دار الايتام من البارت السادس حتي العاشر

دار الايتام 

من البارت السادس حتي العاشر

حاج محمد..قومي يانور حضريلنا العشا

نور..حاضر يابابا اه صحيح أتفضل الشنطه بتاعتك والورق ده حضرتك نسيته فالشركه

حاج محمد ايوه صح انا مشيت ونسيت خالص الشنطه من لخمتي بس جبتيه ازاي ده

نور..بلخمه فالكلام اه ماهو اصل نوح جابهولك هنا قال يعني عشان الورق اللي حضرتك هتوديه الشركه التانيه بكره.

حاج..محمد ياخبر جه كل المشوار ده طب لما سألك عليا قولتيله ايه

نور..قولتله انك مع واحده قريبتنا بس صحيح ازاي رايح الشركه بكره وحضرتك اجازه

حاج..محمد ايوه صح تصدقي نسيت وشكل ليل كمان نسي هو كمان قالي بكره 

عشق..طب كلمه اكد عليه

حاج..محمد صح هكلمه المهم يلا قومو غيرو هدومكم وحضرولنا العشا لحد ما اكلم ليل

نور..ماشي يابابا دخلت نور تحضر العشا..ودخلو البنات يغيرو هدومهم ورجعو يساعدو نور

حاج محمد..الوو

ليل..ايوه ياحاج محمد

حاج محمد..معلش يا ابني اني بتصل بيك 

ليل..لايا راجل ياطيب انت تتصل اي وقت خير

الحاج محمد...انت يا ابني بتقولي اودي الورق بكره لسراج باشا هو مش المفروض بكره الجمعه اجازه ولا تقصد اوديهمله الڤيلا معلش انا مركزتش غير الوقت

ليل..والله ولا انا ركزت فعلا بكره اجازه خلاص يبقي السبت

حاج محمد..ماشي يا ابني

ليل..صحيح قريبتك اللي عملت حادثه بخير لو محتاج حاجه يعني

حاج محمد..بتقفيل فالكلام لا يا ابني شكرا كله تمام الحمد لله تسلم يا ليل يا ابني يلا مش هعطلك بقي

ليل..رفع حواجبه باستغراب ماشي يا راجل ياطيب تصبح على خير

حاج محمد..وانت من اهل الخير

قفل ليل وهو سرحان

ادم..في ايه

ليل..والله ما انا عارف بس في حاجه مش مظبوطه

ادم..ياعم عادي بكره كله يبان المهم ايه مش هنخرج ولا ايه

ليل..انا طالع البس لحد ما نوح يخلص وكلم جاسر قوله يجلنا على هناك لو خلص

ادم..تمام

مر حوالي ساعه راحوا المكان اللي بيسهرو فيه وجاسر كان حصلهم على هناك

ليل..ايه ياجاسر خير ايه اللي حصل 

جاسر..مفيش خبطت بنت بالعربيه

ادم..البنت حصلها حاجه

جاسر..لا شرخ بسيط في دراعها 

نوح..مش غريبه ان الوقت اللي هايدي تكلمك فيه وتقولك عملت حادثه عم محمد نور تكلمه وتقوله قريبتهم عملت حادثه

جاسر..باستغراب عم محمد وقريبته طب ازاي هو عم محمد ليه قرايب

ليل..مانا مستغرب

جاسر..غريبه طب قالكم ايه

ليل..ولا حاجه بيقول ان بنته كلمته وقالتله ان قريبتهم عملت حادثه واستأذن ومشي ونسي شنطته والورق اللي هيوديه لعمي نوح راحله وفعلا مش لقاه ولما سأل نور عنه قالتله نفس الكلام وبعدها كلمني يسألني هيودي الورق بكره ازاي عشان اجازه لما سألته تاني عن قريبته قفل فالكلام وقفل بسرعه انا اللي مستغربه فالحوار كله ان عم محمد ليه قرايب وتوتره غريب

جاسر..غريبه فعلا عموما اكيد هنعرف

ليل..ياسيدي ولا منعرفش بقولكم ايه قفلو عالحوار ده يمكن فعلا يكون حد من قرايبه جم واعد معاهم عادي يعني

ليل... قفل معاهم الكلام وحسسهم انه مش في باله بس كان باله مشغول ومش عارف ايه السبب وابتدت سهرتهم

.....

تمارا ..الحمد الله تسلم ايدك يانور

نور..الله يسلمك ياعشق بالف هنا

حاج محمد..لتمارا ايه يابنتي احسن الوقت

تمارا..بحزن اه يابابا الحمد لله

حاج محمد..مالك يابنتي

تمارا..مفيش انا كويسه

الحاج محمد..كويسه ايه انتي شكلك مضايق

تمارا..تعبت من كتر اللف عالشغل مش لاقيه حاجه كويسه اما الفلوس قليله جدا على المواصلات او صاحب المكان مش مريح او اروح مكان يطلب شهاده وانا لسه بدرس او اروح مكان ويوافقو ويطلع الشغل في فرع تاني بعيد مش عارفه اعمل ايه حاسه انها عماله تتقفل 

حاج محمد..يابنتي متفقديش الامل لسه ربنا مبعتلكيش رزقك

عشق...بابا عنده حق يا تمارا وكل الشغل اللي شوفتيه ومتوفقتيش فيه اكيد ده سبب من عند ربنا مش يمكن مش فيهم خير ليكي

تمارا...انا عارفه والله بس تعبت ومحتاجه احس اني استقريت

حاج محمد..يابنتي انتو بقالكم معانا حوالي شهر تقريبا اوشهر ونص يعني لسه الدنيا بتبدي تمشي معاكم وبعدين اغلب الناس مش لاقيين شغل يعني متستعجليش اكيد هيجيلك الشغل المناسب

نور..انا عندي فكره بس معرفش هتنفع ولا لا

حاج محمد..فكرت ايه

نور..تحاول تشوفلها شغل مع مستر ليل

تمارا..بفرحه ايه ده الله ينفع ياريت

حاج محمد..هي فكره بس مش عارف ليل مبيشغلش حد معاه غير لما بيعرف اصله من فصله وانا قايله انهرده ان اللي عملت الحادثه قريبتنا واخاف يدور وراها 

نور..وانا كمان لما نوح جه قولتله كده

عشق..طيب مش حضرتك بتقول انك تعرفه من زمان وحضرتك اللي مربيه وشغال معاه من ايام بباه يعني اكيد بيثق فيك ولو قولتله انها قريبتك مش هيدور وراها

حاج محمد..يابنتي اللي بتقوليه ده صح بس ليل مش سهل زي مانتي فاكره ليل عنده الشغل شغل والقوانين بتاعته تمشي علي اي حد طب ده شغال معاه اخوه وابن خالته وابن عمه وعمه نفسه كلهم بيعملوله الف حساب وهما عارفين انه فالشغل شخص تاني يعني لو حصل وحد فيهم غلط مبيرحمش وبيتعمله إنذار زيه زي اي موظف

عشق..للدرجادي

حاج محمد..واكتر من كده

زهره..يعني من الاخر معندوش ياما ارحميني وبعدين ده باين من اسمه

عشق..صحيح يابابا ايه حكايه اسمه دي حضرتك قولت هتقولنا عليها

حاج محمد..ايوه صح عزام باشا والد ليل..اتجوز من مدام سهام واعدو فتره حوالي 3سنين من غير خلفه كانت مدام سهام بتحمل وللاسف الحمل مكنش بيأعد اسابيع وينزل وفمره حملت كانت المره الرابعه الدكتور قالهم انها مينفعش تتحرك خالص عشان الجنين يثبت وتفضل كده طول ال9شهور خصوصا ان دي المره الرابعه ينزل فيها الطفل سمعت الكلام وفضلت نايمه عدي اسبوع اتنين شهر اتنين وهي محافظه ومش بتتنقل من السرير فيوم صحيت من النوم حاسه بوجع جامد قام عزام باشا عشان يوديها المستشفي بسرعه وقبل ما يخرجو من البيت كان الطفل نزل انهارت وهو كمان كان حزين واعدت فتره مكتئبه وحست ان خلاص فرصتها فالحمل صعبه عدي حوالي 6شهور عزام باشا فيوم حلم انه بيصلي فالمسجد وشايف شيخ اعد لابس ابيض بيقرا قرأن وبيقول

((هو الذي جعل لكم الليل لتسكنوا فيه))

وفضل الشيخ يقول الايه دي بس ومش بيكمل القرآن خلص صلاه وفضل باصص علي الشيخ عايز يعرف هو ليه مش بيكمل صحي من النوم كان آذان الفجر بيأذن قام صلي ومحطش في باله..عده كام يوم وحلم تاني ان السما بتمطر وسامع صوت جاي من السماء مسمع الدنيا كأن في ميكرفون شغال في السما بيقول

 بيقول نفس الايه 

((هو الذي جعل لكم الليل لتسكنوا فيه))

وايه تانيه بتترد

(((والفجر وليال عشر)))

واخر الحلم شاف مدام سهام جايه من بعيد مبتسمه وباين علي بطنها انها حامل صحي من النوم علي صوت مدام سهام..بتبشره انها حامل وطايره من الفرح

حكالها الرؤيتين..وقالها لو جه ولد هنسميه ليل ولو جات بنت هنسميها فجر

وفضل يعدي شهر ورا شهر لحد ما الحمل كمل وعرفو انه ولد وولدت بالسلامه وفعلا سموه ليل

بس هي دي كل الحكايه

زهره..بس اسمه حلو جدا ومش منتشر

نور..تصدقو اني اول مره اعرف معني اسمه ماتقولنا بقي ياحاج بالمره نوح مين سماه

حاج محمد لا انتي شكلك رايقه انا هقوم انام عشان مش قادر

نور..ماتخليك شويه يابابا

حاج محمد..والله ما قادر انا جيت من الشغل علي ملا وشي وحاسس بصداع

عشق..خلاص ادخل ارتاح يابابا

حاج محمد..المهم ياتمارا مش عايزك تقلقي بصي انا هحاول اقوله وزي ماتيجي تيجي بس مش الوقت استني بس تفكي اللي في ايدك دي وتبقي كويسه عشان لو وافق وطلب يشوفك تكوني جاهزه للشغل

تمارا..بجد يابابا

حاج محمد..اه والله

تمارا..طيب هو لو مفيش ادامنا غير انه يعرف حكايتي لو عرف مش هيوافق

حاج محمد..بالعكس ليل مش كده بس انا اللي مش عايز اي حد مهما كان مين يستغل حياتكم

تمارا..ان شاء الله خير

حاج محمد..ان شاء الله اول ما تشدي حيلك بقي انا هفاتحه علي طول

تمارا..ماشي يا احلي بابا فالدنيا

حاج محمد..تصبحو علي خير يابنات

وحضرتك من اهل الخير

دخل عم محمد ينام ودخل البنات اوضتهم وفضلو يرغو شويه

تمارا..نور هو انتي مش مرتبطه بحد

نور..بمرح انا لا بس نفسي

تمارا..والله انا اللي نفسي

عشق..اتلمي يابت انتي وهي حرام على فكره

نور..هو ايه اللي حرام الحب

عشق..لاطبعا الحب مش حرام انا بس الارتباط عموما وانك تكلمي راجل وتخرجي معاه تسمحيلو انه يكون قريب منك يمسك ايدك يلمسك كل دي حجات حرام

نور..انا معاكي ان حرام اسمح لراجل يلمسني او يمسك ايدي بس ازاي هحب راجل من غير ما اكون اعرفه او اتكلم معاه

عشق..مقصدتش حرام بالمعني بس بردو مش معناه اننا اول مانعجب بحد نخرج ونتكلم والكلام ده في حب نضيف بجد واكيد الحب بيجي بعد الجواز الاهم من كل ده انه يكون بني ادم محترم بيتقي الله 

نور..بصي هو انتي كلامك صح بس بصراحه انا استحاله اتجوز من غير ما احب

تمارا..وانا كمان مش متخيله اني اتجوز واحد وبعد كده افكر احبه انا ان مكنتش احبه قبلها استحاله اتجوزه

زهره..بصو هي عشق بتتكلم من ناحيه الدين انه شرعا حرام بس على فكره انا كمان استحاله ارتبط بحد وابني حياه من غير مااكون حباه لاني مش هقدر اعيش معاه وبعدين انا ايه ضمني اني احبه بعد الجواز مش يمكن اكتشف انه شخص وحش

عشق..امال هما عملو الخطوبه ليه ماهو عشان تعرفي شخصيته ويعرف شخصيتك ولو مفيش قبول اكيد مش هتكملو القبول بدايه الحب وبعدين مش كل الرجاله كويسه تضمني منين ان اللي ترتبطي بيه وتفضلي تكلميه يطلع راجل ومحترم اكيد فالاخر هتضطري تسبيه وتبقي غضبتي ربنا بمعرفتك براجل مبيربطكيش بيه اي حاجه ووقتها الموضوع هيبقي بالنسبالك عادي واللي يخليكي تعرفي راجل هيخليكي تعرفي اتنين وتلاته وعشره وصورتك ادام الناس اللي كل شويه يشفوكي مع حد هتتهز وسمعتك تبقي فالارض حتي لو انتي محترمه وبتحافظي علي نفسك بجد الناس مش هترحمك الناس ملهاش غير الظاهر يابنات

نور..طيب و تضمني منين ان حتي لو في خطوبه انك تقدري تعرفي كل حاجه عنه الرجاله مبتبنش غير الكويس وبس وبعد كده بتعرفي الشخص علي حقيقته ساعتها  لو شخصيته معجبتكيش هتضطري تعملي حاجه من الاتنين يااما هتكملي وتقولي ده نصيبي واعيش وخلاص خصوصا لو في اولاد بينكم او هتطلقي وتبقي حصلتي على لقب مطلقه وبردو ساعتها الناس مش هترحمك لان المطلقه في مجتمعنا الناس بيبصولها بنظره تانيه

تمارا..فعلا نور عندها حق الراجل بيقدر يعرفك بس اللي هو عايزك تعرفيه ولما بتتجوزو بتكتشفي شخص تاني خالص غير اللي انتي كنتي تعرفيه

نور..وبعدين ياعشق يعني معني كلامك ده انك من اول عريس يتقدملك هتوافقي عليه وتقولي هحبه بعد الجواز

عشق..مش شرط يانور ماانا ممكن حد يتقدملي ومن قبل ما اعد معاه او أتخطبله اقفل منه او احس اني قلبي مقبوض او جوايا رفض من ناحيته وممكن شخص تشوفيه تحسي انك متقبلاه مبدأيا وتدي لنفسك فرصه تأعدي معاه وفالاعده دي بتحددي انك ممكن تديله فرصه انك تتخطبيله او لا ولو وافقتي عالخطوبه فالفتره دي اكيد بيحصل بينكم مواقف تبين اذا كان هو ده الشخص اللي تكملي معاه حياتك او لا واكيد ربنا مش هيخذلك زي مانتي حافظتي علي نفسك ومخذلتيهوش

زهره..يعني ياعشق انتي مش ممكن تحبي او تتعلقي بشخص او حتي تعجبي بحد

عشق...بصو انا مش عارفه انا اولا عمري ماحصل اني اعجبت بحد اواتشديت لحد لاني ديما خايفه اغضب ربنا ويمكن بردو اكون ملاقتش الشخص ده خصوصا ان انا متعاملتش مع ولاد الدار بتاعتنا كانت بنات حتي المدارس ويوم ماابتديت احتك بالولاد كان فالجامعه وطبعا ده استحاله لان كلهم طلاب ومن سني يعني لسه صغيرين بيتصرف عليهم وميقدروش يتحملو مسؤوليه اه  في شباب بتشتغل فالجامعه معايا بس اغلبهم بتوع هزار وضحك واللي جاي من الاول عشان يصاحب ويتسلي وانا مش كده

نور..طيب مفيش ولد قبل كده قالك انه معجب بيكي او حتي مثلا مفيش في صحابك ولا ولد

عشق...لا في بس وقتها اتكلمت بكل احترام وقولتله اني مليش فالكلام ده ومن وقتها خلاص الموضوع خلص

ومن ناحيه في في صحابي ولاد اه في بس هما مش اكتر من زمايل والحقيقه ربنا كرمني باتنين محترمين بيعتبرونا كلنا زي اخواتهم يعني اللي عايزه افهمهولك اني مش مقفله اه عارفه ديني كويس بس مش متزمته ومش ضد الحب خالص والله بالعكس انا نفسي احب واتحب بس مش عايزه اغضب ربنا وخصوصا يانور ان احنا ظروفنا مختلفه شويه ممكن اي حد يعرف ظروفنا يطمع فينا لان باختصار احنا ملناش اهل

نور..علي فكره ياعشق انا عجباني شخصيتك جدا حساكي كده عاقله وقويه وتقدري تمشي حياتك صح

عشق..الدنيا علمتني كتير يانوروالحياه اللي عيشتها ممكن تخليني ابقي عكس كده اخرج واروح واجي علي كيفي اعمل الغلط والحرام مهتمش بالدراسه ماهو انا مليش اهل ولا كبير بقي وهقول اهلي السبب وهما اللي وصلوني لكده وهما السبب في ضياعي من البدايه بس انا حبيت اثبت عكس كده علي اد ما المديره بتاعتنا كانت قاسيه علي اد ماهي اثرت فيا من غير ماتحس انها عملت معايا جميل حنان دي مكنش في علي لسانها غير كلمه بنت حرام بنت حرام الكلمه دي علي اد ما كانت بتقتلني وبتوجعني وبتهينني وكانت ممكن تخليني اوحش بني ادمه فالكون علي اد ماكانت حافز ليا اني اثبتلها هي وغيرها ان انا احسن من اهلي نفسهم ومش شرط اني اهلي شياطين اطلع زيهم بالعكس اهلي ميعرفوش يعني ايه ربنا لاكن انا اعرف اتربيت في ظروف قاسيه مفيش طفل يقدر يعيش اللي احنا عيشناه بس عيشنا وقدرنا واتعلمنا وبقينا زينا زي اللي عنده اهل

نور..وهي عينها مدمعه انا بحبك اوي ياعشق

عشق..وهي بتحضنها وانا بحبك اوي يانور

تمارا..عشق عندها حق يانور ولولا عشق في حياتنا كان زمانا ممكن نبقي من البنات دي هي اللي فضلت ورانا عشان نصلي ونقرا قرأن ونحفظه هي اللي خلتنا نلبس الحجاب وديما كانت بتكلمنا بعقل عشق مش بس اختنا عشق كانت لينا الام

عشق..خلاص بقي هعيط على فكره

زهره..طيب نور انتي قولتي ان عمرك ما ارتبطتي طيب محبيتيش

نور..ارتبكت انا لا مفيش انا لا لا

تمارا..ايوه ادام اتلخمتي كده يبقي حبيتي

نور. بضحك انتو بعد اللي عشق قالته ده عايزيني اتكلم عشان يقام عليا الحد

زهره..وتمارا في نفس واحد خوافه

عشق..احنا اتفقنا بقي ان الحب مش عيب بس في حجات لازم نمشي عليها

نور..بصو هو حب ومش حب

عشق..ايه دي فزوره.

نور..مش فزوره ولا حاجه بس تقدري تقولي كده الحب المستحيل

تمارا..ايه يابنتي الالغاز دي حب مستحيل ليه

نور..انا هحكيلكم وهتعرفو ليه انا فتحت عيني عالدنيا مكنش ليا غير ماما وبابا هما كل حاجه في حياتي وماما بعد كده اتوفت مبقاش ليا غير بابا هو بيخاف عليا جداا مليش صحاب يعني ممكن اكون عارفه جيرانا والشارع كله بس مليش صحاب عيشت انا وبابا المدارس اللي كنت فيها كانت خاصه وكان معايا ولاد عادي ودخلت الجامعه معايا ولاد عادي بس عمر ماحد شدني غير واحد بس

زهره..مين هه

تمارا..وهي بتخبطها على راسها يعني هي لو قالت مين هتعرفيه

زهره..بضحك لا

نور..نوح

عشق..نوح مين هو ده اللي قولتي عليه لبابا انه جابله ورق اخو ليل

نور..ايوه هو.

