متاهة الحب
الفصل 14/15
= انتى مش فكرانى !!!
- اطلع برا لو سمحت .. زى مقولتلك مش عايزه اضطر اطردك من شغلك وانت دكتور شاطر
مصطفى وقف مكانه وهو مصدوم
وقتها فيه طفل دخل الاوضه
× يا مامتى انا عايز اقعد معاكى النهارده بليز
= ماما !! ازاى يعنى
مره تانيه باب الاوضه اتفتح
÷ يا يونس ليه بعدت عنى
× يا بابا انا عايز اقعد مع بابا انهارده .. انت ممل و بتفضل تتكلم مع الناس وبتسيبنى وحدى
كل دا و مصطفى واقف مصدوم ومش مصدق
- طيب خلاص سيبه معايا يا ادهم
÷ تمام انا مكنتش بس عايزه يزعجك فيوم مهم زى دا
ادهم راح ناحيتها و حضنها و طلع من جيبه سلسله
- يا ادهم ليه تعبت نفسك كدا دى باين عليها غاليه اوى
÷ مفيش حاجه تغلى عليكى ... كنتى فكرانى نسيت عيد جوازنا صح ؟
- بصراحه اه ..
÷ اكيد مش هنسى يوم زى دا
و ربط شعرها بتوكه و لبسها السلسله
÷ تحفه السلسله عليكى كأنها اتعملت عشانك
بعدها انتبه لوجود مصطفى
÷ انا اسف منتبهتش خالص ان فيه حد معانا فالاوضه .. حضرتك كنت عايز حاجه ؟
مصطفى من كتر صدمته مقدرش ينطق بكلمه
- كان جاى بس يفهمنى الدنيا فالمستشفى هنا ماشيه ازاى وكدا
÷ مفيش داعى تتعب نفسك .. اه نسيت اعرفك بنفسى
مد ايده عشان يسلم على مصطفى
÷ ادهم الالفى .. رئيس قسم الجراحه الجديد هنا
مصطفى خرج من الاوضه و ساب ايد ادهم متعلقه فالهوا
÷ غريب اوى الدكتور دا .. هسيبلك يونس ساعتين و اجى اخده عشان مش راضى يجى معايا
- تمام مفيش مشكله
مصطفى راح حمام المستشفى وهو منهار .. هو طول السنين دى بيدور عليها و فالاخر اكتشف انها متجوزه وكمان مخلفه .. هو ازاى مفكرش فالاحتمال دا .. رجع بالذاكره ل ورا وقت م شك انها حامل من حد غير كريم ف طلقها و بعتلها ورقتها ... فضل يضرب نفسه و يندم على كل حاجه بس خلاص الندم مش هيفيد بحاجه .. دى حتى سمت ابنها بالاسم الى كانو هيسموه لابنهم هو وهى ..
يونس وقتها دخل الحمام
× عمو .. هو انت بتعيط ؟
مسح دموعه بسرعه
= لا لا اعيط اى بس
× شكلك متخانق مع مراتك
مصطفى مقدرش يمسك دموعه
= ورايا شغل .. عن اذنك
خرج من الحمام و دخل لاوضه ندى
- هو مش المفروض تخبط قبل متدخل !!
= انتى ازاى كدا !! انا بقالى ٧ سنين بدور عليكى و فالاخر لما تظهرى تانى تكونى متجوزه وكمان مخلفه
- كنت فاكرنى هفضل مستنياك يعنى ؟! وبعدين انت كسرت كل حاجه حلوه بينا .. ضيعت الفرصه الاخيره ليك و جرحتنى
بزعيق = تقومى تختفى و تتجوزى وتخلفى !!
- وطى صوتك انت بتكلم مديرتك
=روحى يا شيخه بلا مديرتى .. انا مش مسامحك لاخر يوم فحياتى مش مسامحك
- دا على اساس انى سامحتك مثلا ؟! طب انت اذتنى عشان كدا مش مسامحاك .. انا بقا عملتلك اى ؟! انت الى كنت عبيط و فضلت تدور عليا انا اى ذنبى بقا و لا عايزنى اعيش على اطلال الماضى زيك
فلاش باك
*بعد اختفائها بالظبط*
قررت تروح الاسكندريه .. هناك محدش يعرفها ولا هى تعرف حد .. كانت مقرره تبدأ حياتها من الصفر .. مكنش معاها اى حاجه ولا لبس ولا فلوس ولا اى حاجه خالص حتى القطر ركبته من غير تذكره
كانت قاعده عالبحر و بتفكر هتعمل اى وهى مش معاها جنيه واحد حتى
فضلت لغايه الليل وهى قاعده عالبحر وبتفكر
الوقت بقا منتصف الليل وهى لسا فالشارع ومعندهاش مكان تروحله
÷ شايفك قاعده هنا من الصبح .. الوقت اتأخر و فيه شباب مش كويسه ممكن تعملك حاجه ف الاحسن تروحى بيتك
- معنديش بيت ..
÷ انتى مش من هنا ؟!
- ايوه
÷ طيب عندك قرايب تروحيلهم ؟
- ولا اى حد
÷ طيب تيجى معايا البيت ؟
ندى بصتله بصه استحقار
÷ لا استنى انتى فهمتى اى .. اختى ساكنه فالشقه الى جمبى و هى ارمله معاها طفله صغيره ف تقدرى تقعدى معاها
- و ايش ضمنى انك مش بتكدب .. زى مقولت فيه شباب كتير مش كويسين
÷ طب ثوانى
اتصل ب اخته وحكالها الوضع و فظرف نص ساعه اخته كانت عندهم عالبحر هى و بنتها
▪︎ ازيك .. انا اخت الشاب دا و دى بنتى .. عشان تعرفى بس اننا مش قاصدين شر ولا بنضحك عليكى
- ينفع افضل معاكى فالشقه لغايه بس م اشوف شغل و اظبط حالى بعدها هأجر شقه ؟
▪︎ اه طبعا تنورى اساسا انا وبنتى قاعدين وحدنا وزهقنا من القعده وحدنا
اخدوها فالعربيه و راحو البيت
- مش عارفه اشكرك ازاى على مساعدتك ليا
▪︎ اشكرى ادهم هو الى قالى عليكى
- هو انتو كل لما تشوفو واحده ملهاش مكان تروحه بتاخدوها عندكم؟
سمر ضحكت
▪︎ لا طبعا
- طيب انا عارفه انى بزعجك بس انا كنت عايزه اعرف اوصل للجامعه الى فالاسكندريه ازاى يعنى لو هركب مواصلات عاديه مش تاكسى و ... ينفع تسلفينى تمن المواصلات لغايه لما اشتغل ؟ انا هروح بكرا ان شاء الله اقدم ورقى فالجامعه و ادور على شغل
▪︎ اه طبعا هى دى محتاجه سؤال .. صحيح انتى هتقدمى فجامعه اى
- هقدم فجامعه الطب .. فاضلى سنتين و اتخرج منها
▪︎ بجد !! ادهم دكتور فجامعه الطب و يقدر يساعدك تخلصى ورقك بسرعه
- لا لا مش عايزه اتعبكم اكتر من كدا
▪︎ تعب اى بس
سمر راحت لادهم وقالتله
÷ بس انتى باين عليكى صغيره .. مش باين عليكى فسنه خامسه خالص
- اه كلهم بيقولولى كدا
÷ بكرا تعالى معايا ف عربيتى اقدملك ورقك عشان يقبلوه بسرعه بدل متستنى اسبوع او اكتر
- تمام .. معلش هتعبك
راح معاها تقدم ورقها و اتقبلت فعلا فنفس اليوم
دورت على شغل بس مفيش اى حد رضى يوظفها
روحت البيت وساعدت سمر فتحضير الاكل
▪︎ هو انتى مش هتحكيلى حكايتك؟
- ...
