الراقصه
الحلقة الثانية وقبل الاخيره💔
ونورا خرجتها وفسحتها وبعدين
مرام:انا جعانة
نورا:هتاكلي فين
مرام:في مطعم جديد تحفة في.........
نورا:اوك
وراحو المطعم ودخلو وقعدو
نورا:واثقة في اكلهم
مرام:اها....
نورا:ايه؟
مرام:يلا هنمشي من هنا
نورا:ليه يا بنتي
مرام:مش عاجبني المطعم
نورا:مراااام
مرام:رائد هنا
نورا:طب اقعدي اقعدي
رائد جه عليهم
رائد:ايه رايحة فين يا مرام
مرام:..........
رائد:كدة مترديش عليا وتقفلي السكة في وشي امبارح
مرام:كان لازم اديك فرصتك عشان تفكر
رائد:انتي يا عبيطة افكر في ايه انا اختارتك انتي حتى لو اختك بتشتغل ايه طلاما ربتك التربية ديه يبقا ليها كل الاحترام والتقدير
صوت واحد:الا لو اختها بتشتغل حاجات تانية
رائد:كرييييم
كريم:هو انتي بقا اختها و..
نورا:الزم حدودك يا سيادة الرائد وتيجي عند اختي وتحط 100خط احمر
رائد:انتو تعرفو بعض...هي هي ديه الي كنت..
كريم:ايوة هي ديه
رائد:انا بحترمك جداا ع فكرة وانا بتقدم وبطلب ايد اختك
نورا:نعم!!هنا ومن غير اهلك
رائد:اتصل بيهم دلوقتي لو عاوزة
نورا:لالالا بكرة ممكن تيجو طبعا عارف العنوان
رائد:اها
نورا:طيب
رائد:طيب نعزمكم ع العشا
نورا:لالالالا شكرا اوووي
رائد:طيب ماشي
كريم:يلا احنا هنقعد هناك يا...
رائد:مرام
كريم:اسف يا مرام
مرام:اوكي اتفضلو
بعد اما مشيو
مرام:انتي تعرفي كريم ده منين
نورا:......(حكتلها)
مرام:هههههه بس شكله متغاظ من الي عملتيه معاه اوي
نورا:واضح..المهم ملناش دعوة...بس الكارثة لو اخوه زيه
مرام:لالالا يا نونو حرام عليكي مش زيه خالص
نورا:هنشوف
وجه عليهم واحد:مراام ،نورا اهلا اهلا وسهلا نورتو المطعم
نورا:هو بتاعك يا خالد
خالد:اها..ايه رأيك
نورا:حلوو انا مكنتش اعرف انه بتاعك
(خالد يبقا ابن عم نورا ومرام بس من بعيد شوية ونورا بتعتبره اخوهم الكبير)
مرام:ايه ده يا خالد هي نورا اخر من يعلم ولا ايه
خالد:ههههههه بس يا حريقة
نورا:ما تقعد يا ابني
خالد:حاضر
عند كريم و رائد
كريم:مين الكابتن الي قاعد هناك مع خطيبتك المستقبلية ده
رائد:معرفهوش
كريم:وسايبه عادي عمال كركركر معاهم
رائد:انت متضايق ليه
كريم:عشان المفروض ديه خطيبتك
رائد:هبقا اسألها النهاردة وانا بكلمها
كريم:عليا الطلاق انت بارد
رائد:عليك الطلاق!!طلقتها من قبل ما تتجوزها
كريم:انت مالك انت
نسيبهم ونروح تاني ل نورا
خالد:مرام هتتخطب بس لمين
مرام:ل ده (شاورت ع تربيزة رائد)
خالد:اممم دول ولاد وزير الصحة
نورا:عشان كدة ابنه دكتور
خالد:وابنه التاني..
نورا:عرفاه-_-
خالد:بجد!!ده بقا بيجي هنا كل يوم مع واحدة جديدة
مرام:انت تعرفهم
خالد:لا مجرد اني بشوفهم بس
مرام:طب و...
خالد:هههههههه لا ده مش بشوفه مع بنات
مرام:بجد طب كويس
نورا،خالد:هههههههههههه
عند رائد وكريم
كريم:ديه بقت مسخرة كدة
رائد:انت متضايق ليه اوي كدة
كريم:انا مش متضايق بس مينفعش المسخرة ديه في مكان عام
رائد:تلاقيه قريبهم يا عم
كريم:انت بارد اووي..وبعدين ايه الي خطيبتك لبساه ده
رائد:ايه =-O تصدق فعلا ايه الي هي لبساه ده
كريم:اسأل نفسك
رائد:ثواني...(بعتلها مسج:ايه الي انتي لبساه ده..ومين الكابتن الي قاعد معاكم ده)
وصلتها المسج
نورا:مين
مرام:ده هو..بيقولي ع اللبس وع خالد
نورا:هو لسة شايف لبسك دلوقتي
مرام:هو انتي اخته ولا اختي
خالد:ما هي عشان اختك بتقولك كدة
مرام:طب ارد عليه اقوله ايه
خالد:تجاهلي موضوع اللبس واتكلمي عني
نورا:-_- انت اخ بزمتك
مرام:خلاص انا هعمل زي ما اخويا قاللي..(بعتتله مسج:ده خالد ابن عمي من بعيد وبنعتبره اخونا الكبير لسة راجع من السفر وده المطعم بتاعه)
ووصلته المسج
رائد:ايه مش عاوز تعرف
كريم:انا مالي كفاية انت عرفت
رائد:طيب ماشي هقولك (حكاله)
كريم:طيب خلاص اطمنت
رائد:اهم حاجة انت تطمن وتعرف انها...
