 |
🌸بسم الله الرحمن الرحيم🌸
🌸 لا إله إلا أنت سبحانك إني كنت من الظالمين 🌸ر
رواية قلبي ومفتاحه
بقلمي روز آمين
البارت الحادي والعشرون والثاني والعشرون
آتي الصباح بإشراقة أمل جديد
فتحت عيناها علي صوت رنين المنبه يذكرها بموعد سفرها !!
أفاقت بتكاسل،، وقامت توضأت وصلت لربها ودعته أن ييسر أمرها ويصلح حالها ويرعي أحبابها !!
أرتدت ملابسها،،
أفاقت أيه من نومها نظرت إلي مها وتحدثت بنعاس٠٠ ٠٠مسافرة دالوقت يا مها ؟؟
أجابت مها ببسمه ٠٠٠أه يا أيه ،،إدعيلي أوصل بالسلامه !!
أيه ببسمه٠٠٠٠توصلي بالسلامة حبيبتي،، أحسن حاجه عملتيها ،،روحي أقعدي كام يوم ريحي دماغك وإبقي إرجعي براحتك !!
كانت أيه سعيده لسفر مها حتي تبتعد عن عيون أدهم وينساها ،،ويٌخلي لها مكانها لتشغله هي !!!
نزلت الدرج وجدت مدام نور،، التي إستغربت نزول مها مبكرآ هكذا ومعها شنطة سفرها الصغيرة !!
تحدثت نور بإستغراب ٠٠٠إنتي مسافرة يا مها؟؟
مها تحدثت دون النظر في عيناها ٠٠أه مسافرة !!
نور وقد باتت تعلم أن مها غاضبه منها ولكن هي لا تدري لما ؟
نور بتساؤل٠٠٠مها إنتي زعلانه مني؟؟
مها بلوم٠٠٠ليه، هو حضرتك عملتي حاجه تزعلني؟؟
ردت نور٠٠٠مش عارفه،، أنا بسألك علشان أفهم !!
تحدثت مها بإستهجان ٠٠٠٠طيب لما تعرفي حضرتك نبقا نتكلم !!
نور بإصرار٠٠مها من فضلك،، أنا بحبك وبجد مش حابه العلاقه بينا تبقا جافه كده،، فلو سمحتي إتكلمي وقولي زعلتك في أيه ؟؟
هنا مها تحدثت بعنف وأتهام٠٠٠٠٠ولا حاجه،، كل الحكايه إن حضرتك سمعتي مكالمتي مع دكتور أدهم
وروحتي بلغتي بيها عماد إللي دمر علاقتي باأدهم ودمرني أنا شخصيآ،، شٌفتي الموضوع سهل إزاي !!!
نظرت لها نور بصدمه٠٠٠صدقيني أنا ما كنتش أعرف حكاية دكتور أدهم أصلا ،،
أول مرة سمعت بالموضوع يوم إنهيارك
أريج وأيه إللي حكولي،، وحتي لو أعرف عمري ما كنت هاقول لعماد !!
وتحدثت بجديه٠٠٠٠ أنا آه مش هاأكدب عليكي بقوله أخبارك العاديه،،
الراجل بيحبك وبيتصل يطمن عليكي،، بس عمري ما أتجسس عليكي وأروح أقوله !!
ثم نظرت لها ونزلت دمعه من عيونها وقالت٠٠٠٠ أنا مش وحشه أوي كده يا مها !!
مها وقد شعرت بالصدق من حديثها٠٠٠طب عماد عرف منين؟؟
نور بدموع٠٠٠ والله ما أعرف ،،ده حتي إتصل بيا ولامني إني ما بلغتوش !!
مها بندم٠٠٠أنا أسفه إني ظلمتك،، وبجد حقك عليا وأحتضنتها !!
نور ٠٠ولا يهمك يا مها،، المهم يلا علشان ما تتأخريش !!
وماتنسيش تسلمي علي ماما،، وضحكت وقالت٠٠٠ والبط والحمام والفطير أوعي تنسيهم !!
ضحكت مها علي تلك السيده العجيبه،، كيف لها أن تفكر في هذه الأشياء وسط دموعها تلك !!
◇◇◇◇◇◇◇◇◇◇◇◇◇◇
بعد مدة وصلت مها إلي منزلها وجدت والدها في إستقبالها في بهو المنزل،،
جرت عليه وأحتضنته كاظمئان وجد إرتوائه !!
ظلت تحتضن أبيها وتشتم رائحته،، كان أبيها يشعر بها وبإحتياجها لحضنه،، فشدد من إحتضانه لها ولمس علي رأسها بحنان
وقبل جبينها ونظر لها بعيون حانيه٠٠ حمدالله على السلامه يا مها نورتي بيتك !!
قبلت يده وجبهته بدون كلام ،،فعيونها تحدثت نيابتآ عنها !!
أتت إليها أمها إحتضنتها بحب وإشتياق
وكذلك أخواتها جميعآ !!
كانت عبير أختها الكبري حاضرة لكي تستقبلها هي وطفليها الصغيران !!!
الحاج رأفت بدعابه٠٠يلا غيري هدومك علشان ناكل الكبده أنا وإنتي وبس زي ما أتفقنا !!
عبير بتذمر مصطنع٠٠٠يا سلام يا سي بابا،، مش كفايه دابحلها خروف بحاله ،،كمان مش هتأكولنا من الكبده بتاعته !!!
وقالت بدعابه٠٠٠ يا عيني عليكي يا بيرو يلي مابتشوفيش الدلع ده،،
يا حسرة عليا جيت الأسبوع إللي فات عملولي ديك رومي وحمام !!!
نظرت لها مها بأسي مصطنع ٠٠٠يا حرااام،، معلش يا روحي حقك عند ربنا !!
ثم ضحكوا جميعهم وأستاذنت مها وصعدت لتٌبدل ملابسٌها !!
بعد مده دلفت ماجده إليها،،وضعت يدها بحنان علي خدها وقالت٠٠٠مالك يا حبيبتي؟؟
ليه نظرت الحزن إللي شيفاها في عنيكي دي !!
أجابت مها بحب٠٠٠مافيش يا ماما،، تعبت من بعدي عنكم ومن ضغط المذاكرة ،،وحشتوني أوي !!