▪︎ واضح انك مش عايزه تتكلمى .. لو عايزه تفضفضى ف اى وقت اعرفى انى موجوده .. تقدرى تعتبرينى اختك
- شكرا ..
*اليوم الى بعدو*
كان اول يوم ليها فالجامعه
راحت المدرج عشان المحاضره
كانت محاضره ادهم
كانو البنات الى جمبها طول المحاضره بيتكلمو عليه
£يخربيت حلاوته شايفين قمر ازاى
¥ قمر بس !! يااه بس لو يحبنى
€هو خاطب يجماعه ؟ مش معقوله حد بجماله و مكانته ميخطبش لغايه دلوقتى
£ لا مش خاطب طبعا .. مفيش ف ايده اى دبله
€طب كويس لسا فيه امل
و فضلو يضحكو
÷ البنات الى بيضحكو هناك دول .. اتفضلو اطلعو برا لما ان شاء الله تتعدلو و تركزو معايا وتبطلو كلام جانبى ابقو تعالو احضرولى محاضره
£ م المشكله اننا مركزين معاك يا دكتور
÷ نعم !!
البنات طلعو برا بسرعه
ندى مركزه فالمحاضره .. كان شرحه حلو و بسيط
*بعد المحاضره*
÷ انتى عندك محاضرات او سكاشن تانيه؟
- لا
÷ طب تعالى اوصلك كدا كدا ساكنين جمب بعض
- لا لا انا همشى لغايه البيت
÷ تمشى !! هتمشى ساعتين يعنى ؟!
- ايوه
÷ طب بطلى عند بس و امشى قدامى
فيه شله بنات سمعو حوارهم و الاخبار انتقلت للجامعه كلها
" قصه حب بين دكتور وطالبه*
وهما فالعربيه
- لحظه وقف على جمب لو سمحت
÷ ليه !!
خرجت من العربيه و راحت ناحيه محل لبس معلق لافته مكتوب عليها انه عايز انسه للعمل
خرجت من المحل وهى فرحانه .. اتقبلت فالشغل
÷ كنتى عايزه تشترى حاجه ؟!
بفرحه- لا لا كنت بشوف لو يقبلونى فالشغل
÷ واضح من فرحتك انهم قبلوكى
بفرحه - ايوه
وصلو البيت بعدها
- انا لقيت شغل يا سمر
وحضنتها
▪︎ الف مبروووك تعالى يا فريده شوفى ندى اتقبلت فالشغل
- بصى بقا يا فريده انا اول لما اخد مرتبى هشتريلك عروسه جميله
* تسلمى يا طنط بس انا عندى عرايس كتير
- هجيبلك بردو
😂
سمر و ندى حضرو اكل للاحتفال انها اتقبلت فالشغل
انا هروح اقول ل ادهم يجى ياكل معانا .. دا احنا طبخنا اكل يكفى الشارع كله
راحت قالت لادهم و وافق ياكل معاهم
▪︎ اى يا ادهم اول مره يعنى توافق تاكل معايا .. كنت بتقولى انك بتحب تاكل لوحدك
÷ عادى مش هموت لو اكلت معاكم مره
فريده بتغمز لادهم
*يعنى مش عشان ندى ؟
😉
ادهم ضرب فريده على دراعها
÷ انتى بتعلمى بنتك اى يا سمر بذمتك دا كلام طفله
كلهم ضحكو
*الصبح*
ادهم خبط على باب سمر
▪︎ اى يا ادهم عايز اى دلوقتى
÷ قولت اوصل ندى معايا بما انها فطريقى .. هى جاهزه؟
دى لسا صاحيه من شويه
😂
😂
÷ نعم !!
سمر لسا كانت هتقفل الباب
÷︎ يعم استنى بتقفلى الباب ليه
▪︎ انت مش هتمشى ؟! مش بتحب تتأخر
÷ عادى مفهاش حاجه لو اتأخرت مره
سمر جريت على ندى
اعترفى يبت عملتى اى ف اخويا
😂
😂
ب استغراب - ايه ؟!
▪︎ادهم اتغير من سعت لما جابك البيت عندى .. ياه من امتى ادهم بيتأخر عالجامعه اه على فكره هو مستنيكل تلبسى عشان تروحو مع بعض
ندى مردتش
خلصت لبس و راحو مع بعض فالعربيه
ادهم كل شويه يبصلها كأنه عايز يقولها حاجه بعدها يبص تانى قدامه كأنه اتراجع
وصلو الجامعه و دخلو المحاضره
البنات لما شافوهم داخلين المحاضره فنفس الوقت اتأكدو من الخبر المنتشر بينهم
اول لما ندى قعدت فالمدرج
£ يبختك وقعتى وانتى واقفه
¥ وقعتيه ازاى دا
ندى بصت حواليها
- انتو بتكلمونى انا ؟!