كريم:محترمة حفظتها الكلمة
رائد:بس عمرك ما هتعرفها ولا تفهمها
كريم:كل ياض وانت ساكت
عند نورا
نورا:هتيجي بكرة طبعا
خالد:ليه
مرام:هو ايه الي ليه عشان هو واهله جايين
خالد:اها طبعاا
وخلص اليوم وكل واحد روح بيته وتاني يوم
عند رائد:
رائد:بابا صباح الفل يا سيادة الوزير صباح الورد يا ماما
باباه،مامته:صباح النور يا حبيبي
مامته:خير ايه الرضى والسعادة ديه كلها
رائد:بصراحة...
كريم:ايه هتقولهم وانت واقف اقعد افطر وقولهم
باباهم:يقولنا ايه
رائد:انا بحب بنت
اخته:امال هتحب فار يعني
رائد:بس يا ظريفة
كريم:هههههه
مامته:ومين هي البنت واخلاقها عاملة ازاي غنية ولا فقيرة
رائد:اسمها مرام في كلية طب واخلاقها عالية جداا وغنية يا ماما-_-
باباه:احنا ميهمناش غنية ولا لا اهم حاجة تكون كويسة ومحترمة
رائد:هي جميلة وكويسة ومحترمة
باباه:طب خدلنا معاد واحنا نروح نخطبهالك
كريم:لا ماهو اخد المعاد
مامته:ايه!!من غير ما نعرف
رائد:ما انتي عرفتي اهوه يا ماما
باباه:طب افرض كان ورانا شغل
رائد:لا ما انا عارف ان النهاردة مش عندكم شغل
اخته:وانت اخدت
اخته:وانت اخدت المعاد النهاردة وهتروحو النهاردة
رائد:اه
باباه:انت متسرع اوي..انا هقوم اشوف ورايا ايه عشان الحق اخلصه
وقام باباه
مامته:واخدت المعاد من مين
رائد:من اختها
مامته:امال فين اهلهم
رائد:ماتو واختها هي الي ربتها وصرفت عليها
مامته:واختها ديه بتشتغل ايه
رائد:احم ا...بت..شتغل
كريم:رقاصة يا ست الكل
مامته:ايه!!!ابني انا يتجوز اخت رقاصة
كريم:تخيلي يا هدى هانم
هدى:ازاي توافق اخوك في حاجة زي ديه
كريم:عشان البنت اخلاقها كويسة ومتربية احسن تربية وانا عملت كل التحريات عنها يا ست الكل
رائد: o_O
هدى:طب واختها
رائد:مبتخليش حد يقرب منها ولا ينطق بكلمة معاها ولا حد يتخطى حدوده معاها وده بشهادة الكل وتقدري تسألي ابنك الغالي
هدى:اتكلم ع اخوك كويس يا رائد...انت ايه رأيك يا كريم
كريم:هو كلامه صح يا ست الكل بس القرار يرجعلك انت وسيادة الوزير
رائد:قولي اه بقا قولي اه
هدى:طيب ماشي...وانت يا كريم مش هلاقيك في يوم جاي وتقولي انك عاوز تتجوز ولا في واحدة شاغلة بالك
افتكر كريم نورا وهي قريبة منه وافتكر عيونها وجمالها وافتكر لما زقته بعيد عنها
كريم:لا
شيماء(اخته):هو لا وخلاص..وبعدين طلاما قولت لا بعد تفكير كدة يبقا فيه
كريم:اخرسي يا بت وكلي وانتي ساكتة
شيماء:ع طول مسكتني كدة...انا عارفة كل حاجة
رائد:انتي عندك كام سنة يا بت
شيماء:ايه يا ربي الاخ الي مش عارف عمر اخته انا عملت ايه في حياتي بس 14 يا خويا
رائد:14 ولسانك اطول من عمرك كلي
شيماء:ما انا باكل الله...المهم هنروح ل مرام خطيبتك امتى
رائد:يسمع منك ربنا..بعد ما الوزير يفضى
شيماء:اممم طيب هروح اجهز انا بقا
هدى:هههههه روحي اجهزي
نسيبهم ونروح ل نورا ومرام
نورا:اشجان كل حاجة تبقا جاهزة ع الوقت لو عاوزة اجيب حد يساعدك اجيب
اشجان:لا كله تمام انا جهزت كل حاجة من امبارح مش فاضل غير يستوو
نورا:تمام برافو عليكي
مرام:نورااااا يا نورااا
نورا:ايه يا مراام
مرام:اطلعي ثواني
طلعتلها نورا
نورا:ايه في ايه
مرام:مش عارفة البس ايه
