 |
ملاكي الحارس
البارت التالت والرابع
-بص يا مروان انا بحب واحد تاني ..
بصدمه = ازاي !! اكيد نظراتك ليا مكنتش كدب .. العيون عمرها م كدبت !!
-صدق او متصدقش براحتك .. عن اذنك عندي عمليات و بالمناسبه روح لاوضتك و استريح .. دا لو عايز تخف ف اسرع وقت يعني
ومشيت وسابته وهو لسا مصدوم
دخلت عمليتين بعدها الوقت كان متأخر و روحت بيتها
اول لما حطت راسها عالمخده نامت
*اليوم الي بعدو *
كان اليوم فبدايته عادي زيه زي اي يوم .. خلصت عمليات و اتطمنت عالمرضي الي عملتلهم عمليات الايام الي فاتت
كان فاضل بس عمليه اخيره ..
وهي داخله العمليه اتفاجأت بمازن وهو بيلبس لبس العمليات و بيدخل معاها العمليه
-انت هتدخل العمليه دي ؟!
بإبتسامه & ايوا .. فيه حاجه ؟
-لا اصل انت بقالك كتير اوي مدخلتش عمليات و كمان دي عمليه سهله
& مش مشكله انا حابب ادخلها بردو
-براحتك فالنهايه انت مدير المستشفي
و فخلال نص ساعه كانت العمليه خلصت .. لسا بيخيطو جرح المريض عشان يبقا خلاص العمليه اتفنشت ف اتفاجأت ان الممرضين و الدكاتره الي معاها فالعمليه وقفو شغل و سكتو
-قفلو المريض وبعدها هنروح البيت
بس بردو محدش كان متحرك من مكانه
-ي اسماء لو سمحتي قفليه انتي عشان شكلهم فصلو و سرحو
وقتها اتفاجأت ب مازن بينزل علي ركبته و بيفتح علبه فيها خاتم
ب ابتسامه ' تقبلي تتجوزيني ؟' ' اوعدك هخلي حياتك سعيده جدا و عمري م هضايقك و كل حاجه هتتحل بالتراضي ' ' اوعدك ان عمرك م هتلاقي حد يحبك زي م بحبك '
سرحت وقتها و كان مروان بس الي قدامها .. هو عنده حق مروان لو كان بيحبها بجد مكنش يأس و خطب غيرها .. كان هيفضل يدور عليها طول حياته زي م هي عملت
-انا موافقه
مازن وقتها اتصدم جامد من الرد .. مكنش متوقع انها هتوافق اصلا هو بس قال هيجرب و لو موافقتش هيجرب كل مره بطريق مختلفه لغايه متوافق عليه
وقف و فضل يتنطط فمكانه من الفرحه وهو بيعيط ( هو مش عبيط يجماعه هو بس بيحبها اوي 😂)
الدكاتره والممرضين الي كانو فالعمليه كلهم سقفولهم و هنوهم و فرحو جدا ليهم
و فخلال دقايق كان الخبر كله انتشر فالمستشفي و مكنش حد بيتكلم عن حاجه غير عن عرض جواز مازن الفريد من نوعه و موافقه نور عليه .. كانو كل البنات فالمستشفي نفسهم حد يحبهم بالشكل دا و يتقدملهم بطريقه فريده من نوعها زي دي
بس واضح ان كل الناس مبسوطه ماعدا اتنين و اظن خمنتو مين هما
الخبر كان مؤسف اوي ل مني و مروان
مني الي شايفه ان صحبتها خانتها و رغم معرفتها بحبها لمازن الا انها وافقت عليه
ومروان الي افتكر ان الشخص الي بتحبه هو مازن ..
بعد العمليه مازن مفارقهاش لحظه .. كان ماشي جمبها وهو بيحكيلها اد ايه هو فرحان اما هي فكانت سرحانه ..
كانت مني مستنياها عند باب اوضه العمليات و اول لما نور خرجت مني مسكتها من كتفها
بعصبيه + حرام عليكي بقا انا عملتلك ايه عشان تخونيني بالشكل دا !! انا كنت دايما صديقه مخلصه ليكي و عمري م كنت اتصور انك بالبشاعه دي
و مشيت وسابتها و الدموع ف عينها
اما مازن ف مكنش فاهم حاجه
ونور استوعبت موقفها مع صحبتها .. هي لما وافقت علي مازن وافقت عليه عشان تنسي مروان و عشان مروان يبعد عنها .. وهو بردو كان عريس مناسب و بيحبها .. وقت لما وافقت كانت ناسيه صحبتها و رغبه الانتقام من مروان طغت عليها
& هي مني بتتكلم عن ايه يا نور ؟
-لا متشغلش بالك .. عن اذنك انا اتأخرت ..
