سجين عينيها✨ الحلقه الثالثه والرابعه

 ✨سجين عينيها✨

الحلقه الثالثه والرابعه

(في قصر الشرقاوي)

ادم استيفظ بإنزعاج من صوت الهاتف وتطلع علي الهاتف وجده حمزه ابن خالته

ادم ببرود : ايوه يا ثقيل عايز ايه الصبح كده

حمزه : ايوه يا عم المندوب البريطاني لسه مكلمني علي وصول ولا انتا ولا سيف في الشركه

ادم:طيب اقفل انا جاي

لم ينتظر ادم الرد واغلق الخط

حمزه:يلهوي مش هيتغير

دلف ادم الي الحمام اخذ حمامه المنعش .. وارتدي بنطال ازرق ..وتيشرت ابيض حاكم علي عضلاته ووضع عطره المفضل .. وارتدي ساعته ذات الماركه العاليه.. وارتدي كوتشي ابيض.. ومشط شعره

خرج من القصر واتجه نحو سيارته ال BMW ليأخذها ويذهب الي شركته.

حمزه استقبله في مكتبه:ما بدري يا استاذ ملكش شركه تسال عليها..متأخر ليه يادومي

ادم: دومي!لولا انك ابن خالتي وصحبي الغتت كنت دفنتك مكانك كلمه كمان وهتترفد

حمزه : ياليلة بختك ياحمزه مكنش يومك ياحبيبي

ادم بجديه : المندوبين وصلوا

حمزه : لا انا كلمتهم من نص ساعه قالو انهم علي وصول

ادم : ربع ساعه بالظبط لو مجوش الغي التعاقد دا خالص..مش هنفضل مستنينهم كده

حمزه : تمام

ادم:طيب غور من وشي وابعتلي قهوه

حمزه : يارب نفسي اتعامل باحترام شويه من حد كله ماسكني تهزيق كده

ادم : يلا يا مهزق من قدامي

ليتركه حمزه ويظل ادم يفكر ..في قراره الذي اخذه امس

فلاش بااك

كان يجلس مع صديقه طارق في المطعم...وجد حبيبته ... بفستان قصير جدا...ومعها شاب ثري جدا...عندما وجدته ذهبت اليهم عن اذنك عايزاك ثواني يا ادم

ادم ببرود:افندم

رحمه:لوحدنا لو سمحت

نهض ادم معها وجلسوا علي تربيزه

ادم:خير..فلوسه خلصت بتدوري علي واحد تاني.

رحمه ببكاء:ادم انا لسه بحبك...اديني فرصه

ادم:وليه انتي مدتنيش فرصه...لما قولتلك انا هبني نفسي...مش هعتمد علي فلوس اهلي...بس انتي روحتي للي في ايده الفلوس...ودلوقتي جيالي لما لقتيني بنيت بنفسي كمية شركات الشرقاوي...انتي انسانه قذره...انا مش عارف ازاي حبيتك اصلا

رحمه مسكت يده:ادم انا عارفه انك لسه بتحبني

ادم سحب يده منها : كنت بحبك..كنت بحبك حب مفيش حد يحلم بيه..بس دلوقتي اتحول لكره كره

وتركها وذهب الي سيارته وظل يدور بها حتي وجد نفسه امام النادي الليلي

دلف وظل يشرب وهو يتذكرها ويتذكر ريم ثم حسم قراره بان لا يعطي فرصه لاحد انا يدلف الي قلبه...فجميعهم رخاص .. ثم عاد الي المنزل مغيب تماما وغط في نوم عميق.

.....باااااك

.......

(في قصر الشرقاوي)

اجتمعوا علي فطورهم

مني : اي ده حد ينادي علي ريم

عبير بإبتسامه : انا هناديها

لتذهب عبير الي غرفتها .. وجدت الغرفه مفتوحه .. ووجدت ريم جالسه وترتل آيات الله

عبير بإبتسامه صافيه : ايه يا قمر مش هتفطري ولا ايه

ريم بادلتها الابتسامه : حاضر يا طنط ثواني.. وغلقت كتاب الله.. واستعدت لتذهب معها

عبير بغضب مصطنع : اي طنط دي قوليلي يا بيبو ادم ويار وسيف وادهم ورقيه بيقولولي بيبو

ريم بإبتسامه : تمام يا بيبو

..ثم ذهبت معها وجلسو علي الفطور و ادهم لا يرفع عينيه عنها.

