سكريبت كامل
وحياة أمك
-سديم يا زفتة!!
-معلش يا طنط انفعلت
شديته من أيده وأنا بطلع برا الشقة قعدنا على السلم كعادتنا العمارة كلها عارفة أننا بنحب القعدة دى
-صباح الخير يا ولاد
-صباح الخير يا طنط إحسان.
لما نزلت جبته من قفاه وقولتله:
-ولا انطق هيا مين؟
-....
-زياد أخلص بنت مين؟!!
أعرفها!
لسة هيتكلم قاطعته وأنا بزقع
-ما تنطق!!
-أنتِ سايبالي فرصة أتكلم؟
-أي دا بجد! معلش أنجرفت شوية ها بقا هي مين؟
سكت ومسح على دقنه اللي ولأول مرة بلاحظها!
شدني من ودني وهو بيقولي:
-أنتِ مالك متتحشريش في اللي ملكيش فيه يا جرجيرة
-سري وسرك واحد ودا عهدنا فاكر ولا أفكرك
اتنهد وقام وقالي:
-ورايا شغل مش وقتك
دخل الشقة وساب الباب مفتوح، أمه طلعت وهي ماسكة المغرفة وقالتلي:
-يا مغفلة مش تتجوزوا وتخلصوا بقا
-أنا وزياد لا لا لا دا كان زمان
-أمشي يا بت
حطيت أيدي على كتفها وقولتلها:
-أمال عاملالنا أكل أي انهارده
-ملوخيه
-أوعا الشهقة القمر يلا تعالي أساعدك قبل ما الحاج والحاجة يرجعوا من السوق، حبكت يعني يحبوا في بعض ويجبلها عصير قصب.
ضحكت وقالتلي وهي بتزقني ع المطبخ:
-اتشطري أنتِ واتجوزي وحبي وهيجيلك عصير القصب
-كان على عيني
-ادخلى ياللي قهراني
الصبح جالي رسالة من زياد بيقولي فيها:
- أنا بحب يا سديم وناوي أعترف بحبي ليها.
-اي! ولاا رد
مردش عليا رنيت عليه رد
- ها احكي، هي مين!، اعرفها، طب حلوة؟
بخوني معاها من أمتى انطق؟
-سديم اخرسي خليني أتكلم
-احم طيب، ها؟
-بصي عمتك عايزاني هكلمك بعدين
-ولا الوو زفت
مبدهاش بقا نزلتله وفضلت أخبط على الباب لحد ما فتح وهو ماسك ساندوتش وخيارة في أيده
-بتبعني وتقفل عشان الخيارة!
قطم من الساندوتش ودخل قعد على الكنبة وشغل التلفزيون
-وحياة أمك؟
بعد ما قفشت معاه ومرداش يحكي هي مين روحت مع عمتي المطبخ وهيييي هيهي الشهقة
-أي روح الرقاصة طلعت في بيتنا
- ملكش دعوة وغور بقا شوف اللي وراك على رأي المثل البيت دا طاهر وهيفضل طول عمره طاهر وهيهي.
- اخرسي
-حاضر يا زياد مش وراك شغل بردو!
-شغل أنا قولت أن ورايا شغل؟
قعد على السفرة وقالي:
-محصلش أنا شغلي في أكل الملوخيه ام شهقة دي
-اسكوزمي يا أخ ملكش دعوة بشهقتي، بعدين مش أنتَ مش هتحكيلي حاجه، لميلي يا سعاد حبة ملوخيه في طبق أطلع اكلها فوق عشان مش عايزة أكل مع ناس كدة
شد ايدي وقالي:
-اتنيلي اقعدي
-حاضر
اللي هو أنا كلمتي متنزلش الأرض أبدًا..
كلت ولميت السفرة معاها وزياد ساعدنا والباب خبط
-روحي افتحي يا سديم
-لا روح أنتَ
-افتحي بدال ما أنتِ مكسحة كده
-بيتكم ولا بيتي اتلحلح يلا
حطيت رجل على رجل ومسكت طبق اللب اللي كان قدامنا وفتحت التلفزيون
-يلا يا أختي عشان تروحي
-هما جم!
-اه
مسكت حبة من اللب في ايدي كعادتي وقولتله:
-فوتك بعافية بقا
-طفسة
رجعت ليه وبصيتله من فوق لتحت جامد وقولتله:
-انا حطاك في دماغي وبراقبك وهراقبك يا زياد يا ابن سعاد
مشيت وسيبته بيضحك وطلعت مع بابا وماما طبعًا هما اتغدوا برا وعاملين روميو وجوليت، عشان كده أنا نزلت اتغديت مع طنط سعاد
ــــــــــــــــــــــــــــــــــــ
-سعيدة يا هانم
كانت رسالة جاية من طلبات المراسلة، لما دخلت الأكونت عرفت انه فيك تخيلوا كده أول واحد جه في بالي هو بعينه بغباوته بغمازاته زياد ابن سماح.
اصله لسة عامل واحد من يومين عشان يرخم عليا ودخل وعاكسني وأنا كملت معاه في الحوار عشان عارفه أنه هو.
بعدين لقيت اللي بيخبط على بابا الشقة
-أهلًا بالأستاذ شرفت.
بصلي من فوق لتحت وجابني من قفايا شبه المتلبسين فلحقت مفسي وقولتله:
-والله عارفه أنه أنتَ بس بستظرف
- عيونك دى لو مكنش لونهم حلو كنت قلعتهملك.
