🌺🌷🌷صداقة العمر 🌷🌷🌺
من البارت الاول حتي الخامس
🌺🌷🌺🌷🌺🌷🌺🌷🌺🌷🌺
في احدي المدارس الثانوية
رهف في نفسها يلهوي انا مش عارفه حد خالص
يوسف ... ازيك ممكن نتعرف
رهف .. انا رهف
يوسف ... وانا يوسف دي اول سنه ليكي هنا
رهف .. اه كنت في مدرسه في القاهره وجينا هنا اسكندريه وحولت
يوسف ... اتشرفت بمعرفتك انتي سنه تالته صح
رهف ... اه وانت
يوسف ... وانا كمان في تالته طيب اتعرفتي علي حد هنا والا لسه
رهف ... بصراحه انا خايفه ومش عارفه حد خالص
يوسف ضحك علي برائتها ... يا ستي دا اول يوم ودي اول سنه ليكي هنا تعالي اعرفك علي شلتي
رهف ... انت في المدرسه دي من سنه أولي
يوسف ... اه بس شلتي فيهم ناس صحابي من واحنا صغيرين يلا تعالي
خدها وراح ل الشله
يوسف ... دي رهف يا جماعة وهتنضم لشلتنا
يوسف ... دا عمر صاحبي من أولي ابتدائي
عمر ... اتشرفنا بيكي يا قمر
رهف ... شكرا
يوسف ... ودا مراد ودا مصطفي
مراد ... اي القمر دا بس نورتي الشله
رهف ... هههههههههههه بنورك
يوسف ... خف يا عسل
مصطفي ... ازيك
رهف ... الحمدلله
يوسف ... ودول كارمن ودي شهد
كارمن ... نورتي يا قمر
شهد بتبص برزاله ... اهلا
رهف .. شكرا
يوسف .. يلا الحصه هتبدأ
مراد ... روحو انتو انا مليش مزاج هستخبا في الحمام
يوسف ... يلا ياض قدامي
الكل ضحك
( رهف بنت في غاية الجمال عينيها بني فاتح بشرتها بيضه وعندها غمازات وجسمها متناسق وشعرها اسود طويل 17 سنة )
(يوسف طويل وجسمه رياضي وعيونه بني غامق وشعره اسود ناعم 17 سنه )
(عمر صاحب يوسف من زمان طويل طول يوسف وجسمه رياضي وعيونه سوده وشعره ناعم )
(مراد قمر بردو وطويل وجسمه رياضي وشعره كيرلي )
(مصطفي طويل وجسمه مظبوط وشعره كيرلي )
(شهد بنت بارده طويله جمالها عادي بس ليها جمال خاص )
(كارمن قمر شعرها قصير وعندها غمازات وقصيره )
رهف بهمس ... يوسف انت فاهم حاجه من المستر دا
يوسف .. لا
مراد ... جماعه انا مش فاهم والا كلمه مش احنا في ادبي بردو حاسس انو بيشرح حاجات للعلمي
عمر بضحك ...شكلو دخل فصل غلط
كارمن ... مستر لو سمحت
المستر ... في اي بتعطلي الشرح لي
كارمن ... اسفه بس حضرتك بتشرح كيمياء واحنا ادبي
الفصل كلو ضحك
المستر ... هو دا مش مبني علمي
كارمن ... لا حضرتك دا مبني ادبي
المستر ... احم اتلخبط
المستر خرج والفصل كلو مات علي نفسو من الضحك
مشرف الدور ... مالكو بتضحكو لي وفين المستر اللي عليكو
ولد ... حضرتك المستر اللي كان هنا اتلخبط بدل ما يروح مبني علمي جه هنا والمفروض مستر محمد هو اللي علينا
مستر محمد من وراهم ... اسف علي التأخير
مشرف الدور .. اتفضل يا مستر وخرج
والمستر بدأ شرح وكان مركز مع رهف
************
في البريك
رهف ... انا راحه اجيب حاجه اشربها
كارمن ... خوديني معاكي
رهف ... يلا
مراد .. اي يا شهد مروحتيش معاهم لي
شهد ... عادي
عمر ... الحقو شلة عاصم بيرزلو علي كارمن ورهف
يوسف ... نهار ابوهم اسود كدا جابو اخرهم معايا
راحولهم
عمر ... في اي يا عاصم
عاصم ... مالك يا سي عمر داخل بصدرك علينا لي
عمر ... اتكلم عدل
عاصم ... يامي يامي يامي خاف يا عيد
عمر ... انت اللي جبتو لنفسك ونزلو فيهم وفي شلتهم ضرب
المدرس تعالو كلكو علي مكتبي
مستر محمد ... ممكن افهم اي اللي حصل تحت
يوسف ... يا مستر كانو بيرزلو علي رهف وكارمن
المستر بص لرهف بإعجاب... انتي اسمك رهف
عمر .... يا مستر ركز معانا
خلاص اتأسفو يا عاصم وخد صحابك وامشو
عاصم وشلتو ... احنا اسفين
المستر ... خدهم وامشو وانتو استنوا
عاصم خد شلته ومشي
المستر ... احنا هنا في مدرسه وانا كنت ممكن اصعد الموضوع واقول للمديره
مراد ... احم شكرا يا مستر
المستر ... فهموني انتو الاتنين عملولكو اي
كارمن ورهف ... حضرتك كنا رايحين الكانتين عملو دايره حولينا وقالو كلام وحش
المستر ... قالو اي
رهف ... احم قالو اقسم بالله ابطال ومزز ما تجيبو ارقامكو
عمر بهمس لمراد ... وديني لأوريهم
مراد بنفس الهمس ...اصبر بس
المستر ... طيب اتفضلو وبعدين متبقوش تحطو المكياج اللي بتحطوه
رهف ... حضرتك احنا مش حاطين حاجه
المستر ... يعني الجمال دا رباني
مراد ... هو في حاجه يا مستر
المستر ... احم لا اتفضلو
مصطفي مالك يا يوسف
يوسف ... احنا نروقهم بعد المدرسه
رهف ... خلاص يا جماعه حصل خير ملوش لزوم تتخانقو عشانا
مصطفي ... مش انتو في شلتنا يبقا اللي يضايقو يضايقنا
مراد .. عندك حق يلا فاضل حصه
يوسف ... انتي بيتك فين يا رهف
رهف ... في *******
يوسف ... خلاص هروحك معايا انا بيتي هناك
رهف ... ملوش لزوم
يوسف ... علي فكره شهد وكارمن وعمر ومراد ومصطفي ساكنين جمب بعض وبيروحو وبيجو مع بعض واحنا بعدهم بحاجة بسيطه
رهف ... هو اهلكم عارفين انكم صحاب
يوسف ... طبعا لان كلنا جيران اصلا
رهف ... ماشي يلا علي الحصه
حضرو الحصه وخرجوا من المدرسه لقو شلة عاصم مستنياهم
يوسف .... بس كدا جم لقضاهم
مراد ... عمر خد البنات وقفهم بعيد
عمر ... حاضر تعالو معايا
شهد.... خلي بالكو من نفسكو
مصطفي ... يلا يا اختي
عمر بعد البنات شويه عن الخناقه عشان محدش يضايقهم
والولاد نزلو ضرب في بعض وشلة يوسف موتتهم من الضرب