تمارا..يابنت الايه نوح السيوفي مره واحده

نور..لابس مش زي مانتي فاكره وكملت وهي عينها كلها دموع وبتحاول على اد ماتقدر انها متعيطش نوح انا اعرفه من وانا صغيره فالاول وهو صغير كنت بشوفه كتير كان ديما يجي مع باباه لما كان بيجي لبابا عمو عزام كان بيحب بابا جدا كان ديما يجيله هنا فالخان لما يحب يتكلم مع حد فاكان بيجي لبابا واوقات كان نوح بيشبط فيه وكان ديما يجي معاه كنت بحب العب معاه كان عندي 3سنين ونوح كان عنده 11سنه هو اكبر مني ب8سنين كان بيجي ياعد يلاعبني ويأكلني هو كان بيتعامل على اني بيبي بالنسباله وانا طبعا مكنتش افهم كنت بلعب وخلاص فضلت اكبر وهو يكبر مع الوقت بقى مش بيجي كتير لانه ابتدا يكبر وكل فين وفين كنت اشوفه مكنتش فاهمه ساعتها يعني ايه حب بس كنت متعلقه بيه بحكم اني مليش اخوات ولا صحاب ولا حتي قرايب من سني مكنتش بشوف غيره كنت لما بشوفه قلبي بيفضل يدق من الفرحه وكبر اكتر نوح وانا كبرت وبقيت في سن المراهقه وابتديت اعرف يعني ايه حب واتعلقت بيه اكتر ولاني مش بشوفه بقيت احاول اعرف عنه اي اخبار كان لمابابا يجي من الشغل اخليه يحكيلي يومه بالتفصيل وكل ده عشان اسمع اي حاجه عن نوح ورغم اننا بعيد عن بعض بقيت اعرف عن طريق بابا بيحب ايه بيكره ايه شخصيته ازاي بيحب الضحك ولا جد زي ليل وفضلت اجمع عنه معلومات لحد ماعرفت كل حاجه عنه خصوصا لما ابتدي ينزل الشغل معاهم كنت بتابع اي حاجه تخصه وصفحته عالفيس واي حاجه تخص شغلهم كنت ادخل وادور واشوف صوره وهو فالشغل وهو مع صحابه كل حاجه معرفش ليه كنت بعمل كده بس مكنش في اي حاجه في بالي غير اني عايزه اعرف كل حاجه عنه اطمن عليه اعرف اخباره

انتو تعرفو قبل ما ادخل الجامعه كان مره بابا بيحكيلي ان المحامي بتاع ليل في بينهم مشاكل وان ليل خلاه يسيب الشغل الخاص بالشركه وانه بيشوف محامي تاني الفكره جت في بالي وقررت ادخل كليه حقوق واكون محاميه عشان اشتغل معاهم وابقي ديما ادام نوح

ومن وقتها انا بحبه وهو ميعرفش اي حاجه اصلا ولا انا في باله

بصو..انا عارفه ان اللي انا في ده وهم واني ابعد كتير من اني اوصل لنوح نوح عرف بنات كتير وكلهم من عائلات معروفه عارفه انه اكيد مش هيبصلي ولا اجي في باله بس غصب عني بحبه ومش قادره اشيله من قلبي

انهرده لما شوفته فضلت واقفه مش بنطق هو بيكلمني وانا مش معاه مش قادره اصدق انه ادامي عارفين كان بقالي سنه بحالها مشفتهوش انا معايا دفتر صغير بكتب فيه تاريخ كل مره بشوفه فيها وانهرده تقريبا بقالي حوالي سنه وشهر

عرفتو بقي ليه بقولكم انه حب مستحيل لانه حب من طرف واحد

عشق...خدتها في حضنها بصي يانور كل اللي انتي بتقوليه ده يبين اد ايه انتي بتحبيه بس انا عايزه اقولك حاجه مش هكلمك في حرام وحلال لانك معملتيش حاجه حرام وحب الطفوله ده من انضف انواع الحب بس كل اللي هقولهولك حرام عليكي نفسك انتي ازاي قادره تعشمي نفسك بحد هو مش حاسس بيكي اصلا

نور..بدموع غصب عني ياعشق انا فتحت عيني عالدنيا لقيت نوح مش قادره اشيله من قلبي ولا قادره احب غيره ولا ينفع حتي اني احسسه بحبي ليه

عشق..بس انتي كده هتتعبي يانور هو شايف حياته لانه باختصار ميعرفش انك بتحبيه وفنفس الوقت بعيدا عن الهبل اللي انتي بتقوليه ده انه يعرف بنات وانهم من عائللات كبيره فامش هيبصلك الحب ميعرفش غني او فقير يانور يعني هو لوحبك مش هيهمه اي حاجه وهيحارب عشان يوصلك

لاكن اللي انتي فيه ده صعب اوي انتي الوحيده اللي خسرانه فيه طب تخيلي حب وارتبط واتجوز هتعملي ايه

نور..متقوليش كده انا ممكن اموت فيها

عشق..بعد الشر عنك يا نور متقوليش كده بس لازم تفكري شويه هو ملوش ذنب لانه ميعرفش

زهره..طب قدري عرف ورفض الحب ده

عشق..يبقي عالاقل كان صريح معاها وخلينا منضحكش علي بعض هو مش بيحبها اصلا هو ليه حياه تانيه خالص ميعرفش عن نور حاجه كل اللي بينهم بالنسباله انها بنت الراجل اللي بيشتغل معاهم وكان بيربطهم ببعض ايام طفوله  انما هي اللي كملت الحكايه لوحدها

نور..طب قوليلي اعمل ايه

تمارا..هي بصراحه ملهاش حل يانور

عشق..انا بصراحه مش عارفه اقولك ايه بس عايزه اطلب منك انك تعيشي حياتك وتبطلي تفكري فيه او تخليه محور حياتك صدقيني يانور لو انتو الاتنين لبعض لو الدنيا دي اتقلبت عشان الواقع يتغير هتفضلو لبعض

نور..وهنكون لبعض ازاي وهو حتي ميعرفش اني بحبه انا حتي كل مره بشوفه مش بحسسه بده بتلخم وبتلغبط وبقفل معاه الكلام بسرعه وبختفي من ادامه يمكن دي اول مره انهرده اطول معاه فالكلام شويه غير كده مفيش فرصه

عشق..صدقيني يانور لوليكي نصيب في قلبه هتبقي ليه

نور.يارب ياعشق

تمارا..بحب هو يطول اصلا ده انتي قمر

نور..بضحك هو قمرين

تمارا.. لا ده انتي واقعه واقعه

فضلو يتكلمو شويه واخيرا ناموا

......

اما عند ليل..خلصت سهرتهم وروحوا ليل كان راجع سكران بعد ما شرب كتير

طلع خد شاور ونام عالسرير

وفضل باصص فالسقف وسرحان

فلاش..باك

ليل..الوو

ريما..ايوه ياحبيبي

ليل..وحشتيني

ريما..انت كمان وحشتني بس مخصماك

ليل..ليه بس

ريما...عشان بقالك فتره مشغول من يوم عيد ميلادك ومن وقتها مش شوفتك كل ما اكلمك مشغول ومش عارفه اشوفك ولااكلمك وبستني اليوم يعدي عشان تكلمني بالليل شويه قبل ما تنام

ليل..حقك عليا ياقلب ليل والله كان في شغل الفتره اللي فاتت كتير وانتي عارفه بابا تعبان جدا وانا اللي شايل الشغل الفتره دي

ريما..عارفه بس انت واحشني جدا وعايزه اشوفك وزهقانه جدا مش لاقيه حاجه اعملها وصحابي سافرو ومرضتش تخليني اسافر معاهم 

ليل..حقك عليا عارف اني مقصر معاكي عشان كده بكلمك بكره انا اجازه وملكك اليوم كله

ريما..بفرحه بجد

ليل..بحب بجد ياقلب ليل هعدي عليكي بكره الساعه 9الصبح تكوني جاهزه

ريما..9الصبح ايه احنا هننزل نبيع لبن ولا عشان تخلص بسرعه الخروجه وترجعني بسرعه

ليل..انا قولتلك اني بكره انا ملكك اليوم كله صح بس انا عاملك مفجأه ولازم نلحق اليوم من اوله

ريما..ماشي 9بالدقيقه هكون مستنياك

ليل..وانا مش هتأخر عليكي ياعمري

عدت الساعات

والساعه 9كان ليل عند ريما خدها وركبو العربيه

ريما..احنا رايحين فين

ليل..عشر دقايق وتعرفي

وصل اخيرا ليل نزل ونزلت ريما

ريما..بصدمه ايه دي طياره

ليل..اه ياستي يلا نركب

ريما..نركب ايه وايه الطياره دي ده ناقص تقولي انك هتسوق

ليل..بضحك لا مش انا ياستي دي طياره خاصه انا اجرتها مخصوص عشانك انهرده وهوديكي بيها مكان تحفه

ريما..بجد

ليل..بجد يلا بقي عشان اليوم ميضعش مننا

ركبت ريما وليل ووصلو الغردقه قضو اليوم كله فالبحر ضحك وهزار ولعب في الملاهي المائي وبعد ما خلصو خدها علي مطعم فالبحر مكنش في غيرهم كان حاجزه كله ليهم هما الاتنين المكان كان كله مفروش بالورد اعدو اتعشو مع بعض وقضو وقت جميل كله حب ورومانسيه وبعد يوم طويل رجعو تاني

بااك.

ليل..بوجع مبكرهش في حياتي حد ادك كلكم زباله كلكم زي بعض وبعد تفكير كتير اخيرا استسلم للنوم

عدي كذا يوم من غير اي جديد تمارا ابتدت حالتها تتحسن عشق وزهره زي ما هما في شغلهم لاكن عشق مش مرتاحه فالشغل بس مش عايزه تسيبه

حاج محمد بيحاول يتلاشي اي سؤال من ليل عن قريبته

واخيرا تمارا فكت ايدها وبقت احسن

ليل..خرج من اوضه الاجتماعات بتعب وارهاق

جاسر..اخيرا خلص الاجتماع ده

نوح..انا جعان اوي

ادم..ومين سمعك

ليل..اطلبوا أكل طيب عشان نتغدي

دخل ليل مكتبه وكلهم وراه

طلب ليل قهوه وغدا من السكرتيره

بعد مرور وقت خبط حاج محمد ودخل

ليل..ايه ياراجل ياطيب خلصت

حاج محمد..كله تمام مفيش اي حاجه تاني خلاص

ليل..طيب كويس الاجتماع ده كان تقيل عليا بشكل والصفقه دي لو كانت راحت كنا خسرنا كتير

جاسر..علي اساس انك بتخسر

ليل..لاطبعا بس الصفقه دي بالذات مكنش ينفع نخسرها 

فالوقت ده خبط الباب ودخلت السكرتيره جيبالهم الاوردر اللي طلبوه وخرجت

طلعو الاكل وفضلو ياكلو ومعاهم حاج محمد

ليل..حد فيكم وراه شغل تاني

نوح...انا شويه ورق بسيط كده عايز بس اراجعه

ادم. انا خلصت

جاسر وانا كمان

الحاج..محمد انا كمان خلصت

ليل..طيب انا كمان لسه شويه اللي حابب يروح يرتاح يروح اليوم كان متعب انا عارف

حاج محمد انا عايز منك خدمه يا ليل يا ابني بس يعني اصل

ليل..في ايه ياحاج محمد انت محتاج فلوس او اي حاجه

حاج محمد..لا لا يا بني فلوس ايه مستوره الحمد لله

جاسر..لنوح وادم طب يلا ياشباب نسبهم لوحدهم شويه

حاج محمد..لا يا ابني خليكو انا بس طالب خدمه منك يا ليل يا ابني نفع نفع منفعش خلاص

ليل..لو اقدر مش هتأخر عنك يا راجل يا طيب

حاج محمد..يعني كنت بقول لوينفع تشوف شغل لي لي

ليل..لمين لنور 

حاج محمد..لا لا مش نور دي يعني بنت قريبتي اعده معايا هنا من فتره بسيطه وبتدور على شغل

ليل...هي دي اللي تعبت قبل كده

حاج محمد..ايوه يا ابني هي

ليل..مفيش مشكله ياحاج محمد خليها تيجي واقابلها وتجيب السي ڤي بتاعها 

حاج محمد..لا ماهو المشكله انها لسه بتدرس هي في جامعه القاهره في كليه تجاره سنه تالته يعني كنت بقول لو ينفع تشتغل اي حاجه تحت التدريب يعني حاجه تساعدها

ليل..هو في ايه ياراجل ياطيب انا سايبك براحتك بقالي فتره كده بمزاجي بس يعني مش ملاحظ ان غريبه حكايه قريبتك دي خصوصا اني عارف ان تقريبا علاقتك بأهلك وباهل مامت نور تعتبر مقطوعه وانت ملكش حد

الحاج..محمد وهو بيمسح عرقه بارتباك

لا بس يعني

ليل..قاطعه بص انا مش عايز اضغط عليك او اعرف حاجه انت مش حابب تقولها عموما ماشي هنشوفلها شغل خليها تيجي الوقت اللي يرحها بكره بعده اي وقت

جاسر..انا محتاج سكرتيره معايا خليني اشوفها تشتغل شويه تحت التدريب ولو عجبني شغلها هخليها تكمل معايا

حاج..محمد بفرحه ياريت

ليل.. طيب مبدأيا تمام وكمل كلام مع جاسر هو انت مش عندك سكرتيره

جاسر..كان عندي لحد امبارح وطيرتها

ليل..بأستغراب ليه

جاسر..كانت تحت التدريب بردو بس غبيه ولا فاهمه اي حاجه دخلتلي ميت معاد في بعض وكذا ميتنج يعني بوظتلي الدنيا وانت عارفني انا بحب كل حاجه تبقي Under control

ليل..اه طيب عالله اللي جايه دي شغلها يعجبك

حاج محمد..والله هتعجبك ان شاء الله المهم اجبها امته

ليل..انا معنديش مانع 

ان شاءالله من الوقت

جاسر..ولا انا عموما لو تمام بكره خليها تيجي

حاج محمد..تمام جدا بكره تبقي هنا ان شاء الله

هستأذن انا بقي وهروح افرحها

ليل..ماشي ياراجل ياطيب

خرج عم محمد..اما ليل فا فضل يبص على أثر عم محمد بغموض

نوح..ليل ليل ليييييل

ليل..ايييييه

نوح..في ايه

جاسر..سرحت في ايه

ليل..عادي ولا حاجه

ادم...الراجل ده انا طول عمري بحبه لله فالله عشان جد ودوغري بس صراحه اول مره احس انه وراه حاجه

جاسر..وانا كمان على فكره انا ممشتش السكرتيره ولا حاجه اينعم شغلها زفت وفعلا همشيها بس حبيت اقوله كده عشان بصراحه الفضول هيقتلني عايز اعرف ايه حوار قريبته ده

نوح..والنبي طول عمرك بتبهرني

جاسر..بضحك من بعض ما عندكم

ليل..كله هيبان متستعجلوش رغم اني بطمنله جدا وعارف ان مفيش اي حاجه وحشه من ناحيته بس انا كمان عندي فضول جامد وكمل بغموض وهو بينفخ دخان سجايره

عموما بكره مش بعيد بصوله الشباب باستغراب

دار الايتام 

البارت السابع

وصل حاج محمد البيت دخل لقى البيت هادي

حاج محمد..يا اهل الدار انتو فييين

اتفتح باب الاوضه

عشق..احنا هنا يابابا حضرتك جيت امته

حاج محمد..انا لسه جاي اهو انتو اللي فين

عشق..كنا بنذاكر

نور..اهلا بأحلى حاج محمد فالدنيا 

حاج محمد..اهلا بأكبر بكاشه فالدنيا

نور..ديما ظالمني كده

زهره..ازيك يابابا حمدالله عالسلامه

حاج..محمد الحمد لله يازهره الله يسلمك امال فين تمارا

تمارا..خرجت انا هنا مين بيسأل عليا

حاج محمد..تعالي ياستي انا اللي بسأل عليكي وعندي ليكي مفجأه كمان

تمارا..مفجأة ليا

حاج محمد..جهزي نفسك عشان بكره هتنزلي معايا الصبح عشان تستلمي شغلك في شركه السيوفي

تمارا..اتصدمت احلف

حاج محمد..والله العظيم

تمارا..وقفت تتنطط وتصوت والبنات يتنططوا معاها ويحضنوها

عشق..اخيرا مبروك ياقلبي

زهره..احلى حاجه سمعتها اخيرا هتنزل عن دماغنا كل شويه مكتئبه واتخنقت وفقدت الامل وعايزه شغل لما طلعت عنينا

تمارا..بحزن مصطنع اخس عليكي انا بعمل كده

نور..مبروك يا قلبي

تمارا..الله يبارك فيكو انا فرحانه اوي وبصت لحاج محمد

تمارا..انا مش عارفه اقولك ايه بجد ربنا يخليك لينا يا احلى واحن اب فالدنيا

وحضنته.

طبطب..حاج محمد عليها ويخليكو ليا يا احلى اربع بنات ربنا رزقني بيهم

المهم بقى الوقت تحضري نفسك بكره هنقابل ليل واول ما يمضي بتعيينك رسمي هتستلمي شغلك بس مش هتشتغلي معاه 

هتشتغلي مع ابن عمه جاسر

تمارا..انشالله اشتغل فالبوفيه انا راضيه

ضحكو عليها كلهم

حاج محمد..بوفيه انا بناتي يشتغلو في احسن مكان بصي انتي مؤقتا كده هتشتغلي معاه سكرتيرته الخاصه تنظميلو مواعيده تظبطي مواعيد الاجتماعات باختصار هتكوني انتي المسؤوله عن شغله هتنظميله كل حاجه

وخلي بالك هو هيحطك تحت التمريين ولازم تبيضي وشي عشان هو لسه ممشي سكرتيرته امبارح لانها كانت مبوظاله كل حاجه

تمارا.اطمن يابابا والله هرفع راسك وهشرفك

عشق..ياخوفي

تمارا..بت اتلمي تعرفي عني كده

عشق..صراحه طول ما لسانك في بوئك الدنيا هتبقى تمام ابوس ايدك بلاش طولة لسان

حاج محمد..اه والنبي ياتمارا انتي في وشي وعموما متقلقيش ياعشق دي هتشتغل مع واحد من مربع الرعب

عشق وتمارا مع بعض ايه مربع الرعب ده

نور..بضحك ايه صدى الصوت ده

تمارا..لا بجد يعني ايه

نور.. مربع الرعب دول يبقوا  ليل ونوح وادم وجاسر بيسموهم كده يعني عشان ديما الاربعه مع بعض في شغلهم في اي مكان بيروحوا الكل بيخاف منهم وبيعملهم حساب صح ياحاج ايه رأيك فيا مذاكره

حاج محمد..شاطره اهو زي ما نور قالتلك كده يعني باختصار دول بتوع شغل وفهمتك قبل كده دول فالشغل ميعرفوش ابوهم

تمارا..وليه التوتر بس عموما متقلقش بردو هشرفك احنا جامدين اوي على فكره

حاج محمد اما نشوف

تمارا..طيب حضرتك قولتلهم انا ابقى مين

حاج محمد..قولتلهم انك قريبتي ومتقلقيش ان شاء الله خير وعرفت ليل انك بتدرسي

تمارا..احسن حاجه اني انا انتساب يعني مش محتاجه اروح الجامعه غير لو في سيكشن 

حاج محمد..ان شاء الله خير وعموما اي وقت تحبي تجيبي ورق حد من البنات يجبهولك ولو ضروري انك تروحي الجامعه استأذني من جاسر مش هيقولك حاجه

تمارا تمام اشتغل بس الاول وكله يتحل

عشق..ان شاء الله

حاج محمد..طب ايه مش ناويين تعشونا بقى ولا ايه

تمارا..لا سيبولي بقى انا الطالعه دي بالمناسبه الحلوه دي انا اللي هحضر الاكل

حاج محمد..طب يلا ورينا شطارتك

دخلت تمارا تحضر الاكل وهي طايرة من الفرح

وبعد مدة خلصو اكل ودخل عم محمد ينام

تمارا..بقولكم ايه انا مش عارفه البس ايه بكره 

عشق..انتي رايحه فرح ده شغل

تمارا..ايوه بس مش اي مكان دا في شركه السيوفي يابنتي يعني عالاقل لازم يبقي شكلي حلو اول يوم

عشق..طب تعالي يلا نختار مع بعض

دخلو البنات يختارو لبس لتمارا عشان تروح بيه اول يوم

وبعد وقت طويل من الاختيار اخيرا اختارت تمارا بنطلون رمادي وعليه شميز ابيض وفوقيه جاكت طويل رمادي وطرحه رمادي واخيرا نامو كلهم وفضلت تمارا صاحيه تفكر في حياه جديده هتبتدي من بكره بفرحة وسعادة واخيرا غلبها النوم ونامت

في صباح يوم جديد مليئ بالنشاط والتفاؤل خصوصا على تمارا اللي صحيت اول واحده وتقريبا منامتش صحيت خدت شاور واتوضت وخرجت وصلت وحضرت الفطار

حاج محمد..صباح الفل على القمر ايه النشاط ده كله لا انا كده هصدق انك هترفعي راسي

تمارا..بابتسامه جميله لسه انت شوفت حاجه صباح العسل يلا اغسل وشك وتعالى افطر

حاج محمد..تسلم ايدك فين البنات

بيصلو الصبح وجايين

حاج محمد..ماشي هغسل وشي والبس واجيلكم

تمارا..يلا بسرعه عشان الفطار ميبردش وعشان منتأخرش عالشغل وكملت بابتسامه مش بنتدلع احنا

حاج محمد..بابتسامه كلها طيبه تمام يا افندم

خرجت عشق..في ايه يابت انتي بتعلي صوتك كده ليه مفيش حد اشتغل غيرك

نور..بضحك ده باينه هيبقي مرار طافح وهتزل اهلنا كل شويه عشان اشتغلت

عشق..انتي لسه شوفتي منها حاجه دي تمارا

تمارا لنور..بصوت واطي مابلاش انتي ده انا كنت ناويه اعمل معاكي واجب واجبلك حبيب القلب لحد عندك

جريت عليها نور..دي تمارا دي السكر بتاعت البيت دي تعمل اللي هي عيزاه

عشق..لا والله بقى كده ياست نور بتدافعي عنها الوقت عشان بترشيكي طب اسمعي مني ده لو في واحد فالميه بس ان حبيب القلب يجي زي ما بتقولك ادام تمارا حطت دماغها فالموضوع يبقى مش هيتم

نور..يالهوي بجد

تمارا..بغضب بت ياعشق اخفي عن وشي بدل ما اضربك متسمعيش كلامها يانور بكره تشوفي

عشق..ياخوفي

خرج عم محمد وزهره واخيرا اعدو يفطرو وبعد ما خلصو

تمارا..بت انتي وهي انا حضرت الفطار تقومو تشيلو عشان انا نازله رايحه الشغل..ارجع الاقي الدنيا نضيفه وتنضفو الاطباق مش عايزه الاقي طبق فالحوض وبعدها يلا عشق وزهره على شغلكم وانتي ياست نور على جامعتك

نور..حاضر ياست هانم

عشق..بضحك بتسمعي كلامها يامرتشيه

زهره..بابتسامه ابتدينا 

تمارا..بتقولو ايه ياعيال

حاج محمد..مبيقولوش يلا هنتأخر يا ام لسان طويل انتو جايبنها منين البت دي عايزه خناقه وتشبع فيها لطم

عشق..دي تمارا يابابا المفروض تتعود

حاج محمد..ربنا يسترها ويعديها على خير يلا يابنات سلامو عليكم

البنات وعليكم السلام

عشق..تمارا

تمارا..نعم

عشق..خلي بالك من نفسك واوعي تتوتري او ثقتك بنفسك تتهز انتي احسن واحده فالدنيا ديما خليكي عارفه كده وعيزاكي ترجعيلي وانتي متعينه في شركه السيوفي

تمارا..بحب ربنا يخليكي ليا يا احسن اخت فالدنيا متقلقيش هرفع راسك وهنفضل ديما عالوعد واحنا التلاته الكل هيفتخر بينا

عشق..بحبك

تمارا..وانا كمان حضنتها وقلبت مره واحده بت انتي انتي ناويه تأخريني

عشق..بضحك حسبي الله

نور..سلام يامجنونه

تمارا..بااي

....