تناولوا فطورهم ثم ذهب محمد وعبدالرحمن وسيف الي الشركه وذهب ادهم الي عيادته ورقيه ويارا الي الجامعه..وتبقي في المنزل عواطف ومني والجد منصور الشرقاوي

وظلوا يتحدثوا وريم جالسه تراقب في صمت

.......

(في بيت ساره)

كانت تتناول فطورها مع امها قبل ذهابها للمدرسه

ساره:الحمدلله

ودخلت غسلت يديها ثم خرجت وحملت حقيبتها وذهبت الي عملها...قابلت دكتور عمر علي باب الاسانسير

دكتور عمر : اهلا يا استاذه ساره..اخبارك اي

ساره : الحمدلله بخير يادكتور وانتا اخبارك اي...ومازن عامل اي

عمر:الحمدلله تمام...رايحه فين بدري كده

ساره: رايحه المدرسه..رجعت الشغل

فتح الاسانسير

عمر : اتفضلي

عمر:طب كويس..تعالي اوصلك في طريقي

ساره:لا لا هاخد تاكسي

عمر:تاكسي اي ما انا كده كده هعدي من هناك

ونزلت وصعدت معه الي السياره ووصلها للمدرسه

........

(في منزل الحاج سعد بالمنصوره)

الحاج سعد:اقعدي كلي لقمه يا ام امين انتي ما اكلتيش حاجه من امبارح

حنان : مليش نفس اكل ياحاج..انا خايفه علي البت .. مش عارفه حاجه .. مكنتش بتطلع علي يدك

..واثناء حديثهم..

طرق الباب وفتح الحاج سعد:اهلا يا حاج فتحي اهلا نورتنا..اتفضل

الحاج فتحي:ولا اتفضل ولا زفت رجالتي قلبوا الدنيا علي السنيوره ملقيوهاش..انا جاي اخد الدهب وماشي

سعد:طب اتفضل اشرب شاي عبال م نجبلك الدهب

الحاج فتحي:لا ماليش دخول البيت ده اخلص يا راجل انتا ادخل وهات الدهب

دخل الحاج سعد جاب الدهب وخرج:اتفضل يا حاج فتحي

الحاج فتحي اخد العلبه وفتحها:طب تمام مفيش حاجه ناقصه..سلام يا عالم يا ناقصه.

حنان ربتت علي كتف الحاج سعد:سيبك منه يا حاج متركزش في كلامه

الحاج سعد:بنتك هي اللي عملت فينا كده

حنان:ربنا يسامحها ويسترها معاها يارب

........

(في مكان مهجور)

يجلس رجلان مع فتاه

الفتاه:انا عايزه ادمره نهائي...دا اخد حبيبي مني

الرجل الاول:كلنا عايزين ندمره...ونهايته قربت اوي.

الرجل الثاني بضحكه قذره:هههه نهايته هتبقا علي ايدي انا

.......

(في قصر الشرقاوي)

ادم عاد من شركته وصعد الي غرفته كعادته..كان يجلس مع عائلته اخر يومين لوجود ريم...لكنه حسم قراره...لم يعيد التجربه مره اخري.

دلف واخذ حمام وخرج من الحمام وهو يلف منشفه حول خصره...ودلف الي غرفه الملابس...جلب بنطال اسود قماش...وتيشرت اسود يبرز عضلاته...ومشط شعره...وارتدي كوتشي ابيض...ودلف للنزلول...نعم انه سيرجع الي عادته القديمه..شرب الخمر.

واثناء نزوله..كانت ريم جالسه مع عبير ورقيه.

ريم وقفت ونادت عليه:يا بشمهندس

ادم بجديه:افندم

ريم بتوتر:كنت عايزه يعني..اقولك هنروح ندور علي اهلي امتاا

ادم بصرامه:مش هدور علي حد .. ويلا اتفضلي من غير مطرود .. دوري عليهم مع نفسك وتركها وذهب

ريم نزلت دموعها لماذا تغيرت معاملته معها هكذا..لماذا بقا بكل هذه القسوه.

