رواية احلام طفله
التاسع والعاشر والحادي عشر
فهد : بدهشه ..طلب مين .ويارا موافقه علي ايه انا مش فاهم حاجه.. ليان : ولا انا .هو انا اتخطفت كتير ولا ايه. .. كامل : بابتسامه.. لا يا لمضه . يوسف طلب ايد يارا وكرم وامير .وافقه وطبعا عروستنا وافقه .ناقص موافقتك يا فهد .بس عشان سيدك اربعه وعشرين ساعة مش في البيت فاهتعرف منين . فهد: بفرحه .طبعا موافق يوسف اخويا وانا واثق من أخلاقه كويس ..وراح ليوسف .مبروك يا جو .وسابه وراح ليارا وخدها في حضنه وضمها ليه . مبروك يا قلبي.انتي اختي الصغيره وبهزار .ليكي عليا لو عملك حاجه هعلقه من رجليه اه .انا اختي تدلع براحتها .. يارا: ربنا يخليك ليا يا فهد . امير: بمزاح وخبث ميفهمهوش حد غير فهد..بلاش لحسن تدحط في نفس الموقف ..وانت عارف .. معتز : ايه ده انا شامم ريحه عروسه تانيه صح ..اوعي تقول فهد وقع . امير: بمزاح .ياريت وقع بس ده تزحلق على وشه كمان .وحب يا ميزو .فهد حب .ااااه. معتز: اوعي تقول .مين سعيده الحظ .ولا اقول تعيسه الحظ .. فهد: تعيسه في عينك .ثم ملكش دعوه انت .انت لسه مقولتلش علي هااا.انت فاهم وبغيث .ثم يا ايه يا ميرو فينا من كده .. يوسف: لا انا لازم افهم .انتوا فهمين حاجه. . الجميع بص لفهد وامير ..: لاء.وعوزين نفهم .. فهد: بغيث .عجبك كده يا قرد انا . امير : طب قول احسن ما أقول انا. . فهد: والله اقطع لسانك فيها اتلم .وبص ليهم بعدين صدقوني قريب بس فعلا مش دلوقتي.وسبهم ومشي .. يارا: انا مش فاهمه حاجه..فهد يحب مين سعيده الحظ ديه ..يابختها دا انا أخته وبموت عليه .يوسف بصلها بغيره . ووعيد ليها من جواه. كامل : طلما الحمد لله الحال اتصلح . وخلصنا من الخطر ..يبقا نحدد معاد الخطوبه .. يوسف: لا .انا هعمل كتب كتاب علي طول .ولو ينفع زفاف يبقا كتر خيركم . خديجه: ايه يا حبيبي اللي انت بتقوله ده ..لا لازم العروسه توافق الاول . يارا: لا فرح ايه لا انا وفقه بس يعني خطوبه من زفاف . يوسف : قرب منها نسبيا ..ليه يا يارا وبعدين انتي خايفه مني .. كامل : يارا عندها حق .وبعدين انتوا لسه في البدايه اتكلموا مع بعض وبعدين حكايه الفرح أو الخطوبه دي بعدين ..يالا . يوسف: حاضر يا بابا اللي تشوفه .وانا جاهز من دلوقتي لو عوزه تكلمني .. كرم: ها يا يارا .عوزه تتكلموا دلوقتي .ولا .. يارا: بخجل .الي تشوفه ماشي .. كرم: خلاص اتكلموا .هنا في الجنينه ..وشوفوا الاول هتستريحوا ولا .. يوسف : حاضر ..والتفت لي يارا .اتفضلي .وراحو الجنينه . في اوضه فهد..: كده يا غبي كسفتني جامد قدامهم.. امير: ديه غلطتي اني بنطق ابو الهول ..يا ابني مكنت اتكلمت عن ليان وخلصنا ..ده يوسف نطق .. فهد: خفت اوي يا أمير وبعدين البنت لسه جيبها من حالت خطف ..اقوم أقول انا عاوز اتجوزها ..اكيد مينفعش ..هتتفهم غلط .ومش بعيد هيشكوا انها حصلها حاجه.وانا استحاله احطها في محور شك .. امير: طب الاسنان تعمل ايه .. فهد: بقولك .خلاص هقول يوم خطوبه يوسف .ويارا .وتعملها مفاجاه.بس اخاف تكسفني .انا عاوز اكلمها الاول .. امير : وده رأيي بردو .عشان تكون مستريح .. فهد: خلاص هظبط نفسي واموري واكلمها في اقرب وقت ممكن .قبل خطوبه يوسف.. امير: حبيبي هو ده الكلام الصح ..يالا بقا عشان هروح انام ..بأي ..وامير ساب فهد وراح اوضه .. فهد كان هيموت مش عارف هي عمله ايه دلوقتي .. في غرفه ليان .. ليان: خلاص يا ماما . والله ما فيا حاجه هو بس قلم بسيط مش اكتر .