 |
ملاكي الحارس
البارت الخامس والسادس
= يا اما تتجوزيني دلوقتي يا اما مش هتشوفي مامتك تاني وانا لما بقول حاجه بنفذها يا نور !
نور اتصدمت من الموقف الي هي اتحطت فيه
= بتفكري ف ايه يا نور !! مامتك مش مهمه عندك يعني ؟ طب خلاص
مسك موبايله و كان بيتصل بحد و الشخص دا رد بسرعه
= ايوه يا كامل .. خلصو علي الحاجه الي معاكم
نور مسكت ايده
-لا لا خلاص انا موافقه اتجوزك اهو
= طب خلاص يا كامل متعملش حاجه
وقفل المكالمه
نور قعدت عالكرسي و مروان نزل يجيب مدير الفندق عشان يكون الوكيل بتاعها
و اتكتب الكتاب
'بارك الله لكما و جمع بينكما علي خير '
المأذون قال الجمله دي من هنا و مروان شد نور من دراعها وكان خارج بيها من الفندق
فلتت دراعها من ايده و وقفت مكانها
-ماما فين
= فالبيت عندي … يلا بقا هنروح علي بيتنا .. عشان تشوفي مامتك و عشان خلاص احنا متجوزين ف اكيد مش هنبقا فبيوت منفصله
هنا نور بدأت تعيط .. بدل حضن كتب الكتاب بيشدها من ايدها بالغصب دا غير انه جواز بالاجبار
قرب منها ومسحلها دموعها
= عارف ان مكنش ينفع نتجوز بالطريقه دي بس انا كنت خايف تضيعي مني
زقته بعيد عنها
-انت خسرتني من زمان اصلا .. قبل م اروح معاك البيت عندي شرطين الاول
= مع انك مش فحاله تخليكي تتشرطي اصلا بس اتفضلي
-اول شرط اننا هنتطلق بعد شهرين و تاني شرط مش هتقول لحد خالص اننا متجوزين غير ماما طبعا .. و طبعا مازن من ضمن الناس دي .. لو عرف اننا متجوزين هخلعك فالمحكمه ف الاحسن تلتزم بشروطي و نتطلق بهدوء بعد شهرين
مروان لما جابت سيره مازن غار جامد و اتعصب .. معني انها حطته ضمن شروطها يبقا هي بتحب مازن فعلا
= هستناكي فالعربيه
ومشي و سابها فالفندق و استناها فالعربيه .. كان بيحاول يتحكم ف غضبه لغايه لما تركب العربيه
طول الطريق محدش فيهم نطق بكلمه و نور بعتت رساله لمازن تقوله فيها ان مامتها مش عايزاها تتخطب النهارده و هي طبعا اكيد هتسمع كلام مامتها .. و مازن شاف رسالتها ف لحظتها .. رغم انه مصدقش الحجه دي بس قالها تمام ولا يهمك .. اكيد مش هيقولها لا تعالي الخطوبه بردو و نتخطب بالعافيه
وصلو عند قصر كبير
= يلا انزلي
-هنا !!
= ايوه
-دا بيتك !!
= اه مستغربه ليه .. مش قولتلك درست برا مصر و جيت هنا اشتغلت ؟ طبعا بفضل ذكائي و مهارتي فالشغل بقيت رجل اعمال غني ف فتره قصيره
-هستناك جوا
و دخلت القصر قبله .. الباب كان مفتوح اصلا عشان الخدامه كانت عارفه انه جاي بعد كام دقيقه
-فين ماما
مروان اخدها عند اوضه كبيره وجميله و فتحلها الباب
الام جريت علي بنتها وحضنتها اول لما شافتها
بخوف -عملك حاجه يا ماما ؟!
ب استغراب * يعملي ايه يبنتي .. دا انا اتعاملت احسن معامله بس معرفش ليه جايبيني هنا و كنت قلقانه اوي عليكي
= مازن كان مخطط يتجوزك فالخطوبه يعني كان متفق مع مأذون و كان مخطط هيعرض عليكي الجواز فالخطوبه وطبعا مش هترفضيه قدام الناس دي كلها
بزعيق -انت كداب !! مازن بيحبني ولا يمكن يفكر ف الي انت بتقوله دا و بعدين انت عرفت منين اصلا ..