دلفت ريم الي غرفتها وهي تبكي..وضبت حقيبتها وشرعت بالذهاب

رقيه:ياريم مش عايزاكي تزعلي منه .. هو هو بس

ريم قاطعتها:بعد اذنك

وتركتها وخرجت..خرجت من القصر وجدت آدم واقف امام سيارته وشارد ..قلبها .فذهبت له

ريم:يابشمهندس حضرتك كويس

ادم:لا مش كويس.. وجلس بجانب سيارته

ريم:في اي يا بشمهندس

ادم:بعد اللي عملته راجعالي تقولي انها لسه بتحبني

ريم:مش فاهمه

ادم بصلها بغضب:انتي مالك انتي .. انتي ايه اللي جابك ورايا هاا..يلا غوري من هناا

........

يا جماعه ادم غير ادهم تمام علشان متتلغبطوش

(في بيت ساره)

ساره:ريم لا لا لااااااا

قامت من نومها مفزوعه وهي تبكي بحرقه:يا ترا انتي فين ياريم..عايشه ولا جرالك حاجه..يارب احفظها يارب مكان ما تكون

(امام قصر الشرقاوي)

ادم قام وركب عربيته وقادها علي اعلي سرعه

ريم اخذت شنطتها وظلت تدور في الشوارع

وجدها 3 شباب ظلوا يسيروا خلفها

واحد من الشباب:باين عليها حلوه اوي

واحد اخر:ايوه تعالوا نمشي وراها

ريم اسرعت في مشيتها والشباب خلفها وبعدها ركضت لا تبالي بما امامها

عند ادم

ادم:انا ازاي سيبتها تمشي دلوقتي...هلحقها اخليها تستني لحد بكره وبعدها تمشي

وقاد سيارته متجها الي القصر لم يجدها

قاد سيارته وظل يبحث عنها في الشوارع موبايله رن وجدها رقيه

ادم: ايوه يا رقيه

رقيه:ايوه يا ابيه انتو كويسين

ادم:احنا مين

رقيه: انتا وريم

ادم :بس ريم مش معايا

رقيه:انتا بتقول اي يا ابيه انا كنت هوقفها ومش هخليها تمشي بس لاقيتها واقفه معاك فقولت انك هترجعهاا....

ادم غلق الخط دون ان يرد عليها وفرمل فجأه ونزل من السياره وجد ريم ملقاه علي الارض غارقه في دمائها

ادم بخضه:ريم ريم

لكن لم يتلقي الجواب

حملها وذهب الي المستشفي ودلف الي الداخل

وبعد دقائق خرج الدكتور

ادم:هاا يا دكتور عامله اي هي كويسه صح..هتفوق دلوقتي

الدكتور: اهدا يا ادم باشا هي هتدخل عمليات..ادعيلها الاصابه جامده

ظل ادم امام غرفه العمليات..جلس علي المقعد..ووضع رأسه بين يديه.. هاتفه رن وجده سيف

سيف:ايوه يا ادم انتا فين لحد دلوقتي الساعه 8 ومرجعتش من امبارح

ادم:ريم يا سيف عملت حادثه

سيف:انتا فين دلوقتي مستشفي ايي

ادم:مستشفي......

سيف:انا جايلك حالا

وغلق سيف الخط

بعد 3 ساعات خرج الدكتور

ادم وسيف بصوت واحد:هاا يا دكتور طمنا عليها

الدكتور:الحمدلله العمليه عدت...قدامها وقت بس لحد ما تفوق من البنج.

ادم: طب ينفع اشوفها

الدكتور:هننقلها اوضه عاديه وبعدين تقدر تشوفوها..عن اذنكو

جلس ادم علي المقعد ومعه سيف

.......

(في منزل ساره)

ساره:صباح الخير يا ماما

سميره:صباح النور..اقعدي دقيقتين وهحط الفطار

جلسوا علي الفطار

سميره:مالك يا ساره بتفكري في اي

ساره:هاا لا مفيش..ماما

سميره:نعم

ساره:انا عايزه ادور علي ريم ..انا حلمت بكابوس..كانت بتترجاني اساعدها

سميره:تدوري ازاي يا بنتي بس دي بقالها 16 سنه اكيد شكلها اتغير .. ربنا يكون معاها مكان ما تكون

ساره:يارب

ثم اكملوا فطورهم ونزلت ساره الي عملهاا

......