وبعدين روحي بقا زمان بابا عاوز ينام ومش عارف ينام من غيرك يا جميل .. خديجه: بس بت عيب كده فضحتينا .عيله بلوه يالا ..تصبحي على خير.. ليان: وانتي من أهله .. يارا؛ وانتي من أهله يا طنط.. خديجه: لا طنط ايه .من انهارده تقوليلي يا ماما .. يارا: بخجل وكسوف منها ..حاضر يا ماما .. خديجه خرجت وسابت ليان ويارا مع بعض .. ليان: لاء يا بت وش كسوف اوي انتي .بقا يا جزمه متقوليش من أمتي وانتي مستغفلاني ..هااا. يارا: والله ابدا انا لو كنت اعرف من بدري كنت قولت ..انا مش بابا قالي الصبح أنه عوزني ..بعد ما انتي مشيتي رحتله وقالي ..انا بصراحه كده..كنت عوزه اقوله وقتها اني موافقه بالعشرة بس اتكسفت ..فالما قالي وقتها قولتها بقا وخلاص .. ليان: من أمتي بقا وانتي وقعه كده انطق واعترف .. يارا،: بامانه كده من وانا صغنونه وانا باحب اخوك في الدكاكيني .. ليان: صغنونه .ودكاكيني .لا إله إلا الله..فوله واتقسمت نصين ..بس بجد فرحت جدا. .مبروك يا قلبي.. يارا: اقولك علي حاجه ..بس دوعديني انها تفضل بنا العمر كله .. ليا: تفضل العمر كله..حاضر قولي ربنا يستر .. يارا : اصل انا كنت بحب اخوكي من واحنا صغيرين .وكمان انا بكتب كل موقف وكل كلمه دارت بينا لحن دلوقتي ..مش مصدقه نفسي يا ليان حلمي .حلمي اتحقق. حلم طفله صغيره اتحقق قدام عنيا ..يوسف طلبني وخطوبتي قربت ..انا فرحانه جدا فرحانه. .عقبالك يا ليو .. ليان: يارب ..بس يكون زي ما انا نفسي .. حاجه كده شخصيه.. يارا: بمزاح ..يبقا فهد طلما شخصيه يبقا فهد .. ههههههههه ليان: حرام عليكي ..هو شخصيه .بس مش قوي كده .ده عدي كل حدود الهيبه..دا انا بخاف لما اهزر معاه .. يارا: ليه يا ليو والله ما فيش احن من فهد . ليان: يعني بحس أن امير اخف جموديه منه .. يارا: مين اللي قالك كده ..هو اه في فرق فظيع مابين امير وفهد .امير بيتعصب بسرعه .وكمان شديد ..انما فهد صبور شويه عن امير .هو اه ملهوش في الهزار .بس لما تعرفيه هتحسي معاه بالحنان اكتر ..انا بتكلم مع فهد اكتر من امير ..حرام والله اللي فكراه عنه .. ليان: مش مهم .هو احسن امير احسن مليش فيه المهم .هو في حاجه كده انا عوزه اقولها لك . يارا: هااا.في ايه .. ليان: كريم .اعترفلي أنه بيحبني وكمان طلب مني الجواز .. يارا: ااااايه..بيحبك ..وكمان جواز ..ده ميعرفكيش غير من كام شهر ..لحق يحب وكمان يطلب . ليان: مش عارفه .بس فاجاني اوي .معرفتش ارد عليه ..حسه ان في حاجه كده مش مرتاحه .. يارا : طب ايه ..يعني هتعملي ايه .. ليان: مش عارفه..بس هفكر في الموضوع .يعني هو اه مش زي ما انا حطاه في دماغي .بس فيه حاجات مشتركه .يمكن اكتشف فيه حاجات مش عرفاها .. وهما عمالين يتكلموا ويفكروا كان فيه قلب بينكسر من اللي سمعه من طفلته الصغيره من حبيبت قلبه .وروحه . ورجع اوضه وهو مصدوم .معقول ممكن حبيبته تروح منه ويمتلكها شخص آخر. .لاء يا فهد انت عمرك ماخسرت حاجه .تقوم اول ما تخسر ...تخسر حبيبتك .لا .والف لا صباح يوم جديد علي الجميع ... كامل : ها يا ولاد الخطوبه حدده خلاص اخر الاسبوع .. يوسف : اه يا بابا .وبص علي يارا وابتسم .وهي اتكسفت من نظراته لها .. خديجه: ربنا يتمم بخير يا ولاد .. كامل وكرم : اللهم امين.. في مكتب امير .. لو سمحت يا اسيل انتي ليه رفضه موضوع الارتباط .هو انا بقولك نمشي مع بعض ..انا بقولك عاوز اتجوزك .ولو انتي حسه انك لسه محلتنيش نعمل خطوبه .. اسيل : صدقني يا امير بيه ..انا مش هينفع ارتبط ..انا اسفه مش موافقه .. امير: بعصبية .ليه هو انا فيا عيب . اسيل : ببكاء ..لا انا اللي فيا .. امير: اهدي يا اسيل انا مش قصدي .اتعصب بس رفضك ليه .كتير ده عصبني ..ممكن اعرف .. اسيل : حضرتك عاوز تعرف .حاضر وبانهيار .الموضوع هو اني تم اعتصابي من تلات سنين .
