مصانش العشرة.
الجزء الرابع والخامس
بقلم /تامر صقر
برجاء دعمي ومتابعة صفحتي الشخصية لتكملة حلمي ككاتب روايات إجتماعية واقعية Tamer Sakr
رد عليه مراد وقالة
ساعتها هتبقي الظروف غير الظروف لأني هكون بتكلم مع بنتي دايما تهتم بجوزها ومتطلباتة وتعيش عشانة لانة مش مجرد بنك بيحيب فلوس
رد أخوها وقال
طب هنفترض بنتك حاربت أهلها وقالتلهم هتحمل ظروفة وكانت بتخرج معاة ايام الخطوبة بيمشوا لانة مش معاة فلوس يعزمها في مكان ومعظم الايام كان مشغول عنها وهي كانت متحملة وبتقول أهو بيعمل اللي علية وبيكافح عشان يفرش البيت اللي هو مكنش موجود أصلا
ورضت تسكن في شقة إيجار علي غير رغبتك ودخلت وجاجتة مش كاملة وقالت أما راضية وبعد الجواز هنكمل اللي ناقصنا
وبعد الفرح باسبوع طلب منها شبكتها لانة كان مديون للفرح السلف اللي المفروض كان بعد أسبوع من الفرح يسدد ديونة وقلعت سبكتها بطيب خاطر وأعطيتهالة
ولما إنتوا تروحوا وتسألوها عن أحوالها تقولكوا إنها عايشة في نعيم رغم إن كان من الواضح إن ناقصها كتير
ولما تطلب منك إنك تساعدة يعمل مشروع يكسب منة وهي اللي تلتزم بالسداد وبعد ما ربنا يكرمة ويخلف بدل العيل أربعة ويقولها شيلي مسؤلية العيال عشان هو يشتغل وهي تبقي راضية تكون الاب والام والشغالة والمُدرسة عشان هو يتفرغ لشغلة
ولما ربنا يكرمة ويمسك فلوس أول رد للجميل يتجوز عليها
رد يا مراد
رد علي اللي سمعتة
أنا حطيت بنتك في موقف مراتك..... هتقبل دة علي بنتك ولا هتضايق وتتكلم معاة وتفكرة هي عملت إية واتحملت إية عشان يوصل للي هو وصلة
رد مراد وقال
أنا منكرش إن حنان وقفت معايا وإتحملتني كتير وإنها ونِعم الام والزوجة بس أنا مش بكرهها ولا بعمل حاجة غلط
أنا كنت ممكن أتجوز من وراها وأتجوز في السر
بس عشان انا اتعودت إنها تكون شريكة حياتي في كل شئ أنا إتكلمت معاها وقولتلها
وأرجوكم أنا مش عاوز حد يزعل مني لاني شفت معاكوا اللي عمري ما شفتة مع حد إنتو أهلي وأخواتي بس حقيقي أنا محتاج يكون ليا بيت تاني
ردت والدة حنان وقالتلة
يعني هي بنتنا بقت مش مالية عينك عشان تتجوز عليها
هي بنتنا بعد ما خلفت اربع عيال وشيلاهم ومخلياهم شاطرين في المدرسة وشكلهم حلو ومنضفاهم ودايما ريحتهم حلوة والكل يشهدلها بكدة. عاوز تتجوز عليها
ولا هي فراغة عين؟؟؟
رد عمها وقال يا إبني إنت لو حاسس إنك متورط مع البنت اللي بتشتغل عندك دي في حاجة قول واحنا هنقف معاك
إنما لو مصمم علي جوازك علي بنتنا من البنت دي محدش هيقف معاك ولا هنعرفك ساعتها
وعاوزك تعرف حاجة يا مراد يابني
لما إبني الكبير ربنا مأكرموش بالخلفة عشان مراتة كان عندها مشاكل
ولف علي جميع الدكاترة كان كلامنا لية إتحمل عشان ربنا يكرمك ويرزقك والتأخير دة أكيد لسبب لا يعلمة إلا الله وحط نفسك مكانها لو المشكلة عندك إنت
كان هيبقي رد فعلك إية لو هي طلبت الطلاق عشان عاوزة تخلف
تعرف إية اللي حصل؟؟؟. مش هتصدق
