البارت الاول والثاني
#المشكله _والعنيد
بقلم منه محمد
حست بفرو ناعم بيلمس دراعها..لفت متضايقه للناحيه التانيه وبنبرة تهديد..
:لولا ابعدي عني احسن لك....
لكن لولا رجعت ولزقت فيها وتتمسح فيها بكل حنيه...
فتحت عيونها الي رايحه في النوم..وابتسمت بخبث.......وفجأأأأأه لفت عليها بسرعه وصرخت فيها..
:لولا قلت لك ابعدي عني...
وبسرعه رهيبــــه نطت لولا وهي بتصرخ بنبرة خوف"كيييييييييوك" واتخبت تحت السرير..
ضحكت عليها من كل قلبها بضحكتها اللي كلها رقه ونعومه ::ههههههههه يا حلوه ولولا بتترعش..
بعدها سمعت خبط على الباب..
.....:نسمه يلا قووومي عشان المدرسه..
ضحكت نسمه:طالما عشان المدرسه ..صحيـــت خلاص ..
حسناء الخدامه وبلهجه عربيه مكسره: انتي واجد كويس يالا..
قامت نسمه من السرير ومددت ايديها شوي رفعت الملايا ..وبعدها ااعدت على الارض وبصت من تحته
:لولا حبي فزعتك معلش تعالي حبي بهزر معاك..
لولا اتعلقت اكتر بزاويه من السرير..
نسمه ابتسمت: خلاص لولا come here...i'm sorry come..
قربت لولا بحذر بأتجاه نسمه...ونسمه تشجعها...
نسمه :يلا coman....
وصلت لولا بفروها الابيض الثلجي وعيونها الخضره المولعه مع شريطه تلف حوالين رقبتها فيها جرس يصدر موسيقى مع كل حركه منها...
نسمه شالتها بكل رقه على ايديها وقربتها لصدرها وهي تمسح عليها بحنان:والله انتي طلعتي خوافه ههههه..
وبعدها حطتها على السرير ودخلت الحمام تاخد لها شور صباحي منعش...
.......منه محمد.........
بعـــد دقـــايق.
حطت نسمه اللماسات الاخيره من الميك اب الصباحي ..اللي هو واقي شمس ..كحل خفيف..ماسكرا وشوية روج على شفايفها الورديه الصغيره.. والخدود ورديه طبيعة مش محتاجه لبلوشر..
لبست تيشرت اصفر فاقع ظهر بياض بشرتها وعليه قيمص المدرسه المخطط ابيض ورمادي مع الجيب الرماديه ..والشوز اصفر فاقع مع لمعه.. مع شوية اساور في ايده اليمين..وساعه شيك في الايد الشمال وكام تعليقه على رقبتها باطوال متعدده..
حركة شويه شعرها اللي خليته كيرلي بعد جهد جهيد لان شعرها ناعم ومستحيل يتعمل فيه شي ومع حركتها زادت مساحته وطلع احلى واجمل
ومع رشة برفن بالفواكه ختمت مشوار التجهيزي للمدرسه واخدت شنطتها ونزلت..
في الصاله
في مكان اكبر مما يقال عنه اسم صالون بأثاث احدث الموديلات ومصنوع مخصوص ليناسب الذوق العام للبيت..بفخامة اللوحات والتراث..وحتى مفارش التربيزات..وكل شي يدل على ان مالكه يملك من الخير الوفير والثراء الفاحش اللا منتهي
يتوسط المكان هيبه وشخصيه..صنعت نفسها بنفسها ..لها اهميتها في القصر ..اقدر اقول عنه القصر وفرضت كامل سيطرتها جواه واتعدت حدوده الى خارج القصر .
اتربعت في القصر سنوات فكانت سيده عرشه الاولي والآمر والناهي الاول والاخير وبكل صرامه..
وبصوتها الراقي المغنج: حسناء.....الفطار جاهز؟؟
ونزلت رجليها عن الرجل التانيه ..مع اجابه حسناء عليها
......:yes'madame..
وقفت بنفس الهيبه متجهه للمكان المنشود عنه ..واللي يعتبر عاده يوميه تتكرر بشكل روتيني..نفس السؤال وتقريبا كل يوم نفس الاجابه ..لا جديد..ولا يوجد مجال لتجديد..
أأعدت على جهه اليمين في مقدمه السفره..تقديرا ظاهريا فقط للي هيقعد علي راس السفره العظيمه ..اللي تاخدنا للعصر الروماني .
نزلت نسمه وهي بتغني اغنيه تعبترها جزء من صباحها اليومي:جوايآ ليك احساس بيكبر كل يوم..العين تنام ووالقلب عمره ماجاله نوووم..من كتر شوقي ولهفتي شايل هموم.."وختمتها بجمله"...صباحو mame..
ردت امها بابتسامه: صباحو يا احلى احساس..
ضحكت نسمه :اموت علي الروقان انا..
امها بسرعه: دايما انا رايقه...فين اختك هبه؟؟
نزلت نسخه تانيه ما تبعدش عن اللي أأعده قصاد امها الا من ناحية الستايل بس:انا هنا مامي..
مشت وبكل دلع وميوعه وباست امها :صباح الخير مامي..عامله ايه ؟؟
امها بنفس الابتسامه: صباح النور حبيبتي..لما شوفتك بقيت احسن..
وااعدت هبه بمكانها الدايم جنب
نسمه..مافيش فرق كبير بينهم زي ما قلت الا بالستايل والروح..
نسمه شخصيه برئيه طيبه..ويبان عليها من لبسها وحركاتها العفويه..
عكس هبه اللي كل شي فيها اوفر حتى بقصة شعرها القصيره ومقصوصه بشكل غريب وحاد..
بصت الام في ساعتها: فين البقيه؟؟؟ اتاخروا !!
لمحت نسمه الاسانسير بيفتح وطلع منه تلاته..
وبسرعه قالت بفرح ممزوج بالخوف قبل ما يحصل أي مشاكل: وصلوا البقيه..
الشخص الاول قعد علي راس السفره ..اللي يشوفه لاول وهله يحس بطيبة قلبه..لكن الظروف وحكم القدر عليه اجبرته يغير كتيـر من طبعه ..
اختصر عليهم لحظات الانتظار بكلمه: صبــاح الخير ..
الام بعدم اهتمام: صباح النور..
التوأم بابتسامه: صباح الخير dadi..
اقعد جنب ابوه على الشمال شخص يبرز شخصيته اكتر من الكل له كلمه مستحيل تتني ..حضور طاغي ..شخصيه مهيبه..تجبر الكل انه يتكلم معاه بكل ادب وأحتراااام..
والاحساس ده تقريبا عنده معدوم...واحب اطلق عليه الراجل الفولاذي..
قال بصوته الضخم والرزين :صباح الخير جميعا..