امير : بصدمه .وعدم فهم ..انتي بتقولي ايه..اغتصاب .وبتوهان .انتي بجد بتقصدي اللي انا فهمته .ولا قصدك ولسه هيكمل ... قطعته اسيل.بانهيار.وبكاء : لا اقصد اللي انت فهمته ..وعاوز تعرف مين اللي عمل كده فيا .هقولك .زوج امي .اعتدي عليا من تلات سنين .ولما قولت لماما كدبتني وطردتني من البيت .وقالتلي لو قلت لحد هتقتلني ..وقتها خفت لان مليش حد خفت اتفضح .وبانهيار اكبر وعياط هستيري ..هاا هتقبل تتجوزني بعد كل ده ..هتقبل تجوز واحده زيي . ومقدرتش تتحمل اكتر من كده وفقدت وعيها .. امير حس اكن الدنيا بتلف بيه مش مصدك البنت الوحيده اللي حبها .بس فاق وشلها ونزل بيها من الشركه تحت صدمت الجميع . وراح علي مستشفى السيوفي .. دخل بيها بيجري وهو شايلها .عاوز دكتور بسرعه .فهو معروف فيها اسعفوها بسرعه وادوا خبر لعبد الرحمن ..ورحله وهو بنفسه تابع الحاله وبعد مدة خرج لامير .. عبدالرحمن: هي مين ديه يا أمير .وايه اللي حصلها . امير : بتعب .وصدمه من اللي هو فيه .بعدين يا عبد الرحمن ..بعدين المهم هي عمله ايه دلوقتي .. عبد الرحمن: حالها انهيار عصبي شديد .ولازملها راحه نفسيه . امير : طب هو ينفع ادخلها دلوقتي .. عبد الرحمن: اه .بس هي وخده مخدر .ومش هتفوق غير بعد ساعه علي الاقل .. امير : ماشي .شكرا يا عبد الرحمن .. عبد الرحمن: ولا يهمك انت اخويه .ولو في اي حاجه انا في المكتب .. امير: ماشي ..ومشي عبد الرحمن ..وهو نازل لقي بنت خبطت فيه . ساره: انا اسفه يا دكتور .بس بعد ازنك ممكن اعرف منين غرفه الاستقبال ..هنا .. عبد الرحمن: هاا .اه من هنا ليه انتي ليكي حد .. ساره: اه .صحبتي اتنقلت هنا لو سمحت انا عوزه اشوفها ارجوك . عبد الرحمن: طب ممكن تقوليلي اسمها .عشان نعرف هي في انهي اوضه .. ساره : اسيل سامر .هي لسه جيه من ساعه واحده .. عبد الرحمن: هو انتي صحبتها .طب كويس أن حد هنا اتفضلي هوديكي بنفسي ..وهو ماشي طب وانت مالك ما كنت قلتلها وخلاص ايه اللي يخليك تروح معاها .. في مكتب كامل ..قعد معاه حسن وكرم ويوسف . إبراهيم.. كامل : ها يا يوسف خلاص خلصت كل حاجه .ولا لسه.. يوسف: لا يا بابا .خلصت كل الملفات وتممت عليها.بس فيه حاجه كده كنت عاوز اقول لحضرتك عليها .. شركه الجروب اللي مسكها كريم التهامي .جه وعرض عليا شراكه معاه . وبصراحه كده عرضه جميل جدا.وكمان امير وافقني الرأي . حسن : بس يا يوسف احنا مش محتاجين شراكه .ليه بقا تدخلنا في شراكه ملهاش لازمه. يوسف : ما انا عارف يا عمي .انا هدخله عشانه هو مش احنا . وبعدين لما هو هيدخل شريك هنكبر الشركه شويه .. كرم: بص هو انا مش عارف إذا كان ده فعلا هيفيدنا ولا لاء ..بس نشوف الصفقه لو فعلا كويسه ليه لا .. ابراهيم: فعلا ما تشوفها الأول مش يمكن تطلع كويسه . كامل : وانا من رايك ..هاا يا حسن لو قلقان قولي .. حسن : لا .انا مش قلقان .انا بس كان قصدي لو ملهاش لازمه ليه ندخلها .