 |
★☆رواية روح☆★
الحلقه الأولي والتانيه
_______________
مسحت علي خصلات شعرها و هي تشعر بالاحباط الشديد لقد تعبت كثيرا و ذابت قدميها من كثره البحث عن عمل ...
كانت تجلس غافيه في القطار المتجه الي المنوفيه حيث منزل امها كانت وحيده للغايه لا تعلم سوي امها و صديقه واحده!!
شخصان فقط في عالمها...
كانت مرتديه فستان اسود اللون رخيص الثمن و انساب شعرها الاسود متوسط الطول يلامس اكتافها و اغمضت عيناها مسترخيه في مقعدها و اخفت عن الجميع عيناها العسليتين
كانت (روح) تعيش مع امها و ابيها في المنوفيه و كانت الحياه جميله تمشي علي نهج رائع! لم تكن غنيه للغايه و لكنها تعيش بأرتياح الي حدا ما لم تكن تعرف سوي صديقتها هيام التي تربت معها منذ الصغر و كانت روح في العشرون من عمرها لم تدخل الجامعه اكتفت بالمرحله الثانويه و هذا نظرا لضيق الاحوال
و حدث ما نتوقعه جميعا توفي والدها و انقطعت النقود و هذا نظرا لان عمله غير ثابت و بلا معاش كان ذلك في الصف الثاني الاعدادي حين ربطت الام جأشها و بدأت في العمل بكل ما اوتي لها من قوه حتي دق بابها الكبر و العجز و المرض و تساقطت سجينه الفراش!!
و ها هي روح كل يوم تذهب للقاهره بحثا عن عملا لها و لا تجد...
ليس معها شهاده مفيده تنفع لها كانت تشعر بالضياع غير قادره علي وضع امها بالمشفي و غير قادره حتي علي علاجها و غير قادره حتي علي شراء الطعام؟!
كلما تذكرت هذه الامور تقع باكيه لا تعلم ماذا تفعل؟
ووووووووووووف
و توقف القطار بصوته المدوي المعروف فنزلت منه منكسره لا تعلم ماذا ستضع لامها كي تأكله
دخلت روح الي المنزل في تهالك فوجدت هيام جالسه و امامها الطعام و هي تُطعم والده روح
هيام:-رووووووووح....تعالي كلي لقمه بقه
جلست روح بعينان ممتنتين لهيام علي انها اعدت الطعام
ام روح:-ايه يا حببتي لقيتي حاجه
روح:-لا يا ماما لا
هيام:-عندي شغل ليكي جامد اخر 3 حجات
روح:-همممم قولي
هيام:-عرفه سرايا احمد لطفي في القاهره ده اكبر رجل اعمال يعتبر يعني
روح:-لا معرفش
هيام:-ما علينا المهم يعني هما عوزين وحده مديره منزل
روح:-خدامه يعني؟
هيام:-لا يا عبيطه يعني مثلا تكوي اللبس و تحضريه و كده هو يعني...و احيانا ممكن تشتغلي
روح:-لا يا ستي
هيام:-و مش هتتطري انك تيجي كل يوم و تسافري هيبقي ليكي اوضه هناك
روح:-لا لامش موفقه
هيام:-حتي لو قلتلك اني وثقه في الناس دي و المرتب 2000 جنيه بحالهم ؟؟و لا و كمان هما قالو لوحده تدورلهم علي شغل و الوحده دي تعرفني و طلبتني انا بس انا بقه هسيبلك الشغل لاني مش محتاجاه
روح:-2000؟؟يا ربي...شكرا اوي يا هيام
ثم استدارت الي امها
روح:-اروح يا ماما؟
الام:-روحي يا حببتي ربنا يقدم الي فيه الخير
روح:-ياااااااااااارب
_______________________________
رأت تلك النافوره في المنتصف و الاشجار و الحديقه الواسعه بدت ضئيله للغايه في هذا المكان و تقدمت بخطوات ثابته تدق باب المنزل
فتح لها رجل جعلها تتذكر هذا الذي كان يظهر في الافلام قديما الذي يضع حزاما كبيره علي بطنه و يرتدي عبائه تملأها النقوش
الخادم:-اتفضلي...انتي الي جيه للشغل؟
روح:-هه؟انا؟...اه
الخادم:-طيب اتفضلي في الصالون
و قادها الي غرفه رائعه..رائعه مثل كل شيئ ينتصفها مصباح كبير من الكرستال يبدو في غايه الروعه نظرت الي العفش و المزهريات فلم تتماك نفسها و هي تشهق بانبهار
..:-احم...احم
استدارت بسرعه الي مصدر الصوت فوجدت سيده تبدو عليها الهيبه
...:-انا دولت عمار صحبه البيت ده كله
روح:-احم...اهلا و سهلا...انا اسمي...