نزلوا ركبو مواصله توصلهم للشركه

وبعد وقت طويل اخيرا وصلوا

نزلت تمارا..وقفت ادام الشركه بأنبهار وإعجاب أدام الصرح العظيم بتاع المبني كان مبني كبير وشكله لوحده يخض

حاج محمد..ايه واقفه كده ليه

تمارا..بابا انا خايفه اوي

حاج محمد..انا عارف ان الشركه تخض بس انتي ادها وانا بنتي متخافش ابدا ولا ايه

خدت تمارا نفس كبير حاضر يلا

دخلت تمارا مع حاج محمد وهي من جواها الف شعور فرحانه وطايره من السعاده خايفه ومتوتره بتدعي من جواها انها تتقبل وفنفس الوقت شعور الخوف والتوتر ملازمها طلع عم محمد وقال للسكرتيره بتاعت ليل انها تبلغه انهم بره دخلت السكرتيره وخرجت على طول

السكرتيره.اتفضلو مستر ليل في انتظاركم

خبط حاج محمد وتمارا وراه ميته في جلدها

جالهم صوت ليل من ورا الباب

ليل..ادخل

فتح حاج محمد الباب السلام عليكم

ليل..وهو باصص عالورق عليكم السلام ياراجل ياطيب

اتفضل دقيقه وهكون معاك

فضل ليل يمضي الورق اللي ادامه وخلص اخيرا رفع عينه اللي ترعب وهيئته اللي تخوف اي حد وبطريقه جاده جدااا مش تعرفنا يا حاج محمد

حاج محمد دي تمارا اللي قولتلك عليها

ليل..اهلا يا انسه تمارا

تمارا..بارتباك احمم اهلا بحضرتك

ليل..ها عرفيني عن نفسك

تمارا..بخوف بصت لحاج محمد

حاج محمد بابتسامه مطمئنه هزلها دماغه

تمارا..انا اسمي تمارا عندي عشرين سنه طالبه في كليه تجاره جامعه القاهره في سنه تالته

ليل..تمارا ايه؟

تمارا..وهي بتبلع ريقها تمارا احمد الوكيل

ملحوظه ده الاسم اللي اتكتب بيه شهاده الميلاد

ليل..اشتغلتي قبل كده ياتمارا

تمارا..فالحقيقه مشتغلتش في اي مكان 

ليل..وايه السبب اللي مخليكي عايزه تشتغلي خصوصا انك لسه بتدرسي

تمارا..اولا انا حابه اني اشتغل وانا بدرس عشان حجات كتير اولهم اني اتدرب عشان لما اتخرج اقدر اشتغل بسرعه

خصوصا ان دايما اول شرط فأني اشتغل يكون عندي خبره ثانيا اني اشتغل في مجموعه السيوفي دي حاجه كبيره وبتهيألي مش هقدر اكتسب خبره من اي مكان اد ما هكتسب في مجموعه السيوفي

حاج محمد بص لتمارا بابتسامه عشان يحسسها انها ماشيه صح

ليل..باعجاب من ردها طيب وبالنسبه للماده

تمارا..مفيش حد مش بيشتغل عشان الفلوس اكيد عايزه اثبت نفسي وابقى في مكان بحلم بيه واتقدم في شغلي بس ده ميمنعش اني بردو بشتغل عشان الماده

ليل..تمام يا انسه تمارا عموما انا عادتآ مش بقبل اي حد جايلي بواسطه بس انتي جايه من طرف حد غالي عندي اوي ومبدأيا انا موافق وهمضي قرار تعيينك حالا عايزك ترفعي راس الراجل الطيب ده تثبتيلي انك اد الشغل

تمارا..بفرحه ان شاء الله 

ليل..رفع تليفون مكتبه اتصل على جاسر

ليل..جاسر تعلالي على مكتبي

جاسر..حالا

ليل..بصي يا انسه تمارا انتي هتشتغلي مع مستر جاسر هتكوني سكرتيرته الخاصه وهيفهمك كل حاجه ويعرفك طبيعه الشغل

تمارا..تمام يامستر ليل

دقايق وكان جاسر بيخبط..عالباب تمارا كانت اعده ادام ليل وضهرها للباب وعم محمد اعد ادامها ووشه للباب

جاسر..صباح الفل ازيك يا راجل ياطيب

حاج محمد..ازيك ياجاسر يا ابني

جاسر..وهو واقف ومش شايف وش تمارا..خير ياليل

ليل..تعالى ياجاسر استلم ياسيدي السكرتيره الجديده بتاعتك الانسه تمارا

جاسر..قرب اكتر اهلا يا انسه تمارا

وقفت تمارا عشان تسلم عليه وهي بتبص اهلا بحض. قطعت كلامها اول ما شافته وبرقت من الصدمه

جاسر..بصدمه انتي

استغرب ليل وحاج محمد

ليل..انتو تعرفو بعض

حاج محمد...في ايه يا ابني..

تمارا..بصوت واطي يانهااار اسود كده باظت

ليل..في ايه ياجاسر مالك متنح كده ليه انتو تعرفو بعض

جاسر..يعني مش بالظبط كده

ليل..هي فزوره

جاسر..لا خالص بس صدفة غريبة يعني الانسة تمارا هي نفس البنت اللي هايدي خبطتها بالعربيه

ليل..نعم

حاج محمد.ايه

تمارا..واقفه مبتنطقش

جاسر...بضحكه استغراب اه والله زي ما بقولكم كده 

ليل..صدفه غريبه

حاج محمد..فعلا عموما الحمد لله انها عدت على خير

تمارا..اخيرا اتكلمت انا هستأذن اسفه يامستر ليل ضيعت وقت حضرتك

ليل..بأستغراب من رد فعلها مش فاهم

تمارا..يعني همشي كده تقريبا الموضوع اتعقد بعد الصدفه دي وبيتهيألي مش هينفع اشتغل

جاسر..استني هنا مين قال ان مش هينفع تشتغلي

تمارا..اصل يعني اقصد بعد اللي حصل بيني وبين خطيبة حضرتك اكيد طلبي للشغل مرفوض وانا  بوفر على حضرتك وعليا الاحراج

ليل..استني هنا انتي في شركه السيوفي يعني مش لعب عيال

تمارا..عارفه يامستر ليل وطبعا انا اسفه لحضرتك انا مقصدش كده خالص وشرف ليا اني اكون بشتغل ضمن مجموعه السيوفي بس حضرتك اكيد شايف الموقف ومحبش اني اكون موجوده في مكان مش مرغوبه فيه

جاسر..بطريقه جاده جداااا ومين قال كده اولا زي ما قالك مستر ليل انتي في شركه السيوفي يعني احنا هنا مش بنلعب ثانيا وده الاهم احنا هنا بنعرف نفصل تماما بين الشغل وحياتنا الشخصيه ولو بيشتغل معايا شخص  فالمجموعه ابويا نفسه بيكرهه  مش همشيه لو شغله معايا  يعني متقلقيش الموقف اللي حصل بينك وبين هايدي ولا يعنيلي بأي شئ وبيتهيألي اني مش هرفض انك تشتغلي معايا عشان خاطرها

تمارا..بارتياح داخلي يعني ايه

ليل..زي ما قالك يعني حضرتك تروحي يلا مع مستر جاسر عشان تشوفي مكتبك فين وتعرفي منه طبيعة الشغل..ويلا بقى عشان نبتدي شغل احنا هنا مش بنلعب

تمارا..بصت لجاسر بترقب 

جاسر..اتفضلي ورايا يا انسه تمارا عن اذنكم ياجماعه

تمارا..بصت لحاج محمد

حاج محمد..يلا واقفه ليه روحي وراه

جاسر..هفضل واقف كتير يلا ورانا شغل

تمارا...شكرا يامستر ليل

ليل... اكتفي ليل بالابتسامه وهز دماغه 

اما تمارا قربت لحاج محمد وباسته من راسه ربنا يخليك ليا ومشيت بسرعه ورا جاسر

...........

حاج محمد..شكرا ياليل يا ابني

ليل..على ايه بس يا راجل ياطيب انا معملتش حاجه عموما لو قدرت تثبت نفسها في وقت قليل هتتعين رسمي وهتكون ضمن المجموعه كمان

حاج محمد ..ان شاء الله يا ابني طيب تؤمرني بحاجه

ليل..شكرا اتفضل انت 

خرج حاج محمد

اما ليل..فا فضل اعد بشرود وبنظرة غامضة وبيفكر في حاجه

دخل جاسر مكتبه وتمارا وراه وقفت جمب الباب

جاسر..وهو مديها ضهره ورايح مكتبه اقفلي الباب وتعالي اعدي

قفلت تمارا الباب وراحت وراه من سكات اعدت ادامه وهي من جواها توتر جامد

جاسر..بجديه وتجاهل الموقف تماما

بصي يا انسه تمارا انتي من انهرده اعتبري نفسك في فتره تدريب لمده 3شهور قدرتي تثبتي نفسك وده طبعا بشغلك ومجهودك هتفضلي معايا وهتتعيني رسمي انتي هتكوني سكرتيرتي الخاصة وهتكوني مسؤوله عن اي حاجه تخص شغلي تنظيم مواعيدي تجهيز اي ميتنج في اوقات ممكن احتاجك معايا في ميتنج خارج الشركه او ميتنج بليل يعني تقدري تقولي عشاء عمل احنا شغلنا بيبتدي الساعه 8صباحا وبيخلص 3 بس في ايام ممكن تطولي معايا شويه لو في ضغط شغل اوقات كتير بنخلص 9و10بليل وطبعا لازم تكوني عارفه ده كويس والساعات الزياده فالشغل بتتحسبلك over time

عرفت من حاج محمد..انك بتدرسي بجانب الشغل طبعا اتمنى ميكنش في اعتذارات وفنفس الوقت انا هراعي انك بتدرسي يعني الوقت اللي لازم تروحي فيه الجامعه تقدري تبلغيني قبلها بيوم واكيد هنظبطها مع بعض انتي انتساب ولا انتظام

تمارا..احممم انا انتساب

جاسر..تمام جدا يعني مش هتحتاجي تروحي كتير عموما بردو زي ما قولتلك الوقت اللي ضروري تروحي فيه تبلغيني قبلها بيوم

وعايز اقولك بس انا لحد امبارح كان معايا سكرتيره بس للاسف مكملتش معايا لانها مشافتش شغلها كويس واحنا هنا مبنلعبش زي ما انتي محتاجه الشغل احنا هنا كمان محتاجين موظفين يكونو جاديين وشايفين شغلهم كويس اساس شركه السيوفي النظام والجهد والنشاط قدرتي تثبتي نفسك هتكوني ضمن مجموعه السيوفي مقدرتيش للاسف مش هتقدري تكملي واتمنى الحماس اللي شوفته في عم محمد وهو بيتكلم عنك تكوني اده مبدأيا كده انا خلصت كلامي ومد ايده اداها دوسيه

 الفايل ده في كل حاجه حابه تعرفيها المكتب بتاعك هيكون المكتب اللي جمبي على طول واداها ورقه كمان دي ورقه فيها مواعيد اجتماعات الفتره الجايه فيهم مواعيد للاسف داخله في بعض ياريت توريني شطارتك في تنظيم المواعيد خصوصا ان كل الاجتماعات اللي في ايدك دي مهمه جدا ومينفعش اجتماع فيهم يتلغي وفاخر الورقه مكتوب الاماكن اللي ديما بعمل فيها الاجتماعات شوفي المكان الانسب لكل معاد فيهم يعني في يوم فيهم اللي هو بكره تقريبا عندي اجتماع معاده الساعه 7مدته 30دقيقه وفي معاد تاني الساعه 8 مدته45دقيقه كل شركه فيهم مختاره مكان من اللي معاكي والمده بين المكانين تقريبا تلت ساعه شوفي بقي هتعملي ايه ظبطيها مع نفسك وبلغيني معاكي لاخر اليوم اتمني تقدري تظبطي اللغبطه اللي ادامك دي

تمارا وهي باصه عالورق وحاسه انها تاهت ومش مستعوبه نص كلامه

جاسر..بمشاكسه عشان يخليها تتحمس شكلك متوتره وحاسس كده انك متلغبطه اكتر من الورقه اللي في ايدك 

تمارا..بتحدي تمام يامستر جاسر ان شاء الله هظبطها وقبل ما اليوم يخلص هكون عامله لحضرتك ملخص كامل بتنظيم المواعيد

جاسر..وهو مش مصدق اتمنى

تقدري تتفضلي على مكتبك الوقت وفي عندك جهاز لاب توب تقدري تظبطي المواعيد من خلاله وتطبعيلي ورقه بالملخص اللي قولتي عليه

تمارا..حاضر بعد اذن حضرتك

جاسر..اتفضلي

وقفت تمارا..مستر جاسر ممكن اسأل حضرتك سؤال

جاسر..بجديه طبعا

تمارا..بارتباك يعني هو لو خطيبة حضرتك عرفت اني بشتغل هنا حضرتك يعني .

قاطعها جاسر..بجديه وتجاهل مقصود لسؤالها انسه تمارا مبروك عالشغل ومستني اشوف شغلك اخر اليوم

تمارا..حست بغضب من جواها

بعد اذنك

خرجت تمارا..على مكتبها وهي مش طيقاه بني ادم بارد ومغرور زي خطيبته

اما جاسر فا ابتسم  اول ماتمارا خرجت

جاسر..لنفسه كده حلو اوي

.....

عدي كذا ساعه وتمارا مندمجه فالشغل وجاسر بيراقبها من الكاميرا اللي متوصله باللاب توب بتاعه

وبعد وقت شافها قايمه وبتتحرك ناحيته قفل الشاشه ثواني وكانت بتخبط

جاسر..بتصنع الشغل ادخل

دخلت..تمارا وهو باصص في الورق

تمارا..احممم

جاسر وهو باصص فالورق خير 

تمارا..مستر جاسر انا تقريبا ظبطت كل مواعيد الاسبوع بس معاد بكره في مشكله كبيره

جاسر وهو بيرفع وشه اتفضلي اعدي خير

تمارا..بجديه حضرتك معاد اول ميتنج بكره  الساعه 7هيخلص سبعه ونص وده مكانه في المهندسين والميتنج التاني معاده الساعه 8 ومكانه في وسط البلد علميا التوقيت بينهم حوالي تلت ساعه  وده كويس لاكن عمليا استحاله انك توصل فالوقت ده خصوصا ان التوقيت ده بيبقي صعب جدا مش بعيد تاخد ساعه ان مكانش اكتر

جاسر..والعمل

تمارا..العمل ان مفيش اي حل ادام حضرتك غير ان الميتنج التاني يتأخر نص ساعه عالاقل او يتغير المكان لنفس مكان الميتنج الاول او انهم يختارو مكان تاني يكون فالمهندسين بردو

جاسر..والله لو الميتنج الاول كان مكان التاني كان ممكن ينفع لاكن للاسف الشركه بتاعت الميتنج التاني مبتغيرش مكانها ابدا تحت اي ظرف

تمارا..حضرتك اولا تقدر تسبها عليا ثانيا وده الاهم انهم هما اللي محتاجينكم مش العكس يعني اكيد هيوافقوا

جاسر..بسخريه انتي جايبه الثقه دي منين اولا مفيش الكلام ده ثانيا مفيش حاجه اسمها هما اللي محتاجينا او العكس احنا الاتنين محتاجين بعض الشغل مفيهوش اللي عاوزني يجيني 

تمارا..مع حضرتك جدا بس يمكن ده من وجهه نظر حضرتك سبني اجرب واكيد هثبت لحضرتك انهم هيوافقو

جاسر.. باصصلها ومركز وجواه اعجاب من تحديها وفنفس الوقت مش راضي يبينلها

تمارا..قولت ايه يا مستر جاسر

جاسر..بصي ياتمارا انا خليني امشي وراكي بس قبل اي حاجه عايز بس اقولك ان الشركه دي صارمه شويه فالتعامل ومحبش صورت الشركه تتهز خصوصا ان احنا معروف عننا واحد الالتزام بالمواعيد اتنين اننا بنحترم قرارات اي منافس لينا يعني معروفين بالديمقراطيه فالشغل فا اننا نغير مكان دي اول مره تحصل جربي بس عايزك تبقي عارفه ان الميتنج ده مينفعش نخسره عشان فالميتنج ده هيتم التعاقد علي ثفقه ب20مليون جنيه

تمارا..بصتله بصدمه لكن كملت باصرار اديني وقتي وهرجع لحضرتك تاني

جاسر..معاكي كل الوقت

خرجت تمارا..وفضلت حوالي ساعه إلا ربع جوه مكتبها رايحه جايه بتوتر وهو شايفها ومبتسم وعارف انها هترجع في كلامها بعد ما عرفت الرقم واخيرا شافها راحت مسكت التليفون

جاسر..بصدمه يابنت المجنونه

وفاللحظه دي جه لجاسر تليفون معرفش يسمع تمارا

فضلت تتكلم حوالي عشر دقايق

وخلصت وراحت لجاسر على المكتب

جاسر..ادخل

تمارا..تمام يا مستر كله تمام

جاسر..اللي هو ايه

تمارا..بكره الميتنج الاول والتاني هيتعملو في نفس المكان فالمهندسين

جاسر..بصدمه وافقوا

تمارا..بغرور طبعا

جاسر..ازاي

تمارا..دي بتاعتي بقى المهم ان المشكله اتحلت

جاسر..وهو رافع حواجبه لا والله طيب تمام

طب سؤال ليه مطلبتيش ان المعاد يتأخر

تمارا..كنت هطلب كده بس حبيت بدل ما حضرتك تخلص ميتنج وتمشي بسرعه عالتاني في وسط زحمه الطريق وياتوصل بسرعه او لا وفالحالتين هتبقى مجهد واكيد هتكون فاصل يعني حبيت انه يكون في نفس المكان حضرتك هتخلص الميتنج الاول 7ونص  يعني ادام حضرتك 30دقيقه تفصل فيهم..لحد الميتنج التاني

جاسر..بابتسامه اعجاب براڤو يا تمارا قدرتي تعدي اول اختبار

تمارا..بابتسامه ارتياح شكرا

عدت الايام من غير اي جديد يوم ورا يوم فات حوالي 10ايام كل يوم تمارا بتحاول على اد ماتقدر تثبت نفسها اكتر بتحاول ترفع راس عم محمد بتحاول تكون اد ثقه جاسر بتحاول تحقق حلمها بتحاول تعوض النقص اللي في حياتها بأنها تنجح اكتر واكتر.

لاكن مش كل اللي بنتمناه بيمشي زي ما احنا عايزين

دار الايتام 

البارت الثامن..