= مش كداب يا نور .. امبارح لما معرفتش اكلمك بالليل خليت حد من رجالتي يراقبك وانا كنت براقبك .. وهو الي شافه بيتفق مع المأذون و بيخطط لكل حاجه
-وانا لا يمكن هصدق كلامك دا .. انت طبعا عايز تبينه وحش زيك صح .. قلت طالما انا وحش هبين مازن وحش كمان
= صدقي او متصدقيش براحتك .. بصي يا حاجه .. انا اتجوزت بنتك من شويه و هتعيشو معايا هنا ف خدي راحتك
وشد نور من ايدها وخرجو من الاوضه وقفلو الباب
= تعالي عشان اوريكي اوضتك
مشيت وراه و وقف قدام اوضه
= دي اوضتك
دخلت الاوضه وهي مستغربه .. الاوضه كلها لونها اسود وباين عليها اوضه راجل
لسا هتلتفت ليه و شافته و هو بيقفل الباب بتاع الاوضه
-انت بتعمل ايه !! قفلت الباب ليه !
= اظن انك محطتيش شرط اني مقربش منك
-انا محطتش شرط زي دا لان المفروض دا بديهي .. انت متجوزني غصب ف اكيد مش عايزاك تقرب مني
= وانا مش هلتزم ب النقطه دي طالما محطتهاش فشروطك .. كفايه اني وافقت علي شروطك وهنفذها
كان بيقرب منها وهي ترجع لورا .. هو يقرب وهي ترجع لورا لغايه لما وقعت عالسرير ( كان السرير وراها وهي بتتراجع ل ورا )
حطت كف ايدها علي وشها من الخوف
بس بعدها بكام ثانيه بعدت ايدها عن وشها عشان تشوفه راح فين ..
كان قاعد عالكرسي وهو بيتنهد
= مش انا الي المس واحده غصب عنها يا نور .. متقلقيش مش هقرب منك غصب عنك
يتبع
حبيتو مازن ولا مروان ؟ ف صف انهي واحد فيهم وتفتكرو ايه الي هيحصل ؟ ليه قبل بشرط نور ان جوازهم يكون شهرين بس ؟!
و طبعا مستنيه رأيكم بفارغ الصبر ♥️
#ملاكي_الحارس
البارت السادس
=مش انا الي المس واحده غصب عنها ...متقلقيش مش هقرب منك
و سابها ونام عالسرير
-انت هتنام هنا !!
=ايوه .. محطتيش النقطه دى فالشروط
- يعني كان لازم اقول كل حاجه فالشروط !
= نامي يلا عشان الوقت اتأخر و كل واحد فينا عنده شغل بدري بكرا
نور فرشت البطانيه عالارض و نامت فخلال كام ثانيه
مروان افتكرها نايمه جمبه ..مكنش شايفها عشان كان مديها ضهره
قام من النوم بعدها بساعتين عشان يصلي الفجر و اتفاجيء انها نايمه عالارض
شالها و حطها عالسرير و صلي و نزل من البيت يتمشي شويه لغايه الصبح
فالصبح نور قامت واتخضت لما شافت نفسها عالسرير بس دورت علي مروان مكنش موجود ف اي مكان
لبست و نزلت الشغل
* اول مره يعني تيجي بدري الشغل
-اه قولت اجي بدري بدل م انا متأخره دايما
*رحتلك البيت امبارح بعد م بعتيلي الرساله ومكنش فيه حد فالبيت .. كنتي فين
بزعيق-اظن يا مازن ان احنا حتي لسا متخطبناش عشان تسألني الاسئله دي
*كنت بسأل بس عشان قلقت عليكي
-معلش يا مازن اسفه اني زعقتلك ..انا بس مضغوطه شويه الفتره دي
*ولا يهمك .. ايه رأيك نتعشي مع بعض انهارده