مراد هههههههههههه ..ابقي اتعلمو ازي تتخانقو وتعالو احنا مستناينكو
يوسف ... لو فكرت تتعرض لأي واحده فيهم هتزعل انت واللي معاك
عمر ... يلا كفايه عليهم كدا
مصطفي ... اتفو عليكو
يوسف ... يلا يا جماعه
رهف ... احنا هنمشي منين
مراد ... يوسف بيتو بعدنا بشارع فا بيمشي معانا لحد عندنا ويكمل هو
رهف ... ماشي
مصطفي ... كويس اتعلمو الادب
عمر ... عشان يفكرو يبصو لحاجه مش بتاعتهم
شهد ضحكت بخبث ... يعني احنا بتوعكم
عمر ... كفايا سماجه
مصطفي ... مالك يا عمر براحه عليها
عمر ... حاضر يا سي مصطفي
وصلو لحد شارعهم رهف ويوسف سلام
الجميع سلام
يوسف ... مالك
رهف ... خايفه ماما متوافقش اني اصاحبكم
يوسف ... هخلي ماما تيجي تتعرف عليها بليل قولي لمامتك وهاجي معاها
رهف ... تنورو انت عمارتك انهي
يوسف ... هي دي
رهف ... انا كمان ساكنه في العمارة دي الدور الخامس
يوسف ... اي انتي طالعه كمان ف نفس الدور انا الدور الخامس بردو يلا قدامي علي الاسانسير
رهف ... براحه يسطا
يوسف ... يسطا خدتي عليا يا بطه
رهف ... بس يلا
يوسف .. حاضر يلا قولي لمامتك هنيجي بليل متنسيش
رهف ...حاضر
رهف دخلت البيت ....ماما يا ماما يا ست الكل
مها (مامت رهف )... بس يا بت عامله دوشه لي
رهف ... انا غلطانه اقعدي عايزه اتكلم معاكي
مها ... طب خشي غيري عقبال بابا ما يجي وتتكلمي واحنا بنتغدي
رهف .... ماشي
رهف غيرت وباباها جه وقعدو يتغدو
ابو رهف (مروان )... ها يا رهف عملتي اي في المدرسه
رهف ... الحمدلله بابا موافق اني اصاحب ولاد
مراون ... اشمعني
مها ... لا طبعا
مروان ... اصبري يا مها
رهف ... انا روحت المدرسه واتعرفت علي يوسف وهو عرفني علي شلتو وكلهم. محترمين وبعدين يوسف طلع جارنا في الشقه اللي قدامنا وهما كلهم ساكنين في الشارع اللي قبلنا
مروان ... موافق بس بشرط
رهف ... اي
مروان ... تحكيلي أو تحكي لمامتك كل حاجه
رهف ... من غير ما تقول يا بابا وبعدين دا انهارده في شلة ولاد عاكسوني انا وكارمن
يوسف جه هو والولاد وضربوهم
مها ... هما كام ولد في الشله
رهف ... يوسف ومراد وعمر ومصطفي
مها ... ماشي يا بنتي
مروان ... انا موافق عشان واثق
فيكي
رهف ... ربنا يخليك ليا يا بابا وانتي كمان يا ماما صحيح مامت يوسف هتيجي تتعرف عليكي بليل
مها ... تأنس وتنور
(اتمني لكم قراءه ممتعه)
Fatma goda
🌺🌺🌺🌺🌺🌺🌺🌺🌺🌺🌺🌺🌺
صداقه العمر
Part 2
في بيت يوسف
يوسف ... ماما في جيران جداد سكنو في الشقه اللي قدامنا وواجب علينا نزورهم
مامت يوسف داليا ... طبعا يا حبيبي بس ناخد ميعاد الاول
يوسف ... منا خدت الميعاد من بنتها وهما منتظرينا
داليا ... اه قولتلي بنتها شوفتها فين وامتي
يوسف ... اي يا ماما قاعد في تحقيق طلعت معانا في المدرسه وبقت من شلتنا ف عرضت عليها أوصلها معايا
داليا ... طيب تعالي نروحلهم
راحو وخبطو
مها ... افتحي يا رهف
رهف ... ايوه جايه فتحت ...ازيك يا يوسف ازيك يا طنط
داليا ... الحمدلله يا حبيبتي كنت جايه عايزه مامتك شويه
رهف ... طبعا اتفضلي هي مستنيه حضرتك
مها ... اهلا وسهلا اي النور دا
داليا .. البيت منور بصحابه
مها .. انت يوسف صح
يوسف ... اه ازي حضرتك
مها ... الحمدلله يا حبيبي كنت عايزه اشكرك علي اللي عملتو مع رهف
يوسف ... اي حد مكاني كان هيعمل كدا
مها ..ثانيه هجبلكم حاجه تشربوها
يوسف ... رهف انتي فهمتي درس الفلسفة بتاع انهارده
رهف ... اه دا بسيط
يوسف ... طب ممكن تشرحهولي
رهف ..ها
مها جت من جوا ... اه طبعا يا يوسف ساعدو بعض
داليا .. اه بدل ما حد فيكو فهم يفهم التاني
يوسف ... طنط هو ممكن انا ورهف نبقي نذاكر مع بعض لو ميضايقكيش
مها بتفكير ... ماشي يا يوسف هي زي اختك بردو
رهف ... طب هنقعد في البلاكونه عشان نركز
مها ... ماشي
دخلو البلاكونه وقعدو ورهف جابت الكتاب
فضلت تشرح ليوسف وهو كان مركز جدا
رهف ... اي يا ابني سرحت في اي
يوسف ... مفيش كملي
رهف كملت ... ها فهمت
يوسف ..اكتر مره فهمت فيها
رهف ... طب يلا نطلعلهم
داليا ... بس يا ستي وأبو يوسف مسافر علي طول بيجي كل سنه مره
مها ... ربنا معاه يا حبيبتي وبعدين يوسف بسم الله ماشاء الله قمر ورجال معاكي
داليا ... انا مخلفتش غيره انتي عندك ولاد تانين غير رهف
مها ... كان عندي تؤام رهف توفي من سبع سنين
رهف جريت علي اوضتها بتعيط
داليا ... مالها رهف يا مها
مها ... كل ما حد يجيب سيرتو تفضل تعيط وتتشنج
داليا ...طب تعالي نلحقها
مها ... سبيها هي شويه وتهدي وبعدين مها عيطت بردو
داليا ... بس يا حبيبتي دا قدر ربنا
مها ... رهف عندها حالة نفسيه بتخاف من الموت ودا اللي خلالنا نسيب القاهره
يوسف ... طب ينفع اخشلها انا
مها ... ماشي يا ابني يمكن تهدي
يوسف دخل لقها مرميه علي السرير وبتعيط
داليا .. خلاص يا حبيبتي يوسف هيهديها
مها ... يارب
يوسف ... بس متعطيش بقا
لو مبطلتيش عياط هقوم اقولهم حاولت تبوسني
رهف انصدمت من جرأته ... بعد اذنك أخرج
يوسف ... قعد علي سريرها وربع ايدو ورجله تؤتؤ مش خارج غير لما تبطلي عياط
رهف ... والنبي سيبني بقا
يوسف مسك أيدها ... بذمتك في قمر بيعيط طب ما تحكيلي يمكن ترتاحي