£ ايوه انتى
- مش فاهمه قصدكم اى
البنت غمزتلها
¥انتى و ادهم
😉
اى الحوار بينكم
- نعم !! مفيش حاجه و بعدين لو سمحتو بطلو كلام عشان عايزه اركز
£ طب خلاص يجماعه سيبو البت تركز مع حبيبها
ندى طنشتهم
* بعد المحاضره*
- البنات بقو يقولو كلام غريب .. لو سمحت ياريت كل واحد فينا يروح البيت وحده
÷ البنات كدا كدا هيتكلمو مهما عملتى .. سيبك منهم و ركزى ف دراستك
روحو البيت
بعد الغدا ندى خبطت على باب ادهم
- لو سمحت يا دكتور .. ينفع تشرحلى الجزئيه دى عشان مش فكراها
÷ تعالى هشرحلك المحاضره كلها
دخلت الشقه و هو قفل الباب
بخوف - لو سمحت افتح الباب ..
ادهم فتحه
÷ مش عارف ليه دايما بتظنى فيا ظن السوء .. انتى شايفانى من النوع دا !!
- مش عارفه .. مبقتش اثق ف اى حد
÷ تمام ..
فعلا شرحلها المحاضره
÷ هاتى المحاضره الى بعدها اشرحهالك
- لا لا مش عايزه اتعبك
÷ تعب اى بس .. هاتيها وبعد كدا انا هذاكر معاكى و اشرحلك كل حاجه .. عايزك تركزى فالمذاكره وتكونى الاولى على دفعتك
- الاولى مره واحده!! انا بالعافيه بجيب امتياز اساسا
÷ طب تمام خلينى انا اشرحلك كل المحاضرات وهتشوفى ازاى هتكونى الاولى
- تمام ..
عدا شهرين و هو كل يوم بيوصلها الجامعه و يستناها تخلص محاضراتها وسكاشنها و بعدها يوصلها الشغل وبعد الغدا يشرحلها المحاضرات و يذاكر معاها ... يوم ورا يوم و بدأ حبه ليها يكبر و يكبر .. كان احيانا يلمحلها بس هى بتعمل نفسها مش واخده بالها
*بعد شهر *
قرر يفاجئها و يروحلها الشغل ياخدها منه و يفسحها شويه عشان هى مش بتخرج خالص غير للجامعه و الشغل
وهو رايح للمحل شافها بتخرج من المحل وهى بتجرى و بتعيط
÷ مالك اى حصل !!
بعياط - مفيش ..
÷ اى حصل قلتلك !!
- ص..صاحب المحل حاول يتحرش بيا ..
÷ نعم !!
ادهم اتعصب جامد و راح ناحيه المحل
- استنى يا ادهم استنى
مسك الراجل صاحب المحل و نزل فيه ضرب بوكسات و اقلام ومفاقش غير على صوت ندى وهى بتعيط وبتقوله كفايه
قرب منها عشان يحضنها
بس ندى بعدته
بعياط و زعيق - ان...انت بتعمل اى
÷ كنت عايز اهديكى بس .. مكنش قصدى حاجه
بعياط و زعيق - متلمسيش و متتدخلش فحياتى !! انا مش عايزه مشاكل ومش عايزه حد يهدينى ومش عايزه اى حد اصلا فحياتى
÷ طب انتى متضايقه ليه دلوقتى
سابته ومشيت
هو جرى وراها
÷ انتى متضايقه عشان ضربت صاحب المحل !! اسمعينى بس انا مش عايزك تشتغلى .. هصرف عليكى زى اختى سمر بالظبط مفيش داعى انك تشتغلى اصلا
وقفت مكانها
بعياط و زعيق - حد قالك انى عايزه حد يصرف عليا !! انا هصرف على نفسى
÷ وانا قلتلك مفيش شغل تانى
بعياط و زعيق - وانت مين عشان تتدخل فحياتى اصلا !!
÷ انا .. انا ..
ندى كملت فطريقها و هو جرى وراها تانى
÷ هتمشى ساعه كامله عشان توصلى للبيت ؟!
- وانت مالك امشى ساعه و لا عشره
÷ طب انا مش عارف عملت اى بالظبط يضايقك بس انا اسف .. حقك عليا
ندى سابته وكملت فطريقها للمره التالته
هو شد ايدها جامد
÷ المفروض انا بتكلم يبقا من الاحترام تقفى و تسمعينى صح !!
بعياط - سيب ايدى انت بتوجعنى
ادهم ساب ايدها بسرعه
بعياط و زعيق - عايز اى منى يا ادهم !! انت زيك زى كل الرجاله الى قابلتهم فحياتى لغايه دلوقتى .. واحد اغتصبنى و التانى عاملنى معامله فتيات ليل والتالت راح قال للمغتصب انى حامل .. انت بقا هتبقا زى انهى واحد فيهم ؟
بصلها بصدمه ÷ نعم !! اغتصاب وحمل اى الى بتتكلمى عليهم دول
بصتله بصه طويله بعدها اغمى عليها
شالها بسرعه و ركب العربيه و راح البيت
▪︎ هى مالها يا ادهم اى الى حصلها
÷ اغمى عليها .. تقريبا من الضغط الى كانت فيه
▪︎ ضغط اى
÷ انت كنتى عارفه ان حد اغتصبها وكانت حامل ؟
▪︎ نعم !! اى الى بتقوله دا
÷ شكلك مكنتيش عارفه .. دلوقتى بقا عرفنا هى كانت هربانه من اى شكلها استحملت كتير اوى
▪︎ يا ادهم الحق حرارتها عاليه
÷ طيب بسرعه هاتى ميه ساقعه وكمادات
▪︎ تمام .. روح انت شقتك وانا هعملها الكمادات لغايه لما تخف
÷ لا انتى روحى نامى عشان بنتك عندها امتحان الصبح ولازم تصحيها و انا هعملها الكمادات ومش لازم اروح الجامعه بكرا
▪︎ مش من عادتك يعنى تهتم ببنت للدرجه دى .. شكلك حبيتها والله يا ادهم
÷ لا عادى انا الى حطتيها فالضغط دا ف انا السبب دلوقتى انها تعبانه
▪︎ تمام براحتك
فضل يعملها كمادات لغايه الساعه ٣ الفجر
÷ الحمدلله حرارتها نزلت
ندى كانت نايمه عالكنبه وقتها
هو كان هيموت وينام ف النوم غلبه وهو حاطط راسه جمب راس ندى بس جسمه عالارض ( كأنه نايم وهو قاعد)
* الصبح*
سمر صحيت و شافتهم نايمين كدا ف ضحكت و مرضيتش تصحى ادهم .. لبست بنتها و راحت توصلها الامتحان
بعدها بساعه ندى صحيت
اول لما شافت ادهم ازاى كان قريب منها ضربته بالقلم وهو نايم
صحى مخضوض
÷ اى الى حصل !!
