جميع الروايات كامله

عندما التقينا (صغيرتي نور)

 البارت الثالث عشر والرابع عشر والخامس عشر

صغيرتي نور

مراد يلهفه:انتي كويسه

نور ببكاء مانعها انها تتكلم ولكن هزت دماغها بالايجاب 

مراد وقد لاحظ الثياب التي ترتديها

مراد بخضة :نور حد عملك حاجه 

نور وقد بدأت تهدأ :لا لا بس يلا نمشي من هنا 

مراد :طيب تعالي يلا ويريد ان يعرف سر هذه الملابس التي ترتديها 

كانوا علي السفينة ولاحظ مراد ان نور ترتجف من شدة البرد 

فاعطاها الجاكيت بتاعه ووافقت بعد اصرار شديد من مراد 

وصولوا للشاطئ واحضر احد حراس مراد سيارته 

ركبوا العربية ومازال الصمت سائد الموقف ومراد لا يريد ان يزعجها بكلامه

نور ركبت في الكرسي الامامي جنب مراد 

غفت نور اثناء الطريق 

نور وهي نائمة:لا لا لا متعملش فيا كده لا ارجوك سيبني امو*ت احسن وبدأ صوتها يعلوا لا لا ارجوك 

مراد :حاول ايقاظها نور نور فوقي انتي كويسة نور اصحي ثم وجد زجاجة ماء وايقظها بها 

نور فاقت ولكن كان يبدو عليها الذعر 

مراد :نور اهدي انا هنا وانتي في امان دلوقتي 

ولكن في هذه اللحظة انفجرت نور في البكاء كان بكاء ممزوج بوجع وخوف لم يكن بكائها عاديا كانت شبه تصرخ وهي تبكي تبكي علي ما كان سيحل بها تبكي علي ما حدث لها تبكي بشده لانها تريد ان تريح قلبها

 

مراد كان يعتصره الا*ام في داخله علي هذا المشهد 

مراد:نور طب فهميني طيب عملوا فيكي ايه ارجوكي 

اهدي انا مش قادر اشوفك كده واقف اتفرج عليكي اهدي ارجوكي 

نور ببكاء:كان كان عايز وانفجرت في البكاء من جديد 

مراد :ارجوكي فهميني طيب 

نور :كان كان عايز يخلي واحد من حراسه يعمل فيا حاجات وحشه ثم بكت بشده 

مراد وقد فهم قصدها وبدأت روحه تغلي ثم فهم لماذا ترتدي هذه الثياب 

مراد لنفسه معقول معقول يكونوا نجحوا في ده وعلشان كده هي لابسه كده 

قاطع تفكيره بكاء نور 

مراد طب اهدي ارجوكي اهدي كل حاجه وليها حل 

نور :انا محدش قربلي 

ارتاح مراد وكأن هم العالم كله انزاح من فوق صدره 

اكملت نور ببكاء انا لما سمعتهم بيقولوا كده نطيت في البحر 

مراد بخضة :بتقولي ايه نطيتي في البحر ازاي تعملي كده يا نور افرضي حصلك حاجه كنت هعمل ايه انا 

نور وقد توقفت عن البكاء بعد كلمته الاخيره 

نور :مش فاهمه 

مراد :قصدي ابوكي وامك مفكرتيش فيهم 

نور :انا مفكرتش غير فيهم لما بنتهم تموت احسن ما تعيش بعار حاجه زي دي 

مراد:اسكتي ارجوكي

مراد :طيب انتي طلعتي ازاي من البحر 

نور :الحيو*ان اللي كان خاطفني هو اللي انقذني 

مراد بضيق:ازاي يعني 

نور :مش فاكره انا نطيت وفضلت اقاوم البحر لحد ما تعبت ف سبت نفسي للماية ولما صحيت لاقيت نفسي علي السفينة بس كده 

مراد وقد فهم كل شيء وفهم لماذا ارتدت هذه الثياب ولكن كان يريد هل هي من ارتدتها ام احد البسها اياها 

مراد خايف يسأل ليجرح احساسها 

مراد بخفه :بس حلوه الهدوم اللي اختارتيها دي 

نور بضحك :اعمل اي اكتر حاجه شوفتها مناسبه عليا 

ارتاح مراد لما سمعه وتعجب من ابتسامتها بالرغم من كل ما عاشته 

انطلقوا من اسكندرية للقاهرة متجهين نحو منزل نور ……

البارت الرابع عشر 

صغيرتي نور

وصلوا منزل نور وكان مراد يسير علي وصف عبد الحق له وكانت نور نائمة تغفو وكأنها لم تنام منذ عام كامل 