رهف بدموع ... اخويا كان تعبان دخل يعمل عمليه في القلب مخرجش من سعتها وانا بخاف من الموت وبخاف وعندي حالة نفسيه
يوسف ... اول حاجه بطلي عياط تاني حاجه دا قدرو
رهف الي حد ما هديت
يوسف .... خلاص بقي فكي التكشيره دي والا اطلع أقلهم انك عايزه تبوسيني لا انا ابن ناس ومحترم
رهف ضحكت ... خلاص يا بارد
يوسف ... يلا نخرج برا
خرجو برا ومها انصدمت لأن رهف مكانتش بتهدي غير بعد ساعتين علي الاقل دا مخدش عشر دقايق
مها ... يا سبحان الله دا كل ما تفتكره تفضل تعيط وتتشنج بالساعتين يظهر أن ليك سر باتع يا يوسف
يوسف ضحك ... طبعا يا طنط هو انا اي حد ولو حصلها كدا تاني ناديني انا بقيت دكتور نفسي
الكل ضحك
يوسف ...طنط انا بعد كدا هاخد رهف واحنا رايحين واجبها واحنا جايين من المدرسه عشان محدش يضايقها
مها ... والله يا يوسف انا حسا أنك قد المسؤلية ومحترم بس خلي بالك عليها
يوسف ... ف عنيا يا طنط
داليا ... نستأذن احنا بقي
مها ... لسه بدري
داليا ... مره تانيه انشاء الله يلا سلام عليكم
مها ورهف .. وعليكم السلام
مها ... قوليلي بقا يا ست رهف اي الحكايه
رهف .. معرفش بس تحسيه دكتور نفسي
مها ... يارب صبرني
رهف بضحك ... هيصبرك يا عسل
مها ... روحي نامي يا لمضه وراكي مدرسه بدري
رهف ... تصبحي علي خير
مها ... وانتي من اهل الخير يا حبيبتي
رهف دخلت نامت وكذالك يوسف
(بقيت الشله)
مراد ... بقولك يا عمر انا حاسس بحاجه غريبه
عمر ...اي
مراد ... مش عارف وبعدين متبقاش تزعق في. شهد تاني
عمر ... انت وقعت والا اي
مراد ... يعم اتنيل انا بقولك عشان انت احرجتها بس تعرف رغم أن هي عينيها سوده بس بحسها ليها جمال خاص
عمر ... اممم ازي يعني
مراد ... مش عارف بس هي جذابه
عمر ... وحد الله
مراد ... انت اللي دماغك شمال
عمر ... مش مرتاح لسكوت مصطفي انهارده
مراد ... انا كلمتو يجي يقعد معانا شويه قالي نازل مشوار
عمر ... ماشي بس بردو مش مرتاح
مراد ... تيجي نكلمه ونسأله
عمر ... يلا
ترن ترن
مصطفي ... ازيك يا ابو الصحاب
عمر ... الحمدلله يا زميلي
مراد ... اي يا عم هو للدراجادي صوتي مش باين
مصطفي ... اه مراد جعفر صوته مش باين يا جدع انا بطرش لما بتتكلم بس قولولي انتو بترنو لي
عمر ... بنطمن عليك اصلك انهارده كنت ساكت اوي
مصطفي ... يا عم والا ساكت والا حاجه كل الموضوع أن ابويا مسافر دبي ومش راجع دلوقت
مراد ... طب مش مامتك وسهيله اختك معاك والا هيسافرو
مصطفي ... لا قاعدين معايا
مراد ... طب يا عم هو هيقعد قد اي
مصطفي ... بيقول ممكن سنه بس هيجي يزورنا كل كام شهر
مراد ... ربنا يطمنكو عليه
مصطفي ... صحيح يا عمر انت أحرجت شهد أوي انهارده
عمر .... ما خلاص يا جدعان هتأسفلها الصبح
مراد ... ماشي سلام يا مصطفي
مصطفي .... سلام
مراد ... انا همشي بقي
عمر ... ماشي
مراد ... هتتأسف لشهد قدامنا والا لوحدكو
عمر ... لوحدنا ليه هو فرح قدامكو
مراد ..... هههههههههههه سلام يا بيبي
******************
في التليفون
كارمن ... مالك يا شهد
شهد ... عمر بيعاملني بطريقه زفت اوي انا كنت بهزر
كارمن ... معلش اكيد مش قصدو
شهد ... ماشي
كارمن ... بس اي السكوت اللي كنتي في انهارده كدا
شهد ... مش عارفه ممكن عشان لسه متعرفتش علي رهف
كارمن ... دي لذيذه خالص وطيبه
شهد ... خلاص بكره ابقي اتكلم معاها
كارمن ... طيب تصبحي علي خير
شهد ... وانتي من اهل الخير
************
(في صباح يوم جديد )
مها ... قومي يا رهف خلصي يوسف واقف مستني برا
رهف ... طب خمس دقايق وهكون جاهزه
مها ... خلي بالك منها يا يوسف
يوسف ... متخافيش يا طنط وبعدين احنا معانا كارمن وشهد متخافيش عليها
مها ... هو ينفع ابقي اتعرف علي اهلهم
يوسف ... اه طبعا هجبلك ارقام أمهاتهم بعد المدرسه
رهف ... انا اسفه علي التأخير
يوسف ... بقالي ساعه هنا
رهف ... خلاص يسطا يلا
يوسف ... قدامي
سلام يا طنط
رهف .. سلام يا ماما
ركبو الاسانسير
يوسف ... مالك هتخلعي ايدي
رهف ... بخاف من الاسانسير
يوسف ...اممم براحه وحياة امك اللي فوق دي ايدي ورمت
رهف شالت ايدها وبصت في الأرض
يوسف مسك أيدها ... انا مش قصدي خلاص اخلعيها عادي
نزلو وراحو علي صحابهم
رهف ... دول لسه منزلوش
كارمن ... اهي جت
كارمن ... صباح الخير
يوسف ورهف ... صباح النور
يوسف ... متعرفيش شهد نزلت والا لا
شهد ... بتلبس الكوتش
(شقه شهد قدام شقه كارمن ولاد عم )
(العماره اللي قادمهم شقه مراد وعمر جمب بعض ومصطفي تحتيهم )
مراد وعمر ... صباح الخير
الجميع .. صباح النور
كارمن ... مصطفي وشهد فين
مصطفي ..انا اهو جيت
شهد.... وانا اهو
يوسف ... طب يلا نروح المدرسة
عمر .. استنوا عايزه اقول حاجه انا اسف يا شهد اني زعقتلك امبارح
شهد ... ماشي يا عمر انت اخويا بردو
مشيو وراحو المدرسه
رهف ... يختييييييييييي انا زهقت
مراد ... وانا
يوسف ... خلاص البريك جه يلا ننزل
نزلو
مصطفي ... ما تيجو نلعب كوره عقبال ما البريك يخلص
عمر ... يلا
راحو وسابو البنات
شهد ... رهف متزعليش مني لو كلمتك بطريقه وحشه امبارح
رهف ... مش زعلانه يا حبيبتي
كارمن ... بصو الواد المز اللي هناك
