الحلقة الثانية عشر
اميرة في بيتنا
اميرة قلبي
(داخل شقة حسن وداليا)
داليا : هو اخوك ليه بيدافع علي بت حسين
حسن: يمكن عشقها
داليا: بنت حسين طلعت مش ساهله وعرفت تضحك علي يوسف
حسن: الغريبه جدى سكت على الموضوع
داليا: جدك انا عارفه من الاول مش هيعمل حاجه لو ناوى علي حاجه كان عملها من زمان المهم عملت اي في اللي قولتلك عليه
حسن : داليا نهدى اللعب شويه هو انتي مش شيفه الجو لوحده مكهرب
داليا : محاوله اقناعه. بالعكس هو دا الوقت المناسب جدك مشغول في اللي عمله حسين ومش هياخد باله قولي عملت ايه مع الراجل
حسن : جدى مش بيتعامل مع الراجل ده حصل مشكله بينهم السنه دى جه ليا وانا هبعله المحصول منغير مايعرف جدى وهقوله بعته لواحد مش من البلد والفلوس الزايدة هخدها واحطها في حسابى
داليا : بفرح ايوا كدا عيزاك دايما مفتح دا حقك وحق عيالك
حسن: والله حاسس اللي بعمله حرام
داليا،، هو بعد اللي عمله يوسف بتقول حرام دا عايز ياخد السنيورة ويمشي وبعد عمر طويل لجدك هييجى عشان ياخد حقه
حقه اللي متعبش فيه ولا سهر الليالي اطمن يا حبيبي كل اللي بتعمله عين العقل
حسن،، ربنا يستر وتعدى علي خير
داليا،، هتعدى باذن الله
في الصباح الباكر
( في شقه يوسف)
يوسف: فتح الباب عندما سمع رنات الجرس مرحبا
اهلا اهلا اتفضلوا
محمود: صباح الخير يا دكتور
يوسف : صباح النور اتفضلوا
جلال: معلش جيين بدرى
يوسف: دا بيتكم. وبيت اختكم دخل محمود وجلال واجلسهم في الصاله
جلال: هى اميرة لسه نايمه
يوسف: هى في العاده بتصحي بدرى بس بالليل اتاخرنا في النوم شويه
كانت بتراجع شوية حاجات
محمود : اميرة ملهاش ذنب في اللي بيحصل
يوسف : منغير ما تقول محدش يقدر ياذيها بكلمه واحدة
جلال : احنا اتفاجانا باللي عمله ابونا ولو محرج من الموضوع احنا ممكن ناخد اميره معانا
يوسف : بضيق تاخد اميرة ليه
جلال : اقصد يعنى "" "" "
وقبل اي ينطق باي كلمه اخرى
يوسف: اميره مش هتروح لمكان تانى مكانها هنا وهتعيش طول عمرها هنا
محمود : هو يقصد اهلك اكيد وخدين موقف من ابونا
يوسف : اهو قلتها ابونا يعنى اميرة برة الموضوع
جلال : واختك ليه مش بره الموضوع
يوسف : اكيد تقصد امل
جلال : هو فيه غيرها اتصلت بيا وقالت كل واحد يروح لحاله حاولت افهم الموضوع اختك رفضت وقالت افهم لوحدك
يوسف : مظنش امل تقصد اللي حصل امل مكبرة دماغها من موضوع عمى
جلال : امال افهم اي تقصد من كلامها
يوسف : اكيد حصل بينكم حاجه
جلال : محصلش ولا حاجه اليوم اللي قبل ما قالتلي الكلام ده كنا زى الفل
يوسف : طيب سبها تهدى شويه وهي لوحدها هتكلمك وهتعتزر
وقد اتى صوتها الذى اسكت الكل
امل : وانا مش هكلمه تاني ومش هعتزر
جلال: طيب قدام اخوكي انا زعلتك في حاجه يا بنت الناس
امل : اسال نفسك عملت اي
يوسف : بشخط اتكلمى عدل لما تتكلمى مع خطيبك وازاي دخلتى وليه مخبطيس
امل : الباب كان مفتوح
ومنعا لاحراجك واحراج ابويا انا جيت اخلص الموضوع مع استاذ جلال