و مشيت من المستشفي و راحت بيتها
وطول الليل بتحاول تكلم مني .. بس مني كانت دايما تكنسل مكالماتها و بعدها عملتلها بلوك .. كلمتها عالواتس والفيس وفكل حته ..
'اسمعيني بس متحكميش عليا قبل متسمعي يا مني .. انا مش وحشه والله يا مني .. انا هسيب مازن بكرا . عارفه ان دا مش هيصلح الي اتكسر بس عالاقل بحاول '
بس بردو مني بلكتها من كل الابلكيشنز
نامت ساعتين و صحيت و راحت المستشفي و كانت مقرره انها هتكلم مازن و هينهو الموضوع قبل م يبدأ
كان مازن مستنيها قدام باب المستشفي
-ليه مستني هنا يا مازن .. الجو برد اوي مستني من امتي
& من ساعتين مثلا
-طب ادخل جوا الدنيا بردو حرام عليك نفسك
& كنت مستعد استني اكتر حتي لو هتيجي العصر النهارده
نور معرفتش ترد تقول ايه
-مازن عايزه اقولك حاجه
& طب تعالي فكافتيريا المستشفي و نحكي هناك
-ماشي
*فالكافتيريا*
-مازن بص
بس مازن قاطعها و هو فرحان .. هي تقريبا مشافتهوش فرحان بالشكل دا غير بعد م وافقت عليه
بفرحه & ايه رأيك ف دعوه الخطوبه دي ؟ انا خليت لونها بينك عشان دا لونك المفضل و حطيت قطه فالدعوه عشان انتي بتحبي القطط و كمان بصي ..
راح ناحيه الاستقبال فالمستشفي و اخد كيس اسود كبير و باين عليه تقيل
& بصي كل الدعوات دي ؟ ان شاء الله كله هيجي علي خطوبتنا .. عايز كل الناس تشاركنا فرحتنا
-يا مازن اسمعني بس
مازن قاطعها تاني
& ايه رأيك بعد بكرا نعمل الخطوبه ؟ انا اتفقت مع اكبر قاعه افراح و قلتلهم هنحجز الاسبوع دا ف اي رأيك ؟ ولو مش مستعده الاسبوع دا نستني لغايه االاسبوع الجاي عادي .. كل حاجه انتي عيزاها هتحصل
-مازن .. ارجوك اسمعني
مازن قاطعها مره تالته
& اه انتي عايزه تقوليلي انك محتاجه وقت عشان تشوفي فستان للخطوبه صح ؟ بصي متقلقيش امبارح بعد م وافقتي عليا رحت اشترتلك ٥ فساتين و النهارده العصر هيكونو فبيتك .. و من ناحيه الذوق متقلقيش خالص انا اخترت كل الي بتحبيه .. اخترت الستايل الي بتحبيه وكمان الالوان ف اختاري اي واحد فيهم يعجبك
نور صعب عليها مازن اوي .. بعد م وافقت عليه مستناش الصبح يطلع حتي و راح اتفق مع اصحاب القاعه و اختار شكل الدعوه وكمان طبع منها نسخه كتير لا ومكفاهوش دا كله لا كمان راح جابلها فساتين
& اه معلش قاطعتك كذا مره .. كنتي عايزه تقولي حاجه ؟
نور ابتسمت
-لا لا انت قولت كل الي كنت عايزه اسأل عنه
قام من مكانه وهو فرحان ومتحمس
بصوت عالي & نور هتبقا خطيبتي بعد يومين يا ناااااس .. والله م فيه اسعد مني النهارده
-اهدي يا مازن ..
& انا هادي اوي اهو و عمري م كنت فرحان بالشكل دا .. بجد انا مش عارف اعبر عن فرحتي ازاي .. حتي مقدرتش انام امبارح من الفرحه
وقتها شافت مني معديه قدامها
+دكتور مازن عيزاك لحظه
& تمام اشوفك بعدين يا نور . هوصلك بيتك النهارده استنيني
-تمام
و راح مكتبه و مني راحت وراه
& نعم يا مني فيه حاجه ؟
+ جايه اقدم استقالتي ..