كان عندها مشكلة بسيطة وإتحلت وهو اللي كان عندة مشكلة. كبيرة
وهي عشان أصيلة مردتش تقولة وبقت تعمل إنها ماشية علي العلاج وتتحايل علية يروح يعمل فحوصات لحد ما عرف إن المشكلة من عندة
وبعد ما إرتضوا بأمر ربنا حملت وهما بيعملوا عمرة مع بعض وجابت توأم
إحنا مش هنضغط عليك أكتر من كدة بس ناس غيرنا كنت هتشوف منهم كلام تاني وفعل مش هيعجبك
خد وقتك وفكر يا إما مراتك وبيتك وعيالك يا إما الجوازة التانية وساعتها بنتنا مش هتقبل ولا إحنا هنقبل يكون ايها ضُرة
إستأذن مراد ومشي
وطول ماهو ماشي بيفكر في العواقب اللي بيسمعها بعد الانفصال من نفقة لمحاكم لحضانة لرؤية ومفكرش في مراتة ولا إزاي ممكن يعيش يعيد عن عيالة لو إتجوز
راح لغادة البيت وإتكلم معاها وقالها علي اللي حصل
بكت غادة وقالتلة زي مانت خايف علي ولادك اللي معاها لازم كمان تخاف وتعمل حساب إبننا اللي ملوش أي زنب إنة يبقي إبن حرام ولا إنة يحس إن ابوة ظلمة عشان مرات أبوة مش عاوزاة يخالف شرع ربنا
يا مراد أنا مستعدة إنك تبات عندها كل يوم وتكون معايا حتي لو ساعتين في الاسبوع بس إبنك يحس إن لية أب
يامراد دي إنسانة أنانية مش بتفكر غير في نفسها كل اللي هاممها نفسها وعيالها
فاكر لما منت بتيجي الشغل مضايق ومخنوق من افعالها وتيجي تشتكيلي منها
فاكر لما كنت بتبقي نازل من غير فطار لانها سابتك ونامت
فاكر لما كنت بتكلمني بالليل وتقولي إنها نامت بدري ونايمة مع الولاد. وانك محتاج ونيس
يا مراد جايز أكون حبيتك وعشقتك بجنون بس اللي متأكدة منة إني مش هقدر اقف قدام رغبتك بأنك تسيبني أنا وأبني اللي ملوش اي زنب في غلطتنا
أنا هختفي ومش هظهر غير لما أخلف واربي ابني بعيد عن عيون الناس عسان ميقولوش إنة إبن حرام
إتأثر مراد بكلام غادة المُصطنع وقالها إحنا على ميعادنا الاسبوع الجاي
بس هوعملة هنا بدون معازيم أهلك بس والمأذون وبعدها نروح شقتنا
عدي إسبوع وحنان منتظرة رد من مراد أو إنة يرتجع عن قرار جوازة ويرجع ياخدها هي وعيالها ويرجعوا بيتهم
إتجوز مراد واخد غادة وسافروا يقضوا شهر العسل
وحنان لسة منتظرة مراد يقول قرارة
وفي يوم لقت حنان رسالة علي الواتس أب من رقم غريب
جوزك إتجوز عليكي واحدة زي القمر
وبمجرد انها قرأت الرسالة إتمسحت
صرخت حنان بأعلي صوتها ووقعت اغمي عليها
مامتها دخلت عليها وحاولت تفوقها وحنان في حالة هياج عصبي
إتصلت والدتها بأخوها اللي جاب الدكتور وجة كشف عليها
وقالهم إنها إتعرضت لصدمة عصبية ومحتاجة للهدؤ والراحة
إتصل أخوها علي مراد وقالة إن حنان تعبانة ومحتجالك
رد مراد وقالة أنا مسافر في شغل وقدامي يومين واول ما ارجع هطمن عليها
كانت حنان في الوقت دة عيونها مفتوحة ومش حاسة بأي شئ حواليها
وبعد يومين وصل مراد وجة يزور حنان وبمجرد ما دخل عليها
تابعوا صفحتي الشخصية ليصلك باقي الاجزاء Tamer Sakr
يتبع
بقلم /تامر صقر
مصنش العشرة. الجزء الخامس