مراد بهدوء وصوت منخفض:نور نور اصحي اصحي يا نور وصلنا البيت 

ولكن لا توجد اجابة من نور 

بدأ مراد يبص علي نور وهي نايمه وفضل سرحان فيها وبدأ يفتكر كل اللي حصل معاهم من اول يوم قابلها فيه لحد النهاردة 

مراد لنور وهي نائمة :انا ليه بخاف عليكي كده تعرفي اني منمتش وانتي مخطوفة خالص 

ازاي هيجيلي نوم وانا كنت حاسس ان روحي مسروقه مني 

خايف امشي ورا احساسي اتعب واتكسر تاني مش عايز اتكسر تاني يا نور كل هذا ونور مازالت نائمة

مراد :كارولين كسرتني كسرتني 

عارفه يا نور كان فرحنا فاضل عليه يوم يوم واحد بس تخيلي عملت ايه 

نزلت دمعة من عين مراد واكمل بصوت مهزوز :بعتتلي رسالة قالتلي فيها انها عمرها ما حبتي وانها كانت بتنسي بيا حبيبها الاول ولما رجعلها عرفت انها محبتنيش ولا يوم 

تخيلي لما اكون واقف بشتري بدلة فرحي والاقي رسالة زي دي من واحدة محبتش في الدنيا قدها 

عمرها ما شافت معايا يوم وحش كنت دائما بحاول اكون معاها شخص كويس وكنت بجهز نفسي اني اكون احسن زوج بس…

توقف عن الكلام عندما شعر ان نور تتحرك وبدأت تستيقظ 

مراد بصوت منخفض:نور اصحي وصلنا اصحي يا نور 

استيقظت نور 

نور بفرح:احنا وصلنا البيت وهمت لتنزل من السيارة ولكن اوقفها صوت مراد 

مراد :طب مش هتقوليلي اطلع 

نور :اسفه جدا بس من فرحتي نسيت حالي اني اعزمك 

مراد فرح لفرحتها :لا عادي ولا يهمك 

نور :طب يلا بينا نطلع

قفل مراد السيارة وتوجهوا ناحية المنزل 

صعدوا السلالم ثم دقوا الجرس 

فتح الباب والد نور 

وما ان فتح الباب حتي قفزت نور الي حضن ابيها ذلك الحضن الذي تشعر فيه بالامان 

احتضنت أيضًا والدتها التي استقبلتها بدموع عينيها 

والدة نور ببكاء :طمنيني عليكي يابنتي حد عملك حاجه حد اذاكي يا قلب امك 

نور ببكاء :لا يا امي محدش عملي

 حاجه 

ام نور :بتعيطي ليه يا قلب امك طيب 

نور ببكاء :انتو وحشتوني اوي مش عايزه اسيبك انتي وبابا ابدا عايزه افضل هنا معاكم 

والدة نور:انتي وحشتينا اكتر والله الحمدلله انك جيتي رديتي فينا الروح 

والد نور:انا مش عارف اشكرك ازاي يابني مهما اشكرك مش هوفيك حقك 

مراد :انا معملتش حاجه يا عمي اهم حاجه ان نور بخير 

والدة نور:الله يكرمك ويرضي عليك يابني 

عبد الحق :يلا ي نور ي حبيبتي قومي غيري وانت يابني تعالي معايا اطلعلك حاجه تنام بيها 

مراد :مش هينفع ابات ياعمي انا جيت بس علشان اوصل نور وطلعت اسلم عليكم 

عبد الحق :والله يابني مانت ماشي انت مجنون هسيبك امشي في الليل كده وتسوق وانا عارف ان ليك تلات ايام مش نايم 

مراد :بس 

والدة نور:مفيش بس هتبات والكلام انتهي هنا 

قامت نور علشان تدخل اوضتها  بس داخت جامد وكانت هتقع لولا مراد سندها 

والدة نور بخضه :مالك يا حبيبتي 

نور:اطمني يا ماما انا بخير بس دوخت بسبب قلة الاكل انا بقالي يومين ماكلتش يا ماما 

اعتصر قلب مراد لما سمعه 

والدة نور :يا قلب امك هعملك احلي اكل حسبي الله في اللي كان السبب 

اتجهت والدة نور نحو المطبخ وبدأت في تحضير الطعام 

بعد فترة قليلة انتهت من تحضير الطعام 

جلسوا يتناولون الطعام وكانت نور تأكل بشراهه انتهت من الاكل ثم قالت تسلم ايدك ياماما 