جلال: بدهشه استاذ جلال
امل : ايوة استاذ من النهاردة انت اخو اميرة وبس اى حاجه تانى لا
جلال : دا اخر كلام عندك
امل : ببكاء محاوله الامساك
ايوا اخر كلام
جلال : اعتدل في وقفته وبكبرياء
مدعي
علي رحتك يا انسه امل عن اذنكم
ونظر الي محمود ابقي سلملى علي اميرة
وخرج مسرعا الي الخارج وخرجت امل مسرعه الي شقتهم وهى بدموع متساقطه وقلب ينذف بالدموع
يوسف : باسف معلش يا محمود ابقي هدى اخوك وافهم منه اي اللي حصل وانا هفهم من امل
محمود : هحاول افهم الموضوع
اميرة.: بفرح واسرعت الي حضنه حودة وحشتنى خالص كلكم وحشتوني خالص
محمود : وانتي كمان وحشانا كلنا
يوسف : طيب انا هسبكم مع بعض شويه
محمود : عادى يا دكتور مفيش اسرار
يوسف : ههههه ما انا عارف بس وراى وجبات كتير عايز اخلصها
محمود: بدهشه وجبات
يوسف.: اقصد اصحح تمارين اميرة اللي بتخلصها لما تذاكر
محمود : ماشي اتفضل وربنا ينجحك وينجحها
يوسف : هههههه يارب
وذهب يوسف الي المكان الذى اعتادت اميرة المذاكرة فيه
محمود : بهمس عايز منك طلب
اميرة : ببتسامه انت تؤمر يا حودة
محمود.: بتردد تنادى لمنال منغير ما تعرف انى هنا ولا تعرفي حد ولا تحسسى حد انى عايزها
اميرة : بدهشه ممزوجه بحيرة وتساؤل انادى منال سر ليه
محمود : بجديه منغير ليه هي كانت عايزة تسال عن حاجه وانا سالت عنها وعايز اشرحها ليها
اميرة : طيب قولي عليها وانا اقولها
بقلمى زهره الجبل
محمود : بزهق لا لازم انا اقولها بنفسي
اميرة : بحيرة من امر محمود
حاضر هروح اناديها ربنا يستر ومحدش يحس بحاجه طيب اروح اقول ليوسف احسن يخرج وميلقنيش ويزعقلي
محمود : يوسف مش هيخرج دلوقتى
ولو خرج قوليله كنت بسال امل حاجه بخصوص جلال
اميرة : حاضر يا حوده
محمود : اوعي تنسي انا مش موجود هنا
اميرة: طيب هقولها اي
محمود : اى حاجه يا اميرة هو انتى هتغلبي
وبتفكير قوليلها تعالي عايزة اخد رايك في حاجه في المطبخ
اميرة.: بتنهيدة ياس حاضر
ذهبت اميرة الي شقه صالح
اميرة: صباح الخير
عاصم: ببتسامه صباح النور اتفضلى
اميرة.: اصل يوسف لسه مفطرش ممكن تنادى منال وتقولها اميرة محتجاكى ضرورى
عاصم : بس كدا حاضر يا دكتور ه اميرة
اميرة.: بهمس يارب
وبعد لحظات
منال : واقفه بره ليه تعالي ادخلي جوه
اميرة.: عايزاكى في حاجه ضرورى في المطبخ
منال : دلوقتى دلوقتى
اميرة.: اه. معاكى حاجه ضرورى ولا اي
منال : كنت هفطر العيال عشان اوديهم عند جدهم بس طالما ضرورى هقول لامى تفطرهم
اميرة : ماشى انا هسبقك ابقى تعالي
منال : وراكى علطول
(داخل غرفه اولاد صالح)
عاصم: هتفضل كدا متكلمنيش
لم يرد عمر واكتفي بنظرات غضب ادار عمر وجهه الي الناحيه الاخرى
عاصم.: طيب انا ماشي بس صدقنى يا عمر انا مش خاين
قال الجمله بحزن شديد والم
وبهمس انا عاشق بجد
وبصوت عالي سلام عليكم
بعد خروج عاصم في الهاتف
عمر : السلام عليكم
ولاء.: بزهق وعليكم السلام
عمر.: ازيك يا ولاء اخبارك اي
ولاء : بلا مبالاه تمام يا عمر