هبه بميوعه :هاي كرم فينك من زمان .
لف عليها كرم بدون أي تعبير مرسومه على وشه ولا حتى ابتسامه: الشغل واخد كل وقتي..
وبكدا الحوار انتهى ولا يمكن يطول لانه مستحيل مع كرم..
وقعد بالاخير..الطرف التالت الاهدي والاضعف واللي مغلوب على امره بين الكل..سبحان الله بعض الاحيان الطيبه تاخد مجرى غير مجرها الطبيعي احيانا تتحول لضعف في بعض الاحيان وخصوصا في وقتنا الحالي!!!!!.
سالي الام: ريهام..اقعدي ..خلينا نفطر ..أتاخرنا..
قعدت ريهام ورجعت نظاراتها الطبيه لوراه بطريقه معتاده: صباح الخير ..
الكل باصوات مختلفه: صباح النور..
بصتلها هبه بقرف من فوق لتحت بنظره احتقار وهمست لتوأمها: نسمه شوفي لابسه ايه والله فضحتنا .
نسمه عاوزه الفطار يعدي على خير:هبه الله يخليك اسكتي لا يسمعك كرم ولا امي والله انا ما ناقصه مشاكل على الصبح
رفعت ريهام راسها وبصتلهم..حست انها المقصوده بالكلام بس ما اهتمتش..
ريهام كانت لابسه بلوزه عاديه جدا جدا وبنطلون جينز وبدون أي لمحه من الميك اب وشعرها الناعم رابطته ديل حصان..وده هو ستايل ريهام المعتادعلى قد جمالها..الا انها اخر اهتمامها لبس ولا ميك اب..وهي في قمة الرضا عن نفسها..
وقف كرم بسرعه وبص في ساعته من جهه ويشرب من كاس الشاي من جهه تانيه :الحمدلله ...بابا انا رايح على الشركه ..اشوفك هنا
ابو كرم هز راسه لدلاله على انه وصلته المعلومه..
سالي عيونها ع كرم وهو ماشي لحد ما اختفي تماما
بعدها لفت على بناتها بصرامه: يالا انتوا كمان على المدرسه..لا تتاخرو ركزو انتوا اخر سنه ليكم وعاوزه نسبه تشرف و ترفع الراس..
نسمه : من عيوني ماما.."وقامت"
هبه بملل: ياربي على المدرسه والله دي هم..
سالي ما عجبهاش الكلام لانو هيأثر على برستيجها العام قدام الناس وقالت بنبره حازمه:هبه كفايه اهمال ..وخليك منضبطه قلت اهم شي نسبه تشرف وترفع الراس يعني ترفع الراس مفهوم
هبه عدلت وقفتها وبربكه: اوك مفهوم...يالا باي
واخدوا الاتنين شناطهم وركبوا العربيه مع السواق
هبه :ياربي الدنيا حر لازم مدرسه ..
نسمه ما ردتش عليها لانها مالهاش علاقه باختها وهي حره بتصرفاتها..
طلعت هبه موبايها وابتسمت بمكر واتصلت..
هبه بدلع بايخ: الو بيبي..
....:اهلا بيبي صباح الخير
هبه: هههههههه اياد فينك؟؟
اياد: انا قريب منكم...لفي يمين..
هبه بابتسامه خبيثه: اوه بيبي ايه المفاجاه دي.
اياد بضحكه خبيثه وهو يشوف جمال هبه اللي مستحيل حد يشوفه ويخليه يعبر بدون لو حتى تعليق:هههههه مش انا بحب المفاجات..
وكملت هبه كلامها مع اياد..وهي متاكده وتثق مليوون بالميه انه كله كلام في كلام طاير في الهوا..
لفت نسمه وشها عن اختها مستائه لانها بترفض النوع ده من الاختلاط ولا بتعجبها ابدا وغير شخصيتها بالمره..
....
في عربيه كرم نزل المرايه يظبط شعره..ولبس النظاره اللي تحكي عن فخمتها بدون أي تشكيك..
وفتح الدرج واخد البرفن الماركه واتبرفن وبعدها حرك العربيه باتجاه الشركه..دخل الشركه بيصبح على الكل والكل يصبح عليه..والكل وقف له بكل احترام بما انه اكتر احترام منهم ومع الجميع..
على انو فولاذي الا انه مش متغطرس ولا قليل الذوق..كان في قمه الذوق والاحترام والادب..
فتح السكيورتي الاسانسير..دخل كرم ودخل معاه الحارس الشخصي
ضغط على الدور الرابع ...وصل الاسانسير طلع منه اتجه يمين اخر المكتب على الشمال دخل معاه..
وقف له السكرتير باحترام: صباح الخير يابيه..
كرم وقف للحظه: اهلا ياسر صباح النور..جهز كل البريد وجدول اليوم وجيبهولي من فضلك .
ياسر: امر جنابك..
وبعدها دخل كرم مكتبه وأأعد على كرسيه
.......
في القصـــــــر..
وقف سَيار ابو كرم: الحمدلله...ريهام يا قلب ابوك تحبي اوصلك..
سَيار بيمووووت في شي اسمه ريهام كانت هي اقربلو من كل بناته او حتى مراته نفسها..دايما تحن عليه وتسال عنه ودايما في صف ابوها..
ريهام بحب: لا ميرسي يا بابا صاحبتي هتعدي نروح سوي
سالي: ليه ما راحتيش مع السواق؟؟
ريهام: ماما صاحبتي حتفوت عليا وعشان ما أأخركش..
سالي وهي تخفي حنانها عن ريهام لانها بنت ابوها: براحتك..
سَيار اللي حس ان سالي ازاي بتحرم نفسها من بنتها عشانه:يالا بالاذن..
ريهام : وانا كمان مع السلامه ماما..
سالي :مع السلامه..حتى انا هروح اجهز نفسي عندي اجتماع مهم اليوم..
ريهام بفضول وهي ماشيه:عن ايه؟؟
سالي: عن تألق سيدات المجتمع..جايه واحده اجنبيه وبتلقي المحاضره عن الموضوع!!!!! ..
ريهام ابتسمت لتفاهة الموضوع بالنسبه لها: بالتوفيق..
سالي: تعالي معايا هاستفيدي كتيييير..
ريهام اللي فهمت قصد امها في انها بتحاول تطورها على على حد قولها: لاشكرا عندي شغل باي..
سالي: باي.. ونفخت مش عارفه امتى البنت دي بتغيير وتنتبه لسنها ..الناس تهتم لنفسها وهي دافنها نفسها يا بين الشغل أو الكتب..
وطلعت سها غرفتها تجهز للمحاضره اللي حتنضم فيها اكبر سيدات المجتمع ..
ريهام وهي واقفه بالجنينه اللي خارج القصر..واللي منظرها يبعث الحياة وتجدد نشاطه..