رهف .... هههههههههههه عندك حق
شهد ... علي فكره مش حلو قوي
كارمن ... بس اسكتي دا مز
عمر من وراها .. اه اسكتي يا شهد دا مز
كارمن شهقت ... اي يا عم بتيجي زي القضي المستعجل لي كدا
عمر ... كنت جاي اشرب
كمل بهمس في ودن كارمن ... وديني لأوريكي مين المز
كارمن ... وحد الله انا بهرء معاهم
عمر ... استلقي وعدك
رهف ... هو بيكلمك كدا لي
شهد ... اصل الولد اللي هي بتقول عليه يبقي من شلة عاصم وعمر مبيكرهش حد قدهم
رهف ... اه قولتيلي
الولد جه عندهم (سيف)
سيف ... شيلي عينك من عليا يا كارمن واهدي بدل روميو ما يزعلك لو كدا تعالي انا مستنيكي بعد المدرسه في الشارع اللي ورا
كارمن ... جريت علي الحمام وفضلت تعيط والولاد لاحظو ف جم
مصطفي ... سيف كان بيعمل ايه هنا
رهف ...ها
مراد ... اخلصو
شهد .. جه قال لكارمن شيلي عينك من عليا بدل رميو ما يزعلك ولو كدا انا هستناكي بعد المدرسه في الشارع اللي ورا
عمر ... يابن ******
يوسف ... بس يا عمر اهدي
عمر ... روحي يا رهف انتي وشهد هاتوها من الحمام
رهف وشهد ...حاضر
رهف وشهد دخلو الحمام بس انصدمو
(اتمني لكم قراءه ممتعه )
Fatma goda
🌷🌷🌷🌷🌷🌷🌷🌷🌷🌷🌷🌷🌷
صداقه العمر
Part 3
رهف وشهد دخلو الحمام لقو أن سيف خارج من الحمام ومفيش حد غير كارمن جوا
شهد ... كارمن افتحي عملك اي الحيوان دا
كارمن فتحت واترمت في حضن رهف وشهد
رهف .. اهدي اي اللي حصل
كارمن بعياط .... حاول ... يتحرش بيا
شهد ... انا راحه لعمر خليكي معاها يا رهف
شهد خرجت لقيت الشلة كلها برا
عمر ... مخرجتش لي
شهد ... احم إحنا دخلنا لقينا سيف جوا ولما سألنها قالت حاول يتحرش بيها
مراد ... هي اكيد مش فاهمه هي عارفه معني الكلام دا اي
شهد .. اه سيف واحد قذر وعايز ينتقم منها وخلاص
عمر ... فهميني لي
شهد ... سيف كان عايز يصاحبها وهي رفضت وحاول كذا مره يتعرض لها برا المدرسه وهي لما شافتو انهارده مكنتش واخده بالها انو سيف
عمر .. طيب شهد خرجيها وانتو روحو الحصص
يوسف .. قالو انهارده نص يوم يعني هنروح عشان هيعملو شويه تصليحات
عمر ... تمام اوي ابن الك**** جاب آخرو معايا مش هو عايز يقابلها في الشارع اللي ورا تمام خشي هاتيها يا شهد
رهف ... اهدي يا حبيبتي
شهد ... تعالو اخرجوا انهارده نص يوم في تصليحات في المدرسه عمر عايزك
كارمن خرجت وشها في الأرض وبتعيط
عمر شدها من أيدها .. تعالي معايا
مصطفي ... أوقف متتهورش رايح فين
عمر ... سيبني يا مصطفي وديني ما انا سايبو
يوسف ... احنا جايين معاك
عمر ... لا هاخد مراد بس وانت خليك عشان لو حد منهم جه لرهف وشهد
عمر خد مراد كارمن وراحو الشارع اللي سيف قال عليه
كارمن بتعيط .. عمر وحياة امك نرجع انا خايفه
عمر .. بس متخافيش انا معاكي
سيف جه
سيف .. طب مش تقولي انك مقضياها كنت جبت عاصم بالمره
عمر راح عليه وفضل يضرب فيه ومراد شالو بالعافيه من عليه .. بس هيموت في ايدك
بعد كدا عمر كتفو ... تعالي اضربيه بالقلم
كارمن بالفعل راحت ضربتو بكل قوتها
عمر ... اقسملك بالله لو اتعرضلها تاني لا يكون اخر يوم في عمرك
سيف ... خلاص والله انا اسف مش هكلمها تاني
عمر خد كارمن ومراد. ومشيو
مراد ... يخربيت دماغك دا وشو باظ
عمر ... عشان يبقى يفكر يبصلها تاني
كارمن ... عمر مراد انا مش عارفه اشكركو ازي لو كان عندي اخوات مكانوش عملو كدا
مراد ... ميت مره نقول انتو اخواتنا وبعدين انا كنت جاي وناوي اضرب بس للأسف ميرو قام بالواجب
عمر .. بس يا زفت اتلم وبعدين اصبري يا اختي علي رزقك دا انا هموتك مراد اخلع دقيقتين
مراد .. هروح اجبلكو بيبسي
كارمن ... مالك بتبصلي كدا لي هتموتني
عمر ... قولتلي بقي مين اللي مز
كارمن ... والله كنت بهزر
عمر ... لا يا حبيبتي متبقيش تهزري احمدي ربنا ان كنا في المدرسه لو كنا ف حته تانيه كنت هموتك وبعدين انتي ازي متقوليش انو اتعرضلك كذا مره قبل كدا
كارمن ... اولا حبك برص ثانيا مكنتش عايزه اعمل مشاكل وخلاص
عمر ... لحق يعمل حاجه انهارده
كارمن .. مش فاهمه
عمر .. ياربي جاموسه لما دخل عليكي الحمام
كارمن بصت في الأرض ... حاول يلمسني بس انا ضربتو ولقيت البنات جم
عمر ... ارجوكي يا كارمن لما حاجه زي كدا تحصل تقوليلي
كارمن بخبث ... بصفتك اي
عمر ... احم بسم الله الرحمن الرحيم بصفتي جارك وزميلك في المدرسه وابويا صاحب ابوكي وامي صاحبت امك
كارمن ... اقنعتني
مراد ... خلصتو رغي خدو البيبسي اهو
********
يوسف ... هما اتأخرو كدا ليه
رهف... انا خايفه يكون سيف معاه حد ويضربو عمر ومراد وكارمن
مصطفي ... بس انتي وهو اي الفيلم الهندي دا هما جايين هناك اهم
شهد ... شهادة النصر علي وشهم
يوسف ... ها عملتو اي
مراد ... عمر دمر الواد
رهف غمزت ل كارمن وضحكت
مصطفي ... طب الحمدلله يلا نروح احنا في ثانوية عامة
شهد ... عندك حق يلا
روحو علي بيتهم
يوسف .. قدامي علي الاسانسير
رهف ... يسطا انت رزل ما براحه
دخلو الاسانسير ورهف تبتت في شنطتها بدل ما تمسك ايد يوسف
وهو لاحظ
يوسف ... اي مش خايفه
رهف .. ماسكه الشنطه
يوسف مسك ايديها ... اهدي يا اما
والاسانسير عطل
رهف ... دا بجد الاسانسير وقف
يوسف بضحك ... متقلقيش انا متعود علي كدا