عمر : ولاء ممكن اسالك سؤال
ولاء : واي بقي السؤال ال خلاك تفتكرنى
عمر : انتي عمرك ما رحتى عن بالي ديما في بالي ديما بفكر فيكى
ولاء : وايه لازمه الكلام دا دلوقتي
عمر : ولاء انا عايز اطلبك اي رايك لو مش حابه تردى دلوقتى برحتك خدى وقتك
ولاء : بصدمه عمر انت بتقول ايه
عمر : خدي رحتك في الرد مترديش دلوقتي
ولاء : من غير ما افكر انت اي واحدة تتمناك
بقلمى زهره الجبل
عمر : بس انا بتمني واحدة
واحده مخلياني افكر فيها ومفكرش في غيرها انا عايزك انتي
وبعدين انتي رافضانى ليه عشان عاصم صح
ولاء : مش عشان حد انا مش بفكر غير في الدراسه وبس
عمر : وعاصم
ولاء: قولتلك مش بفكر في حد
عمر: هو انتى كلمتى عاصم بالليل
ولاء : بتردد لا اقصد ايوة
عمر : اه ولا لاء
ولاء : عمر معايا محاضرة مهمه وعايزة احضرها
عمر : طيب اخر سؤال
ولاء : نعم
عمر.: لو فكرتى في الجواز هتفكري في مين انا ولا عاصم
ولاء.: بزهق ولا انت ولا عاصم
عمر : ريحتي قلبي
ولاء : عن ازنك بقا سلام
عمر : برتياح سلام
(في شقه يوسف)
محمود : ها قالتلك اي
اميرة : هتفطر الولاد وهتيجي ورايا
محمود.: بغيظ وليه مقلتلهاش عيزاها في حاجه مهمه
اميرة: ما انا قولتلها وقالت اهو جايه وراكي علطول
محمود.: طيب اول ما تيجي تسبينا وتروحي تلاهي يوسف شويه
اميرة : برفع حاجب بدهشه ليه دا كله
محمود : بعدين هتعرفي
اميرة : ماشى وسمعوا صوت منال
منال : اميرة اميرة انتي فين
اميرة : تعالي يا منال انا في الصاله
منال : اهو جيت يا .....
وقبل ان تكمل جملتها رات محمود ولم تستطيع النطق من الصدمه
منال : محاوله الامساك
ازيك يا استاذ محمود
محمود : الحمدلله يا مدام منال
وشاور لاميرة لكي تتركهم بمفردهم
اميرة.: احم طيب انا هروح اشوف يوسف عن اذنكم انا مش هتاخر
لاحظت منال ما فعله محمود
بعد خروج اميرة
منال : محمود اي اللي انت بتعمله دا هى اميرة عرفت حاجه وافرض حد شافنا لوحدنا اي هيكون العمل
محمود : اميرة معرفتش حاجه ومحدش هياخد باله خلينا في المهم هتفضلي لحد امته مكبرة منى ومطنشانى هو انا غلطان عشان قولت اللي جوايه
بقلمى زهره الجبل
منال : برجاء يامحمود افهم مجرد التفكير في الموضوع غلط
محمود : بغيظ واي الغلط في الموضوع انا قولتلك انى معجب بيكى وعايز ارتبط بيكى بعد ما اطلقتى ولو مطلقتيش مكنتش هقولك يعنى محدش فينا عمل حاجه غلط وانتي مكنتيش تعرفي قوليلى بقا فين الغلط
منال : بخوف محمود امشى دلوقتى لحد ياخد باله وتبقى فعلا مشكله وملهاش حل
محمود : انا مستعد امشي بس افتحي فونك وردى عليا
منال : بياس حاضر حاضر بس يلا امشي لحد يشوفنا كفايه عليا بسمه بنت عمي
محمود : عملتى معاها اي
منال : بعدين بعدين امشي دلوقتى ونادى علي اميرة لتشك في حاجه
محمود : اميرة اميرة
اميرة : بنظرات حزن والم نعم يا محمود
محمود : نظر الي اخته. وجد وجهها حزين مالك
اميرة : لا ابدا بقالى كام يوم تعبانه من المذاكرة
محمود : كلي كويس ونامي كويس