بس لو فعلا هتفدنا إتمام طبعا .. كامل : خلاص شوفه يا يوسف وابعد الورق لعمك وشوف . يوسف : ماشي يا بابا خلاص .. كرم : ها.يا عريس جهزت كل حاجه .. يوسف : بفرحه ..طبعا كل حاجه جهزه .أن شاء الله. كامل : علي خيره الله ..يالا بينا بقا نشوف شغلنا .. إبراهيم: انا كنت عاوز ارجع تاني الشغل هناك كتر اوي .. يوسف : طب استني يا عمي لما حتي تحضر حفل خطوبتي .الاول .. ابراهيم: من عنيا هو انا عندي كام يوسف .. يوسف : شكرا يا عمي . في المخابرات .قسم مكافحة الإرهاب .. قاعد فهد وعصبيت الدنيا فيه مش شايف نفسه..ممكن حد ياخد طفلته .حبيبته وهو قاعد وشايف ..لقي عمر صحبه دخل عليه في ايه يا فهد مالك صوتك جايب اخر المبني .وعمال تزعق في الكل .. فهد : مش قادر يا عمر مش شايف نفسي حاسس بخنقه فظيعه . عمر : خلاص خد اجازه .أخرج طلع نفسك من مود الشغل ده .. فهد: بتعب .مش عارف.بس هحاول ..صحيح هو الواد اعترف. . عمر : عيب عليك يا فهد دا انا عموره . قالي على كل حاجه.. فهد: تمام خلص انت بقا .. عمر : ماشي .. في مطعم راقي علي النيل قاعد معتز ومعاه شهد .. معتز : يا شهد صدقيني مكنش ينفع اقول الحقيقه كنتي هتطلعي بفضيحه .وبعدين فهد ده بيكون قريبي اي نعم مش اوي بس متربيين سوا .وهو عرفني عشان كده مكنش مصدق .. شهد : بس حضرتك ليه تحط نفسك في وضع ده .عشاني . معتز : بابتسامه .يمكن لاني معجب مثلاً.. شهد : لو سمحت ..مش عشان حضرتك ساعدني في المره الاولى اللي شفتني فيها .وبردو في المره التانيه يديك الحق انك تقولي كده .. معتز : بدهشة. انتي افتكرني ايه .انا معجب بيكي بجد مش بلعب بيكي .انا عمري ما كلمت بنت في حياتي ولا اعجبت ببنت قبل كده ..بس اول مره شفتك فيها وانا مش قادر انساكي .دخلتي قلبي من اول مره حسيت اني بشوف ملاك علي الارض مش بنت ..شهد مصدومه ومش عارفه تتكلم ومكسوفه جدا. . معتز : شهد انا دلوقتي بقولك انا عاوز اتقدم لك .موافقه . شهد : بخجل وكسوف..اومت براسها ..في سعاده .. وعدي ثلاث ايام وجه اليوم الذي ينتظره الجميع.في سعاده ولكن كل واحد فيه شئ من الخوف .فاامير كان مصدوم ومش مصدق بس بدأ يفكر في كلام عبد الرحمن معاه .اللي قاله ليه بعد مارجع من المستشفى اليوم إياه .. عبدالرحمن : في ايه يا أمير انت مردتش عليا لما سالتك هناك ممكن بقا تقولي مين ديه وايه اللي حصلها. . امير : موضوع كده صدقني مش هعرف اقولك .. عبد الرحمن: بس انا عارف .هي اتكلمت كلام كتير نصه مش مفهوم ونص أتفهم .. امير : بصدمه ..ايه قالت ايه .. عبد الرحمن: كانت بتقول اغتصاب .هل هتجوز وحده زي ..يعني كلام كده ممكن بقا افهم .. امير: اتنهد..مش عارف اعمل ايه بس هقولك ..وحكي لعبد الرحمن كل حاجه ...عبد الرحمن أنصدم من كلام امير بس اتنهد ووقف جمبه .. عبدالرحمن' انا عارف انك تايه ومش عارف تفكر ..بس انا عاوز اسالك سؤال ..انت بتحبها فعلا ولا لاء ..وهتستحمل .تعيش معاها حياتك بشكل طبيعي.. امير : بضياع ..مش عارف بس كل اللي اعرفه اني بحبها اوي .في كميه غضب ونار جوايه مش عارف اتخلص منها ..نفسي اروح لامها والكلب اللي معاها واقتلهم . عبدالرحمن: بص يا أمير لو انت فعلا بتحبها .وعاوز تكمل معاها لازم تكون من جواك خلاص مفيش حاجه هتقف قصدكم وانت فاهم قصدي كويس ..وبعدين مش يمكن ده تعليم ادب ليك .ربنا خلاك تحبها ويحصل معاها كده تصفيت حساب قديم .. امير: فهم قصد عبد الرحمن..بس انا وقتها مغصبتهاش على حاجه كله كان بمزجها .