- انت ازاى نايم كدا
÷ نايم ازاى
- ابعد عنى .. انت عملت فيا حاجه !!
÷ عملت فيكى اى يعنى يبنتى
- قول الحقيقه
÷ والله م مسكت ايدك حتى
ادهم بدأ يقرب منها
÷ انتى كل مره هتشكى فيا ؟!
- ابعد يا ادهم اى الى بتعمله دا
قرب اكتر
ندى انهارت و فضلت تعيط و تصوت
- ابعد عنى بقولك ابعد عنى
ادهم بعد بسرعه ( كان بيتأكد ان فعلا هى عندها مشكله نفسيه نتيجه الاغتصاب الى اتعرضتله )
÷ اهدى طيب ..
- ابعد عنى ابعد عنى ابعد عنى ابعد عنى
فضلت تكرر الكلمتين دول كذا مره وهى بتعيط
ادهم صعبت عليه حالتها
÷ اهدى انا اسف والله
وقتها سكتت
- انت عايز منى اى قول بصراحه
÷ مش عايز حاجه والله
- انا .. انا ماشيه من البيت دا
÷ لا استنى تمشى اى ..
- انت واحد مش محترم ولازم امشى
÷ والله كنت بشوف بس هل سبب تصرفاتك الغريبه هو تعرضك للاغتصاب ولا اى
- انا ماشيه بقولك
كانت خارجه برا باب الشقه بس هو مسك ايدها
÷ متمشيش .. اوعدك هخلى فيه مسافه بينا دايما
وقتها سمر وصلت الشقه
▪︎ رايحه فين يا ندى !!
÷ عايزه تمشى ..
- اخوكى مش محترم يا سمر .. كان ..كان بيقرب منى
▪︎ نعم !!
÷ والله كنت بشوف بس هل سبب تصرفاتها تعرضها للاغتصاب ولا لا عشان اوديها للدكتور وتتعالج بدل متفضل طول حياتها خايفه من الناس
▪︎ اخويا محترم يا ندى و عمره حتى م كلم بنت غير طلابه مثلا او زمايله وفحدود الدراسه .. هو غلط لما قرر انه يعمل كدا فالوقت دا بس هو دكتور وعارف ازاى يتعامل
- اخر فرصه دى ليك يا ادهم خلى بالك
÷ طيب تعالى معايا عند دكتور نفسى شاطر اعرفه عشان لازم مشكلتك تتحل
- ماشى بس بشرط سمر تيجى معانا
▪︎ ماشى هاجى معاكم
÷ للدرجه دى مش واثقه فيا !!
- ايوا
اخدها للدكتور فعلا .. بدأ يحاول يخليها تثق فيه .. ٤ شهور عالحال دا .. بيوديها الدكتور و يذاكرلها و يوصلها الجامعه و يروحها البيت بعد الجامعه لغايه لما بقت فعلا بتثق فيه و اتغلبت على عقدتها
÷ فاضل شهر و السنه تخلص .. عايزك تركزى ف امتحاناتك كويس جدا
- حاضر
÷ وبعدين هو فيه بنت ف سنك تاكل مصاصه ؟!
- ايوه عادى فيها اى يعنى
÷ مفيش
÷ طيب هل فيه بنت ف سنك تعمل ف شعرها ديل حصانين
- ايوه عادى فيه
÷ طفله
- بتقول حاجه !
÷ بقول انك طفله
ندى قامت من مكانها
- طب والله لاقرصك عشان تبقا تقول عليا طفله تانى
ادهم ضحك
÷ تقرصينى !!
- هات دراعك عشان اقرصك
÷ لء
حاولت تقرصه بالعافيه ف دراعه و هو بيقاوم
😂
😂
÷ يبنتى استنى نتفاهم طيب تقرصينى ازاى يعنى
وقع عالارض وهى وقعت فوقيه
÷ عينك حلوه اوى على فكره و بحب شعرك فكل الاحوال .. وعادى كلى مصاصه زى م انتى عايزه بحب كل احوالك
ندى قامت بسرعه
- احم احم حصل بالغلط
÷ طب مفيش بحب غمازاتك مثلا ؟!
😂
😂
ندى بصتله
- متتعدل بقا يا ادهم بدل م اعدلك
÷ لا خلاص خلاص
😂
- يلا نروح عشان اتأخرنا و اكيد سمر مستنيانا
روحو البيت
قعدو عالسفره عشان يتعشو
بفرحه ▪︎ عندى ليكم خبر تحفه
÷ قولى
▪︎ ندى متقدملها عريس بس ايييه واحد امور كدا و باين عليه ابن ناس
ادهم ساب المعلقه
÷ عريس !!
▪︎ ايوه عريس .. اى رأيك يا ندى نحدد معاد عشان يشوفك ولو عجبك نقرا الفاتحه ؟
ادهم كان بيبص ل ندى بتركيز ومستنى رده فعلها
- انا مش عايزه ادخل ف اى علاقه حاليا
▪︎قابليه بس بعدها احكمى .. الشاب طول بعرض و شعر جميل و عين ملونه وبصراحه كدا مينفعش يترفض
ادهم قام من عالسفره وهو متعصب
بعصبيه÷ مقالتلك مش بتفكر فالكلام دا حاليا بتصرى
ليه !!
ومشى وسابهم
اخويا بيغير يا ندى
😂
- اه اخوكى مش بيحب انه يشوف حد احسن منه
😂
😂
▪︎ لا قصدى انه بيغير عليكى
- طب انا قايمه
و قامت من عالسفره و راحت تنام
فضلت طول الليل بتفكر فكلام سمر وافتكرت كل تصرفاته معاها .. فعلا شكله بيحبها بس هى مش حاسه ناحيته ب اى حاجه وفعل مش بتفكر تتجوز تانى
فحياتها
كانت عارفه ان هيجى يوم و يقولها عن مشاعره ف كانت حابه تستعد من دلوقتى و تشوف طريقه للرفض متجرحهوش
ادهم خبط عالباب الصبح عشان ياخد ندى للجامعه كالعاده
- اى رأيك ف شعرى النهارده
انذهل اول لما شافها
كانت فارده شعرها و حاطه ميكب سيمبل و روج احمر و لبس كلاسيكى
- مقولتش يعنى
÷ هو انتى رايحه كدا الجامعه ؟!