(في فيلا الشرقاوي)

رقيه قصت لهم ما فعله ادم مع ريم وانه طردها وخرج يبحث عنها

محمد:كلميه يارقيه شوفيه مجاش ليه لحد دلوقتي..وشوفيه لقاها ولا لا

رقيه:حاضر يابابا

......

(في المستشفي)

الدكتور أتي لادم وسيف:تقدروا تشوفوها دلوقتي

سيف :طيب شكرا يا دكتور

سيف لادم:طب انا هروح الشركه يا ادم

ادم اومأ براسه وذهب الي غرفه ريم دلف الي الداخل وسحب كرسي وجلس بجوارها

ادم:انا اسف..مكنش قصدي اعمل كل ده..انا اسف

وظل ينظر لها وجدها كالملاك النائم

موبايله رن وجدها رقيه خرج من الغرفه ورد عليها

رقيه:ايوه يا ابيه..انتا فين..احنا قلقانين عليك

ادم:انا في المستشفي

رقيه:مستشفي ليه في ايه مالك

لاحظتها العائله جرت عليها مني:ماله ماله

ادم:اهدوا انا كويس..ريم عملت حادثه

رقيه:غلقت الهاتف ثم قالت ريم عملت حادثه

انصدم الجميع

نعم هما يومين فقط ريم قضتهم معهم لكنهم احبوها..فهي علمت رقيه الصلاه..وجعلتها تحجبت..وكانت قريبه من عبير.

رقيه:انا لازم اروحلها..لازم تكون معاها

عبير :وانا كمان..هغير هدومي ونروحلها

مني:وانا جايه معاكوا

محمد:يلا هوصلكو في طريقي واطمن عليها

عواطف:مالكو قلقانين عليها كدا ليه..ما طلعت مش قريبه مني

مني:اسكتي يا عواطف لو سمحتي

وصعدوا بدلوا ملابسهم وذهبوا الي المستشفي

🌺🌺🌺🌺🌺🌺🌺🌺🌺🌺🌺

✨سجين عينيها✨

الحلقه الرابعه

(في المستشفي)

ادم انهي اتصاله وجلس بجوار ريم .. وجدها تفتح عينيها

ادم:ريم انتي كويسه

ريم بصوت خافت :اي اللي حصل..فين حجابي..ازاي تقلعوني الخمار ثم نهضت فجأة واحست بألم

ريم بدموع:اها

ادم بلهفه:انتي كويسه

ريم:لو سمحت اطلع بره وابعتلي حجاب مع اي ممرضه وبعدين ادخل

ادم اومأ برأسه ثم خرج

وعاد بحجاب

ادم:اتفضلي

ريم:شكرا يا بشمهندس

حاولت ريم ان ترتديه ولكنها لم تستطع

ادم:هساعدك.

ريم اومأت براسها

ادم:بيتلبس ازاي ده

ريم:اوعي ايدك انا هلبسه

وحاولت ولكنها لم تستطيع فذراعيها الاثنان مصابون ولا تستطيع انا تحركهم

ادم:اوعي ثواني

ثم جرب وظبطت معه

ادم بابتسامه:هاا واخيرا

ريم ابتسمت:شكرا ثم اكملت اي اللي حصل

ادم:انا لقيتك بتجري وباصه وراكي في الضلمه..وخبطك بالعربيه..انا اسف اني طلعتك في وقت زي ده.

ريم:لا يا بشمهندس دا قدر ومكتوب

ادم:هنادي الدكتور يطمني عليكي

ريم:تمام ماشي

ذهب ادم ثم عاد ومعه الدكتور..دلفوا الي الغرفه

الدكتور:هااا يا قمر .. اخبارك اي دلوقتي.

ريم برضا:الحمدلله كويسه

الدكتور:هبعتلك اكل يا ادم باشا لازم تأكلها علشان تاخد العلاج

ادم:تمام يا دكتور

خرج الدكتور..وساعد ادم ريم للجلوس..ووضع خلفها الوساده ..وجلس علي الكرسي.