ماجده بعيون متسائلة ٠٠٠٠أدهم ليه علاقه بالحزن إللي أنا شايفاه في عيونك ده؟؟
كانت مها قد قصت ل والدتها عن أدهم،، ولكن إحتفظت ببعض التفاصيل لنفسها
أجابت بكذب خوفآ من قلق والدتها عليها٠٠٠لاء يا ماما ملوش أي علاقه،، وبعدين أنا خلاص،، خرجت موضوع أدهم من دماغي !!
حسيت إني إتسرعت في مشاعري ناحيته،، أنا حتي بطلت أديلٌه إهتمام وهو حس بده وبعد خالص،، والموضوع إنتهي !!!
أنا حاليا بفكر في مستقبلي وبس !!
تحدثت ماجده بسعادة٠٠٠كده أحسن يا بنتي،، الموضوع كله علي بعضه ما كانش عاجبني،، قال تتجوزي في الصعيد قال !!
وأكملت٠٠٠المهم غيري هدومك،، ويلا علشان تفطري مع أبوكي،،
وبعدين إعمليله طاجن الباميه اللي بيحبه ،،علشان أخواتك ورانيا وهنا بيلفو ورق العنب !!
هزت رأسها بطاعه،، وخرجت ماجده !!
وضعت مها يدها علي قلبها وجلست علي سريرها وتنهدت !!
فقد تماسكت بكل قوتها حتي تظهر بهذا الثبات أمام والدتها،،
لكي لا تنهار،، وتحزن قلب أمها علي حالها !!!
◇◇◇◇◇◇◇◇◇◇◇
في الجامعة ٠٠٠دخل أدهم لقاعة المحاضرات نظر تلقائيآ حين تجلس لم يجدها،، حزن علي حالها وعدم رجوعها لطبيعتها !!
بعد إنتهاء المحاضرة كانت أريج وأيه خارجتا من القاعه
أوقفهما أدهم
وتحدث ببرود ٠٠٠أريج،، من فضلك ياريت تقنعي صاحبتك ترجع لمحاضراتها،، إنقطاعها ده غلط عليها !!
ردت أيه بتسرع٠٠٠مها سافرت عند بباها يا دكتور هاتقعد كام يوم !!
أدهم بلا مبالاة مصطنعه ٠٠٠تمام ،،لما ترجع ياريت تقولولها تحضر علشان مستقبلها !!
كاد ان يخرج أوقفته أريج قائله ٠٠دكتور أدهم من فضلك،، ممكن أتكلم مع حضرتك في موضوع !!
أدهم ناهيآ النقاش٠٠٠لو هاتتكلمي في موضوع صاحبتك يبقي مالوش لازمة الكلام !!
نظرت له بحزن٠٠٠ بس كده حضرتك بتظلمها !!
أدهم بلوم ونظرة عتاب٠٠٠٠تفتكري أنا إللي بظلمها يا أريج،، علي العموم الكلام في الموضوع ده زي قِلته !!
ولو سمحتي ياريت دي تكون آخر مرة تفتحي معايا الموضوع ده !!
ونظر لهما ببرود وقال ٠٠٠بعد إذنكم !!
أيه معنفه ل أريج ٠٠٠أنا قولتلك كده بترخصيها ماسمعتيش كلامي،،
إتفضلي،، يارب تكوني مبسوطه علي الكسفه دي !!
خرجت أريج وهي حزينه دون التفوه بكلمه واحده !!
🌸٠٠٠٠🌸٠٠٠٠🌸٠٠٠٠🌸٠٠٠🌸٠٠٠٠🌸٠٠٠٠🌸٠٠٠🌸
آتي المساء كانت تجلس وسط عائلتها تبتسم،، كم أنها محظوظه ب عائلتها تلك !!
كان الحنان والحب يحيطها من أفراد عائلتها
كانت تجلس علي الأريكة داخل أحضان والدتها الحانية !!
مها ناظره لأختها٠٠٠٠ شكلك بايته معانا يا بيرو !!
ردت عبير٠٠٠أه طبعآ،، إنتي وحشاني أوي يا روحي،، قولت أبات معاكي وأشبع منك قبل ما ترجعي كٌليتك !!
ماجده بتساؤل٠٠٠قاعده كام يوم يا مها ؟؟
مها بإيجاب٠٠٠إنهاردة وبكرة بس يا ماما ،،عندي محاضرات مهمه مش هاقدر أسيبها أكتر من كده !!
تحدث أحمد أخيها ٠٠٠٠بس مش غريبه يا مها،، أول مرة تيجي في نص الأسبوع،، دايما بتيجي آخره ؟؟
ردت مها بملل من كثرة طرح تلك السؤال عليها ٠٠٠٠هو فيه أيه يا جماعه،، ما قولتلكم وحشتوني،، أحلفلكم علشان تصدقو إنكم وحشتوني !!
تحدثت ماجده٠٠ خلاص،، مادام قاعده بكرة تعالي معايا نروح نشوف جدك وجدتك،،
كنت عندهم الأسبوع إللي فات وسألو عليكي !!
وافقت مها بترحاب فهي تحبهما كثيرا وتشتاق حقآ لهما !!
تحدثت علا بدلال٠٠٠وأنا كمان يا ماما خوديني معاكي
عدي الوقت بين ضحكات وأحاديث !!
غفت مها علي ساق والدتها ولأول مرة تفعلها،،
غفت بثبات عميق رغم الأحاديث والأصوات حولها،، ويبدو أنها وجدت أمانها المفقود وشعرت بالراحة وسط أصوات عائلتها !!
◇◇◇◇◇◇◇◇◇◇◇◇◇◇◇
عند أدهم ٠٠٠
كان يحادث والدته في الهاتف
تحدث أدهم بفطور ٠٠٠عامله أيه يا حبيبتي وحشاني أوي !!
ليلي ٠٠٠الحمدلله يا جلبي بخير،، هتاجي بعد يومين زي ما جولت؟؟
رد أدهم ٠٠٠لا يا حبيبتي أجلتها كام يوم كمان !!
ليلي بإستغراب ٠٠٠ليه يا جلبي مش هتاجي عشان تكلم أبوك في موضوع خطوبتك ده ؟؟
أجاب أدهم ببرود٠٠ ٠٠لا يا ماما ،،خلاص الموضوع ده أنا كنسلته،، وياريت ما تتكلميش مع حد فيه !!