- ايوه
÷ روحى امسحى الروج و الميكب الى حطاهم دول و بعدين اى البنطلون الضيق دا
- مش همسحهم .. هتوصلنى ولا اروح فالمواصلات
÷ نداااا متعصبنيش بقولك امسحى الروج و الميكب و لمى شعرك و البسى بنطلون واسع
- وانا قلتلك مش هغير اى حاجه
÷ طب تمام مفيش النهارده جامعه
- يا سمرررر تعالى شوفى اخوكى دا
واو يا ندى اى الى عملاه فنفسك دا
😂
😂
- اخوكى بيتحكم فيا كأنى اخته
لا مش كأنك اخته يا عبيطه
😉
- علينا امتحان يعنى لو انت مش فاكر .. وفاضل عالامتحان نص ساعه يعنى يدوب نوصل عالمعاد بالظبط
÷ اووف طب اركبى خلاص فالعربيه و هتخلصى الامتحان وتروحى علطول .. هتستنينى عند باب اللجنه بعد متخلصى
- ماشى يلا بس
ركبو العربيه و راحو الجامعه
الولاد كلهم كانو بيبصو على ندى وهى ماشيه
÷ عاجبك بقا الى بيحصل دا !! عايزه تلفتى نظر الشباب وخلاص !!
- انت مالك الفت ولا ملفتش
÷يارب صبرنى
وصلها لغايه اللجنه و راح هو يشوف شغله
*بعد الامتحان *
فضلت مستنياه قدام اللجنه بس هو اتأخر
قررت تروح بنفسها لان عليها ماده تانيه اليوم الى بعدو ومينفعش تضيع اى وقت
المره دى نظرات الشباب ليها خوفتها .. يمكن عشان كانت مع ادهم وحدها ف محستش ب اى خوف بس دلوقتى خايفه جدا و بتندم انها مسمعتش كلام ادهم
£ القمر ماشيه وحدها ليه
ندى سابته ومشيت
خرجت من باب الجامعه وكانت هتوقف تاكسى
£ اى الغرور دا مش معبرانا ليه
¥ تعالى بس نفسحك شويه ونوصلك لغايه باب بيتك
€ هتندمى لو رفضتى
- سيبونى فحالى
عملو حوالينها دايره
واحد فيهم مسك ايدها
£يااه عمرى م شوفت ايد ناعمه اوى زى ايدك
ندى ضربته بالقلم
- قلتلكم سيبونى فحالى !!
كانو بيقربو منها جامد
£ انتى ازاى تتجرأى تضربينى بالقلم !!
هى بدأت تخاف و بتعيط
غمضت عينها
سمعت صوت ادهم ف فتحت عينها
كان بيضربهم
كل دا والناس واقفه محدش اتدخل
ادهم ضربهم كتير بس كل مره هما بيقومو تانى
اتنين مسكوه و التالت بيضرب فيه
بخوف - ادهم !!
ادهم كان بيحاول يفلت منهم بس معرفش
ندى كانت بتعيط جامد
وقتها دكتور تانى زميل ادهم اتدخل و ضربهم جامد
الشباب هربو بعدها
ندى جريت ناحيه ادهم
بعياط - انت كويس !!
ادهم كان بيحاول يقوم من مكانه بس جسمه متكسر
÷ اه كويس متقلقيش
بعياط - انا .. انا اسفه
÷ وقفى تاكسى ..
وقفت تاكسى و حاولت تسنده وتركبه التاكسى
* فالتاكسى*
كانت لسا بتعيط .. قالت لصاحب التاكسى يقف عند صيدليه و نزلت جابت منها مطهر و شاش وقطن
بدأت تعالجله الجروح الى ف وشه وهى بتعيط
÷ دموعك مخلصوش ؟
😂
😂
- انت كمان بتتريق و انت فحالتك دى
÷ يستى مالها حالتى يعنى .. كام خدش بسيط
- انا اسفه بجد
وصلو البيت .. سندته لغايه شقه سمر
▪︎ اى الى عمل فيك كدا يا ادهم !
÷ لا خناقه بسيطه
ندى سندته لغايه الكنبه
فتحتله زراير القميص
كان فيه جروح كتير ف صدره
بعياط - انا اسفه
÷ يبنتيي والله خدوش بسيطه بطلى تتأسفى وتعيطى
بدأت تعقمله الجروح
- امسك ايدى اضغط عليها كل م تحس بالالم لغايه لما اخلص
÷ بجد !! طب يارب يضربونى كل يوم
😂
😂
ندى ضربته على دراعه بس هو اتوجع
- انا اسفه نسيت والله انهم ضربوك على دراعك
عقمتله الجروح و هو نام عالكنبه
ليه مهتمه ب اخويا اوى كدا
😉
- عشان كل دا حصله بسببى
▪︎ لا انتى كنتى خايفه اوى عليه
- يااا سمر مش وقت اسئلتك دى
عدا سنه عالحال دا .. مفيش اى جديد غير ان ادهم و ندى كل يوم بيقربو لبعض بس ندى بتنكر ان فيه حاجه بينهم .. فنظرها هو زى اخوها وبس .. كان فاضل على تخرج ندى اسبوعين
ف يوم وهما بيتعشو
÷ انا قررت اخطب
▪︎ بجد !! الف مبرووووك .. مين بقا سعيده الحظ دى
÷ زميله ليا
ندى سابت المعلقه و بصتله
- الف مبروك .. عن اذنكم انا قايمه انام
÷ ماشيي
▪︎ ازاى زميله ليك يعنى ؟! انا كنت فاكره ان قصدك على ندى
÷ شوفتى اتضايقت ازاى لما قلت انى هخطب زميله ليا ؟
البت مش معبرانى خاالص وكل اما المحلها بحاجه ترد رد يخلينى اقفل منها .. اتخيلى بقولها مش قادر اتخيل يومى من غيرك ف ترد تقول اى
بضحك ▪︎ بتقول اى
÷ بتقولى و انا كمان يا اخويا
😂
😂
😂
سمر ضحكت
÷ بتضحكى علي اي دا موقف واحد من خمسين موقف .. طب اتخيلى انى بقولها حلوه زميلتك دى ف تقولى اخطبهالك ؟
▪︎ بس طالما اتضايقت انك هتخطب زميلتك ف معناها انها بتحبك بس يمكن بتنكر مثلا
÷ يبنتى كل تصرفاتها اساسا تدل على انها بتحبنى . هى بس الى بتنكر .. دى بتفضلى باصالى طول الوقت من غير ملل
▪︎ طب هتعمل اى
÷ فحفله تخرجها هتقدملها قدام كل الناس
▪︎ افرض رفضتك
÷ مش هترفض لانى عارف انها بتحبنى
عدا الاسبوعين و ندى تتجنب ادهم خاالص
*فحفله تخرجها *
الكل كان فرحان جدا الا ندى
- هى فين البنت الى هتخطبها عايزه اشوفها
÷ هوريهالك بس مش دلوقتى
- ماشى ..