والدة نور :كلي ياحبيبتي انتي ماكلتيش حاجه 

نور بضحك :ماكلتش حاجه ده انا ناقص اكلك انتي والحاج والاستاذ اللي قاعد مش بياكل ده 

ضحك الجميع علي كلامها ثم انهوا طعامهم وتناولوا الشاي 

مراد :نور هتقدري تيجي معايا بكره النيابة 

نور:لازم بكره 

مراد :لو مش هتقدري تتأجل مفيش حاجه لازم 

نور:لا خلاص نروح بكره علشان نخلص 

والدة نور :ما بلاش بكره انا خا*ئفة عليها 

مراد :اطمني يا امي هتبقي معايا وهيكون معانا حراس 

عبد الحق :يلا بقي ننام والصبح نشوف الموضوع ده 

ثم توجه الجميع للنوم

الفصل الخامس عشر

صغيرتي نور

توجه الجميع للنوم

نور اول ما دخلت قعدت علي السرير وبدأت تفتكر كلام مراد في العربية عن كارولين

نور لنفسها:انت لسه بتحب كارولين يا مراد بس عايز تنساها بيا كلامك عليها وطريقة وجعك في الكلام بتقول انك لسه بتحبها

ذرفت دمعة من عين نور وهي تتحدث

مكنتش عارفه اني حبيتك بس انا مش هقبل علي نفسي اني اكون مجرد شخص تنسى بيه حبك القديم ثم غفت

في الصباح

استيقظ الجميع وكانت نور لا تزال نائمة

احضرت والدة نور الفطار وذهبت لتوقظ نور

استيقظت نور وذهبت لتتوضئ لتصلي فريضة الصباح

ثم جلست معهم ليتناولوا الفطار جميعًا

كان مراد يتابعها واعجب بالتزامها كان مراد يوم عن يوم يزداد اعجابه وتعلقه بنور اكثر فاكثر

مراد :هتقدري يا نور نروح النيابة

نور :اه هقوم البس عن اذنكم

عبد الحق :هقوم البس واجي معاكم

والدة نور :وانا كمان جاية

لم يعترض مراد

ذهب الجميع الي النيابة

اول ما مراد دخل حظي بترحيب الجميع

مراد لاحد الحراس:شوفلي اللواء امجد جوا ولا لا

ذهب الحارس ثم عاد

الحارس لمراد :اللواء في انتظارك يا باشا

دخل الجميع للداخل

سيادة اللواء سلم علي مراد بحرارة بالغة ورحب بالجميع

امجد:اهلا يا استاذه نور تشربي ايه

نور :الف شكر ولا اي حاجه

امجد :طلب للجميع قهوه ونور ووالدتها ليمون بالنعناع

امجد :بهدوء كده عرفيني ايه اللي حصل معاكي

نور :انا الاول كنت مع الخاطف في مصنع مهجور وبعدين في ناس جم قت*لوه وخدوني

صحيت لاقيت نفسي علي سفينة مع واحد اسمه كارم وبنت اسمها كارولين

هنا انتفض مراد عندما سمع ذلك الاسم

مراد لنفسه :اكيد مش هي اكيد

ثم استكملت نور حديثها اللي اسمه كارم ده بيكره مراد جدًا كان عايز كان عايز ثم انفجرت في البكاء

امجد:اهدي يا نور اشربي الليمون لو سمحتي

كان مراد يسمعها وقلبه يعتصر عليها وعلي ما كان سيحل بها

هدأت نور قليلا ثم اكملت حديثها انا لما سمعته بيقول كده نطيت في البحر وبعدين محستش بحاجه غير وانا علي السفينة اول ما فوقت

امجد :انتي قولتي انه بيكره مراد جدا

نور:ايوه

امجد :اي خلاكي تقولي كده

نور :لان هو فاكر ان مراد ان هو يعني

لاحظ امجد ان نور مش مرتاحة في الكلام ومش واخده راحتها قدامهم

امجد :لو سمحتوا ياجماعة ممكن تستنوا برا شوية

قام الجميع رغم اعتراض مراد انه يخرج بس وافق بعد اصرار امجد

امجد لنور:دلوقتي تقدري تحكيلي كل حاجه بصراحة

نور بخجل :هو كان فاكر مراد بيحبني

امجد :وحتي لو كده متعرفيش عايز يأذيه ليه

نور :معرفش بس البنت اللي كانت معانا دي خطيبة مراد السابقة

امجد بصدمه

بداية الروايه من هنا 👇👇👇

من هنا

تعديل المقال