أنا ومها سيبنا بعض خلاص !!
ليلي بتفاجأ٠٠٠بتجول أيه يا أدهم،، يعني أيه سبتها يا حبيبي،، دانتا من كام يوم بس كت هاتموت عليها وهتكلمني عنيها وأنت رايج ومبسوط ،،فاجأه إكده تسيبها ؟؟
أيه حوصل جولي؟؟
أدهم بنفاذ صبر٠٠٠يا أما الله يخليكي ماتضغطيش عليا،، سبتها وخلاص !!
لاقيت إننا ما ينفعش نكون مع بعض
وياريت تقفلي علي الموضوع ده،، أنا بجد تعبان ومش مستحمل أي كلام !!
أطاعته علي الفور فهي أدري الناس بإبنها جيدا فإن قال لا يريد الحديث فليكن !!
◇◇◇◇◇◇◇◇◇◇◇◇◇◇◇
بعد يومان٠٠
رجعت مها إلي جامعتها لتباشر دراستها،، وتحاول لملمت شتاتها
يكفي شتات حياتها مع أدهم ،،فلم تذيدها علي حالها وتشتت دراستها أيضآ !!!
قررت أن تدخل محاضراته ،،يكفيها ما فاتها
فقد إتخذت قرار بأن تتجنبه وشجعتها أريج علي ذلك !!
دخل إلي القاعه نظر تلقائيا إلي حيث تجلس كعادته وجدها
طار قلبه وسعد لرؤيتها ♡
ولما لا ؟؟
فهي مازالت حبيبته وإمرأة أحلامه !!!
فهل ينسي المرء خليله بكلمه ؟؟
حزن علي هيئتها ،،فقد خسرت بعض الوزن وبدَ علي وجهها الحزن !!
سمعت صوته يلقي السلآم لم تنظر له حتي لا تضعف !!
ولكن هل حقآ لم تضعف ؟؟
فقد أحست بخنجر في قلبها حين إستمعت لصوته !!
نعم هو جارحها وقاتل قلبها، ومع ذلك شعرت بالحنين لصوته،،
كادت أن تضعف وتنظر لعيناه وتسترق النظر منهما لتسر قلبها برؤياه ،،ولكن تماسكت !!
فهي مها رأفت ،،التي لقبوها في الجامعه من قبل بالمرأه الحديدية !!
لتصديها لحب ومحاولات عماد المستميته لإرجاعها، ولكن هيهات !!!
لملم شتاته،، ولم ينظر لها حتي لا يظهر عليه إشتياقه ويلاحظ أحد عليه !!
وبدء بالشرح
كانت تسجل خلفه كل كلمه دون النظر له !!
وبرغم أن هذا التصرف يغضبه إلا أنه عذرها،، وأشفق علي حالها ،،وقرر أن يتجنبها هو الآخر ويتركها بشأنها، فهذا أفضل لكليهما !!
وقفت أيه تسأله عن أشياء لم تفهمها من المحاضرة ،،كانت تتكلم بدلال وصوت أنثوي ناعم ،، عكس طبيعتها !!
مما أدهش أريج ومها وكانتا تنظران إليها بدهشه،،
إبتسمت مها بحسرة علي صديقة الأربع سنوات وعشرتها !!
هي لا تستحق ذلك منها ابدآ !!
كان أدهم يشرح لها دون أن يعطي إهتمام لطريقتها !!
فهو أيضا يشرح بجسده وعقله،، ولكن روحه تعبه وتتألم !!
سأل الطلبه في الدرس وقف الكثير وأجابو،، ومنهم أيه التي حولت المحاضرة إلي عرض لإنوثتها وخفة ظلها !!
كانت مها الحاضر الغائب،، هي فقط تسجل ولا تتواصل لا بالنظر ولا الحديث ،،
عذرها وخرج !!
نظرت أيه لهما وقالت بلؤم٠٠٠دكتور أدهم ده طلع حد لذيذ خاالص،، إمبارح شافني قالي لو إحتاجتي أي حاجه يا أيه تعاليلي المكتب فوق أشرحهالك !!!
ونظرت ل مها لتلاحظ ردة فعلها،، ولكن مها تماسكت ولم تملكها من هذة الفرصة
وقالت لها٠٠ ربنا يوفقك يا أيه !!
ثم نظرت ل أريج وقالت٠٠٠بباكي رد علي سيف ولا لسه؟
ردت أريج بخجل مشفقتآ علي قلب صديقتها المدمر ٠٠٠أه يا مها الأسبوع الجاي حفلة الخطوبه !!
مها بسعادة٠٠٠بجد،، وليه ما قولتيش،، كل ده وساكته يا مجرمة !!
ردت أيه بلؤم٠٠ أكيد ما رضيتش تقولك علشان ماتزعليش !!
نظرت لها مها بإستغراب ٠٠٠وانا أيه اللي هايزعلني في خبر يسعد قلب صاحبتي ؟؟
أيه ٠٠٠ يعني علشان موضوع دكتور أدهم ورفضه ليكي
كادت أن تكمل ،،
سبقتها مها وردت بغضب٠٠٠ رفضه ليا؟؟
إللي يسمعك كده يقول إني كنت بجري وراه،، وراميه نفسي عليه ؟؟
أولآ،، أدهم بتاعك ده هو إللي جالي لعندي وطلب حبي،، مش ذنبي إنه راجل راجعي ومتخلف،، ومتقبلش فكرة إني حبيت قبله !!!
ونظرت لها نظرة كادت تحرقها ٠٠٠وتاني مرة ياريت تختاري ألفاظك وإنتي بتتكلمي معايا !!
أيه بحرج٠٠٠انا ماأقصدش طبعآ يا مها !!
أريج بغضب٠٠٠لا تقصدي يا أيه،، وبقالك فترة كبيرة كل كلامك الموجه ل مها،، كله نقد وكلام جارح،،
وبصراحه أنا مش عارفه أيه سببه،، ياريت يا أيه ترجعي أيه بتاعت زمان !!!
أيه بغضب٠٠٠ إللي هي أيه أيه بتاعت زمان؟؟
قصدك أيه الغبيه إللي طول عمرها بتيجي علي نفسها علشانكم !!
علي العموم شكرا جدا ليكم،، ويظهر إن كلامي ووجودي مبقاش مرحب بيه !!