ادم:هاا بقا مقولتليش كنتي بتجري ليه كده.

ريم:انا كنت ماشيه لقيت ورايا 3 شباب..حاولوا حاولو

ادم : ايه اللي حصل

ريم : حاولوا يقطعوا طريقي فجريت

ادم بأسي:انا السبب في كل ده..ياريتني مخرجتك

ريم:قولتلك مره دا قدر ومكتوب

ابتسم ادم لهاا ثم دلفت الممرضه ومعها الطعام

حاولت ريم انا تأكل ولكنها لم تستطع فأطعمها ادم بيده..

.......

(في منزل الحاج سعد)

دلف امين الي البيت

حنان:ها يا ابني معرفتش حاجه عنها.

امين:للاسف لا يا امي

الحاج سعد:هتكون راحت فين بس.

حنان ببكاء:دي بقالها يومين..احنا السبب يا ابو امين..كنا هنخليها تتجوز واحد قد ابوها

الحاج سعد:كنا هنعمل اي..انتي عارفه الحاج فتحي واللي ممكن يعمله لو رفضنا

حنان:يارب استرها معاها..ورجعها لينا سالمه يارب

امين والحاج سعد في صوت واحد:اللهم امين

نتعرف علي امين:-شاب وسيم يعمل بالاراضي الزراعيه 27 سنه وكان يعتبر ريم اخته بحق

........

(في مدرسه ساره)

خرجت من المدرسه في طريقها الي المنزل...وجدت جنا امام المدرسه حزينه

ساره:جنا يا حبيبتي مفيش حد جيه اخدك

جنا بحزن:لا المفروض ان بابي هييجي ياخدني

ساره:خلاص انا هستنا معاكي بابي

جنا بفرحه:شكرا يا ميس

ساره ضمتها ووجدت انه الوقت المناسب لتخبره عن حال ابنته وكم هي حزينه

......

(نرجع للمستشفي بقا)

ادم يطعم ريم..فطرق الباب ودلفت عائله ادم

رقيه:اي الدلع دا كله ههههه....الف سلامه عليكي يا ريم

محمد:الف سلامه عليكي يابنتي

ريم:الله يسلمكو

جلست رقيه علي الفراش بجانب ريم واستاذن محمد وذهب الي عمله...وبعدها دلفت عبير ومني

عبير ومني:الف سلامه عليكي يا حبيبتي

ريم:الله يسلمك يا بيبو

مني:عامله اي دلوقتي

ريم:الحمدلله ياطنط..بس مكانش لازم تتعبوا نفسكوا وتيجوا

مني:ولا تعب ولا حاجه انتي زي رقيه..ثم اكملت..روح ريح شويه يا ادم وخد دش كده وغير لبسك ده واحنا هنا مع ريم

ادم:حاضر عن اذنكو

..وتركهم وخرج فهو لم ينام من امس اليوم

وظلت ريم تتحدث مع بيبو ورقيه ومني وقصت لهم ما حدث

......

(نرجع للمدرسه للي واقفين مستنين والد جنا)

لم ينتظروا كثيرا واتي والدها نزل من سيارته وذهب اليها

عزت:انا اسف يا حبيبتي اتاخرت عليكي.

جنا:ولا يهمك يا بابي..ميس ساره وقفت معايا لحد ما تيجي.

عزت:شكرا لحضرتك يا ميس.

ساره:لا شكر علي واجب..انا عايزه حضرتك في موضوع مهم

عزت:خيير اتفضلي

ساره:روحي يا جنا استني بابي في العربيه

جنا ذهبت وصعدت الي السياره

عزت:خير يا مدام

ساره:بصراحه يا استاذ خلافك انتا ووالدة ريم عاملها مشكله..وهي خايفه جدا انكو تنفصلوا.

عزت:نعم..هي قالتلك كده

ساره:ايوه هي عايشه في كابوس..اصبروا علشان جنا وبلاش تتخانقوا قدامها..هي طول الوقت معزوله عن صحابها..وبتفكر في الموضوع ده

عزت:تمام انا بشكرك جدا عن اذنك

وذهب عزت..وذهبت ساره الي منزلها..