بقلم /تامر صقر
دخل مراد علي حنان لقاها في حالة لا يُرسي لها
وكان كل اللي شايل همة إنها بقت كدة عشان بس فكر في الجواز عليها
مكنش متخيل إنها فعلا عرفت إنة إتجوز
دخلت والدتها عشان تطمن عليها لقت مراد واقف بيبص لحنان ومش بينطق وباين علي التأثر بس مش عاوزها تفوق تشوفة لان عِشرة حنان لمراد ممكن تعرف إنة إتجوز بمجرد انها تبص في عيونة
طلبت والدة حنان من مراد إنة يخرج يتكلم معاها برة الاوضة
وفعلا إستجاب مراد وخرج ولما خرجت حماتة قالتلة
أنا أديتك بنتي أمانة عسان تصونها وتخافظ عليها
ولو أبواب الدنيا كبها إتقفلت في وشها باب أبوها وحضن أمها يساعها هي وعيالها
بس الضنا غالي ولو إنت غالي عندي فمش هتبقي أعلي من ضنايا
بنتي بتموت قدام عنيا في اليوم ألف مرة بسببك وبسبب أنانيتك
قدامك حل من الاتنين ياتاخد عيالك ومراتك في حضنك وتعيش عشانهم زي ما هي عاشت طول السنين دي عشانكوا
يا إما نفترق بالمعروف علي الاقل هنبقي عارفين نهايتها
رد مراد وقالها نطمن بس علي خنان وبعدها اللي فية الخير يقدمه ربنا
وسابها وخرج وراح لشغلة وبعد كدة راح لغادة اللي بدأ يحس انها سبب كل اللي بيحصل
وإنها مكانتش مجرد نزوة وخلاص
دي مصيبة قلبت كل موازين حياتة اللي كانت مستقرة
راح لغادة وحكالها حالة حنان واللي بدور الضُرة المستبدة بدأ تتجني علي حنان وتقول في حقها كلام تُثقل قلب وصدر مراد منها
وإنها تُمثل المرض من اجل إسترضائة وإنها تعلم ٠يدا بما يدور حولها
فهي كانت مُقربة منها وتعرف عنها الامور النسائية اللي لا يعلمها هو
رد مراد وقال انا مشكلتي الوحيدة دلوقتي إني مشوفتش منهم شئ بغيض وخايف يتقلب الوضع بعد ما يعرفوا إني اتجوزت
وساعتها مش هشوف عيالي لفترات معينة وبالقانون وحنان هتعند معايا وأهلها ممكن يكون رد فعلهم غير دلوقتي
انا مش عارف أعمل إية وخايف علي حنان يحرالها حاجة يا غادة
حنان بتحبني وانا متأكد من دة وعيالي مرتبطين بيا أوي
ردت غادة وقالت لمراد يا حبيبي عيالك عمرهم ما هيكرهوك وانت ربيت فيهم الحنية والحب وكل اللي كانوا بيحتاجوة بتجيبهلهم
رد مراد الحنية والحب حنان هي اللي زرعتة فيهم
حست غادة إنها بالوضع دة وتفكير مراد بالشكل دة ممكن يضحي بيها وتخسر كل شئ
وبدأ تفكير غادة يتطور لمراحل أكثر قذارة
ثاني يوم راحت غادة لبيت حنان
فتحت أمها قالتلها ممكن اطمن علي حنان يا طنط
أهلا وسهلا إتفضلي يا بنتي إنتي مين
أنا واحدة صاحبتها وعرفت إنها تعبانة ومقدرتش أستني أكتر من كدة ورغم إني لسة عروسه جديدة بس سبت عريسي واحنا لسة والله يا طنط مكملناش اسبوع عشان أجي أطمن علي أختي وصاحبتي
قالتلها تعالي يابنتي بس عالله تعرفي تخليها تاكل ولا تتكلم
يااااة للدرجادي حالتها صعبة يا قلبي يا حنان
دخلت غادة علي حنان وكانت معلقة محاليل وولادها قادين معاها
مفتحة عيونها بس مبتتكلمش حاسة وشايفة كل اللي بيحصل حواليها بس فاقدة الحركة والنطق نتيجة الصدمة العصبية اللتي لحقت بها