في صباح يوم جديد

صحيت تمارا نزلت على شغلها مع حاج محمد كالعاده وقدرت تمارا تثبت نفسها بصوره مشرفه وفي 10ايام اثبتت جدارتها فالشغل اما جاسر مكانش حابب يبينلها ده بالرغم من انه معجب بطريقه شغلها جدا 

جاسر..تمارا تعاليلي عالمكتب

تمارا..حالا يامستر جاسر

ثواني وكانت تمارا بتخبط

جاسر..ادخل

تمارا..تحت امر حضرتك

جاسر..اعدي يا تمارا

تمارا..شكرا

جاسر..انهرده عندي ميتنج الساعه 9ونص

تمارا..ايوه عارفه حضرتك والمعاد مظبوط انا مظبطه كل حاجه

جاسر..عارف ياتمارا بس انتي انهرده هتكوني معايا فالميتنج ده

تمارا..انا ليه اقصد يعني

جاسر..اظن اننا متفقين ان في ايام هحتاجك معايا وانتي وافقتي عالنظام

تمارا..ايوه حضرتك وافقت بس يعني الميتنج ده تقريبا اكبر ميتنج ظبطه لحد الوقت ده مدته ساعه ونص يعني هيخلص الساعه11

جاسر..ايوه عارف وفين المشكله 

تمارا..مفيش مشكله بس انهرده انا هفضل موجوده لحد الساعه 9تقريبا عشان في ضغط شغل وعشان اروح الميتنج لازم امشي بدري عشان الحق وطبعا زي ما قولت لحضرتك انهرده في ضغط شغل بتهيألي مش هينفع امشي بدري وانا هخلص 9والميتنج معاده 9ونص ده انا على بال ما اخلص و امضي انصراف واخرج من الشركه واحاول اشوف تاكسي او مواصله توديني مكان الميتنج هتكون النص ساعه فاتت والميتنج بدأ

جاسر..بس بس بس ايه كل ده

اولا انتي لا هتروحي في تاكسي ولا هتروحي في مواصله انتي هتمشي معايا من هنا

تمارا..نعم

جاسر..هو ايه اللي نعم

تمارا..لا مقصدش بس مش هقدر مش هينفع خالص

جاسر..هو ايه اللي مش هتقدري ومش هينفع

تمارا حست انها في ورطه مش قصدي ياريت متزعلش مني بس يعني انا مش متعوده اركب مع حد غريب عربيته

جاسر..وهو مستغرب وبيكلم نفسه هو في كده

اولا انا بتهيألي اني مش حد غريب ثانيا وده الاهم احنا مش رايحيين نتفسح ده اجتماع شغل ومهم جدا وضروري وجودك معايا لان باختصار حضرتك السكرتيرة الخاصه بتاعتي ثالثا مش هينفع اروح واستنى جنابك تيجي بعدي او العكس رابعا وده الاهم انتي فالبدايه عارفه ان ده نظام الشغل ووافقتي عليه وعايزك بس تعرفي ان دي مش المرة الاولي والاخيره و تعملي حسابك ان الفتره الجاية هيكون في اجتماعات بره الشركه كتير وانتي هتكوني معايا قولتي ايه

تمارا..طيب يعني ممكن استأذن من بابا

جاسر..هو مش المفروض ان بباكي متوفي

تمارا..انا يعني اقصد بابا محمد

جاسر..تقصدي حاج محمد

تمارا..ايوه

جاسر..باستفسار هو انتي ليه بتقوليله بابا هو انتي تقربيله ايه

تمارا..بارتباك مش عارفه ترد يعني هو في مقام والدي والراجل ده مهم في حياتي اوي يمكن عمل اللي والدي معملهوش معايا

جاسر..حس بتوترها مرضيش يضغط عليها اه ماشي رفع تليفون المكتب الوو

حاج محمد..ايوه ياجاسر يا ابني

جاسر..انت فين ياراجل ياطيب

حاج محمد..انا تحت فالمكتب

جاسر..طيب لو مش هعطلك ينفع تطلعلي المكتب ثواني بس

حاج محمد..ياسلام ولو هتعطلني طالعلك حالا

جاسر..تسلملي ياراجل ياطيب

قفل جاسر وفضل اعد باصص على تمارا..وهو بيشرب سيجارته اما تمارا فاكانت شيفاه بطرف عينها مركز معاها حبت تتلاشاه وفضلت باصه ادامها عشان تهرب من اي اسئله خاصه بصلتها بحاج محمد

دقايق وكان الباب بيخبط

دخل حاج محمد سلام عليكم

جاسر..عليكم السلام تعالي ياحاج محمد

دخل اعد ادام تمارا

حاج محمد بقلق خير ياجاسر يا ابني بعتلي ليه تمارا مزعلاك ولا ايه

جاسر..يعني

بصتله تمارا وهي مبرقه

حاج محمد..عملتي ايه يا اخرت صبري اخلص من نور تطلعيلي انتي

تمارا..معملتش حاجه يابابا والله

جاسر..لا متقلقش هي مش حاجه كبيره اوي انت طبعا عارف نظام الشغل هنا 

حاج محمد طبعا 

جاسر..المفروض تمارا سكرتيرتي الخاصة واي حاجه في شغلي متوقفه عليها باختصار هي اللي بتظبط وانا بمشي وراها والمفروض ان انهرده عندي ميتنج بره ووجودها معايا مهم عشان لو حصل وأطلب مني تحديد معاد تاني فاهي عارفه مواعيدي وهتقدر تساعدني

حاج محمد كل ده عارفه فين المشكله

جاسر..المشكله انها بتقول انها مش هينفع تركب مع حد غريب وحاولت اقنعها تقريبا اقتنعت بس طالبه انها تستأذن من حضرتك

حاج محمد بابتسامه لتمارا ده شغلك يابنتي وزي ما انتي بتحاولي طول الكام يوم دول انك تشوفي شغلك فا الاجتماعات دي بردو جزء من شغلك وبعدين مين اللي غريب بس ده مديرك وانتي معاه في امان

تمارا..يعني حضرتك موافق

حاج محمد طبعا يا بنتي

تمارا..بس الاجتماع هيخلص 11وعلى بال ما ارجع هتبقي الساعه داخله على 12او اكتر

حاج محمد ياستي ولا تقلقي هكون معاكي عالتليفون هتخرجي تلاقيني مستنيكي ونروح سوا

جاسر..لا ياراجل ياطيب زي ما هخدها من هنا هرجعهالك لحد باب البيت

حاج محمد..لا يابني وعلى ايه التعب انا هخدها

جاسر..تعب ايه بس وبعدين انت مش لسه قايلها ان ده جزء من الشغل انا كمان هشوف شغلي للاخر وهوصلها لحد البيت

حاج محمد ماشي يا ابني اللي تشوفه

جاسر..عايزه تقولي حاجه تاني ولا اطمنتي خلاص

تمارا..لا مفيش

حاج محمد..متقلقيش ياتمارا جاسر وليل وادم ونوح دول اضمنهم برقبتي ومعاه انا مطمن عليكي

جاسر تسلم ياراجل ياطيب

حاج محمد..هقوم بقى اشوف شغلي واسيبكم تكملو شغلكم

جاسر..اتفضل

خرج حاج محمد

جاسر..كده احنا خلاص على معادنا 

تمارا..باحراج اسفة ياريت حضرتك متضايقش مني

جاسر..بابتسامه جميله متتأسفيش ياتمارا بالعكس انا مش زعلان حاجه و كويسه انك تكوني بتحترمي كبيرك وانا مش مضايق

تمارا شكرا يامستر جاسر حضرتك محتاج حاجه مني

جاسر..شكرا تقدري تتفضلي

خرجت تمارا وعدى وقت اكتر من ساعه وباقي على معاد الميتنج حوالي ساعه إلا ربع

دخل نوح..على مكتب تمارا اللي بيوصل لمكتب جاسر

نوح..بمرح اهلا اهلا

تمارا..بابتسامه اهلا بحضرتك مستر نوح

نوح..جاسر عنده حد

تمارا..لا لوحده

نوح...طيب انا داخله وبقولك ايه الله يكرمك بلاش مستر نوح وحضرتك دي عشان بتخنق منهم قولي نوح عادي  والله وزي الفل

تمارا بضحك معلش بقي اصلي مش متعوده وبعدين عشان احنا في شغل وكده

نوح..خلاص ياستي بصي اي وقت نكون في ادام الموظفين انا مستر نوح غير كده نوح وبعدين ده انتي من ريحه الراجل الطيب عم محمد

تمارا..ماشي اتفقنا

نوح...يا ايه؟

تمارا..بابتسامه يانوح

نوح..هو ده

انا هدخل بقي يلا سلام

تمارا..سلام

دخل نوح عند جاسر دقايق وجاسر مسك التليفون تمارا نوح عندي فالمكتب بنتكلم في شغل ياريت اي تليفون يجيلي متحوليهوش ليا مهما كان مين قولي اني في ميتنج مهم واي حد غير مستر ليل ومستر ادم متدخليهوش واجهزي عشان هخلص مع نوح ونتحرك بسرعه

تمارا..تمام يامستر جاسر

قفلت تمارا وابتدت تقفل في شغلها وتجهز للميتنج فات حوالي ربع ساعه ولسه نوح جوه

وفاللحظه دي اتفتح باب اوضه المكتب بتاع تمارا

وكانت هايدي

تمارا...اتصدمت لما شافتها

هايدي..من غير ماتبص على تمارا كان معاها تليفون بلغي جاسر اني هنا وكملت فالموبايل

تمارا..من جواها وحست انها فرصتها وجت لحد عندها واقسمت من جواها ان لو ده اخر يوم ليها فالشركه لازم ترجع حقها

هايدي اوك يابنتي انا هخلص مع جاسر وهاجي على طول مش هتأخر ياروحي يلا بقي هكلمك تاني باي

بصت هايدي على تمارا وهي لسه مش مركزة جاسر معاه حد

تمارا..وهي بترفع وشها اسفه مستر جاسر مشغول مش هينفع تدخليلو

هايدي بصدمه وغضب انتي بتعملي ايه يابت انتي هنا

تمارا..اولا انا مسميش بت انا اسمي تمارا..ثانيا بعمل هنا ايه بلعب اصل حسيت اني زهقانه شويه فجيت العب هنا شويه

هايدي..نعم يا اختي بتلعبي

تمارا..اصل انتي داخله وشيفاني اعده عالمكتب هكون بعمل ايه اكيد مش بشوف شغلي لا طبعا ودي تيجي طبعا بلعب

اه ونسيت اقولك بعد كده ياريت قبل ما تدخلي تخبطي اظن الذوق بيقول كده

هايدي وابتدا الغضب يعميها انتي ازاي يابت انتي تتكلمي معايا كده وانتي ازاي بتشتغلي هنا اصلا مين اللي سمحلك

تمارا..بابتسامه مستر جاسر

هايدي..وهي بتروح علي مكتب جاسر انا لازم احط  حد حالا للمهزله دي وانا هعرفك ازاي تتكلمي معايا كده تلمي حاجتك حالا عشان ثواني وهتكوني بره الشركة

تمارا..وقفت ادامها ببرود استني هنا قولتلك ممنوع مش هينفع تدخلي هو قرب يخلص اصل انا ومستر جاسر عندنا ميتنج بره الشركه

ولما يخرج ابقي حطي حد للمهزله دي براحتك بس ياريت بسرعه قبل ما نمشي

هايدي..وصوتها خلاص جاب اخر الشركه

قسما بالله لو ممشيتي من وشي يا زباله انتي لاكون مرتكبه فيكي جريمه حالا ويا انا يا انتي هنا انهرده والله ماهسيبك

تمارا..بابتسامه وببرود اعلى مافخيلك اركبيه بس بردو مش هتدخلي

هايدي..وهي بترفع ايدها على تمارا انتي شكلك عايزه تتربي فاللحظه دي نوح وجاسر خرجو جري عالصوت

ولسه هتضرب تمارا

جاسر..بصوت يرعب هايدي

مسكت تمارا ايدها قبل ما تضربها وبكل جرأه وتجاهل لجاسر ونوح وتجاهل لشغلها اللي خلاص مهدد انه ميكملش ايدك دي لو فكرتي ترفعيها تاني هكسرهالك وساعتها انتي اللي هتندمي انك فكرتي تيجي ناحيه تمارا ونطرت ايدها وخبطت على كتف هايدي اوك ياشاطره 

نوح وجاسر كانوا مصدومين

هايدي..انتي ازاي ياحيوانه انتي تتكلمي معايا كده انتي مش عارفه انا ابقى مين ولا بنت مين مش عارفه ممكن اعمل فيكي ايه

تمارا..بسخريه ولا حتى سمعت عنك في طبق اليوم

نوح...كتم ضحكته 

هايدي لجاسر المهزله دي لازم تقف حالا والزباله دي تطرد فورا

جاسر..بغضب ممكن اعرف ايه اللي بيحصل هنا بالظبط

جه صوت ليل من وراهم اللي جه على صوتهم

ليل..انا اللي عايز اعرف ايه اللي بيحصل هنا فالشركه

هايدي..اتسمرت مكانها من صوت ليل لانها بتخاف منه وعارفه انه مبيحبهاش

نوح..منعرفش يا ليل احنا كنا جوه بنخلص شغل وخرجنا زيك بالظبط عالصوت

جاسر..بغضب في ايه ياهايدي وايه اللي جابك الشركه

هايدي..ايه اللي جابني ده اللي همك مش همك اللي الزباله دي عملته فيا

جاسر..هايدي كلمه زياده وهفقد اعصابي

هايدي..ماشي ياجاسر براحتك بس اولا ازاي البت دي تشتغل معاك من غير ما اعرف

ليل..وهو بيكلم جاسر بطريقه تخوف ايه ياجاسر هو المفروض لما نعين حد هنا ناخد الاذن من الانسه هايدي

هايدي..بارتباك لا ياليل باشا مقصدش بس البنت دي في بينا حساب قديم

ليل..الحسابات متتصفاش في شركه السيوفي يا انسه هايدي وبعدين اللي اعرفه انك تقريبا خبطيها بالعربيه قبل كده يعني هي اللي ليها حساب معاكي

هايدي..حساب ايه دي طولت لسانها عليا بعد ما ودتها المستشفي حتى اسأل جاسر والوقت جيت ادخل لجاسر منعتني وبتتكلم بطريقه زباله وبتقولي مش هدخل واعلى مافخيلك اركبيه

ليل..الكلام ده حصل يا انسه تمارا

تمارا بكل ثقه حصل يامستر ليل

بس هي لو تقدر تقول السبب تقوله بس مظنش ان عندها الجرأه عموما انا هقول لحضرتك اللي حصل

اولا الانسه دخلت المكتب عليا مره واحده من غير ماتستأذن واظن ان ده مش من الذوق

هايدي..بغضب ذوق مين يا

قاطعها جاسر بصوته هااايدي خلصت كملي ياتمارا

تمارا..الانسه طلبت تشوف مستر جاسر وطبعا هي مكانتش شافتني لانها كانت بتتكلم فالموبايل ومش مركزه ولما قفلت قالتلي مستر جاسر معاه حد قولتلها اسفه مستر جاسر مشغول مش هيقدر يقابلك ولما وركزت وعرفت اني انا نفس اللي خبطتها قالتلي

انتي بتعملي ايه يابت انتي هنا 

 قولتلها بلعب اصل سؤال غريب داخله عليا مكتبي وشيفاني بشتغل واعترضت على كلمه بت واعترضت عشان مخبطتش قبل ما تدخل فضلت تزعأ وتتعصب وقالتلي تلمي حاجتك عشان هتترمي بره الشركه ومش هسيبك وكلام غريب كده وراحت على مكتب مستر جاسر ولما منعتها كانت هترفع ايدها عليا وطبعا انا ممنعتهاش مني لنفسي مستر جاسر طلب مني اني محولش اي مكالمه ليه واي حد يحب يدخل مدخلهوش واقول انه في ميتنج مهم طبعا بأستثناء حضرتك ومستر ادم

ليل..انت طلبت من تمارا كده

جاسر..ايوه 

ليل..يعني هي كده بتعمل شغلها

جاسر..اسف ياليل عاللي حصل  واسف يا انسه تمارا عالموقف السخيف اللي اتحطيتي فيه

هايدي..نعمم انت بتتأسف للزباله دي

جاسر..كلمه زياده وهتشوفي مني تصرف مش هيعجبك انا ماسك نفسي بالعافيه وانتي مصممه تخلي منظري ومنظرك زي الزفت

هايدي..ده بدل ما تجبلي حقي

جاسر.حقك انتي اللي غلطي مش وكفايه انك جايه مكتبها ترفعي ايدك عليها

هايدي..هي اللي استفزتني

جاسر..بصوت عالي الكلام خلص

هايدي..ماشي ياجاسر بس وديني ما هسكت والزباله دي انا هعرف اربيها بطريقتي وسابتهم ومشيت

ليل..بجديه اللي حصل ده لازم تحطله حد واول واخر ومره اشوفها تجيلك هنا احنا هنا في شركه محترمه واظن مش ظريف ان الموظفيين يتلموا على صوت خطيبتك

تمارا..وهي بتحاول تهدي الموقف مستر ليل ممكن اقول حاجه

ليل..اتفضلي 

تمارا..مستر جاسر ملوش ذنب هو خرج من مكتبه في نفس الوقت اللي حضرتك جيت فيه ومستر نوح كان معاه جوه تقدر تسأله وبعدين انا مش عايزه اكون سبب في اي مشكله او لغبطه اللي حصل ده كله بسببي انا من البدايه قولت لمستر جاسر ان ممكن يحصل مشكله واللي حسبته طلع صح بس مكنتش عارفه ان المشكله ممكن تكبر كده فا بعد اذنك مستر جاسر ملوش ذنب وانا ممكن امشي حالا لو وجودي هيسيب مشكله بينكم او بين مستر جاسر وخطيبته

ليل..اولا مفيش بيني وبين جاسر مشكله خالص ولا اي حد يقدر يخلي في بينا مشكله ثانيا انتي ملكيش دعوه

هي اللي غلطت

ثالثا..وده الاهم مينفعش انك تتنازلي عن شغلك بسهوله كده ده مش صح

تمارا..انا مش بتنازل عن شغلي بس مش حابه اكون سبب مشاكل فالمكان اللي بشتغل فيه

جاسر..وهو على اخره ليل الكلام خلص واللي حصل من شويه ده مش هيتكرر تاني تحت اي ظرف حتى لو كانت ايه نتيجته

ليل..بحزم اتمنى وخرج من غير ولا كلمه

جاسر..تمارا جاهزه

تمارا..ايوه يامستر جاسر

جاسر..طب يلا مفيش وقت الميتنج فاضل عليه ربع ساعه

تمارا..تمام

نوح..لجاسر براحه فك حوار وخلص

جاسر..ماشي يانوح يلا سلام

خرج جاسر ووراه تمارا من غير ولا كلمه

راح نوح وادم..مكتب ليل

ادم ايه بوص روق كده 

ليل..اروق ليه مانا زي الفل اهو مفيش حاجه.