ريهام:فينك يا بنت؟؟
منار صاحبة ريهام: انا قريبه ..يالا وصلت اطلعي..
ريهام طلعت برا القصر لان الدخول له اصعب له قوانين خاصه بسالي هانم وركبت العربيه
وبصوت هادي: السلام عليكم..
ردت منار: وعليكم السلام اهلا وسهلا ولفت على اخوها" عبدالرحمن رد السلام واجب..
عبد الرحمن بحيا: وعليكم السلام..
ابتسمت ريهام من تحت لتحت وهي مدوره وشها لانها عارفه انه مش هيرد عليها لشده احراجه منها..
شغل عبد الرحمن الراديو على اذاعة القران الكريم..
وكانت عماله تتكلم عن موضوع شيق ..وهو عن الصبر وفضله ..واستمع الكل للاذاعه بكل انصات لانه فعلا موضوع يستحق الاهتمام
لحد ما وصلوا لمركز عملهم ..كان مستشفى خاص...
وكل واحده دخلت على مكتبها ..ريهام الاخصائيه النفسيه فيه..
ومنار كانت موظفه اداريه..
وباشرت كل واحده عملها بكل حب واجتهاد..
......
نفس الصباح اللي مَر على القصر وحياة البذخ فيه..
مّر على بيت متّواضع جدا في واحد من الاحياء اكتر تواضع من القصر الفخم..كتب لهم رب القدر وضع المعيشه كابلاء واختبار عشان رب العالمين يعرف مدى صبر عباده وقوة ايمانهم ..وشكره وحمده على كل حال ..سواء كان في السراء ولا الضراء..
تعالو ندخل جوه البيت المتهالك الي يصعب اننا نطلق عليه اسم بيت..اعياه الزمن وافقده شموخه سابقا..
داخل اوضه من اوضه بالتحديد.
....:يالا بقي قومي بلاش كسل..
....:شوي شوي..ربنا يخليك والله دقايق..
...:ابتهال بسرعه قومي والله مانا ناقصك انا اصلا متوتره لوحدي..
رمت ابتهال البطانيه المتهالكه بمرور السنين: خلااااص قمت ارتحتي ست فتون
فتون ابتسمت: ايوه ارتحت .يلا قومي روحي الحمام لاني عاوزه ادخلو بسرعه ولا تنسيش ان وراكِ طابور..
ابتهال: يارب يجي فارس احلامي اللي يخلصني وينجدني من القرف...
رمتها فتون بالمخده:روحي ..روحي بسرعه خلصينا انتي والفارس اللي بيكره حياته اذا شاف خلقتك وانتي صاحيه من النوم..
راحت ابتهال بسرعه ورفعت المرايه او نقول جزء من مرايه مكسور نصها وشافت نفسها..
ابتهال بتملك من الملامح الجذابه كتير..اللي يشوفها ل اول وهله يحس انها جميييله لكن لو بيدقق اكتر بيكتشف انها بس حلوه فقط..
قالت باعجاب: والله يحلم يتصبح بوشي.
فتون بصتلها بفارغ الصبر: ارجعي كدا ورا قبل ما تخلصي علينا بجمالك
حطت ابتهال المرايه على الارض وراحت وهي شارده بتفكر بفارس الاحلام اللي شكله هيبقي حبيس احلامها..
فتون وهي حاسه بنار العيشه اللي هما فيها..اللي كل ما قالوا فرجت جالهم هم اكبر من التاني...اتخرجت من الجامعه واتوقعت انها هتتوظف على طول..وكانت كل امالهم ومخططاتهم مَبني عليها وعلى تخرجها ولكن للاسف كل الظروووف ضدها..
بس ما زالت معلقه خيوط الامل على وظيفة اليوم..
بعد التخرج والتعب والجهد ومحصول السنين..قدمت على الوظيفه اللي تحمل رقم(؟؟؟)..اللي ممكن نعد ونغلط فيه..واخيرا طلبوا يقابلوها..واذا اجتازت المقابله هتتعين فيها..والوظيفه دي راقيه ومراتبها اكيد هيكون مغري..
قطع عليها حبل افكارها صوت اخوها اللي اتخرج السنه دي من الثانويه ولا لقي شغله ولا جامعه..لان نسبته ما كانتش تسمحلو بدخلوها..
...:انتي لسه ماا خلصتيش؟؟
فتون نفخت : وعليكم السلام..لا لسه سيد سامح ..
سامح كشر ونفخ: ياليل..امتى تبطل العاده المنيله دي..لازم تقعد سنه..
ما خلصش جملته الا لقي ابتهال قدامه: خلصنا خلاص ..حتى الحمام ما تخلوش الواحد يسترخي..
فتون تلف حواليها: اعصابك يا حجا لحد يسمعك استرخاء ايه بس..ياللي عايشه بالجاكوزي.. البسي الباص جه ..
ابتهال ارتبكت: والله!!!! مالبست؟؟!!!!!
فتون ضحكت: يالا بسرعه الحقي سامح مش هيوصلك
جريت ابتهال بسرعه لبست لبس المدرسه وبنفس السرعه ظبطت شعرها واخدت الشنطه وفاتت على امها وباست راسها واخدت الساندوتش وطلعت للباص..
ام فتون استغربت: ليه مطيوره كدا؟؟
فتون ضحكت: اتأخرت على الباص كالعاده هههههه..
ام فتون بضحكه اللي بينت قد ايه الزمن حفر فيها تجاعيده: هههه ربنا يحرسها من كل شر..
لفت على جوزها اللي لقته على وضعه من امبارح من لما رجع باخر الليل من السهره..ولحد دلوقت زي ماهو نايم فالصاله..
بصتلو بأسى ورحمه بحاله وحال نفسها وعيالها...وهي بتفكر بذاتها"لو ماكانش بيشرب يمكن كان حالنا احسن من كدا"
فتون ما خفيتش عليها نظرة امها لابوها ..ونفس الافكار في بالها بس على محور تاني.."لو كان عندنا اب عدل زي باقي الناس كان على الاقل كان سند لينا..ربنا يصلح حاله ويهديه"
..............................
فـــــي البـــاص..
ركبت ابتهال وهي بتنهج من التعب..بصت علي مكانها اللي عند الشباك..وشافت بنت ااعده فيه..وقفت فوق راسها..
ابتهال: لو سمحتي..
البنت رفعت راسها وبصتلها..نعم!
ابتهال بعربجه مصطنعه: قومي ده مكاني..
البنت بستهزاء:ليه كان باسم ابوك؟؟؟
ابتهال رفعت اكمام مريولتها :حتقومي ولا ايه النظام؟؟
تعالت صراخات البنات بتشجيع ابتهال ضد البنت الجديده..
البنت نفخت بقرف لانها شافت الدعوه كلها ضدها :مره تانيه مستحيل اقوم"وقامت"
أأعدت ابتهال وبعناد: لا هتقومي يا روحي في كل مره..