بعد إذنكم،، وخرجت مسرعة !!
ومها كالبركان الذي إنفجر ظلت تبكي بحرقه أخذتها أريج بحضنها !!
٠٠٠٠٠٠٠٠٠٠٠٠٠٠٠
بعد إنتهاء اليوم ،،ذهبت مها وأريج إلي فيلا نور دخلتا من باب الفيلا
وجدت نور تجلس هي والبنات في بهو المنزل
مها٠٠٠السلام عليكم
ردو جميعهم السلآم ما عدا عبير
تهلل وجه نور بترحاب٠٠٠ أهلا أهلا بأريج القمر،، شوفتي إزاي المكان نور أول ما هليتي إنتي والجميله مها !!
تحدثت أريج مبتسمه٠٠٠ أيه الكلام الجميل ده كله يا مدام نور،،
وربنا أنا باجي هنا بس علشان أسمع كلامك الحلو ده !!
ضحكت نور وتحدثت بود٠٠٠ طب يلا،، بدلو لبسكم بسرعة علشان تنزلو تتغدوا،، الأكل إنهارده حلو أوي وهيعجبكم !!!
سألت أريج بفضول٠٠٠ أيه هو الغدا يا نونو قوليلي ؟؟
أجابت نور بسعاده٠٠٠ نجرسكو وفراخ مشويه،، والشيف مظبطانا سلطات ومخللات وعصاير ،،يلا بقا إطلعو بسرعه !!
تحدثت مها بقلق٠٠٠ مدام نور،، هي أيه وصلت؟؟
أجابت نور ٠٠٠أه يا روحي جت من شويه،، هي فوق في أوضتكم !!
صعدت مها مع أريج إلي غرفتهم ،،وجدت أيه جالسه علي سريرها تستمع إلي أغانيها المفضله !!
ذهبت مها إليها وجلست بجانبها ثم تحدثت بود٠٠٠ أيه،، أنا مش حابه خالص تكون العلاقه بينا متوترة بالشكل ده !!
ثم تحدثت بحزن٠٠٠ كفايه علينا بعادنا عن أهلنا وغربتنا دي،،
فاأرجوكي يا أيه بلاش نصعبها علي بعضنا أكتر !!
مش هتبقا غربه وحياة مش مريحه كمان !!
كادت أيه أن تتحدث ٠٠٠
قاطعتها مها بحزم٠٠٠ من فضلك يا أيه بلاش عتاب،، وخلينا ننسي الموضوع ،،ويا ستي سواء أنا إللي غلطانه أو إنتي،، أنا أسفه !!!
كانت أريج مازالت واقفه تنظر إليهم وقالت لنفسها ٠٠٠والله إنتي غلبانه أوي يا مها وعلي نياتك،،
بقا هي إللي غلطانه وإنتي كمان إللي بتتأسفلها !!
أريج مصفقه بيداها للإنتباه٠٠٠ طب إخلصو بقا وفوقولي كده أنتو الإتنين،، علشان أنا مشرفاكم إنهارده وبايته معاكم !!
صحصحولي كده علشان نرتب لحفلة خطوبتي،، ونشوف هندعي مين من الجامعه !!!
صفقت أيه بيداها بفرح٠٠٠٠٠أيوا بقا هانلبس سوارية ونرقص وهتبقي ليله !!
تحدثت مها بتعقل٠٠٠٠٠ طب يلا ننزل للغدا الأول علشان إللي مستنيينا تحت دول،، وبعدين نبقا نتكلم براحتنا !!!
كان الغداء عبارة عن مرح وضحك للجميع،، ما عدا عبير الناظرة لمها بكره !!
ومها الغارقه بأحزان قلبها علي فراق حبيبها !!!
بعد الغداء صعدت البنات إلي غرفتهم
تحدثت أريج بإستياء٠٠٠٠٠البنت إللي إسمها عبير دي يا ساااتر ،،مش بحبها ولا برتاح لها خالص !!
ونظرت لمها بتساؤل ٠٠٠ شفتي يا مها كانت بتبصلك إزاي ؟؟
تحدثت أيه بتذكر٠٠٠ آه فكرتيني،،مها هي عبير إتخانقت معاكي بجد ؟؟
مها بإبتسامة حصرة٠٠٠ إنتي وصلك الخبر،،
وتنهدت وأكملت٠٠٠ كانت بتباركلي علي كسرة قلبي وذلي للمرة التانيه،، علشان أدهم،، ده اللي قالتهولي بالحرف !!
أريج ٠٠٠يخربيتها شريره ،،وضيقت عيناها بتساؤل ٠٠٠بس هي عرفت منين موضوع أدهم ؟؟
مها هزت كتفيها٠٠٠ ولا أعرف،، قالتلي أنها سمعت صراخي وسألت وعرفت !!
أريج ٠٠٠دي سوده أوي البت دي،، لحد دالوقتي مش قادرة تنسي إن عماد رماها وقطع علاقته بيها من بعد ما حبك !!
تحدثت أيه ٠٠٠بنت وحشه أوي ربنا يكفينا شرها،، المهم هاتدعي مين من دكاترة الجامعة يا ريجا ؟؟
أريج ناظرة لمها ٠٠٠أكيد مش هادعي دكتور أدهم !!
ردت مها بحزن٠٠٠ لو حابه تدعيه عادي يا ريجا،، صدقيني الموضوع مش فارق معايا !!
أجابت أريج ٠٠٠ مش هاينفع علشانك،، وكمان عماد وأهله هيبقو موجودين ،،
بابا دعاهم بحكم المعرفه إللي بينه وبين أَنكل حسين ،،وأنا ماأعرفش أيه خلافهم مع أدهم بالظبط،، ومش عاوزه مشاكل في خطوبتي !!
وذهبت لمها ووضعت يدها علي خدها بحنان وقالت ٠٠٠ أنا أهم حاجه عندي تكوني مرتاحه،، ده يوم مميز بالنسبالي وإستنيته كتير،،
ونفسي تبقي مبسوطه زيي ومرتاحه !!
أدمعت عين مها من الفرح لإهتمام صديقة عمرها بكل تفاصيلها وبراحتها !!
إحتضنتها بحب ودموع !!