نوح...انت مش شايف نفسك ده انا ذات نفسي اترعبت منك بس انت جيت على جاسر اوي يا ليل

ادم..صراحه اه

ليل..كان لازم يحصل كده جاسر لازم يفوق شويه ويركز

في كل الاحوال هايدي مش هتنفعه

ادم..انت صح بس هو بيحبها

ليل ..بعصبيه خبط عالمكتب مفيش حاجه اسمها حب كلهم زي بعض اخرهم معانا سهره وبس عايز يخطبها وخطبها عادي حتى لو عايز يتجوزها بردو عادي هو حر بس لما يكون اللي بيحبها زباله يبقى لازم افوقه

نوح..اهدى كده بس ياعم خلاص حصل خير هو كمان اصلا شكله ميطمنش  وشكله قلب عليها وليلتها سوده معاه

سيبك انت البت قريبت حاج محمد شكلها ايه نمره وجدعه

ادم..صراحه اه واقفه تتكلم بثقه انا حسيت لاخر لحظه انها مستبيعه ومهمهاش الشغل يطير منها رغم انها عارفه انها خطيبة مديرها

نوح..بضحك امال لو كنت شوفتها وهي ماسكه ايد هايدي وبتقولها ادامي انا وجاسر لو ايدك اتمدت هكسرهالك

ليل..جدعه كويس انها مسابتش حقها

المهم خلصتو شغلكم

ادم...انا لسه ادامي ساعه

نوح..انا كمان لسه

ليل..طب يلا يا اخويا انت وهو لما لسه عندكم شغل جايين تحكو ليه

نوح لادم يلا بدل ما يتحول علينا

ادم..انا بقول كده 

خرج ادم ونوح بسرعه من ادام ليل

اما ليل فا كان دماغه لسه مشغوله بحاجه ولسه نظرت الغموض مفارقتهوش

في عربيه جاسر كان ساكت طول الطريق وتمارا كمان كان سايق بسرعه تخوف

اما تمارا..فكانت اعده جمبه بتتشاهد على روحها

وصلو اخيرا المكان فالوقت المناسب

وابتدا الاجتماع كانت تمارا كل فتره تبص عليه وهو كان مندمج فالشغل جدا وكأن مفيش حاجه حصلت

هو كمان كان كل فتره والتانيه يبص على تمارا ويبعد عينه بعد فتره 

خلص الاجتماع الساعه 11ونص 

ركب جاسر وتمارا كانت حاسه بتعب وصداع من اليوم الطويل

جاسر..معلش ياتمارا الاجتماع طول نص ساعه عارف اني اخرتك

تمارا..لا خالص يامستر جاسر بابا عارف خلاص

جاسر..عموما الطريق الوقت رايق ان شاء الله مش هأخرك

تمارا..هو ممكن حضرتك تسوق براحه شويه

جاسر..انتي مش عايزه توصلي بسرعه

تمارا..ايوه بس مش عايزه اموت

جاسر..بابتسامه جذابه انا هموتك

تمارا..بنفس الابتسامه لا مش قصدي بس حضرتك واحنا جايين كنت سايق بسرعه اوي وبصراحه انا بخاف

جاسر..انا كنت سايق بسرعه بس عشان الميتنج كان قرب كفايه الوقت اللي ضاع بس عموما ياستي حاضر هسوق براحه

تمارا..مستر جاسر

جاسر..نعم

تمارا..انا اسفه

جاسر..علي ايه

تمارا..عاللي حصل انا عارفه ان بسببي حضرتك وخطيبتك اتخانقتو بس والله انا نفذت اللي حضرتك طلبته

جاسر..اولا متتأسفيش انت مش غلطانه انا اللي اسف عاللي هي عملته ثانيا بقي وده الاهم مش معنى ان هايدي خطيبتي وبحبها اني اوافقها عالغلط هي غلطت والمفروض تتحمل نتيجة غلطها ومش معني انها خطيبتي اني اجي عليكي انا مش كده عموما متقلقيش هبقى اصالحها بس لما تحس انها غلطت

تمارا..حست انها اضايقت من كلمه بحبها لكن مش عارفه ليه ان شاء الله

لمح..جاسر تحول على ملامحها

جاسر..انتي كويسه

تمارا..ايوه صداع بسيط مش اكتر

جاسر..طب يلا بينا اتحرك جاسر بالعربيه

اما تمارا..كانت باصه من الشباك بتكلم نفسها هو انا اضايقت ليه عشان قال بحبها ماهي خطيبته ولازم يكون بيحبها انا بقي ليه مضايقه ليه حاسه اني غيرانه

تمارا.بصدمه غيرانه انا قولت غيرانه لا لا لا اكيد انا بخرف بس لا انا مش بخرف انا اتعمدت اني اضايقها لا بس هي اللي بدأت من يوم ما خبطتني بالعربيه وانا كنت باخد حقي منها بس لا انا مجاش في بالي يوم ما خبطتني انا كان جوايا شعور اني اضايقها وبس خصوصا انها كانت عايزه تدخله فوقي لنفسك ياتمارا اللي انتي حساه ده مينفعش تحسيه انتي مش زي هايدي ولا زي اي بنت عاديه انتي ظروفك متنفعش تخليكي تحبي وترتبطي تمارا بس ليه محبش فوقي ياتمارا انتي نسيتي انك بنت حرام

تمارا..بحزن بس انا مليش ذنب حتى لو مليش ذنب هتحاسب بذنبهم 

ايوه بس جاسر مش كده

تمارا تاني جاسر فوقي ياتمارا جاسر خاطب وبيحب خطيبته

جاسر..حمدالله عالسلامه

تمارا ساكته ومش معاه

جاسر..تمارا

تمارا.شارده خالص

جاسر..هزها من كتفها تمارا انتي نمتي

تمار..بعدت بسرعه اول مالمسها

جاسر...اهدي اسف مقصدش بس بنادي عليكي ومش بتردي فكرتك نمتي

تمارا..لا مفيش حاجه انا منمتش بس كنت سرحانه

جاسر..انتي كويسه

تمارا..بحزن ايوه

جاسر..متأكده

تمارا..ايوه انا تمام

جاسر..ماشي احنا وصلنا يلا انزلي عشان حاج محمد ميقلقش

تمارا..بحزن باين على عنيها حاضر لسه هتفتح الباب وتنزل

جاسر..تمارا

تمارا..بصتله نعم

جاسر..خلي بالك من نفسك

تمارا..شكرا يامستر جاسر

جاسر..على فكره تقدري تقوليلي جاسر احنا هنا مش فالشغل

تمارا..كمان اقولك جاسر حضرتك عايز خطيبتك تولع فيا

جاسر..ضحك لا وانتي وش خوف ده انتي كنتي هتاكليها

تمارا..بابتسامه رغم الحزن اللي في عنيها ده انا غلبانه

جاسر..اوي الحقيقه

تمارا..حضرتك بتتريق

جاسر..وهو بيرفع ايده لا ابدا أنا اقدر

تمارا..بابتسامه تصبح على خير

جاسر..وانتي من اهل الخير يلا اطلعي..وانا واقفلك

تمارا..ايه هتخطف

جاسر..بيتهيألي اللي هيحاول هيندم

تمارا..بضحك ابتديت تعرفني

جاسر..طب يلا اطلعي

تمارا..سلام

جاسر..سلام

طلعت تمارا اما جاسر فا اول ما اختفت من ادامه واطمن انها طلعت مشي

واتصل بحاج محمد فنفس الوقت كان باب الشقه بيخبط رد حاج محمد وهو رايح يفتح الباب

حاج محمد..ايوه ياجاسر يا ابني

جاسر..ايوه ياراجل ياطيب تمارا طلعت

حاج محمد..ايوه ياابني لسه فاتحلها اهي ادامي 

جاسر..طيب تمام واسف عالتأخير

حاج محمد..ياخبر اسف على ايه يا ابني شكرا انك جبتها لحد هنا وتعبت نفسك

جاسر..تعب ايه بس ياراجل ياطيب يلا مش هطول عليك 

حاج محمد..مع السلامه يا ابني

جاسر..مع السلامه

تمارا..منمتش ليه كل ده

حاج محمد..هنام قبل مطمن عليكي

تمارا..ربنا يخليك ليا يابابا البنات فين

حاج محمد..جوه في اوضتهم ملهمش صوت شكلهم نامو

تمارا..طيب يلا ادخل نام وانا كمان هدخل اشوفهم وانام

حاج محمد..طب مش هتاكلي حاجه قبل ما تنامي

تمارا..لا يابابا انا الحمد لله كلت عايزه بس ارتاح عشان اقدر اصحر للشغل

حاج محمد..طيب يابنتي يلا ادخلي

تمارا..تصبح على خير 

حاج محمد..وانتي من اهل الخير يابنتي

دخلت تمارا لقتهم نامو خدت هدومها وراحت خدت شاور دافي وخرجت عالسرير فضلت تفكر فاحداث اليوم كله لحد ما النوم غلبها

.........

في صباح يوم جديد ملئ بالاحداث 

صحيو الكل على شغلهم ونور على جامعتها

اما بطلنا بعد ما صحي وخد الشاور بتاعه ولبس ونزل عشان يروح على شركته

كانت والدته محضره الفطار وادم ونوح اعدين عالسفره

نزل ليل عالسلم بخطوات ثابت لابس بدله سوده وقميص ابيض سايب اول كام زرار وريحة البرفيوم بتاعته ماليه المكان

ليل..بثقه صباح الخير

ادم ونوح صباح الخير

سهام..صباح الخير يا حبيبي

ليل..صباح الخير ياست الكل 

ليل..هتسافري امته يا امي

سهام..الطياره كمان اربع ساعات يعني على 12الظهر كده

ليل..حضرتي كل حاجتك

سهام..اه يا حبيبي والله انا ما عارفه هسيبكم ازاي

لولا ان مني مرات عمك مفيش حد هيروح معاها مكنتش روحت

ليل..ايه يا امي هو احنا اطفال ماحنا ادامك اهو رجاله متقلقيش

سهام..طبعا يا حبيبي بس انت عارف انا مبطمنش غير وانا شيفاكم ادامي

ليل..معلش يا امي انتي عارفه ان مرات عمي اخوها الوحيد متوفي وعمي وجاسر الايام دي مطحونين فالشغل يعني محدش هيقدر يسافر معاها

وبعدين ده كلها اسبوعين تعمل التحاليل بتاعتها كلها وتطمن وترجعو

سهام..ان شاء الله

نوح..هو حد يجيله سفريه لندن ياسوسو ويرفض طب ياريت ابنك يرضي يديني اجازه واروح معاها انا

ادم..على فكره ماما رايحه معاها مش رايحه تتفسح

نوح..وايه يعني ما يطمنوا ويتفسحوا ياساتر اعداء الفرح

سهام..والنبي انت رايق يانوح الست رايحه تطمن على نفسها بعد عمليه استئصال الورم وانت تقول نتفسح

نوح..ياماما ماهي عامله العمليه من ست شهور وحالتها بقت احسن انتو بس رايحين تطمنو عليها وان مفيش اي ورم تاني وكله تمام ايه بقى اللي يمنع انكم تغيرو جو مش بقولكم انا جيت العيله دي غلط

ليل..على فكره بقى نوح عنده حق يا امي

نوح..ايوه بقى حد مره ينصفني

ليل..بس يالا

نوح..ملحقتش اتنصف حاضر سكت

سهام..يا ابني الست رايحه خايفه هقولها تعالي نخرج

ليل..وايه اللي يمنع غيرو جو ده حلو لنفسيتها وفنفس الوقت تغيري انتي كمان جو

سهام..حاضر يا حبيبي نطمن بس عليها وليكو عليا  مش هاعد انا وهي

ليل..ان شاء الله تتبسطو ونطمن عليها انا هروح بقى عالشركه يلا ادامي منك ليه

سهام..طب اسلم عليكو بقي الوقت

ليل..قرب منها وخدها في حضنه توصلي بالسلامه يا امي السواق هيكون عندكم على 10ونص عشان تلحقو تروحو المطار وهناك انا مجهز كل حاجه في عربيه هتكون معاكم في كل مكان تحبو تروحوه لحد ما ترجعوا تاني

سهام..ماشي ياحبيبي اشوف وشكم بخير

نوح..هتوحشيني ياسوسو وهيوحشني اكلك 

سهام..بقى هو ده بس اللي هيوحشك

ادم..وهو بيضربو على دماغه طفس

سهام..وهي بتحضن ادم هتوحشني يا دومي

ادم..وانتي اكتر يا امي هكلمك كل شويه

سهام..وانا كمان هكلمكم كل شويه

ليل..يلا ادامي منك ليه خليها تجهز نفسها لا إله إلا الله 

سهام..لا إله إلا الله يا حبيبي

.......

وصل ليل وادم ونوح الشركه طلعو على مكاتبهم

دخل ليل مكتبه وطلب قهوته وأتصل على جاسر

جاسر..الو

ليل..تعلالي عالمكتب

جاسر...اوك يا ليل

دقيقه وكان جاسر عنده

جاسر..صباح الخير.

ليل..حابب يصالحه بس بطريقه غير مباشره

ليل..صباح الخير اعد مالك واقف ليه

اعد..جاسر خير ياليل

ليل..مالك يالا عامل كده ليه انت زعلان مني بقى

جاسر..لا خالص من امته وانا بزعل منك يا ليل

ليل..لا والله

جاسر..انا بس مضايق عشان ماما مش اكتر.

ليل..ومضايق ليه ماهي كويسه واحسن كتير عن الاول هي رايحه بس تطمن اكتر على نفسها

جاسر..عارف بس قلقان عليها مش اكتر

ليل..هتبقى زي الفل متقلقش

جاسر..يارب

ليل..المهم مش عايزك تبقي زعلان مني وعايزك تعرف ان اللي حصل ده مينفعش انت عارف احنا وضعنا ايه مش بس فالشركه ده فالبلد وبره البلد كمان احنا اسمنا لوحده يرعب يا جاسر ومش بعد كل ده يتقال ان خطيبة جاسر باشا بتتخانق مع سكرتيرته

جاسر..على فكره انا مش زعلان  وقولتلك ان مينفعش اصلا ازعل منك وانت عندك حق اللي حصل امبارح مينفعش انه يحصل من البدايه

ليل..عملت ايه مع هايدي

جاسر..ولا حاجه مكلمتهاش من ساعة اللي حصل ولا ناوي اكلمها

ليل..بفرح بيحاول يداريه ليه بس

جاسر..لاوالله عليا طب اعملهم على حد غيري مش انا ياصاحبي

ليل..مش فاهم

جاسر..لا انت فاهم وانا فاهم وعارف انك مبتحبش هايدي ولا بتنزلك من زور وتتمنى اسيبها انهرده قبل بكره

ليل..جاسر انت عارف انت عندي ايه صح

جاسر..اكيد

ليل..انا مبكرهش هايدي بس انا واثق انها مش هتنفعك انت حر ويمكن دي اول مره اقولك كده بس طالما انت فتحت الكلام يبقى لازم اتكلم عايزك تعرف بس قبل ما اتكلم ان موضوعي مع ريما ملوش اي علاقه يعني متخافش انا مش معقد بس هايدي وريما ميختلفوش عن بعض كتير دي خاينه ودي ماديه هايدي كل اللي يهمها ان الفيزا بتاعتها تكون مليانه و اي حاجه تشاور عليها تكون عندها انت بالنسبالها خزنه وانت عارف ان ابوها عاجبه الموضوع لانه زيها مادي واهم حاجه عنده الفلوس هايدي كل اللي بتهتم بيه الفلوس الميكب اللبس الخروج السفر الشله دول رقم واحد في حياتها تقدر تقولي انت فين من حياة هايدي تقدر تقولي لو حبيت انت تحط نفسك في مقارنه مع كل الحاجات اللي هايدي متقدرش تستغني عنها دي كفة مين اللي هتتقل انت ولا شلتها والفلوس وخروجها طب لو انت مش معاك فلوس هايدي هتكمل تقدر تقولي امته حسيت انها محتاجاك لشخصك مش لفلوسك ومنصبك ومكانتك جاسر انت الف بنت تتمناك ولو شاورت بصباعك هتلاقي بدل البنت الف

بص يا صاحبي يمكن اللي بقوله ده يضايقك بس لو انا مفوقتكش ونصحتك يبقى مستاهلش اكون ابن عمك وصاحبك واخوك

جاسر..عندك حق فكل ده ياليل انا يمكن حبيت هايدي اكتر بكتير ماهي حبتني وعايز اقولك عمري ماحطيت موضوع طلبها للفلوس الدايم ده في دماغي بالعكس كنت ببقى مبسوط وعملت زي ما انت قولت قبل كده بس مع نفسي حاولت احط نفسي في مقارنه مع كل اللي هي بتحبه ده لقيت ان هي متقدرش تستغني لا عن الفلوس ولا عن شلتها ولا عن اي حاجه هايدي اهم حاجه عندها المظهر

ليل..افهم من كده ايه

جاسر..سبها عالله الفتره اللي جايه في حاجات كتير هتتغير ويا تمشي عاللي انا عايزه او كل واحد يروح لحاله

ليل..بص ياجاسر مش عايز الموقف اللي حصل او كلامي يسخنوك عليها عشان كده اديها فرصه وزي ما انت بتقول يا تمشي عاللي انت عايزه او تدور عاللي تستاهلك بجد

جاسر..هو ده اللي ناوي اعمله وهبدأ باني مكلمهاش لحد ما اشوف هفرق معاها ولا هتكلمني لما تحتاج حاجه

ليل..تمام والمهم تمارا متجيش عليها انا شايف انها مغلطتش هي اه لسانها طويل شويتين بس الغلط مش منها ومتنساش انها تبع عم محمد

جاسر..عارف ياليل اطمن هي فعلا ملهاش ذنب

صحيح..نسيت اسألك

ليل..خير

جاسر..غريبه يعني انك مجبتش قرارها دايما اي حد بيشتغل لازم تبقى عارف اصله وفصله ولا عشان هي من ريحة حاج محمد

ليل..عيب عليك ليل مبيتغيرش حتى مع امه وابوه اه حاج محمد بالنسبالي امان وثقه بس الشغل عندي شغل وادام ممكن تكمل معانا يبقى لازم اعرف كل حاجه عنها خصوصا ان انا مش داخل عليا حتت قريبته دي

جاسر..يعني ايه

ليل..مش عارف يعني ممكن تكون اي حاجه غير قريبته وعموما حتى لو قريبته حقي اني اطمن خصوصا ان هو اي وقت تيجي سيرتها احسه بيغير الموضوع

جاسر..وهي كمان على فكره

ليل.عشان كده بقولك اني مش ساكت

جاسر..وصلت لحاجه

ليل..انهرده او بكره بالكتير هجيب اصلها وفصلها من يوم ما اتولدت

جاسر..تمام

ليل..يلا روح شوف اللي وراك وجهز نفسك لاجتماع الساعه 3

جاسر..تمام

.......

عدت الساعات بسرعه وجاسر متجاهل تمارا حتى تمارا متجاهلاه تماما..خصوصا انها حاسه ان جواها لغبطه بتحاول تسيطر على نفسها وتفوق نفسها من الشعور اللي هي حساه 

خرج..جاسر من مكتبه كانت تمارا ماسكه في ايدها قلم وسرحانه في دنيا تانيه

جاسر..تمارا يلا الاجتماع هيبدأ في خلال عشر دقايق

تمارا..سرحانه

جاسر..تمارا

تمارا..بفزع قامت وقفت مستر جاسر اسفه

جاسر..ايه انتي فين

تمارا..اسفه بس كنت سرحانه

جاسر بجديه أظن احنا في شعل والسرحان ده مينفعش

تمارا..اسفه يامستر انا خلصت الورق وجهزته وكنت مستنيه معاد الاجتماع مش اكتر

جاسر..تمام يلا هاتي الورق وتعالي ورايا

تمارا..حاضر

.......

دقايق وابتدى الاجتماع اللي طال لمدة ساعتين

اما عند عشق كانت حاسه بتعب جامد وطول اليوم بتعطس وعنيها بتدمع من البرد اللي وخداه

الدكتور..عشق انتي كويسه

عشق..ايوه يادكتور الحمد لله

الدكتور..امال مالك اعده بتعطسي طول اليوم وشكلك مش مظبوطه

عشق..ابدا تقريبا اخدت برد امبارح وانا مروحه المطره كلها خدتها على دماغي

الدكتور..باين عليكي طب قومي خدي حاجتك وروحي كده كده مفيش شغل خلاص انهرده الجو بره مطر واليوم انهرده هادي خالص انا كمان هروح

عشق..حضرتك هتروح ولا بتقولي كده عشان امشي

الدكتور..لا والله هروح وزي ما انتي شايفه الولاد اعدين كل شويه يكلموني عشان اروح قال ايه وحشتهم

عشق..بابتسامه ربنا يخليهم لحضرتك صحيح هما عندهم اد ايه

الدكتور..كريم 8سنين وياسين6

عشق..ربنا يحفظهم ويخليك ليهم يارب

الدكتور..يارب اللهم امين يلا قومي بقى روحي شكلك تعبانه وكويس بكره اجازه عشان ترتاحي

عشق..شكرا جدا يادكتور

الدكتور..العفو ياعشق خلي بالك من نفسك وخلي بالك المطر شغال بره

عشق..ربنا يستر

خرجت عشق عشان تركب وتروح بصت في شنطتها تتأكد من المفتاح افتكرت انها مخدتهوش

كلمت..نور

نور..الو 

عشق..نونه عامله ايه

نور...ايه ده مال صوتك

عشق..عندي برد جامد

نور..سلامتك ياقلبي اكيد خدتي برد جامد انتي امبارح كنتي جايه عدمانه من المطر

عشق..اه فعلا المهم انا مروحه الدكتور مشاني لما لقاني تعبانه وافتكرت ان المفتاح مش معايه انتي فين 

نور...ياخبر نسيتيه انا فالجامعه ومش هاجي الوقت عندي محاضرات مهمه هخلص على 6 وفيها ساعتين على ما اجيب ورق والمطر ده يهدى واجي

عشق..خلاص يانونه هكلم البت زهره اكيد معاها المفتاح

نور..زهره ايه استني زهره هنا فالجامعه..انتي نسيتي انها قالت امبارح انها استأذنت من الشغل عشان تحضر السكشن وتجيب ورق ليها هي وتمارا وليكي انا قابلتها من شويه وطلعت تحضر السكشن وهنرجع سوا

عشق..ياخبر انا نسيت خالص طب والعمل

نور..كلمي تمارا ولا بابا

عشق..بس دول بيجو متأخر

نور..يمكن يروحو بدري انهرده

عشق..طيب انا هكلم تمارا

نور ماشي ياروحي ابقى طمنيني عملتي ايه

عشق..حاضر يا نونتي خلي بالك من نفسك انتي والبت زهره

نور..حاصر ياقلبي وانتي كمان سلام

عشق..سلام

عشق لنفسها بقى ياربي اليوم اللي اروح فيه بدري انسي المفتاح والكل مش فالبيت  اتصلت على تمارا وفضلت ترن ترن مفيش اي رد اتصلت بحاج محمد

حاج محمد..الو

عشق.ايوه يابابا

حاج محمد خير يابنتي اول مره تكلميني وانتي في شغلك

عشق..خير يا بابا متقلقش انا خرجت مروحه عشان تعبانه وبكلم تمارا مش بترد قولت اشوفك

حاج محمد.تمارا في اجتماع واكيد سايبه موبايلها وانا بجيب حاجه من مكتبي وطالع تاني عالاجتماع كويس اني نزلت وشوفت التليفون مالك فيكي ايه

عشق..لا يابابا شويه برد والدكتور روحني بس بدور عالمفتاح مالقتهوش

حاج محمد..بردو مخدتيهوش

عشق..مانا بنساه يابابا والله وبعدين انا بروح متأخر بتكونو كلكم فالبيت بس كلمت نور لسه مش هتروح الوقت وزهره راحت انهرده الجامعه نسيت خالص انها رايحه فاقولت اشوفك او اشوف تمارا يمكن تكونو هتروحو بدري انهرده