بعد دقـــايق..................
ركبت وأأعدت على طول جنب ابتهال بما انه ده مكانها ما يتغيرش..
ابتهال بابتسامه: ازيك يا بطه.؟؟؟
شهد: تمام الحمد لله..
ابتهال قسمت الساندوتش اللي معاها وعطت شهد :خدي افطري يا بنت الفقريه..
شهد اخدت النص واكلت منه :هاتي يا بنت باريس هيلتون...يابنت المستريح..
وقف الباص عند البيت اللي اصحابه مستنيه كل يوم في نفس المعاد ويقعدو في المكان عند الشباك بالتحديد عشان يكون من جهتهم..
ابتهال وقفت عن الاكل وتنحت
شهد: ياربي على البدله العسكريه يا ناس..
نغزتها ابتهال بقوه وهي ما شالت عينها من عليه: انتي اسكتي...متحلميش بيه ده مش ليك ..
شهد تتأمله وهو بيكلم اخته وهو مبتسم قبل ما تركب الباص:ما شاءالله حنين وبيحب اخته..
ابتهال وهي تقطع الساندوتش بأسنانها وبقوه و تتحسر: خيبه عليا اللي عندي في البيت كلمه عدله ما يعرف ينطق..(ونكزتها في كتافها)وبعدين انتي خليك من الحنيه انتي شوفي الابتسامه..
شهد بسرعه قاطعتها: اكتمي جات اخته..
دخلت اخته وأأعدت وراهم..واتحرك الباص....
لفت ابتهال على اخته: اهلا مرام ازيك ياقمر..؟؟
شهد بهمس وبنبرة غيره: انا بطه وهي قمر؟؟؟
ابتهال بنفس الهمس: هي وراها مصلحه انتي ما وراكيش الا الهم والغتاته اسكتي بقي..
مرام: اهلا بيك والله تمام وانتي؟؟
ابتهال: تمام والله..
قاطعتها شهد : بقولك ايه يا مرام..اخوك علاء كان بيقولك ايه ..آآآآآآآآآآآي..
ابتهال وهي ضاغطه على اسنانها: شغلك في المدرسه وبس..
مرام: هههه كان بيسالني عن حاجه..
ابتهال لفت وشها قدام: الله يفضحك يا وش القرد.
شهد: حرام عليك ده جزاتي..
ابتهال نفسها تدبحها بس سكتت..
##
اتنهدت فتون على حال ابوها..وهي عارفه ان حالته ميؤس منها ومستحيل تتعدل...
فكرت في مستقبلها واهلها ازاي معتمدين عليها..
رجعت لغرفتها وبدلت هدومها البسطيه اللي مكونه من تيشرت وجيبه عاديه..ولبست طرحتها واخدت شهاداتها واوراقها..وجواها تدعي ان ربنا يسهلهالها
قبل ما تطلع سمعت دعوه صادقه من امها تدعي لها بالسعاده في الحياة ويبعد عنها الياس والحزن..
"يارب يا ودود يا علام الغيوب..افتح لها ابواب رزقك ويسر لها درب الوصول..وحقق لها اللي تتمناه واغفر لها واستر عليها يا رحمن يا رحيم"
قفلت باب الشارع ووقفت عنده شوي وهي تردد جواها آمين.
قطع عليها الصمت اخوها سامح:يلا يا فتون أتاخرنا..
راحت فتون وركبت عربيه اجره اللي وقفها سامح عشان تروح للمقابله اللي عليها كل امال البيت الصامد على فقر وحوجه الايام..
وصلها سامح..وراح هو كمان يدور علي وظيفه زي كل يوم...بس الاعذار الروتينيه لـ اصحاب الشهادات الثانويه دايما تقفل الابواب بوشه..
"للاسف ما فيش اماكن فاضيه..للاسف مش مطابق للشروط..هنبقي نتصل بيك"
ويوم عن يوم يخف حماس سامح ..ويخلق الاعذار عشان ما يروحش يقدم لانه تعب ويصدمه الواقع المرير اللي فرض عليه نسبه ضعيفه بسبب ظلم مدير مدرسته له ..ورفض كل الجامعات له..
#المشكله _والعنيد
منه محمد
وصلوا نسمه وهبه لمدرستهم..بعد ما ودعت هبه اياد..
دخلوا مدرستهم..
هبه: ايه رايك شفتيه؟؟ياربي بجد ستايل..
نسمه ما عطتهاش أي اهتمام: ايوه ستايل..
هبه بحالميه مصطنعه: يالله ذووووق جدا جدا
لفت عليها نسمه وهي رافعه حاجب: اعصابك...عارفه انه مستحيل تحبي حد..
سكتت هبه ورتبت شعرها واتحركت لفصلها..
اما نسمه فضلت تدور علي صاحباتها شويه وجم البنات المتجهين للفصول بعد انتهاء الطابور الصباحي!!!
حست بأيد على كتفها لفت عليها..واتفاجأت بوحده شعرهاboy..لون بشرتها م ..اطول منها بشوي بما ان طولها متوسط..وشها خالي من أي مساحيق وعلى رقبتها مجموعه سلاسل باشكال غريبه وتخض وايدها نفس الشئ..وودنها ماليانه حلقات باحجام مختلفه وتبصلها بحاجب مرفوع ونص ابتسامه..
نسمه بارتباك: نعم!!!
البنت بعربجيه:..لا سوري...افتكرتك واحده من صاحباتي..
نسمه وهي ما زالت مرتبكه..بصت ع أيد البنت اللي على كتفها ورجعت تبصلها بستغراب:لا..عادي..
شالت البنت ايدها من كتف نسمه وكملت طريقها وابتسامتها ما تغيرتش..
استغربت نسمه..وضرب قلبها شوي خوف من نظراتها..
حست انها في اشياء اعمق من ان تكون واحده غلطانه او مشبهه عليها..
ما حاولتش تطول التفكير..ورجعت تدور علي صاحباتها..
الا سمعت صراخاتهم الناعمه..
:اهلا نسوم..فينك ليه أ تاخرتي؟؟
:نسمه يالا تعالي..
:اوه نسوم..النهارده انتي محلوووه مع الكيرلي..
ابتسمت نسمه ليهم وحاولت تمشي الوضع شويه..
................
فتون حاسه نفسها صغيره قدام المبنى اللي واقفه عنده..حست ان قطرات من العرق اتسربت على وشها من الارتباك..رفعت راسها بتحاول تشوف طول المبنى.. بس للاسف نهايته ولا قدرت تشوفها..بلعت ريقها ..سمت بالله ودخلت مع البوابه اللي كلها حرس..