دولت:-روح....20 سنه....المنوفيه
روح:-ههه اه
دولت:-لازم تكوني سريعه...صبوره...صوتك واطي ...و اهم حاجه...
نظرت لها باستحقار
دولت:-مظهرك قدامي
شعرت روح بالخجل من فستانها الاسود المهترئ بينما اشارت دولت لروح كي تأتي ورائها فتبعتها روح في خطوات واسعه كي تلحق بها و وقفت بها في ردهه كبيره تملأها الصور فشعرت روح و كأنها في قصر من قصور العثمانين
دولت:-انا بتكلم!
روح:-هه؟اسفه
دولت:-لازم تنتبهي
روح:-حاضر
دولت:-الصوره الاولي دي لصاحب السرايا احمد لطفي و ده بقه مش بيعد كتير في البيت ديما في باريس و لما يكون موجود لازم تشرفي علي الخدم علي انهم يقدموا القهوه و الجرنال الساعه تسعه الصبح..بس !!اظن الموضوع بسيط
ثم انتقلت الي صوره اخري
دولت:-دي انا طبعا...و لما هحتاجك هندهك اهم حاجه ان كل يوم الاقيكي عند اوضتي الساعه سبعه الصبح بتطلعيلي لبس و بتكويه و بتحضريلي الميكياج و بس
روح:-طب و انا عرف زوق حضرتك منين؟؟
دولت:-كل طقم علي شماعه الموضوع مش محتاج زكاء
روح:اه...اه
دولت:-و دي بقه وداد...
روح:-ههههه بحب الاسم ده جدا
دولت:-لما نكون بنتكلم مفيش هزار و لا تقطعني
روح بخجل:-اسفه!
دولت:-نفس الكلام تخرجي من اوضتي علي اوضتها
روح:-هممم
دولت:-و دول توأم ساندي و فادي عندهم ست سنين و دول بقه من بعد الفطار من مسؤليتك انتي!!
روح:-بس انا مش مربيه و....
دولت:-هتكوني مربيه لفتره اسبوعين لغايه ما المربيه الي بيحبوها تولد و كده و متخفيش هيزيد مرتبك
روح:-انا كنت..
دولت:-خلصنا!!
دولت:-ده ابني الكبير..ادهم...لازم الساعه تسعه تكوني كوياله هدومه و محضراها زينا بالظبط....اظن ان الموضوع سهل و حتي ميستهلش شلن يعني 2000 جنيه كتير احمدي ربنا و التزمي باخلاق البيت و مواعيدها الدقيقه تسعه بليل لازم تدخلي اوضتك زي باقي الخدم
روح:-انا مش...
دولت:-عرفه مش خدامه.....بس اصدي يعني زي كل الشاغلين عموما حتي الطبخين..اه و علفكره هيكون معاكي مفاتيح البيت كله عشان لو في مشكله و انتي مسؤله عن كل الخدم يعني لو حد عمل حاجه غلط و انتي معرفتيش و قلتيلي انتي الي بتتعقبي
روح:-تمام ماشي كل يوم من الساعه خمسه الصبح هتلاقيني صحيه
دولت:-تمام تعالي اوريكي اوضنا بقه و اوضتك
صعدوا الي الدور الثالث و رأت روح كل الغرف
ثم نزلوا الي الدور الثاني
دولت:-هنا اوض كل العاملين و انتي اوضتك دي اول اوضه و مفتحها في وسط المفاتيح الي معاكي و فيها مفتاح تاني من جوه و الدور الي فوق اوضنا زي ما شفتي و الدور الي تحت للمغسله و صلات الرياضه و الحجات دي فهمتي يا رنا نظام البيت
روح:-انا روح مش رنا يا هانم
دولت:-ايا كان اه صح حاجه كمان قبل ما تدخلي اي غرفه تخبطي خبطتين و تستني دقيقه حتي لو محدش اجابك ادخلي علطول زي ما كله بيعمل....و لو حد قالك لحظه او مش دلوقتي تمشي فهمه؟
روح:-حاضر
دولت:-انتي معندكيش غير اللبس ده؟
روح:-لا عندي
دولت:-البسي اي حاجه غير الاسود
روح:-بس...