حطيت ايدي على عيوني وناديت ماما
-يا ماماااا يا مامااا زياد عايز يعورني.
طلع بابا وقال:
-مش هتبطله شغل العيال دا
ردينا في وقت واحد «لا» هه
المهم زقيته وقولتله:-
- عندنا محشي هتقعد ولا لا
-محشي أي
-مشكل
-قاعد طبعًا
رنينا على عمتي وطلعت اتغدت معانا والقعده مخلتش من هزارنا وعراكنا والضحك اللي بيرافقنا من صغرنا.
ــــــــــــــــــــــــــــــــــــ
- الليل جميل انهارده يا زياد
- شبهك
- بطل بكش، المهم احكيلي بقا مين اللي بتحبها؟!
- أنتِ أي رأيك إني بحب وكده!!
سكت شوية معرفش هو لية شعور بيدايق، بس قولتله:
-هدعيلها ربنا يكون في عونها
سكت وقام ماسك كوباية القهوة دلقها من البلكونه
- يا مجنون أي اللي عملته دا؟
- متعمليش قهوة تاني، مرة زيك
- أنتَ عارف إني بحب اشربها كده ثم إنك كمان بتحب تشربها كده، مرة زيي
لقينا زقيع تحت بصينا لقينا عم محمد بيزقع على العربية اللي اتدلقت عليها القهوة
بصيلنا فشديت زياد ودخلنا جوة واحنا بنضحك وعارفين بل متاكدين أنه شوية كده هيطلع وهيخبط على الباب ويقول:
-ولادكم يا جماعة محتاجين تربية.
أي دا، شكله طلع برا هه!!
ــــــــــــــــــــــــــــــــــــ
كنت نازلة أجيب طلبات لماما وشوفت زياد واقف قدام كافيه جنينا مع بنت!
بنت معرفهاش، شكلها اللي بيحبها.
مش عارفه لي حاسة بوجع في قلبي كده، وكأن روحي طلعت مني
رنيت عليه فكنسل!!
جبت الحاجات وطلعت.
-هو أنتم متزاعلين يا سديم
- لا يا ماما من أسبوع متكلمناش عشان نتزاعل في الأساس!
-طب رني عليه.
-مش رانه على حد ويغور ابن سعاد دا
-ماله ابنك يا سعاد
- مش عارفه الواد رجع من أسبوع متضايق ومش رادي يتكلم مع حد وسديم مش طايق سيرتها
- طب بقولك أي أنا عندي فكره.
طبعًا بدماغ الحاجه العبقري السهونة دا، عملوا خطة جامدة.
وأنا رايحه أشرب ملحقتش أفتح باب التلاجة لقيت ماما بتصرخ
- الحقيني يا سديم
- ماما..، ماما أنتِ كويسة؟!
افتكرت أن بابا في الشغل، رنيت على زياد كنسل في وشي
- مش وقتك يا غبي
دموعي خانتني وروحت رنيت على طنط سعاد
- أيوة يا طنط الحقني ماما وقعت ومش عارفه اعمل حاجه
- أي وقعت؟!
بكاشة قوة الولية دى
زياد أول ما سمع كده جرى علينا
- أمك مالها يا سديم
- مش.. مش عارفه
واتفتحت في العياط، لقيت طنط سعاد جات ورا زياد بتقول:
-قومي يا ولية قومي أنتِ زي القردة أصلا
وقومت أمي اللي وسبحان الله قامت!!
أول ما شوفتهم بيضحكوا عيطت.
زياد زقعلهم وقال:
-أي شغل العيال دا، أنتم أطفال مقالبكم سخيفة.
قام ماسكني من أيدي ودخلنا البلكونة
-متعيطيش يا سديم
فضلت اعيط فزقع وقالي:
-متعيطيش بقا
مسحت دموعي وزقعتله وقولتله:
-أنتَ مالك أصلًا مخاصمني من أسبوع وجاي تتشطر عليا دلوقتي
-ما أنتِ اللي وقفتي تضحكي وتتمايعي مع رامي
- رامي!!
-آه رامي شوفتكم يا أختي
- طب رامي وكان بيعزمني على فرحه ها، أنتَ بقا كنت بتعمل أي مع البنت قدام الكافيه؟
سكت ورفع حاجبه وقالي:
-بنت أي؟
-البنت يخويا اللي كانت لابسة محزق وملزق!!
ضحك- كانت بتسال على العنوان، الا بتغيري وكده؟
-زي ما أنتَ بتغير وكده
ضحك وبصلي شوية وقالي:
-قولتلك في واحدة بحبها وعايز اعترفلها
- اه قولتلي ومردتش تقول هى...
- بحبك
- أى!!
- مجنون اللي يفكر إني مش بحبك أنا بموت فيكي كمان تعالي كده.
شد ايدي وطلع برا كان بابا جه
- هتجوزني بنتك ولا اخدها واهرب بيها برا البلد
-يعم خدها وهديك فوقها مروحة
شهقت وقولتله:
-بتبعني يا حاج!
- صح جوزهالي عشان اكل الملوخيه أم شهقة
- اوعا الشهقة هه
القالب أسود ولكن مبطن بالأبيض، مبطن بحبك أنتَ..")🖤
تمت
لو انت من محبي القصص الكاملة اعمل متابعه لحسابي كي يصلك الجديد دوما