المكان غريب..وكأنه واحد من مشاهد المسلسلات اللي بالتلفزيون..ناس رايحه وناس جايه والمبنى كله في حركه وعمل وجد واجتهاد..وكانهم خلية نحل..وزعت بصرها بينهم بسرعه..الود ودها تتراجع بس الدوافع اللي تخليها تتقدم اكتر من انها تخليها تتراجع..
مشت كام خطوه..واضح من نظراتها البعثره والحيره..
فكرت تسأل..راحت ناحيه السكيورتي اللي عند الاسانسير..
فتون:لو سمحت؟
الحارس: خير يابنتي
فتون: معلش ياعم فين مكتب المدير؟؟
الحارس حاسس بضياعها ابتسم ابتسامه مطمئنه لانه شاف في عيونها الزوغان : اتفضلي الاسانسير..هتلاقيه فالدور الرابع..
فتون بدون ما تشكره..دخلت الاسانسير..ما كانتش في وضع يسمحلها ان تكون ذوق او تفكر لان كل تفكيرها محصور انها توصل لمكتب المدير وبـــس..
اتفتح باب الاسانسير..المكان هنا اكتر هدووء من الدور الارضي ..بس الحياة موجوده فيه..
اتقدمت خطوتين لقدام..لفت براسها يمين وبعدها شمال..ورجعت لها نفس الحيره..
فتون :لو انا سألته فين مكتبه بالظبط مش كان احسن..
بدأت تلوم نفسها..وأتنهدت تنهيـده قووويه من القلب ومسكت ملفها اللي بأيدها كويس واتحركت شمال..
لقت غرفه فيها كام بنت..وارتاحت انهم بنات..سالتهم السؤال بسرعه..
فتون:لو سمحتي..ممكن اعرف فين مكتب المدير بالظبط..
بصتلها واحده شعرها مفرود واضح انها بالثلاثين من عمرها وقربت من الباب.
وبابتسامه: اهلا حبيبتي.."وشاروت لها"..امشي على طول..اخر مكتب على ايدك الشمال ع طول هتلاقيه..
ابتسمت لها فتون وقالت لها بحماس: شكرا..بجد متشكره يا قلبي..
وراحت بسرعه للمكان المطلوب..
دخلت على السكرتير..كان مكتبه مرتب وبسيط ويدل على صاحبه مع ريحة عطر قوي ومميز..
انتبه لها السكرتير.:أمري ياانسه..بايه اقدر اخدمك؟؟
فتون بارتباك: احم انا جيت بناء على اتصالكم..عشان المقابله الشخصيه..
السكرتير عرفها:اهآ..ايوه ..ايوه ثواني اتفضلي...استريحي..
اعدت فتون على كنبه بعيده شوي عن مكتبه..
دخل السكرتير مكتب المدير ومعاه اوراق وملفات........ثواني...........طلع منه خالي الايدين ..واعد على كرسيه..
فتون بصتلو تستناه يقول حاجه..
السكرتير وكأنه قرأ افكارها:شوي وادخلك عنده..مش بيطول..
ارتاحت فتون واخدت نفس عميق..وفضلت تلف حواليها..وجه على طول ببالها صاحب الشركه..
"اكيد انه ما شاء الله عليه عايش بنعيم..اذا كان دي الشركه امال بيتهم شكله ايه!!..وعياله اكيد مرتاحين وحياتهم سعيده..يكون كبير فالسن!!! ولا بالاربعين ولا....؟؟"
قطع عليها صوت السبيكر :ياسر دخل الانسه فتون..
انتفضت فتون في مكانها ..ووقفت بسررعه..
ياسر فتح لها الباب: اتفضلي...
مشت فتون بخطوات ثقيله وكأن المسافه من الكنبه للباب كليو مترات مش كام خطوه..
واتقفل الباب وراها...بصت قدامها مبهوره..الغرفه يمكن قد بيتهم كله..واسعه كبيره..واخره في مكتب كبير يتوسطه كيان له هيبه فرض احترام من طريقة لبسه للجرافت بس..انتبهت لشي ان ريحة العطر اللي برا..هنا اقوى بكتير واكيد مصدرها الشخص الي قاعد ورا المكتب..
اتقدمت كام خطوه..وكان منزل راسه عيونه في ملفها ويقراء المعلومات اللي فيه..مرت ثواني..وبعدها دقايق وهو على نفس وضعه..
استغربت منه" ما اعتقدش ان ملفي مكتوب فيه قصة حياتي!!!"
رفع راسه واخيرا وبصلها شوي...
فتون لما رفع راسه..اختفى الدم من عروقها جمآآآآآل ساحر وأخآآذ ..عيون حاده..ونظره ثاقبه وكلها ثقه..روموش كثيفه..انف طووويل وحاد ..شفايف مليانه..حواجب مرسومه رسم..الوش مليان والاكتاف عريضه..الساعه ممكن تحكي لك عن الفخامه بعنوانها وقمة الذوق..
اول فكره خطرت في بالها "يكون ده المدير ولا سكرتير تاني عشان ادخل على المدير..لالا شكله المدير...شكل الفلوس بتصغر العمر...يعني يكون ده عنده عيال وبيت وزوجه..لالا شكله ابنه..."
قطع عليها صوته اللي فيه نبره غريبه: انتي فتون فتحي محمد رشدان ...؟؟؟
فتون بنفسها"لا يكون مش عجبه اسمي؟؟..ولا يكون يعرف ابويا وعرف انه بيشرب..وولا يمكن ما يوظفني..لا ياربي ليه كدا بس؟؟.."
لاحظ صمتها..
رجع عاد نفس السؤال وهو يبصلها من فوق لتحت:انتي فتون فتحي محمد رشدان
فتون صحت من افكارها: ايوه انا..!!!
سكت شوي..مش قادر يستوعب اللي بيحصل...يكون انها؟؟؟؟؟؟
سمع صوت السبيكر :استاذ كرم..الجواب تم ارساله تامرني بأي شئ تاني؟؟
رفع كرم السماعه: ياسر..اجل مواعيدي اليوم اوكي...
ياسر باستغراب: ليه حصلت حاجه حضرتك؟؟
كرم بحزم: ياسر...نفذ وبس..
ياسر: اامرك..
قفل السماعه والاسئله تدور في عقل الاتنين..
فتون"اه هي دي المقابلات!!بس ليه بيسألني عن اسمي؟؟"
كرم في فكره"لا ...مستحيل ..ازاي؟؟....انا فاكر انه...لالا الحكايه فيها انَ."
فتون تعبت من الوقفه ووقع منها الملف الللي كان نسخه تانيه احتياطي معاها..وعمل صوت مع الهدووووووء الغريب..
انتبه كرم منه..وشافها وهي بتنزل تاخد الملف..
كرم: احم..استريحي انسه فتون..
راحت فتون وأعدت وهي منتظره منه نهاية اللقاء والمقابله اللي هتبني عليها كل امالها وامال امها واخواتها..
كرم بصلها شوي واتنهد: ايوه..انتي أتخرجتي من..............