رهف ... يلهووووييييي انا خايفه
يوسف رن علي عم عبدو
يوسف ... يا عم عبدو الاسانسير عطل بينا
عبدو ... ينهار اسود ومهبب طب مفيش حد دلوقتي من شركة الصيانه موجود
يوسف ... طب افضل اتصل لحد ما يردو رهف معايا وبتخاف
عبدو ... حاضر
رهف ... انا حسا اني هموت هنا
يوسف ... اقعدي لأن النور هيفصل
رهف قعدت
يوسف رن علي مامته
داليا ... يوسف انت اتأخرت كدا لي
يوسف ... الاسانسير عطل بينا أنا ورهف
داليا ... نهار اسود
يوسف ... انا متعود يا ماما روحي بس لمامت رهف وطمنيها عشان متقلقش سلام
داليا راحت لمها ... ازيك يا حبيبتي اتفضلي
داليا ... مش وقتو انا جيت اطمنك علي رهف
مها ... لسه مرجعتش وانا مش مرتاحه
داليا ... رجعت هي ويوسف والاسانسير عطل بيهم
مها ... لوحدهم
داليا ... متخافيش يوسف محترم
مها .. طب حد يكلم الصيانه
داليا ... متقلقيش كلمتهم وزمانهم جايين
يوسف ... تعالي نرغي نضيع الوقت
رهف ... اممم انا خايفه
يوسف... طب دلوقتي امسكي ايدي زي ما انتي عايزه لو دا هيهديكي
رهف مسكت ايدو جامد
رهف ... تعرف عجبني اوي عمر لما دافع عن كارمن
يوسف ... اممم عجبك من ناحية اي
رهف ... بعض النظر هو مز بصراحه بس حسيتو راجل بمعني الكلمة
يوسف .. مش يمكن غرض لحاجه في دماغه
رهف ... غرض اي
يوسف .. فكك
رهف ... طب احكيلي عنهم
يوسف ... بصي يا ستي عمر ومراد اتعرفت عليهم من أولي ابتدائي وفي اعدادي اتعرفنا علي مصطفي والبنات
رهف ... بحس مصطفي متوحد
يوسف ... خالص دا اعقل واحد فينا
مراد وعمر هما اللي هبا منهم
رهف ... امم طب احكيلي عنهم وعن اهلهم والبنات
يوسف ... عمر معندوش اخوات غير ولد اكبر منو اسمو عز بيشتغل عندهم شركات بتاعتهم
اما مراد ف باباه شريك أبو عمر ف الشركه ومعندوش اخوات
أما مصطفي أبوه السنادي بيشتغل في دبي وعندو اختو سهيله ومامته
شهد وكارمن ولاد عم ومعندهمش اخوات وابو شهد بيشتغل مهندس كبير وأبو كارمن دكتور كبير
أما أنا فا انا يوسف 17 سنه معنديش اخوات بابا علي طول مسافر في دول الخليج وهيرجع بس مش دلوقت عشان نفتح شركة
ومش مرتبط
رهف ... عايز تفهمني انك مش بتكراش علي حد
يوسف ... والله ما عارف
رهف ... طب وعمر ومراد ومصطفي
يوسف ... عمر اه بيكراش علي واحده
مراد لا
مصطفي لا بردو
رهف ... اه قولتلي طب رن علي حد يخرجنا من هنا
يوسف .. نور الاسانسير نور يبقي اشتغل
يوسف قام هو ورهف وشغلو الاسانسير والحمد لله طلع بيهم
رهف ... الحمدلله
يوسف ... يلا خشي وبكره نذاكر مع بعض
رهف .. ماشي
ودخلت لقت مامتها
مها ..حضنتها عملتي اي الاسانسير فتح
رهف .. اه الحمدلله أن يوسف كان معايا فضل يتكلم معايا عشان مخافش
مها ... محترم
رهف ... والله هو لحد دلوقتي هو محترم جدا وجدع
مها ... طب يا حبيبتي خشي ارتاحي عشان تقومي تذاكري انتي ثانويه عامه
رهف ... حاضر
رهف دخلت نامت شويه وبعد كدا قامت تذاكر
**********
مراد ... في التليفون شهد معلش ممكن تفهمني القانون دا
شهد ...ماشي ثانيه أحط الفون في الشاحن عشان ميفصلش
مراد ... ماشي
شهد .. بص .......
وفضلت تشرحلو نص ساعه
مراد ... والله انتي تنفعي تدرسي
شهد ... عرفه يا ابني
مراد ... طيب انا هقفل عشان نكمل مذاكره
*********
كارمن قاعده بتذاكر الفون رن وكان عمر
كارمن ... الو يا عمر
عمر ... عامله اي
كارمن ... الحمدلله
عمر ... بصي يوم الخميس الجاي عيد ميلادي وبعزمك اول واحده
كارمن ابتسمت .. احم كل سنه وانت طيب
عمر ... وانتي طيبه هتيجي صح
كارمن ... طبعا هاجي هتعملو فين
عمر ... في الكافيه *****
كارمن ... مش عارفه هو فين بس نبقي نشوف
عمر ... ماشي يلا سلام
كارمن ... سلام
************
مصطفي قاعد بيذاكر
جاتلو مسدج علي الفون
( ربنا معاك) مصطفي لسه هيكتب لقي الرقم عمل بلوك
حاول يعرف مين صاحب الرقم بس للأسف معرفش
***********
(اتمني لكم قراءه ممتعه)
Fatma goda
🌺🌺🌺🌺🌺🌺🌺🌺🌺🌺🌺🌺🌺
صداقه العمر
Part 4
في صباح يوم الخميس عيد ميلاد عمر
رهف .. ماما انتي موافقه اني اروح العيد ميلاد
مها ... موافقه عشان واثقه فيهم وفيكي وعرفت أن الولاد دي جدعه بجد كفايا اللي عملوا عمر مع كارمن وبعدين انا اتعرفت علي اهلهم كلهم ناس طيبين ومحترمين
رهف ... شكرا يا ماما
مها ... جبتيلو هديه والا لسه
رهف .. احم بصراحه يوسف وهو بيجيب الهديه بتاعتو جابلي معاه عشان كنت بذاكر
مها ... ماشي يا حبيبتي
رهف... طب هخش البس عشان يوسف ميزعقش وبعدين هنروح نجيب عربية يوسف من الجراچ
مها ... طيب هو عمر ومراد ومصطفي معاهم عربيات
رهف ... اه يا ماما انتي عارفه انهم مقتدرين ماديا بس مراد هياخد عربية أبوه ومصطفي أبوه عربيته موجوده
يعني عربيات ابوهم وكذلك عمر معندوش عربيه بأسمه دي عربيه أبوه يلا انا داخله البس
مها ... ماشي
***************
شهد ... يا ماما رهف هتروح مع يوسف وكارمن عمر هيستني في الكافيه مصطفي كلم مراد وقالو أن العربيه بتاعتهم بتتصلح فا انا هروح مع مراد ومصطفي
مامت شهد ... طيب يا شهد خشي البسي
شهد ...حاضر
***********
عمر ... عرفت هتعمل اي يا مراد
مراد ... طبعا هعمل اي بقي