وكمان كنت لسه صغير مش مدرك .. عبد الرحمن: خلصت جامعه ومش مدرك .. وبعدين حتي لو كان ده بمزجها وغلطتها .فاانت كمان غلطان زيها .عشان كده ربنا خلاك تحب وتعشق .بنت حصل معاها نفس حاجه. امير: بعصبيه ..لا مش نفس الحاجة .ديه كان بمزجها كانت مدركه هي بتعمل ايه كويس .انا ديه اغتصبها ورموها في الشارع .. والله لو شفته لقتله بايدي .. عبد الرحمن: أبتسم .لانه وصله أجابت السوال اللي محيراه أن امير فعلا بيحبها بس محتاج وقت يفكر كويس ..خلاص يا أمير خد وقتك .وفكر عشان متظلمهاش معاك .وانا في اي وقت هقف جنبك .ومحدش هيعرف حاجه خالص عن الموضوع ده نهائي.. عاد امير من تفكيره وذكرياته ..وحزم أمره..ونزل عشان يروح الشركه .. في غرفه يارا الكل قاعد ونزلين هزار وضحك . ليان : يا بنتي سيبي البيوتي سنتر تخلصك هي بدل العك ده .. يارا: بقا كده انا عك..شايفه يا ماما ديجه .. خديجه: معلش يا قلبي. متغاظه منك .عشان انتي عروسه وهي لأ .. ههههههههه.. ليان: بقا كده ماشي يا ماما .. وبعدين انتي يا بت ديجه ديه محدش يقولها غيري بدل ما اجيبك من شعرك انتي فهمه .. يارا: شايفه يا ماما بتعمل فيا ايه.. خديجه: ولا يهمك يا قلبي.خلاص سيبها .يارا طلعت لسنها بشكل طفولي لليان .. ليان: والله ما انتي جيباها البر ..وجريت ورا يارا .. زينب: خلاص يا ولاد خلاص عيب كده .عندنا ضيوف .بطلوا هبل ده ..عقبالك يا ليان يا رب .. خديجه: اللهم امين. وجه اليل واتعلقت الزينه والانوار الجميله في فيله السيوفي.. كامل : يوسف كل حاجه خلاص .مفيش حاجه نقصه .. يوسف: لا يا بابا .مفيش وبالنسبه للأكل معتز راح يجيبه هو وعبد الرحمن .. كرم : امال فين امير ..وفهد . يوسف : فهد رجع من نص ساعه وطلع يلبس وامير معرفش ..وقتها نزل فهد . فهد: نعم يا بابا.في ايه .. كرم : ابدا اصلي مش شايفكم من الصبح .. والاستاذ امير معرفش راح فين من بدري . فهد: زمانه جي يا بابا خلاص . في مكان منعزل في فيله السيوفي .. المجهول: خلاص كده اتنسي الموضوع .بس لازم تخلص من اللي عندك ليفتكره فهد .. عمر : عيب عليك دا انا عمر .متخف قفلت المحضر وكل حاجه حتي فهد مخليني انا المسؤال عن كل حاجه.. المجهول: كويس ونصيبك محفوظ..تمام يا عمر بيه .. وبعد نص ساعه كمان كان جه عبدالرحمن ومعتز بالاكل وجهز كل حاجه ونزلت العروسه من فوق . والكل قاعد والاغاني. اشتغلت ..ويوسف بيبص عليها .هي كانت لبسه فستان جميل جدا.وطويل بلون الكشمير ومطعم باللؤلؤ.وحجاب بنفس لون الفستان ..ويوسف لابس بدله سوداء شيك جدا و جرافته كشمير وكان قمر بمعني الكلمة..وده كان حال الشباب كلهم بدل سوداء مع اختلاف الجرافته طبعا .. اما ليان كانت لبسه فستان احمر دموي ومن الوسط حزام فضي اللون والطرحه نفس درجة الفستان ..وكانت لكنها ملكه جمال ماشيه علي الارض . وبعد ما تم خطوبه يوسف ويارا ..لقوا امير داخل وفي أيده اسيل وشكلهم بيدل اكن عرايس دخلين .. هو كان لابس بدله سوداء و هي لابسه فستان اوفايت .ودخله وهي مسكه أيده وراح بيها عند والده .. امير : بابا بعد ازنك انا كنت اوز اكتب كتابي علي اسيل اليله .. كرم : بصدمه ..انت بتقول ايه كتب كتاب مين .. امير : قني يابابا مش وقته هعرفك كل حاجه بس مش دلوقتي.. ونده علي المازون ودخل وتم كتب الكتاب ..وخلصه وهما في حالت صدمه .وبعد ما كل الناس مشيت .. كرم: ممكن بقا تقولي ايه اللي انت عملته ده ..ومين ديه .