:حمدلله  علي سلامتك يا مازن بجد عمري ما هنسالك الجميل ده انت انقذت حياة خالد و ....

مازن قاطعها :بس يا روكا  جميل ايه  و هبل ايه يا بت انتي عيب علي فكرة خالد ده اخويا

ريماس:هو انتي اسمك روكا ولا رانيا

رانيا ابتسمت :لا رانيا يا ريمو انتي مش عارفة اسمي يعني و روكا ده يا ستي دلعي

ريماس:ااااه بيدلعك يعني

رانيا :اه بالظبط مازن انا جبتلك عصير وكب كيك و مولتو عشان الدكتور قال لازم تاكل حاجة عشان تعوض الدم اللي اتسحب منك

و رانيا قربت من السرير راحت ريماس اخدت منها الحاجة

ريماس:شكرا يا رانيا انا هشربه و اكله 

رانيا (حست ان ريماس متضايقة منها ):ها اااه طيب بعد اذنك يا مازن هروح اشوف خالد و ماما هطمنها عليك عشان قلقانة عليك

مازن:ماشي يا روكا هو خالد بقا كويس صح

رانيا:اه الحمدلله بخير

ريماس:يلا يا ابيه أشرب العصير

و ريماس بتشربه و اكلته كب كيك

و خرجت رانيا و الدكتور دخل يشوف مازن

الدكتور :لا الحمد لله بقيت كويس و تقدر تخرج انهاردة

مازن :دكتور هو الحساب كام

الدكتور :الحساب هسالك محمد اللي ماسك الحسابات و ارجعلك بعد اذنك

مازن :طيب يا دكتور اتفضل 

و خرج الدكتور و مازن بص في الساعة و قال ل ريماس 

مازن: روحي دلوقتي

ريماس :لا طبعا مش هروح الا اما تيجي معايا

مازن بعصبية:سمعتي انا قولت ايه روحي عشان الوقت هيتاخر و مش هينفع اسيبك معايا كل ده انا الصبح هاجي عندكو و اطمنكم عليا

ريماس بتعيط :انت بتزعقلي ليه

مازن:ريماس روحي قولت مش هعيد كلامي مرتين

في اللحظة دي رانيا دخلت و الدكتور دخل وراها

الدكتور :أستاذ مازن الحساب اهو

مازن اخرج من جيبه فلوس و حاسب الدكتور و خرج

رانيا :ايه اللي انت عملته ده يا مازن مينفعش انا معايا و لسة بتطلع من شنطتها

مازن بعصبية :رانيا انتي بتعملي ايه خالد ده اخويا و انتو مسؤولين مني انتي فاهمة

رانيا :يا مازن مينفعش انا معايا ولله

مازن :لما اكون معاكي متفكريش تطلعي جنيه واحد عيب يعني

رانيا:ربنا يخليك لينا يا مازن

ريماس اتضايقت و حست ان فيه حاجة بين مازن و رانيا

مازن بص ل ريماس:سمعتي انا قولت ايه

ريماس خافت :و قالتله حاضر انا ماشية

و خرجت

_________

زياد كان في الفيلا وقتها و بياكل هو و باباه  و مامته و ريماس دخلت الفيلا و طمنتهم علي مازن و طلعت اوضتها

ريماس لنفسها :بقا كدا يا مازن بتزعقلي انا كنت حاسة ان في حاجة بينك و بين رانيا دي بس كنت بقول لأ يمكن صحاب فعلا