......

(في شركة الشرقاوي)

دلفت السكرتيره الي مكتب سيف

السكرتيره:في واحده بره عايزه تقابل سيادتك..جايه علشان شغل

سيف:طيب دخليها

دلفت آيه الي الداخل

آيه بإبتسامه:السلام عليكم

سيف شرد في ابتسامتها

آيه:احم احم

سيف:وعليكم السلام اتفضلي

جلست ايه

سيف بدون ان ينظر اليهاا:ال cv بتاع حضرتك لو سمحتي

آيه:اتفضل

سيف نظر الي ال Cv تمام كويس جدا

آيه:ايوه حضرتك

سيف:تمام تقدري تستلمي الشغل من بكره..حضرتك هتتعيني في الحسابات

آيه بإبتسامه ساحره: تمام شكرا لحضرتك عن اذنك

ياترا اي اللي هيحصل بين ادم وريم؟!؟

واي اللي هيحصل ل آيه مع ادم؟!؟

وعيلة ريم اللي في المنصوره هيعملوا اي؟!؟

ووالد ووالده جنا هينفصلوا ولا لا ؟!؟

........

(في قصر الشرقاوي)

ادم وصل الي القصر وجد مرات عمه عواطف ويارا جالسين يستمعون الي التلفاز...صعد الي غرفته بدون اي كلمه...دلف الي الحمام..اخذ حمامه المنعش...ثم خرج ودلف الي غرفه الملابس...ارتدي بدله سوداء...وقميص ابيض...ثم ارتدي حذائه..وساعته..ووضع عطره المفضل..ثم نزل واخذ عربيته ال Jeep وذهب الي المستشفي...ليطمإن عليهاا...دلف الي الغرفه

نظرت له ريم وابتسمت فكان وسيم جدا

مني:ايه يا ابني اللي جابك..مريحتش شويه ليه.

ادم:عندي اجتماع في الشركه..بس قولت اعدي اشوفكوا لو عايزين حاجه.

مني:لا يا حبيبي..روح انتا شغلك.

ادم نظر الي ريم التي وضعت عينيها ارضا:ماشي عن اذنكو

وذهب الي شركته..ودلف الي الداخل..وكالعاده يسمع همسات الموظفين اعجابا به..صعد الي مكتبه

ادم للسكرتيره:ابعتيلي قهوتي

السكرتيره:حاضر تحت امرك يا فندم

دلف الي الداخل ثم بدأ يراجع الملفات..ثم دلفت السكرتيره بالقهوه

السكرتيره:اتفضل يا فندم..اي خدمه تاني

ادم:الاجتماع مع شركة.....كمان قد اي

السكرتيره:كمان ساعه بالظبط يا فندم

ادم:هاتيلي ملف الصفقه بتاعت الشركه البريطانيه.

السكرتيره:حاضر يا فندم..عن اذنك

خرجت السكرتيره وتركت ادم شاردا بها

........

(في عياده ادهم)

ادهم:ايوه يا سيف خير رنيت عليك الصبح كنت عايزك تجيبلي حاجه من البيت مردتش.

سيف:كنا في المستشفي.

ادهم بقلق:مستشفي ليه اي اللي حصل

سيف:ريم عملت حادثه وهي في مستشفي.......

ادهم بحزن :يا خبر امتا ده

سيف:امبارح بالليل

ادهم:طيب انا هروح اطمن عليها..سلام

سيف سلام

ادهم استدعي الممرضه

الممرضه:ايوه يا دكتور

ادهم:الغي كل الكشوفات..انا مش هشتغل انهارده

الممرضه:بس في عمليه ولاده انهارده

ادهم:اجليها لبليل

ثم اخذ مفاتيح سيارته وذهب الي المستشفي

........

(في قصر الشرقاوي)

عواطف ويارا كانو يتابعون التلفاز

عواطف:انا مش عارفه مهتمين بيها كدا ليه.

يارا:عادي يا ماما

عواطف:خليكي قولي عادي لحد ما هتخطف منك ادم.