عمر ... يابني هتجبلي الضغط والسكر كارمن هتيجي مع يوسف ورهف وانت هتيجيب شهد ومصطفي هيجو معاك
مراد ...خلاص فهمت طب انت ظبطت الكافيه
عمر ... اه بس فيه قرايبي جايين
مراد ... زي مين يعني
عمر... الشباب وكدا
مراد ... مامتك مش هتيجي
عمر ... قالتلي هتبقي تحتفل بيا في البيت عشان مبتحبش جو الكافيهات
مراد ... اشطا روح انت الكافيه عشان تستقبل الناس واحنا جايين وراك
عمر ... ماشي
**********
يوسف ... منك لله يلا
في الاسانسير
يوسف ... اي اللي انتي لابساه دا
رهف .. وحش
يوسف ... انتي عارفه أن قرايب عمر الولاد جايين
رهف... طب اعمل اي
يوسف ... رهف مش عايز امد ايدي عليكي
رهف ... انت هتتجنن والا اي تمد ايدك عليا ازي
يوسف ... انتي مش شايفه نفسك انتي حلوه بتعملي حاجات تحليكي زياده امسحي الروج دا
رهف ... لا شكلو حلو
يوسف طلع منديل .. وفضل يمسح الروج وكان مركز علي عين رهف وهي اتكسفت
رهف ... خلاص يا عم فرح امك هو
يوسف .. كدا احلي
**********
مصطفي ... يا عم رن علي شهد الجو ساقعه
مراد ... اصبر
ترن ترن
شهد .. ايوه يا مراد
مراد ... ما تخلصي يا بنتي
شهد ... خلاص انا في الاسانسير يوسف جه
مراد ... اه ومستني كارمن
شهد ...طيب سلام
مصطفي .. قالتلك اي
مراد ... ما تصبر نازله
يوسف ... عاملين اي
مراد ومصطفي ... الحمدلله
رهف ... هالو
مصطفي ...اوبا
مراد ... القمر نزل الأرض
يوسف ... وديني لو ما احترمتو نفسكو لأربيكو
مراد ...خلاص احنا اسفين
شهد وكارمن نزلو وكانو في غاية الجمال
وشهد أثبتت أنها جميله جدا
مراد ... ينهار اسود
يوسف ... هما مين دول
مصطفي ...لا الله الا الله
رهف ... انا اول مره اشوف جمال كدا انتي كنتي مداريه جمالك يا شهد
شهد ... خلاص كفايا بحلقه فيا
مراد ... انتي جميله اوي
شهد اتكسفت ..شكرا يلا اتأخرنا
يوسف ... علي فكره كدا مينفعش خالص
كارمن ..في اي
مصطفي ... اصلكو حلوين بزياده واحنا كدا هنتخانق
البنات ضحكو
مراد ... كارمن عمر هيولع فيكي
كارمن ... واشمعنا انا
عمر ... عشان انتي لابسه ضيق والفستان قصير
كارمن ... رهف وشهد لابسين زي يلا
كارمن ركبت مع يوسف ورهف
وشهد ركبت مع مراد ومصطفي
وصلو ونزلو من العربيتين
مراد .. بصو عشان محدش يضايقكو خليكو معانا
رهف ... يا مراد انتو مربوطين بينا جامد سيبونا انهارده
يوسف .. عندك حق يا مراد
شهد ... انتو متفقين علينا
مصطفي ... عشان خايفين عليكو
مراد .. بس يلا نخش وانت يا يوسف خلي رهف معاك وانا هاخد شهد ومصطفي مع كارمن
يوسف .. اشطا
دخلو وعمر كان محضر كل حاجه بس اتفاجأ لما شاف البنات لابسين فساتين زي بعض وقصيره
عمر .. الله الله اي دا انشاء الله
مراد ... معلش لما نروح نتخانق براحتنا عدي الليله دا حتي عيد ميلادك
عمر ... ماشي اما نشوف اخرتها
عدي شويه وقت وجه وقت يطفو الشمع
النور اطفي والشمع ولع
الجميع وعمالين يغنو ومبسوطين
شهد ..حست بإيد بتتحط عليها لقتو ولد من صحاب عمر
شهد بعدت عنو وراحت جمب مراد
مراد بهمس .. مالك
شهد .. مفيش بس عشان معرفش حد جيت جمبك
مراد .. هحاول اصدقك
طفو الشمع وكارمن كانت جمب عمر
كارمن ... كل سنه وانت طيب يا عمر
عمر.. وانتي طيبه
كارمن ..اتفضل
عمر .. فتحها
كان مج عليه صورتو وصوره ليهم كلهم وصوره ليهم لوحدهم
وتيشرت اسود لانو بيحب الاسود جدا
ومحفظه جلد سوده
كارمن .. اي رأيك
عمر ... تحفه انتي عارفه انا بحب الاسود قد اي
كارمن ...عارفه
والكل ادالو الهديه وقالو كل سنه وانت طيب
وفضلو يرقصو
لحد ما العيد ميلاد خلص
خرجو برا عشان يروحو
مراد وشوش عمر ..قالو أن شهد في حاجه حصلت عشان يفهم منو يخلي مصطفي يركب مع يوسف
عمر .. كارمن تعالي روحي معايا
كارمن ..طب ما اركب مع يوسف ورهف
عمر .. لا مصطفي هيركب معاهم عشان مامت مراد اتصلت بي وقالتلو انها عايزه حاجات ف هياخد شهد عشان مش هيعرف يجيب الحاجة
كارمن ..ماشي
يوسف .. طيب انا هاخدهم واروح سلام
مراد وعمر سلام
عمر .. يلا يا كارمن
كارمن .. هتتأخري يا شهد
مراد .. لا يا كارمن هتيجي علي طول واستنيها علي ماتيجي عشان مامتها متزعقش
كارمن ..حاضر يلا يا عمر
كارمن ركبت عمر
وشهد مع مراد
عمر .. بصي انا عديت فكرة الفستان اللي انتي لابساه بمزاجي
كارمن .. ممكن أسألك سؤال
عمر .. اسألي
كارمن .. انت لي بتعمل كدا
عمر وقف العربيه وبصلها
عمر .. بعمل اي
كارمن ... بتعاملني غير شهد ورهف لي
عمر ... عادي
كارمن ... ماشي
عمر ... زعلتي
كارمن ... اصل من حقي افهم ساعة ما سيف جه كلمني انت الوحيد اللي كنت بتتكلم بحرقه اوي مع أن يوسف ومصطفي ومراد كانو مضايقين بس انت كنت عصبي بطريقه وانا من حقي افهم
عمر .. بصي يا كارمن مينفعش تيجو عيد ميلاد بالمنظر دا وانتو عارفين ان في ولاد من الطبيعي هيبصو عليكو
واظن بردو أن هما مش هيبصو واحنا نسكت
كارمن .. ماشي اطلع
عمر .. هنستني اما مراد يكلمني
كارمن .. ماشي
************
مصطفي .. تسلم يا يوسف علي التوصيله
يوسف .. يلا يا عم بطل هبل
مصطفي ..ماشي سلام يا رهف
رهف .. سلام يا درش
رهف بصت علي يوسف كان فاضل تكه ويولع فيها
رهف .. مالك
يوسف ... مفيش
روحو يلا قدامي
رهف .. حاضر
يوسف فتح الاسانسير وركبوا وطلعو