▪︎ اى يا ندى متتبسطى شويه دى حفله تخرجك
- مبسوطه اهو
* فنص الحفله*
ادهم اخد الميكروفون
÷ النهارده حبيت اطلب ايد اول بنت احبها فحياتى قدامكم كلكم
الكل كان متشوق يشوف مين البنت دى
راح ناحيه ندى
وقف على ركبته و طلع علبه فيها خاتم
÷ تقبلى تتجوزينى ؟!
بفرحه - موافقه
ادهم حضنها جامد
همس ف دونها ÷ مش هتبعدى و تضربينى بالقلم وتفتكرينى متحرش ؟ 😁😂😂
- تؤ تؤ
فخلال شهرين كانو اتجوزو
*بعد شهر من جوازهم*
- ادهم فين يا سمر
▪︎ مش عارفه والله
÷ كنتو بتتكلمو عنى ؟
😂
😂
- اه كنت بدور عليك
- عايزه اخد رأيك فحاجه اشتريتها
اديتله علبه
فتحها كان فيها لبس طفل حديث الولاده
بفرحه ÷ الى ف بالى دا صح !!
بفرحه - اه انا حامل
ادهم شالها و لف بيها
÷ انا بجد.فرحان اوى
خرج من باب الشقه وقال ب اعلى صوته
÷ يا نااااس مراتى حاامل اخيرا هبقى اب
سمر خرجت من شقتها على صوته
- يا مجنون انت بتعمل اى
😂
😂
▪︎ الف مبرووك يا ندى .. انا فرحتلكم اوى
عدت شهور الحمل وهو بيساعدها .. مكنش بيخليها تقوم من عالسرير كان بيجبلها كل حاجه لغايه عندها حتى الطبخ هو كان بيطبخ وهو مش فالشغل كان بيجيب واحده تشوف طلباتها
كانت فعلا فعلا حياتهم سعيده ومفهاش اى حاجه وحشه
*يوم الولاده*
بعياط- ادخل معايا لو سمحت انا خايفه اوى
ادهم حضنها
÷ متعيطيش اهدى انا هدخل معاكى و همسك ايدك كمان
مسحت دموعها
- بجد ؟!
÷ ايوه
دخل معاها اوضه العمليات وكان ماسك ايدها وهى بتولد ..
$ مبرووك هتسموه اى
÷ هو ولد !!
$ ايوه انتو مكنتوش عارفين !
÷ احنا مكناش عايزين نعرف لان كل الى يجيبه ربنا كويس
- هسميه يونس
÷ ماشيي اسم تحفه
روحو البيت
كان هو بيساعدها فتربيه يونس و نفس الوقت هى بدأت تحضر للماجستير .. كان كل واحد فيهم يشيل يونس شويه مقسمين اليوم بينهم و ساعدها جدا فحياتها العمليه .. وقف جمبها لغايه لما اخدت الماجستير و الدكتوراه كمان و بقت احسن جراحه ..
عايزين تعرفو حصل ايه 🥰🥰اعملو متابعه لصفحتي وعلقو كتير وانتظرو الاحداث المشوقه
الفصل ال15
متاهة حب 💃💃عرفت اسمها خلاص
= انا همشى دلوقتى بس مش هسكت .. انتى ضيعتيلى حياتى وخليتينى استناكى ٧ سنين فالاخر اكتشفت انك اتجوزتى و خلفتى وعيشتى حياتك طبيعى
- اعمل كل الى تقدر عليه هااا .. انا غير الى كنت تعرفها زمان ..مبقتش البنت الضعيفه الى كنت تقدر تأذيها بسهوله وبعدين انت الى مغفل واستنيتنى .. ليه هتحاسبنى على غبائك
مصطفى خرج من الاوضه وهو متعصب
مريم سألت عن اوضه ندى فالاستقبال و دلوها عليها
فتحت باب الاوضه
ندى اول لما شافتها حضنتها
ومريم كانت بتعيط
+ كنت خايفه تكونى زعلانه منى ...
- مفيش حد بيزعل من اخته .. بعدين لحظه اى الى ف وشك دا ؟! انتى اتخبطتى فحاجه ؟
بعياط + جوزى بيضربنى .. من سعت متجوزنا و هو بيضربنى كل لما اعمل حاجه تضايقه ولو بسيطه .. امبارح مثلا ضربنى عشان الملوخيه معجبتهوش
بصدمه - نعم !! و ازاى تسمحيله يضربك !! ليه لسا على ذمته اصلا
بعياط + عشان عيالى .. هو بيهددنى انى لو رفعت قضيه طلاق هياخد العيال منى و انا مش هقدر استغنى عن عيالى .. دول الحاجه الوحيده الحلوه الى طلعت بيها من الجوازه دى
- تعالى بس هروح معاكى البيت واتصرف مع القذر دا
بعياط + هيضربنى لو عرف انى قولت لحد على الى بيعمله فيا
فلاش باك
@ انتى يا ست انتى .. قومى اعمليلى حاجه اكلها
+ الغدا على البوتجاز متسخن وكل حاجه .. انت لحقت تجوع واحنا لسا متغديين من ساعه ؟!
قام من مكانه ومسكها من شعرها
@ انتى كمان هتعدى عليا اللقمه الى باكلها !! قومى انجرى قدامى سخنى الاكل تانى وحطيه عالسفره
بعياط + ح.. حاضر بس ارجوك متضربنيش قدام العيال
@ لو سمعتى الكلام مش همد ايدى عليكى اصلا
*و هو بياكل *
@ انت يا حمار ... وطى صوت الكرتون دا قرفتونى ف عيشتى !!
€ يا بابا لو وطيته اكتر من كدا مش هسمع حاجه .. هو على اوطى حاجه اساسا
قام من مكانه و ضرب ابنه بالقلم
@ انت ازاى ترد على باباك اصلا !!! تقول حاضر وتعمل الى بقول عليه وانت ساكت .. عيال اخر زمن
باك
- ازاى خلاكى تخافى منه بالشكل دا !! فين مريم بتاعت زمان
+ ان...انا جيت بس عشان اطلب منك السماح مش اكتر .. ياريت متزعليش منى انا دلوقتى بتعاقب على الى قولتهولك زمان
ندى حضنتها
- انا هاجى معاكى زى مقولتلك .. مش هقدر اشوفك كدا ومساعدكيش و بعدين هو فاكر بنات الناس لعبه !!