حاج محمد.لا يابنتي لسه مش هنروح الوقت وبعدين ما زهره فعلا مستأذنه من شغلها عشان تروح الجامعه

عشق..خلاص متشغلش بالك ياحبيبي انا هتصرف

حاج محمد..مشغلش بالي ايه الدنيا بتمطر والليل خلاص هيليل هتعملي ايه

عشق..هلف كده شويه وبعدين اروح استناكم عالباب لحد ما تيجو

حاج محمد..تلفي ايه وانتي تعبانه كده الساعه داخله على خمسه خلاص بقولك ايه تعالي عالشركه الوقت حالا واهو الاجتماع شويه وخلاص هيخلص  وعلى ماتيجي ان شاء الله نكون قربنا نخلص ونروح سوا

عشق..لا شركه ايه يابابا

حاج محمد..اسمعي الكلام يلا تعالي وهنروح انا وانتي وتمارا سوا

عشق..انا مش عايزه اعملكم مشكله خصوصا ان حضرتك بتقول صاحب الشغل شديد

حاج محمد..لا شديد على اي حد غير حاج محمد وكمل بطريقه مرحه انتي مستقليه بابوكي ولا ايه

عشق..بابتسامه مقدرش ياحبيبي

طب قولي العنوان

حاج محمد قالها العنوان اول ما تيجي كلميني لو مردتش ادخلي وبلغيهم تحت انك طلعالي فالمكتب

عشق..بضحك لا واصل

حاج محمد..انتي لسه متعرفنيش ده انا جامد اوي

يلا يابت اخلصي وتعالي بقى وسبيني عشان متأخرش عليهم

عشق..حاضر ياحبيبي بقولك ايه متقولش للبت تمارا اني جايه عشان اعملهالها مفجأه

حاج محمد..حاضر مش هقولها يلا سلام خلي بالك من نفسك

عشق..حاضر سلام

عدى حوالي ساعه وصلت عشق الشركه وكان انبهاراها ميقلش عن انبهار تمارا اول مره شافت فيها الشركه اتصلت على عم محمد مكنش بيرد

دخلت عالشركه وقفها موظف الامن

على فين يا انسه

عشق..طالعه لحاج محمد

موظف الامن..ايوه اتفضلي هو بلغني بس هو مش في مكتبه الوقت

عشق...عارفه هو قالي انه فاجتماع واستناه في مكتبه

موظف الامن..تمام اتفضلي هو عموما الاجتماع خلاص تقريبا هيخلص عارفه الدور

عشق..ايوه هو قايلي شكرا 

موظف الامن العفو

طلعت عشق الدور اللي فيه مكتب حاج محمد واللي كان فيه نفس اوضه الاجتماعات

عشق..من اول ما دخلت وكل اللي يشوفها يتنح من جمالها وصلت عشق ادام المكتب وقفها موظف على فين يا انسه

عشق..انا داخله عند بابا

الموظف انتي بنت حاج محمد

عشق..ايوه

الموظف..طيب هو لسه في اوضه الاجتماعات

عشق..ادامه كتير

الموظف لا خلاص الاجتماع خلص بس هو لسه جوه انا عموما داخل اودي ورق تحبي اقوله

عشق.لو ينفع مش هينفع انا هستناه

الموظف..اسم حضرتك ايه

عشق..قوله عشق

الموظف دخل وسابها وهو متنح

خبط عالاوضه ودخل وهو ماسك الورق اداه لليل وفضل واقف

ليل...في ايه واقف متنح كده ليه اتفضل

الموظف..لا اصل في حد عايز حاج محمد

ليل..مين

الموظف..بتقول بنته

ليل..نور خليها تيجي الاجتماع خلص خلاص

حاج محمد..ياخبر انا ازاي نسيت

الموظف بس هي مقالتش اسمها نور

ليل..نعم امال مين اجري اندهلها

الموظف..حالا

حاج محمد وتمارا بيبصوا لبعض

ثواني ودخل الموظف ومعاه عشق

تمارا..بفرحه عشق

ليل ونوح وادم وجاسر تنحوااا

دار الايتام 

البارت التاسع

حست عشق بأحراج رهيب ورهبة من الموجودين

وخاصتآ من ليل اللي كان بيترأس تربيزة الاجتماع

عشق.السلام عليكم

الجميع عليكم السلام

حاج محمد..عشق نسيتك يابنتي معلش ياليل يا ابني بس عشق نسيت مفتاحها وزي مانت شايف الدنيا بتمطر وهي خلصت شغلها فاقولتلها تجيلي بدل ما تفضل فالشارع ولا عالسلم

ليل..بصوته اللي يقتل ويخوف مين دي ياحاج محمد

حاج محمد دي دي  تبقى قريبتي واخت تمارا

ليل..رفع حاجبه اه قولتلي اهلا وسهلا

عشق..اهلا بحضرتك اسفة عالازعاج

ليل..ابدا مفيش ازعاج

حاج محمد..طيب روحي يابنتي استنيني فالمكتب لحد ما اخلص مع مستر ليل وهجيلك

عشق..وقلبها بيدق بسرعة تخوف من هيبة ليل حاضر بعد اذنكم

ليل..لحظه

عشق..لفت وهي خلاص فاضل ثواني ويغمَ عليها

ليل..شاورلها  على كنبه صغيرة تقدري تستني هنا احنا يعتبر خلصنا

عشق..هزت دماغها من غير ولا حرف ومن غير اعتراض راحت اعدت عالكنبه لحد ما يخلصو

ليل وجاسر وادم ونوح حسو ان حاج محمد وعشق وتمارا باين عليهم التوتر جدا لكن ليل حب يهدي حدت التوتر دي وكمل ولا كأن حاجة حصلت

ليل..شوف ياراجل ياطيب الورق ده كله كالعادة هتوصله لعمي يوم السبت الصبح وبعد ما تاخد امضته هتطلع عالشهر العقاري بعد ما تخلص كل حاجه ترجع تاني لعمي هيديك مبلغ هتجبهولي

حاج محمد..طيب مااخد الفلوس لما اروحله الصبح

ليل..اللي يريحك بس انت لسه هتطلع عالشهر العقاري فالاحسن انك ترجع تاني بعد ما تخلص الورق مش معقول تتحرك ب10مليون

حاج محمد..ياخبر  انا نسيت حكايه الشهر العقاري لا خلاص هرجعله تاني

ليل..وانت يا جاسر انت وادم بكره عندكم اجتماع مع صحاب المنتجع وطبعا مش هقولكم الميتنج ده اد ايه مهم جدا

جاسر وادم..تمام

ليل..نوح الورق ده حاسس انه مش مريحني انا مش فاضي خالص اني اراجعه عايزك تاخد الورق ده وبكرة مش وراك شغلانه غيره وزي الوقت تكون عندي فالمكتب تقولي الورق سليم ولا لا

نوح تمام متقلقش

ليل..كده الاجتماع خلص اي حد عنده سؤال

الجميع..لا تمام

ليل..تقدرو تتفضلو

حاج محمد..اسف يا ابني عشان نسيت استأذن منك ان عشق جايه بس سامحني مكنتش هبقى مطمن وهي اعده مستنيانا فالشارع ونور وزهره انهرده فالجامعة وهيرجو متأخر

ليل..عيب ياراجل ياطيب بتتأسف على ايه بس دي شركتك وبعدين اكيد مينفعش تفضل مستنياكم الوقت ده بره البيت

حاج محمد..ربنا يخليك يا ابني واه صحيح نسيت اعرفك بيها دي عشق تقدر تقول كده هي ونور وتمارا وزهره بناتي

ليل..بغموض اهلا بيكي وانتي بتدرسي بقى يا انسه عشق

عشق..احمم ايوه انا في طب بيطري

ليل..جميل وعلى كده عندك كام سنه بقى

عشق..عشرين سنه

ليل..ومين زهره دي كمان ياراجل ياطيب

حاج محمد..بحسن نيه زهره دي اختهم بردو هما التلاته اخوات

ليل..مش محتاجلهم شغل زي تمارا

حاج محمد..ربنا يخليك يا ابني لا هو مكنش في غير تمارا عشق بتشتغل في عياده دكتور وزهره بتشتغل في محل فالخان عندنا 

ليل..هي زهره اد ايه

حاج محمد..من غير تركيز في كلامه زهره اد تمارا وعشق كلهم 20سنه اد نور زهره في كليه تجاره زي تمارا

ليل..عموما اتشرفت بيكم واي وقت ياراجل ياطيب تحتاج شغل لحد فيهم اكيد عارف ان مكانهم موجود

حاج محمد..تسلم يا ابني هستأذنكم انا بقى

خرج حاج محمد ومعاه عشق ووراهم تمارا من اوضة الاجتماعات

تمارا وهي بتحضن عشق وحشتيني

عشق لسه واضح عليها التوتر وانتي كمان

تمارا..هروح على مكتبي وهرجعلك تاني لو مستر جاسر مش محتاجني

عشق..تمام انا هروح مع بابا لحد ماتيجي

تمارا..اوك

راحت تمارا على مكتبها مستنيه جاسر

وراحت عشق ورا حاج محمد

اما ليل والشباب فضلو زي ماهما

ليل..اعد حاطط رجل على رجل وبينفخ دخان سيجارته ونظرت عينه مليانه غموض

جاسر..ايه فينك

نوح..كده الحوار بقى كبير يا جدعان ولا ايه

ادم..كبير كبير يعني بصو انا كنت عادي الاول وكنت حاسس انكم بتأڤورو بس كده في حاجة مين البنات دي

نوح..لا والغريب انه بيقول انها مش بس قريبته لا ده بيقول اخت تمارا وليهم اخت تالته اسمها زهره وصراحه هما مفيهمش من بعض خالص

جاسر..فعلا مفيهمش من بعض

نوح...بص هي تمارا بطل بس عشق دي ملهاش حل دي اجنبية

جاسر..ماتحترم نفسك

نوح..الله وانت مالك شكلك كده بترسم على البت

جاسر..هتعيش وتموت متخلف ارسم وانا خاطب

نوح..لا ياشيخ ده على اساس انك شيخ اشحال ان مكنتش كل يوم مع واحده شكل في سهراتنا

جاسر..بس تمارا مش زيهم على فكره

نوح بخبث..ومين جاب سيرة تمارا طيب

جاسر..اتعدل بدل ما اروقك اكيد متقصدش اختها يعني اللي اول مره اشوفها.

ادم..بضحك سيبك منه بس بردو ميمنعش ان كلامه

جاسر..حتى انت ياعاقل والله اعدتك مع الواد ده كتير هتخليك زيه

نوح..استنو بس نشوف اللي سارح في ملكوت الله ده

ليل..وهو بيبصله بتحذير

نوح..خلاص سكت

ادم..صحيح ايه رأيك فاللي بنقوله

ليل..كله هيبان متستعجلوش

هنعرف يقربوله ايه واخوات ولا لا الشبه بينهم مختلف بس ميمنعش انهم ممكن يكونو اخوات عادي في اخوات مش شبه بعض بس الغريب ان التلاته نفس السن يعني المفروض يكونوا توأم 

نوح...توأم ايه بس دول مفيهمش حاجه اصلا من بعض

ليل..هيبان

ادم...على فكره في توائم بيبقو مش شبه بعض

ليل..بقول ايه انتو صدعتوني يلا قومو لمو ورقكم وحاجتكم عشان نمشي انا خلاص فصلت

خرجو..التلاته

راح جاسر على مكتبه دخل الاول على مكتب تمارا كانت بتظبط الورق بتاع ميتنج بكره وبتلم حاجتها

جاسر..ظبطتي ورق بكره ياتمارا

تمارا..ايوه يامستر جاسر كله تمام حضرتك محتاج حاجه تانية مني

جاسر..شكرا ياتمارا اه على فكره اختك حلوه زيك

تمارا..بابتسامه شكرا 

جاسر..بس غريبة مش فيكم من بعض

تمارا..بمرح هي احلى طبعا

جاسر..هي من ناحية حلوه فا هي حلوة بس انتي كمان حلوه اوي ياتمارا

ارتبكت تمارا ميرسي يامستر جاسر

جاسر..بابتسامه جذابه انا مش بعاكس على فكرة بس يعني بعرفك ان انتي كمان حلوة صحيح اختكم التانيه حلوه زيكم

تمارا..زهره جميله بردو واكيد حتى لو مش جميلة هقول كده  دي اختي

جاسر..انتو توأم ياتمارا

تمارا..بغباااء لا احنا مش توأم

جاسر..بغموض ربنا يخليكم لبعض

تمارا..ميرسي يامستر جاسر

جاسر..مش قولنا بلاش مستر جاسر دي

تمار..اه قولنا بس اولا انا مش عارفه اتعودت على مستر وثانيا احنا فالشغل لسه

جاسر..اه في دي عندك حق وقرب منها اكتر وكمل كلامه بصوت هامس بس على فكره احنا اه فالشغل بس لوحدنا يعني تقدري تقوليلي جاسر

حست تمارا بتجمد اطرافها ورعشه انتشرت في انحاء جسمها من قربه وهمسه ليها

جاسر حس بتوترها خد خطوتين لورا وهو لسه مركز معاها..اتفقنا

تمارا..ها اه اه

ابتسم جاسر ..مالك؟

تمارا..انا لا مفيش انا تمام وكملت بارتباك وهي مش بصاله وبتلم حاجتها بسرعه حضرتك محتاج مني حاجه يامستر جاسر

جاسر..بابتسامه جذابه حضرتك ومستر تاني عموما يا ستي لا شكرا كفايه عليكي كده اشوفك بكره ومتنسيش بكره في ميتنج وهتكوني معايا

تمارا..اه طبعا طبعا بس مش بكره اجازه

جاسر..اه اجازه من الشغل بس مش من الميتنج

تمارا..طيب تمام بعد اذنك وجريت بسرعه على مكتب حاج محمد وسط ابتسامه جاسر

عشق.ايه خلصتي

تمارا..اه اه 

عشق مالك يابت عاملة ليه زي الانسان الالي كده

تمارا..انا لا خالص خلصت يا بابا

حاج محمد.ايوه يابنتي استني بس احط الورق فالشنطه ونمشي على طول

ثواني وكان خلص وخرجوا مع بعض

.....

دخل ادم ونوح على ليل

ادم..ايه يابوص خلصت

ليل..وهو بيلبس چاكت البدله اه كله تمام يلا بينا خرجوا مع بعض وخدوا جاسر وركبوا الاسانسير ونزلوا

 جاسر..بقول ايه

ليل..ارغي

جاسر..تصدق انا غلطان كنت جايبلك خبر

نوح..اكيد من البطل تمارا قول قول

جاسر..صدقني قريب هزعلك

نوح..بضحك صدقني قريب هباركلك

جاسر..بضحك ابو شكلك يا اخي

ادم..سيبك منه قول وقف الاسنسير وخرجوا مع بعض

جاسر..مطلعوش توأم

ليل..ازاي وهما سنهم واحد

جاسر..زي مابقولك كده سألت تمارا بطريقه غير مباشره قالتلي لا احنا مش توأم

ادم..طيب اخوات ومش شبه بعض ماشي توأم مش شبه بعض بتحصل لكن اخوات ونفس السن ومش توأم كده في حاجه مش مظبوطه

نوح..الموضوع في لغز

ليل..فعلا انا كنت بحاول مشغلش دماغي على اد ما اقدر واقول يمكن في حاجه مش حابب يعرفهلنا بس كل يوم بكتشف حاجه جديده

خرجو من باب الشركة وفضلو يقربو للشارع

نوح..طب بس بقى عشان هما واقفين هناك

حاج محمد..اقفلي بقى رغايه اوي

عشق..بضحك هي عايزة ايه

حاج محمد..روحت هي وزهره وعيزانا نروح عشان جعانه

تمارا..نور دي مسخره وهي جعانه ممكن تقتلنا

قربوا منهم الشباب

ليل..واقف كده ليه ياراجل ياطيب

تمارا بتحاول تتلاشي نظرات جاسر

حاج محمد..مستنين حاجه توصلنا يا ابني

ليل..طب تعالي معايا يلا اركب انا هوصلك

حاج محمد..لا يا ابني روح انت توصلني ايه بس الوقت نركب اي حاجه

ليل..تركب ايه الوقت الدنيا شكلها هتمطر تاني وزي مانت شايف الطريق هادي خالص والوقت كل شويه بيتأخر

عشق وتمارا كانو واقفين جمب بعض من ناحية الشارع عشق للحظه حست ان قلبها اتقبض وكأن العالم وقف من حواليها ومبقتش سامعه حد وبقت تبص بعنيها في كل الاتجاهات بخوف

وكأنها بتدور على حاجه او حاسه ان في حاجة هتحصل

لاحظ الكل شكلها وعنيها اللي رايحة جاية وتحريك راسها شمال ويمين وطبعا الكل كان مستغرب معادا تمارا اللي عارفة عشق كويس

عشق ديما بتحس بالحاجة قبل ما تحصل بتحلم باحلام وتتحقق وتمارا كانت واثقة ان عشق حاسة بحاجة

ليل..انتي كويسه يا انسه عشق

عشق..مش معاهم خالص وكأنها مغيبه تماما

حاج محمد..مالك ياعشق يابنتي

عشق..يلا نمشي من هنا بسرعه

حاج محمد في ايه طيب

تمار..بابا اسمع كلام عشق عشان وقبل ما تخلص جملتها

سمعوا صوت عربيه جايه بأقصي..سرعه وصوت العجل عامل احتكاك فالارض ثواني كانت العربيه مقربه من تمار اللي واقفه جمب عشق وضهرها للشارع

جاسر بسرعه البرق سحب تمارا ومن شدت السحبه اتصدمت في صدره

ولسوء الحظ خبطت العربيه حاج محمد طيرته مسافه مترين وقع عالارض فاقد الوعي والدم مغرق الارض

كل ده تحت تأثير صدمة الشباب

جري ليل بسرعه وادم وجاسر ونوح وأمن الشركه اللي شافو الحادثة

ليل..افتحو العربيه بسرعه

تمارا..بصرييخ بابا بابا فوق والنبي

عشق واقفه مش بتعمل اي حاجه غير انها واقفه مش بتنطق دموعها بتنزل بسرعه وعينها على العربيه اللي بتبعد واختفت

فتح ادم باب العربيه بسرعه

وجاسر ونوح والامن شالوه حطوه في عربية ليل فالكنبه

جاسر سحب تمارا ركبها بسرعه

وادم ونوح جريو على عربياتهم

ليل لعشق اركبي

عشق واقفه ومش قادرة تتحرك من الصدمة

ليل راح مسك ايدها وفتح باب العربيه ركبها وقفل الباب وجري بسرعه ركب وطار بالعربيه والكل وراه

وصلو المستشفي في وقت قياسي

ليل شال حاج محمد ودخل بيه بسرعه ساعدوه بسرعه الممرضين وفضلو يجرو بيه وكلهم وراه

دخلوه بسرعه اوضه العمليات

فالوقت ده اتصلت زهره بتمارا

زهره..انتو فين لو مجيتوش حالا البني ادمه دي هتاكلني

تمارا..بتعيط زهره الحقينا

زهره..بفزع في ايه

تمارا..بابا عمل حادثه ادام الشركه واحنا فالمستشفي

زهره..ايييييه حصله حاجه

نور..في ايه يازهره

زهره..تمارا بتقول بابا عمل حادثه وراحو بيه عالمستشفي

نور...بصريخ بابااا

زهره..انتو في انهي مستشفي طيب

قالتلها العنوان وقفلت معاهم فات اكتر من ساعه ولسه محدش خرج ليل واقف على اخره رايح جاي والشباب واقفين ساندين على الحيطه

تمارا واقفه جمب عشق 

فاللحظه دي وصلت زهره ونور

جريت عليهم نور

نور...فين بابا

تمارا ساكته وبتعيط

نور..عشق ردي عليا انتي هو كويس مش كده انتو مبتردوش ليه بابا حصله حاجه صح

تمارا..اهدي يانور بابا فالعمليات جوه لسه محدش خرج يطمنا

نور..عمليات طب ليه حد يرد عليا

سمعت صوت ليل من وراها اهدي يانور عم محمد هيبقي كويس

نور..اهدى ايه طب حد يفهمني عمل الحادثه ازاي قدرتو تمسكو اللي عمل كده طيب خدتو رقم عربيته

ليل..نور انا مش قادر اتكلم الوقت لحد ما اطمن عالراجل اللي جوه ده بس اللي اقدر اقوله ان الحادثه كلها حصلت في اقل من دقيقه وملحقناش من الصدمه نجري ورا اللي عملها ولا حتى قدرنا ناخد رقم العربيه بس الكاميرات فالشركه بيراجعوها وهجيب اللي عمل كده سواء قاصد او مش قاصد