مش ديه السكرتيرة بتاعتك .. امير : اه يا بابا بس من انهارده بقت مراتي .وان شاء الله كمان شهر هيكون الزفاف .. كامل : امير انت ليه عملت كده .انت حتي خليتنا معرفناش نتكلم .واحرجتنا قدام الناس .. امير : بعدين يا عمي بعدين ارجوكم هفهمكم كل حاجه .. عبد الرحمن: راح وحضن امير ..برافو عليك .كده تبقا فعلا تستاهل انك تقون راجل اد كلامك وافعالك ..مبروك يا أمير ..ولف لاسيل .الف مبروك ..ولف بعينه علي زميلتها ساره اللي شافها وهو بيكلم امير ..وابتسم . امير : البركه فيك يا عبدو . والله يبارك فيك.. يوسف: الف مبروك يا أمير .. امير : الله يبارك فيك يا جو .. والكل باركله في صدمه وسكوت ... كامل : انا مش عارف هو في ايه هي الافراح بتيجي مره وحده.. خديجه: ربنا يديمها نعمه ..وميحرمنا من الفرحه ابدا .. كامل : اهو يوسف يتخطب وامير يكتب كتابه وليان يتقدملها عريس ..ومعتز امبارح قالي أنه عاوز يتقدم لعروسه ..في ايه يا ولا واحد واحد مش كده .. خديجه: انت بتتكلم بجد .عريس لليان .مين .وكلمك امتي .. كامل : انهارده .قبل خطوبه يوسف بشويه جه كريم التهامي اتقدم لليان ومنتظر موافقتها ..ليان اول ما سمعت طلعت تجري علي فوق من الكسوف .. الجميع .ضحك على منظرها وهي بتجري معادا اللي واقف مصدوم وحس اكن حد ضرب بسكينه في قلبه ومش قادر يتحرك حتي ..رحله امير لانه حاسس باخوه .. ياترا ايه اللي هيحصل مع عائلته السيوفي وعائلته كرم فخر ..؟!
عدي تلات ايام علي عائله السيوفي بحب وسعاده وفرح لأشخاص..و كره وغيره وغضب وشوق لأشخاص تانيه. يوسف عايش اجمل ايام حياته مع اميرته اللي اتمناها طول عمره.يارا حبيبته .. ويارا ماتقلش سعاده عنه فهي لقت فارس أحلامها وطفولتها .اللي كتبت عنه أساطيل في خيلها ومذكرتها .. اما امير فهو كلم باباه وعمه كامل وحسن وعرفهم الحقيقه بس مش كامله ..او مش الحقيقه اصلا..عرفهم أن والدها توفي ووالدتها اتجوزت راجل تاني وهو حاول يعتدي عليها وكانوا عاوزين يجوزوها شاب تبعهم صايع.بس هي هربت منهم وعاشت مع صاحبتها.ودلوقتي هما عرفه مكنها وخفت ياخدوها ويجوزوها بالغصب .وانا بحبها واستحالة اسبها وهي بقت مراتي خلاص.عشان كده اتجوزتها بطريقه ديه .. والكل صعب عليهم اسيل.طبعا من القصه الوهميه اللي قالها امير ..ووافقه انها تعيش معاه بس في اوضه لوحدها. ومعتز خد قمر وابراهيم .وراح اتقدم لشهد وحدته معاد الخطوبه اخر الاسبوع ..وهو حس لاول مره أنه شايف البنت اللي خطفت قلبه وعقله .هو اه شاف اللي اجمل واحلى منها .بس هي فيها حاجه خاصه خطفت قلبه وعقله محدش قدر يعمل اللي هي عملته .وهي حسه أن ربنا بعته ليها نجاه عشان يحميها .والاكتر انها حبته وحست أنه الراجل اللي تقدر تعتمد عليه وتتحمي فيه ويكون سندها في الدنيا .. والاميره السرحانه في افكرها مش عارفه تاخد قرار .حسه أن في حاجه جواها .بس حبت تدي فرصه لكريم يمكن يطلع هو فارس أحلامها اللي مش بنفس المواصفات.. بالعكس فهو عكسه تماما..وقالت لباباها انها موافقه علي الخطوبه بس .وفهد حاول كتير يكلمها بس دايما خوفه وسكوته هو اللي بيغلب عليه .واللي سكته اكتر انها وافقه بسرعه كده .الغيره بتموت فيه كل دقيقه .. وحسن وإبراهيم وكرم كل واحد قرر أنه يرجع بأسرته لبيته بعد ما المشاكل اتحلت ..وكامل رفض أن كل واحد يرجع بأسرته لبيته قال إن خطوبه ليان قربت وكمان امير لازم يعمل زفاف عشان الناس تعرف انه اتجوز وكمان يعرفه مراته وماينفعش يفضل الوضع كده ..