*******
شهد .. مراد مامتك عايزه نجبلها اي
مراد وقف بالعربيه
مراد .. احكي انا سامعك
شهد بتوتر ... احكي اي
مراد .. اخلصي اي اللي حصل في العيد ميلاد خلاكي خوفتي اوي كدا
شهد بتوتر ودموع .. محصلش
مراد مسك ايديها ... اهدي وفهميني
شهد .. في واحد واحنا ينطفي الشمع حط ايدو علي وسطي ف خوفت وجيت جمبك
مراد اتعصب ... وانتي متكلمتيش ساعتها لي
شهد .. خوفت العيد ميلاد يبوظ
مراد ..تعرفي اسمو اي
شهد .. سمعت حد بيقولو يا معتز
مراد طلع صورتو من الواتساب ..هو دا
شهد .. أه انت تعرفو
مراد ..اه يبقي ابن صاحب ابويا انا وعمر وعزمو عشان في شغل بين أبوه وأبو عمر
شهد .. هتعمل اي
مراد .. اسكتي
عمر رن علي مراد .. اي يا مراد انت فين
مراد .. اصبر نص ساعة وجايين
عمر .. كارمن مامتها بترن
مراد .. خليها تقولها أن العربيه عطلت وجايين
عمر ..متتأخرش
مراد رن علي معتز .. معتز تعالي عايزك حالا
معتز ... في حاجه والا اي
مراد .. تعالي هفهمك بسرعه
معتز ... انت فين
مراد .. في الشارع اللي ورا الكافيه
معتز ..دقيقتين وجاي
مراد قفل
شهد .. انت هتعمل اي
مراد .. هعرفو يبقي يلمسك ازي
شهد .. والنبي بلاش يلا مش عايزه مشاكل
مراد .. اسكتي خالص
معتز جه وشاف شهد مع مراد اتوتر
معتز .. خير يا مراد
مراد .. تعالي انت واقف بعيد لي
معتز .. اهلا يا انسه
مراد ... لا ازعل انت مش عارفها
معتز .. اول مره اشوفها
مراد .. ضربو بالبونيه هنستهبل مش دي اللي حطيت ايدك عليها يا روح امك
معتز .. اهدي هفهمك
مراد .. لا ياروحي انا اللي هفهمك
مراد قلع الحزام وفضل يضرب فيه
شهد ..بالله عليك كفايا والنبي
مراد .. كفايا كدا دي عشان تفكر تبقي تلمس حاجه تخصني
معتز ... والله ما كنت اعرف انها تخصك
مراد.. واديك عرفت شهد تخصني
مراد ركب العربيه وشهد ركبت جمبو
مراد .. لما يحصل حاجه زي كدا تقوليلي
شهد ..حاضر بس اي حكايه شهد تخصني احكيلي عادي
مراد .. اي قولت حاجه غلط
شهد .. بستفسر بس
مراد .. اه انتي تخصيني والا ليكي رأي تاني
شهد اتكسفت .. احم طب يلا عشان اتأخرنا
شهد رنت علي كارمن .. انتي فين يا كارمن روحتي
كارمن .. لا انا مع عمر مستنياكي عشان محدش يزعق
شهد ..طيب استنونا في الجراچ
كارمن .. ماشي وقفلت
كارمن .. يلا نروح نركن في الجراچ وهما هيجو هناك
عمر .. ماشي
وراح الجراچ
عمر .. عايز أسألك سؤال
كارمن .. ها
عمر ... هو انتي معجبه بسيف
كارمن .. بلاش هبل وانزل
عمر انبسط .. يلا
نزلو وسندو علي العربيه مستنين مراد عشان يطلعو مع بعض
شهد .. هدي شويه هنعمل حادثه
مراد .. ماتخافيش
وصلو الجراچ لقو عمر وكارمن وعمالين يضحكو ركنو ونزلو
مراد .. متقوليش لحد علي اللي حصل
شهد .. حاضر
نزلو
كارمن .. كنتو فين
شهد .. ك.ن.ا.
مراد .. كنا بنشوف هديه لماما وملقناش
عمر .. طب يلا قدامنا
مشيو وكارمن وشهد قدامهم
(كارمن وشهد ومراد وعمر الشارع عارف انهم زي اخواتهم محدش يقدر يتكلم )
كارمن وشهد طلعو وعمر و
مراد طلعو
عدت فتره وكلهم بيقربو من بعض
وقربت فتره الامتحانات
رهف .. انا خايفه يا ماما
مها .. متخافيش ربنا معاكي مامت عمر اتصلت وقالت إن كلكو تروحو تذاكرو هناك عشان عز هيذاكرلكو اللي مش فاهمينه
رهف .. كارمن وشهد هيرحو والا لا
مها ... اتصلت بأمهاتهم وقالو هيروحو عشان في حاجات مش فاهمنها
رهف ..حاضر
في بيت عمر
مامت عمر ... عز انا اتصلت بأمهاتهم عشان تذاكرلهم كلهم انهارده الامتحانات قربت وانت شاطر
عز .. حاضر عمر قالي
الباب خبط كان مراد ورهف ويوسف ومصطفي وشهد وكارمن
كلهم ... ازيك يا طنط
مامت عمر.. ازيكو يا حبايبي اتفضلو
دخلو والولاد سلمو علي عز
عز .. ازيكو يا كتاكيت
رهف .. الحمدلله
عز .. انا اول مره اعرف أن الولاد دي بيصاحبو بنات حلوه
يوسف .. ضرب عز ف كتفه اخرس
عز .. براحه يا عم حاضر
عز .. طب عرفوني مين فيكو شهد
شهد ..انا
عز .. مشاء الله ازيك
شهد .. كويسه الحمدلله
عز ..وانت اكيد رهف
رهف ..صح
عز .. يبقي انتي كارمن
كارمن .. صح
شهد هو انت تعرفنا
عز .. طبعا عارفكو من كلام العيال دي عليكو
مراد ويوسف ضربوه في رجله
عمر .. اهلا اهلا نورتو البيت
عز .. يلا قدامي علي السفره وفهموني مش فاهمين اي
عز فضل يفهمهم ومامت عمر كل شويه تجيب حاجات يشربوها وساندويتشات
فضلو كل كام يوم يروحو وعز يفهمهم
لحد ما جه معاد الامتحانات والحمدلله خلصت وجابو مجاميع كويسه جدا وكلهم اتفقو يدخلو نفس الكليه
في الاجازه بعد الامتحانات
قررو يطلعو مصيف
(اتمني لكم قراءه ممتعه)
Fatma goda
🌺🌺🌺🌺🌺🌺🌺🌺🌺🌺🌺🌺🌺
صداقه العمر
Part 5
داليا ... مبروك يا حبيبي
يوسف ... الله يبارك فيكي يا ماما
داليا ... احنا لازم نحتفل بيك انت وصحابك
يوسف .. عندي طلب منك
داليا .. اطلب
يوسف .. نتطلع مصيف كلنا
داليا .. طب وهما موافقين
يوسف .. بيقنعو اهلهم ولو مقتنعوش تقنعيهم انتي ماشي
داليا ... ماشي يا ابني
عمر بيخبط
يوسف .. براحه يازفت جاي
يوسف فتح
عمر .. اي يسطا دا لطعني علي الباب دقيقتين بحالهم
يوسف ... خلاص اطلع وخبط تاني ومش هفتح
داليا .. يا عيال مش هتكبرو ابدا
عمر .. وسع كدا خليني اسلم علي حبيبتي
عمر جري علي داليا وحضنها