كانت أيه تقف تنظر لهما بغضب علي تقاربهما هذا،، وأيضا علي عدم حضور أدهم،،
ولكن عزمت علي أن تستغل تلك الفرصة للتقرب بين عماد ومها ليلة الخطوبه ،،وأن تكون هذه ليلة رجوعهما لماضيهم ،،وتفوز هي ب أدهم الوسيم لنفسها !!
فهل ستنجح في تحقيق حلمها للوصول لأدهم ؟؟
هذا ما سنتعرف عليه في البارت القادم !!
إنتهي البارت
قلبي ومفتاحه
بقلمي روز آمين
🌸بسم الله الرحمن الرحيم🌸
🌸 لا إله إلا أنت سبحانك إني كنت من الظالمين🌸
رواية قلبي ومفتاحه
بقلمي روز آمين
🔹️البارت الثاني والعشرون 🔹️
مر يومان
كانت تخرج من قاعة المحاضرات هي وصديقتيها
تحت أنظار المراقب لها من شباك مكتبه مع آخد الحيطه حتي لا تراه !!
كنَ يتوجهن إلي الكافيتريا ليتناولون وجبه خفيفه مع مشروب دافيء،، لتدفئتهم من برد الشتاء القارص
قاطعهم عماد وكان من الواضح أنه ينتظرها !!
نظر لها بحب ٠٠٠٠إزيك يا مها
ردت مها بجفاء٠٠٠الحمد لله يا باشمهندس
تحدث عماد ٠٠٠٠مها لو سمحتي عاوز أتكلم معاكي شويه !!
ردت أيه بتسرع٠٠٠٠ طب يلا إحنا يا أريج !!
نظرت أريج لمها تتابع ردة فعلها !
نظرت لها مها وردت بثبات ٠٠٠ روحي يا أريج مع أيه أنا كويسه ماتقلقيش !!
تحدث عماد بحب٠٠٠٠ مها،، تعالي نقعد في أي مكان علشان ما تتعبيش !!
ردت عليه بحزم٠٠٠ أنا كده كويسه،، خير يا باشمهندس إتفضل أنا سامعاك !!!
نظر لها عماد بعيون حزينه علي الحال التي وصلت إليه حبيبته،، فكانت تظهر علي عيناها عدم الراحه وقلة النوم !!
نطق عماد بحزن٠٠٠ عامله في نفسك كده ليه يا مها ؟؟
مش إنتي مها إللي أنا اعرفها،، مها اللي أعرفها أقوي وأذكي من كده !!
مش قصه خايبه ولا واحد تافهه زي أدهم يعملوا فيكي كده !!
وتحدث بحسرة وألم٠٠٠ ٠٠للدرجادي زعلانه علشانه ؟؟
مها مقاطعه إياه بصرامه ٠٠٠أنا زعلانه علي نفسي يا عماد مش عليه !!
وأكملت بحرقة قلب٠٠٠أنا ما أستاهلش منكم كده والله،، أنتو ليه عملتوا فيا كده ؟؟
أجاب عماد بترجي٠٠٠تعالي ننسي إللي فات ونرجع زي الأول،، فاكرة يا مها،، فاكرة أد ايه كنا بنحب بعض،، وأد أيه كنا مبسوطين،،
كل الناس كانت بتحسدنا علي حبنا ده !!!
أنا قربت أخلص من الكابوس بتاعي وهاخطبك بعدها علي طول !!
ونظر لها بحزن٠٠٠أنا لحد دالوقت مش قادر أستوعب ولا أصدق إزاي قدرتي تخوني حبي وتبصي لغيري ؟؟
وأكمل بلهفه وتفهم٠٠٠بس أنا عازرك والله وعارف إنك كٌنتي بترديهالي وبتحاولي تنسيني ،،وتنسي الألم اللي عيشتيه بسببي !!
وقال بصدق وعيون عاشقه٠٠٠ ومسامحك،، والله مسامحك يا قلبي وهانسيكي كل اللي فات !!
مها ودمعه لمعت بعيونها٠٠٠ أنسي، أنسي إزاي يا عماد؟؟ تفتكر أنا مٌمكن أنسي اللي عملته فيا إنت وأبن عمتك ؟؟
أنتو دمرتوني،، فاهم يعني أيه تعيش بقلب بينزف طول الوقت،، عايش بجسدك بس روحك راحت منك،، مابقتش موجوده خلاص !!
وأكملت بدمعه هاربه ٠٠٠إنتو سرقتو مني روحي وحياتي يا عماد
دانا حتي ما عنديش القدرة أدور عليهم ،، مش قادرة أدور في نفسي علي نفسي،، تخيل !!
نظر لها وتحدث بألم٠٠٠٠ أرجوكي يا مها بلاش كلامك ده،، إنتي كده بتدبحيني !!
أكملت مها بقوه٠٠٠تعرف يا عماد،، أنا قررت أخلص الكام شهر اللي فاضلين ليا هنا
وأرجع أترمي في حضن أبويا،، وأتجوز اللي هو يختارهولي لأنه أكيد هايبقي راجل ليه كلمه وعهد،،
راجل بجد،، مش مجرد ذكر في البطاقه !!
وقالت بتأكيد٠٠٠ هاتجوز وهاخلف ولاد،، وهاعلم ولادي إن ما فيش حاجة إسمها حب،،
وأشارت بيدها علي رأسها ٠٠٠ هدربهم يلغو قلبهم ويفكرو بعقلهم بس،، وما يدوش الأمان لأي شخص في الكون مهما كان !!
تحدث عماد بعيون عاشقه٠٠٠٠٠أنا بحبك يا مها ومتمسك بيكي،، مش هاسيبك تضيعي مني تاني !!
وأنا مش عاوزاك ٠٠قالتها بتحدي وأكملت ٠٠٠ولو كنت آخر راجل في الكون بردو مش عاوزاك،، وهافضل أكرهك إنت وابن عمتك لأخر نفس فيا !!
هنا تحدث عماد بغضب٠٠٠٠إنتي بتقارنيني إزاي بكلب زي ده جرحك ورماكي وهانك !!
أنا حبيتك وخفت عليكي من الدنيا كلها،،
وقال بحب٠٠دا أنا ما بانمش غير لما نور تتصل بيا وتأكدلي إن نور أوضتك إنطفي،، ساعتها بس بقدر أغمض عيوني !!