& نعم !! ليه كدا .. انتي دكتوره شاطره و كمان صحبت نور
+ هي دي كل المشكله .. اني صحبتها و انك عمرك م شفتني غير كدا
مازن استغرب
+ بص متشغلش بالك انت بس وافق علي استقالتي و بالمناسبه فيه نصيحه ليك .. نور عمرها م حبتك و لا حتي هتحبك .. هي وافقت عليك عشان ملاكها الحارس مروان طلع متجوز . يعني وافقت عليك عشان تستخدمك ك وسيله لنسيان حبيبها .. بس تعرف انت تستاهل اصلا لان الي بتحبك ومستعده تعمل اي حاجه عشانك قدامك ومع ذلك انت اعمي مش بتشوف غير نور .. و اه ممكن بردو عملت كدا عشان تخلي حبيب القلب يغير عليها و يطلق مراته و يتجوزها .. اصل مبقتش مستبعده اي حاجه منها .. سلام بقا يا لعبه قصدي يا مدير
مازن اتصدم من كلامها لدرجه انه اخد وقت يستوعبه .. مني كانت صحبتها المقربه واكيد مش هتألف حكايه حبيبها.. فرحته بدأت تقل تدريجيا و كلام مني بيتكرر فدماغه ..
راح ناحيه الاستقبال
& المريض الي نور اهتمت بيه جامد من يومين اسمه ايه ؟
€ اسمه مروان عامر
وقتها اتأكد من كلام مني وانها مش بتكدب .. هي فعلا كانت مهتمه بالشخص دا جامد
اخد من السكرتيره رقم اوضته و خبط عليها
= ايوا اتفضل
اتعدل و قعد عالسرير اول لما شاف مازن
& للاسف يا استاذ مروان احنا مضطرين ننقلك مستشفي تاني .. صحبي عنده مستشفي متخصصه فالمخ و الاعصاب اكتر من هنا وهناك هتتلقي علاج احسن ف انا هكتبلك قرار تحويل بس حبيت ابلغك الاول
= شكرا بس انا حابب اكمل هنا
& لا هو حضرتك مفهمتش كلامي .. انا مش باخد رأيك .. انا بقولك بس علي الي هيحصل
= يعني بالبلدي كدا بتقولي دي المستشفي بتاعتي و اقدر اطرد منها الي عايزه ؟!
& والله يعني افهم الي تفهمه مش مهم عندي المهم ان هيحصل الي قولتلك عليه و بالمناسبه هو ليه مفيش دبله ف ايدك ؟ مش بتحب الناس يعرفو انك متجوز ؟!
= متجوز ازاي يعني .. انا مش متجوز .. انا اعزب و لسا فاسخ خطوبتي من يومين
مازن افتكره بيكدب و مداش لكلامه اي اهميه
& عموما ياريت تفضي الاوضه النهارده
وقفل الباب و خرج
مروان اتعصب وقام من السرير و كان بيدور علي نور ..
اتقابلو وهما ماشيين فطرقه المستشفي ( بين الاوض ) و مروان وقف فطريقها
-عديني لو سمحت
= انتي وافقتي عليه ليه ؟ وكمان اصلا واضح جدا انك مش بتحبيه ولا مهتمه بيه حتي ( هو مكنش يعرف هل صح بتحب مازن او لا بس كان حابب يستفزها عشان تقول الحقيقه )
-عديني بقول
= بالمناسبه خطيبك المستقبلي طردني من المستشفي عشان بتاعته
-المستشفي بتاعته وهو حر فيها
= اشمعنا انا الي يطردني ؟ دا معناه انه غيران مني و اكيد مش هيغير الا لو كنتي بتحبيني
-والله يعني انا مش فاضيه عشان اسيب كل شغلي و اروح اسأله انت طردت مروان ليه
=نور .. متعمليش حاجه تندمي عليها .. انتي عارفه اد ايه انا بحبك و مستعد اشرحلك دا خمسين مره و حتي اثبتلك دا بالمواقف بس بلاش تتسرعي و تتخطبيله
نور خرجت من جيبها بطاقه دعوه
-انت معزوم علي خطوبتي بعد بكرا
و ادتله الكارت ف ايده و مشيت
اما هو فكان مصدوم .. فتح الكارت بسرعه و بص جواه .. كانت فعلا دعوه خطوبتها …
خلص اليوم و مازن وصل نور لبيتها وكان الوقت منتصف الليل
اما مروان فكان غارق فالحزن .. مش عارف ليه نور بترفضه رغم انه شايف حبها ليه فعيونها .. سأل ممرضه كانت بتجددله المحلول عن عنوان نور عشان مامته حابه تروحلها تشكرها و هي اديتهوله بحسن نيه
خرج من المستشفي من غير م حد يلاحظه
راح لبار قريب من المستشفي و شرب طول الليل لغايه الفجر
و راح بيتها و هو سكران
خبط عالباب جامد وهي صحيت و راحت بسرعه تفتح الباب قبل م مامتها تصحي
اتصدمت اول لما شافت مروان قدامها
اول لما شافها باسها ..