وبدء يتكلم معاها عن سيرتها واتلبخت وضاعت كأنها ولا تعرفها..
"والله صوته حلو..يا بنت هههه ركزي معاه لا يطردك"
وهزت راسها تأيد كلامه..بس حست انه مغرووور وشايف حاله وما عجبهاش الوضع..
سألها كام سؤال عن امور هي درستها وكانت اجوبتها نموذجيه..
ختم اللقاء: صراحه معلوماتك كتير رائعه..ومش هنفرط فيك..ممكن تباشري العمل من بكره..بس حاليا روحي ع مكتبك وتعرفي على زملائك في العمل..وبكره يبدء الشغل.......وهو في باله شي اعمق من كدا..
وقفت فتون بفرحه عفويه ولا شعوريه: يعني انا خلاص انقبلت؟؟؟
كرم بصلها بتعجب ونظره ناقده ومش عجبه تصرفها ...سكت للحظه..ورد بعدها
كرم:ايوه انقبلتي...
فتون حست بالحرج بس ولا همها طالما انها اتقبلت: طيب شكرا استاذ..
نزل كرم راسه يشوف الاوراق: العفو...روحي مكتبك..قولي لياسر يدلك عليه.
وطلعت فتون بسرعه للباب..نفسها تحط شنطتها على مكتبها ووتقعد على كرسيها وتتاكد ان الحلم بقي حقيقه مش خيال..وان الاحلام لها علاقه بالواقع..واكيد بينهم صله..لان لولا الاحلام ما صبرنا على الواقع..ولولا الواقع ما قدرنا نتخيل ونعيش الاحلام..
طلعت لياسر واخدها على مكتبها..حست انها رجعت لنفس المكتب اللي دخلته اول ما طلعت للدور ده..وفعلا طلع نفسه لان البنت اللي دلتها المكتب موجوده..
.........
في مكان ممل مفيش فيه ناس اختار لهم رب القدر من المستوى..يحوي الكتير من البذخ والرفاهيه والثراء الفاحش..
قاعدين يسمعو لكلام له قيم بالنسبه لهم وتافه لغيرهم..بيسعمو للكلام بكل شغف ويحفظو الي بيتقالهم.."طريقة التعامل بلباقه".. العنوان ده الي جمع نساء صعب عليهم تضيعة وقتهم بشي اكتر افاده...لنفسهم ولدنيتهم واخرتهم..
سالي: سوسن.. ايه رايك بكلامها؟؟
سوسن وهي نافخه نفسها: انا من ناحيتي كلام منطقي ومفيد كمان..
سالي بتأييد: ايوه طبعا مفيد الصراحه..
وبدء النقاش والاصوات تعلا من خلال المحاضره وكانها قضيه شغله العالم..
وشوش كل واحده منهم عارفه ومتاكده انه موضوع تافهه لا يمكن يجذب الشكل ده الجذاب لكن عاملين مهتمين بس عشان متظهرش واحده اقل من التانيه قدرا وذوق..
حياة خاليه من الاهداف..كل همها الجري ورا الحياة الزائله محدش فكر بعد الموت ..وانحصر كل التفكير بالايام الفانيه..
...........
هبه: يا حبيبتي غيريه احسن لك..
مي:لالا ما اقدرش حاسه اني أتعلقت بيه..
هبه باحتقار: ياربي منك يا مي..افهمي احنا بنلعب وبس..
مي : كنت في الاول بقول العب..بس كل شي اتغير..
هبه بدئت تتعصب: مي لو ماسبتهوش انا الي هسيبك وهبعد عنك
مي بترجي: هوبا بليز افهميني...
هبه بحزم: لا مش انا هفهم حاجه تسبيه يعني تسبيه.
............
بنفس المدرسه..
نسمه: لالا المره عندي..
:لا نسوم كل مره عليك..
وواحده تانيه: ايوه كل مره عليك..المره البارتي عندي..
نسمه بابتسامه حلوه وطيبه: طيب عادي مافيهاش حاجه .
الكل:لا..فيها....
.......................
في مدرسه تانيه
ابتهال: شهد...
شهد: هاه..
ابتهال: قولي نعم...ياربي لـ أ متى وانا اعلم فيك؟؟
شهد: نعم!!!
ابتهال: شوفي بنت التجار ..
شهد تتلفت: فينها؟؟
ابتهال: قدامك يا حولا..
شهد شافتها: ايوه مالها؟؟
ابتهال: عمال تتدلع على البنات بشنطتها الماركه هي ودلعها الزنخ..وكأن محدش اشتري ماركات الا هي..
شهد حبت تنرفزها: يا اختي عندها حق..وشنطتها حلوه..
ابتهال بدئت تعصب: ارف..والله شنطتي احلى منها..
شهد وهي كاتمه ضحكتها: لو سوستتها ما انقطعتش كانت بقت احلى اخخخ ههههههههههه
ابتهال بصتلها بغل: شكلك ما جربتيش جزمه ماشيه وتلاقيها مره واحده لبست في خلقتك ..
شهد:هههه لا صدقيني مجربه..يالا قومي..الباص بيفوتنا.
ابتهال بزهق: يالا.
.....................
دخلت فتون مكتبها..
ياسر من وراها وهو مبتسم: مدام هويدا..وانسه علياء..دي انسه فتون ..جديده معاكم..هتكمل شلتكم..انتبهوا لها...باي..
ابتسمت هويدا: مش انتي اللي,,,؟؟؟
هزت فتون راسها بخجل: ايوه..
وقفت هويدا وسلمت عليها: انا هويدا..متجوزه وعندي بنوته قمر تشبه لي..
فتون سلمت بحراره عليها: اهلا وسهلا..اكيد قمر طالماانها تشبه لك..
ووقفت علياء: وانا علياء عزبه او عانس اللي تحبيه ههههه ..
ضحكوا كلهم..
فتون: ههههه لا شكلك لسه على لقب عانس..
وسحبتها علياء وأأعدتها على كرسيها...
علياء: اقعدي يا قلبي وخدي نفس لاحقه على همنا..
أأعدت فتون وبدأت تحس ان الدنيا مش سايعها من الفرحه..وانها اخيرا بدات تبتسم لها..كان نفسها تمسك سماعة التليفون وتبشر امها..او تجري علي ابتهال وتحضنها..او تسمع كلمة حلوه من سامح وهو مبتسم لها..او حتى اخواتها الصغيرين نفسها تشوف فرحتهم ليها..ابتسمت لما شافت علياء تشغل لها كمبيوترها الخاص..وتعلمها بدايات الشغل ..
قضت فتون وقت جدا ممتع كأول يوم..وحمدت ربها جواها مليون الف مره..ان اللي معاها بنات وعسولات كمان..
في نفس المكــــان..