والكل وافقه . في صباح يوم جديد . الجميع حول سفره الطعام... كرم : ها يا امير حدد معاد فرحك عشان اخر الاسبوع هيكون خطوبه ليان وكريم ..ومعتز وشهد .أن شاء الله.انت اخره شويه بقا .. امير : ليه وانا مالي .ما هما اللي يأخروه . يوسف:بخبث .. فعلا .كلام امير صح هو اخر الاسبوع هيكون زفافي مع امير هو ده احلي قرار .. وبعدين خطوبه ليان ومعتز .عادي ..يارا انكشفت من يوسف وبصتله أنه يسكت ويبطل يكسفها قدام ابوها واخوتها .. كامل : هو حد كلمك ولا انت بتتلكك . وبعدين انت مش لسه خطوبتك من كام يوم لحقت عاوز الزفاف .. يوسف : برجاء ..وحياتي يا بابا .وافقه .وبمشاكسه .ده امير اول حاجه عمل كتب كتاب وانتوا بتتكلموا علي الزفاف اشمعنا انا ولا عشان انا الحيطه الميله بتاعتكم . افتري عليا يا حاج افتري .. الجميع ضحكوا على يوسف ..كرم : خلاص شوف عروستك بس انتوا هتلحقوا .ده لسه تجهيزات .وليله كبيره عقبال ما العرايس يعمله استعدادتهم وكمان الجناح الخاص بتعكم عقبال ما يجهز هياخد مده ..انما هما خطوبه .. يوسف : يعني لو خلصت الجناح بتاعي انا ويارا هتوافقه علي الزفاف .. كامل : اه بس يخلصه الاول .. .امير ويوسف بصه لبعض .وبمكر .يبقا بدا العد التنازلي .. هههههه.. خديجه: ربنا يهديكم يا ولادي عقبالك يا فهد انت وعبد الرحمن ..الكل كان سعيد معاده اللي كان قلبه بيتقطع مع كل نفس بيتنفسه .ممكن فعلا فهد يخسر ليان ومتكنش ليه ..ولا القدر ليله راي تاني .؟! معتز : بياكل مربه .وبيغني .ما تزوقيني يا ماما قوام يا مامااا دا عريسي هياخدني بسلامه يا ماما .. الكل ضحك علي شكل معتز .قمر : ربنا يعوض عليا عوض الصابرين .بقا الواد اللي حيلتي طلع اهبل .حكمتك يارب . ليان: فعلا عند حضرتك حق يا عمتو .هو فعلا اهبل .واحد اسمه ميزو .عوزاه يطلع ايه .كويس أنه بقا اهبل بس .. معتز : بت انتي اسكتي احسنلك .وبشكل مسرحي وكوميدي .بس يا بتاعت كريم . عبد الرحمن: ايه اللي انت بتقوله ده .بقا بتقول لبنت خالك يا بتاعت كريم .. معتز: بمزاح ..وديني لفضحها في كل حته يا بتاعت كريم . وبير السلم وبيشاور علي رجله والعبايه المفتوحه لحد هنا .يابتاعت كريم .. الجميع مش قادرين يمسكه نفسهم من الضحك من طريقه معتز وأسلوبه .بس فهد متحملش اكتر من كده حس أن الغبي ده لو قعد قدامه دقيقه كمان وهو بيتكلم هيموته ويطلع اعشائه بايده قام بعصبيه . فهد: بعد اذنكم .انا ماشي ..ومسك شنطته اللي بيروح بيها وقت المهمات اللي بيطلعها .. كرم : قام وقف قصاده وبخوف .هو انت طالع مهم يا فهد .. فهد : اه يابابا .طالع مهم .قامت يارا وامير وراحه يسلمه عليه ويارا حضنته بقوه .وبدأت في العياط .. يارا: وحياتي يا فهد خلي بالك من نفسك ..اوعي يحصلك حاجه .. فهد: يارا هو انتي كل مهم اطلعها تعيطي .ومتخافيش أن شاء الله هرجع وقرف فيكي كمان بس اوعي اشوف دموعك ديه وبسها في جيبنها وسلم علي الجميع .وبص علي حبيبته الصغيره ومشي .. في شركه السيوفي .. تحديدا عند مكتب امير .. قاعده اسيل وهتموت من الغيره .في عميله قاعده مع امير .بقلها ساعه معاه واللي مجنناها اكتر انها كانت بتتكلم مع امير بدلع ملفت ولبسها لا يوحي انها دخله مكتب أقل ما يقال عنه انها دخله نيل كلب .وهي برا قاعده هتموت وتدخل بس مش عارفه تلاقي حجه .تعرف تدخل بيها .