مسكت ايد مريم و خرجت من الاوضه و راحت لادهم
- ادهم .. دى اختى مريم
ب ابتسامه ÷ اتشرفت بيكى
+ مين دا يا ندى !!
- جوزى
مريم استغربت جامد بس مرضيتش تدخل فالتفاصيل
- ادهم .. جوز اختى بيضربها دايما هى و اولادها و عايزين نوقفه عند حده .. عايزه اروح لبيتها تاخد حاجتها و عيالها و اشتريلها شقه يقعدو فيها .. جيت بس اقولك عشان لما تروحلى الاوضه ومتلاقينيش
÷ استنى انا جاى معاكى .. انا هعرف اتصرف معاه الزباله دا
راحو هما التلاته لبيت مريم
كان بيت قديم جدا كأنه مبنى من ٩٠ سنه
- هو دا البيت الى عايشه فيه !!
بعياط + انا اتجوزت ف شقه حلوه ونضيفه بس ... بعد الجواز بشهرين اتعرض لازمه ماليه و باع الشقه و جابنى هنا اعيش مع عيلته
- طب وعيلته بيتعاملو معاكى ازاى
بعياط + زى الزفت .. بيعاملونى كأنى خدامه .. اغلب اليوم ببقا عند امه بطبخلها و انضفلها الشقه و بنزل بس وقت الفطار و الغدا و العشا عشان احضرله الاكل هو والعيال و وقت النوم
بعدها زادت فالعياط
+ ولو فيه يوم قلتله فيه انى تعبانه ومش قادره انزل بيضربنى بالحزام
بعصبيه - ابن الجزمه دا !! انا هعمله الادب
خبطت عالباب بقوه
و ادهم كان بيخبط عالباب ب رجله
جوز مريم فتح ( اسمه عاطف)
@ فيه اى يا وليه بتخبطى الباب كدا ليه و مين دول الى معاكى
- اى مش فاكرنى !!! انا الى افتكرتك راجل و جيت قولتلك اعتبرنى مت بس ارجع لاختى .. طلعت واحد زباله وحقير
بعصبيه @ متلمى نفسك يا وليه ازاى تتكلمى معايا كدا !!
وكان هيمسك ندى من شعرها
ادهم مسك ايده بقوه
÷ انت ازاى تتجرأ ترفع ايدك على مراتى ها !! مسكه بعدها من قميصه و ضربه بوكسات و اقلام و عاطف مستسلم لانه اصلا انسان كسول و مش قوى .. فالح بس يستقوى على مراته
÷ فين صوتك مش سامعه يعنى !!
@ يا بيه سيبنى انا بس كنت بحذرها مش اكتر
÷ امشى انجر قدامى
دخلو شقتها
الحيطان متشققه جامد و الشقه بايظه خالص .. غساله صغيره جدا و تلاجه باين عليها انها شغاله بالعافيه و حتى الانتريه ... متقطع و باهت
- هاتى حاجتك و انا هجهز الاولاد
- ازيكم يا اولاد .. انا خالتكم
€ هتضربينا زى بابا ؟ والله معملتش حاجه حتى اسئلى اختى بسمه
باسم صعب جامد على ندى
- تعالى يا حبيبى مش هضربك متقلقش .. خلاص مفيش ضرب من النهارده
بفرحه €بجد !! يعنى اقدر انام وانا مطمن ؟
- ايوه يا حبيبى يلا انت واختك ساعدونى نلم هدومكم عشان نمشى ف اسرع وقت
بفرحه € حاضر
ادهم كان واقف مع ندى وقتها ( كان خايف يسيبها لحظه😂❤)
قرب منها وهمس ف ودانها
÷ انا محظوظ والله انى اتجوزت اكتر واحده حنينه فالدنيا .. بس فكره الاخ والاخت طلعت حلوه اوى اى رأيك نجيب اخت ل يونس
ندى ضربته على دراعه
- احنا ف اى ولا اى يا ادهم .. تعالى بس الاول نخلص مشكله اختى
÷ يعنى موافقه ؟!
- بس بقا يا ادهم هخاصمك والله
÷ طب خلاص مش هتكلم تانى 😂
اخدو حاجتهم و خرجو من الشقه مع ادهم و ندى
و هما خارجين من البيت حد كب جردل ميه مش نضيفه على ندى ومريم
₩ يلا يا زباله مش عايزين نشوف حد من عيلتكم ف بيتنا تانى
ادهم اتعصب جامد وندى كمان اما مريم ف من كتر الاهانه الى اتعرضتلها اتعودت عليها
دخل البيت تانى هو وندى
طلع فوق لشقه مامته و اخته و كسر الباب
ومسكهم من شعرهم
÷ انا كنت محترم بس انكم ستات و ان مينفعش امد ايدى على ست بس كدا كتير !! مش كفايه البؤس الى عيشتو البت فيه كمان بتهينوها وهى خارجه !!
جرهم فالشقه من شعرهم
و جوز مريم واقف بيتفرج عليهم وخايف يتدخل
ندى ضربت كل واحده فيهم بالقلم
و راحت جابت حزام من دولاب اخته
- اى رأيك فالحزام دا يا ادهم .. بيلسع ؟
÷ ورينى كدا ... اه شكله بيلسع تعالى نجرب كدا
نزل بالحزام على جسم اخت عاطف
÷ الضربه دى بقا عشان تبقى تعرفى تتعامل كويس مع بنات الناس
و بعدها نزل ضرب ف مامته
÷ الضربه دى بقا ليكى يا حجه عشان معرفتيش تربى لا ابنك ولا بنتك
ندى راحت المطبخ .. كان فيه سمك بينضفوه ف طلعت السمك من الطبق الى بينضفوه فيه و شالت
الطبق( طبعا متخيلين اد اى كان مقرف)
مسكته ورمته على مامته و اخته
- دى بقا عشان الميه الى رميتوها علينا من فوق
÷ لا حلوه دى عجبتنى 😂😂
بعدها ادهم سابهم و راح ناحيه عاطف مسكه جامد من قميصه
÷ خلينى بس اشوفك تقرب من مريم او عيالها فااهم؟!! لو شوفتهم فالشارع تمشى فشارع غيره .. اقسم بالله لو عرفت بس انك جيت جمبهم ولا عديت جمبهم حتى ل هربيك من اول وجديد .. الى عملته النهارده دا بس حاجه بسيطه
وخرج من الشقه ومن البيت كله هو وندى
ندى مسكت ايد مريم
- متخافيش مفيش حد هيقدر يأذيكى تانى
مريم انفجرت فالعياط
+ انا مستهلش وقفتك جمبى ولا انك تاخدى حقى ... انا جرحتك بكلامى وكمان رضيت اتجوز واحد بعد مقولتيله يعتبرك ميته .. انا استاهل كل دا
ندى حضنتها
- انتى اتعاقبتى بما فيه الكفايه .. ٧ سنين بتتعذبى مع واحد زباله و واطى .. مش انا والدنيا هنيجى عليكى صح ؟
+ ربنا يخليكى ليا ..