نور فكرت و شافت انها لو اتعشت معاه و مروان عرف هيتعصب و هيطلقها و بكدا مفيش داعي تستني شهرين
-موافقه .. ابعتلي اللوكيشن
بفرحه *تمام و انهارده امشي بدري من المستشفي عشان تجهزي براحتك للعشا
-تمام
ومشيت و راحت تشوف المرضي و العمليات الي وراها
*بالليل*
كانت واقفه قدام المرايه بتحط ميكب استعدادا للعشا
مروان دخل الاوضه وقتها
-مش تخبط قبل م تدخل !! افرض كنت بلبس
اتسند عالباب
=ياريت والله
-انت مش محترم علي فكره
=محسساني شاقطك من الشارع ..انتي مراتي علي فكره
-مراتك بالاجبار
=المهم انك مراتي .. علي فكره خليت الناني تعملك اكتر اكله بتحبيها عالعشا وبعدين بقالك ساعتين بتلبسي وتحطي ميكب عشاني .. شكلك بدأتي تحبيني
-مش عشانك .. عشان مازن
اول لما سمع اسمه اتبدلت ملامحه
=مش فاهم
-عزمني عالعشا و معادنا بعد ربع ساعه
راح ناحيتها وهو بيحاول يتحكم ف غضبه
=وانتي توافقي ازاي !!
-مش هوافق ليه مثلا
ردودها المستفزه كانت بتعصبه اكتر و اكتر
= يمكن مثلا عشان متجوزه!!!
-والله يعني لو مش عاجبك طلقني
=مفيش نزول من البيت .. هتتعشي معانا و تنسي خالص انك تخرجي مع مازن
-مش هتقدر تجبرني اني افضل فالبيت و منزلش
=نور ..متعصبنيش عشان متندميش
بصت ف وشه بتحدي
- و نور مش بتندم علي حاجه عملتها يا مروان
= انا قلت الي عندى يا نور .. لو عصيتي كلامي و اصريتي تروحي تتعشي معاه يبقا متجيش تعيطيلي فالاخر
بس هي طنشته و بصت فالمرايه تاني و كملت تظبيط الميكب
اما هو ف سابها و نزل تحت و قعد عالكرسي و مامت نور كانت قاعده معاه و مستنيين نور عشان يبدأو الاكل
اول لما شافها بالفستان الاحمر الي باين عليه فستان سواريه و لا الميكب الي حلاها اكتر و اكتر و شعرها الي فارداه و واصل لنص ضهرها ( هي كانت دايما بتعمل شعرها ديل حصان او كحكه )
فضل متنح كدا فيها و مامتها ضحكت اول لما شافت رده فعله
-معلش يا ماما مش هتعشي معاكم انهارده ..رايحه اتعشي مع صحبتي
~ فيه واحده يبنتي تسيب جوزها تاني يوم جواز و تروح تتعشي مع صاحبتها ؟!
اما مروان ف قام و مسكها من دراعها جامد و اخدها للاوضه
-انت بتوجعني علي فكره !!
=يعني بردو مصره تعملي الي فدماغك
-لو راجل و فعلا عندك كب*'رياء زي الر* جاله التانيه يبقا تطلقني
=عايزه تتطلقي ؟!
-ايوه
قرب منها جامد وباسها
اما هي ف زقته بعيد
-انت بتعمل ايه !! مش قولت هتطلقني !!
=هعمل الي انتي عايزاه .. هكون زي الرجاله التانيه و هاخد حقي الشرعي من مراتي
ابتعدت عنه بخوف
-مروان انت بتهزر صح .. انت قلت مش هتلمسني غصب عني
اما هو ف كان الغضب مسيطر عليه لاقصي درجه
و راح ناحيتها و رماها عالسرير
يتبع
تفتكرو هتحصل حاجه بينهم ؟!
هستني رأيكم بردو 💖
ملاكي_الحارس
بداية الروايه من هنا 👇👇👇
تعليقات
إرسال تعليق