اميرة: حاضر
محمود : انا ماشي نادى علي يوسف اسلم عليه
بقلمى زهره الجبل
اميره : حاضر
سلم محمود علي يوسف ورحل
اميرة : منال عيزاكى في حاجه في الاوضه
منال : تعالي يا ستى في الاوضه
في غرفه اميرة
اميرة : بحزن ليه يا منال
منال : بتردد وخوف ليه اى
اميرة : ليه محمود انا سمعت حوركم بس غصب عنى لما دخلت علي يوسف الاوضه طلب منى عصير من المطبخ وغصب عنى سمعت كلامكم
منال.: بصدمه لا يا اميرة انتي بالذات تعرفينى والله ما في حاجه بينا
اميرة : وهي تبكى ملقتيش غير محمود
منال : بصدمه ملقتش؟ تقصدى اى تقصدى انا خليت محمود،يحبنى
اميرة : ابعدى عن محمود يا منال
منال : بدموع متساقطه طالما عرفتى يبقى قولى لاخوكى يبعد عنى
اميرة : بحزن شديد هو هيبعد لو انتى بعدتى
منال : برجاء والله يا اميرة انتي فاهمه غلط صدقينى انا مليش ذنب بس حاضر هعمل اللي هقدر عليه عشان محمود يبعد عنى عن اذنك هشوف الاولاد
بقلمى زهره الجبل
رحلت وهي كلها حزن والم الكل يحملها ذنب لم ترتكبه
حاولت اميرة التماسك امام يوسف فهى تري تنهى الموضوع بدون اى احد يحس بالموضوع
خرجت اميرة الي يوسف الموجود في الصاله
اميرة : احضر الفطار الكل جه قبل ما نفطر
يوسف : يأتى الليل فأتمنى النهار لكى اراك واستمع الي حديثك الذى لا امل منه
ثم ياتى االنهار فاتمنى الليل لكى ادارى فيه اعجابى بك اخاف انا يروا اهتمامى بحديثك وبرؤيتك
اخاف يدركوا انا اشتاق كل يوم الى نصيحتك وكلامك معى لا اعلم هل يحق لى ان اتمناك لى لوحدى ام هذة انانيه منى
كل الذى اعلمه اننى اتمناك تكون لى في الحقيقه لا فى خيالى الذى تاتى اليه كل حين واخر
ونظر الي اميرة وجدها واقفه مصدومه ومندهشه
يوسف: لسه بتتمنيه يكون ليكى لوحدك لسه فى خيالك
اميرة: بصدمه فين لقيت الدفتر دا
يوسف: لقيته وسط الكتب والكرسات اللي ديما بتذاكرى فيهم حطاه وسطهم ليه للدرجه دى الدفتر دا عزيز عليكى وبيفكرك بالماضى
وسكت وبالم
ولا بينسيكى الحاضر ويصبرك عليه
اميرة: بدموع في عنيها
يوسف الحاجات دى من الماضي وانت الحاضر
يوسف : الحاضر المؤلم اللي انتى عيشاه اللي اتغصبتى عليه
اميرة.: ببكاء يوسف انت الحاضر ومش بفكر غير فيك وبس
يوسف : بصوت عالي
وحاطه الدفتر وسط كتبك ليه مش عشان يفكرك بالماضى مش عشان يصبرك علي حياتك معايا
اميرة: ببكاء يوسف انت فاهم غلط انت __
يوسف قبل ما تخلص جملتها
اميرة: احنا لازم نسيب بعض وترجعى لحياتك ومستقبلك وحبيبك اللي مسهرك الليالى
اميرة : بصدمه نسيب بعض يوسف انا __
يوسف: بصوته العالي خلاص انا قولت اللي عندى في اقرب فرصه هكلم اهلى واهلك
اميرة : بخوف وصدمه ودهشه ورعب من اللي جاي
يوسف والله اناــــــ
يوسف : خلاص خلص الكلام
وتركها في حيرتها وصدمتها ودهشتها وذهب الي غرفته
ظل يوسف حوالى نصف ساعه يفكر فاميرة وحبها الاول كما يسميه قطع تفكيرة الطرق علي باب غرفته
يوسف : بشخط سبينى لوحدى شويه
زهرة الجبل
تعليقات
إرسال تعليق