ما برتحش غير لما أجي قصاد بلكونتك وأستناكي بالساعات لحد ما تحني عليا وترحميني،، وتطلعي علشان بس عيوني تلمحك وقلبي يهدي !!
أعمل إيه تاني يا مها علشان أثبت لك إني بحبك،، إنتي مستقبلي إللي مستنيه علشان أعيشه يا مها !!
تأثرت مها بعيونه الامعه بالدموع وكانت متأكده من صدق مشاعرة فهي تعلم حقآ أن عماد يعشقها ولكن للأسف قد تأخر الوقت !!
لقد سبق السيف العزل !!!
فقلبها حاليا ليس بيدها !!
تحدثت بأسف ٠٠٠انا أسفه يا عماد إني تعبتك أوي كده،، وأسفة لو في يوم جرحتك غصب عني !!
بس خلاص يا عماد ما بقاش ينفع،،
حتي لو سبت خطيبتك !!
وأكملت بعزة نفس ٠٠٠ مش أنا إللي أقبل علي نفسي أدخل بيت كل إللي فيه رفضوني ،،وقللو مني ومن أهلي،، ده لا يمكن أقبله أبدا !!
رد عماد بلهفه٠٠٠ هاخدك ونبعد،، هجيبلك فيلا ونعيش فيها لوحدنا،، مش هيبقالك بيهم أي علاقه نهائي،، ولو مش عاوزه تزوري أهلي حتي مش مهم ،،أنا موافق !!
وقال بعيون هائمة ٠٠المهم تكوني في حضني ومعايا !!
كادت أن تتحدث أوقفها بإستعطاف ٠
أرجوكي يا مها بلاش تتكلمي دالوقت،، فكري كويس لحد ما أحل مشكلتي مع عمي،، وساعتها هاكون تحت رجليكي !!
لم يترك لها الخيار،، فأشفقت علي حالته ،،
وكيف تضغط على جرح عاشق ؟؟
وهي أدري الناس بحاله !!
إستسلمت،، إبتسم لها وشكرها بفرحه ،، تركته وذهبت !!
وتركت أمل ينبثق داخل قلبه،، أنار له طريقه بعد عتمة ليل طويل بداخله !!
كانت كل تلك المشاعر تحدث أمام أعين الثائر الغاضب الناظر عليهم من شباك غرفته !!
فلو كانت نار القلوب تحرق لأحترقت الجامعة بأكملها ومن عليها !!
كان يضرب الحائط بيده ويحرك يده علي شعره للوراء في حركه عصبيه
أدهم لنفسه٠٠ أهدي يا أدهم أهدي،، ثم أنت مالك موجوع قلبك ليه كده !!
ما يرجعوا لبعض ولا حتي يولعوا أنا مالي،، كان يتحرك في المكتب بغضب ويحدث نفسه بصوت عالي !!
أنت اللي رميتها،، أنت اللي سبتها،، زعلان ليه بقا ؟؟
أنت أكبر من كده،، مش أنت إللي تقبل بواحده كانت مع راجل غيرك قبلك ،،مش أنت،، فوق لنفسك يا أدهم وإعقل !!
كان يصبر حاله بتلك الكلمات،، علَ قلبه الثائر الجريح يهدأ !!
نعم فهناك ثلاثة قلوب مترابطة ببعضها إذا إجتمع قلبان فحتما سيدمر الثالث ويحترق وينتهي أمره !!
وإذا تفرقت الثلاث،، فجميع قلوبهم ستفارق الحياه وهم مازالو علي قيدها !!
كم أنت ظالم أيها العشق وكم أنت مظلوم وتعيس أيها العاشق فرفقآ بالعاشقين ياالله ،،
ذهبت إلي صديقتيها جلست بجانبهما وطلبت مشروبآ !!
دلف عماد يحتسي قهوته ظل ينظر عليها بحب وفرحة الدنيا في عيناه !!
أما هي فكانت حزينه شاردة في أدهم،،
لم يتعود قلبها بعد علي فراقه،، هي لم تراه اليوم ،،
هل حقآ فقدته للأبد ؟
تحدثت أيه بفضول٠٠٠عماد كان عايزك في أيه يا مها ؟؟
ردت مها بفطور٠٠٠هايكون عايزني في أيه ما إنتي عارفه،، بيكلمني عن أحلامه الورديه إللي مستني يعيشها معايا !!
وقالت بشرود وهي تنظر أمامها،، بيحلم زي ما كلنا بنحلم !!!
أريج بحزن ٠٠٠ عماد ده صعبان عليا أوي،، مش قادرة أتخيل إن ده عماد إللي كان مقطع السمكه وديلها زي ما بيقولوا،،
معقوله يحب ويتعلق أوي كده؟؟
لاء وعمه ده كمان طلع زباله أوي،، الدلع إللي دلعهوله وهو صغير طلعه علي عيونه لما كبر !!
تحدثت أيه بإستياء ٠٠٠محسساني إنه محروم ومظلوم،، ده بيلعب بالفلوس لعب،، يا بنتي دي عربيته ما بتكملش شهرين ويغيرها ب موديل أحدث !!
أجابت أريج ٠٠٠مش كل حاجة الفلوس يا أيه،، الإهتمام أهم كتير ،،
إنك تحسي إللي حواليكي مهتمين بيكي وبحياتك وبيحترموا إختياراتك ده أهم بكتير !!
أيه ببرود وسخريه٠٠٠٠دخلنا بقا في كلام ولاد الأكابر إللي ماعندهومش مشاكل ،،فبيخلقوا لنفسهم مشاكل يعيشوها !!
نظرت أريج لمها وتحدثت٠٠٠ عارفه يا ماهي،، مامي قابلت مروه أخت عماد الكبيرة الأسبوع اللي فات صدفه في النادي،، تعرفي قالتلها أيه؟؟
مها بنظرة مهتمه٠٠٠ قالت أيه؟؟
أكملت أريج بحزن ٠٠٠ قالتلها إن لما عماد أصر إنه يخطبك
أنكل حسين هدده إن هايحرمه من حقه في الشركه،، لأن طبعآ معظم الأوراق في أيد أنكل حسين،،
ويقدر يحولها لإسمه بكل سهولة،، بس ما كانتش دي مشكلة عماد خالص،،
بالعكس وافق وفعلا كان هيسب له كل حاجه،،
لكن أنكل حسين ربنا يسامحه،، هدده كمان بنصيب مامته وإخواته البنات !!