يتبع
رأيكم ؟
البارت الرابع
اول لما شافها باسها .. زقته و ضر"*بته بالقلم
بعصبيه - انت اتجننت يا مروان ؟!!! حرام عليك بقا انت كل شويه تنزل من نظري اكتر و اكتر .. عالاقل خليني افتكرك بشكل كويس …وبعدين تشرب ازاي اصلا وانت تعبان وكمان حرام !! وكمان جاي تزيد الطينه بله و تعمل الي عملته !! دا يبين انك شخص ضعيف بيلجأ للشرب اول ميتضايق و كمان معناه ان ايمانك ضعيف !! بصراحه كل موقف بتعمله بتخليني احمد ربنا اني اخترت مازن
و قفلت الباب ف وشه
قعد عالارض جمب الباب وهو بيعيط
و نور قاعده عالارض جمب الباب ( بس من جوا الشقه اما هو من برا .. معرفش وصلكم قصدي ولا لا )
= عارفه .. انا عارف اني مستاهلكيش بس كنت فاكر ان حبي ليكي هيكون كافي انه يقفل الجاب الي بينا .. انتي وافقتي علي مازن عشان هو دكتور زيك وانا لا صح ؟ بفكر من سعت م قولتيلي بحب واحد تاني .. بفكر فسبب يخليكي تنكري حبك ليا و فيه مليون سيناريو بيجي ف بالي .. ليه رفضاني يا نور ليه
نور اتأثرت من كلامه و عيطت ..
-انت متجوز يا مروان .. مش عارفه ازاي كنت فاكر اني هقبل اني اتجوزك بعد م تطلق رضوي او مثلا اكون زوجه تانيه .. مش انا الي اخطف راجل من مراته يا مروان ..
مروان كان سكران وقتها ومش مركز ف اي كلام بيتقال ليه وقتها
مسحت دموعها وفتحت الباب ومسكته من دراعه وقومته من عالارض
-قوم تعالا اوصلك المستشفي .. وياريت مشفش وشك تاني .. هوصلك بس المستشفي عشان انا انسانه كويسه و مش هسيبك تمشي فالشارع وانت كدا و تعمل حادثه تاني ..
وصلته المستشفي بعربيتها و وصلته للاوضه كمان و هو نام من التعب
بعدها راحت بيتها
*اليوم الي بعدو *
مروان صحي الصبح و افتكر كل الي عمله الليله الي قبلها
ضرب نفسه بالقلم ومكنش فاكر من كلام نور غير جمله واحده بس ' مش عايزه اشوفك تاني '
= انا ايه الي عملته دا !!
راح الاستقبال و سجل خروجه و قرر يروح مستشفي تاني
بس الاول هيستني نور لما تيجي المستشفي و يوضحلها سوء التفاهم ..
و عالضهر كدا نور وصلت المستشفي
= ينفع نتكلم دقيقتين ؟!
-لا مش هينفع
= انا سجلت خروجي من المستشفي
-كويس
= انا موافق اسيبك فحالك خالص بس بشرط واحد
-ايه
= تقوليلي ليه وافقتي علي مازن و ليه مصره تنكري حبك ليا
-هتبعد خالص اول لما اقولك ؟ ومش هشوف وشك تاني ؟
= ايوه
-تمام .. ببساطه لانك متجوز و حتي مفكرتش تقولي دا
بصدمه = متجوز !! مين دا الي متجوز
-مش عايزه استعباط !