يارا:ادم اصلا مش بيعتبرني غير اخته هو قالها ليا صريحه

عواطف:خليكي موكوسه كده

ثم تركتها وذهبت

وظلت يارا تفكر ب ادم..وكم انها تحبه من طفولتها.

.........

(في منزل الحاج سعد بعد اذان العصر)

سلمي دقت الباب وفتحت لها حنان

حنان:اتفضلي يا حبيبتي

سلمي:يزيد فضلك يارب

ثم دلفت الي الداخل وجدت الحاج سعد وامين جالسين

سلمي: السلام عليكم

الحاج سعد وأمين:وعليكم السلام

سلمي بتوتر:بصراحه يا عمي يعني

الحاج سعد:في اي يا بنتي اتكلمي

سلمي:انا عارفه ريم فين

نظروا لها جميعا ثم اكملت:ريم نزلت القاهره تدور علي اهلها

حنان بدموع:لوحدها..يارب رجعها يارب..دي مكانتش بتطلع من البيت

امين :طب انتي ليه مقولتيلناش قبل كده

سلمي:بصراحه هي قالتلي مقولش مكانها..بس مش عاين عليا اشوفكوا بتدوروا كده..وبعدين البلد كلها طلعت عليها سمعه مش كويسه..فعلشان كده قولتلكوا مكانها علشان توصلولها.

الحاج سعد:يلا يا امين هننزل انا وانتا القاهره..وهنرجع بيها ان شاء الله

حنان:الليل هيدخل اهو خليكو لبكره انزلوا اول النهار

امين:انتو فاكرين القاهره صغيره..دي كبيره جدا..مش هنلاقيها باي شكل.

الحاج سعد:انا عارف انها كبيره بس هنعمل اي

سلمي:هي كانت قالتلي انها اول ما تجيلها فرصه هتكلمني.

حنان بدموع:يارب احفظها يارب

........

(في مكان مهجور )

الرجل الاول:هاا اي الخطه

الفتاه:هنقتله

الرجل الثاني:هنقتله بس هنبين انها حادثه

الفتاه:يبقا اتفقناا

نتعرف عليهم

الرجلان:-لديهم شركه منافسه ل ادم .. وادم يكسب الصفقات دائما ..لذلك يريدون ان يتخلصوا منه

الرجل الاول:-سمير

والثاني:-سامح

والفتاه:-كانت تحب شريكهم الثالث في الشركه..وحاول قتل رقيه اخت ادم..لكن ادم علم انه كان يريد ان يقتل اخته .. ف قبض عليه..وثبت عليه اتهامات كثيره .. فاتعدم .. وهذه الفتاه كانت حبيبته..ف انضمت لسمير وسامح لكي يقتلوه..واسمها ميار

_قرروا ان ينفذوا خطتهم بعد 5 ايام بعد ما يراقبوا ادم جيدا ويعرفوا تحركاته

.........

(في المستشفي)

ادهم وصل المستشفي..دخل الاستقبال

ادهم:في مريضه هنا بإسم ريم جت امبارح في حادثه

موظفة الاستقبال:ايوه يا فندم..في اوضه 27 في الدور الرابع

ادهم:شكرا

وصعد بالاسانسير حتي وصل الي الغرفه طرق الباب ودلف الي الداخل

ادهم:الف سلامه عليكي

فزعوا جميعا فلم يشعروا بدلوفه

رقيه:ايه يا ابيه..حيلك حيلك..خضتنا

ريم ابتسمت:الله يسلمك يا بشمهندس

وجلس معهم وقصت رقيه له ما حدث

دلفت الممرضه الي الداخل

ثم وجهت كلامها لرقيه:عن اذنك هشيلها المحلول

رقيه اومأت برأسها وقامت

......

(في شركة الشرقاوي)

انهي ادم اجتماعه ثم ذهب الي القصر ليبدل ملابسه..ويذهب لها لكي يطمئن عليها

وبينما وهو عائد في طريقه..وقف بسيارته فجأه في.....

يتبع.......

يا ترا اي اللي حصل؟!؟

وادم وقف العربيه ليه؟!؟

كل ده هنعرفه الحلقه الجايه..متبخلوش بالتصويت وكومنت

الحلقه  الاولي والتانيه 👇👇👇

من هناااا