دولت:-سمعتيني...و دلوقتي يالاروحي اقفي في المطبخ و تنقلي في البيت و رقبي الخدم و لازم في جيب مريلتك الي هتلاقيها علي سريرك تحطي المفاتيح و متسبيهاش ابدا...وقبل كده روحي غيري
روح:-حاضر
و بدأت روح مرحله جديدة تماماً من حياتها في هذه السرايا
تابعونا لنعرف باقي قصة #روح
رأيكوا مهم جداً
تفاعلوا بقااا علقوا ب 10 ملصقات 😘😘😘😘
الحلقة الثانية:
★☆روح ☆★
_____________
ارتدت روح تنوره طويله للغايه اطول حتي منها شخصيا!لونها اسود و ارتدت بلوزه ذات اكمام طويله لونها احمر و وقفت امام المرآه رفعت شعرها فلم يعجبها فحررته مره اخري و ارتدت المريله الخاصه بها و وضعت المفاتيح في جيبها و خرجت ما ان فتحت الباب حتي وجدت امامها خادمه او كماريرا
الخادمه:-انتي مديره المنزل؟
روح:-انا؟ايوه اه انا روح و انتي
الخادمه:-مي
ثم نظرت الي ملابس روح
مي بضحك:-اده؟
روح:-ايه؟
مي:-واضح ان دولت هانم مقلتلكيش ان المفروض تلبسي حاجه ع الركبه و ده نظام كل الي الشاغاين
روح:-و انا اجيبها منين دي
مي:-هممممم تعالي اقلك!
____________________________
خرجت روح و مي من غرفه الاولي و روح تشعر بالخجل من تنورتها التي كانت علي ركبيتيها تماما
مي:-مش كده احسن؟
روح:-لا...و بعدين انتي قصتيلي الجيبه اعمل ايه بقه دلوقتي
مي:-اسكتي بس يا ستي و شمري الكم شويه و لمي شعرك لورا
فعلت روح ذلك و وجدت نفسها اصبحت جميله اللغايه
مي:-انا ورايا شغل فوق عوزه حاجه؟
روح:-لا باي شكرا يا مي
صعدت مي و شعرت روح بالحيره ماذا تفعل و اين تذهب و قررت ان تصعد لاعلي تتفقد الخدم ثم نزلت لاسفل و مر اليوم ثقيلا مملا للغايه
كانت دولت هانم في تمام السابعه مساء تجلس امام التلفزيون بغرفتها فدقت روح الباب دقتين و انتظرت قليلا ثم دخلت
دولت:-هممم في مشكله؟
روح:-لا بس كل الخدم خلصوا شغلهم ينفع ...ينفع اخرج في الجنينه
دولت:-ايوه بس لازم تدخلي تسعه اوضتك
روح:-حاضر
و خرجت روح و هي تهرول كالاطفال بحماس الدنيا كي تذهب الي الحديقه و اثناء نزولها علي الدرج شعرت بنفسها تصدم بجسم ثقيل للغايه ثم ها هي ذا تقع و مجرد تخيلها ان تقع من فوق هذا الدرج يصيبك بالذعر و لكنها شعرت بيد فولاذيه تحيط بخسرها و تجذبها الي اتجاهها
*ظلت نبضاتها تتلاحق انها لا تصدق انها ها هي ذا بخير!
و رفعت عينها لتجد هذا الشاب الواقف امامها الشعر البني و العينين الخضراوتين و الغاضبتين ايضا
ادهم:-انتي مجنونه صح؟
روح:-أ...حضرتك ادهم باشا؟
ادهم:-انا زفت باشا....حد يجري كده؟؟خخير البيت بيولع مثلا؟
روح:-لا و الله بس....