اخيرا نطقت عشق بعد صمت دام كتير اللي عمل كده قاصد ورقم العربيه انا حفظته

ليل..قولي بسرعه الرقم قالت عشق الرقم لليل

رفع ليل تليفونه علي رجالته

ليل..555..أص

ده رقم العربيه اللي خبطت حاج محمد تقلبو مصر شارع شارع وحاره حاره وتجبولي صاحب العربيه دي فورا على المخزن ادامكم ساعتين زمن اللي عمل كده يبقى قصادي مفهووم وقفل الخط

البنات كانو واقفين مرعوبين من ليل وواقفين جمب بعض

عشق واخدة نور في حضنها وملامحها جامدة وثابتة 

نور..بابا هيروح مني ياعشق انا مليش غيره فالدنيا

نوح..نور اهدي متخافيش كلنا معاكي واحنا مش هنسيب حاج محمد نور حست بالامان مجرد ماسمعت صوته

نور..انا خايفه عليه اوي يانوح

نوح..وهو بيطبطب على راسها متقلقيش هيبقى كويس والله ادعيله بس

فاللحظه دي خرج الدكتور

جرى عليه ليل خير يادكتور

المريض محتاج دم حالا وللاسف محتاج اربع اكياس دم ومفيش غير كيسين هنا

ليل..بغضب مستشفى طويلة عريضة مفيهاش غير كيسين انا هطربق المستشفى دي على دماغكم

جاسر..استنى ياليل اهدى

الدكتور..حضرتك الفصيلة دي نادره وللاسف ده اللي موجود وياريت حضرتك تهدى مفيش وقت للي بتعمله ده لو حد فيكم فصيلة دمه زي فصيلته يساعدنا

ليل..فصيلته ايه

الدكتور...فصيلته o_

الكل رد بخيبه امل

نوح..نور طيب انتي فصيلتك ايه

نور..بدموع انا فصيلتي a

عشق..انا o_

الدكتور بامل طيب حضرتك عندك اي مرض مزمن

عشق..لا

الدكتور..اتفضلي معايا بسرعه

ليل..استنى هنا انت محتاج كيسين انت متأكد انها تقدر تديك الكيسين انت مش شايف انها ضعيفه 

عشق..استاذ ليل بعد اذنك انا كويسة خلينا نلحق بابا يلا يادكتور

جري معاها الدكتور

وقف الكل قلقان بعد حوالي عشر دقايق

خرج الدكتور ومعاه عشق باين على وشها التعب ولونها شاحب جدا لانها اصلا تعبانه

ليل..مسك الدكتور لو حصله حاجه روحك قصاد روحه انت فاهم

الدكتور..بعد اذنك خليني الحقه دخل الدكتور وهو مضايق من ليل

جاسر..ليل اتحكم في اعصابك شويه

ليل لعشق..انتي كويسه

عشق..واقفه ساندة عالحيطه هزت دماغها بأيوة

ليل..هو ايه اللي اه تعالي اعدي بسرعه

حاول يمسك ايدها عشان يأعدها سحبت ايدها بسرعه بصلها ليل

سندتها تمارا براحه واعدت

ليل..نوح بسرعه هاتلها اي عصير

نوح..حالا

اتكلمو البنات مع بعض وليل وجاسر وادم واقفين جمب بعض وسامعين حوارهم

زهره..انتي كويسه

نور..المفروض مكنتيش اتبرعتي بكل ده  انتي ناسيه انك تعبانه جدا والدكتور مشاكي بدري عشان ترتاحي

عشق..بتعب وصوت خارج بالعافيه لو هموت يانور مش هتأخر عنه ده جميله هيفضل في رقبتنا طول العمر

نوح..رجع بسرعه خد منه ليل العصير واداهولها  تشربه بعد ما اتحسنت شويه 

ليل..لعشق انتي عرفتي ازاي

عشق..عرفت ايه

ليل..ان في حاجه هتحصل

عشق..حسيت مش اكتر

تمارا..اصل عشق بتحس بالحاجه من قبل ماتحصل

ليل..بسخريه لا والله

عشق..متاخدش على كلامها اللي حصل ده قضاء وقدر

رن تليفون ليل برقم هو مستنيه من بدري بعد شويه

جاسر..الرجاله دي ولا ايه

ليل..لا ده تليفون تاني

بعد عنهم

ليل..الو.

شخص اخر ايوه يا ليل باشا كله تمام عرفت لحضرتك كل حاجه عن البنت

ليل..اتكلم سامعك

دار الايتام 

البارت العاشر...

الشخص..تمارا احمد الوكيل عندها 20سنه بتدرس في جامعه القاهره كليه تجاره متربيه في دار ايتام تقدر تقول يعني حضرتك ان ملهاش اهل اللي عرفته انها راحت الدار كان عمرها يومين تلاته ولحد يومنا ده هي متعرفش اهلها وطبعا الاسم اتسجل كده عشان يطلعلها شهاده ميلاد مش اكتر ونفس الحال عند البنتين اللي معاها بنت فيهم اسمها زهره احمد الوكيل بردو 20 سنه وبتدرس معاها في كلية تجارة جامعة القاهرة الاتنين سنه تالتة وبردو وهي كمان ملهاش اهل والبنت التالته اسمها عشق احمد الوكيل..20سنه بتدرس طب بيطري في سنه تالتة جامعة القاهرة وصلت الدار تقريبا بعد ولادتها بحوالي 10ساعات

خرجو من الدار من حوالي شهرين او شهرين ونص مقدرتش اعرف السبب اوي في كلام كتير

ليل..طيب قدرت تعرف ايه هي صلتهم بحاج محمد

الشخص..للاسف لابس كل اللي عرفت اوصله انهم تقريبا عايشين معاه من نفس المدة اللي خرجو منها من الدار تقدر تقول مقيمين معاه بس ايه السبب او عرفهم ازاي او ايه اللي خلاهم يعيشو معاه مقدرتش اوصل للاسف لاكتر من كده بس هحاول 

ليل..لا كفاية كده اللي وصلتله ده بالنسبالي كفايه

الشخص..تحت امرك يا افندم اه نسيت اقول لحضرتك يعني من الكلام اللي قدرت اوصله ان المديرة بتاعت الدار كانت مضطهداهم دايما وتقريبا هي السبب في انهم يخرجوا.

ليل..يعني هما هربانين

الشخص..لا خالص المديرة هي اللي خرجتهم

ليل..تمام الكلام ده بمجرد ما تقفل معايا تنساه ولا كأنك اتكلمت معايا فيه واضح كلامي.

الشخص..طبعا ياليل باشا ولا اعرف اي حاجه

ليل..تمام

الشخص..سلام ياباشا

ليل..سلام رجعلهم ليل

جاسر..في ايه بتكلم مين كل ده

نوح..قدرو يعرفو مين اللي خبطه

ليل..ده تليفون تاني بعدين

عدى الوقت عليهم ببطئ فظيع الكل قلقان ومتوتر

ليل..مأعدش ثانيه رايح جاي ادام اوضة العمليات

نور..مبطلتش عياط هي و زهره وتمارا

عشق..ساندة عالحيطه حاسه بتعب بس مش راضيه تقلقهم 

بعد وقت فتح الدكتور باب الاوضه وخرج

جريو عليه كلهم عشق قامت براحه كانت حاسه بدوخه رهيبه

نور..بابا عامل ايه يادكتور

الدكتور..انا عملت اللي اقدر عليه

ليل..بغضب تقصد ايه 

الدكتور..العمليه نجحت بس هو للأسف  حالته حرجه جدا حصله ارتجاج بسيط فالمخ نتيجة صدمته بالارض عنده كسر في فقرات فالضهر وكسر فالحوض للاسف هو سنه كبير واكيد مش مستحمل

نور..بانهيار وهي بتمسك ايد ليل عشان خاطري اعمل حاجه انت عارف بابا بيحبك اد ايه ابوس ايدك انا مليش حد في حياتي غيره وبصت لنوح نوح انت عارف بابا بيحبكم اد ايه صح عشان خاطري اعملو حاجه بابا هيروح مني

نوح قلبه وجعه عليها مسك ايدها جامد اهدي يانور من فضلك

ليل..للدكتور طيب لو محتاج يسافر بره اسفره حالا بطياره خاصه وتكون مجهزه

الدكتور..للاسف الحركه غلط عليه جدا خصوصا الوقت وصدقني بره مش هيعملو اكتر من اللي ممكن نعمله احنا معاه هنا

ليل..يعني ايه

الدكتور..يعني ادعوله يعدي الكام يوم دول على خير وان شاء الله حالته تتحسن

وخلال ال24ساعه دول لو عدو من غير اي مضاعفات فالحاله نقدر ساعتها نرتاح وطبعا هو الوقت واخد منوم قوي

وطبعا اعدتكم هنا مش هتقدم فالاحسن انكم تروحوا ترتاحوا وترجعوله بكره هو عموما مش هيصحى الوقت خالص

نور..انا مش همشي واسيب بابا والنبي يادكتور اشوفه طيب حتى لو من بعيد

الدكتور..تقدرو تشوفوه بس من بره ياريت محدش يدخل عشان التعقيم

ليل..لنور هنروح نشوفه بس تمسكي نفسك اتفقنا

نور..حاضر

نوح..مدلها ايده تعالي يانور خدها ودخلو ورا ليل اللي كان داخل اول واحد مشيو طرقه طويله عشان يوصلو لاوضة العناية المركزة

وصل ليل ادام الاوضه وهما وراه كان الفاصل بينهم وبين عم محمدالازاز

صدمة لجمت الجميع من منظره اللي كان يشبه الموتي أسلاك وخراطيم طالعه من كل جسمه

ولكن الصدمه كان ليها وقع خاص على نور اللي اول ما شافته خانتها رجليها ولكن ايد نوح كانت الاسرع سندها بسرعه هو وتمارا

تمارا..نور انتي كويسة

نوح..امسكي نفسك يانور ان شاء الله هيبقى كويس

نور..بابا لو جراله حاجه انا مش هعيش من بعده

عشق..هيبقي كويس يانور ادعيله هو مش محتاج غير دعانا الوقت

تمارا وهي بتعيط انا السبب انا السبب

نور بصتلها بزهول انتي السبب ازاي ياتمارا

جاسر..تمارا بلاش كلام خايب انتي السبب ايه

نور..ليه بتقولي كده ياتمارا

جاسر..نور العربيه كانت جايهة من بعيد وكانت هتخبط تمارا على بال ما شديتها كانت العربيه خبطت عم محمد وكل ده حصل في ثواني مقدرناش كلنا نلحقه

تمارا..ياريتك ما لحقتني كان زمانه هو عايش

عشق..ده نصيب ياتمارا واللي ليه نصيب في اي حاجه هيشوفه وان شاء الله هيبقى كويس

نور..يارب ياعشق

ليل..متابع كل ده وبيبص على عشق كل شويه بطرف عينه

جواه اسئله عايز يعرف دول مين وايه حكايتهم من بعد ما خرجو من الدار وجواه خوف على عم محمد اللي طول عمره معاه اسئله كتير فضل انه يسكت لحد ما حاج محمد يتحسن

ليل..يلا يابنات عشان نوصلكم اعدتنا هنا ملهاش اي لازمه زي ما انتو شايفين هو نايم ولا حاسس بينا

نور..وهي بتمسح دموعها انا مش هتحرك من هنا لحد ما بابا يفوق

ليل..اسمعي الكلام يانور اعدتك هنا ولا هتقدم ولا هتأخر

نور..وهي بتعيط مش هقدر امشي واسيبه انا هفضل معاه

عشق..انا كمان هفضل معاكي

تمارا .وانا

زهره..وانا

ليل..هو ايه اللي وانا وانا وانا قولت اعدتكم ملهاش اي لازمة هنا

نور..عشان خاطري طيب روحهم هما

ليل..نوور انا مش ناقص مناهدى

نوح..اهدى ياليل من فضلك

نوح قرب منها وكلمها بحنان نور ممكن من فضلك تسمعي الكلام هو مش حاسس بحد وانتي سمعتي الدكتور قال انه واخد منوم قوي يعني اكيد مش هيصحى الوقت وانتو وقفتكم دي ملهاش اي لازمه يلا نروح والصبح ياستي انا هعدي اخدك بنفسي واجيبك عنده

نور بصتله بحب اد ايه كلامه معاها وحشها وحنيته عليها زي ما هي من وهما اطفال

نوح..بابتسامه جميله اتفقنا

نور هزتله دماغها براحة

ليل..يلا بينا

مشيوا ورا بعض ووراهم عشق اللي ماشيه براحة وحاسة بتعب

ليل..انتي كويسة يا انسه عشق

عشق..الحمد لله دوخة بسيطة

ليل..تحبي تأعدي ترتاحي

عشق..لا مش مستاهله

ليل..طيب اقدر اساعدك

عشق..انا كويسه 

ليل بغضب تمام

خرجوو وصلو عند العربيات

ليل.اركبوا

نوح تركبي معايا يانور

نور..وكأنها ماصدقت هزتله دماغها

نوح..ليل انا هاخد معايا نور

ليل هزله دماغه

ليل..اتفضلوا ركبت معاه عشق وزهره وتمارا

ومشي وراهم ادم بعربيته وجاسر اللي كان من جواه مضايق ان تمارا مركبتش معاه..

بعد مدة وصلو تحت البيت

ليل..نور انتي وتمارا اكيد تليفوني معاكم اي حاجه تحتاجوها تكلموني فورا

تمارا..تمام يامستر ليل

نوح.لنور بصوت هامس لو احتاجتي حاجه كلميني انا صاحي وبكره هعدي عليكي نروح المستشفى سوا ماشي

نور..بضعف ودموع مش بتقف حاضر

نوح..بطلي عياط شويه ممكن

نور..حاضر

ليل..يلا اطلعوا

تمارا..من بعيد بتبص على جاسر لقته مركز معاها وباين عليه الغضب مقدرتش تفهم ماله بس حست بخوف من بصته دي فابعدت عينها بسرعة

طلعت نور ووراها زهره وتمارا

وعشق اللي كانت بتمشي بضعف وتعب واضح عليها

دخلو من باب البيت ولسه...هيرجعوا الشباب للعربيات سمعو صرخه من البنات جريو الشباب بسرعه دخلو وراهم يشوفو في ايه

لقو عشق واقعه مغمَ عليها والبنات بيصرخو بأسمها

جري ليل شالها بسرعه

وطلع بيها على الشقه فتحتله بسرعه نور وكلهم دخلو وراها

نور..حطها هنا

ليل..جاسر اتصل بالدكتور بسرعه

جاسر..حالا

ليل..هي بتشتكي من حاجه

تمارا..هي كانت تعبانه اصلا 

ليل..مكنش لازم تتبرع بالدم كان لازم نتصرف ونجيب من اي مكان 

عدى حوالي ساعه إلا ربع الدكتور كان وصل دخله ليل الاوضه ودخلوا معاها البنات دقايق خلص وخرج

ليل.خير يادكتور

الدكتور.خير واضح انها واخده برد شديد والبنات قالو انها اتبرعت بالدم طبعا الكمية اللي اتاخدت منها كبيرة ودي غلطة يتحاسب عليها الدكتور اللي وافق على كده هي ضعيفة جدا انا ركبتلها محلول وفهمت البنات هيخلص يحطولها واحد كمان ويستنوا ساعتين ويحطو واحد تالت وبعدها بساعتين كمان يحطو الرابع عشان تقدر تعوض الدم اللي اتسحب منها وكتبتلها على علاج للبرد ومقويات عامة بس طبعا محتاجة تغذية جامدة عشان العلاج ده قوي

جاسر..طيب مش محتاجة تروح المستشفي لو افضل ليها يعني

الدكتور..لو حابين مفيش مشكله بس لو البنات هيقدرو يتابعوها ويركبو المحاليل في معادها تمام مفيش خطر عليها

ليل..شكرا يادكتور تعبتك معايا

الدكتور..متقولش كده ياليل باشا تحت امر حضرتك

ليل..مع الدكتور يانوح

نوح..تمام اتفضل يادكتور

ليل..للبنات هتقدرو تتابعوهاولا ابعتلكم ممرضه

زهره..انا هقدر متقلقش

ليل..لو احتاجتو اي حاجة او حصل اي حاجة كلموني وانا هتصرف فورا

نور..شكرا يامستر ليل

ليل..بابتسامة العفو يانور

نوح...رجع ايه كله تمام

ادم..تمام

ليل..يلا عشان يرتاحو

تمارا..باصة على جاسر وهو لسه نظرة الغضب في عينه ليها

ليل..نور اقفلو على نفسكم كويس

نور..بضعف حاضر

ليل..يلا سلام خرج ليل

والشباب

نوح لنور كلميني لو احتاجتي حاجة

نور..شكرا يانوح

نوح..بابتسامه سلام

نور..سلام

خرج الشباب وقفلت نور الباب وراهم بالمفتاح

دخلو البنات يطمنو على عشق اللي كانت نايمة في دنيا تانية.

تمارا..اعده جمبها بتعيط

نور..بدموع هتبقى كويسه ياتمارا متخافيش

تمارا..يارب

نور بانهيار انا خايفه على بابا اوي

تمارا وزهره اعدو جمبها حضنتها تمارا وفضلت زهره تطبطب عليها هيبقى كويس والله ان شاء الله بكره نروح نلاقيه كويس وفاق

نور..يارب

زهره..قومو غيرو هدومكم يلا وانا هحضرلكم العشا

نور..مليش نفس

زهره..لا لازم تاكلي عشان تقدري تقفي وبعدين الاكل ملهوش دعوة وانتي مكلتيش حاجة

تمارا..زهره معاها حق يلا قومي خدي شاور دافي كده وصلي ركعتين وادعيله وكلي ونامي شويه عشان ترتاحي وبكره نروحله

نور..بضعف حاضر

في صباح يوم جديد صحيو البنات من النوم وصحيت عشق وهي حاسة بتعب وصداع

نور..عشق عاملة ايه الوقت

عشق..هو حصل ايه وايه الكانولا اللي في ايدي دي

تمارا..انتي اغمَ عليكي واحنا طالعين ومستر ليل جابلك دكتور مكنش ينفع يا عشق يتاخد منك كيسين الدم وانتي تعبانه كده

عشق..مين اللي طلعني هنا

نور.. بابتسامه حزينه الهيرو

تمارا..بابتسامه منك لله يافضيحه

عشق..يعني ايه

نور..مستر ليل شالك وجابك هنا

عشق وشها أحمر من الاحراج والغضب انتو بتهرجو صح ازاي تخلوه يشيلني

نور..يعني كنا نسيبك مرميه فالحوش وبعدين حد يطول ليل السيوفي يشيله

عشق..على فكرة انا مش بهزر انتو بتهرجوا ازاي تسبوه يشيلني و يلمسني وبعدين اوريلو وشي ازاي

تمارا..بت انتي مش ناقصينك هو شايلك وانتي عروسه ده شالك وانتي جثه

عشق..امشي من أدامي بدل ما ارتكب فيكي جريمة

زهره..بتتخانقو ليه عالصبح يلا قومو حضرتلكم الفطار

عشق..كده يازهره تخلو ليل يشلني

زهره...وايه اللي فيها انتي كنتي تعبانه

تمارا..سيبك منها دي دماغها مريحاها يلا نفطر عشان نروح لبابا

نور..انا هقوم البس بسرعه

تمارا..هو في حد هيعدي علينا

نور..نوح قالي هيجي بس متكلمش انا مش هستني انا لازم اروح اطمن على بابا

عشق بتحاول تقوم

زهره..رايحة فين

عشق..هقوم البس عشان ننزل

نور...انتي مش هتتحركي من هنا اصلا انتي تعبانة

عشق..وهي بتقوم ومش سائله في كلامهم انا مش تعبانة انا كويسة

تمارا..عشق نور عندها حق بلاش عند

عشق..صدقوني انا كويسه يلا خلصو عشان نلحق

زهره..ريحو نفسكم ادام قالت هتيجي يبقى هتيجي 

عشق...اهي قالتلكم اهي بلاش مناهده بقي وقومو البسو

قامو البنات بقله حيله وبعد وقت مش طويل نزلو من البيت فالوقت ده رن موبايل نور 

نور..ايوه يانوح

نوح..صباح الخير

نور..صباح النور

نوح..جهزي نفسك يلا انا فالطريق جاي اخدك ادامي بالظبط حوالي تلت ساعه

نور..نوح انا لسه نازله انا والبنات ادم باب البيت خلاص هروح على بابا

نوح..هو مش انا قولتلك امبارح استنيني

نور..ايوه بس لما انت مش اتكلمت قولت انزل

نوح..باين على صوته العصبيه شويه متصلتيش بيا ليه

نور..اتحرجت يانوح انتو معانا من امبارح واكيد محتاجين ترتاحو

نوح..اتحرجتي مني يانور ايه نسيتي اننا كنا صحاب

نور..لا والله بس مرضتش اتعبك

نوح..انتي فين

نور..انا ادام البيت

نوح..متتحركيش من هناك وانا هاجي بسرعه اطلعي عالشقه اول ما اقرب هكلمك تنزلي

نور..بس يانوح

نوح..سمعتي انا قولت ايه اطلعي يلا متقفوش فالشارع كده

نور..حاضر

نوح..يلا باي

نور..باي قفلت وهي قلبها من جوه طاير من السعاده

نور..يابنات تعالو معلش نطلع نوح جاي

تمارا..وانتي يا اختي ما صدقتي

نور..اتلمي ياتمارا

عشق..طب ما كنا روحنا وهو جه على هناك

نور..هو قرب خلاص يعني ادامه عشر دقايق ربع ساعه

عشق..طب خلينا هنا بدل ما نفضل طالعين نازلين

نور..ماهو قالي اطلعي متقفوش فالشارع

تمارا..ابتدينا

نور..رخمه

عشق..طب يلا يابنات هو عنده حق وقفتنا كده غلط

فات حوالي نص ساعه كلمها نوح يلا يانور انزلو انا تحت

نور..حاضر

نزلت نور والبنات واول ماشافته حست ضربات قلبها بتعلي

نوح...كان لابس تيشرت ابيض وفوقيه چاكت اسود وبنطلون اسود وكوتشي ابيض ولابس نضارة شمس كان شكله يجنن