داليا ... وحشتني اوي يا عمر
عمر ... مبتسأليش عليا
داليا ..يا بكاش انا كل يوم بكلم امك وأسأل عليك انت وعز
عمر .. طب بالمناسبه جاي اقولكم ماما وعز وافقوا أن إحنا نطلع كلنا مصيف
يوسف ... الحمدلله
داليا .. معتقدش مها هتوافق عشان شغل مروان جوزها
عمر .. يلا يا طنط اقنعيها
يوسف .. يلا قدامنا علي هناك
داليا ... حاضر يا خويا انت وهو انتو هتيجو معايا
عمر ويوسف ... اه يلا
راحو بيت رهف
رهف فتحت .. اهلا اهلا
داليا .. يا بت من ساعة الامتحانات ما خلصت مشوفتكيش
رهف بوشوشه .. عاملين حصار هنا خشو
رهف .. عمور وحشتني والله
عمر .. وانتي اكتر امك فين
رهف ..هندها
عمر .. مالك يا جو هيطقلك عرق
يوسف .. وديني لأربيك لما نروح
عمر بضحك... شايفه يا طنط ابنك
داليا .. اخرسو انتو الاتنين
عمر ويوسف .. براحه الاه
مها .. اهلا اهلا نورتو
داليا ... دا نورك يا حبيبتي عامله اي
مها ... الحمدلله يا داليا ازيك يا يوسف ازيك يا عمر
يوسف وعمر ... ازيك يا طنط
مها... هاتي عصير يا رهف
رهف ... حاضر
داليا .. جايه اقولك علي حاجه بسبب القرود دول
عمر بهمس .. امك بتظيط
يوسف .. اسكت احسن تضربنا
رهف جابت العصير
داليا ... العيال قررو أن إحنا نطلع مصيف كلنا
مها .. والله فكره حلوه
يوسف ... يعني موافقه
مها .. اه لأن مروان كان بيقولي الصبح نطلع مصيف كلنا الاولاد تغير جو
عمر ... فين عمو مروان ابوسو
كلهم ضحك ومروان جه من الاوضه
مروان ... انا اهو يا لمض
عمر ... اونكل مروان حبيبي
.مروان .. اقعد يلا اما نشوف بتتفقو علي اي
داليا .. ازيك يا استاذ مروان
مروان .. استاذ اي احنا بقينا اكتر من اهل
داليا .. دا العشم والله
مروان .. انا موافق نطلع مصيف كلنا
داليا .. الحمدلله عمر ويوسف كلو دماغي
رهف بهمس .. انتو عملتو اي
عمر .. روحت فضلت ازن عليها بس الغريب أنها كانت موافقه
رهف ضحكت
يوسف قام .. طيب يا جماعه انا هاخد عمر ورهف نروح نقنع الباقي
رهف ..داخله البس
وفعلا راحو وفضلو يقنعو في الباقي
( في الطريق الي شرم الشيخ )
كانو رايحين بسوبر جيت
رهف جامب كارمن وشهد جمب سهيله
ومراد وعمر ويوسف ومصطفي كانو قاعدين في الكنبه اللي وراهم
وصلو شرم
مراون .. حمدالله على السلامه يا جماعه
الجميع .. الله يسلمك
مروان .. تعالي يا عز معايا نجيب المفاتيح
عز .. حاضر
ابو عمر .. بس الفندق هايل
ابو مراد .. جميل جدا
مامت كارمن .. كارمن لمي شعرك الجو حر
كارمن ... معلش والنبي يا ماما
ابو كارمن يسري .. سبيها يا مي
ميس مامت شهد .. مالك يا احمد
احمد ابو شهد .. مفيش عايزه ارتاح الطريق كان طويل
مروان .. اتفضلو المفاتيح
عمر ... الله عليك يا اونكل يا جامد
مروان ... عيب عليك
احمد .. طب انا طالع ارتاح
ميس .. خدني معاك
الكبار كلهم .. واحنا كمان
الشباب .. اي يا جماعه الكسل دا
احمد ... بس كفايه لماضه اقعدو انتو
مراد .. ماشي تعالو نروح نتمشي
الكبار طلعو الاوض والشباب راحو علي البحر
شهد ... الميه شكلها حلو اوي
كارمن ... تحفه
رهف ... تعالو نقعد هنا
عمر .. تعالو احنا نلعب كوره
كارمن ... تعالو نتفرج عليهم
مراد قسم الفرقه
يوسف وعمر ومراد
وعز ومصطفي مع بعض
عز .. احنا اتنين وانتو تلاته
مراد .. انت بتعرف تلعب
مصطفي ... طب ما يوسف بيلعب جامد
عمر ... بس خلاص ليكو فرصه
عز .. ماشي
لعبو الماتش
مراد ... انت بتهبب اي يخربيت اللي علمهالك
رهف ... استوووووب عايزين نلعب
يوسف .. نعم انتي كمان
شهد .. اه والنبي بقي
عمر ... خلاص ياعم نزلهم عشان نموت من الضحك
كارمن ... هنوريك
عز .. كارمن معاكو ورهف وشهد وسهيله معانا
مراد ..يلا طيب
لعبو وفعلا فريق عز كسب
شهد .. عشان تبقو تتحدونا
مراد .. خلاص انتو اتعلمتو كوره فين
رهف .. كنا بنشوفكو وانتو بتلعبو في المدرسه
يوسف .. طب تعالو نروح ناكل
راحو كلو وبعد كدا طلعو نامو
شهد وسهيله مع بعض وكارمن ورهف مع بعض
ومراد وعمر ويوسف مع بعض وعز ومصطفي مع بعض
عز .. والا انا مش مرتاحالك متحكيلي مفيش واحده كدا والا كدا
مصطفي ... مش عارف يمكن معنديش قلب احكيلي انت
عز .. هقولك علي حاجه بس متزعلش
مصطفي ... قول يا وش المصايب
عز .. معجب بي سهليه
مصطفي ..سهيله مين
عز .. اختك يادرش
مصطفي .. اخ..ت ... نهار ابوك اسود بتستغفلني يا عز
عز بيجري منو .. اهدي يا درش والله ما كلمتها
مصطفي .. والله ما انا سايبك
مراد وعمر ويوسف ...جم علي صوتهم
مراد .. في اي مالك يا عز واقف كدا لي
عز .. درش بيزعقلي عشان بقول اني معجب بسهيله اختو
عمر ويوسف ضحكو .. يلا يا مراد يستاهل اللي هيعملو فيه
عز .. اه يا خنازير هتسيبوني لوحدي
عمر .. تستاهل
خرجو
عز ... اهدي والله هفهمك
مصطفي .. قعدت فهمني
عز .. انا معجب بيها من زمان بس قولت استني الفرصه
مصطفي .. يعني عايز تتجوزها والا بتتسلي
عز ... لا هتجوزها
مصطفي ... تبقي تطلبها مني ومن بابا
عز .. اومال انا بهبب اي انا طالب ايد سهيله منك
مصطفي .. بالنسبالي موافق بس لسه رأيها ورأي بابا
عز .. طب بالله عليك سيبني انا اسألها بكره
مصطفي .. ماشي أما اشوف اخرتها
والكل نام
(اتمني لكم قراءه ممتعه)
Fatma goda
تعليقات
إرسال تعليق