و سابته و مشيت
وهو حاول يروح وراها عشان يفهمها سوء التفاهم دا .. وكان فرحان ان دا السبب .. دا معناه ان هي لو عرفت انه مش متجوز هتوافق عليه وهتسيب مازن
لما راح وراها عشان يقولها . مازن وقتها شافه و راح ناحيه نور
& نور
-ازيك يا مازن
& ليه مستنتنيش اوصلك امبارح
-معلش يا مازن كنت مرهقه ف روحت بسرعه
( كان بيحاول يفتح اي كلام عشان مروان ميكلمهاش و يخليها تغير رأيها فالخطوبه.. كان مستني اليوم الي بعدو عشان وقتها خلاص هتبقا ملكه 'هتفهمو قصدي البارت الجاي' )
دخلت عمليه مع مازن بعد كلامهم
اما مروان ف فضل مستنيها كتيير
بعدها الامن جم و قالوله يطلع برا المستشفي بالذوق احسن م يطلعوه بالعافيه وهو خرج بالزوق و قرر هيستناها قدام المستشفي لغايه متخلص شغلها
بس بعد يوم طويل من العمليات لما خرجت من المستشفي كان معاها مازن .. كان هيوصلها بيتها ف بردو معرفش يتكلم معاها
فكر يروحلها بيتها بس كان مكسوف جدا من اخر موقف بينهم لما راحلها ف قرر هيستناها تحت بيتها لغايه الضهر لما تخرج من بيتها و تروح للمستشفي
منامش لغايه الضهر و فضل مستني
بس الضهر مازن راح اخدها بعربيته و وصلها للكوافير ( دا يوم الخطوبه )
حتي فالكوافير منعو دخوله
استني قدام الكوافير بس مازن بردو جه اخدها لما خلصت عشان يروحو القاعه
ركب تاكسي و راح وراهم عشان يعرف انهي قاعه وقلبه بيتقطع انه رايح خطوبتها
*فالعربيه*
= ياه مش مصدق بجد ان النهارده خطوبتنا
نور حاولت تغير الموضوع
-مش هنعدي علي ماما ناخدها ؟
= لا انا بعتلها سواق يروح يجيبها
-تمام
= شكلك متوتره
-لا عادي .. دي خطوبه مش فرح
مازن مردش
اما مروان فكان بيفكر يعمل ايه عشان يمنع الخطوبه
قال للتاكسي يروح بسرعه لعنوان نور
و خبط عالباب و طبعا مامتها فتحتله
~ انت مين ؟!
خدرها ب قماشه فيها مخدر و بعدها شالها و نزل فسلم المطافي عشان محدش يشوفه
و وقف تاكسي وقاله علي عنوان علي اساس انه عنوان بيته و ان مامته لسا خارجه من المستشفي ونايمه
بعدها دخل فندق قديم مش معروف اصلا
و حجز اوضه و اداله بطاقته و قاله ناسي بطاقه مامته
و حطها عالسرير براحه و قفل الباب بالمفتاح و نزل
& نعم !! ازاي يعني كسرت باب الشقه و مامت نور مش موجوده ؟؟؟ راحت فين يعني !!
بتوتر و قلق -ماما فين يا مازن
& مش عارف السواق بيقول مش موجوده فالبيت خالص
-هتكون راحت فين !!
& تعالي بس نروح نشوفها
فالوقت دا وصلها رساله من موبايل مامتها
' مامتك معايا يا نور .. لو عيزاها ترجعلك يبقا تسيبي مازن والخطوبه و تيجي علي عنوان **** و لو مجيتيش فخلال ساعه من الرساله دي و لوحدك مش هتشوفي مامتك تاني فحياتك ابدا '
اتخضت نور جامد و اترعبت
-نزلني يا مازن انا هشوف راحت فين
= لا استني احنا هنلاقيها .. هنروح للشرطه كمان عشان يساعدونا
-يساعدونا ايه بس ارجوك نزلني من العربيه .. انا عارفه مكان بتحب تروحه ساعات
= طب منروح مع بعض !!
بعصبيه -نزلني يا مازن !!
= طيب تمام بس ابعتيلي اللوكيشن الي ريحاه عشان اطمن بردو
-حاضر
اول لما نزلت عملت نفسها ماشيه فالشارع عادي لغايه لما عربيه مازن اختفت من قدامها .. ركبت تاكسي و راحت للعنوان
-مروان !!! انت الي خطفت ماما !!!
جريت عليه و فضلت تضرب ب ايدها علي صدره
-عايز مني ايه بقا حرام عليك متسبني فحالي .. بتخطف ماما ليه
= مكنش قصدي شر والله
-تخطفها وتقولي مكنش قصدك شر !! لا انا كدا صدقتك 😒 ..انا عايزه اشوفها
= ماشي اهي فالاوضه دي
اول لما دخلت الاوضه كانت الصدمه القويه
مكنتش مامتها موجوده فالاوضه .. كان فيه مأذون بس و شابين اول مره تشوفهم
طلعت برا الاوضه تاني و كان مروان مستينها قدام الباب
-ايه دا انا مش فاهمه حاجه !!
= يا اما تتجوزيني دلوقتي و ب ارادتك يا اما مش هتشوفي مامتك تاني وانا لما بقول حاجه بنفذها يا نور ..
البارت الرابع والخامس هنا 👇
بداية الروايه من هنا
يتبع
ملاكي_الحارس
رأيكم
و تسلمو علي كلامكم الجميل ♥️