وده إللي عماد ماقدرش يتحمله،، ما قدرش يتحمل نظرة اللوم من مامته وأخواته إنه فرط في حقهم علشان يكسب قلبه !!
نظرت لها مها بصدمه ،، أحقآ عماد تحمل كل هذا الذل لأجلي؟؟
أحقآ ظلمتك عماد ؟؟
أنا لم أعطك حتي الفرصه لتشرح لي !!
ااااااه يا ("الله") ،،كم عليا أن أتحمل بعد،،
لقد تعب قلبي يا (الله)أيتحمل ذنب ظلم عماد،، أم بعد أدهم عني ورفضه لي !!
ساعدني يا "الله"لأتحمل كل هذا الوجع 💔
ااااه عماد سامحني،، للأسف لم يعد بيدي شيء لأقدمه لك،، فقد أصبحت حطام قلب ،،
فأنا لن أعد أفيدك لا أنت ولا غيرك،، قلبي معلق به،، لا أستطيع نسيانه،، قلبي ليس بيدي،، ماذا علي أن أفعل !!
ونظرت لعماد نظرة حسرة،،
ليتني لم أدخل حياتك،، ليتك لم تتعرف علي،، ليتك عشت حياتك كما كنت !!
لو لم أظهر بحياتك لكنت الآن سعيدآ،، تعش حياتك كما كنت
سامحني أرجوك !!
نظر لها عماد بحب،، فابتسمت له بوجع وأشاحت عنه بصرها !!
🌸٠٠٠٠🌸٠٠٠٠🌸٠٠٠🌸٠٠٠٠🌸٠٠٠🌸٠٠٠٠🌸٠٠٠🌸
بعد إنتهاء اليوم
ذهب أدهم إلي مسكنه،، أخذ حمامآ باردآ علهٌ يهدأ جسده المشتعل منذ رؤيته لها مع عماد !!
حاول أن يغفي قليلآ ولكن هيهات ،،من أين يأتي النوم؟؟ ومن أين تأتي الراحه؟
إرتدي ملابسه وذهب لمكتبه،، حاول أن يصفي ذهنه ويلتهي بدوامة العمل عَلهٌ ينسي !!
إستدعي إسراء إلي مكتبه،، فحضرت تتحرك بدلع وإنوثه كعادتها !!
فهي إلي الآن لم تفقد الأمل بأن توقعه في شباكها !!
تحدثت إسراء بإنوثه ٠٠٠إفندم يادكتور ؟؟
تحدث أدهم بوجه لا يبشر بخير٠٠٠فين الدوسيه بتاع شركة *******
أجابت إسراء ٠٠٠حالا يا أفندم هادور عليه لحضرتك !!
وكأنها بجوابها هذا قد فتحت علي حالها أبواب جهنم !!!
تحدث أدهم بعيون شرسه٠٠٠نعم يا اختي،، هاتدوري عليه؟؟ هو أنا قاعد في سويقه هنا علشان تدوري عليه ؟؟
وهب واقفآ بغضب وخبط علي المكتب بكل قوته وبصوت عالي غاضب ،،
المفروض إننا في مكتب محترم،، والمفروض إنك سكرتيرة محترمه عارفه شغلها كويس ومنظماه،،
وتحرك بإتجاهها،، نظرت عليه برعب !!
وتحدث هو بسخريه٠٠٠٠بس سيادتك هاتجيبي وقت منين ترتبي الدوسيهات وتهتمي بشغلك،،
وأكمل ٠٠٠الله يكون في العون،، دماغ حضرتك هتتسع لأيه ولا أيه !!
ما هي الهانم مش فاضيه،، بتلف علي المولات علشان تشتري أضيق جيب تلبسها،، علشان تبين مفاتنها للشباب !!
وتفكيرها في الميكب إللي هيخليها ملكة جمال مزيفه،، يمكن تلاقي بقف يتختم علي قفاه ويتجوزها !!
ولا أنا غلطان يا إسراء هانم وصرخ ٠٠ردي علياااااااا !!
كانت تبكي بشده وتنظر له،، لما هو ثائر هكذا؟؟
فهي ولأول مره تراه بهذا الشكل !!
دخل أيمن مسرعآ بتساؤل٠٠٠فيه أيه يا أدهم؟ أيه إللي حصل ؟؟
ونظر ل إسراء المنهارة وقال٠٠ فيه أيه؟؟
أدهم بنفس نبرة الصوت الغاضبه ٠٠٠الهانم بسألها علي ملف تقولي هادورلك عليه،، شفت المسخره !!!
نظر له أيمن بعدم تصديق،، ألأجل هذا هو كالبركان ،،فحقآ هذا السبب لا يستحق كل تلك الضجه !!
تحدث أيمن بتعقل٠٠٠ أهدي يا أدهم من فضلك،، صوتك واصل للزباين بره،، الناس يقولوا علينا أيه ؟؟
أدهم بعيون مشتعله٠٠٠٠ النااااس،، كل اللي همك هما الناااس ومش همك الهانم وإستهتارها بالشغل !!!
نظر أيمن ل إسراء٠٠٠ إخرجي إنت بره للزباين يا إسراء !!
تحدث أدهم ٠٠٠زباين أيه اللي تخرجلهم،،
وأشار إليها بغضب وقال٠٠ دي تخرج من المكتب كله وماشوفش وشك هنا تاااااني إنتي فاااهمه،، قالها بصراخ !!
تحدث أيمن بهدوء ٠٠٠من فضلك يا إسراء أخرجي إستنيني بره !!
نظرت له بدموع وأنهيار وهزت رأسها بطاعه وخرجت !!
أيمن ذهب إليه وتحدث ٠٠٠فيه أيه يا أدهم،، وأوعي تقولي موضوع الدوسيه والكلام ده كله،، علشان مش هياكل معايا !!
ذهب إلي مكتبه وجلس بتعب ووضع يده علي وجهه وفركه بتعب وقال ٠٠٠أنا تعبان يا أيمن وما نمتش من إمبارح،، تعبان أوي !!
أيمن بحنان٠٠٠تفتكر إني مش حاسس بيك وبالتغيير المفاجئ ده،، تبقي غلطان يا صاحبي !!