كرم سَيار مرجع راسه على كرسيه الجلدي المريح..والافكار تروح به يمين وشمال..وتلعب براسه ويردد في نفسه كلمة" مستحيـــــــل"
.....................
في المستشفي
كانت تؤدي عملها باكمل وجه..تدخل غرفه وتطلع من التانيه..تمر عليها حالات غريبه...صعبه..سهله..وبعضها تافهه..بس كل واحده تديها اهتمامها وحقها..
تشجع ده.تبث الامل في دي..ترسم خطوط الحياة لطفله..تحل مشاكل مراهق..تفك لغز حياة يائسه ..تسمع هموم غيرها باوسع قلب..
قطع عليها مسيرتها صوت: دكتوره ريهام.....!
وقفت ريهام وهي عارفه صاحب الصوت..
:دكتوره ريهام..."واخد نفس"...فينك اليوم ما شفتكيش بالبريك؟؟
ريهام لفت عليه: اهلا دكتور خالد...والله كنت مشغوله..
خالد: اها..حبيت اسأل واتطمن عليك..
ريهام بقلة صبر: تسلم شكرا..
خالد: كنت عاوز اناقش معاك موضوع المريض اللي مصاب بالسرطان اللي لسه جاي من كام يوم..
ريهام باهتمام: ايوه..ايوه..فكرتني بيه..
خالد انبسط على الاهتمام للموضوع اللي بيتكلم عنه: طيب أمتى نتناقش فيه؟؟
ريهام بتفكير: امممم... دلوقت...بما اني فاضيه..
خالد ابتسم: اوكي تحبي نروح مكتبي ولا مكتبك؟؟
ريهام: لا مكتبي احسن..
فــــي المكتــــب...
ريهام معاها اوراق المريض والقلم وتسجل ..وخالد على كرسي قصاد مكتبها..
:ايه عنده هو؟؟
خالد: رافض العلاج رفض بات..
ريهام عقدت حواجبها: ليه؟؟؟
خالد: عنده يأس عجيب...والله قعدت معاه حسيت اني ممكن انطقها واقوله والله عندك حق..
حل صمت رهيـــــب للحظات............
خالد بارتباك: اسف بهزر معاك..
ريهام بتحاول تظبط اعصابها: دكتور خالد...احنا بموضوع ما يتحملش الهزار الراجل بيعاني من مرض الله يشفيه منه ويبعد كل مسلم عنه..وانت بتهزر!!
خالد باسف وهو محروج:والله اسف مش هكررها..ومعاك حق..
ريهام اتنهدت تنهيده طويله: خلاص انا هقبل بحالته لازم يكون الوضع النفسي مرتاح والمعنويات تكون مرتفعه..
خالد: انا متأكد انك قدها..
ريهام سرحت بالمريض: انشاء الله..
خالد تأمل ريهام..محجبه حجاب شرعي ساتر وشها خالي من اي نوع ميكب حتي عيونها خاليه من الكحل..
ابتسم جواه لانه اكتر المعجبين بشخصيتها اللي تحمل الطيبه كلها واكتر شي يجذبه فيها تمسكها بدينها واخلاقها العاليه واسلوبها الراقي جدا..وفيها الكتير من المزايا اللي تجذب لها أي شخص..
ريهام حست بالهدوء..واربكها شويه..طلعت موبايلها عشان تلتهي فيه وعيونها متعلقه بالشاشه..
ريهام بحزم:دكتور خالد فيه حاجه تانيه ؟؟؟
خالد وكانه صحى من الحلم: هاه..عفوا..لا مفيش..عن اذنك...."وطلع"
رمت ريهام موبايلها على التربيزه واخدت نفس عميق:ياربي صبرني..استغفر الله العلي العظيم...
............
نزلت بسرعه من عربيه الاجره..فرحانه فرحه كبيره..بقالها تقريبآ زمن معشتهاش..من مده عينيها ما لمعتش كدا ولا ابتسمت حتي كل الابتسامات الكتير دي
فتحت باب بيتهم تصرخ..
:يمـــه ...يمــــه.. ابتهال..سامح...يــمـــه..
طلعوا بسرعه ومعاهم اخواتها الصغيرين.
والكل مستنيها تتكلم مع ان كل شي واضح..ومكتوب على جبينها..ومرسوم في عيونها..
قاومت فتون دموعها وجريت لحضن امها وتبكي من قلبها ..بكت بعمق..بكت ايام الحرمان..ايام الجوع..البرد..ايام الحزن والتعاسه..بكت دقايق الفرح المحسوبه بدقه وتنتهي بلمح البصر..
اتأثرت امها كتير وقاومت دمعتها..الدمعه اللي قاومتها سنين ورافضه تنزلها الا لمن تخشع له الابصار وتذل له الرقاب..رب الارباب..عالم الغيب..سبحانه الواهب العزيز الجبار..
ابتهال نزلت منها دمعة فرح وحضنت سامح اللي راسم ابتسامه جميله على وشه اللي كبره الدهر سنين قدام قبل الاوان
فتون استوعبت انها بكّت الكل بعدت عن امها وهي بتمسح دموعها والابتسامه مرسومه على وشها.
فتون بضحكه:خلاص مالكم..انا بكيت لانها أنشاء الله هتكون اخر دمعه..لان ربنا فرجها علينا وان شاء الله من فرج لفرج..يالا يا ابتهال نعمل حفله و نعزم صحبتك شهد..ونحتفل كلنا..
امها بفرح غامر: اللهم لك الحمد حتى ترضى ولك الحمد اذا رضيت ولك الحمد بعد الرضى..
ودخلوا كلهم غرفة فتون وابتهال واخواتهم بما انها الغرفه الوحيده غير غرفة امها..وسامح بينام بالصاله..
فضلت فتون تحكي وتتكلم بشغف من اول ما دخلت الشركه..وعن مشاعرها ..حكت بكل التفاصيل وبكل حماس..وهما مستمتعين بكلامها وفرحانين لفرحتها وطريقة وصفها...قلوبهم كانت تنبض بسعاده لاول مره من بعد زمن عاشوا حياة كلها الم وحزن ودموع..
سامح :المهم مرتبك كام؟؟؟؟!!
الكل لف على سامح لان سؤاله وجيه..ولفوا بعدها على فتون بسرعه مستنين الجواب..
سكتت فتون شوي وحكت شعرها وطلعت لسانها بطفوله: ولا اعرف..ما سألتش هههههههههههه
ابتهال رمتها بكتاب جنبها: يا هطله ياحولا..اول شي تسألي عنه المرتب..ياربي على الغباء..
امهم بحكمه: اكيد مرتباتهم حلوه..اذكروا الله انتم بس وتفائلو بالخير ..
فتون بتفكير: اتوقع انه من 60000 ويمكن فوق..