بس حزمت أمرها.. جوه المكتب .. امير : تمام كده يا مدام ايلين الشروط تمت وكله خلص . ايلين : بمياعه ودلع . ميرسي امير بيه .شكرا جدا مالولا حضرتك كنت تعبت اوي عشان اعرف اخلصه .. امير : شكرا .يا مدام ايلين .بس انا ما عملتش غير واجبي .. ايلين : بدلع .قامت ولفت لامير ووقفت أمامه لايفصل عنه سوي شبر .لا يا امير بيه انت كلك ذوق وإحساس وبنظره جريئة حطت ايديها علي لياقت بدلته . ورجوله انت ازاي تتخطب لابنت زي اسيل ديه لا شكل ولا منظر ولا مركز انت لازم تسيبها .امير قاطعها بااشاره من أيده ولسه هيتكلم .وقتها دخلت اسيل . ومن غيرتها مدقتش الباب . وشافت المنظر وكلام ايلين .انصدمت اتخيلت امير أنه موافقها علي كلامها ..طلعت تجري من الشركه كلها .بجنون وصدمه . امير : اسيل ..استني وساب ايلين وجري ورا اسيل .والشركه كلها بتتفرج عليهم .واسيل بتخرج من باب الشركه وبتجري علي الشارع اتصدمت بعربيه في وشها .انما امير مش مصدق ان اسيل هي اللي علي الأرض قدامه . في مستشفى السيوفي .الجميع حول غرفه العمليات .منتظرين الدكتور يطمنهم علي اسيل .. يوسف : هو ايه اللي حصل يا أمير خلي اسيل تجري كده .. امير : بدموع وصدمه .من ساعه ما شالها بين أيده ودمها مغرق هدومه. .مش قادر يا يوسف مش قادر .اسيل هتروح مني .بعد ما لقتها تروح مني .. كامل : ادعي ربنا يا أمير .ربنا كبير يا ابني .أن شاء الله هتخرج بسلامه بصحتها .. امير : يارب ..يارب .خرج الدكتور من غرفه العمليات .. الكل رحله .. امير : دكتور .اسيل عمله ايه .. الدكتور : بحزم الحمد لله الخبطه مكنتش قويه .هي شويت كدمات وجروح خيطناها . امير : يعني اقدر اشوفها .. الدكتور : اه .بس هي دلوقتي في مرحلت البنج .بعد نص ساعه هتفوق ..ولسه بيتكلموا لقوا المستشفى كلها اتقلبت .في مريض مهم انصاب .طب بعد اذنكم .. خديجه: هو في ايه يا كامل ..ايه اللي بيحصل كلها الدكاتره كلها بتحري كده ليه . كامل : مش عارف ..ولسه هيروحه غرفه اسيل لقو ترول متشال فيه شاب من لبسه عرفه أنه ظابط بس مشفوش وشه .. دكتور حازم .: راح كامل وكرم ..والله يا فندم هنعمل كل اللي نقدر عليه .بس حالت الاستاذ فهد خطيره جدا .. كرم: بعدم فهم .فهد مين .وانت تعرف فهد منين .. دكتور حازم : يا فندم فهد بيه هو دخل العمليات وهنعمل اللي ربنا يقدرنا عليه وسبهم مصدومين ومشي دخل العمليات.. لقوا عمر ووليد أصحاب فهد منصابين بس دخلين ورا فهد و بيزعقوا في الدكاتره ..جريوا عليهم .. كرم: عمر .فهد ابني فين .هو ايه اللي بيحصل . عمر : عمي كرم هو حضرتك عرفت منين .. كامل: ريحوا قلبنا فهد ماله .. واليد : احنا كنا في اشتباك مع قوات ارهابيه خطيره.وضربه علينا نار وفهد انصاب .مننا ... يارا: اخويا فهد لا وحياتي يا بابا انا عاوزه فهد هاتولي فهد واغني عليها . الجميع : يارااااا..ونقلوها غرفه خاصه والدكاتره اسعفوها . وراحوا تاني غرفه العمليات عشان فهد .وبعد اكتر من اربع ساعات ..خرج دكتور ليهم .. دكتور : لو سمحت فين والد سياد الرائد فهد .. كرم: انا يا ابني ..في ايه ابني فيه حاجه . دكتور : لازم حضرتك تمضي علي ورق .ده عشان يكون تحت مسوليتك .. كرم : بخوف اب .فهد بالنسبه ليه مش ابن بس ده سند واب وابن واخ . احن واحد من ولاده .رخم شخصيته . ورق ايه .انا مش فاهم حاجه .. دكتور : الاستاذ فهد خد اربع طلقات .طلعناهم بس في واحد قرب العمود الفقري .وديه خطره جدا لازم حضرتك تمضي علي ورق عشان نطلعها ..