قعدت غادة علي طرف سرير حنان وقالت ياحبيتي يانور عيني مالك يا قمر قومي يا حبيبي قومي وسيبك من اي حاجة تزعلك
والله انا سبت عريسي وجيت عشان اطمن عليكي رغم إنة مكنش عاوز يسيبني أنزل غير بعد شهر بس أنتي حنان مش اي حد يا قلبي
ممكن كباية ماية ياطنط اشرب عشان ريقي ناشف
خرجت والدة حنان تجيب المية
إقتربت غادة من حنان وهمست في أذنها
إنا ومراد إتجوزنا من إسبوع ومقولكيش علي الحب والهنا إللي إحنا فية
بس متخافيش أنا عادلة هسيبهولك ثلاث أيام في الاسبوع عشان ولادة
حنان دموعها سالت وحست بأختناق وحالتها إتدهورت ودخلت أمها لقيتها في حالة تشنج
إتصت بالدكتور اللي أتي علي الفور بمجرد ما تركتهم غادة وخرجت أتي الدكتور ومعة إسعاف
وبمجرد ما شاف الدكتور حالتها قال في حد قالها حاجة
لا ابدا يا دكتور دي كانت صاحبتها عندها من شوية ولسة نازلة
ردت زينب بن حنان وقالت الست دي يا تيتة كانت بتوشوش ماما وبتقولها إنها إتجوزت بابا
صرخت الست وقالت منهم لله هيموتوا بنتي
الاسعاف أخدت حنان المستشفي وإتحطت تحت ملاحظة المستشفى في العنايه المركزه
راح اخو حنان وعمها لمكان شركة مراد ودخلوا علية كسروا المكتب وقالولة بأعلي صوت إنت إتجوزت علي حنان
قالهم أنا معملتش حاجة غلط وانا قولتلها قبل ما اتجوز وقولتلكوا قبل ما أتجوز وانا إحترت الاختيار اللي يريحني
مسك مصطفي اخو حنان برقبة مراد وقالة أنا حظرتك من إنك تعمل في اختي حاجة توجعها كمان مراتك الواطية اللي إتجوزتها عليها كانت عاوزة تموتها لما جتلنا البيت وقالت لأخي وهي في الحالة دي
من انهارد اللي بينا عداوة يا مراد وورقة اختي توصلها عشان المرة الجاية هقتلك
إتصل مرلد بغادة وقالها إنتي روحتي لحنان البيت
ردت وقالت ايوة لما انت قولتلي إنها تعبانة وفاقدة النطق والوعي قولت أروح اطمن عليها بس عشان دي اصلا صاحبتي
صرخ فيها مراد وقالها إنتي بتستهبلي
آإنتي قولتيلها اية خلاهم يجوا يكسروا الشركة بالشكل دة
بكت غادة وقالت والله ما قولت حاجه صدقني يا حبيبي أنا زعلت عليها وقولت اروح ازورها دي بردو صاحبتي قبل ما تكون ضُرتي
ساءت حالة حنان جدا واهلها في غليان من مراد واللي عملة
إتصل مصطفى اخو حنان بمراد وقالة أنا لو ورقة أختي موصلتش إنهاردة هقتلك يا مراد
رد مراد وقالة إهدي يا مصطفى طب أنا ممكن أجي اطمن عليها
رد مصطفى رد قطعي لااااااااااااااااا
من إنهاردة ملكش عندنا لحم لازوجة ولا اولاد وولادك دول هتبقي ابوهم علي الورق وبس
طلق حنان يا مراد أحسنلك وخليك بقي مع اللي هتجيبك الارض انشاء الله قريب
بعد يومين بعت مراد ورقة طلاق حنان لبيت والدتها وإستلمتها والدتها يأنهيار تام
راح مراد لغادة وقالها إنة طلق حنان
لمتابعة باقي الاجزاء قبل النشر علي الجروب تابعوا صفحتي الشخصية Tamer Sakr
يتبع
بقلم /تامر صقر
الجزء السادس والسابع هنا 👇👇👇
تعليقات
إرسال تعليق