نورا:اممم كنتي قولتي من امبارح كنت جيبتلك فستان شيك جديد
مرام:خلاص مش مشكلة اختاري من هنا
نورا:اوكي امممم البسي ده حلو اوي
اختارت فستان قصير منفوش لونه بينك فاتح وفيه شريط رفيع ع الوسط لونه فوشيا
مرام:اوكي هلبسه...وانتي هتلبسي ايه
نورا:انا هلبس اي حاجة عادي
مرام:ايه اي حاجة ديه لا طبعا هتلبسي حاجة شيك
نورا:مراام
مرام:لا مليش دعوة
نورا:هو العريس جايلي انا ولا ليكي انتي
مرام:ليا انا بس باردو اختي لازم تبقا شيك..وبعدين مش يمكن يعجبو بيكي وياخدوكي ل ابنهم الكبير
نورا:اخرسي ومتجبيش سيرته تاني فاهمة
مرام:طويب..تعالي نروح اوضتك ننقي لبس ليكي
راحو ع اوضت نورا وقعدتها مرام ع السرير وفتحت الدولاب
مرام:امممم ايه رأيك في ده
نقت طقم عبارة عن هوت شورت جينز وبادي ابيض
نورا:انتي عبيطة ولا هبلة البس ده قدامهم ازاي يعني
مرام:اوووف طيب ننقي حاجة تانية....ايه رأيك في ده
نورا:لا...انا هلبس الي كنت لبساه امبارح وخلاص
مرام:طيب بس خلي البنطلون جينز غامق
نورا:اوكي..يلا روحي البسي بقا
نسيبهم يجهزو نروح ل رائد
رائد:ايه يا جماعة مخلصتوش؟؟ هنتأخر
شيماء:انا خلصت وجهزت
رائد:انتي العسل الي في البيت...يا كرييييم خلصت؟
كريم:انا جاهز من ساعة ومستنيكم
هدى:بطلو زن بقا خلصنا اهوه يلا
رائد:امال فين الوزير
باباه:انا اهوه
هدى:شكلك عسل يا رائد يا حبيبي
كريم:يلا بقا مي وقت حنان الام
الاب:يلا بينا نخرج احنا يا كريم نجهز العربيات
كريم:تمام يلا بينا
وخرجو وخرج وراهم رائد وهدى وشيماء وركبو العربيات ووصلو
شيماء:هو ده البيت
رائد:اها
شيماء:حلووو
كريم:هنفضل واقفين كتير ما ترن الجرس يا ابني
رائد:اه صح
ورنو الجرس
مرام:نوراا نوراا وصلو
نورا:طيب انا هنزل استقبلهم
مرام:خليكي معايا وخلي خالد يستقبلهم
نورا:مينفعش يا ميرو يلا انا نازلة...يا خالد
خالد:انا واقف مستنيكي عند الباب بقالي ساعة
وفتحو الباب
نورا:اهلا وسهلا اسفة ع التأخير
احمد(ابوهم):لا ولا يهمك
خالد:اتفضلو
ودخلو كلهم الا كريم
نورا:اتفضل ولا جاي تزور الباب
كريم:خفت ادخل لاتطرديني
نورا:انا مش قليلة الاصل يا سيادة الرائد حتى لو كنت بكرهك مينفعش اقل بأصلي معاك في بيتي اتفضل
كريم مسك ايدها:طب مش عيب تمشي وتسيبي ضيفك كدة
نورا زقت ايده:قولتلك قبل كدة ايدك تخليها جمبك لاحسن تتكسر يا سيادة الرائد(سابته ودخلت)
رائد:ديه اخت مرام يا ماما الي حكيتلك عنها
شيماء:هي ديه ديه جامدة اوي
هدى:بنت!!! انتي فعلا بسم الله ما شاء الله عليكي قمورة
نورا:شكرا ربنا يخليكي يا طنط
شيماء:انتي اسمك ايه
نورا:انا اسمي نورا وانتي
شيماء:شيماء بس قوليلي يا شيمو
نورا:ههههههه تمام يا شيمو...تحبو تشربو ايه؟
احمد:ولا اي حاجة
نورا:ايه ده لا أزاي يا عمو والله هزعل
احمد:طيب خلاص اللي تجيبيه
نورا:اوكي ثواني
شيماء:انتي رايحة عند مرام
نورا:انتي عاوزة تروحي عندها
شيماء:ايوة
نورا:اشجاااان خدي شيمو عند مرام
اشجان:حاضر تعالي
راحت شيماء
هدى:استني يا نورا
نورا:هجيب العصير
هدى:لا احنا مش جايين نشرب عصاير
احمد،رائد: o_O
نورا:مش فاهمة
هدى:امممم افهمك........
رائد:ماما..........
يا ترى هدى قالت ايه؟
ورائد اتضايق ليه؟؟
والخطوبة هتتم ولا لا؟؟