ابتهال طلعت عيونها وتردد ببطئ: ست ..ست..الالاف؟؟؟
سامح يعد على صوابع ايده.:يعني واحد .اثنين..ثلاثه..اربعه ..خمسه ..سته...ستة الالاف!!
وضحكوا مع بعض: هههههههههههههه
ابتهال بتريقه: سامح اعتقد بيكون عندنا فائض فلوس..يمكن نعمل مشروع خيري..
سامح: انا هشتري لي نظارات شمسيه ماركه..
ابتهال بغباء: ليه؟؟
سامح ضربها ع راسها: يا ذكيه..ما تشوفيش عيال العز لازم نظارات شمسيه..خلاص انا بحجب نفسي من النهارده مش هقدر اتحمل الشمس على عيوني هههههه
وضحكوا كلهم..
ومّر اليوم كله ضحك ..وتخيلات..وتخطيط واسعه للمستقبل اللي بدء يشرق لهم من اول وجديد
............
في جنينه كلها ورد جميل اشكال والوان
قاعدين العيله كلهم بيشربو الشاي ويحلو من بعد الغدا بالجنينه.
كرم كان ماسك كوبايه الشاي ورايح لعآآآآلم بعيد عنهم وعن مناقشتهم لمحاضرة امهم اللي حضرتها النهارده الصبح..
نسمه: كرم...كروم"ونغزته في كتفه" كرم..
كرم بدون ما يلف عليها: همممممم
نسمه بصت ل امها وهبه باستغراب ورجعت لفت عليه:كرم انت معانا..؟
كرم حط كوبايه الشاي ع التربيزه وقام:عن اذنكم..
ولف يدخل جوه القصر..رايح لمكتب ابوه..
سالي: ماله؟؟
التوأم هزوا كتافهم بمعني منعرفش.
سالي بنظره عميقه"ايه عنده ابن البريطانيه..وبيخطط عليه؟؟"
هبه: يالا مامي كملي..
نسمه صرخت: لولا...no.... لولا.."وراحت لها"...لولا متكليش الورد يا شقيه...
وحضنتها وقعدت مع امها اللي كملت الحكايه لكن بالها مشغوووول..
☆☆☆منه محمد☆☆☆
خبط الباب على ابوه..
سَيار:.اتفضل..
كرم دخل بكل هدوء: السلام عليكم..
سَيار: اهلا ياكرم وعليكم السلام..تعال..
دخل كرم وقفل الباب وقعد قصاد مكتب ابوه..وسكت..
ابوه اللي كان بيقرا الجورنال ومنتظره يتكلم..بس طال سكوته...رفع عينه بص لكرم .حس ان الموضوع مهم..ساب اللي في ايده..وخلع نظارته الطبيه المخصصه للقرايا..
سَيار بحنان::كرم...اتكلم خير هات الي عندك؟؟
كرم بسرعه بس ما زال بنفس الجمود: بابا انا ليا عم؟؟؟
وقف الهواء عن الحركه عند سَيار...السؤال ابدآ عمره ما توقعه..وايه الي جابه على باله..ده شئ اندفن من سنين..ده شي من الماضي..بس شكله ما دفنه الحاضر...وناوي المستقبل يفضحه..
كرم لاحظ ان وش ابوه انخطف..وعرف ان الحكايه فيها إنّ...
كرر السؤال على ابوه وهو مركز على ردة فعله: بابا......انا ليا عـــــم؟؟؟
بصلو سَيار ..كل الحروف ضاعت او اتبخرت...كل الاعذار اختفت من قدامه..وبينه وبين نفسه
"مستحيل اهدم اللي بنيته سنين..مستحيل اضيع جهد وتعب سنين..مستحيل اجدد الماضي وألمه ووجعه..كرم ايه الي جاب الفكره في بالك ما انتهينا من الحكايه كلها.."ذكريات الماضي تتضارب قدامه"
قام كرم من كرسيه ووقف وحط وشه قريب جدا في وش ابوه والفاصل بينهم المكتب وضاغط على صوابع ايده اللي ساندها على المكتب و مستني اجابته..
كرم بألحاح للسؤال:بابا....هو حي ولا ميت؟؟.....عنده عيال ولا لأ؟؟؟
سَيار بدأ نفسه يتخنق حس ان مفيش من حواليه اوكسجين..فتح زراير القميص الاول والتاني..
سَيار بخنقه:كرم....احم....هو ليك عم...بس ....بس ده مات من سنين ومالوش عيال لان مراته ماتت معاه..
كرم سكت انصدم من اللي قاله ابوه" ليا عم ومات؟؟؟ طيب ليه ما قالوا لنا...ليه ما جابوش سيره...ياتري صادق يا بابا ولا لأ؟؟"
قطع عليه حبل افكاره صوت ابوه الحازم اللي فيه نبرة تهديد: كرم انسى الحكايه ولا تفتحها ابدأ..وخصوصا قدام امك فاهم..وشوف انا حذرتك وقلت لك يا كرم انسى!! انسى الحكايه سمعتني؟؟؟!!!
كرم بشده: حكايه ان عمي مات ..مستحيل اصدقها...لو انك قايلها واحنا صغيرين يمكن كنت اصدقك وتمشي معايا..لكن انا هسكت حاليا لكن حرجع اسأل عنها فاهم حرجع..لاني عاوزك تقولهالي بدون ما انبش من وراك..
طلع وقفل الباب...وساب ابوه في حيره..
سَيار قعد بهم كبير اتحط فوق راسه:اايه بس الي عرفه عن عمه...انا من زمان وانا قايل اني وحيد امي وابوي...يكون سمع شي عن القصه؟؟ يكون شافه...؟ ولا مجرد سؤال عابر...كرم الله يهديك..الله يهديك ليه بتنبش في الماضي سيبه يابني يروح لحال سبيله ما صدقنا ان الحكايه تتنسى وتنقضي...ولا نويت خلاص تودي ابوك في داهيه
........
خرج كرم بعربيته السبور وفي عقله مليون فكره وفكره.. والف حكايه وحكايه!
كرم بتفكير ليه بابا يخبي الموضوع...ايه الي حصل ....البنت اللي شفتها النهارده تكون بنت عمي...
رجع شعره على ورا وشد عليه..واتنهد من قلبه..
"ده السر الي خبتيه يامرات ابويا ...ده الي خايفه طول الوقت منه لكن هعرفه ...صدقيني قررت اعرفه"
لقي فجأه الاشاره خضره ضرب كلاكس بقووووووووووووووه وفضل يسب ويلعن ويشتم أي واحد يقف قدامه مشي كتير لدرجه لقي نفسه في اراضي يابسه عطشانه مستنيه المطر يرويها..
كرم ضغط ع سنانه بغل رهيب"هعرفها...هعرفها..يا ...يا امي هعرفها"
قالها بكل استهتار....
للقصص المترجمه لو لقيت تفاعل نكمل الفيلم
تعليقات
إرسال تعليق