أنا خارج علشان فيه زباين برة ،،وإسراء هاراضيها بكلمتين،، أنا عارف إنك ماتقصدش ترفدها،، وعارف إنك ضد قطع الأرزاق،، فاهخليها تكمل شغلها !!
وبالليل نتقابل ونشوف حكايتك أيه !! نظر له وهز رأسه بطاعه،، وخرج أيمن وتركه لأفكاره المؤلمه !!
🌸٠٠٠🌸٠٠٠🌸٠٠٠٠🌸🌸٠٠٠٠🌸🌸٠٠٠🌸٠٠٠🌸
في المساء إنتهت مها وأيه من مذاكرت دروسهما !!
وأغلقت الأنوار ليغفو،، ولكن حقآ ستغفو ؟؟
لا والله !!
فاستبدأ الآن فقرة العزف علي وتر نزيف قلبها الحزين ،،
فمنذ ذلك اليوم وعندما يحل الليل تهاجمها أحزانها بشراسه،، وتبدء رحلة عذابها ،،
كانت تضع رأسها علي مخدتها المبلله بدموع عيناها،، ولكن،، ماذا تعني دموع العين بالنسبه لدموع قلبها؟؟ فالقلب يذرف دمآ
💔 فدموع القلب أشد ألمآ يا ساده 💔
كان قلبها يصرخ متألمآ طالبآ إياه،،
هي تريده،، تريد نبرة صوته العاشق،، تريد عيناه ونظرتهما الهائمة،، تريد لمسة يده الحنونه،،
تريد الإرتماء داخل أحضانه لتبكي وتخرج فيه كل ألامها وأحزانها،، تريد الإحتواء بداخله !!
أين أنت أدهم؟؟ أين وعودك ؟؟
أكانت وعود زائفة ؟؟
لقد وعدتني يا رجل،، كيف لك أن تتخلي عن وعدك لي بتلك السهوله !!
أخدعت فيك أنا ؟؟
لقد رأيتك رجل ولك كلمه ولك وعد،، نعم يا فتي،، رأيتك رجل أحلامي،،
كيف لك أن تتركني بعد وثوقي بك أيها الحقير؟؟أيها النذل الجبان !!
كيف لك أن تتركني أتهاوي من أعلي جبال الهوي،، لقد إنزلقت يا فتي،،
إنزلقت وسقطت معي أحلامي،، آمالي،، رغباتي،، حتي رغبتي بالحياه سقطت معي ،،
لقد هلكت يا فتي،، هلكت وإنتهي أمري،،
فهل لك أن تصبح رجلآ وتأتي لتحييني؟؟
فهل للمتوفي أن يحيي من جديد ؟؟ فالاجابه بالطبع لا ،،
أنت قتلتني أدهم وأنتهي أمري !!
فليسامحك الله علي تدميري،، أما أنا فلن أسامحك لا في دنياي ولا بعد مماتي ،،
فقد دمرتني
وبدأت تتذكر إهانته لها تلك الليله وتبكي بحرقه علي هدر كرامتها تحت قدميه 💔
لم تكن عيناها هي من تذرف الدموع،، بل كان قلبها فيا (الله) كن بعونها أرجوك ،،فبكاء القلب مؤلم حقآ !!
☆☆☆☆☆☆☆
كانت بالسرير المقابل لتلك الباكية الحزينه،، إستمعت نحيب دمعتها رغم أنها كانت تجاهد ألا يخرج صوت بكائها حفظآ لكبريائها،، لكن أنين قلبها غلبها وخرج منه صوتآ !!
كانت تحادث حالها ٠٠لما تبكين أيتها الغبيه،، ألم تكتفي من النحيب بعد ،،كم أنتي فتاة عنيده مها !!
لا تقلقي يا صغيرة،، فاعماد العاشق الولهان لن يتركك،، سيتحدي العالم أجمع لأجلك سايتزوج بكي
أنسي مها وأنظري للأمام ،،ساتصبحين سيدة مجتمع أيتها المحظوظه،، ساتمتلكين أحدث ماركات السيارات،، وساترتدين أحدث صيحات الموضة والأزياء !!
وإحتمال كبير تنزعين عنكي هذا الحجاب الذي تدعين به المثاليه والفضيلة !!
وضحكت في نفسها كم أنتي محظوظه أيتها البلهاء !!
صدقآ مها أقولها لكي،، لو كان يصلح لتركت لكي أدهم وفوزت أنا بعماد وملياراته،،
ولكن للأسف،، عماد عاشق أحمق فقد باع عالمه أجمع لأجلك،، وأصبح من الصعب الفوز بقلبه
فكل من يدخل معكي سباق للوصول لقلبه فهو خاسر بالتأكيد !!
أما أدهم فهو أيضآ عاشق لا أنكر هذا،، لقد رأيت عشقك في عينه،،
لكنه رجل ذو عقل يابس رجعي،، فقد خدمني الحظ بحكايتك الغبيه تلك مع عماد ،،
فأصبح رجوعه لكي مستحيل،،
وأصبح وصولي له سهلآ !!
سأرتدي الحجاب من الغد حتي ينظر لي نظرتآ أخري،، مع المثول ببعض المثاليات والتقاليد تلك التي تروق له ،،
ااااه كم أنتي ذكيه أيه ،،أنا حقآ فخورة بكي أيتها الفتاه،، وضحكت في نفسها فرحه بحالها !!!
٠٠٠٠٠٠٠٠٠٠
فهل حقآ سيقف معكي الله أيه وتحققي أحلامك تلك ؟؟
هل يقف "الله" بجانب الشر لا و"الله" فا"الله" عادل ولا يقبل إلا بالعدل والحق !!
أنتي شردتي عن طريقك أيه،، إخترتي طريق الشيطان،، فاتحملي نتيجة أفعالك يا أبنتي !!!
لك( الله )مها،، تأتيكي الصفعات من جميع الاتجاهات صغيرتي ،،كوني قويه وتقربي من( الله ) فبا القرب من (الله عز وجل ) الخلاص والنجاه
إنتهي البارت
قلبي ومفتاحه
بقلبي روز آمين
البارت الثالث والعشرون والرابع والعشرون هنا 👇👇👇👇
بداية الروايه من هنا 👇👇👇