نوح..صباح الخير يابنات اسف عالتأخير بس الدخلة هنا كانت زحمة شوية

نور..تعبت نفسك يانوح

نوح..يلا اركبي بلاش عبط

تمارا..كنت قولتلنا نخرجلك بره شويه طيب

نوح..لا طبعا مينفعش عشان بس محدش يضايقكم

نوح..انسه عشق انتي ايه اللي نزلك

عشق..انا احسن متقلقش

نوح..متأكده

عشق..اه والله

نوح..طب يلا اركبو

ركبو..واتحرك بيهم نوح عالمستشفي

ووصل قبلهم ادم وليل

وبعد وقت عدى وصل نوح ومعاه البنات

نور..مستر ليل بابا كويس

ليل..لسه زي ماهو يانور مافاقش بس الحمد لله مفيش خطر

نور..طيب كلمت الدكتور

ادم..الدكتور بيقول ادام محصلش مضاعفات يبقى كويس وان شاء الله هنطمن عليه كلنا

ليل..لعشق انتي ايه اللي جابك

اتوترت عشق من ليل وحاولت تبعد عنيها عنه حست بالاحراج لما افتكرت انه شالها

عشق..وهي مش بصاله جيت اشوف بابا

ليل.ايوة بس انتي تعبانه

ادم..المفروض مكنتيش جيتي يا انسه عشق الدكتور قال انك محتاجة راحة

عشق..شكرا لحضرتك بس انا احسن والله

ليل..وهو بيبص لنوح بغضب جبتها ليه يا نوح

نوح..والله انا اتفاجأت بيها

عشق..انا كويسه والله 

فاللحظه دي جه جاسر

جاسر..صباح الخير

الجميع..صباح النور

جاسر..ايه الاخبار

ادم..لسه مافاقش

جاسر..ان شاء الله خير

نوح..ايه اللي اخرك كده انت قايل انك سابقني من بدري

جاسر..مفيش كلمت ماما ورغيت معاها شويه

ليل..انا اطمنت عليهم الصبح

ادم..هي احسن

جاسر..الحمد لله في تحاليل هيعملوها انهرده وخير يارب

جاسر..انسه عشق عاملة ايه الوقت

عشق بابتسامه بخير الحمد لله

جاسر..مش كنتي ارتحتي احسن

عشق..انا كويسه

جاسر..الف سلامه عليكي

عشق ..الله يسلمك

عشق لليل...حضرتك عرفت مين اللي عمل كده

ليل..ببرود هعرف ولما هعرف مش هرحمه بس لسه الرجالة بتدور العربيه اختفت

عشق..طيب ما نبلغ البوليس احسن

ليل..انا هاخد حق عم محمد بأيدي مش هبلغ

عشق..ايوة بس احنا مش عايشين في غابة حضرتك عشان اي حد ليه حق عند التاني ياخده بأيده

ليل..يمكن بس ليل السيوفي بياخد حقه بأيده

عشق..بس ده مش حق حضرتك ده حق راجل غلبان وبعدين هتاخد حقه ازاي هتموت اللي عمل كده

ليل..ببرود هو ونصيبه

ادم...ليل انسه عشق بتتكلم صح اللي عمل كده لازم يتحاسب

ليل..ما انا هحاسبه مش هجيبه العب معاه دور شطرنج

هزت..عشق راسها بقلة حيلة

فاللحظه دي جه لليل تليفون

ليل..ايوه يا فتحي

فتحي ليل باشا مهره تعبانه اوي وشكلها كده بتولد

ليل..بفزع اييه بتقول ايه

فتحي..بقول لحضرتك انها تعبانه جدا وحاولت اكلم الدكتور قبل ما اكلمك تلفونه مقفول

ليل..طيب اقفل انا هتصرف

نوح..في ايه

جاسر..في ايه ياليل

ليل..حاطط ايده على راسه وبيفكر مهره تعبانة اوي وبتولد

ادم..طيب كلم الدكتور

ليل..فتحي كلمه قبل ما يكلمني وموبايله مغلق

نوح..طب ايه هتعمل ايه

ليل..مش عارف ومش عارف اي دكتور غير الغبي اللي قافل موبايله ده

زهره..بغباء طيب اسفه اني بتدخل ماتجبوها المستشفى هنا بسرعه

ليل..بغضب مستشفى ايه

زهره..سكتت وخافت من صوته

ادم..انسه زهره مهره دي مش واحدة دي الفرسة بتاعت ليل

تمارا..طيب حاولو تشوفو دكتور تاني عشق ما تشوفي الدكتور اللي بتشتغلي معاه

ليل..براڤو عليكي ياتمارا اديني رقمه يا انسه عشق

عشق..حاضر طلعت عشق رقمه واتصلت بيه

موبايله مقفول هو كمان

ليل..جربي تاني

اتصلت عشق تاني بردو مقفول

جاسر..والعمل لازم نتصرف دي كانت تعبانه اوي الفتره اللي فاتت

ليل..مش عارف دماغي واقفه

عشق..انا اقدر أولدها

ليل..نعم تولدي ايه

جاسر..هتعرفي 

عشق..ان شاء الله

ادم..ايوه بس انتي لسه بتدرسي

زهره..بس عشق شاطره وهتعرف

ليل..شاطره ايه وهتعرف ايه دي مش لعبه ومينفعش نضيع وقت ونجرب فيها

عشق..بس انا مش هجرب انا بعرف فعلا

تمارا..مستر ليل عشق هتقدر هي ساعدت الدكتور في حالات شبه كده شويه وكمان الكلية بتاعتها فيها عملي كتير وهي هتقدر

ليل..لعشق متأكده

عشق..يلا بسرعه

ليل..انا همشي انا بسرعه و هرجعلكم تاني

نوح..طمنا 

جاسر..سوق براحة يا ليل

مشي ليل بسرعه ومردش على اي حد من كتر ماهو قلقان وعشق ماشية بسرعه وراه كأنها بتجري مش قادره تلاحق خطوات رجليه

ركب ليل وعشق وطار بالعربيه

نوح..بقول ايه ما تيجو نأعد في مكان..شويه بدل وقفتنا كده وشويه ونرجع تاني

جاسر..تمام

نور..طيب روحو انتو واحنا نفضل عشان لو بابا فاق

نوح..المستشفي معاها ارقامنا ولو في حاجه هيكلمونا

ادم..تعالو نأعد شويه في اي مكان يكون ليل وانسه عشق رجعو

نوح..يلا يانور وشويه ونرجعله

نور بقلة حيلة..حاضر

مشي نوح وجمبه نور ووراهم زهره وادم 

اما تمارا فا فضلت زي ماهي واقفه ادام..عم محمد

جاسر..بغضب يلا ولا هتقفي كده كتير

تمارا..حاضر نزلو وراهم

نوح.نروح فين

نور..ياريت ميكنش مكان بعيد

جاسر..في هنا مكان قريب تعالو نأعد فيه

نوح..تمام يلا يانور اركبي

جاسر...تعالي معايا ياتمارا

تمارا..قبل ما تتكلم كان فتح الباب ليها ولف ركب مكانه ركبت وهي ساكته

اتحرك نوح بالعربيه

وتمارا ركبت مع جاسر وزهره واقفه مش عارفه تعمل ايه وحاسه بالاحراج

ادم..اتفضلي معايا يلا يا انسه زهره

زهره..حاضر

بعد وقت بسيط وصلو المكان

اما عند ليل فاكان سايق بسرعه رهيبه عشان يلحق مهره وعشق راكبه جمبه منكمشه على نفسها ومبتعملش حاجه غير انها بتردد ايات قرآنيه في سرها

عشق..حضرتك ممكن تهدي السرعة شوية 

ليل..مردش عليها

عشق..بعد اذنك هدي السرعة شوية

ليل..مفيش وقت لازم نلحقها

عشق..ايوة بس براحة ان شاء الله هنلحقها بس بطريقتك دي هنموت ومش هنلحقها

ليل ولا كأنها قالت حاجة وكمل وبعد مدة وصل الڤيلا فتحي البواب فتح البوابه

اتنفست عشق براحه اخيرا وصلوا

ليل..يلا بسرعه

عشق..حاضر

جريت وراه عشق اول ما دخلت اتصدمت

عشق..ايه ده

ليل..ايه

عشق..دي نزلت السائل كله

ليل..يعني ايه

عشق..يعني لازم تولد بسرعه عشان كده خطر عليها

ليل..طب اعمل ايه

عشق..اخرج بره خالص وسبني معاها لوحدنا

ليل..لا مش هينفع

عشق..بقولك اطلع بره اسمع الكلام

ليل..مهره مش واخدة علر حد ممكن تأذيكي

عشق..انا هعرف اتعامل متقلقش اخرج لو سمحت

خرج ليل بره وفضل يراقبها من بعيد

عشق بتحاول تطبطب عليها مهره عملت صوت جامد وبقت تروح وتيجي حوالين السلسله المربوطه بيها وفضلت تنط برجليها لفوق وتعمل صوت قوي كانت هتخبط عشق

ليل..خلي بالك

عشق..اهدي اهدي فضلت تطبطبةعليها

عشق لليل في اي جوانتي عندك

ليل..اه ثواني

جري بسرعه جابلها علبه فيها جوانتيات خدت منهم اتنين ولبستهم

وفضلت تحاول تهدي مهره وشويه وتحاول تقرب ايدها عشان تولدها

بعد محاولات كتير ليل حس انها مش هتقدر

اخيرا مهره سكتت لعشق تماما وبقت عشق تتعامل معاها كأنها صاحبتها

استغرب ليل هدوء مهره

ابتدت عشق تساعد مهره

مر حوالي ساعه واخيرا مهره ابتدت تخرج المولود سحبت رجليها شويه

وابتدى يظهر اكتر

كل ده تحت زهول ليل اول مره يشوف فرسه بتولد

عشق..تعالى بسرعه

ليل واقف متنح

عشق..بعصبية انت هتفضل واقف كده تعالى بسرعه

ليل..حاضر حاضر دخل وقرب منها

عشق البس جوانتي

ليل..نعم

عشق..عيزاك تساعدني

ليل..باعتراض لا مش هقدر انا بتوتر من الحاجات دي واخاف اعمل حاجه غلط اذيها

عشق..متخفش مش هتأذيها انت هتساعدني انا مش هتساعدها هي البس يلا الجوانتي

ليل..طيب طيب اعمل ايه

عشق..هتمسك رجل البيبي بتاعها زي ما انا مسكاه كده ومتسبهوش ابدا هتحس انه كأنه بيتسحب منك اوعي تسيبيه ابدا

ليل..طيب مسك ليل رجل المهره الصغيره وسمع كلام عشق

وفضلت عشق تحاول عشان تساعدها اكتر وفضل يظهر جزء جزء.من المهره وليل بيعمل زي ما قالتله عشق

عشق..خلي بالك ثواني وهتخرج حاول متبعدش الفرش اللي تحت رجلك ده عشان تنزل عليه ومتتخبطش

ليل..حاضر 

ليل..كان سامع كلام عشق وبينفذه بالحرف الواحد المنظر لوحده كان كفيل يلجمه ومينطقش

عشق..يلا واحد اتنين تلاته اسحب

ليل سحبها ووقعت المهره الصغيره اخيرا وتمت ولادت مهره بنجاح

عشق..بعد ماخلصت حست بتعب وارهاق جامد بقلها اكتر من ساعه بتولدها مع تعبها حست انها خلاص خلصت لكن من جواها كانت مبسوطه جدا انها قدرت تساعد مهره وتشوف المهرة الصغيرة

عشق..هاتلي مايه بسرعة وعايزه فوطه كبيره

ليل..حاضر

قلع ليل الجوانتي وجري عمل اللي قالتله عليه

جبلها خرطوم كبير بتاع الجنينه وفوطه

عشق..الميه دي سقعه 

ليل..امال عايزه ايه

عشق..الجو برد ودي لسه بيبي عايزه مايه دافيه

فتحي من بعيد لحظه ياباشا انا هجيب

جري فتحي وجاب الميه بسرعه

ابتدت عشق تنضفها وتنضف مهره ونقلوهم مكان تاني بعيد عن الميه وحاولو يوقفو المهره الصغيره شويه بشويه لحد ما اخيرا وقفت

عشق..قامت لمهره طبطبت عليها فضلت مهره  تتمسح في عشق تحت نظرات زهول ليل

عشق..تعالى بقي ابعد بعيد

ليل..ليه

عشق..عشان تأكلها دي المره الاولي ليها ولازم يكون ليها خصوصيه عشان تقدر ترضعها

ليل..حاضر بعد ليل وعشق بعيد وابتدت مهره ترضع المهره الصغيره

عشق وهي مبسوطه اهي كلت خلاص

ليل..بابتسامه شكرا

عشق..العفو على ايه

ليل..انتي عملتي حاجة كبيره بالنسبالي اوي مهره دي غالية عندي اوي والايام اللي فاتت كانت تعبانة جدا

عشق..الحمد لله اهي قامت بالسلامة

ليل..واسف عشان شكيت للحظه انك مش هتقدري

عشق..لا مفيش حاجة وبعدين حضرتك معاك حق متصدقش لاني لسه بدرس بس يمكن انا بحب الحيوانات جدا وده ساعدني اكتر

المهم..هتسميها ايه

ليل..فضل ساكت كتير 

ليل..هسميها عشق

عشق..بسعاده ايه

ليل..مش اتولدت على ايدك يبقى تتسمى على اسمك وصراحه ملاقتش احلى من اسمك

عشق..باحراج وابتسامة شكرا

ليل..يلا نروح لعم محمد

عشق..وهي محرجة يلا

اما عند الشباب

كان جاسر..بيتكلم هو ونوح وادم وشويه نوح يحاول يواسي نور ويطمنها ادم بيتكلم مع زهره كلام عادي

اما جاسر..كان متجاهل تمارا خالص بدون سبب 

 ليل كلم جاسر وعرفه انهم راجعين المستشفى

جاسر..يلا بينا نروح عالمستشفى ليل قرب خلاص

نوح..مهره ولدت

جاسر..اه ولدت

نوح..بجد عشق عرفت تولدها

تمارا..قولتلك عشق شاطرة

جاسر..اه ياسيدي عرفت وليل سماها عشق

نوح..ايه ده بجد

جاسر..اه والله يلا بينا بقى

الكل..يلا

ركبو العربيات بتاعتهم وراحو عالمستشفي

مر وقت بسيط والكل وصل

واول ما وصلو حسو بحركه غرببه الدكاترة رايحين جايبين على اوضة حاج محمد جريو كلهم 

نور بخوف بابا

ليل..خير يادكتور

نور..بدموع بابا جراله حاجه

الدكتور..اطمنو هو فاق بس لسه حالته مش مستقره هو بس طلب يشوفك يا ليل باشا

نور..انا عايزه ادخله

الدكتور..مش هينفع عشان ميبقاش في تعب عليه هو بس ليل باشا يدخل ولو حالته تستحمل هدخلك اتفضل يا ليل باشا

فاللحظه دي جه سراج عم ليل ووالد جاسر. جري وقف معاهم بره يعرف حالته منهم.

دخل ليل

ابتسم حاج محمد بتعب وابتسم ليل بحزن على حالته

ليل..راح اعد على كرسي ادامه وكان باين ادامهم كلهم

ليل..مسك ايده ايه ياراجل ياطيب حمدالله على سلامتك انت عايز تعرف غلاوتك عندنا ولا ايه

حاج محمد..بتعب ليل يا ابني عايزك تسمعني عشان مفيش وقت

ليل..ايه الكلام ده انت هتبقى زي الفل

حاج محمد..دخلهم يا ابني انا عايز الكلام ده يبقى ادامهم

ليل..حاضر

رفع ليل وشه ليهم وشاورلهم بايده يدخلو

جاسر سأله بأيده باستفهام يقصد مين

ليل..رد عليه بنفس الاشاره كلكم

سراج..الف سلام عليك يامحمد هتبقى زي الفل

جاسر..سلامتك ياراجل ياطيب

نور..مقدرتش تمسك نفسها بابا انت كويس مش كده

ابتسم حاج محمد بحزن

وابتدا الكلام

ليل طول عمرك غالي عندي وانت عارف كده انت ونوح وادم وجاسر بعتبركم ولادي وعمري ماحسيت منكم اني شغال عندكم طول عمري بعتبر نفسي منكم

ليل..ليه الكلام ده بس ياراجل ياطيب

حاج محمد سبني اكمل يا ابني

انا مش هطول عليك بس زي ما طول عمرك كنت راجل وجدع وحنين ليا عندك طلب يا ابني تخلي بالك من نور وعشق وتمارا وزهره حط الاربعة في عينك مش انت بس انتو كلكم هما ملهمش حد غيري بعد ربنا

نور..بابا والنبي ماتقول كده انت مش هتسبني صح

حاج محمد..جه الوقت يا ابني اللي اقولك فيه السر اللي بقالي فتره شايف في عنيك السؤال ومش عايز تسأله

بص للبنات سامحوني يابنات اني هتكلم

عشق وزهره وتمارا مش قرايبي زي ما قولتلك بس هما في مقام بناتي وغلاوتهم يعلم ربنا انها نفس غلاوة نور يوم ما نور كلمتني واحنا مع بعض فالمكتب نفس اليوم اللي ادتني في ظرف الفلوس وانا راجع بالليل قابلت البنات وسمعتهم وعرفت انهم كانو في دار ايتام طول حياتهم والمديرة بتاعة الدار افترت عليهم وخرجتهم

فاللحظه دي عشق وتمارا وزهره افتكرو كل حاجه حصلت افتكرو شريط ذكريات مؤلم بيحاولو ينسوه بقالهم فتره تمارا مكانتش قادرة تبص لجاسر

حاج محمد..البنات دي ربنا وقعني في طريقهم مكانوش لاقين مكان يروحوه ميعرفوش حد من اهلهم ملهمش غير بعض وربنا وساعتها بس عرضت عليهم يجو معايا واقنعتهم بالعافية بعد ما سمعتهم مكالمه من نور

ومن يومها وهما معايا واتفقت معاهم انهم من لحظه ما لقتهم انهم زيهم زي نور قدرت احميهم من الشارع قدرت الاقيلهم شغل واساعدهم يقفو على رجليهم قدرت اوفرلهم جزء من روح العيله اللي اتحرمو منها انا خدت عهد على نفسي بيني وبينهم ان محدش يعرف واي حد يشوفهم نقول ان احنا قرايب بس خلاص انا رايح وسايبلك حمل اتمنى متتخلاش عنه اتمنى تحميهم وتحافظ عليهم اتمنى انك متسبهومش هما ملهمش حد فالدنيا ونور من بعدي ملهاش حد لا قريب ولا بعيد ملهاش غيركم وهما كمان ملهمش حد من بعدي اكرموهم زي ماحاولت اكرمهم بس انا خلاص رسالتي بتخلص ياريت تكملوها من بعدي اسمعو منهم حكايتهم البنات دي تعبت وقاست كتير اوي متسبهمش يا ليل يابني الاربعة امانة في رقبتكم كلكم وعلى اد حبكم ليا اكرموهم

ليل..حاسس بوجع في قلبه عمري ما حسيت لحظه انك وراك حاجه بس من وقت ظهور تمارا وانا شكيت بس مش فيك والله انا طول حياتي عارف انك ملكش قرايب بس كنت حاسس بحاجة غريبه مش تقلق ولكن تحير وقبل ما اعرف منك ياراجل ياطيب انا عرفت حكايتهم تقريبا ولو كنت بحبك الاول الوقت بحبك اضعاف حبي ليك انت ملاك في صورة بني ادم ياراجل ياطيب واوعدك انا عن نفسي هفضل عالعهد معاك وهيفضلو كلهم في رقبتي ليوم الدين

حاج محمد..ربنا يطمنك ويرضي عنك

ثواني واتشاهد حاج محمد ادامهم كلهم وابتدى الجهاز يعمل صوت والشريط يستقيم

نور..بابا بابا لا والنبي اوعي تعملها بابا انت مش هتسبني صح بابا قوم عشان خاطري قوم انا مليش غيرك اوعي تسبني انت عارف ان من غيرك هموت بابا الله يخليك قوم والنبي قووووم فضلت تهز فيه جامد وفاللحظه دي دخل الدكتور بسرعه يشوفه

الدكتور..البقاء لله

نور لا انت بتكدب بابا عايش بابا قوووووم قووووم والنبي 

عشق وتمارا وزهره ماسكين في نور ومنهارين

نور..بابا بابااااا