ندى بعدها اشترت لاختها شقه حلوه جدا ف مكان راقى ... و اديتلها فيزا تشترى بيها الاثاث الى يعجبها
و بعدها مشيت مع ادهم
- الحمدلله كدا اقدر انام وانا مطمنه على اختى
÷ وانا الى كنت فاكر نفسى اخ مثالى 😂😂 طلعت ولا حاجه جمبك
- مين قالك انك مش اخ مثالى .. بالعكس انت اخ مثالى جداا كنت مريح سمر و بتصرف عليها هى وبنتها .. تصدق كنت بتمنى تكون اخويا اول لما شفت معاملتك ل سمر
÷ نعم !! اخوكى !! هو انا منفعش غير اخ مثلا !!
ندى ضحكت
- لا طبعا تنفع كل حاجه 😂😂 وبعدين م انا بعتبرك جوزى و اخويا وصاحبى
÷ لا مليش دعوه انا خاصمتك خلاص
- طب خلاص بقا انا كنت هطبخ محشى النهارده و للاسف يعنى شكلى انا ويونس بس الى هناكله كله
بفرحه÷ محشى !! انا مش مخاصمك على فكره يعنى
- اه طبعا اومال 😂😂 الساعه كام عندك
÷ ١١
- طيب تعالى اعدى على بابا عشان بقالى سنين مشفتهوش يدوب بتصل بيه بس
÷ هاى هاى كابتن😂
راحت لبيت باباها و خبط على الباب
اول لما شافها حضنها جامد
¥ وحشتينى يا بنتى !!
- انت اكتر والله يا بابا
- ادخل يا ادهم متتكسفش 😂😂 يا بابا دا اهم الى كنت بحكيلك عنه
¥ اهلا اهلا يبنى
قعدو مع بعض كتيير لغايه الفجر يهزرو و يضحكو
- معلش يا بابا احنا مضطرين نمشى .. سايبين يونس فالمستشفى
¥ المره الجايه هاتوه معاكم
- اكيد
¥ اتشرفت بيك يا ادهم .. انا سعيد ان بنتى قدرت تختار صح المره دى
÷ دا انا الى سعيد انى عرفت اختار 😂😂
سلمو عليه و مشيو
راحو للمستشفى عشان ياخدو يونس بعدها يروحو الفندق
- انا مش لاقيه يونس يا ادهم !! كل الى سألتهم بيقولو انهم مشافهوش من العصر
÷ طب اهدى هنلاقيه هيروح فين يعنى
دورو عليه ف كل الاوض
ندى اتصدمت لما فتحت اوضه و كان فيها مازن بيلعب مع يونس
- مازن !!
# ندى !!
يونس اول لما شاف ندى جرى عليا
× كنتى فين يا مامتى مستنيكى بقالى كذا ساعه بس عمو مازن كان بيلعب معايا
- روح لباباك يا يونس وانا جايه وراك
يونس راح لباباه كان ادهم فالاستقبال بيشوف الكاميرات
ادهم حمد ربنا انهم لقيو يونس
- عن اذنك
مازن مسك ايدها
# استنى
ندى فلتت ايدها بسرعه
- انا متجوزه يا مازن ..
# انا كمان متجوز
- طب كويس فرحتلك .. انا لازم اروح لجوزى دلوقتى
مازن وقف قدامها
# بتحبى جوزك؟
- اه اكيد
# بس انا مش بحبها
# انتى السبب انى اتجوزت واحده مش بحبها بس عشان انساكى
- يا مازن انا مكنتش قادره اثق فحد
مازن بدأ يقرب منها .. هى كانت لازقه فالباب
# بس اهو وثقتى ف حد و اتجوزتى كمان .. هو مميز عنى ف اى مثلا عشان تختاريه ؟!
- مازن انت شكلك مش كويس دلوقتى .. نبقا نتكلم بعدين
بيقرب اكتر
# كان نفسى اكون ابو يونس
- يا مازن .. انت بتقرب جامد
# عارفه ... مراتى كانت حامل قبل منتجوز و مقالتليش .. عشان كدا هى كانت مستعجله على جوازنا .. دبستى فالولد و كتبته ب اسمى ... بقالنا ٤ سنين متجوزين .. اكتشفت انه مش ابنى بعد ٣ سنين .. عارفه ازاى ؟! .. اخدته النادى عشان يفرح شويه واعوضه عن الاوقات الى مشغول فيها عنه و .. وقع اتخبط جامد ونزف ف اخدته للمستشفى و قلت هتبرعله بالدم بما انى ابوه بس قالولى انه غير متطابق و انه اكيد مش ابنى ... عارفه لما واجهتها قالتلى اى ؟! قالتلى انها كانت خايفه تنزله و خايفه تقولى ف اختارت انها تتصرف كأنه ابنى ..
- مازن انا اسفه على الى حصلك بس انا اى ذنبى فيه ..
مازن اتعصب و ضرب ب ايده عالباب الى هى لازقه فيه
بزعيق و عياط # ذنبك انك هربتى و خليتينى اتجوز واحده مبحبهاش .. انتى دمرتيلى حياتى
قرب منها اكتر واكتر
بس عادى انا هاخد منك كل حاجه انا عايزها .. هاخد حقى و تمن قهرتى لما اختفيتى وسبتينى
- يا مازن ابعد بقا فوق
يتبع..... الفصل 16
متنسوش متابعه لصفحتى الشخصية راقي الحرف
ليصلكم باقى الفصول فور نزولها عرض أقل
تعليقات
إرسال تعليق