ادهم:-انتي مين اصلا؟
روح:-انا روح مديره المنزل الجديده
قال ساخرا:-مديره منزل مجنونه حد يجري في السرايا
و فجأه اكتست عينيه بقسوه غريبه
ادهم:-بقلك ايه البيت ده ليه شروط و من اهمها الادب يعني احنا في غنا عن حد قليل الادب و محدش فاضي يعلمهولك و يتريت تبصي في المرايا حضرتك عندك حوالي خمسين سنه و عيب الي بتعمليه ده
نظر لها من اعلي لاسفل متفحصا ثم دفعها يمينا
ادهم:-اوعي كده
ترقترقت الدموع في عينيها علي كلماته و قررت انها لن تذهب الي الحديقه
و دخلت غرفتها((انا؟؟انا قليله الادب؟؟و عندي حوالي خمسين سنه؟؟بصراحه انا هبله اوي بس اعمل ايه عمري ما شفت كل ده عمري ما تخليتش اني ادخل حته زي دي يا ربي بقه انا كان شكلي سخيف اووي انا بجري زي الهطل كده))
ذهبت روح في نوم عميق في تفكيرها لحال امها و احوال هيام و استيقظت في السادسه و دخلت لتأخذ حماما و ارتدت نفس تنوره البارحه و لكن ارتدت عليها بلوزه زرقاء نصف ذراع مثلثه من الامام كانت تخجل ان ترتديها لكنها كانت تبتدو جميله ثم ارتدت المريله و صففت شعرها ذيل فرس
و وجدتها السابعه الا عشره فهرعت الي غرفه دولت هانم
و لكنها لم تستطيع الاصراع فقد ارتدت حذاء ذو كعب عالٍ كان كل العاملين يرتدونه اسود اللون
و دقت ع الباب دقتين ثم دلفت للغرفه
دولت:-كويس...في معادك بدايه مبشره يا روح
روح بسعاده:-اشكرك
دولت:-بس البنات المهذبين مش بيجروا في البيوت
روح بخجل:-انا...انا....
دولت:-ايا كان يلا طلعيلي الفستان الازرق بسرعه و اكويه و طلعيلي الجزمه الزرقه و اي كوليه عقبال ما استحما و بلغيهم تحت يحضروا الفطار ليه و يجبوه هنا انا داخله استحمه
روح:-حاضر
دخلت دولت هانم الي الحمام و كوت روح الفستان لكنها وجدت ان الحذاء الازرق سيجعلها كالخرزه الزرقاء فحضرت لها الحذاء الابيض و كوليه ابيض و طرحه بيضاء و خرجت تبلغهم بأمر الافطار ثم ذهب الي غرفه وداد و كانت المره الاولي التي تري فيها وداد تلك
كان لها نفس شعر ادهم البني و لكنه كان طويلا و العينان الخضراوتين
وداد:-انتي مديره المنزل
روحك-ايوه اسمي روح
وداد:-اسم جميل
روح:-شكرا يا انسه اطلعلك ايه؟
وداد:-اي حاجه ع زوقك انا استحميت خلاص
روح:-طب حضرتك ريحه فين؟
وداد:-الجامعه....انتي مش بتدرسي؟
روح:-لا جبت مجموع حلو في ثانوي لكن مكملتش جامعه كان لازم اشتغل عشان ماما تعبانه
وداد:-و عندك كام سنه
روح:-20
وداد:-و انا كمان صدفه لطيفه
لم تجيب روح لا تعمل ان كانت شعرت بالغيره ام لا لكنها تساءلت ماذا فعلت هي في دنياها لتعمل لدي فتاه في مثل عمرها و لا تكمل درساتها..حلمها...عمرها...مستقبلها ما الفرق؟؟
و لكنها استغفرت ربها و تمنت السعاده للجميع
روح:-عوزه حاجه تاني؟
وداد:-مالك؟مدمعه ليه؟
روح:-ايه؟؟تلاقيه تراب
لم تقتنع وداد بحديثها فحاولت روح تغير الموضوع
روح:-عرفه يا هانم انا متشوقه جدا عشان اشوف اخوات حضرتك
وداد:-ادهم؟
روح:-لا قصدي الاطفال
وداد:-هما مش اخواتي....
روح:-احم........يعني....؟؟
وداد:-بصي يا روح هقلك حاجه بس متقليش لحد ني قلتلك لاني المفروض معدش ارغي
روح:-سرك في بير يا وداد هانم...
وداد:-بصي
يتبع ...... ......
الحلقه التالته من هنا 👇👇👇👇
تعليقات
إرسال تعليق