و بعدين فتحت اللاب توب و حطت الهاند فري تسمع اغاني

__________

اما زياد كانو خلصو اكل و قعد في الليفنج مع باباه بيتكلمو عن الشغل 

و دخلت مامته عندهم و هي بتعمل ضوافرها بالمبرد 

رباب:انتو ايه لغاية دلوقتي بتشتغلو يلا روحو نامو 

زياد:طيب يلا تصبحو علي خير 

رباب :استني هنا 

و بصت ل جوزها و ابتسمت 

رباب :اطلع انت يا حبيبي وانا هاجي وراك 

طلع شاهر و بصت رباب بغضب لزياد

رباب:انت زعلت ميار ليه

زياد ببرود و حاطط ايده في جيبه:الله هي لحقت  اشتكتلك

رباب :نوال (مامت ميار  )هي اللي قالتلي

زياد :ماما هي لحد دلوقتي ميار مش خطيبتي عشان تحاسبيني

رباب:هي كلمة واحدة يا زياد انت هتتصل بيها و تصالحها فاهم

زياد :ماما انا مش عيل صغير عشان تقوليلي اعمل ايه و معملش ايه وانتي عارفة اني مش بتاع دلع و تفاهات زيها .... تصبحي علي خير 

عن أذنك

وسابها و طلع

رباب :زياد تعالي هنا 

زياد طلع اوضته لكن شاف اوضة اخته النور شغال 

خبط الباب و هي مردتش 

خبط كذا مرة و هي مردتش ف قرر يدخل 

ريماس كانت حاطة الهاند فري و فاتحة اللاب توب قرب منها زياد و خلع الهاند فري و ريماس اتخضت و اتفزعت

ريماس بنرفزة:أنت دخلت امتي 

زياد :بقالي ساعة بخبط ع الباب وانتي مش سامعة

ريماس بتضحك :انا سمحتلك تدخل

زياد:عاملة ايه يا حبيبتي

ريماس:تمام يا ابيه ... بس انا زعلانة منك مبقتش بتقعد معايا زي زمان ..بقيت بزهق من القاعدة لوحدي ..... ماما بتروح الاتيليه و النادي ولو مش رايحة و قاعدة في البيت بتكون لوحدها و مشغولة عني و بابا دايما في الشركة

زياد نام علي سريرها :ولله يا حبيبتي انتي متعرفيش اللي بشوفه و ضغط الشغل ...خصوصا الأيام دي مضغوط جدا ولله .... و معنديش وقت حتي أخرج مع صحابي 

قفلت ريماس اللاب توب و قعدت جانبه 

ريماس:ولا يهمك يا ابيه مانا عارفة بابا مبيعرفش حد في الشغل 

ياعيني عليها اللي هتتجوزك مش هتعرف تتكلم معاك بسبب شغلك ده

صحيح هي ميار مستحملاك ازاي

زياد اتضايق :سيبك من الكلام ده انتي و نامي بقا 

ريماس :علي فكرة انا سمعت ماما و هي بتكلم طنط نوال و عرفت انك زعلت ميار

زياد:مش عيب تسمعي حد بيتكلم 

ريماس:لا ابدا ولله دي كانت بتكلمها جنبي بس انا عايزة اقولك حاجة يا زياد .... ميار طيبة اوي ولو قولتلها حاجة هتسمع كلامك  بس هي دلوعة شوية 

قام زياد من علي السرير :كفاية رغي بقا و نامي يلا تصبحي علي خير يا حبيبتي 

و باس راسها

ريماس:وانت من اهله 

زياد:صحيح مازن عامل ايه 

ريماس:كويس الحمد لله هو اكيد روح البيت

زياد:هتصل عليه اشوفه عامل ايه 

و خرج زياد و ريماس كانت مخنوقة من رانيا و فضلت صاحية تفكر لحد ما نامت

_________

اما شهد صحيت و شافت مامتها و باباها قاعدين في الصالة بيتفرجو علي Tv و قررت تتجرأ و تقولهم 

شهد:ماما ... بابا عايزة اقولكم علي حاجة

امل :واحنا كمان عايزين نقولك حاجة ... بس قولي يا حبيبتي انتي لأول 

شهد قررت تقولهم الأول عشان ميفكروش أنها سمعتهم

شهد :انا قررت اشتغل

 و جريت علي اوضتها 

مامتها و باباها :ايييه 

يتبع ........

من الفصل السادس حتي العاشر هنا 👇👇👇👇👇👇

من هنا